ରାଜ୍ୟ | ବାଲେଶ୍ୱର

ହାତୀ ଉଜାଡ଼ିଲେ ୨୦ ଏକର ଫସଲ

ହାତୀ ଉଜାଡ଼ିଲେ ୨୦ ଏକର ଫସଲ
ଚମ୍ପୁଆ,୧୧ା୯(ଡି.ଏନ.ଏ.)-କେନ୍ଦୁଝର ଜିଲା ଚମ୍ପୁଆ ରେଞ୍ଜରେ ଦିନକୁ ଦିନ ବଢୁଥିବା ହାତୀ ଉପଦ୍ରବ କମିବାକୁ ନା ଧରୁନାହିଁ ।  ଫଳରେ ସିଧାସଳଖ ଏହାର ପ୍ରଭାବ ଚାଷୀ କୁଳ ଉପରେ ପଡିଛି ।  ଦିନବେଳା ଜଙ୍ଗଲ ଭିତରେ ରହୁଥିବା ଏହି ହାତୀପଲ ଚାଷ ଜମିକୁ ଓହ୍ଲାଇବା ସହିତ ଫସଲ ନଷ୍ଟ କରି ଚାଲିଛନ୍ତି। ବନ ବିଭାଗ କର୍ମଚାରୀମାନେ ଏହି ହାତୀ ପଲଙ୍କୁ ଘଉଡ଼ାଇବାକୁ ଅସମର୍ଥ ହୋଇପଡ଼ିଛନ୍ତି। ହାତୀ ପଲଙ୍କ ଯୋଗୁ ଗ୍ରାମବାସୀ ଏକ ପ୍ରକାର ଆତଙ୍କିତ ଅବସ୍ଥାରେ ରହୁଛନ୍ତି। ସପ୍ତାହ ମଧ୍ୟରେ ହାତୀ ପଲ ୨୦ ଏକରରୁ ଊର୍ଦ୍ଧ୍ୱ ଧାନ ଫସଲ ନଷ୍ଟ କରିସାରିଲେଣି ।  ବର୍ତ୍ତମାନ ଚମ୍ପୁଆ ସେକ୍ସନ୍‌ରେ ୩୫, ବାଲିବନ୍ଧ ସେକ୍ସନ୍‌ରେ ୧୮ ଓ ବାମେବାରୀ ସେକ୍ସନ୍‌ରେ ୧୪ଗୋଟି ହାତୀ ରହିଛନ୍ତି। ଗତ ସୋମବାର ହାତୀ ପଲ ଚମ୍ପୁଆ ସେକ୍ସନ୍‌ର ଚିମିଳା ଅଞ୍ଚଳରେ ବାଣେଶ୍ୱର ନାଏକ, ରାମଚନ୍ଦ୍ର ନାଏକ, ଦିଲ୍ଲୀପ ନାଏକ, ମଧୁ ବେହେରା, ପ୍ରଶାନ୍ତ ବାରିକ, ଗଣେଶ୍ୱର ବାରିକ, ଚିନ୍ତାମଣି ମହାନ୍ତ, ରମାକାନ୍ତ ବାରିକ, ତରୁଣ ପାତ୍ର ସମେତ ବହୁ ଲୋକଙ୍କ ଧାନ ଫସଲ ନଷ୍ଟ ହୋଇଛି। ବନ ବିଭାଗ କେବଳ ହାତୀ ଘଉଡାଇବା ପାଇଁ କେବଳ ବାଣ ଫୁଟାଇ ନୀରବରେ ବସି ଯାଉଥିବା ଅଭିଯୋଗ ହେଉଛି। ଏପଟେ ଧାର କରଜ କରି ଚାଷ କରୁଥିବା ଲୋକଙ୍କ ଫସଲ ଉଜୁଡ଼ିବାରେ ଲାଗିଛି। 
All Right Reserved By

ରାଜ୍ୟ | ବାଲେଶ୍ୱର

ଚିଲିକା: ରାତିରେ ଚାଲିଛି ବିଦେଶୀ ପକ୍ଷୀ ଶିକାର

ଚିଲିକା: ରାତିରେ ଚାଲିଛି ବିଦେଶୀ ପକ୍ଷୀ ଶିକାର

କଣାସ, ୧୬।୧୧(ସ୍ବ.ପ୍ର.)-ଉତ୍ତର ଗୋଲାର୍ଦ୍ଧରେ ଶୀତର ପ୍ରକୋପ ବୃଦ୍ଧିପାଇବାରୁ ଚିଲିକାକୁ ବିଦେଶୀ ପକ୍ଷୀଙ୍କ ସୁଅଛୁଟିଛି। ବିଦେଶୀପକ୍ଷୀଙ୍କ କଳରବରେ ମୁଖରିତ ହୋଇଉଠିଛି ଚିଲିକା। ପ୍ରତ୍ୟେକ ବର୍ଷ ବିଭିନ୍ନ ଦେଶରୁ ୬ଲକ୍ଷରୁ ୮ଲକ୍ଷ ପର୍ଯ୍ୟନ୍ତ ବିଦେଶୀପକ୍ଷୀ ଆସି ଚିଲିକାରେ ପହଞ୍ଚୁଥିବା ଗଣନାରୁ ଜଣାପଡିଛି। 

ଝାଡ଼ଖଣ୍ଡ ହାତୀଙ୍କ ଉପଦ୍ରବ ଜାରି: ଭୟରେ ଗଁ। ଛାଡିଲେ ଲୋକେ

ଝାଡ଼ଖଣ୍ଡ ହାତୀଙ୍କ ଉପଦ୍ରବ ଜାରି: ଭୟରେ ଗଁ। ଛାଡିଲେ ଲୋକେ

ସଜନାଗଡ଼,୧୬।୧୧(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି କୁଲଡ଼ିହା ପାଦଦେଶରେ ତିନିକୋଶିଆ ସଂରକ୍ଷିତ ଜଙ୍ଗଲରେ ୫୮ରୁ ଊର୍ଦ୍ଧ୍ୱ ଝାଡ଼ଖଣ୍ଡ ହାତୀ ଫେରିବାର ନାଁ ନେଉନାହାନ୍ତି। ଦଳରେ ଥିବା ପାଇଲଟ ଦନ୍ତାଗୁଡ଼ିକ ସୌରବାଡ ଓ ଟ୍ରେଞ୍ଚକୁ ମାନୁ ନାହାନ୍ତି। 

କଣ୍ଠଶିଳ୍ପୀ ଶାନ୍ତିଲତା ବାରିକ ପାଇଲେ ପ୍ରାଣନାଥ ସଙ୍ଗୀତ ସମ୍ମାନ

କଣ୍ଠଶିଳ୍ପୀ ଶାନ୍ତିଲତା ବାରିକ ପାଇଲେ ପ୍ରାଣନାଥ ସଙ୍ଗୀତ ସମ୍ମାନ

ଖୋର୍ଦ୍ଧା ଅଫିସ,୧୬।୧୧: ଖୋର୍ଦ୍ଧା ପ୍ରାଣନାଥ ସ୍ବୟଂ ଶାସିତ ମହାବିଦ୍ୟାଳୟରେ ମହାନ ସ୍ବାଧୀନତା ସଂଗ୍ରାମୀ, ବିପ୍ଳବୀ ଜନନେତା ସ୍ବର୍ଗତ ପ୍ରାଣନାଥ ପଟ୍ଟନାୟକଙ୍କ ଶୁକ୍ରବାର ୧୧୩ ତମ ଜୟନ୍ତୀ । ଏ ନେଇ  ପ୍ରାଣନାଥ ସଙ୍ଗୀତ ସମ୍ମାନ ପ୍ରଦାନ ଉତ୍ସବ ଶୁକ୍ରବାର ଅନୁଷ୍ଠିତ ହୋଇଯାଇଛି ।

ଜିଲାପାଳଙ୍କ କାର୍ଯ୍ୟାଳୟ ଆଗରେ ଅନଶନରେ ବସିଲେ ସୀମାଞ୍ଚଳ

ଜିଲାପାଳଙ୍କ କାର୍ଯ୍ୟାଳୟ ଆଗରେ ଅନଶନରେ ବସିଲେ ସୀମାଞ୍ଚଳ

ନୟାଗଡ଼ ଅଫିସ,୧୬ା୧୧-ସାହିର ରାସ୍ତାକୁ ପକ୍କା କରିବା, ବିଶୁଦ୍ଧ ପାନୀୟ ଜଳ ଯୋଗାଇଦେବା, ସରକାରୀ ନଳକୂପ ବସାଇବା ଓ ସାହିରେ ସୋଲାର ଲାଇଟ୍‌ ଲଗାଇବା ଆଦି ୪ ଦଫା ଦାବିରେ  ଜଣେ ବ୍ୟକ୍ତି ଗୁରୁବାର ଜିଲାପାଳଙ୍କ କାର୍ଯ୍ୟାଳୟ ଆଗରେ ଆମରଣ ଅନଶନରେ ବସିଥିତ୍ଲେ। ପୂର୍ବରୁ ମଧ୍ୟ ସେ ଅନଶନ କରିଥିଲେ।

ଆଜିଠାରୁ ରାଜ୍ୟସ୍ତରୀୟ ନବଜାତ ଯତ୍ନ ସପ୍ତାହ ଆରମ୍ଭ, ଏସ୍‌ଏନ୍‌ସିୟୁରେ ଶ୍ରେଷ୍ଠ ପ୍ରଦର୍ଶନ କରିଥିବା ୩ ସ୍ବାସ୍ଥ୍ୟକେନ୍ଦ୍ର ପୁରସ୍କୃତ

ଆଜିଠାରୁ ରାଜ୍ୟସ୍ତରୀୟ ନବଜାତ ଯତ୍ନ ସପ୍ତାହ ଆରମ୍ଭ, ଏସ୍‌ଏନ୍‌ସିୟୁରେ ଶ୍ରେଷ୍ଠ ପ୍ରଦର୍ଶନ କରିଥିବା ୩ ସ୍ବାସ୍ଥ୍ୟକେନ୍ଦ୍ର ପୁରସ୍କୃତ

ଭୁବନେଶ୍ୱର,୧୬।୧୧(ବ୍ୟୁରୋ): ରାଜ୍ୟସ୍ତରୀୟ ନବଜାତ ଯତ୍ନ ସପ୍ତାହକୁ ଶୁକ୍ରବାରଠାରୁ ଆରମ୍ଭ ହୋଇଛି। ଏହା ଆସନ୍ତା ୨୧ ତାରିଖ ପର୍ଯ୍ୟନ୍ତ ଚାଲିବ। ସ୍ବାସ୍ଥ୍ୟ ଓ ପରିବାର କଲ୍ୟାଣ, ଆଇନ, ସୂଚନା ଓ ଲୋକସମ୍ପର୍କ ମନ୍ତ୍ରୀ ପ୍ରତାପ ଜେନା ଏହାକୁ ଶୁଭାରମ୍ଭ କରିବା ସହ ଶିଶୁଙ୍କ ଚିକିତ୍ସା ନିମନ୍ତେ ସ୍ବାସ୍ଥ୍ୟକେନ୍ଦ୍ର ମାନଙ୍କରେ ନିୟୋଜିତ ଡାକ୍ତର ଓ କର୍ମଚାରୀଙ୍କ ତାଲିମ ନିମନ୍ତେ ତାଲିମ୍‌ଦାତାମାନଙ୍କର ତାଲିମ୍‌ କାର୍ଯ୍ୟକ୍ରମକୁ ମଧ୍ୟ ଉଦ୍‌ଘାଟନ କରିଛନ୍ତି।

୧୯୫ ଗ୍ରାମ ବ୍ରାଉନସୁଗାର ଜବତ, ୨ ଗିରଫ

୧୯୫ ଗ୍ରାମ ବ୍ରାଉନସୁଗାର ଜବତ, ୨ ଗିରଫ

କଟକରୋଡ, ୧୬।୧୨(ଡି.ଏନ.ଏ): ରାଜଧାନୀର ନୟାପଲ୍ଲୀ ଥାନା ଅଧୀନ ଆଦିବାସୀ ଗାଁରେ ଶୁକ୍ରବାର ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ୨ ବ୍ରାଉନସୁଗାର ବ୍ୟବସାୟୀଙ୍କୁ ଗିରଫ କରାଯାଇଛି। ସେମାନେ ହେଲେ ସହଦେବ ଦାସ ଓ ବୁଲୁ ନାୟକ। 

ସାକ୍ଷୀଗୋପାଳ ମନ୍ଦିରରେ ଦେବନୀତି ବନ୍ଦ, ସେବାୟତଙ୍କ ଧାରଣା

ସାକ୍ଷୀଗୋପାଳ ମନ୍ଦିରରେ ଦେବନୀତି ବନ୍ଦ, ସେବାୟତଙ୍କ ଧାରଣା

ସାକ୍ଷୀଗୋପାଳ, ୧୬।୧୨(ଡି.ଏନ.ଏ): ଶନିବାର ଅଁଳାନବମୀ। ଏହି ତିଥିରେ ସାକ୍ଷୀଗୋପାଳ ମନ୍ଦିରରେ ଶ୍ରୀରାଧା ପାଦଦର୍ଶନ ଅନଷ୍ଠିତ ହେବ। ଭକ୍ତମାନେ କିଭଳି ସୁବିଧାରେ ଦର୍ଶନ କରିବେ ସେଥିପାଇଁ ଦୁଇ ଦୁଇଟି ସମ୍ମନ୍ବୟ ବୈଠକ ଅନୁଷ୍ଠିତ ହୋଇଥିଲେ ମଧ୍ୟ ଏ ସମ୍ପର୍କରେ ଆଲୋଚନା କରାଯାଇ ନାହିଁ। 

ଗୋବର୍ଦ୍ଧନ ମଠରେ ଗୋଷ୍ଠାଷ୍ଟମୀ, ଗୋମାତାଙ୍କ ପୂଜା କଲେ ଶଙ୍କରାଚାର୍ଯ୍ୟ

ଗୋବର୍ଦ୍ଧନ ମଠରେ ଗୋଷ୍ଠାଷ୍ଟମୀ, ଗୋମାତାଙ୍କ ପୂଜା କଲେ ଶଙ୍କରାଚାର୍ଯ୍ୟ

ପୁରୀ ଅଫିସ,୧୬ା୧୧: ପବିତ୍ର କାର୍ତ୍ତିକ ମାସ ଶୁକ୍ଳପକ୍ଷ ଅଷ୍ଟମୀ ତିଥିରେ ଶୁକ୍ରବାର ପୁରୀ ଗୋବର୍ଦ୍ଧନ ମଠ ଶଙ୍କରାଚାର୍ଯ୍ୟ ପୀଠରେ ଗୋଷ୍ଠାଷ୍ଟମୀ ଉତ୍ସବ ପାଳିତ ହୋଇଯାଇଛି। ପ୍ରାତଃରେ ପାରମ୍ପରିକ ଗୋ ପୂଜନ, ଯଜ୍ଞ ଓ ସୁନ୍ଦରାକାଣ୍ଡ ପାଠ କରାଯାଇଥିଲା । ଏହାପରେ ଶଙ୍କରାଚାର୍ଯ୍ୟ ସ୍ବାମୀ ନିଶ୍ଚଳାନନ୍ଦ ସରସ୍ବତୀ ମହାରାଜଙ୍କ ଦ୍ୱାରା ଗୋପୂଜନ ଯଜ୍ଞ ଓ ପୂର୍ଣ୍ଣାହୁତି ଦିଆଯାଇଥିଲା।

ବେଆଇନ ବନ୍ଧୁକ କାରବାର:  ଯୁବକ ଗିରଫ

ବେଆଇନ ବନ୍ଧୁକ କାରବାର: ଯୁବକ ଗିରଫ

ଭୁବନେଶ୍ୱର,୧୬।୧୧(ବ୍ୟୁରୋ): ବେଆଇନ ବନ୍ଧୁକ କାରବାର ଘଟଣାରେ ଖଣ୍ଡଗିରି ଥାନା ପୋଲିସ ଗୁରୁବାର ରାତିରେ ଗଣ୍ଡମୁଣ୍ଡା ଅଞ୍ଚଳରୁ ଜଣେ ଯୁବକଙ୍କୁ ଗିରଫ କରିଛି।   ସେ ହେଲେ ପିପିଲି ଅଞ୍ଚଳର ମୁସ୍ତାକ ଅଲ୍ଲୀ। 

ବିଧାନସଭାରେ ଶୋକ

ବିଧାନସଭାରେ ଶୋକ

ଭୁବନେଶ୍ୱର, ୧୬।୧୧(ବ୍ୟୁରୋ): ବିଧାନସଭାର ପରଲୋକଗତ ସଦସ୍ୟ,  ସିଆର୍‌ପିଏଫ୍‌ ଏବଂ ପୂର୍ବତନ ଦୂରଦର୍ଶନ କ୍ୟାମେରାମ୍ୟାନ୍‌ଙ୍କ ବିୟୋଗରେ ବିଧାନସଭାରେ ଶୁକ୍ରବାର ଶୋକପ୍ରକାଶ କରାଯାଇଛି। 

ବିଧାନସଭା ଆରମ୍ଭରୁ ହଟ୍ଟଗୋଳ, ଗୃହ ମୁଲତବୀ

ବିଧାନସଭା ଆରମ୍ଭରୁ ହଟ୍ଟଗୋଳ, ଗୃହ ମୁଲତବୀ

ଭୁବନେଶ୍ୱର, ୧୬।୧୧(ବ୍ୟୁରୋ): ପଞ୍ଚଦଶ ବିଧାନସଭାରେ ଶୀତ ଅଧିବେଶନ ଶୁକ୍ରବାରଠାରୁ ଆରମ୍ଭ ହୋଇଛି। ବିଧାନସଭାର ପୂର୍ବତନ ସଦସ୍ୟ ଏବଂ ସୁରକ୍ଷାକର୍ମୀଙ୍କ ବିୟୋଗରେ ଶୋକ ପ୍ରସ୍ତାବ ଆଗତ ହୋଇଥିଲା। ଶୋକ ପ୍ରସ୍ତାବ ଆଲୋଚନା ପରେ ବିରୋଧୀ କଂଗ୍ରେସ ଓ ଭାଜପା ଚାଷୀ ସମସ୍ୟାକୁ ନେଇ ଗୃହରେ ପ୍ରବଳ ହଟ୍ଟଗୋଳ କରିଥିଲେ। 

ଭିଜିଲାନ୍ସ ଜାଲରେ ରଙ୍ଗମାଟିଆ ଡାକ୍ତରଖାନା ଫାର୍ମାସିିଷ୍ଟ ସଞ୍ଜୀବ କୁମାର ପତି

ଭିଜିଲାନ୍ସ ଜାଲରେ ରଙ୍ଗମାଟିଆ ଡାକ୍ତରଖାନା ଫାର୍ମାସିିଷ୍ଟ ସଞ୍ଜୀବ କୁମାର ପତି

କଟକ ଅଫିସ /ବାରିପଦା ଅଫିସ, ୧୬।୧୧: ବାରିପଦା ସହର ତୁଳସୀଚଉରା ନିବାସୀ ସଞ୍ଜୀବ ପତିଙ୍କ ଘରେ ଶୁକ୍ରବାର ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଛି। ସଞ୍ଜୀବ ମୟୂରଭଞ୍ଜ ଜିଲା ରଙ୍ଗମାଟିଆ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଫାର୍ମାସିଷ୍ଟ ଭାବେ କାର୍ଯ୍ୟ କରନ୍ତି। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ସଞ୍ଜୀବଙ୍କ ଘର ଓ ଅଫିସ ସମେତ ମୋଟ ୩ଟି ସ୍ଥାନରେ ଏହି ଚଢ଼ାଉ ଜାରି ରହିଥିବା ଜଣାପଡ଼ିଛି।