ଗଞ୍ଜାମ,୧୧।୯(ଡି.ଏନ୍.ଏ.): ଗଞ୍ଜାମ ଥାନା ଅନ୍ତର୍ଗତ ସାନ ନୋଳିଆ ଗାଁର ୭ମତ୍ସ୍ୟଜୀବୀ ମଙ୍ଗଳବାର ସକାଳେ ସମୁଦ୍ରକୁ ମାଛ ଧରିବାକୁ ଯାଇଥିଲେ। ସମୁଦ୍ରରେ ଡଙ୍ଗା ବୁଡିଯିବାରୁ ଜଣେ ଗୁରୁତର ଆହତ ହୋଇଥିବା ବେଳେ ଅନ୍ୟ ୬ଜଣ ସାମାନ୍ୟ ଆହତ ହୋଇଛନ୍ତି। ସେମାନେ ହେଲେ ଡି. ଗୁରେୟା , ଡି. ସନ୍ନ୍ୟାସୀ, ଡି. କାଲେୟା, ଡି. ସୀମାଦ୍ରି, ଏ. ଆରେୟା, ଏ. ମୁକଡୁ ଏବଂ ଏମ୍. ନାରାୟଣ।
ସୂଚନାନୁଯାୟୀ, ମତ୍ସ୍ୟଜୀବୀମାନେ ସମୁଦ୍ରଠାରୁ ପ୍ରାୟ ୩୦୦ ମିଟର ଗଭୀରକୁ ଯିବାପରେ ସମୁଦ୍ରର ଉଚ୍ଚ ଜୁଆର ମାଡ଼ରେ ଡଙ୍ଗା ବୁଡିଯାଇଥିଲା। ସେମାନଙ୍କୁ ଉଦ୍ଧାର କରାଯାଇ ଗଞ୍ଜାମ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ସନ୍ନ୍ୟାସୀଙ୍କ ଅବସ୍ଥା ଗୁରୁତର ରହିଛି। ଡଙ୍ଗାର ଉତ୍ତପ୍ତ ଲୁହା ପୋଲ୍ରେ ବାଜି ତାଙ୍କ ଶରୀରର କିଛି ଅଂଶ ପୋଡିଯାଇଥିବା ଜଣାପଡିଛି।
