ରାଜ୍ୟ | ବାଲେଶ୍ୱର

ଆଦିବାସୀ ନାବାଳିକାଙ୍କୁ ଗଣିକାଳୟରେ ବିକ୍ରି: ଦେଢ଼ମାସ ପରେ ଆଣି ଷ୍ଟେଶନରେ ଛାଡିଦେଲେ

ଆଦିବାସୀ ନାବାଳିକାଙ୍କୁ ଗଣିକାଳୟରେ ବିକ୍ରି: ଦେଢ଼ମାସ ପରେ ଆଣି ଷ୍ଟେଶନରେ ଛାଡିଦେଲେ
ବାଲେଶ୍ୱର ଅଫିସ/ଜଳେଶ୍ୱର, ୧୧।୯(ସ୍ବ.ପ୍ର./ଡି.ଏନ.ଏ.)-କାମ ଯୋଗାଇଦେବା ନାରେ ଜଣେ ଆଦିବାସୀ ନାବାଳିକାଙ୍କୁ ବାରମ୍ବାର ବଳାତ୍କାର ପରେ ପଶ୍ଚିମବଙ୍ଗର ଏକ ଗଣିକାଳୟରେ ବିକ୍ରି କରି ଦିଆଯିବା ଘଟଣା ବାଲେଶ୍ୱର ଜିଲା ଜଳେଶ୍ୱର ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି। ପ୍ରାୟ ଦେଢମାସ ଧରି ନାବାଳିକା ଜଣକ ଏଭଳି ଅତ୍ୟାଚାରର ଶିକାର ହୋଇଥିଲେ। ଅନ୍ୟ ଉପାୟ ନ ପାଇ  ସେ ବିକ୍ରି କରିଥିବା ଦଲାଲଙ୍କୁ ତାଙ୍କୁ ଛାଡି ଦେବା ପାଇଁ ଗୋଡହାତ ଧରି କାକୁତି ମିନତି କରିଥିଲେ। ଦଲାଲ ଜଣକ ଏ ବିଷୟରେ କାହାକୁ କହିଲେ ଜୀବନରୁ ମାରିଦେବାକୁ ଧମକ ଦେଇ ଜଳେଶ୍ୱର ଷ୍ଟେଶନରେ ଆଣି ତାଙ୍କୁ ଛାଡ଼ି ପଳାଇଥିଲେ। ଉକ୍ତ ନାବାଳିକା ଅସହାୟ ଅବସ୍ଥାରେ ବୁଲୁଥିବା ବେଳେ ଗ୍ରାମବାସୀଙ୍କ ସହାୟତାରେ ଘରେ ପହଞ୍ଚିଥିଲେ। ସେ ସମସ୍ତ ଘଟଣା ମା’ଙ୍କୁ କହିଥିଲେ। ପରେ ତାଙ୍କ ମା’ ଗାଁ ମୁଖିଆ ଏବଂ ୱାର୍ଡ଼ମେମ୍ବରଙ୍କୁ ଜଣାଇଥିଲେ। ଏହି ଘଟଣାର ସମାଧାନ ଲାଗି ବାରମ୍ବାର ଚେଷ୍ଟା କରି ଗ୍ରାମବାସୀ ସଫଳ ନ ହେବାରୁ ନାବାଳିକାଜଣକ ସୋମବାର ଜଳେଶ୍ୱର ଥାନାରେ ଲିଖିତ ଅଭିଯୋଗ କରିଛନ୍ତି।
ଅଭିଯୋଗ ଅନୁଯାୟୀ,  ଉକ୍ତ ନାବାଳିକାଙ୍କ ପିତାଙ୍କ ମୃତ୍ୟୁ ପରେ ନିଜ ମା’ଙ୍କ ସହ ମଜୁରି ଲାଗି ଗୁଜୁରାଣ ମେଣ୍ଟାଉଥିଲେ। ଏହାର ସୁଯୋଗ ନେଇ ଡିଙ୍ଗାଶୋଳ ଗ୍ରାମର ଅଜୟ ଜେନା ନାବାଳିକାଙ୍କ ମା’ଙ୍କୁ ବୁଝାଇ ପଶ୍ଚିମବଙ୍ଗସ୍ଥିତ ମାଉସୀ ଘରେ ବିଲ ରୁଆ କାମରେ ସହଯୋଗ କରିବା ପାଇଁ ପ୍ରସ୍ତାବ ଦେଇଥିଲେ।  ନାବାଳିକାଙ୍କ ମା’ ଏଥିରେ ରାଜି ହୋଇଥିଲେ। ଗତ ଜୁଲାଇ ୨୩ ତାରିଖରେ ନାବାଳିକାଙ୍କୁ ଧରି ଅଜୟ ମୋଟରସାଇକେଲ ଯୋଗେ ଜଳେଶ୍ୱର ବସ୍‌ଷ୍ଟାଣ୍ଡରେ ପହଞ୍ଚିଥିଲେ। ପୂର୍ବ ଯୋଜନା ଅନୁସାରେ ସାନରାଉତପଡ଼ା ଗ୍ରାମର ଅଜୟ ହେମ୍ବ୍ରମ ସେଠାରେ ଉପସ୍ଥିତ ଥିଲେ। ଅଜୟ ଜେନା ନାବାଳିକାଙ୍କୁ ଅଜୟ ହେମ୍ବ୍ରମଙ୍କ ସହିତ ବସ୍‌ରେ ପଠାଇଦେଇ ନିଜେ ଘରକୁ ପଳାଇ ଆସିଥିଲେ। ଅଜୟ ହେମ୍ବ୍ରମ ନାବାଳିକାଙ୍କୁ  ୨/୩ଟି ବସ୍‌  ବଦଳାଇ ରାତି ପ୍ରାୟ ୧୨ଟା ବେଳେ ପଶ୍ଚିମବଙ୍ଗର ଏକ ସ୍ଥାନରେ ଥିବା ୨ ମହଲା କୋଠା ନିକଟରେ ପହଞ୍ଚିଥିଲେ।  ଗୋଟିଏ କୋଠରିରେ ନାବାଳିକାଙ୍କ ସହ ଅଜୟ ହେମ୍ବ୍ରମ ରହି ଉକ୍ତ ରାତିରେ ବଳାତ୍କାର କରିଥିଲେ। ମାତ୍ର ନାବାଳିକା ପରଦିନ ଉକ୍ତ କୋଠା  ଏକ ଗଣିକାଳୟ ବୋଲି ଜାଣିବାକୁ ପାଇଥିଲେ। ସେହିଦିନ ଅଜୟ ହେମ୍ବ୍ରମ ନାବାଳିକାଙ୍କୁ ଗଣିକାଳୟରେ ଛାଡ଼ି ମାଲିକଙ୍କଠାରୁ ୩ହଜାର ଟଙ୍କା ନେଇ ପଳାଇଆସିଥିଲେ। ଏହାପରେ ପ୍ରତିଦିନ ମାଲିକଙ୍କ  ଇସାରାରେ ୮ରୁ ୧୦ ଜଣ ଲୋକ ନାବାଳିକାଙ୍କୁ ବଳାତ୍କାର କରୁଥିଲେ। ୭ ଦିନ ବିତିଯିବା ପରେ ଅଜୟ ଜେନା ସେଠାରେ ପହଞ୍ଚତ୍ ନାବାଳିକାଙ୍କୁ ଦେଖା କରିବା ସହ ବଳାତ୍କାର କରିଥିଲେ।  ପରଦିନ ଗଣିକାଳୟ ମାଲିକଙ୍କଠାରୁ ୪ହଜାର ଟଙ୍କା ନେଇ ପଳାଇ ଆସିଥିଲେ। ପୁଣି ଏହାର କିଛି ଦିନ ପରେ ଅଜୟ ଜେନା ସେଠାରେ ପହଞ୍ଚି ତାଙ୍କୁ ବଳାତ୍କାର କରିଥିଲେ। ଏହି ସମୟରେ ନାବାଳିକା ଜଣକ ଘରକୁ ଫେରିବା ପାଇଁ ଅଜୟ ଜେନାଙ୍କୁ ଗୋଡ଼ ଧରି କାକୁତି ମିନତି କରିଥିଲେ।  ଅଜୟ ଜେନା ବିଭିନ୍ନ ଧମକଚମକ ଦେଇ ସେଠାରୁ ଆଣି ଜଳେଶ୍ୱର ବସ୍‌ଷ୍ଟାଣ୍ଡରେ ଛାଡି ପଳାଇଥିଲେ।  ଅଭିଯୁକ୍ତ ଅଜୟ ଜେନା ଓ ଅଜୟ ହେମ୍ବ୍ରମ ଉଭୟ ମଦ ବ୍ୟବସାୟୀ ଏବଂ ଝିଅ ଚାଲାଣ ର଼୍ୟାକେଟ୍‌ରେ ଦୀର୍ଘଦିନ ଧରି କାର୍ଯ୍ୟ କରୁଥିବା ନାବାଳିକା ଜଣକ ଅଭିଯୋଗରେ ଦର୍ଶାଇଛନ୍ତି।  ଏ ନେଇ ଜଳେଶ୍ୱର ଥାନା ପକ୍ଷରୁ ମାମଲା (ନଂ. ୨୭୮/୧୮) ରୁଜୁ କରାଯାଇ ତଦନ୍ତ ଆରମ୍ଭ ହୋଇଛି। 

All Right Reserved By

ରାଜ୍ୟ | ବାଲେଶ୍ୱର

ପଶ୍ଚିମଓଡିଶାରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରସଙ୍ଗ: ନିର୍ଣ୍ଣାୟକ ଲଢେଇ ନିଷ୍ପତ୍ତି ନେଲା ସିଏସି

ପଶ୍ଚିମଓଡିଶାରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରସଙ୍ଗ: ନିର୍ଣ୍ଣାୟକ ଲଢେଇ ନିଷ୍ପତ୍ତି ନେଲା ସିଏସି

ସମ୍ବଲପୁର, ୧୨।୧୧(ବ୍ୟୁରୋ): ପଶ୍ଚିମ ଓଡ଼ିଶାରେ ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବି ନେଇ ଏବେ ନିର୍ଣ୍ଣାୟକ ଲଢେଇ କରିବାକୁ ପଶ୍ଚିମ ଓଡିଶା ଓକଲ ସଂଘ ସମୂହ କେନ୍ଦ୍ରୀୟ କ୍ରିୟାନୁଷ୍ଠାନ କିମିଟି(ସିଏସି) ସ୍ଥିର କରିଛି।

ସୁବର୍ଣ୍ଣପୁର ଜିଲା:୧୪ରୁ ଖୋଲିବ ଧାନ ମଣ୍ଡି

ସୁବର୍ଣ୍ଣପୁର ଜିଲା:୧୪ରୁ ଖୋଲିବ ଧାନ ମଣ୍ଡି

 ସୋନପୁର,୧୨।୧୧(ନି.ପ୍ର.): ଓଡିଶାର ଅନ୍ୟତମ ସର୍ବାଧିକ ଧାନ ଉତ୍ପାଦନକାରୀ ଜିଲା ସୁବର୍ଣ୍ଣପୁର। ନଭେମ୍ବର ୧୪ ତାରିଖରୁ ଏହି ଜିଲାରେ ଖରିଫ ଋତୁ ଧାନ ସଂଗ୍ରହ ଆରମ୍ଭ ହେବ। ଅନଲାଇନ ଚାଷୀ ପଞ୍ଜୀକରଣ ବ୍ୟବସ୍ଥା ଅନୁଯାୟୀ ଜଳସେଚିତ ଅଞ୍ଚଳରେ ଏକର ପିଛା ଚାଷୀ ୧୯କୁଇଣ୍ଟାଲ ଏବଂ ଅଣଜଳସେଚିତ ଅଞ୍ଚଳ ପାଇଁ ୧୩କୁଇଣ୍ଟାଲ ଧାନ ବିକ୍ରି କରିପାରିବେ। 

କେନ୍ଦ୍ର ମନ୍ତ୍ରୀ ଅନନ୍ଥ କୁମାରଙ୍କ ପରଲୋକ: ରାଜ୍ୟ ଭାଜପାର ଗଭୀର ଶୋକ

କେନ୍ଦ୍ର ମନ୍ତ୍ରୀ ଅନନ୍ଥ କୁମାରଙ୍କ ପରଲୋକ: ରାଜ୍ୟ ଭାଜପାର ଗଭୀର ଶୋକ

ଭୁବନେଶ୍ୱର,୧୨।୧୧(ବ୍ୟୁରୋ): ଭାଜପା ରାଷ୍ଟ୍ରୀୟ ନେତା ତଥା କେନ୍ଦ୍ର ସରକାରର ସଂସଦୀୟ ବ୍ୟାପାର ଏବଂ ସାର ଓ ରସାୟନ ମନ୍ତ୍ରୀ ଅନନ୍ଥ କୁମାରଙ୍କ ରବିବାର ମଧ୍ୟରାତ୍ରିରେ ପରଲୋକ ଘଟିଛି।

ପୁରୀ ହିଂସାକାଣ୍ଡ ଘଟଣା: ବିରୋଧୀଙ୍କୁ ଫସାଇବା ପାଇଁ ସରକାରଙ୍କ ଏକ ଯୋଜନାବଦ୍ଧ ଷଡ଼ଯନ୍ତ୍ର: କଂଗ୍ରେସ

ପୁରୀ ହିଂସାକାଣ୍ଡ ଘଟଣା: ବିରୋଧୀଙ୍କୁ ଫସାଇବା ପାଇଁ ସରକାରଙ୍କ ଏକ ଯୋଜନାବଦ୍ଧ ଷଡ଼ଯନ୍ତ୍ର: କଂଗ୍ରେସ

ଭୁବନେଶ୍ୱର,୧୨।୧୧(ବ୍ୟୁରୋ): ଧାଡ଼ି ଦର୍ଶନକୁ ବିରୋଧ ପ୍ରତିବାଦରେ ଗତ ଅକ୍ଟୋବର ୩ ତାରିଖରେ ଜଗନ୍ନାଥ ସେନା ପକ୍ଷରୁ ପୁରୀ ବନ୍ଦ ଡାକରା ଦିଆଯାଇଥିଲା। ସେହି ସମୟରେ ପୁରୀରେ ହିଂସାକାଣ୍ଡ ଘଟିଥିଲା। ଉକ୍ତ ଘଟଣାରେ  କଂଗ୍ରେସ ସିଧା ସଳଖ ଜିଲା ପ୍ରଶାସନକୁ ଟାର୍ଗେଟ କରିଛି।

କୂଅରେ ଖସିପଡ଼ି ୨ ଶିଶୁ ମୃତ

କୂଅରେ ଖସିପଡ଼ି ୨ ଶିଶୁ ମୃତ

 ଅନୁଗୋଳ ଅଫିସ୍‌, ୧୨।୧୧-ଅନୁଗୋଳ ଜିଲା ପାଲଲହଡ଼ା ବ୍ଲକ ଅନ୍ତର୍ଗତ ଆଲୁରି ପଞ୍ଚାୟତରେ ସୋମବାର ଅଭାବନୀୟ ଘଟଣା ଘଟିଛି। କୂଅରେ ଖସିପଡ଼ି ଅର୍ଜୁନଝରି ଗ୍ରାମର ୪ବର୍ଷର ଦୁଇଜଣ ନାବାଳିକା ପ୍ରାଣ ହରାଇଛନ୍ତି।

ମହାପ୍ରଭୁଙ୍କୁ ଦର୍ଶନ କଲେ ମୁକେଶ ଅମ୍ବାନୀ

ମହାପ୍ରଭୁଙ୍କୁ ଦର୍ଶନ କଲେ ମୁକେଶ ଅମ୍ବାନୀ

ପୁରୀ ଅଫିସ,୧୨।୧୧: ରିଲାଏନ୍ସ ଇଣ୍ଡଷ୍ଟ୍ରି ଅଧ୍ୟକ୍ଷ ତଥା ଭାରତର ପ୍ରତିଷ୍ଠିତ ଶିଳ୍ପପତି ମୁକେଶ ଅମ୍ବାନୀ ସୋମବାର ଅପରାହ୍ନ ସାଢ଼େ ୩ଟାରେ ଶ୍ରୀମନ୍ଦିରକୁ ଯାଇ ଭିତର କାଠ ନିକଟରେ ମହାପ୍ରଭୁଙ୍କୁ ଦର୍ଶନ କରିଛନ୍ତି।

‘ଆମେ ନାଟକ କାହିଁକି ଦେଖିବା’ ଆଲୋଚନାଚକ୍ର : - ଧୀରେନ୍ଦ୍ର, କୈଳାଶଙ୍କୁ ଶ୍ରୀନାଟ୍ୟ, ସୁବାଷଙ୍କୁ ପହିଲି ପରସ ନାଟ୍ୟ ସମ୍ମାନ

‘ଆମେ ନାଟକ କାହିଁକି ଦେଖିବା’ ଆଲୋଚନାଚକ୍ର : - ଧୀରେନ୍ଦ୍ର, କୈଳାଶଙ୍କୁ ଶ୍ରୀନାଟ୍ୟ, ସୁବାଷଙ୍କୁ ପହିଲି ପରସ ନାଟ୍ୟ ସମ୍ମାନ

ସମ୍ବଲପୁର,୧୨।୧୧(ବ୍ୟୁରୋ)- ଶ୍ରୀକଲଚରାଲ ଆସୋସିଏସନ୍‌ ଆୟୋଜିତ ଆମେ ନାଟକ କାହିଁକି ଦେଖିବା ଶୀର୍ଷକ ଆଲୋଚନା ଚକ୍ର ଝାଡୁଆପଡ଼ା ବଡ଼ଦୁଆରଠାରେ ଅନୁଷ୍ଠିତ ହୋଇଛି । ଏହି ଆଲୋଚନା ଚକ୍ରରେ ରାଜ୍ୟର ବିଭିନ୍ନ ଜିଲାରୁ ନବୀନ ଓ ପ୍ରବୀଣ ନାଟ୍ୟକାର, ନାଟ୍ୟପ୍ରେମୀ, ନାଟ୍ୟ ସମୀକ୍ଷକ ଯୋଗ ଦେଇଥିଲେ। ଶ୍ରୀକଲ୍‌ଚରାଲ ଆସୋସିଏଶନ ସଭାପତି ସତ୍ୟରଞ୍ଜନ ବହିଦାର କାର୍ଯ୍ୟକ୍ରମ ସଂଯୋଜନା କରିଥିଲେ। ଭୁବନେଶ୍ୱରର ଧିରେନ୍ଦ୍ରନାଥ ମଲ୍ଲିକ, ରାଉରକେଲାର ଶରତ ଦାଶ ଓ କୈଳାଶ ଚନ୍ଦ୍ର ପାଣିଗ୍ରାହୀ, କୋରାପୁଟର ନରେନ୍ଦ୍ର ମିଶ୍ର ଆଲୋଚକ ଭାବେ ଉପସ୍ଥିତ ଥିଲେ। ଯୁବ ନାଟ୍ୟକାର ସତ୍ୟନାରାୟଣ ଠାକୁର, ରାଜକୁମାର ସାହୁ, ପ୍ରଦ୍ୟୁନ୍ନ ସାହୁ, ସୁଜିତ ପଣ୍ଡା, ମମତା ପଣ୍ଡା, ତୁଷାରକାନ୍ତ ସାହୁ, ଆକାଶ ମୁନି ଓ ସୁକାନ୍ତ ପାଢ଼ୀ ପ୍ରଶ୍ନତ୍ତୋର କର୍ତ୍ତା ଭାବେ ଯୋଗ ଦେଇଥିଲେ। ଆଲୋଚକ ଓ ପ୍ରଶ୍ନତ୍ତୋର କର୍ତ୍ତାଙ୍କ ମଧ୍ୟରେ ଆମେ ନାଟକ କାହିଁକି ଦେଖିବା ବିଷୟରେ ପୁଙ୍ଖାନୁପୁଙ୍ଖ ଆଲୋଚନା ହୋଇଥିଲା। 

ବିଚରାଧୀନ କଏଦୀ ମୃତ୍ୟୁ ଘଟଣାରେ ୨ ଓ୍ବାର୍ଡର ନିଲମ୍ବିତ

ବାଲେଶ୍ୱର ଅଫିସ,୧୨।୧୧- ବାଲେଶ୍ୱର ଜେଲ ପରିସରରେ କଏଦୀର ଆକ୍ରମଣରେ ବିଚାରାଧୀନ ବନ୍ଦୀ ରାମଚନ୍ଦ୍ର ଦାସ ଓରଫ ସେନାପତିଙ୍କ ମୃତ୍ୟୁ ଘଟଣାରେ ଜେଲରେ ୨ ଓ୍ବାର୍ଡରଙ୍କୁ ନିଲମ୍ବିତ କରାଯାଇଛି।

ଓଡ଼ିଶାରେ ଜେଏସପିଲ୍‌ର ସମ୍ପ୍ରସାରଣ ହେବ: ନବୀନ ଜିନ୍ଦଲ

ଓଡ଼ିଶାରେ ଜେଏସପିଲ୍‌ର ସମ୍ପ୍ରସାରଣ ହେବ: ନବୀନ ଜିନ୍ଦଲ

ଭୁବନେଶ୍ୱର, ୧୨।୧୧(ବ୍ୟୁରୋ): ଓଡ଼ିଶାରେ ନିଜ ଇସ୍ପାତ କାରଖାନାର ଉତ୍ପାଦନ ବୃଦ୍ଧି କରିବାକୁ ଯାଉଛି ଜେଏସପିଏଲ୍‌ କମ୍ପାନୀ।  ଭୁବନେଶ୍ୱର ଜନତା ମୈଦାନରେ ଆରମ୍ଭ ହୋଇଥିବା ମେକ୍‌ ଇନ୍‌ ଓଡ଼ିଶା କନକ୍ଲେଭ୍‌ରେ ଯୋଗଦେଇ ଏହା କହିଛନ୍ତି କମ୍ପାନୀର ମୁଖ୍ୟ ନବୀନ ଜିନ୍ଦଲ। 

ଓଡ଼ିଶାରେ ୨ ବର୍ଷରେ ୨ ବିଲିୟନ୍‌ ଡଲାର ନିବେଶ କରିବ ବିର୍ଲା

ଓଡ଼ିଶାରେ ୨ ବର୍ଷରେ ୨ ବିଲିୟନ୍‌ ଡଲାର ନିବେଶ କରିବ ବିର୍ଲା

ଭୁବନେଶ୍ୱର, ୧୨।୧୧(ବ୍ୟୁରୋ): ମେକ୍‌ ଇନ୍‌ ଓଡ଼ିଶା କନକ୍ଲେଭର ଦ୍ୱିତୀୟ ଦିନରେ ଭାରତର ପ୍ରମୁଖ ଶିଳ୍ପପତିମାନେ ଯୋଗ ଦେଇଛନ୍ତି। ଭୁବନେଶ୍ୱର ଜନତା ମୈଦାନରେ ଆରମ୍ଭ ହୋଇଥିବା ଏହି କନକ୍ଲେଭ୍‌ରେ ଯୋଗଦେଇ ଆଦିତ୍ୟ ବିର୍ଲା ଗ୍ରୁପ୍‌ର ଚେୟାରମ୍ୟାନ୍‌ କୁମାର ମଙ୍ଗଲମ୍‌ ବିର୍ଲା ଓଡ଼ିଶା ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଭୂୟସୀ ପ୍ରଶଂସା କରିଥିଲେ।

ଓଡ଼ିଶାରେ ୩ ହଜାର କୋଟି ଟଙ୍କା ନିବେଶ କରିବ ରିଲାଏନ୍ସ

ଓଡ଼ିଶାରେ ୩ ହଜାର କୋଟି ଟଙ୍କା ନିବେଶ କରିବ ରିଲାଏନ୍ସ

ଭୁବନେଶ୍ୱର, ୧୨।୧୧(ବ୍ୟୁରୋ): ଭୁବନେଶ୍ୱର ଜନତା ମୈଦାନରେ ଆରମ୍ଭ ହୋଇଥିବା ମେକ୍‌ ଇନ୍‌ ଓଡ଼ିଶା କନକ୍ଲେଭ୍‌ରେ ଯୋଗ ଦେଇଛନ୍ତି ଭାରତର ବିଶିଷ୍ଟ ଶିଳ୍ପପତି ମୁକେଶ ଅମ୍ବାନୀ।

ସିସିଟିଭି କ୍ୟାମେରାରେ କଳା ବୋଳି ଏଟିଏମରୁ ଲୁଟି ନେଲେ ଟଙ୍କା

ସିସିଟିଭି କ୍ୟାମେରାରେ କଳା ବୋଳି ଏଟିଏମରୁ ଲୁଟି ନେଲେ ଟଙ୍କା

ଖୋର୍ଦ୍ଧା ଅଫିସ୍‌, ୧୨।୧୧: ଖୋର୍ଦ୍ଧା ଟାଉନ ଥାନା ବାଘମାରୀ ଫାଣ୍ଡି ତୁଳସୀପୁରର ଇଣ୍ଡିକାସ୍‌ ଏଟିଏମରୁ ଟଙ୍କା ଲୁଟ୍‌ ହୋଇଛି। ରବିବାର ରାତିରେ ଲୁଟେରାମାନେ ସିସିଟିଭି କ୍ୟାମେରାରେ କଳା ବୋଳି ଲୁଟ କରିଥିଲେ।