ସମ୍ପାଦକୀୟ |

ସମ୍ପାଦକୀୟ/ ଉଭୟ ହିସାବ

ସମ୍ପାଦକୀୟ/ ଉଭୟ ହିସାବ
ଭାରତରେ ପେଟ୍ରୋଲ ଓ ଡିଜେଲ ଦର ଯଥାକ୍ରମେ ୮୦ ଓ ୭୨ ଟଙ୍କାରୁ ଊର୍ଦ୍ଧ୍ୱକୁ ଚାଲିଯାଇଥିବାରୁ ଏହାର ପ୍ରତିବାଦରେ କଂଗ୍ରେସ ଓ ଅନ୍ୟାନ୍ୟ ବିରୋଧୀ ଦଳଗୁଡ଼ିକ ସେପ୍ଟେମ୍ବର ୧୦ରେ ଦେଶବ୍ୟାପୀ ବନ୍ଦ ପାଳନ କରିଛନ୍ତି। ବିହାରର ଜେହେନାବାଦରେ ଟ୍ରାଫିକ୍‌ ଭିଡ଼ରେ ଏକ ଆମ୍ବୁଲାନ୍ସ ରହିଯିବା ଫଳରେ ଜଣେ ଦୁଇ ବର୍ଷୀୟା ଶିଶୁକନ୍ୟାଙ୍କ ମୃତ୍ୟୁ ଘଟିଛି। ଦେଶର ପ୍ରତ୍ୟେକ ନାଗରିକର ଜୀବନ ଅତି ମୂଲ୍ୟବାନ । ଭାରତରେ ଆମେ ସମସ୍ତେ ‘କମ୍ପେନ୍‌ସେଶନ୍‌’ ବା ‘କ୍ଷତିପୂରଣ’ର ଅର୍ଥରେ ମଣିଷ ଜୀବନକୁ ଓଜନ କରୁଥିବା ହେତୁ ବିମୁଦ୍ରୀକରଣ ସମୟର ବ୍ୟାଙ୍କ ଲାଇନ୍‌ରେ ମୃତ୍ୟୁ କିମ୍ବା ବନ୍ଦ ସମୟରେ ମୃତ୍ୟୁ ସମସ୍ତଙ୍କୁ ବ୍ୟସ୍ତ କରିବା କଥା। କିନ୍ତୁ ଅଦ୍ଭୁତ ଭାବେ ଭାରତର ସମାଜ ଆଗଉଥିବାର ଲକ୍ଷ୍ୟ କରାଯାଇପାରେ। ଧନୀ କିମ୍ବା ପ୍ରଭାବଶାଳୀ ବ୍ୟକ୍ତିଙ୍କ ମୃତ୍ୟୁ ଘଟିଲେ ତାହା ବିରାଟବଡ଼ ଖବର ହେଉଥିବା ବେଳେ ଗରିବଙ୍କ ଜୀବନ ମୂଲ୍ୟହୀନ ହୋଇପଡୁଛି। ନର୍ଦ୍ଦମା ଭିତରେ ବାଷ୍ପରୁଦ୍ଧ ହୋଇ ମୃତ୍ୟୁବରଣ କରୁଥିବା ଅନେକ ଶ୍ରମିକଙ୍କ ଜୀବନହାନି ପ୍ରତି ଆମେ ସମସ୍ତେ ବଧିର ହୋଇଗଲୁଣି। ସମ୍ଭବତଃ ସେଥିପାଇଁ ବାରମ୍ବାର ଘଟୁଥିବା ଚାଷୀ ଆତ୍ମହତ୍ୟା କୌଣସି ଶାସକ କିମ୍ବା ପ୍ରଶାସକଙ୍କୁ ଚିନ୍ତାରେ ପକାଇ ପାରୁନାହିଁ। ଏଭଳି ପରିସ୍ଥିତିରେ ରାଜନୈତିକ ବ୍ୟକ୍ତିମାନେ ଯେତେବେଳେ ବନ୍ଦ ଡାକରା ଦେଇ ଦେଶକୁ ସ୍ଥାଣୁ କରିଦେଇପାରୁଛନ୍ତି, ସେତେବେଳେ ଛୋଟମୋଟ ନକାରାତ୍ମକ କାର୍ଯ୍ୟ ମଧ୍ୟ ବିରାଟକାୟ ଦିଶୁଛି। ସେପ୍ଟେମ୍ବର ୧୦ ତାରିଖର ‘ଭାରତ ବନ୍ଦ’କୁ ସମର୍ଥନ କରିବା ଅସମ୍ଭବ। ଏହି ସ୍ତମ୍ଭରେ, ପୂର୍ବରୁ, ଆମେ ଅନେକଥର ‘ବନ୍ଦ’କୁ ବିରୋଧ କରିଆସୁଛୁ। ଆମର ବିଶ୍ୱାସ ଯେ କାର୍ଯ୍ୟ କରିବାକୁ ଇଚ୍ଛୁକ ଥିବା ବ୍ୟକ୍ତିଙ୍କୁ ନିଜ ଦାୟିତ୍ୱରୁ ବଞ୍ଚିତ କରିବାର ଅଧିକାର କାହାର ନାହିଁ। ତେବେ ୧୦ ତାରିଖ ‘ବନ୍ଦ’ର ଗୁରୁତ୍ୱକୁ ଆମେ ହ୍ରାସ କରିବାକୁ ଚେଷ୍ଟା କରୁନାହୁଁ। ସମସ୍ତେ ସ୍ବୀକାର କରିବେ ଯେ ତୈଳଦର ବୃଦ୍ଧି ଦେଶରେ ହାହାକାର ସୃଷ୍ଟି କରିଦେଲାଣି। ଏବେ ଯେତିକି କ୍ଷତି ଘଟୁଛି ତୈଳ ଦରବୃଦ୍ଧି ଯୋଗୁ ଅନ୍ୟ ସାମଗ୍ରୀର ଦରଦାମ ବଢ଼ିବାର ଲକ୍ଷଣ ଦେଖିବାକୁ ମିଳିଲାଣି। 
ଏହି ବନ୍ଦ ଜନସାଧାରଣଙ୍କୁ ନିଶ୍ଚିତ ଭାବେ ସଚେତନ କରାଇବାରେ ସହାୟକ ହୋଇଛି। ବିଶେଷକରି ଓଡ଼ିଶାରେ ସମ୍ପୂର୍ଣ୍ଣ ଶାନ୍ତିପୂର୍ଣ୍ଣଭାବେ ବନ୍ଦ ପାଳିତ ହୋଇଥିବାରୁ ସମ୍ପୃକ୍ତ ରାଜନୈତିକ ଦଳଗୁଡ଼ିକୁ  ପ୍ରଶଂସା କରାଯାଇପାରିବ। ବିଗତ ଦିନଗୁଡ଼ିକରେ ହୋଇଥିବା ବନ୍ଦ ପାଳନ ଉଗ୍ରରୂପ ଧାରଣ କରି ରାଜନୈତିକ ନେତୃବୃନ୍ଦଙ୍କୁ ନିନ୍ଦିତ କରୁଥିଲା। ରାଜନୀତି କରିବାକୁ ଇଚ୍ଛୁକ ଯୁବପିଢ଼ି ମଧ୍ୟ ବୁଝିବା ଦରକାର ଯେ, ଶାନ୍ତିରେ ଯେଉଁ ଲକ୍ଷ୍ୟ ହାସଲ ହୋଇପାରେ, ତାହା ଅଶାନ୍ତି ବା ବାହୁବଳ ପ୍ରଦର୍ଶନରେ ସମ୍ଭବପର ନୁହେଁ। ସାଧାରଣ ନାଗରିକ ପାଇଁ ଖଟିଲେ ରୋଜଗାର ମିଳେ। ସେହି କାର୍ଯ୍ୟରେ ବାଧା ଦେଉଥିବା ବ୍ୟବସ୍ଥା ବା ବ୍ୟକ୍ତିବିଶେଷ କେବେହେଲେ ଲୋକପ୍ରିୟତା ହାସଲ କରିପାରିବ ନାହିଁ। ତଥାପି ଅନେକ ସମୟରେ ଜନସଚେତନତା ଜାଗ୍ରତ କରିବା ପାଇଁ ଅନେକ କଷ୍ଟ ସହିବାକୁ ପଡ଼ିଥାଏ। ମହାତ୍ମା ଗାନ୍ଧୀ, ଆବ୍ରାହମ ଲିଙ୍କନ, ମାର୍ଟିନ ଲୁଥର କିଙ୍ଗ୍‌ ଏବଂ ନେଲ୍‌ସନ ମଣ୍ଡେଲାଙ୍କ ଭଳି ସାମାଜିକ ନେତୃବୃନ୍ଦ ଏହି ଚିନ୍ତାଧାରାକୁ ସତ୍ୟ ବୋଲି ବାରମ୍ବାର ପ୍ରମାଣ କରିଛନ୍ତି। ଏହି ପ୍ରଚ୍ଛଦପଟରେ ଅନେକ ବ୍ୟକ୍ତି ବାହାରି ପଡ଼ିପାରନ୍ତି, ଯେଉଁମାନେ ହିସାବ କରି ଦେଶକୁ କହିଦେବେ ଏହି ବନ୍ଦ ଦ୍ୱାରା ଏତେ ହଜାର କୋଟି ଟଙ୍କାର କ୍ଷତି ଦେଶର ଘଟିଛି। ସେହି ବ୍ୟକ୍ତିମାନେ ବିରୋଧୀ ଦଳରେ ଥିବା ସମୟରେ ଅନୁରୂପ କାର୍ଯ୍ୟ ହିଂସା ମାଧ୍ୟମରେ ହାସଲ କରୁଥିଲେ। ସେମାନଙ୍କୁ ଜବାବ ଭାବେ ଏକ ପ୍ରଶ୍ନ ପଚରାଯାଇପାରେ। ବନ୍ଦ ପ୍ରଭାବ ଯୋଗୁ ଅନେକ ଲକ୍ଷ ଗାଡ଼ିମୋଟର ବନ୍ଦ ରହିଥିଲା। ତାହା ବାଧ୍ୟବାଧକତାମୂଳକ ହୋଇଥିବା ସତ୍ତ୍ୱେ ଏହି ଗାଡ଼ିରେ ବ୍ୟବହାର ହେଉଥିବା ତୈଳ ସଞ୍ଚୟ କରିହେଲା। ଯଦି କ୍ଷତିର ଆକଳନ କରାଯିବ, ତେବେ ତତ୍‌ସହିତ ସଞ୍ଚତ୍ତ ତୈଳମୂଲ୍ୟର ହିସାବ କରାଯାଉ।

All Right Reserved By

ସମ୍ପାଦକୀୟ |

ଏଇ ଭାରତରେ

ଏଇ ଭାରତରେ

ଦୁନିଆରେ ଯେତେ ସମ୍ପ୍ରଦାୟ ରହିଛି ସେମାନଙ୍କ ଚାଲିଚଳନ, ରୀତିନୀତି ଓ କଥାବାର୍ତ୍ତା ଭିନ୍ନ। ପ୍ରଥା, ପରମ୍ପରା ମଧ୍ୟ ଭିନ୍ନ ପ୍ରକାର। ସେଭଳି ସମ୍ପ୍ରଦାୟ ସଭ୍ୟ ଜଗତଠାରୁ ବହୁ ଦୂରରେ ରହିଥାଆନ୍ତି। 

ଯଥାର୍ଥ ସଫଳତା

ଯଥାର୍ଥ ସଫଳତା

ବାନ୍ଧବୀ ଫୋନ କଲେ କେତେବେଳେ ସମୟ ହେବ ମୁଁ ଆସନ୍ତି, ଝିଅର ଜାତକ ଟିକେ ଭଲକରି ଦେଖନ୍ତେ। କ’ଣ ତା’ ଭାଗ୍ୟରେ ଅଛି, ପରୀକ୍ଷା ଫଳ ଯାହା ଭାବିଥିଲୁ ତାହା ହେଲା ନାହିଁ। ୮୯% ରଖିଲା, ୯୦% ବି ଛୁଇଁଲା ନାହିଁ। ସେ କାହିଁକି ସର୍ବଦା ଏମିତି ଅସଫଳ ହେଉଛି?

କଥାରେ ଧନୀ, କାମରେ ଶୂନ୍‌

କଥାରେ ଧନୀ, କାମରେ ଶୂନ୍‌

ଏକବିଂଶ ଶତାବ୍ଦୀର ସବୁଠାରୁ ବଡ଼ ସମସ୍ୟା ହେଉଛି ବେକାରି। ମଣିଷ ଯେତେ ଆଗକୁ ମାଡ଼ିଚାଲିଛି, ଯେତେ ନୂତନ ଜ୍ଞାନକୌଶଳ ଉଦ୍ଭାବନ ହେଉଛି, ବେକାରି ସମସ୍ୟା ସେତେ ଉତ୍କଟ ହେଉଛି।

ଡିଜିଟାଲ ଯୁଦ୍ଧ

ଡିଜିଟାଲ ଯୁଦ୍ଧ

ବିଶ୍ୱରେ ପ୍ରତି କ୍ଷେତ୍ରରେ ନିରନ୍ତର ପରିବର୍ତ୍ତନ ଘଟିଚାଲିଛି। ଦିନ ଥିଲା ଲୋକେ ରେଡିଓ ଶୁଣୁଥିଲେ। ଟେଲିଭିଜନ ଆସିବା ପରେ ରେଡିଓର ଆଦର କମିଲା। ଇଣ୍ଟରନେଟ୍‌ର ବହୁଳ ପ୍ରସାର ଯୋଗୁ ଏବେ ସବୁକିଛି ଡିଜିଟାଲମୁହଁ।।

ସିବିଆଇକୁ ମନା

ସିବିଆଇକୁ ମନା

ଭାରତରେ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ)ର ବିଶ୍ୱସନୀୟତା କ୍ରମାଗତ ହ୍ରାସ ପାଇବାରେ ଲାଗିଛି। ପୂର୍ବରୁ ଏହାକୁ ଏକ ନିରପେକ୍ଷ ସଂସ୍ଥା ଭାବେ ଗଣାଯାଉଥିଲା। ନିକଟ ଅତୀତରେ ଏହାର ଶୀର୍ଷ ଦୁଇ ଅଧିକାରୀଙ୍କ ମଧ୍ୟରେ ଲାଗିଥିବା ବିବାଦ ସର୍ବୋଚ୍ଚରେ ପହଞ୍ଚିଲା ପରେ ଘଟଣା କେନ୍ଦ୍ରୀୟ ଭିଜିଲାନ୍ସ କମିଶନ (ସିଭିସି) ଓ ସୁପ୍ରିମକୋର୍ଟରେ ପଡ଼ିିଛି। 

ଦେଶ ବିଭାଜନ ପାଇଁ ଦାୟୀ କିଏ

ଦେଶ ବିଭାଜନ ପାଇଁ ଦାୟୀ କିଏ

ବିପିନ ବିହାରୀ ମିଶ୍ର

କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ୍‌ ଅବଦୁଲ୍ଲା ବିଦ୍ୟାରେ ଜଣେ ଡାକ୍ତର, ବୃତ୍ତିରେ ରାଜନୀତିଜ୍ଞ ଓ ତାଙ୍କର ବିଭିନ୍ନ ପ୍ରକାର ସଉକ ଅଛି। ଆରମ୍ଭରୁ ପରିଚିତ ହୋଇଗଲେ ଯେହେତୁ ସେ ଶେଖ୍‌ ଅବଦୁଲ୍ଲାଙ୍କ ପୁଅ।

ଆଚାରେ ଲକ୍ଷ୍ମୀ

ଆଚାରେ ଲକ୍ଷ୍ମୀ

ଅଲେଖ ଚନ୍ଦ୍ର ମିଶ୍ର 

ଭାଇ! ଗୋଟିଏ ଅନୁରୋଧ କରିବି, ରଖିବ? ମଧ୍ୟାହ୍ନ ବିରତିର ଏକ ନିରୋଳା ମୁହୂର୍ତ୍ତରେ ରଜନୀଶଙ୍କ କୋଠରି ଭିତରକୁ ପ୍ରବେଶ କରି ତାଙ୍କ କାନ ପାଖରେ ଚୁମ୍ବକରେ ସୂଚେଇଲେ ଦୀନନାଥ। 

ଏଇ ଭାରତରେ

ଏଇ ଭାରତରେ

ପୂର୍ବାପେକ୍ଷା ଆଜିକାଲି ଲୋକେ ଖୁବ୍‌ ସଚେତନ ହେଲେଣି। ନିଜ ମର୍ଜିରେ ଚଳିବାକୁ ଖୁବ୍‌ ପସନ୍ଦ କରୁଛନ୍ତି। ଏଥିପାଇଁ ଜଣେ ଝିଅ ବିବାହ ପୂର୍ବରୁ ସର୍ତ୍ତ ରଖିଛନ୍ତି। ତାହା ହେଲା ବାହାଘର ପୂର୍ବରୁ ଶାଶୁଘର ଲୋକେ ଶୌଚାଳୟ ନିର୍ମାଣ କରିବେ।

କଂଗ୍ରେସ ପାଇଁ ଆହ୍ବାନ

କଂଗ୍ରେସ ପାଇଁ ଆହ୍ବାନ

ଆକାର ପଟେଲ

ଆମ ପ୍ରଧାନମନ୍ତ୍ରୀଙ୍କର ଗୋଟିଏ ବଡ଼ ଗୁଣ ହେଲା, ସେ ଖୁବ୍‌ ଭଲ ଯୁକ୍ତି କରିପାରନ୍ତି। ସେ କୌଣସି ସାଧାରଣ ଜିନିଷକୁ ଲୋକମାନେ ବିଶ୍ୱାସ କଲାଭଳି ନୂଆ ଢଙ୍ଗରେ ଉପସ୍ଥାପନ କରିପାରନ୍ତି। ଚଳିତ ସପ୍ତାହରେ କଂଗ୍ରେସ ଦାବି କଲା ଯେ, ଜବାହରଲାଲ ନେହେରୁ ତିଆରି କରିଥିବା ବ୍ୟବସ୍ଥା ଯୋଗୁ ସେ ଆଜି ପ୍ରଧାନମନ୍ତ୍ରୀ ହୋଇପାରିଛନ୍ତି। ଏହାର ଉତ୍ତରରେ ମୋଦି କହିଲେ, ”ମୁଁ ସେମାନଙ୍କୁ ଆହ୍ବାନ କରୁଛି, କଂଗ୍ରେସର କୌଣସି ଭଲ ନେତାଙ୍କୁ ଗାନ୍ଧୀ ପରିବାର ବାହାରୁ ପାଞ୍ଚବର୍ଷ ପାଇଁ ଦଳର ...

ଆମ ଗାଁର ଚିତ୍ରପଟ

ଆମ ଗାଁର ଚିତ୍ରପଟ

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ

ସକାଳ ଦଶଟାରେ ବି ଦଶମିଟର ଦୂରର ଦୃଶ୍ୟ ଦେଖି ହେଉ ନ ଥିବା ଆମ ଦେଶର ରାଜଧାନୀ ଦିଲ୍ଲୀ ଭଳି ଆମ ଭୁବନେଶ୍ୱରର ବି ସମାନ ଅବସ୍ଥା ହେବ ବୋଲି ପରିବେଶବିତ୍‌ମାନେ ସତର୍କ କଲା ପରେ ଏଠାକାର ବାସିନ୍ଦାମାନଙ୍କ ମନରେ ଛନକା ପଶିଲାଣି। କେବଳ ପରିବେଶ ପ୍ରଦୂଷଣ ନୁହେଁ, ଏକ ସାମାଜିକ ଓ ସାଂସ୍କୃତିକ ଅବକ୍ଷୟର ବିଷାକ୍ତ ବଳୟ ମଧ୍ୟରେ ଅବରୁଦ୍ଧ ହୋଇ ଉଠୁଥିବା ଆମ ରାଜ୍ୟ ରାଜଧାନୀର ନବ୍ୟ ଚେହେରା ପ୍ରତ୍ୟକ୍ଷ କରି ସେଦିନ ଜଣେ ବନ୍ଧୁ ପ୍ରତିକ୍ରିୟା ପ୍ରକାଶ କରି କହୁଥିଲେ, ‘ଏଠାକାର ବହୁ...

ଆଚରଣ ପରିବର୍ତ୍ତନକାରୀ

ଆଚରଣ ପରିବର୍ତ୍ତନକାରୀ

ବ୍ୟକ୍ତିତ୍ୱ/ଜିତେନ୍ଦ୍ର

ଇନ୍‌ଫୋସିସ୍‌ ସାଇନ୍ସ ଫାଉଣ୍ଡେଶନ (ଆଇଏସ୍‌ଏଫ୍‌) ପକ୍ଷରୁ ପ୍ରତିବର୍ଷ ଗବେଷକ, ବୈଜ୍ଞାନିକ, ସମାଜ ବିଜ୍ଞାନୀ ଏବଂ ଇଞ୍ଜିନିୟରମାନଙ୍କୁ ୬ଟି ବିଭିନ୍ନ ବର୍ଗରେ ପୁରସ୍କାର ପ୍ରଦାନ କରାଯାଇଆସୁଛି। ୨୦୧୮ ସକାଶେ ଇଞ୍ଜିନିୟରିଂ ଆଣ୍ଡ୍‌ କମ୍ପ୍ୟୁଟର ସାଇନ୍ସ ପାଇଁ ନବକାନ୍ତ ଭଟ୍ଟ, ମାନବବାଦ ସମ୍ବନ୍ଧୀୟ ଅଧ୍ୟୟନ ଲାଗି କବିତା ସିଂ, ଜୀବ ବିଜ୍ଞାନ ନିମନ୍ତେ ରୂପ ମଲିକ୍‌, ଗାଣିତିକ ...

ଏଇ ଭାରତରେ

ଏଇ ଭାରତରେ

କ୍ରୋଧ ପରମ ଶତ୍ରୁ। କ୍ରୋଧୀ ବ୍ୟକ୍ତି ଅନ୍ୟର କ୍ଷତି ଘଟାଇବା ସହିତ ନିଜର ମଧ୍ୟ କ୍ଷତି କରିଥାଆନ୍ତି। ୩୨ବର୍ଷ ବୟସର ଜଣେ ବ୍ୟକ୍ତି ତାଙ୍କ ଭାଇଙ୍କ ସହିତ କଳି କରି ନିଜ ଶିଶୁକନ୍ୟାଙ୍କୁ ହତ୍ୟାକରିବା ଭଳି ଏକ ବିରଳ ଘଟଣା ରାଜସ୍ଥାନରେ ଘଟିଛି। ଏହି ରାଜ୍ୟର ଝଲଓ୍ବାର ...