ସମ୍ପାଦକୀୟ |

ପୁଞ୍ଜି ନିବେଶ ହେଉଛି, ନିଯୁକ୍ତି ସୁଯୋଗ ନାହିଁ

ପୁଞ୍ଜି ନିବେଶ ହେଉଛି, ନିଯୁକ୍ତି ସୁଯୋଗ ନାହିଁ
ସହଦେବ ସାହୁ

ରାଜ୍ୟରେ ହଜାର ହଜାର କୋଟି ଟଙ୍କାର ପୁଞ୍ଜି ନିବେଶ ପାଇଁ କୁବେରମାନଙ୍କୁ ସୁନାପାତ୍ରରେ ଆମନ୍ତ୍ରଣ କରାଯାଉଥିଲେ ବି ଆଖିଦୃଶିଆ ନିଯୁକ୍ତି ସୁଯୋଗ ମିଳୁନାହିଁ। କାରଣ କମ୍ପାନୀମାନେ ବିନା କର୍ମଚାରୀରେ କାମ କରିବା ଆରମ୍ଭ କଲେଣି। ଇନ୍‌ଭେଷ୍ଟ କନ୍‌କ୍ଲେଭ୍‌ (ନିବେଶ ମେଳା) କରୁଥିବା ବା କରାଉଥିବା ସରକାର ତ ଖୋଦ୍‌ ଠିକାଦାର ହୋଇଗଲେଣି । ସେ ପୁଣି କିପରି ନିଶ୍ଚିତ କରିବେ ଯେ ପୁଞ୍ଜି ନିବେଶ ପ୍ରତିଶ୍ରୁତି ଦେଉଥିବା କୁବେରମାନେ ରାଜ୍ୟରେ ଆଶାଜନକ ନିଯୁକ୍ତି ସୁଯୋଗ ଯୋଗାଇବେ!
ଇନୋଭେଶନ୍‌ ଇନ୍‌ଭେଷ୍ଟମେଣ୍ଟ ମ୍ୟାନେଜ୍‌ମେଣ୍ଟ ବା ନୂଆ ନୂଆ ଉପାୟର ପୁଞ୍ଜି ନିବେଶ ଶିକ୍ଷାକୁ ଗୋଟିଏ ନୂଆ ଆଲୋଚ୍ୟ ବିଷୟ ଭାବେ ପଢ଼ାଉଥିବା ତଥା ବୈଷୟିକ ଶିକ୍ଷା କ୍ଷେତ୍ରରେ ସୁନାମ ପାଇଥିବା ଇଣ୍ଡିଆନ୍‌ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ମ୍ୟାନେଜମେଣ୍ଟ (ଆଇଆଇଏମ୍‌)ଗୁଡ଼ିକ ତ ନିଜେ ସ୍ଥାୟୀ ଅଧ୍ୟାପକ ରଖୁନାହାନ୍ତି, ଅଧ୍ୟାପନା କାମ ପାଇ ବି ଠିକା ଭିତ୍ତିରେ ଅଧ୍ୟାପକ ନିଯୁକ୍ତ କରୁଛନ୍ତି; ଅଣଶିକ୍ଷା କ୍ଷେତ୍ରରେ କେବଳ ଠିକା କର୍ମଚାରୀ। ଆମେ ଏ କଥା ଶୁଣି ଚିହିଁକି ପଡିଲେ ବି ସେମାନେ ବୁଝାଉଛନ୍ତି- ଏହା ଉଭୟ ଆପଣଙ୍କ ପାଇଁ ଆଉ ଆଇଆଇଏମ୍‌ ପାଇଁ ଲାଭଜନକ। ନିୟମିତ ନିଯୁକ୍ତି ପାଇଁ ବଜେଟ୍‌ ନାହିଁ; ପରନ୍ତୁ ସହଜରେ ଅଧ୍ୟାପକ ଯୋଗାଉଥିବା ଠିକାଦାରି ମଞ୍ଚ ଉଧେଇଲାଣି। ସେମାନେ ବୁଝାଉଛନ୍ତି- ଠିକା ଚାକିରି ଉଭୟ ମାଲିକ ଓ ଚାକର ପାଇଁ ଲାଭଜନକ। ଠିକା କାମ ସମୟସୀମା ଭିତରେ ସରେ, ସମୟ ବଳୁଥିବା ବେଳେ ଆପଣ ଆଉ ଗୋଟିଏ କାମ ବି ଠିକାରେ କରିପାରିବେ, ଜଣେ ଡାକ୍ତର ତ ତିନି ଚାରି ଜାଗାରେ କାମ କରୁଛି!
ଫଳ ତ ଜଳ ଜଳ ଦିଶୁଛି। ପୂର୍ବ ଦଶକ ତୁଳନାରେ ୨୦୧୦ ଦଶକରେ କମ୍ପାନୀମାନେ  ସେମାନଙ୍କ କାମ ଆଉଟ୍‌ସୋର୍ସିଂ ବା ଠିକାରେ କରାଇନେଉଛନ୍ତି। ୨୦୨୦ ଦଶକରେ ଆହୁରି ବଢିବ। କମ୍ପାନୀମାନେ କହୁଛନ୍ତି ଯେ, ପ୍ରତିଭାବାନ ଲୋକେ କମ୍‌ ଦରମାରେ ନିୟମିତ କର୍ମଚାରୀ ହେବାଠାରୁ ବେଶି ଦରମାରେ ଠିକା ଶ୍ରମଜୀବୀ ହେବାକୁ ପସନ୍ଦ କରୁଛନ୍ତି। ଠିକା ବ୍ୟବସ୍ଥାରେ ଏମ୍ପ୍ଲୟୀ ବା ସ୍ଥାୟୀ କର୍ମଚାରୀ ବ୍ୟବସ୍ଥା ନାହିଁ, ତେଣୁ ନିଯୁକ୍ତି ଜୀବନବ୍ୟାପୀ ନୁହେଁ। ଠିକା ଶ୍ରମଜୀବୀ ତଥା ବିଶେଷଜ୍ଞ ଯୋଗାଇବା ଲାଗି ଭିନ୍ନ ଭିନ୍ନ ମଞ୍ଚ ତିଆରି ହେଲାଣି - ଯଥା ‘ଟାଇମ୍‌ ଟୁ କେୟାର’ - ଯଥା ସମୟରେ ଡାକ୍ତରୀ ସେବା ଯୋଗାଇବାର ମଞ୍ଚ- ଜରାଗ୍ରସ୍ତ ରୋଗୀଙ୍କ ଚିକିତ୍ସାର ଶତକଡ଼ା ୯୦ଭାଗ ଠିକାରେ କରାଇନେଉଛି ଏ ମଞ୍ଚ। ରୋଗୀ ନେବାକୁ ଟାକ୍ସି ଯୋଗାଡ କରିବା, ଔଷଧ ବିକିବା, ବିମାନ ଯାତ୍ରାର  ବନ୍ଦୋବସ୍ତ କରିବା, ବିମାନରେ ସେବିକା ଯୋଗାଇବା ଭଳି ସମସ୍ତ କାମ ଅନ୍‌ଲାଇନରେ କରିଦେଉଛି, ଦିନିକିଆ ହେଉ କି ସାପ୍ତାହିକ, ମାସିକ ହେଉ କି ବାର୍ଷିକ। ଟାକ୍ସି ଡାକିବା ବା ତା’ ଭଡା ମୂଲଚାଲ ନ କରିବା ଲାଗି ଯେଭଳି ଓଲା ବା ଉବର୍‌ ଗୋଟିଏ ଗୋଟିଏ ମଞ୍ଚ - ଏସବୁ ସେହିପରି।
ଜଲ୍‌ଦି ଖାଦ୍ୟ ଯୋଗାଇବାର ବିଶ୍ୱପ୍ରସିଦ୍ଧ ଫାଷ୍ଟ୍‌ଫୁଡ଼ କମ୍ପାନୀ ମାକଡୋନାଲ୍‌ଡର ଉଦାହରଣ ଦେଖନ୍ତୁ। ଏ କମ୍ପାନୀଟି ଠିକା ବ୍ୟବସ୍ଥାକୁ ଚରମ ସୀମାକୁ ନେଇଯାଇଛି। ତା’ ରେସ୍ତୋରାଁରେ ଶତକଡା ୧୦୦ ଭାଗ କାମ ଠିକାରେ ହୁଏ, ପରଷିବା ଲୋକ, ରୋଷେୟା, ସଫେଇ କର୍ମଚାରୀ ଆଦି କେହି ମାକଡୋନାଲ୍ଡ କମ୍ପାନୀର କିମ୍ବା ମାକଡୋନାଲ୍ଡ କମ୍ପାନୀର ଲାଇସେନ୍ସପ୍ରାପ୍ତ ଦୋକାନୀ (ଫ୍ରାଞ୍ଚାଇଜ)ର କର୍ମଚାରୀ ନୁହନ୍ତି। ଠିକା ପ୍ଲାଟ୍‌ଫର୍ମରୁ ଘଣ୍ଟାକିଆ ମଜୁରିରେ ଠିକା ଶ୍ରମିକ ମିଳୁଛନ୍ତି। ଆମେରିକାରେ ଟାକ୍ସରାବିଟ ନାମକ ଏକ ଲେବର ପ୍ଲାଟ୍‌ଫର୍ମ ଏ କାମ କରୁଛି। ସରକାର ନୀରବଦ୍ରଷ୍ଟା, ମାଲିକ ହାତ ଧୋଇ ବସୁଛି, କର୍ମଚାରୀ ପାଇଁ ଛୁଟି, ଦରମା, ରୋଗ ଖର୍ଚ୍ଚ ବା ପେନ୍‌ସନ୍‌ ବ୍ୟବସ୍ଥା ଦରକାର ନାହିଁ। କାରଖାନାରେ ଶ୍ରମିକର ସୁରକ୍ଷା ବ୍ୟବସ୍ଥା କରିବା, ପରିବେଶକୁ ପ୍ରଦୂଷଣରୁ ରକ୍ଷାକରିବା, କାରଖାନା ଭିତରେ ଆଶୁ ଚିକିତ୍ସା ବ୍ୟବସ୍ଥା ରଖିବା ଭଳି ବିପୁଳ ବ୍ୟୟରୁ ତ୍ରାହି ମିଳୁଛି। କମ୍ପାନୀର ଖାଲି ଲାଭ ହିଁ ଲାଭ।
ବିଂଶ ଶତାବ୍ଦୀର ଦ୍ୱିତୀୟାର୍ଦ୍ଧରେ ଯେମିତି କାମ କରାଯାଉଥିଲା ଏ ଢାଞ୍ଚା ତାହାର ଓଲଟା। ସେତେବେଳେ ପ୍ରତ୍ୟେକ ବ୍ୟବସାୟ ସ୍ବୟଂସମ୍ପୂର୍ଣ୍ଣ ପ୍ରକ୍ରିୟା ଥିଲା। ଅଧିକାଂଶ କାମ ବ୍ୟବସାୟୀର ନିଜ ପରିବାରରେ, ଇନ୍‌ହାଉସ୍‌ରେ ହେଉଥିଲା। ସ୍ଥାୟୀ ଓ ଚବିଶଘଣ୍ଟିଆ କର୍ମଚାରୀଙ୍କ ଦ୍ୱାରା କାମ ହେଉଥିଲା। ଅଧିକାଂଶ କର୍ମଜୀବୀ ବା ଶ୍ରମିକ ତାଙ୍କ ଜୀବନସାରା ଗୋଟିଏ କମ୍ପାନୀ ବା ଅତି ବେଶିରେ ଦୁଇଟି କମ୍ପାନୀରେ କାମ କରୁଥିଲେ। ଏଥିରେ ବିଜ୍‌ନେସ୍‌ ଲଜିକ୍‌ ଥିଲା- ସବୁବେଳେ କାମର ଡାକରାରେ ଓ ମାଲିକର ଡାକହାକ ଶୁଣିବା ପାଇଁ ଲୋକଟିଏ ରହିଲେ କମ୍ପାନୀକୁ ଶସ୍ତା ପଡ଼ୁଥିଲା। ପ୍ରତ୍ୟେକ କାମ ପାଇଁ ଖୋଲା ବଜାରରୁ ଲୋକ ଖୋଜିବା, ମଜୁରି ମୂଲଚାଲ କରିବା, ନୂଆ ଲୋକକୁ ତାଲିମ ଦେବା ଓ ସେ କ’ଣ କରିବ ପ୍ରତିଥର ତାକୁ ବୁଝାଇବା ଲାଗି ସମୟ ଦେବା ମହଙ୍ଗା ପଡ଼ୁଥିଲା, ଜଣେ ଗଲା ପରେ ନୂଆ ଲୋକଟିଏ ଆସିବାରେ ବିଳମ୍ବ ଯୋଗୁ କାମ ଅଧାପନ୍ତରିଆ ରହୁଥିଲା। ୧୯୮୦ ଦଶକରୁ ନିଯୁକ୍ତି କ୍ଷେତ୍ରରେ ପରିବର୍ତ୍ତନ ଦେଖାଗଲା। ବିଭିନ୍ନ କମ୍ପାନୀର ଅଂଶୀଦାରମାନେ ସେମାନଙ୍କ କମ୍ପାନୀକୁ ଉତ୍ସାହିତ କଲେ ଯେ କୋର୍‌ କମ୍ପିଟେନ୍ସି ଉପରେ ଧ୍ୟାନ ଦିଆଯାଉ; ଫାଲ୍‌ତୁ କାମ ଯଥା ସଫେଇ, ହିସାବକିତାବ, କମ୍ପାନୀର ନାମ ରକ୍ଷା ବା ବ୍ରାଣ୍ଡିଂ ଭଳି କାମକୁ ସେ ଦିଗରେ ବିଶେଷ ଜ୍ଞାନଥିବା ଲୋକଙ୍କୁ ଠିକା ଦିଆଯାଉ। ୨୦୦୦ ଦଶକରେ ଆଉଟ୍‌ସୋର୍ସିଂ ରୋଗ ଆମେରିକାରୁ ପୃଥିବୀ ସାରା ବ୍ୟାପିଗଲା। ଚାର୍ଲ ସାଣ୍ଡି ନାମକ ଜଣେ ମ୍ୟାନେଜ୍‌ମେଣ୍ଟ-ଗୁରୁ ଏ ପ୍ରକାର ବ୍ୟବସ୍ଥାକୁ ସାମରକ୍‌ (ବେଲପତ୍ରିଆ) ଅର୍ଗାନାଇଜେଶନ୍‌ ନାମ ଦେଇଛନ୍ତି। ସଙ୍ଗଠନର କେନ୍ଦ୍ରରେ ଥିବା ଅତ୍ୟାବଶ୍ୟକ କାର୍ଯ୍ୟକର୍ତ୍ତା ହିଁ ନିୟମିତ କର୍ମଚାରୀ ରହିବେ, ଆଉ ସବୁ ଠିକା ବା ପାର୍ଟଟାଇମ୍‌ କର୍ମଚାରୀ। ଏହି ତିନିପତରିଆ ବ୍ୟବସ୍ଥା ବିକଶିତ ହେବାକୁ ବହୁବର୍ଷ ଲାଗିଗଲା।
ଠିକା ବା ଆଉଟ୍‌ସୋର୍ସିଂର ବାଧକ ହେଲା ପ୍ରଯୁକ୍ତିବିଦ୍ୟାର କଟକଣା। କମ୍ପାନୀମାନେ ନିଶ୍ଚିତ ହୋଇପାରି ନ ଥିଲେ ଯେ ସେମାନେ ଖୋଲାବଜାରରୁ ନିଜର ଆବଶ୍ୟକତା ମୁତାବକ ଠିକ୍‌ ଲୋକ ପାଇବାକୁ ସକ୍ଷମ ହେବେ ଏବଂ କାମରେ ଅଭିଜ୍ଞତା ଅର୍ଜନ କରିଥିବା ଲୋକ ସହଜରେ ମିଳିବେ। ଏ କଟକଣା ୨୦୧୦ ବେଳକୁ ଉଠିଗଲା। ଯେଉଁ ନୂଆ ଅର୍ଥନୈତିକ ମଞ୍ଚ ଆସିଲା ତାକୁ ଗିଗ୍‌-ଇକୋନମି ପ୍ଲାଟଫର୍ମ ବା ଭୀମ-ଅର୍ଥନୀତି ମଞ୍ଚ କୁହାଗଲା। ଆମେରିକାରେ ଏଭଳି ମଞ୍ଚର କେତୋଟି ଉଦାହରଣ ହେଲା ଟାକ୍ସରାବିଟ୍‌ (କାମଶଶକ), ପିପୁଲ ଫର୍‌ ଆୱାର (ଘଣ୍ଟିକିଆ ମଣିଷ) ଓ ଏକ୍ସପର୍ଟ ୩୬୦ (୩୬୦ ଡିଗ୍ରିଆ ବା ସବୁଦିଗରୁ ବିଶେଷଜ୍ଞ)- ଏମାନେ କମ୍ପାନୀମାନଙ୍କ ଦରକାର ମୁତାବକ କାମିକା ଲୋକ ତତ୍‌କ୍ଷଣାତ୍‌ ଯୋଗାଇ ପାରିଲେ। ଏହି ମଞ୍ଚମାନଙ୍କ ଗ୍ରାହକ-କମ୍ପାନୀମାନେ ଯେଉଁ ରେଟିଂ ବା ତୁଳନାତ୍ମକ ଦକ୍ଷତାପତ୍ର ଦେଇଥିବେ ତାହା ହିଁ ଠିକା କର୍ମଚାରୀର ଗୁଣବତ୍ତାର ମାପ ହେଲା। ମାତ୍ର ଏକ ଦଶନ୍ଧିରେ ଗିଗ୍‌-ଇକୋନମି ପ୍ରକାଣ୍ଡକାୟ ହୋଇଗଲା। ଶୀଘ୍ର ବଢିବାର ଏକ ପ୍ରକୃଷ୍ଟ ଉଦାହରଣ ହେଉଛି ଉବର, ଟାକି୍ସ ଡାକିବାର ସେବା।
୨୦୧୮ରେ ସ୍ଥୂଳତଃ ଏକ ଭାଗ କର୍ମଜୀବୀ କୌଣସି ନା କୌଣସି ନିଯୁକ୍ତି-ପ୍ଲାଟ୍‌ଫର୍ମରେ ତାଲିକାଭୁକ୍ତ। ଯେଉଁ ପାଠକମାନେ ଏ ବିଷୟରେ ଜାଣିନାହାନ୍ତି ସେମାନେ ଭୁବନେଶ୍ୱର କଳ୍ପନାଛକ ବା ଆଇଆର୍‌ସି ଭିଲେଜର କ୍ରାଉନ ହୋଟେଲ ଛକରେ ଦଳ ଦଳ ଠିଆ ହୋଇଥିବା ଶ୍ରମିକଙ୍କୁ ବା ପାରାଦୀପ ବନ୍ଦରରେ ଷ୍ଟିଭେଡର କାମ ଦେଖନ୍ତୁ, ବୁଝିପାରିବେ କିପରି ନିଯୁକ୍ତି-ପ୍ଲାଟ୍‌ଫର୍ମ କାମ କରୁଛି। ବିଶେଷଜ୍ଞମାନଙ୍କ ପ୍ଲାଟ୍‌ଫର୍ମ ଆସିଯାଉଛି। ୨୦୨୫ ବେଳକୁ ଦେଶର ସୁଦକ୍ଷ, ସ୍ବଳ୍ପଦକ୍ଷ ଓ ଅଣକୁଶଳୀ ସମସ୍ତଙ୍କ ଭିତରୁ ଶତକଡା ୩୦ରୁ ବେଶି ଲୋକ ଏଭଳି କୌଣସି ନା କୌଣସି ଏମ୍ପ୍ଲୟମେଣ୍ଟ ପ୍ଲାଟ୍‌ଫର୍ମର ଅନ୍ତର୍ଭୁକ୍ତ ହୋଇ ରହିଥିବେ।
ଏ ସମସ୍ୟାର ସମାଧାନ ଆସିବ ଯେତେବେଳେ ଶାସନ ଚଳାଉଥିବା ଲୋକପ୍ରତିନିଧିମାନଙ୍କୁ ଲୋକେ ସେହି ପ୍ରକାର ଅର୍ଥାତ୍‌ ଲେଜିସ୍‌ଲେଚର ପ୍ଲାଟ୍‌ଫର୍ମରୁ ବାଛିବେ, ଏକ୍‌ଜିକ୍ୟୁଟିଭ୍‌ ଓ ଜୁଡିସିଆରି ଅନୁରୂପ ପ୍ଲାଟ୍‌ଫର୍ମରୁ ଆସିବେ ଏବଂ ପେନ୍‌ସନ୍‌ ଫେନ୍‌ସନ୍‌ ଆଦି ସମସ୍ତ ବାଜେ ଖର୍ଚ୍ଚରୁ ଦେଶ ବଞ୍ଚିଯିବ।
ଇ-ମେଲ୍‌: sahadevas@yahoo.com
All Right Reserved By

ସମ୍ପାଦକୀୟ |

ସମ୍ପାଦକୀୟ/ ଚୋକ୍‌ସିଙ୍କ ପଥ

ସମ୍ପାଦକୀୟ/ ଚୋକ୍‌ସିଙ୍କ ପଥ

ପଞ୍ଜାବ ନ୍ୟାଶନାଲ ବ୍ୟାଙ୍କ (ପିଏନ୍‌ବି) ସ୍କାମ୍‌ ପ୍ରାୟ ବର୍ଷେ ପୂରଣ କରିବାକୁ ଯାଉଛି। ଇତିମଧ୍ୟରେ ଏହାର ମୁଖ୍ୟ ଅଭିଯୁକ୍ତ ହୀରା ବ୍ୟବସାୟୀ ନୀରବ ମୋଦି ଓ ତାଙ୍କ ମାମୁ ମେହୁଲ ଚୋକ୍‌ସିଙ୍କୁ ଭାରତ ପ୍ରତ୍ୟର୍ପଣ କରାଯାଇପାରିଲା ନାହିଁ। ଚୋକ୍‌ସି ଆଣ୍ଟିଗୁଆ ନାଗରିକତ୍ୱ ଗ୍ରହଣ କରିସାରିଥିବାରୁ ୨୦୧୯ ଜାନୁୟାରୀ ୨୧ରେ ଭାରତୀୟ ପାସ୍‌ପୋର୍ଟ ସମର୍ପଣ କରିଦେଇଛନ୍ତି। ଭାରତୀୟ ବୈଦେଶିକ ନୀତି ଅନୁଯାୟୀ, ଯେତେବେଳେ ଜଣେ ନାଗରିକ ଅନ୍ୟ ଦେଶର ..

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ

୨୦୧୯ ବର୍ଷର ଶେଷ ‘ମନ୍‌ କି ବାତ୍‌’ରେ ପ୍ରଧାନମନ୍ତ୍ରୀ ମୋଦି କହିଥିଲେ ଯେ, ନକାରାତ୍ମକତାର ପ୍ରସାର କରିବା ଅତି ସହଜ କିନ୍ତୁ ଲୋକେ ସକାରାତ୍ମକତାର ପ୍ରସାର ପାଇଁ ଆଗେଇ ଆସିବା ଦରକାର। ପ୍ରଧାନମନ୍ତ୍ରୀଙ୍କ ଭଳି ନେତୃସ୍ଥାନୀୟ ବ୍ୟକ୍ତି ଏଭଳି ସକାରାତ୍ମକତାର ବିଚାର ଦେବା ଅନେକ ଆଶା ଉଦ୍ରେକ କରାଏ। ଏହି ନିର୍ବାଚନୀ ଋତୁରେ ପ୍ରଧାନମନ୍ତ୍ରୀ ‘ମନ୍‌ କି ବାତ୍‌’ରେ ରଖିଥିବା ବିଚାରକୁ ନିଜ ଆଚାରରେ ପରିଣତ କରିପାରିଲେ ତାହା ସକାରାତ୍ମକତାର ଉଦାହରଣ ସୃଷ୍ଟିକରିବ। ନିଜ ବିଚାରକୁ ଆଚାରରେ ପରିଣତ କରି ବିରୋଧୀଙ୍କୁ ଟାହିଟାପରା କରିବାର ପ୍ରବୃତ୍ତିରୁ ନିଜକୁ ଦୂରେଇ ବା ବିରୋ..

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ଡ. ପ୍ରଫୁଲ୍ଲ କୁମାର ସାହୁ

ଉଚ୍ଚଶିକ୍ଷିତ ଭାରତୀୟଙ୍କ ପକ୍ଷରେ ଯେତେବେଳେ ଆଇସିଏସ୍‌ ଚାକିରି ଥିଲା ଶ୍ରେଷ୍ଠ ସଫଳତା, ସେତେବେଳେ ସୁଭାଷ ବୋଷ ଥିଲେ ପ୍ରଥମ ଭାରତୀୟ, ଯିଏ ଆଇସିଏସ୍‌ ପରୀକ୍ଷାରେ ସଫଳତା ଅର୍ଜନ କରି ମଧ୍ୟ ତାହାକୁ ପାଦରେ ଏଡ଼େଇ ଦେଇ କେମ୍ବ୍ରିଜ୍‌ରୁ ସ୍ବଦେଶ ଫେରି ଆସିଥିଲେ ଦେଶମାତୃକାକୁ ସ୍ବାଧୀନ କରିବାର ଦୃଢ଼ ସଂକଳ୍ପ ନେଇ। ସିଧାସଳଖ ବମ୍ବେରେ ମହାମତ୍ା ଗାନ୍ଧୀଙ୍କୁ ସାକ୍ଷାତ କରି (୨୦ଜୁଲାଇ ୧୯୨୧) ସେ କଂଗ୍ରେସରେ ଯୋଗଦେଲେ ଏବଂ..

ଏଇ ଭାରତରେ

ଏଇ ଭାରତରେ

ଦେଶର ବିଭିନ୍ନ ରାଜ୍ୟରେ ବିବାହକୁ ନେଇ ରହିଛି ଭିନ୍ନ ଭିନ୍ନ ପରମ୍ପରା। ବିବାହ ବେଳେ କନ୍ୟା ଓ ବର ଅଗ୍ନିକୁ ସାକ୍ଷୀ ରଖି ସାରା ଜୀବନ ଲାଗି ସାଥୀ ହୋଇଥାଆନ୍ତି। ତେବେ ରାଜସ୍ଥାନର ଶ୍ରୀମାଲୀ ସମ୍ପ୍ରଦାୟରେ ଏକ ଭିନ୍ନ ପରମ୍ପରା ଦେଖିବାକୁ ମିଳେ। ବିଭାଘର ବେଳେ ବର କନ୍ୟାକୁ କୋଳରେ ଧରି ଅଗ୍ନି ଚାରିପାଖରେ ସାତଥର ପ୍ରଦକ୍ଷିଣ କରିଥାଆନ୍ତି। ପୁରାଣରେ ଉଲ୍ଲେଖ ରହିଛି ପ୍ରଭୁ ଶ୍ରୀକୃଷ୍ଣ ରୁକ୍ମିଣୀଙ୍କୁ ବିବାହ କରିବା ସମୟରେ ବିଘ୍ନ ..

ସମ୍ପାଦକୀୟ/କୃଷି ଆଗ

ସମ୍ପାଦକୀୟ/କୃଷି ଆଗ

ଆଜିର ସ୍ଥିତି ଦେଖିଲେ ୨୦୧୪ରେ କ୍ଷମତାକୁ ଆସିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଦେଇଥିବା ପ୍ରତିଶ୍ରୁତି ଆଦୌ ପୂରଣ କରିନାହାନ୍ତି। ଉଚ୍ଚାଙ୍ଗ ସ୍ବରରେ ‘ସମସ୍ତଙ୍କୁ ସାଙ୍ଗରେ ନେଇ ବିକାଶ’ କଥା କହୁଥିଲେ ମଧ୍ୟ ତା’ର ଫଳ ଶୂନ ହୋଇଛି। ବିଶେଷକରି ସାମାଜିକ ଓ ଅର୍ଥନୈତିକ ଦିଗରୁ ତାଙ୍କ ଶାସନ ସମୟରେ ଦେଶର ଅଧିକ କ୍ଷତି ଘଟିଛି। ଅସହିଷ୍ଣୁତା, ମିଛିମିଛିକା ଦେଶପ୍ରେମ ଓ ବିଭାଜନ ରାଜନୀତି ସାମାଜିକ ବାତାବରଣକୁ ଘୋର ପ୍ରଭାବିତ କରିଛି। ଏକ ଉତ୍ତମ ଶାସନ ଜରିଆରେ ଭାରତୀୟ ଅର୍ଥନୀତିକୁ ନୂଆ ଦିଗ ଦେଖାଇଦିଆଯିବ ବୋଲି କୁହାଯାଇଥିଲେ ମଧ୍ୟ ତା’ର ସୁଫଳ ଲୋକେ ପାଇପାରିନାହାନ୍ତି। ଏହା ଜଣାଶୁଣା ଯେ, ମୋଦିଙ୍କ ଶାସନ ସମୟରେ କର୍ପୋରେଟ ପ୍ରୀତି ବଢ଼ିଛି..

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

ସହଦେବ ସାହୁ

ଜାତିସଂଘର ଖାଦ୍ୟ ଓ କୃଷି ସଂସ୍ଥା (ଏଫ୍‌ଏଓ) ସହିତ କାର୍ଯ୍ୟ କରୁଥିବା କ୍ଷୁଧା ଓ କୁପୁଷ୍ଟି ବିରୋଧୀ ଅନ୍ତର୍ଜାତୀୟ ସଂଗୋଷ୍ଠୀ (ଇଣ୍ଟରନ୍ୟାଶନାଲ ଆଲାଏନ୍ସ ଏଗେଁଷ୍ଟ ହଙ୍ଗର ଆଣ୍ଡ ମାଲନ୍ୟୁଟ୍ରିଶନ୍‌) କୃଷି କ୍ଷେତ୍ରରେ ଭାରତର ଅଭୂତପୂର୍ବ ବିକାଶକୁ ପ୍ରଶଂସା କରିଛି। ୧୯୫୦-୫୧ରେ ଭାରତରେ ଖାଦ୍ୟଶସ୍ୟ ଉପତ୍ାଦନ ପରିମାଣ ୫ କୋଟି ଟନ୍‌ ଥିବାବେଳେ ୨୦୧୬-୧୭ରେ ୨୭ କୋଟି ୨୦ ଲକ୍ଷ ଟନ୍‌ ହୋଇଛି, ପ୍ରାୟ ୫ଗୁଣ। ଲୋକସଂଖ୍ୟା ବଢ଼ିଛି ୪ ଗୁଣ। ତେଣୁ ଖାଦ୍ୟ-ଅଭାବୀ ପରିସ୍ଥିତିକୁ ପଛରେ ପକାଇ ଭାରତ ଏକ ଖାଦ୍ୟ ରପ୍ତାନିକାରୀ ରାଷ୍ଟ୍ର ହୋଇଗଲାଣି। ତଥାପି ଭାରତରେ କ୍ଷୁଧା ଓ କୁପୁଷ୍ଟି କାରଣରୁ ଏକଚତୁର୍ଥାଂଶ ଲୋକ କାର୍ଯ୍ୟକ୍ଷମ ହୋଇପାରୁ ନାହା..

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ବ୍ରହ୍ମାନନ୍ଦ ପଣ୍ଡା

ଆଜିକାଲି ଭାରତୀୟ ଶିକ୍ଷା ବ୍ୟବସ୍ଥାର ଏଭଳି ଅଧୋଗତି ହୋଇଛି ଯେ, ପ୍ରାୟ ୬୦% ମାଧ୍ୟମିକ ଛାତ୍ରୀଛାତ୍ର ଦରଖାସ୍ତଟିଏ ଲେଖିବାକୁ ବା ସାଧାରଣ ହିସାବଟିଏ କରିବାକୁ ଅସମର୍ଥ। ଭାରତର ୭୫% ଯାନ୍ତ୍ରିକ ଓ କାରିଗରି ଶିକ୍ଷାପ୍ରାପ୍ତ ସ୍ନାତକ ଚାକିରି ପାଇବାକୁ ଅଯୋଗ୍ୟ ବୋଲି ନିକଟ ଅତୀତରେ ପ୍ରକାଶ ପାଇଥିବା ତଥ୍ୟ ସାରା ଭାରତରେ ଆଲୋଡ଼ନ ସୃଷ୍ଟି କରିଥିଲା। ଖାଲି ସେତିକି ନୁହେଁ ଛାତ୍ରସମାଜର ଆଜି ନୈତିକ ସ୍ଖଳନ ଘଟିଛି। ଭାରତୀୟ ସଂସ୍କୃତିର ଅବକ୍ଷୟ ହେଉଛି। ମାନବିକ ମୂଲ୍ୟବୋଧ ଲୋପ ପାଉଛି। ଆଜିର ଶିକ୍ଷା ବ୍ୟୟବହୁଳ ଏବଂ ଚାକିରିସର୍ବସ୍ବ ହୋଇଛି। ଜ୍ଞାନ ଓ ଗବେଷଣା ଅର୍ଥସର୍ବସ୍ବ ହୋଇଛି। ସମାଜସେବା ପ୍ରଚାରସର୍ବସ୍ବ ହୋଇଛି। ଯଦି ସ୍ନାତକ ଓ ସ୍ନାତକୋତ୍ତର ଛାତ୍ରୀଛାତ୍ର ପିଅନ ..

ଏଇ ଭାରତରେ

ଏଇ ଭାରତରେ

କାହିଁ କେଉଁ ଆଦିମ କାଳରୁ କୁକୁର ହେଉଛି ମଣିଷର ସାଥୀ। ଏହି ପ୍ରାଣୀ ମଣିଷର ଅତ୍ୟନ୍ତ ବିଶ୍ୱସ୍ତ ଭୃତ୍ୟ ଭାବରେ କାର୍ଯ୍ୟ କରେ। ଏପରି କି ମାଲିକର ଲୁଣ ଖାଇବାରୁ ତା’ର ଗୁଣ ଗାଏ। ମାଲିକର ଜୀବନ ବଞ୍ଚାଇବାକୁ ଯାଇ ଦରକାର ପଡ଼ିଲେ ନିଜ ଜୀବନ ହାରିଦିଏ। ଏପରି ଏକ ଘଟଣା ଘଟିଛି ଜୟପୁରରେ। ରାଜସ୍ଥାନର ଜୟପୁରରେ ବାସ କରୁଥିବା ପୂର୍ବତନ ରଣଜୀ ଖେଳାଳି ସଞ୍ଜୀବ ଓହଲାନ୍‌ଙ୍କ ବାସଭବନରେ ନିଆଁ ଲାଗିଯାଇଥିଲା। ତଳ ମହଲାରେ ତାଙ୍କ ସ୍ତ୍ରୀ, ପୁଅ ଓ ଚାକରକୁ ଉଦ୍ଧାର କରାଯାଇଥିଲେ ମଧ୍ୟ ନିଆଁ ଲାଗିବା ଯୋଗୁ ସଞ୍ଜୀବ..

ମୋଦି: ସବୁଥିରେ ଆଙ୍ଗୁଠି

ମୋଦି: ସବୁଥିରେ ଆଙ୍ଗୁଠି

ସ।ଧାରଣ ନିର୍ବାଚନ ଯେତେ ନିକଟତର ହେଉଛି, ରାଜନୈତିକ ଉଷ୍ମତା ସେତେ ବଢ଼ିବାରେ ଲାଗିଲାଣି। ଜାନୁୟାରୀ ୧୯ରେ କୋଲକାତାରେ  ବିରୋଧୀଙ୍କ ରାଲିର କଳେବର ଦେଖିଲେ ମହାଗଠବନ୍ଧନ ଶକ୍ତିଶାଳୀ ହେଉଥିବା ମନେହେଉଛି। 

ସବୁଜ ପରିବହନ ବ୍ୟବସ୍ଥା

ସବୁଜ ପରିବହନ ବ୍ୟବସ୍ଥା

 ବିଶ୍ୱ ସ୍ବାସ୍ଥ୍ୟ ସଂସ୍ଥାର ଏକ ରିପୋର୍ଟରୁ ଜଣାଯାଏ ଯେ, ଭାରତରେ ଅଧିକାଂଶ ସହର ବାୟୁ ପ୍ରଦୂଷଣ ଦ୍ୱାରା ଆକ୍ରାନ୍ତ। ଏପରି କି ପୃଥିବୀର ସବୁଠାରୁ ଅଧିକ ପନ୍ଦରଟି ସହର ମଧ୍ୟରେ ଭାରତର ଚଉଦଟି ସହର ଅଛି। ସବୁଠାରୁ ପ୍ରଦୂଷିତ ସହର ହେଉଛି କାନପୁର। 

ବାସିପାଣିରେ ପଚରା

ବାସିପାଣିରେ ପଚରା

ହଇରେ ମୋତେ କ’ଣ ଆଉ ବାସିପାଣିରେ ପଚାରୁନୁ? ଚିହ୍ନା ଲୋକଟିଏ, ଆପଣାର ମଣିଷଟିଏ ଆମକୁ ପୂର୍ବାପେକ୍ଷା ହତାଦର କରିବାର ଅନୁଭବ କଲେ ଆମେ ଏ ରୂଢିଟିର ପ୍ରୟୋଗ କରିଥାଉ! ଏଠାରେ ବାସିପାଣିକୁ ନିକୃଷ୍ଟ ଅର୍ଥରେ ବ୍ୟବହାର କରାଯାଇଛି। ନଚେତ୍‌ ଆମେ କହୁଥାନ୍ତେ- ହଇରେ ମୋତେ କ’ଣ ଆଉ ସଜପାଣିରେ ପଚାରୁନୁ? ନଚେତ୍‌ କହିଥାନ୍ତେ- କିରେ ମୋତେ କ’ଣ ଆଉ ମଦପାଣିରେ ପଚାରୁନୁ? ମାନେ ବାସିପାଣିଟି ପଚାରିବା ବା ବନ୍ଧୁ ଚର୍ଚ୍ଚା କରିବା ଯୋଗ୍ୟ ନୁହେଁ।

ଏଇ ଭାରତରେ

ଏଇ ଭାରତରେ

ଭଲ ପାଇବାର ହୃଦୟଟିଏ ଥିଲେ କେତେକ ପୁରୁଷ ଓ ମହିଳା ଅତିକ୍ରାନ୍ତ ବୟସରେ ବି ଭଲପାଇ ବସନ୍ତି। ତେବେ ଭଲ ପାଇବା ପାଇଁ ଜଣେ ବିବାହିତା ମହିଳା ଏକ ଅଭିନବ ପନ୍ଥା ଆପଣାଇଥିଲେ।