ସମ୍ପାଦକୀୟ |

ସମୟ ବରବାଦ ସପକ୍ଷରେ

ସମୟ ବରବାଦ ସପକ୍ଷରେ
ରଞ୍ଜନ କୁମାର ଦାସ


ସମୟ ବଡ଼ ମୂଲ୍ୟବାନ। ଆଜିର ଦୁନିଆରେ ଜୀବନ ଦିନକୁ ଦିନ ଜଞ୍ଜାଳଗ୍ରସ୍ତ ହୋଇପଡୁଛି। ଏତେ କାମ, ଏତେ ବରାଦି ସାମ୍ନାରେ ପଡିରହୁଛି ଯେ ଦିନର ଚବିଶ ଘଣ୍ଟା ଯଥେଷ୍ଟ ନ ହେବା ଭଳି ଲାଗୁଛି। ଅଫିସ ବା ବ୍ୟବସାୟରେ ଏତେ କାମ ପଡିରହୁଛି ଯେ ରାତିରେ ଘରକୁ ଫେରିବାକୁ ବି ମନ କହୁନି, କାରଣ ସକାଳ ହେଲେ ପୁଣି ଏ କାମ କାହିଁକି ସରିନି ବୋଲି କୈଫିୟତ ଦେବାକୁ ପଡିବ। ତା’ ସାଙ୍ଗକୁ ଆସନ୍ତାକାଲିର ଅନେକ ନୂଆ ଦାବି, ନୂଆ ବରାଦ ପୁଣି ସଜିଲ୍‌ ହୋଇ ରହିଥିବ। ବେଳେବେଳେ ମନକୁ ବି ଏ କଥା ଆସେ ଦିନଟା ଯଦି ଚବିଶ ଘଣ୍ଟା ନ ହୋଇ ଅଠଚାଳିଶ ଘଣ୍ଟା ହୋଇଥାନ୍ତା କି! 
ଏଇ କାମର ଚକ୍କରରେ ଜୀବନ ଏବେ ଦୁର୍ବିଷହ ହୋଇପଡିଲାଣି। ଲୋକେ ଦିନସାରା ଅଫିସ୍‌ରେ କାମ କଲା ପରେ ଘରକୁ ଫେରି ପୁଣି ନିଜ ହ୍ବାଟ୍‌ସଆପ, ଟୁଇଟର, ଇ-ମେଲ, ଲାପଟପ୍‌କୁ ନେଇ ରାତିଅନିଦ୍ରା ହେଉଛନ୍ତି। ପରିବାର, ସ୍ତ୍ରୀ ପିଲା, ନିଜ ପାଇଁ ବ୍ୟକ୍ତିଗତ ସମୟ ନାହିଁ। ଫଳରେ ପରିବାର ଭାଙ୍ଗିଯିବାର କାହାଣୀ ବି ଶୁଣିବାକୁ ମିଳୁଛି। ଲୋକ ଯେତେ ସଫଳ ତାଙ୍କ ବ୍ୟକ୍ତିଗତ ଜୀବନ ସେତେ ବିପର୍ଯ୍ୟସ୍ତ। କ୍ୱଚିତ୍‌ ଲୋକ ଏହାର ବ୍ୟତିକ୍ରମ। ନିଜର ସଫଳତା ପାଇଁ ଲୋକେ ନିଜର ପ୍ରତିଟି ମୁହୂର୍ତ୍ତକୁ ବିନିଯୋଗ କରି ନିଜର ଦକ୍ଷତା ପ୍ରତିପାଦନ କରିବାକୁ ଚାହୁଁଛନ୍ତି। ପ୍ରତିଟି ମୁହୂର୍ତ୍ତର ଉପତ୍ାଦକତା ବୃଦ୍ଧି ଉପରେ ଗୁରୁତ୍ୱ ଦେଉଛନ୍ତି। ସତେଯେମିତି ଜୀବନ କେବଳ କାମ ହିଁ କାମ। କାମ ଛଡା ଆଉ ଯେମିତି କିଛି ନାହିଁ। ମୁହୂର୍ତ୍ତଟେ ବସିଗଲେ ଲାଗୁଛି ଯେମିତି ମୁଁ ପଛରେ ପଡିଯିବି, ଅନ୍ୟ ପ୍ରତିଦ୍ୱନ୍ଦ୍ୱୀମାନେ ଆଗକୁ ମାଡିଯିବେ। ତେଣୁ ବ୍ୟକ୍ତିଗତ ସ୍ବାଚ୍ଛନ୍ଦ୍ୟ, ସୁଖଦୁଃଖ, ହସକାନ୍ଦ ସବୁ ପଛରେ ପଡିଯାଉଛି। ମଣିଷ ଯନ୍ତ୍ରବତ୍‌ କାମ କରିଚାଲୁଛି। ପାଖରେ ଛୁଟି ଥିଲେ ବି ଛୁଟିରେ ଯିବାକୁ ସମୟ କି ସୁଯୋଗ ନାହିଁ। ଏପରି କି ପଛରେ ପଡିଯିବାର ଭୟରେ ଲୋକେ ଛୁଟି ବି ନେଉନାହାନ୍ତି। କାଳେ ଛୁଟିରେ ଗଲେ ଆସିଲାବେଳକୁ ଆଉ କିଏ ଚଉକି ଦଖଲ କରିନେଇଥିବ। ଅବସର ବିନୋଦନର ସୁଯୋଗ ନାହିଁ। ସମସ୍ତେ ଭାବୁଛନ୍ତି ଅବସର ବିନୋଦନର ସମୟଟି ଅଯଥା ବରବାଦ ହେବ। ଯାହା ସଫଳତା ଆଣିପାରିବ ନାହିଁ, ଯାହା ଲକ୍ଷ୍ୟ ହାସଲ କରିବାରେ ସହାୟକ ହେବନାହିଁ ତାହା ବରବାଦ ନୁହେଁ ତ ଆଉ କ’ଣ?
ନିକଟରେ ହୃଦ୍‌ଘାତରେ ପୀଡିତ ହୋଇ ଏ ଲେଖକଙ୍କୁ ଏକ ଘରୋଇ ହାସ୍‌ପାତାଳରେ ଚିକିତ୍ସିତ ହେବାକୁ ପଡିଲା। କିଛିଦିନ ପାଇଁ ମୋଠାରୁ ମୋବାଇଲ ସବୁ କାଢ଼ି ନିଆଗଲା। ଏପରିକି ଭେଟିବାକୁ ଆସୁଥିବା ବନ୍ଧୁବର୍ଗ, ଶୁଭେଚ୍ଛୁମାନଙ୍କ ଉପରେ ମଧ୍ୟ କଟକଣା ଲଗାଗଲା। ହାସ୍‌ପାତାଳରୁ ଘରକୁ ଫେରିଲାବେଳେ ଡାକ୍ତରଙ୍କ ପରାମର୍ଶ ଥିଲା ଅନ୍ତତଃ ମାସକ ପାଇଁ ସମ୍ପୂର୍ଣ୍ଣ ବିଶ୍ରାମ। ଏ ସମୟରେ କୌଣସି କାମ ନାହିଁ, ଅଯଥା ଗପସପ, ଯାତ୍ରା, ଶାରୀରିକ ଓ ମାନସିକ ଚାପରୁ ନିଜକୁ ମୁକ୍ତ ରଖିବାକୁ ହେବ। ମୋବାଇଲ ଓ କମ୍ପ୍ୟୁଟର ବ୍ୟବହାର କରିବେ ନାହିଁ। ମୁଁ ପଚାରିଲି ଏତେ ଦିନ ବସିବସି କରିବି କ’ଣ, ଏତେଗୁଡାଏ ସମୟ କ’ଣ ଏମିତି ବରବାଦ କରିହେବ? ଡାକ୍ତର ହସିଲେ ଏବଂ ତାଗିଦ୍‌ କଲେ ଏସବୁ ପରାମର୍ଶକୁ କଠୋର ଭାବେ ପାଳନ କରିବାକୁ। 
ସନ୍ଧ୍ୟାରେ ଜଣେ ବନ୍ଧୁ ଗୋଟିଏ ଇଂଲିଶ ବହି ଆଣି ଉପହାର ଦେଲେ। ବହିଟିର ନାଁ ଥିଲା ‘In praise of wasting time’ ଅର୍ଥାତ୍‌ ସମୟ ବରବାଦ କରିବା ସପକ୍ଷରେ ଯୁକ୍ତି। ବହିଟିର ଲେଖକ ହେଲେ ଆଲାନ୍‌ ଲାଇଟ୍‌ମ୍ୟାନ୍‌। ଲେଖକ ସମ୍ମାନଜନକ ମାସାଚ୍ୟୁସେଟ୍‌ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଟେକ୍‌ନୋଲୋଜିର ପ୍ରଫେସର ତଥା ଆମେରିକାନ୍‌ ଏକାଡେମୀ ଅଫ୍‌ ସାଇନ୍ସର ଅନ୍ୟତମ ସଦସ୍ୟ। ତାଙ୍କର କହିବା କଥା ମଧ୍ୟ ସେଇଆ। କାମର ସମୟ ଛଡ଼ା ଅନ୍ୟ ସବୁ ସମୟ ବରବାଦ ହେଇଗଲା, ବେକାର ହେଇଗଲା ବୋଲି ଆମେ ଭାବୁ। ମାତ୍ର ଏ କଥା ବୁଝିବାକୁ ଏବଂ ଗ୍ରହଣ କରିବାକୁ ହେବ ଯେ, ବେଳେବେଳେ କିଛି କାମ ନ କରିବା ହିଁ ସବୁଠୁ ଭଲ କାମ। ଏଇ ସମୟରେ ମୋବାଇଲ, କମ୍ପ୍ୟୁଟର ସବୁ ବନ୍ଦ କରି, ବାହାର ଜଗତରୁ ନିଜକୁ ବିଚ୍ଛିନ୍ନ କରି ନିଘୋଡ଼ ନିଦରେ ଶୁଆଯାଇପାରେ। ନିଜ ପସନ୍ଦର ଗୀତ ଶୁଣାଯାଇପାରେ, ସିନେମା ଦେଖାଯାଇପାରେ, ପ୍ରକୃତିକୁ ଉପଭୋଗ କରାଯାଇପାରେ, ଶୂନ୍ୟ ଆକାଶରେ ଜହ୍ନ ଆଉ ତାରାଙ୍କୁ ନିରିଖେଇ ଦେଖାଯାଇପାରେ, ଧ୍ୟାନ କରାଯାଇପାରେ, କବିତା ଲେଖାଯାଇପାରେ, ବହି ପଢ଼ାଯାଇପାରେ। ମନପସନ୍ଦର ଗୀତ ଗୁଣୁଗୁଣୁ ଗାଇ, ପ୍ରଜାପତିଙ୍କ ପଛରେ ପିଲାଟିଏ ପରି ଦୌଡ଼ାଯାଇପାରେ, ଯାହାର ଯାହା ରୁଚି ଥିବ ସେଥିରେ ଧ୍ୟାନ କେନ୍ଦ୍ରୀଭୂତ କରାଯାଇପାରେ। ନିଜ ପ୍ରିୟ ଲୋକଙ୍କ ବାବଦରେ ଚିନ୍ତା କରାଯାଇପାରେ, ସେମାନଙ୍କ ମେଳରେ ସମୟ କଟାଯାଇପାରେ। ପୁଅଝିଅ, ସ୍ତ୍ରୀ ବା ନାତିନାତୁଣୀଙ୍କ ସହ ମଧ୍ୟ ଅନ୍ତରଙ୍ଗ ସମୟ ବିତାଯାଇପାରେ। ଏପରିକି ସାଙ୍ଗସାଥୀ, ବନ୍ଧୁଙ୍କ ସହ ଫୂର୍ତ୍ତି କରିବା, ମସ୍ତି ମାରିବା, ଖଟିରେ ବସିବା ମଧ୍ୟ ଅନେକ ସମୟରେ ମନରୁ ଚାପ ଦୂର କରେ। ନିଜ ସହିତ ଓ ନିଜ ଲୋକଙ୍କ ସହିତ ଏ ଅଭିସାର ଆମକୁ ହାଲୁକା କରିବା ସହ ନୂତନ ଶକ୍ତି ଓ ସାମର୍ଥ୍ୟ ଯୋଗାଏ।
ମାତ୍ର ଏସବୁକୁ ହିଁ ତ ଆମେ ଭାବୁ ବେକାର କାମ ବୋଲି। ପ୍ରକୃତରେ ଏବେ ଏ କାମ ସବୁକୁ ବେକାର କାମ ବୋଲି ଆଉ କହିହେବ ନାହିଁ। ଏଇ ତଥାକଥିତ ବରବାଦ ହୋଇଯାଇଥିବା ସମୟ ହିଁ ଆମ ନିଜ ପାଇଁ ଆମେ ଦେଉଥିବା ସମୟ। ଯାହାକୁ ଆମେ ମୂଲ୍ୟବାନ୍‌ ସମୟ ବୋଲି ଭାବୁଛୁ ତାହା ତ ଅନ୍ୟମାନଙ୍କ କାମରେ ଲାଗୁଥିବା ସମୟ, ଦିନରେ ଯଦି ଆମେ ପନ୍ଦର ଷୋଳ ଘଣ୍ଟା ଅନ୍ୟ ପାଇଁ ଦେଇପାରୁଛେ, ନିଜ ପାଇଁ ଘଣ୍ଟେ ଦି’ଘଣ୍ଟା ଦେବା ପାଇଁ ଏତେ କୁଣ୍ଠିତ ହେବା କାହିଁକି? ଏଇ ତ ସେଇ ସମୟ ଯାହା ଆମ ଭିତରର ଅସଲ ମଣିଷକୁ ଅଣ୍ଟା ସଳଖି ଠିଆହେବା ପାଇଁ ସାହାଯ୍ୟ କରେ। ଆମ ଖଣ୍ଡବିଖଣ୍ଡିତ ବ୍ୟକ୍ତିତ୍ୱକୁ ଏକାଠି କରେ, ନିଃସ୍ବ ହେଇଯାଉଥିବା ଜୀବନକୁ ପୂର୍ଣ୍ଣ କରେ। ନୂତନ ଚିନ୍ତାଧାରା ଓ ସୃଜନଶୀଳତାର ଉନ୍ମେଷ କରେ। ଏଇ ସମୟ ଆମକୁ ଫୁରସତ ଦିଏ ନିଜ ଜୀବନକୁ ପୁନର୍ବିଲୋକନ କରିବାକୁ, କେଉଁଠି ଭୁଲ ରହିଗଲା ତା’ର ସମୀକ୍ଷା କରିବାକୁ ଏବଂ ଭବିଷ୍ୟତରେ କିଭଳି ନିଜ ଜୀବନକୁ ପୂର୍ଣ୍ଣାଙ୍ଗ କରିହେବ ତା’ର ନକ୍‌ସା ପ୍ରସ୍ତୁତ କରିବାକୁ। ଚିରାଚରିତ ଖଡ଼ାବଡ଼ିଥୋଡ଼ର ଗତାନୁଗତିକ ଜୀବନରୁ ନିଜକୁ ମୁକ୍ତ କରି ଏଇ ସମୟ ଜୀବନରେ ନୂଆ ଇନ୍ଦ୍ରଧନୁ ଆଙ୍କେ। ନିଜକୁ ନୂଆକରି ଗଢିବା ପାଇଁ ଦମ୍‌ ସଂଗ୍ରହ କରିବାର ସମୟ ଇଏ। ମଞ୍ଜି ଯେମିତି କିଶଳୟ ମଣ୍ଡିତ ହେବା ଆଗରୁ କିଛି ସମୟ ନିଜକୁ ମାଟି ଭିତରେ ଲୁଚାଇ ରଖେ, ଶଁବାଳୁଆ ଯେମିତି ପ୍ରଜାପତିରେ ପରିଣତ ହେବା ଆଗରୁ ନିଜକୁ କୋଷା ଭିତରେ ଲୁଚେଇ ରଖେ, ସେଇଭଳି ଏଇ କିଛି ସମୟର ଆମତ୍ଗୋପନ ଆମକୁ ଅଧିକ ସମର୍ଥ ଓ ସକ୍ଷମ କରାଏ। ଏକ ନବଜୀବନର ସଂରଚନା କରେ ଏ ଶୀତନିଦ୍ରା। ତେଣୁ ଏହାକୁ ବରବାଦ ହେଲା ବୋଲି କହିବା ସତ୍ୟର ଅପଳାପ।
ଆମେରୀକୀୟ ଲେଖକ ନିକ୍‌ ବ୍ରନ୍‌ ଏବେ ‘Make Time’ ବୋଲି ଗୋଟିଏ ବହି ଲେଖିଛନ୍ତି। ତାଙ୍କର ମତ ବି ସେୟା। ସଫଳ ହେବାର ମୂଷିକ ଦୌଡ଼ରେ ସାମିଲ ହୋଇ ଆମେ ଏବେ ହୁଏତ ସଫଳ ହୋଇଛେ ବୋଲି ଦାବି କରୁଛେ, ମାତ୍ର ସୁଖୀ ହୋଇପାରିନେ। ଏ କଥା ହୃଦୟଙ୍ଗମ କରିବାକୁ ହେବ ଯେ ସଫଳ ହେବା ଅପେକ୍ଷା ସୁଖୀ ହେବା ଜୀବନର ବୃହତ୍ତର ଲକ୍ଷ୍ୟ। ଆମେ ସଫଳ ହେଲେ ସୁଖ କିଣିପାରିବା ବୋଲି ଭାବି ଜୀବନସାରା ଦୌଡି ଚାଲିଲେ ରାଜା ମିଡାସ୍‌ଙ୍କ ଭଳି। ଯାହାକୁ ଛୁଇଁବା ତାହା ସୁନା ହୋଇଯାଉ ବୋଲି ବର ଆମେ ହୁଏତ ପାଇଛେ କଠୋର ତପସ୍ୟା ପରେ। ମାତ୍ର ଆମ ଭାତଥାଳିର ଭାତ, ଗିଲାସର ପାଣି ବି ସୁନା ହୋଇଗଲେ କି ସୁଖ ମିଳିବ ଆମକୁ? ରାଜାର ମୁକୁଟ ପିନ୍ଧିଥିବା ଅନ୍ତଃସାରଶୂନ୍ୟ ମଣିଷ ଶେଷରେ ନିଜ ରକ୍ତମାଂସର ଝିଅକୁ ମଧ୍ୟ ରାଜା ମିଡାସ୍‌ଙ୍କ ପରି ଛଉଁଛୁଉଁ ସୁନାର ମୂର୍ତ୍ତିଟିଏ କରିଦେଇପାରେ। ତେଣୁ ନିଜକୁ ସାଫଲ୍ୟମଣ୍ଡିତ ହେବାର ଦୁର୍ବାର ଅଭିଳାଷରୁ ମୁକ୍ତ କରିବାର ସମୟ ଉପନୀତ। ଜୀବନକୁ ଠିକ୍‌ ଢଙ୍ଗରେ ଜିଇବାର ଅଭିଳାଷକୁ ପୁନର୍ଜୀବିତ କରିବାକୁ ହେବ। ନିଜ ଆମତ୍ାର ଡାକ ଶୁଣିବାକୁ ପଡ଼ିବ। 
ଜିଲାପାଳ, ଯାଜପୁର, ମୋ- ୯୪୩୭୨୮୬୫୧୨
All Right Reserved By

ସମ୍ପାଦକୀୟ |

ପୁଲ୍‌ଓ୍ବାମା ଆକ୍ରମଣ

ପୁଲ୍‌ଓ୍ବାମା ଆକ୍ରମଣ

ଆକାର ପଟେଲ

ଜୈଶ୍‌-ଇ-ମହମ୍ମଦ ମାନେ ମହମ୍ମଦଙ୍କ ସେନା। କିନ୍ତୁ ରସୁଲ ମହମ୍ମଦଙ୍କର ଦେଶ ଜୟ କରିବାର କୌଣସି ଉଚ୍ଚାକାଂକ୍ଷା ନ ଥିଲା। ମହମ୍ମଦଙ୍କ ମୃତ୍ୟୁ ପରେ ଖଲିଫାମାନଙ୍କ, ବିଶେଷତଃ ଉମରଙ୍କ ନେତୃତ୍ୱରେ ଆରବର ସମ୍ପ୍ରସାରଣ ଘଟିଥିଲା। ଜୈଶ୍‌ ହେଉଛି ଏକ ପାକିସ୍ତାନୀ ସଂଗଠନ ଏବଂ ଏଥିରେ ମୁଖ୍ୟତଃ ଗାଉଁଲି ପଞ୍ଜାବୀମାନେ ନିଯୁକ୍ତି ପାଇଛନ୍ତି। ଲଶ୍କର-ଇ-ତୋଇବାଠାରୁ ଏହା ବହୁତ ଛୋଟ ସଂଗଠନ ଏବଂ ଏହାର ଆଦର୍ଶରେ ମଧ୍ୟ ପାର୍ଥକ୍ୟ ଅଛି। ଆତ୍ମହତ୍ୟାକୁ ସଲାଫି ବା ମହାପାପ ବୋଲି ଇସଲାମରେ ବିଚାର କରାଯାଉଥିବାରୁ ଲଶ୍କରମାନେ ଆତ୍ମଘାତୀ ବିସ୍ଫୋରଣକୁ ପସନ୍ଦ କରନ୍ତି ନାହିଁ। କିନ୍ତୁ ସେମାନେ ଆତଙ୍କବାଦୀମାନଙ୍କୁ ଫି..

ଲୋକେ କ’ଣ କହିବେ

ଲୋକେ କ’ଣ କହିବେ

ଚିତ୍ର-ଚରିତ୍ର/ ନିରଞ୍ଜନ ପାଢ଼ୀ

କେଇଦିନ ତଳେ ଏକ ଦୂରଗାମୀ ଟ୍ରେନ୍‌ର ଶୀତତାପ ନିୟନ୍ତ୍ରିତ ଡବାରେ ବସି ପଶ୍ଚିମବଙ୍ଗର ମାଲ୍‌ଦାରୁ ଭୁବନେଶ୍ୱର ଫେରୁଥିଲା ବେଳେ ପାଖ ବର୍ଥରେ ବସି ଯାତ୍ରା କରୁଥିବା ଦୁଇ ଅଣଓଡ଼ିଆ ଦମ୍ପତିଙ୍କ ହିନ୍ଦୀ ବାର୍ତ୍ତାଳାପ ଲେଖକକୁ ବେଶ୍‌ କିଛି ସମୟ ପାଇଁ ଆତ୍ମମନସ୍କ କରିଦେଇଥିଲା। ପତି ପତ୍ନୀ ଦୁହେଁ ଯେଉଁ ପ୍ରସଙ୍ଗ ସମ୍ପର୍କରେ କମ୍‌ ଆଲୋଚନା, ବେଶି ଯୁକ୍ତି କରୁଥିଲେ ସେ ପ୍ରସଙ୍ଗଟି ଥିଲା ସେଇ ବୃଦ୍ଧା ବିଧବା ନାରୀଙ୍କୁ ନେଇ, ଯାହାଙ୍କ ପରିଚୟ ଥିଲା ପତିଙ୍କ ମା’ ଓରଫ ପତ୍ନୀଙ୍କର ଶାଶୁ। ପତ୍ନୀଙ୍କର ଜିଦ୍‌ ଥି..

ନୂଆ ନିର୍ବାଚନ କମିଶନର

ନୂଆ ନିର୍ବାଚନ କମିଶନର

ବ୍ୟକ୍ତିତ୍ୱ/ଜିତେନ୍ଦ୍ର କୁମାର ନାୟକ

ସାଧାରଣ ନିର୍ବାଚନ ଆଉ ଦୁଇ ମାସ ବାକି ରହିଛି। ଦେଶରେ ଅବାଧ ଓ ନିରପେକ୍ଷ ନିର୍ବାଚନ ପରିଚାଳନା କରିବା ଲାଗି ଭାରତର ନିର୍ବାଚନ ଆୟୋଗ (ଇସିଆଇ) ପକ୍ଷରୁ ପ୍ରସ୍ତୁତି ଜୋରଦାର ଆରମ୍ଭ ହୋଇଯାଇଛି। ଇସିଆଇରେ ମୁଖ୍ୟ ନିର୍ବାଚନ କମିଶନର ଓ ଦୁଇ ଜଣ ନିର୍ବାଚନ କମିଶନର ରହିଥାଆନ୍ତି। ସୁନୀଲ ଆରୋରା ମୁଖ୍ୟ ନିର୍ବାଚନ କମିଶନର ଥିବା ବେଳେ ଅଶୋକ ଲା..

ଏଇ ଭାରତରେ

ଏଇ ଭାରତରେ

ଆଧୁନିକ ସଭ୍ୟ ସମାଜରେ କୁସଂସ୍କାରର ବଶବର୍ତ୍ତୀ ହୋଇ ମଣିଷ କାହିଁ କେତେଦିନରୁ ଅଜବ ପରମ୍ପରା ପାଳନ କରିଆସୁଛି। ମାତ୍ର ଏହାଦ୍ୱାରା ଯେ, କେତେକ ବ୍ୟକ୍ତିଙ୍କର ଅସୁବିଧା ସୃଷ୍ଟି ହୁଏ ସେ କଥାକୁ ମଣିଷ ଭୁଲିଯାଇଥାଏ। ଏଭଳି ଏକ ଘୃଣ୍ୟ ପରମ୍ପରା ଉତ୍ତରାଖଣ୍ଡର ବାଗେଶ୍ୱର ଜିଲା ମଲ୍ଳା ଦାନପୁର ଅଞ୍ଚଳରେ ଅତି ପ୍ରାଚୀନ କାଳରୁ ଚଳିଆସୁଛି। ଏଠାରେ ମହିଳାଙ୍କୁ ମାସିକ ..

ମିଶ୍ରିତ ଦ୍ୱନ୍ଦ୍ୱ

ମିଶ୍ରିତ ଦ୍ୱନ୍ଦ୍ୱ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ଜାତୀୟ ନମୁନା ସର୍ଭେ କାର୍ଯ୍ୟାଳୟ (ଏନ୍‌ଏସ୍‌ଏସ୍‌ଓ)ର ଲେବର ସର୍ଭେ ରିପୋର୍ଟ ଏକ ଡ୍ରାଫ୍ଟ ମାତ୍ର, ଏହା ସର୍ବଶେଷ ରିପୋର୍ଟ ନୁହେଁ ବୋଲି ମୋଦି ସରକାର ଦାବି କରିବାର କେଇଦିନ ପରେ ଶ୍ରମ ଓ ନିଯୁକ୍ତି ମନ୍ତ୍ରୀ ସନ୍ତୋଷ କୁମାର ଗଙ୍ଗଓ୍ବାର ଲୋକ ସଭା..

ପ୍ରବାସୀ ଓ ଆପ୍ରବାସୀ

ପ୍ରବାସୀ ଓ ଆପ୍ରବାସୀ

ଶରତ ଚନ୍ଦ୍ର ମିଶ୍ର

ପ୍ରତ୍ୟେକ ଦେଶରେ ଅଳ୍ପବହୁତ ବିଦେଶାଗତ ବ୍ୟକ୍ତି ଥାଆନ୍ତି ଓ କେତେକ ସ୍ଥାନରେ ସେମାନେ ନାଗରିକତ୍ୱ ଲାଭକରି ପୁରୁଷାନୁକ୍ରମେ ସେଠାରେ ବାସ କରନ୍ତି। ଯେଉଁମାନେ ବିଦେଶରେ ଯାଇ ରହନ୍ତି ଆମେ ସେମାନଙ୍କୁ ପ୍ରବାସୀ କହୁ, ଆଉ ସେ ଦେଶର ଲୋକମାନେ ସେମାନଙ୍କୁ ଆପ୍ରବାସୀ କହନ୍ତି। ଧନୀ ଓ ଉନ୍ନତ ରାଷ୍ଟ୍ର, ବିକାଶଶୀଳ ଓ ଜନବହୁଳ ରାଷ୍ଟ୍ରଗୁଡ଼ିକର ଆପ୍ରବାସୀ..

ମହାଦାନୀ

ମହାଦାନୀ

ଶିବରାମ ଶତପଥୀ

ପୁରାଣ ପୃଷ୍ଠା ଓଲଟାଇଲେ ଆମେ କେତେଜଣ ମହାଦାନୀଙ୍କ ବିଷୟରେ ଅବଗତ ହେଉ। ସୂର୍ଯ୍ୟବଂଶର ପ୍ରାତଃସ୍ମରଣୀୟ ସମ୍ରାଟ୍‌ ହରିଶ୍ଚନ୍ଦ୍ର ନିଜର ରାଜ୍ୟ ସହ ସର୍ବସ୍ବ ଦାନ କରିବା ପରେ ଦକ୍ଷିଣା ଦେବା ପାଇଁ ନିଜର ପତ୍ନୀ ଓ ପୁତ୍ରକୁ ବିକ୍ରିକରି ପରିଶେଷରେ ନିଜକୁ ଚଣ୍ଡାଳ ହାତରେ ବିକିଦେଇ ଶ୍ମଶାନ ରକ୍ଷକ ସାଜିଥିଲେ। ବିଷ୍ଣୁଭକ୍ତ ବଳିରାଜା ଗୁରୁ ଶୁକ୍ରାଚାର୍ଯ୍ୟଙ୍କ ଉପଦେଶ ନ ମାନି ବାମନଙ୍କୁ ତ୍ରିପାଦ ଭୂମିଦାନ କରି ପାତାଳଗାମୀ ହୋଇଥିଲେ। ମହାରାଜା ଶିବି ଶରଣାଗତ କପୋତକୁ ରକ୍ଷା..

ଏଇ ଭାରତରେ

ଏଇ ଭାରତରେ

ଭାରତବର୍ଷ ଏକ ମନ୍ଦିରମାଳିନୀ ଦେଶ। ଅନେକ ମନ୍ଦିରରେ ଅଲୌକିକ ଘଟଣା ଘଟୁଥିବା ଦେଖିବାକୁ ମିଳେ। ଏଭଳି ଘଟଣାମାନ କାହିଁ କେତେ ବର୍ଷରୁ ଚଳିଆସୁଛି, ଯାହାର ଉତ୍ତର ଦେବାକୁ ଆଧୁନିକ ବିଜ୍ଞାନ ମଧ୍ୟ ସକ୍ଷମ ହୋଇପାରି ନାହିଁ। ଆମ ଦେଶରେ ଏପରି ମନ୍ଦିର ରହିଛି, ଯେଉଁଠାରେ ଏକ ଅଖଣ୍ଡ ଦୀପ ଦୀର୍ଘ ୫୫୦ ବର୍ଷ ଧରି ଜଳିଆସୁଛି। ମଧ୍ୟପ୍ରଦେଶର ମନାସା ସହରଠାରୁ ପ୍ରା..

ଆଜିର ଅର୍ଥନୀତି/ସନ୍ଦେହଘେରରେ ଟିକସଦାତା

ଆଜିର ଅର୍ଥନୀତି/ସନ୍ଦେହଘେରରେ ଟିକସଦାତା

ଅର୍ଥମନ୍ତ୍ରୀ ପୀୟୂଷ ଗୋୟଲ ବାର୍ଷିକ ପାଞ୍ଚଲକ୍ଷ ଟଙ୍କା ପର୍ଯ୍ୟନ୍ତ ଆୟକାରୀମାନଙ୍କ ଆୟକରରେ ଯେଉଁ ରିହାତି ଘୋଷଣା କରିଥିଲେ ତାକୁ ନେଇ ଉପୁଜିଥିବା ଦ୍ୱନ୍ଦ୍ୱ ୧୦ ଦିନ ପରେ ବି ଦୂର ହୋଇପାରିଲା ନାହିଁ। ଫେବୃୟାରୀ ପହିଲାରେ ଉପସ୍ଥାପିତ ଅନ୍ତରୀଣ ବଜେଟରେ ଗୋୟଲ ଘୋଷଣା କରିଥିଲେ ଯେ, ଯେଉଁମାନଙ୍କର ବ୍ୟକ୍ତିଗତ ବାର୍ଷିକ ମୋଟ ଆୟ ୫ ଲକ୍ଷ ଟଙ୍କାରୁ ଅଧିକ ହୋଇ ନ ଥିବ, ତାଙ୍କୁ ଆୟକରରେ ରିହାତି ମିଳିବ। ଏହି ଘୋଷଣା ପରେ କିଏ ପ୍ରକୃତରେ ଟିକସ ସୁବିଧା ପାଇବ ଓ କିଏ ପାଇବ ନା..

 ରାଜ୍ୟ ସରକାରଙ୍କ ଅନ୍ତରୀଣ ବଜେଟ

ରାଜ୍ୟ ସରକାରଙ୍କ ଅନ୍ତରୀଣ ବଜେଟ

ଡ. ସନ୍ତୋଷ କୁମାର ମହାପାତ୍ର

ଫେବୃୟାରୀ ୭ ତାରିଖରେ ରାଜ୍ୟ ଅର୍ଥମନ୍ତ୍ରୀ ଶଶିଭୂଷଣ ବେହେରା ୨୦୧୯-୨୦ ଆର୍ଥିକ ବର୍ଷ ପାଇଁ ଲେଖାନୁଦାନ ଉପସ୍ଥାପନ କରିଛନ୍ତି। ବଜେଟରେ ମୋଟ ବ୍ୟୟ ଅଟକଳ ୧,୩୨,୬୬୦ କୋଟି ଟଙ୍କା ଧାର୍ଯ୍ୟ କରାଯାଇଥିଲା ବେଳେ ଏପ୍ରିଲରୁ ଜୁଲାଇ ୨୦୧୯ ପାଇଁ ୫୬,୯୨୧କୋଟି ଟଙ୍କାର ଲେଖାନୁଦାନ ଉପସ୍ଥାପନ କରାଯାଇଛି। ଏହା ବେହେରାଙ୍କ ଜୀବନର ଦ୍ୱିତୀୟ ବଜେଟ ହୋଇଥିଲା ବେଳେ ନିର୍ବାଚନ ପୂର୍ବର ଶେଷ ଅନ୍ତରୀଣ ବଜେଟ। ଅର୍ଥମନ୍ତ୍ରୀଙ୍କ କହିବା ଅନୁଯାୟୀ ଯେହେତୁ ନିର୍ବାଚନ ଆଗକୁ ଅଛି ତେଣୁ ସେ ପୂର୍ଣ୍ଣାଙ୍ଗ ବଜେଟ ଉପସ୍ଥାପନ ନ କରି ଏପ୍ରିଲରୁ ଜୁଲାଇ ପର୍ଯ୍ୟନ୍ତ ବ୍ୟୟ ପାଇଁ ଲେଖାନୁଦାନ ଉପସ୍ଥାପ..

 ପ୍ରଶାସନିକ ନା ପ୍ରାଶାସନିକ

ପ୍ରଶାସନିକ ନା ପ୍ରାଶାସନିକ

ଡ. ସଦାନନ୍ଦ ନାୟକ

ଖବରକାଗଜ କେବଳ ଖବର ପରିବେଷଣ କରେନାହିଁ, ତାହା ସମ୍ପୃକ୍ତ ଭାଷାର ସମୃଦ୍ଧି ସାଧନରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରେ। ନିର୍ଦ୍ଦିଷ୍ଟ ସମୟରେ ଭାଷା ଏତେସଂଖ୍ୟକ ପାଠକଙ୍କ ପାଖରେ ପହଞ୍ଚିବାର ଏହା ହେଉଛି ସର୍ବୋତ୍କୃଷ୍ଟ ମାଧ୍ୟମ। ଖବରକାଗଜର ଭାଷାକୁ ଲୋକମାନେ ମାନକ ଭାଷା ରୂପେ ଗ୍ରହଣ କରିଥାନ୍ତି। ଶବ୍ଦଜ୍ଞାନ ବୃଦ୍ଧି ନିମନ୍ତେ ଅନେକେ ଖବରକାଗଜକୁ ହିଁ ଆଶ୍ର..

ଏଇ ଭାରତରେ

ଏଇ ଭାରତରେ

ଶିକ୍ଷାର୍ଥୀଙ୍କ ଜୀବନରେ ପରୀକ୍ଷା ଖୁବ୍‌ ଗୁରୁତ୍ୱପୂର୍ଣ୍ଣ। ପରୀକ୍ଷା ଦେବାରୁ ବଞ୍ଚତ୍ତ ହେଲେ ଗୋଟିଏ ବର୍ଷ ନଷ୍ଟ କରିବାକୁ ପଡେ। ତେଣୁ ସବୁ କିଛି ପ୍ରତିବନ୍ଧକକୁ ଏଡାଇ ପରୀକ୍ଷା ହଲ୍‌ରେ ପହଞ୍ଚତ୍ବା ଜରୁରୀ। ଜଣେ ବ୍ୟକ୍ତି ତାଙ୍କ ଝିଅକୁ ପରୀକ୍ଷାକେନ୍ଦ୍ରକୁ ନେଉଥିବା  ବେ..