ସମ୍ପାଦକୀୟ |

ଶିକ୍ଷା ବନାମ ଶୈଶବ

ଶିକ୍ଷା ବନାମ ଶୈଶବ
ଉପେନ୍ଦ୍ର ବିଶ୍ୱାଳ

ନିରିମାଖିର ଆଖିରୁ ଝରୁଥିଲା ଲୁହର ଧାର। କଇଁ କଇଁ ହୋଇ କାନ୍ଦି ଚାଲିଥିଲା ପ୍ରାୟ ଦେଢ଼ବର୍ଷର ଝିଅଟି। ଛାଟିପିଟି ହୋଇ ଏମିତି ରଡ଼ି ଛାଡ଼ୁଥିଲା ଯେ ତାକୁ ଜଣେ ସମ୍ଭାଳିବା ସହଜ ନ ଥିଲା। ଜୋର୍‌କରି ଦୁଇଜଣ ନେଇଆସିଛନ୍ତି ସ୍କୁଟିରେ ପ୍ଲେ ସ୍କୁଲରେ ନାମ ଲେଖାଇବାକୁ। ବିକଳ ଭାବ, କରୁଣ କାନ୍ଦଣା ଦେଖି ମୋ ଆଖିପତା ବି ଭିଜି ଯାଇଥିଲା। ସେହି ସମୟରେ ବି ପ୍ରାୟ ୨ ବର୍ଷର ଅନ୍ୟ ଏକ ଶିଶୁପୁତ୍ରକୁ ଧରି ପହଞ୍ଚତ୍ଲେ ଶ୍ୱଶୁରବୋହୂ ଦୁଇଜଣ। ଶିଶୁଟିର ମଧ୍ୟ ସେମିତି ଦୁଃଖଦ ସ୍ଥିତି। ଧକେଇ ଧକେଇ କାନ୍ଦି ଚାଲିଥାଏ। ସ୍କୁଲ ଛୁଟିର ଘଣ୍ଟି ବାଜିଲା। ବାହାରେ ଅପେକ୍ଷାରେ ଥିଲେ ଅଭିଭାବକମାନେ। ଅତି ଆନନ୍ଦରେ ଧାଇଁ ଆସୁଥାନ୍ତି ଶିଶୁମାନେ, ଅଟକିଥିବା ବାଛୁରିଛୁଆଟିଏ ଗୋଠରୁ ଫେରି ଆସିଥିବା ମାଆକୁ ଦେଖି ଯେମିତି ଆନନ୍ଦରେ ଆତୁର ହୋଇ ଦୌଡ଼ିଥାଏ। ଟିକିଏ ଚାଲି ଶିଖିଲାବେଳକୁ ଶିକ୍ଷାତୁର ମା’ବାପାମାନେ ପିଲାଙ୍କୁ ଧରିଆଣି ଛାଡ଼ିଦିଅନ୍ତି ସ୍କୁଲରେ। 
ଶିଶୁଟିଏ ସୁରକ୍ଷିତ ମନେକରେ ମା’ବାପାଙ୍କ ଗହଣରେ। ତା’ର ବଦମାସି ଭିତରେ ଲୁଚି ରହିଥାଏ ବୁଦ୍ଧିମତ୍ତା। ଅଳି ଅର୍ଦ୍ଦଳି ମଧ୍ୟରେ ଥାଏ ଆବେଗ, ଅଧିକାରପଣ। ବୟସ ଟିକିଏ ବଢ଼ିଲେ ବ୍ୟବହାରରେ ପରିବର୍ତ୍ତନ ଆସେ। ଆଖି ଆଗରେ ଦେଖୁଥିବା ଦୁନିଆ ହେଉଛି ଏକ ଖୋଲାବହି। ସେଥିରୁ ଅନେକ ଶିକ୍ଷା ମିଳେ, ପ୍ରେରଣା ବି ମିଳେ। ଫୁଲରୁ ଫୁଲକୁ ଡେଇଁ ବୁଲୁଥିବା ପ୍ରଜାପତି ସହିତ ଖେଳି, ଗାଡ଼ିଆ-ପୋଖରୀ, ବିଲ-ବନ, ପାହାଡ଼-ଝରଣା, ନଈ-ନାଳ ଆଦି ଦେଖି ପ୍ରକୃତି ଓ ପ୍ରାଣିଜଗତ ପ୍ରତି ସମ୍ବେଦନଶୀଳ ହୋଇଉଠେ। ରାତି ଆକାଶରେ ଆଖି ମିଟିକା ମାରୁଥିବା ତାରାଫୁଲକୁ ଦେଖି ପୁଲକିତ ହୋଇଉଠେ। ମୁକ୍ତ ଆକାଶରେ ଉଡ଼ି ବୁଲୁଥିବା ଟିକି ଚଢ଼େଇକୁ ଦେଖି ସେ ବିଭୋର ହୁଏ। ସେ ଚାହେଁ ସେ ବି ଉଡ଼ିବୁଲିବ, ତା’ ଅଗଣାର ଆକାଶରେ। 
ଏପରି ମୁହୂର୍ତ୍ତରେ ଆମେ ଜଞ୍ଜାଳମୁକ୍ତ ହେବାକୁ ଯାଇ ଅବା ନିଜର କଳ୍ପନାନୁସାରେ ତାକୁ ପାଠୁଆ ଓ ବଡ଼ମଣିଷ ବନାଇବାକୁ ଯାଇ ତା’ ପାଇଁ ଜଞ୍ଜିରର ବ୍ୟବସ୍ଥା କରି ଚାଲିଛୁ। ଫଳରେ ଯନ୍ତ୍ରମାନବଟିଏ ସେ ବନୁଛି ସିନା, ହରାଇବସୁଛି ଜୀବନର ଶାଶ୍ୱତ ସ୍ବାଦ ଓ ସମ୍ପଦସବୁ। ନା ତାଠି ଦେଖିବାକୁ ମିଳୁଛି ସମ୍ବେଦନଶୀଳତା ନା ସହନଶୀଳତା, ସାହସିକତା, ଧୈର୍ଯ୍ୟ ବା ଦୟାଶୀଳତା। କଲେଜପଢ଼ୁଆ ସହରୀ ତରୁଣୀମାନେ ତ ଘରେ ସାମାନ୍ୟ ଅସରପାଟିଏ ଦେଖିଲେ ଭୟରେ ଚିତ୍କାର ଛାଡ଼ୁଛନ୍ତି। ଆମ ପିଲା ସାମାନ୍ୟ ପହଁରା ଶିଖି ପାରି ନ ଥିବା ଯୋଗୁ ପ୍ରତିବର୍ଷ ଶହ ଶହ ସଂଖ୍ୟାରେ ସଲିଳ ସମାଧି ନେଉଛନ୍ତି। ପିଲାଙ୍କଠି ଆମେ କି ପ୍ରକାର ବିକାଶ ଦେଖି ଅତି ଉତ୍‌ଫୁଲ୍ଲ ହୋଇଉଠୁଛୁ? ସେମାନେ ଜୀବନ ଜିଇବାର କଳାକୌଶଳ ଯେଉଁଠି ଶିଖିପାରୁନାହାନ୍ତି, ଜୀବନ ଜିଣିବାର କୌଶଳ ଶିଖନ୍ତେ ବା କେମିତି! ସ୍କୁଲରେ ଯେତେ ଖେଳକୁଦ ଝୁଲଣର ବ୍ୟବସ୍ଥା କଲେ ମଧ୍ୟ ଚପଳ ମନଟି ଆବଦ୍ଧ। ଶୃଙ୍ଖଳାର ଶୃଙ୍ଖଳରେ ସେ ବନ୍ଦୀ। ସ୍କୁଲର ଚାରିକାନ୍ଥ ମଧ୍ୟରେ ସେ କ’ଣ ଅନୁଭବ କରିପାରିବ ସ୍ବାଧୀନତାର ସ୍ବାଦ? ବିହଙ୍ଗସମ ମୁକ୍ତି ଆଶାୟୀ ଶିଶୁ। ତାକୁ ବନ୍ଦୀ କରିରଖିଲେ ମାନସିକ ସ୍ତରରେ ତା’ର ବିକାଶ ବାଧାପ୍ରାପ୍ତ ହେବ। ସୁନାର ପଞ୍ଜୁରିରେ ରଖି ପକ୍ଷୀଟି ପାଇଁ ଯେତେ ସ୍ବାଦିଷ୍ଠ ଫଳ, ସୁମଧୁର ଝରଣା ଜଳର ବ୍ୟବସ୍ଥା କଲେ ବି କେଉଁଠୁ ପାଇବ ସେ ମୁକ୍ତିର ଆନନ୍ଦ? ସେହିପରି ସ୍କୁଲ ଯେଉଁ ସ୍ତରର ହେଉ ନା କାହିଁକି ଦେଢ଼-ଦୁଇବର୍ଷର ଶିଶୁଟିଏ ପାଇଁ ତାହା ହେଉଛି ପିଞ୍ଜରା ସଦୃଶ।
ସ୍କୁଲକୁ ଆସିବାକ୍ଷଣି ପିଲାଙ୍କ ସହିତ ଆସିଥାଏ ବଡ଼ ବ୍ୟାଗ୍‌ଟିଏ, ଯେଉଁଥିରେ ଥାଏ ଖାତା, ବହି, ପେନ୍‌ସିଲ ବକ୍ସ, ପାଣିବୋତଲ ଆଦି। ଯେଉଁ ସ୍କୁଲ ଯେତେ ଉଚ୍ଚଶ୍ରେଣୀର ବୋଲି ଡିଣ୍ଡିମ ପିଟେ, ସେହି ସ୍କୁଲର ପିଲାଙ୍କ ବ୍ୟାଗ୍‌ ସେତିକି ଓଜନିଆ। ବ୍ୟାଗ୍‌ ଭାରି ହେବା ତ ଏକ ସମସ୍ୟା। ପୁଣି ଅତ୍ୟଧିକ ହୋମ୍‌ୱାର୍କର ଚାପ ହେଉଛି ଆଉ ଏକ ସମସ୍ୟା। ଏହା ପିଲାଙ୍କ ଶାରୀରିକ ଓ ମାନସିକ ଯନ୍ତ୍ରଣାକୁ ବଢ଼ାଇଥାଏ। ସ୍ବାସ୍ଥ୍ୟ ବିଶେଷଜ୍ଞଙ୍କ ମତାନୁଯାୟୀ ଭାରି ବ୍ୟାଗ୍‌ ଉଠାଇବା ଦ୍ୱାରା ମେରୁଦଣ୍ଡର ପିଞ୍ଜରାହାଡ଼ ଉପରେ କୁପ୍ରଭାବ ପଡେ। ବ୍ୟାକ କେୟାର ସଂସ୍ଥା ଅନୁଯାୟୀ, ବ୍ରିଟେନର ପିଲାମାନେ ନିଜ ଓଜନର ପ୍ରାୟ ୨୫ ଭାଗ ଓଜନ ବୋହିଥାନ୍ତି। ବ୍ରିଟେନ ପିଲା ହାରାହାରି ୧୨-୧୩ କିଗ୍ରା ଓଜନର ସ୍କୁଲବ୍ୟାଗ୍‌ ଉଠାଇଥାନ୍ତି, ଯେଉଁଥିପାଇଁ ସେଠାରେ ୧୪/୧୫ ବର୍ଷ ବୟସର ଅର୍ଦ୍ଧାଧିକ ପିଲା ମେରୁଦଣ୍ଡ ହାଡ଼ବ୍ୟଥା ରୋଗରେ ବ୍ୟଥିତ। 
ସାଧାରଣତଃ ବୟସାଧିକ୍ୟ କାରଣ ଯୋଗୁ ଅଣ୍ଟା ବା କାନ୍ଧ ବିନ୍ଧା ସମସ୍ୟା ଦେଖାଦେଇଥାଏ। ମାତ୍ର ସମ୍ପ୍ରତି ପ୍ରାୟ ସମସ୍ତେ ଏଥିରେ ଆକ୍ରାନ୍ତ, ପିଲାଠୁ ବୁଢ଼ା ପର୍ଯ୍ୟନ୍ତ। ପୁନଶ୍ଚ ଆଜିର ଦିନରେ ପୌଷ୍ଟିକ ଖାଦ୍ୟ, ସ୍ବଚ୍ଛ ଜଳ ଓ ବାତାବରଣର ଅଭାବ। ଯାହାର କୁଫଳ ସ୍ବରୂପ ବିଭିନ୍ନ ରୋଗରେ ଆମେ ସହଜେ ଆକ୍ରାନ୍ତ। ଅନ୍ୟପକ୍ଷେ ଅତ୍ୟଧିକ ହୋମ୍‌ୱାର୍କରେ ପିଲାମାନେ ଏମିତି ଭାରାକ୍ରାନ୍ତ ଯେ ଟିକିଏ ଫୁରସତ୍‌ ନାହିଁ। ସମୟ ନାହିଁ ମନକୁ ଟିକେ ହାଲୁକା କରିବାକୁ। ଫଳତଃ ପିଲାଙ୍କଠି ବଢ଼ି ବଢ଼ି ଚାଲିଛି ମାନସିକ ବିଷାଦ, ଚିଡ଼ିଚିଡ଼ା, ଉଦାସ ଓ ହତାଶାଭାବ, କ୍ରୋଧ ଓ ଅଧୈର୍ଯ୍ୟ। ପୁଣି ଦେଖାଯାଉଛି ଆବେଗହୀନତା ଓ ସହନଶୀଳଶୂନ୍ୟତା। ଫଳତଃ ଉଦ୍‌ବେଗଜନକ ଭାବେ ପିଲାଙ୍କଠି ବଢ଼ି ବଢ଼ି ଚାଲିଛି ହିଂସାତ୍ମକ ପ୍ରବୃତ୍ତି ଓ ଆତ୍ମହତ୍ୟା ପ୍ରବଣତା, ଯାହାକି ଗଭୀର ଚିନ୍ତାର ବିଷୟ।  ଏଥିପ୍ରତି ସଜାଗ ନ ରହିଲେ ଆମ ଶିଶୁ ଓ କିଶୋରମାନଙ୍କ ଭବିଷ୍ୟତ ଯେ ବିପନ୍ନ, ଏଥିରେ ସନ୍ଦେହ ନାହିଁ। 
ବିଦ୍ୟାଶ୍ରୀ, ମାଷ୍ଟର କ୍ୟାଣ୍ଟିନ, 
ଭୁବନେଶ୍ୱର, ମୋ- ୯୪୩୭୪୩୬୦୭୩
All Right Reserved By

ସମ୍ପାଦକୀୟ |

ଅବିମୃଶ୍ୟକାରିତା

ଅବିମୃଶ୍ୟକାରିତା

ଆକାର ପଟେଲ

ଓଲ୍‌ଡ ଟ୍ରାଫୋର୍ଡ, ମଞ୍ଚେଷ୍ଟରଠାରେ ଜୁନ୍‌ ୧୬ ତାରିଖରେ ପାକିସ୍ତାନ ସହ ଭାରତ ବିଶ୍ୱକପ୍‌ ଖେଳିବା ପାଇଁ ପୂର୍ବରୁ କାର୍ଯ୍ୟକ୍ରମ ସ୍ଥିର ହୋଇଛି। ଏହା ହେବ ଆମର ବିଶ୍ୱକପ୍‌ର ଚତୁର୍ଥ ମ୍ୟାଚ୍‌। ପ୍ରଥମ ରାଉଣ୍ଡରେ ୧୦ଟି ଦଳ ମଧ୍ୟରୁ ପ୍ରତ୍ୟେକ ଦଳ ଅନ୍ୟ ୯ଟି ଦଳ ସହ ଥରେ ଲେଖାଏ ଖେଳିବେ। ଏହାପରେ ସବୁଠୁ ବେଶି ପଏଣ୍ଟ ହାସଲ କରିଥିବା ଚାରିଗୋଟି ଦଳ ସେମିଫାଇନାଲକୁ ଯିବେ। ପାକିସ୍ତାନ ବିପକ୍ଷରେ ଖେଳିବା ପୂର୍ବରୁ ଆମକୁ ଦକ୍ଷିଣ ଆଫ୍ରିକା (ଜୁନ୍‌ ୫), ଅଷ୍ଟ୍ରେଲିଆ (ଜୁନ୍‌ ୯) ଓ ନ୍ୟୁଜିଲାଣ୍ଡ (ଜୁନ୍‌ ..

 ଗୃହିଣୀଙ୍କ ରୋଜଗାର

ଗୃହିଣୀଙ୍କ ରୋଜଗାର

ପ୍ରକାଶ ତ୍ରିପାଠୀ

ନିକଟରେ ଜଣେ ବନ୍ଧୁଙ୍କ ଝିଅ ବାହାଘର ଭୋଜିରେ ମୋର ଜଣେ ପୁରୁଣା ବନ୍ଧୁ ଦେଖାହେଲେ। ସେ ଥିଲେ ମୋ କଲେଜପଢ଼ା ବେଳର ସହପାଠୀ। ପ୍ରାୟ ୩୪ ବର୍ଷ ପରେ ଭେଟ ହୋଇଥିବାରୁ ଆମ ଉଭୟଙ୍କ ଖୁସି ଥିଲା ଅବର୍ଣ୍ଣନୀୟ। ଅନେକ ପୁରୁଣା କଥା ଓ ସ୍ମୃତି ମନେପକାଇ ଦୁଇବନ୍ଧୁ ହସୁଥିଲା ବେଳେ ବନ୍ଧୁପତ୍ନୀ ସେଠାରେ ପହଞ୍ଚିଲେ। ବନ୍ଧୁ ତାଙ୍କ ସ୍ତ୍ରୀଙ୍କୁ ମୋ ସହ ପରିଚୟ ..

 ଆଧୁନିକ  ବିଶ୍ୱକର୍ମା

ଆଧୁନିକ ବିଶ୍ୱକର୍ମା

ବ୍ୟକ୍ତିତ୍ୱ/ଜିତେନ୍ଦ୍ର କୁମାର ନାୟକ

କେନ୍ଦ୍ର ସରକାର ୨୦୧୨ ମସିହାରେ ସାଂସ୍କୃତିକ ଐକ୍ୟ ବଜାୟ ରଖିବା ଲକ୍ଷ୍ୟରେ ଟାଗୋର ସମ୍ମାନ ପ୍ରତିଷ୍ଠା କରିଥିଲେ। ବିଶ୍ୱକବି ରବୀନ୍ଦ୍ରନାଥ ଟାଗୋରଙ୍କ କାର୍ଯ୍ୟ, ଦର୍ଶନ ଓ ଚିନ୍ତାଧାରାକୁ ସର୍ବଜନବିଦିତ କରିବା ଦିଗରେ ତାଙ୍କ ୧୫୦ତମ ଜୟନ୍ତୀ ପୂର୍ତ୍ତି ଅବସରରେ ଏଭଳି ପଦକ୍ଷେପ ନିଆଯାଇଥିଲା। ସାଂସ୍କୃତିକ ମୂଲ୍ୟବୋଧ ପ୍ରଚାର ଓ ପ୍ରସାର କରୁଥିବା ବ୍ୟକ୍ତିବିଶେଷ, ସଂଘ, ..

ଏଇ ଭାରତରେ

ଏଇ ଭାରତରେ

ବୁଲା କୁକୁରଙ୍କ ଆକ୍ରମଣରେ ଜଣେ ଶିଶୁ ମୃତ୍ୟୁବରଣ କରିବା ବିରଳ ଘଟଣାଗୁଡ଼ିକ ମଧ୍ୟରୁ ଅନ୍ୟତମ। ଏପରି ଏକ ଘଟଣା ଘଟିଛି ମହାରାଷ୍ଟ୍ରର ଅହମଦନଗର ଅଞ୍ଚଳରେ। ଶୁକ୍ରବାର ସକାଳେ ଏକ ତିନିବର୍ଷର ଶିଶୁପୁତ୍ରକୁ ପଞ୍ଝାଏ ବୁଲା କୁକୁର ଝୁଣିଦେବାରୁ ଶିଶୁଟିର ମୃତ୍ୟୁ ଘଟିଥିଲା। ଆୟୁଷ ପ୍ରଜାପତି ନାମକ ଏହି ବାଳକ ଉକ୍ତ ନଗରୀର ମଙ୍ଗଳାଗେଟ୍‌ ଏରିଆସ୍ଥିତ ନିଜ ଘର ନିକଟରେ ..

 ବୃଦ୍ଧକାଳେ ଅପତ୍ୟଦୁଃଖ

ବୃଦ୍ଧକାଳେ ଅପତ୍ୟଦୁଃଖ

ରଞ୍ଜନ କୁମାର ଦାସ

ଜଣେ ବୟସ୍କ ବ୍ୟକ୍ତି ମୋର ଖବରକାଗଜରେ ପ୍ରକାଶିତ ଲେଖାସବୁ ପଢ଼ି ନିୟମିତ ଭାବେ ଫୋନ୍‌ କରନ୍ତି। ପ୍ରତ୍ୟେକ ଥର ସେ କହନ୍ତି ଯେ, ମୁଁ କେବେ ଥରେ ଯିବି ଆପଣଙ୍କ ସହ ଦେଖା କରିବି। ଏମିତି କହନ୍ତି ସିନା ସେ କେବେ ଆସନ୍ତି ନାହିଁ। ମୁଁ ମନେମନେ ଭାବେ ସେ ଆସୁ ତ ନାହାନ୍ତି ପୁଣି ଏ କଥା ବାରମ୍ବାର କହୁଛନ୍ତି କାହିଁକି? ଦିନେ ସେ ଫୋନ୍‌ କରି କହିଲେ, ଶୁଣିଲି ଆପଣ ଆସୁଛନ୍ତି ଆମ ପଞ୍ଚାୟତକୁ? ପଞ୍ଚାୟତ ଘର ପାଖରେ ହିଁ ଆମ ଘର। ମୁଁ ଆପଣଙ୍କୁ ଆମ ଘରକୁ ନିମନ୍ତ୍ରଣ କରିବି। ମନା କରିବେ ନାହିଁ, ନିଶ୍ଚୟ ଆସିବେ। ସରକାରୀ କାର୍ଯ୍ୟରୁ ସମୟ ମିଳିବ କି ନାହିଁ ବୋଲି ମୁଁ ସଂଶୟ ପ୍ରକଟ କରନ୍ତେ ସେ କହିଲେ, ବେଶି ସମୟ ନ ରହିଲେ ନାହିଁ ପଛେ ଖାଲି ଗୋଟିଏ ମିନିଟ୍‌ ପାଇଁ ଆମଘର ଆଗରେ ଓହ୍ଲାଇବେ। ଚିନ୍ତାକଲି ତାଙ୍କର ଆଗ୍ରହ ଭାଙ୍ଗିବା ଠିକ୍‌...

ସାବତ ମାଆର ପୁଅ

ସାବତ ମାଆର ପୁଅ

ମନ-ମାନଚିତ୍ର/ଡ. ନରହରି ବେହେରା

ସଂସାରରେ ଭାଗ୍ୟବାନ ସନ୍ତାନଟିଏ ହିଁ ମାଆର ସ୍ନେହ ଲାଭ କରିଥାଏ। ତାହାଠାରୁ ସେ ସନ୍ତାନ ଆହୁରି ଅଧିକ ଭାଗ୍ୟବାନ, ଯିଏ ସାବତ ମାଆଠାରୁ ମାଆର ସ୍ନେହ ପାଇଥାଏ। ଯେଉଁ ସାବତ ମାଆ ନିଜ ସନ୍ତାନ ପରି ଅନ୍ୟ ସନ୍ତାନକୁ ମାଆର ସ୍ନେହ ଦେଇପାରନ୍ତି, ସେ ସର୍ବଦା ନମସ୍ୟା। ମାତ୍ର ଅଧିକାଂଶ କ୍ଷେତ୍ରରେ ସାବତ ମାଆଠାରୁ ଏ ସ୍ନେହ ମିଳେନାହିଁ। 

ଦିନେ ସମ୍ରାଟ୍‌ ସୁଲେମାନଙ୍କ ନିକଟରେ ଗୋଟିଏ ଶିଶୁପୁତ୍ରକୁ ଧରି ଦୁଇଜଣ ମହିଳା ଆସି ପହଞ୍ଚତ୍ଲେ। ଏ ଦୁଇ ମହିଳା ସେହି ଶିଶୁପୁତ୍ରକୁ ନିଜର ସନ୍ତାନ ବୋଲି ଦାବି କଲେ। ସମ୍ରାଟ୍‌ ଥିଲେ ବିଚାର-ବିଚକ୍ଷଣ। ସେ କିଛି ମୁହୂର୍ତ୍ତ ଚିନ୍ତାକରି ଶିଶୁ ପୁତ୍ରଟିକୁ ଦୁଇଖଣ୍ଡ କରି ଦୁଇ ମହିଳାଙ୍କ ମଧ୍ୟରେ ବାଣ୍ଟିଦେବା ପାଇଁ ଦୂତକୁ ଆଦେଶ ଦେଲେ। ଏଥିରେ ନକଲି ମାଆଟି ଖୁସିହୋଇ ସମ୍ରାଟ୍‌ଙ୍କ ଆ..

ଏଇ ଭାରତରେ

ଏଇ ଭାରତରେ

ଭାରତରେ ଏପରି ଏକ ନଦୀଘାଟ ଅଛି, ଯେଉଁଠି ଗାଧୋଇଲେ ସ୍ବାମୀ-ସ୍ତ୍ରୀଙ୍କ ମଧ୍ୟରେ ଛାଡ଼ପତ୍ର ହୋଇଥାଏ। କାଶୀରେ ଗଙ୍ଗାକୂଳରେ ରହିଛି ୮୪ଟି ଘାଟ। ସବୁଘାଟରେ ସ୍ନାନକଲେ ପୁଣ୍ୟ ମିଳିଥାଏ ବୋଲି ଶାସ୍ତ୍ରରେ ଉଲ୍ଲେଖ ରହିଛି। ତେବେ ସେଠାରେ ଥିବା କୁବାଈ ଘାଟରେ ସ୍ନାନ କଲେ ଦମ୍ପତିଙ୍କ ପାରିବାରିକ ଜୀବନରେ ଝଡ଼ ଉଠିବା ସହିତ ବିଭିନ୍ନ ସମସ୍ୟା ଦେଖାଦେଇଥାଏ। ଦମ୍ପତି..

 ଆଜିର ଅର୍ଥନୀତି/ ଛୋଟ ପଦକ୍ଷେପ

ଆଜିର ଅର୍ଥନୀତି/ ଛୋଟ ପଦକ୍ଷେପ

ପୁଲଓ୍ବାମା ଆକ୍ରମଣର ଦିନକ ପରେ କ୍ଷୁବ୍ଧ ଭାରତ ପାକିସ୍ତାନଠାରୁ ସବୁଠୁ ଅନୁଗୃହୀତ ରାଷ୍ଟ୍ର (ଏମ୍‌ଏଫ୍‌ଏନ୍‌) ମାନ୍ୟତା ପ୍ରତ୍ୟାହାର କରିନେଇଛି। ଏହି ପଡ଼ୋଶୀ ଦେଶକୁ ଆର୍ଥିକ ଓ କୂଟନୈତିକ ସ୍ତରରେ ଏକଘରିଆ କରିବା ପାଇଁ ଭାରତ ନେଇଥିବା କେତେଗୁଡ଼ିଏ ଆକ୍ରମଣାତ୍ମକ ପଦକ୍ଷେପ ମଧ୍ୟରୁ ଏହା ହେଉଛି ପ୍ରଥମ। ତେବେ ପାକିସ୍ତାନକୁ ଏମ୍‌ଏଫ୍‌ଏନ୍‌ ମାନ୍ୟତା ଦେବା ଓ ତାକୁ ପୁଣି..

ଶିଷ୍ୟତ୍ୱର ପରିଭାଷା

ଶିଷ୍ୟତ୍ୱର ପରିଭାଷା

ଡ. ଛାୟାକାନ୍ତ ଷଡ଼ଙ୍ଗୀ

ମଣିଷ ଜନ୍ମରୁ ଅଜ୍ଞାନ ଥାଏ। ବୟସର ବୃଦ୍ଧି ସଙ୍ଗେ ସଙ୍ଗେ ସେ ଅଜ୍ଞାନତାରୁ ମୁକ୍ତ ହୁଏ। ଅଜ୍ଞାନ ଅନ୍ଧକାରରୁ ଜ୍ଞାନାଲୋକକୁ ଯିବା ପାଇଁ ସେ ଜଣେ ପ୍ରାଜ୍ଞ ପୁରୁଷଙ୍କ ଶିଷ୍ୟତ୍ୱ ଗ୍ରହଣ କରେ। ଗୁରୁଙ୍କଠାରୁ ଶିକ୍ଷା ଗ୍ରହଣ କରିବା ସମୟରେ ସେ ଅନେକ ସନ୍ଦେହର ସମ୍ମୁଖୀନ ହୁଏ ଏବଂ ତା’ର ନିରାକରଣ ପାଇଁ ସେ ବିନମ୍ରତା ସହ ଅନେକ ପ୍ରଶ୍ନ ପଚାରେ। ଶେଷରେ ସେ ଯେତେବେଳେ ନିଜକୁ ଗୁରୁଙ୍କ ପାଖରେ ସମର୍ପି ଦିଏ, ଗୁରୁ ତାକୁ ସମୁଚିତ ମାର୍ଗଦର୍ଶନ କରାନ୍ତି ଓ ଶିଷ୍ୟ ନିଜ ସନ୍ଦେହ ନିରାକରଣ ହେଲାପରେ ଗୁରୁ..

ଉତ୍ତରପୂର୍ବ ଭାରତରେ କୃଷ୍ଣପ୍ରେମ

ଉତ୍ତରପୂର୍ବ ଭାରତରେ କୃଷ୍ଣପ୍ରେମ

ଦେବଦତ୍ତ ପଟ୍ଟନାୟକ

ଯେତେବେଳେ କେହି ଭଗବାନ୍‌ କୃଷ୍ଣଙ୍କ କଥା କୁହେ, ସେ ସାଧାରଣତଃ ସୁରଦାସ ଓ ମୀରାବାଈଙ୍କ ପରି ଉତ୍ତରଭାରତୀୟ ପରମ୍ପରା ବା ଆଣ୍ଡାଲ ଓ ଅଲ୍‌ଓ୍ବାରଙ୍କ ଭଳି ଦକ୍ଷିଣଭାରତୀୟ ପରମ୍ପରା ବିଷୟରେ କୁହେ। ଚୈତନ୍ୟ ମହାପ୍ରଭୁ ପୂର୍ବଭାରତରେ କୃଷ୍ଣଭକ୍ତି ପରମ୍ପରାକୁ ଆଗେଇ ନେଇଥିବା ବେଳେ ବଲ୍ଲଭାଚାର୍ଯ୍ୟ ଓ ଧ୍ୟାନେଶ୍ୱର ପଶ୍ଚିମଭାରତୀୟ ପରମ୍ପରାର ମୁଖ୍ୟ ପୁରୋଧା ଥିଲେ। କିନ୍ତୁ ଆମେ କୃଷ୍ଣଭକ୍ତିର ଉତ୍ତରପୂର୍ବ ଭାରତୀୟ (ଆସାମ ଓ ତା’ ଆଗକୁ) ପରମ୍ପରା ପ୍ରତି ସାଧାରଣତଃ କେହି ଧ୍ୟାନ ..

ଏଇ ଭାରତରେ

ଏଇ ଭାରତରେ

ପୁଲଓ୍ବାମା ଆତଙ୍କବାଦୀ ଆକ୍ରମଣରେ ଶହୀଦ୍‌ଙ୍କ ପରିବାରଙ୍କୁ ଦେଶର ବିଭିନ୍ନ ବର୍ଗ ସହାୟତାର ହାତ ବଢ଼ାଇଛନ୍ତି। ଏହି ମର୍ମରେ ଅଜମେର ବଜରଙ୍ଗଗଡ଼ ମାତା ଅମ୍ବେ ମନ୍ଦିରଠାରେ ୭ ବର୍ଷ ଧରି ଭିକ୍ଷାବୃତ୍ତି କରୁଥିବା ବୃଦ୍ଧା ଦେବକୀ ଶର୍ମାଙ୍କ କାର୍ଯ୍ୟ ସୃଷ୍ଟି କରିଛି ଏକ ଉଦାହରଣ। ଦେବକୀ ଦୁନିଆରେ ନ ଥିଲେ ମଧ୍ୟ ତାଙ୍କ ମହାନ୍‌ ଇଚ୍ଛା ତାଙ୍କୁ ଅମର କରି କରିଛି। ମୃତ୍ୟୁ ପୂର୍ବରୁ ଦେବକୀ ଶର୍ମା ..

ପ୍ରାଣୀ ଦେବତା

ପ୍ରାଣୀ ଦେବତା

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଭାରତରେ ବଳିପ୍ରଥା ଏବଂ ଶବରମାନଙ୍କ ପଶୁ ଶିକାର ପ୍ରଥା ଥିଲେ ମଧ୍ୟ ମୋଟାମୋଟି ଭାବେ ଏହା ଏକ ଶାନ୍ତିପୂର୍ଣ୍ଣ ଦେଶ ଥିଲା ଏବଂ ଲୋକମାନେ ପ୍ରାଣୀମାନଙ୍କ ସହ ଏକାଠି ବାସ କରୁଥିଲେ। ଗତ ୫୦ ବର୍ଷ ହେଲା ଏଥିରେ ପରିବର୍ତ୍ତନ ଘଟିଛି। ଏବେ ପ୍ରାଣୀମାନଙ୍କୁ ଆଘାତ ଦେବା ବା ମାରିବାକୁ କେହି ଖରାପ ଭାବୁ ନାହାନ୍ତି। ଯେଉଁ ଦେଶର ସରକାର ଆମ ରପ୍ତାନିର ୫୨% ..