ସମ୍ପାଦକୀୟ |

ନାମ ନୁହେଁ, କାମ ବଡ଼

ନାମ ନୁହେଁ, କାମ ବଡ଼
ପ୍ରକାଶ ତ୍ରିପାଠୀ

ପୋର୍ଟିକୋରେ କାରଟିଏ ଲାଗିଲା। ଡ୍ରାଇଭର ବାବୁ ଗାଡିରୁ ଓହ୍ଲାଇ ତରତର ହୋଇ ଦୌଡିଆସିଲେ କାରର ପଛ ସିଟ୍‌କୁ ଓ ଡୋର୍‌ ଖୋଲି ଠିଆହେଲେ। ଏଥର କାର୍‌ ଭିତରୁ ଓହ୍ଲାଇଲେ ଜଣେ ବିଶିଷ୍ଟ ବ୍ୟକ୍ତି। ଏଭଳି ଦୃଶ୍ୟ ବହୁବର୍ଷ ପୂର୍ବେ ଟିଭିରେ ଦେଖିବାବେଳେ ମନରେ ପ୍ରଶ୍ନ ଉଠୁଥିଲା, ପଛରେ ବସିଥିବା ବ୍ୟକ୍ତିଜଣକ କ’ଣ ଡୋର୍‌ଟିକୁ ନିଜେ ଖୋଲି ବାହାରକୁ ଆସିପାରିବେ ନାହିଁ? ଏମିତି କିଛି କାମ ଥାଏ ଯାହା କରିବା ପାଇଁ ଅନେକ ଲୋକ କୁଣ୍ଠା ପ୍ରକାଶ କରିଥାନ୍ତି। ନିଜ ମନରେ ହୀନମନ୍ୟତା ସୃଷ୍ଟିହୁଏ ଯେ, ମୁଁ ଏତେ ପାଠ ପଢିଛି। ଏତେବଡ଼ ପଦବୀରେ ଅଛି, ମୁଁ ଏଇ ଛୋଟିଆ କାମ କରିବି! ଏ କାମ କଲେ ମୋର ମାନସମ୍ମାନ ହାନି ହୋଇଯିବନି? ଆମେ ଭୁଲିଯାଉ ଯେ, କୌଣସି କାମ ଛୋଟ ବା ବଡ଼ ନୁହେଁ। ପ୍ରତ୍ୟେକ କାମର ଏକ ସ୍ବାତନ୍ତ୍ର୍ୟ ତଥା ମୂଲ୍ୟ ରହିଥାଏ। ଗୋଟିଏ କାର୍ଯ୍ୟାଳୟର ସର୍ବୋଚ୍ଚ ପଦବୀର ଯେତିକି ଗୁରୁତ୍ୱ ଥାଏ, ସର୍ବନିମ୍ନ ପଦବୀର ମଧ୍ୟ ତଦନୁରୂପ ମହତ୍ତ୍ୱ ଥାଏ। କାରଣ ପ୍ରତ୍ୟେକ ଯୋଜନାର ସଫଳ ରୂପାୟନ କାର୍ଯ୍ୟାଳୟର ସମସ୍ତ କର୍ମଚାରୀଙ୍କ ସହଯୋଗ ଓ ସହଭାଗିତାରେ ସମ୍ପନ୍ନ ହୋଇଥାଏ। ତେଣୁ ପ୍ରତ୍ୟେକ ପଦପଦବୀରେ ଥିବା କର୍ମଚାରୀଙ୍କୁ ଯଥୋଚିତ ସମ୍ମାନ ପ୍ରଦର୍ଶନର ଆବଶ୍ୟକତା ରହିଛି। ଧରାଯାଉ କାର୍ଯ୍ୟାଳୟକୁ ଟାଇପିଷ୍ଟଟିଏ ଅସୁସ୍ଥତା ଯୋଗୁ ଆସିପାରି ନାହିଁ ଓ ସେହିଦିନ ଜରୁରୀ ଚିଠିଟିଏ ପଠାଇବାର ଆବଶ୍ୟକତା ରହିଛି। 
ତେବେ ଟାଇପିଷ୍ଟ କାର୍ଯ୍ୟରେ ଯୋଗଦେବା ପର୍ଯ୍ୟନ୍ତ ଅପେକ୍ଷା କରିବାକୁ ପଡିବ ନା ଅନ୍ୟ କେହି ଟାଇପ୍‌ ଜାଣିଥିବା କର୍ମଚାରୀଟିଏ ଚିଠିଟିକୁ ଟାଇପ୍‌ କରିଦେବ? ଯଦି ଅନ୍ୟ କେହି କର୍ମଚାରୀ ବା ଅଧିକାରୀ ନିଜେ ଚିଠିଟିକୁ ଟାଇପ୍‌ କରିଦିଅନ୍ତି ତେବେ ଏଥିରେ ଅସୁବିଧା କ’ଣ? ସେହିପରି କୌଣସି ଜରୁରୀ କାର୍ଯ୍ୟ ଯୋଗୁ ସୁଇପର ଦୁଇ ତିନିଦିନ ପାଇଁ ଅଫିସ ଆସିପାରିଲେନି, ସୁଇପର ଆସିବେ ନାହିଁ ବୋଲି ଅଫିସ ଘର ଅଳିଆ, ଆବର୍ଜନା ହୋଇ ପଡିରହିବ ନା ପ୍ରତ୍ୟେକ କର୍ମଚାରୀ ନିଜ ନିଜ କୋଠରିକୁ ଓଳାଇ ପରିଷ୍କାର କରିବେ? ଦିନେ ଦୁଇଦିନ ଅଫିସ ଘରକୁ ଅନ୍ୟ କର୍ମଚାରୀମାନେ ଓଳାଇଦେଲେ କ’ଣ ସେମାନଙ୍କର ମାନ-ସମ୍ମାନ କ୍ଷୁଣ୍ଣ ହୋଇଯିବ? ସେମାନେ ବି ଆମରି ଭଳି ମଣିଷ, ଯେଉଁମାନେ ସେ କାମ କରୁଛନ୍ତି। ସେମାନଙ୍କ ଅନୁପସ୍ଥିତିରେ ସେମାନଙ୍କର କାର୍ଯ୍ୟ କରିଦେଲେ ସମ୍ମାନହାନି ହେବନାହିଁ ବରଂ ବଢ଼ିବ। ଯେକୌଣସି କାମ ହେଉ, ଯଦି ତାକୁ ନିଷ୍ଠା ଓ ଦାୟିତ୍ୱର ସହ କରାଯାଏ ତେବେ ସେହି କାମ ମଣିଷକୁ ଶ୍ରେଷ୍ଠତା ପ୍ରଦାନ କରିଥାଏ। କାମ ପ୍ରତି ସମ୍ମାନବୋଧ ସଂକ୍ରାନ୍ତରେ ନିକଟରେ ଗଣମାଧ୍ୟମରେ ପ୍ରକାଶ ପାଇଥିବା ଦୁଇଟି ଘଟଣାକୁ ଏଠାରେ ଉଲ୍ଲେଖ କରୁଛୁ।
୨୦୧୬ ଅକ୍ଟୋବର ୩୧ ତାରିଖ। ଝାଡ଼ଖଣ୍ଡର ରାଜରାପାରେ ଅବସ୍ଥିତ ସେଣ୍ଟ୍ରାଲ କୋଲଫିଲ୍‌ଡ ଲିମିଟେଡରେ କାର୍ଯ୍ୟରତ ୪ର୍ଥ ଶ୍ରେଣୀ କର୍ମଚାରୀ (ସୁଇପର) ସୁମିତ୍ରା ଦେବୀ ଏହିଦିନ ତାଙ୍କ କାର୍ଯ୍ୟରୁ ଅବସର ନେଲେ। ଜଣେ କର୍ମଚାରୀ ସେବାନିବୃତ୍ତ ହେବା ବା ଅବସର ଗ୍ରହଣ କରିବା ଏକ ଚିରାଚରିତ ଘଟଣା। ମାତ୍ର ସୁମିତ୍ରା ଦେବୀଙ୍କର ଅବସର ଦିନଟି ବହୁଚର୍ଚ୍ଚିତ ହୋଇଥିଲା ସେତିକିବେଳେ, ଯେତେବେଳେ କି ବିଦାୟକାଳୀନ ସଭାଗୃହରେ ପହଞ୍ଚିଥିଲେ ତାଙ୍କର ତିନିପୁଅ। ବଡ଼ପୁଅ ବୀରେନ୍ଦ୍ର କୁମାର (ରେଲ୍‌ଓ୍ବେ ଇଞ୍ଜିନିୟର), ମଝିଆଁ ପୁଅ ଧୀରେନ୍ଦ୍ର କୁମାର (ଡାକ୍ତର) ଓ ସାନପୁଅ ମହେନ୍ଦ୍ର କୁମାର (ଜିଲାପାଳ, ସିଓ୍ବାନ, ବିହାର) ସଭାଗୃହରେ ପହଞ୍ଚି ଯେତେବେଳେ ମାଆ ସୁମିତ୍ରା ଦେବୀଙ୍କ ପାଦସ୍ପର୍ଶ କଲେ, ସେ ନିଜକୁ ରୋକି ନ ପାରି କାନ୍ଦି ପକାଇଲେ। ଝାଡୁଦାର କାର୍ଯ୍ୟ କରି ସେ ଯେଉଁ ସ୍ବଳ୍ପ ଦରମା ପାଉଥିଲେ, ସେଥିରେ ଅତି ଦୁଃଖକଷ୍ଟ ସହି ତିନିପୁଅଙ୍କୁ ପାଠ ପଢ଼ାଇ ସମାଜରେ ପ୍ରତିଷ୍ଠିତ କରାଇପାରିଥିଲେ। ତିନିପୁଅ ଉଚ୍ଚ ପଦପଦବୀରେ ଅଧିଷ୍ଠିତ ହେବା ପରେ ତାଙ୍କ ପରିବାରର ଆର୍ଥିକ ସ୍ବଚ୍ଛଳତା ବୃଦ୍ଧି ପାଇଲା ସତ, ହେଲେ ନିଜ କର୍ତ୍ତବ୍ୟ ପ୍ରତି ସୁମିତ୍ରା ଦେବୀ କେବେ ବି ବିମୁଖତା ପ୍ରଦର୍ଶନ କରିନାହାନ୍ତି। ୬୦ ବର୍ଷ ବୟସ ପର୍ଯ୍ୟନ୍ତ ରାମଗଡ଼ ସହରର ବିଭିନ୍ନ ଗଳିରେ ସେ ଅନ୍ୟ ସୁଇପର ସହକର୍ମୀଙ୍କ ସହିତ କାର୍ଯ୍ୟ କରିଚାଲିଥିଲେ। ବନ୍ଧୁ-ବାନ୍ଧବ ଓ ଚିହ୍ନାଜଣାଙ୍କ ମଧ୍ୟରୁ ଅନେକେ ତାଙ୍କୁ ପ୍ରବର୍ତ୍ତାଇଛନ୍ତି ଯେ, ଜଣେ ଆଇଏଏସ୍‌ ଅଫିସରଙ୍କ ମା’ ସୁଇପର କାମ କରିବା ଶୋଭନୀୟ ନୁହେଁ। ତିନିପୁଅ ଉଚ୍ଚ ପଦପଦବୀରେ ଅଧିଷ୍ଠିତ। ଟଙ୍କା-ପଇସାର ଅଭାବ ନାହିଁ। ଏପରିସ୍ଥଳେ ଝାଡୁଦାର କାର୍ଯ୍ୟ କରିବାର କ’ଣ ଆବଶ୍ୟକତା ଅଛି ବୋଲି ଅନେକେ ତାଙ୍କୁ ପ୍ରଶ୍ନ କରିଛନ୍ତି। ସୁଇପର ଚାକିରି ତାଙ୍କ ପାଇଁ ଈଶ୍ୱରଙ୍କ ଆଶୀର୍ବାଦ ଓ ଈଶ୍ୱରଙ୍କ ଆଶୀର୍ବାଦକୁ ସେ କେବେ ବି ପ୍ରତ୍ୟାଖ୍ୟାନ କରିପାରିବେ ନାହିଁ ବୋଲି ଉତ୍ତର ଦିଅନ୍ତି ସୁମିତ୍ରା ଦେବୀ। ଯେଉଁ କାମ କରି ସେ ନିଜ ତିନିପୁଅଙ୍କୁ ପ୍ରତିଷ୍ଠିତ କରାଇପାରିଲେ, ସେ କାମ କେମିତି ଛୋଟ କାମ ହୋଇପାରେ ଓ ତାକୁ କିପରି ସେ ପରିତ୍ୟାଗ କରିପାରିବେ? ମାଆଙ୍କ ନିଷ୍ପତ୍ତିକୁ ସମର୍ଥନ କରିଥିଲେ ତିନିପୁଅ ଓ ଉଦାହରଣ ସୃଷ୍ଟି କରିଥିଲେ ଯେ ସମାଜରେ ଯେ କୌଣସି କାମ ଛୋଟ ନୁହେଁ।
ପ୍ରତ୍ୟେକ କାମକୁ ସମ୍ମାନ ପ୍ରଦର୍ଶନ କରିବା ନେଇ ସମ୍ପ୍ରତି ଚର୍ଚ୍ଚାରେ ଅଛନ୍ତି ନେଦରଲାଣ୍ଡର ପ୍ରଧାନମନ୍ତ୍ରୀ ମାର୍କ ରୁଟ୍‌। ଗତ ଜୁନ୍‌ ୬ ତାରିଖ ପୂର୍ବାହ୍ଣର ଘଟଣା, ଯାହାକି ସୋସିଆଲ ମିଡିଆରେ ଭାଇରାଲ ହୋଇ ପ୍ରଧାନମନ୍ତ୍ରୀ ରୁଟ୍‌ଙ୍କୁ ପ୍ରଶଂସାରେ ପୋତି ପକାଇଛି। ତରତର ହୋଇ ସେଦିନ ପାର୍ଲାମେଣ୍ଟର ନିଜ ଚାମ୍ବରକୁ ଯାଉଥିଲେ ପ୍ରଧାନମନ୍ତ୍ରୀ ରୁଟ୍‌। ବାମ ହାତରେ କିଛି ଗୁରୁତ୍ୱପୂର୍ଣ୍ଣ କାଗଜପତ୍ର ଓ ଡାହାଣ ହାତରେ କଫି କପ୍‌। କଫି ପିଇ ପିଇ ଜଣେ ଅଧିକାରୀଙ୍କ ସହ ନିଜ ଚାମ୍ବର ଭିତରକୁ ପ୍ରବେଶ କରୁଥଲା ବେଳେ ଗ୍ଲାସ୍‌ ଡୋର୍‌ରେ ହଠାତ୍‌ ହାତବାଜି କଫି କପ୍‌ଟି ତଳେ ପଡିଗଲା ଓ କଫିତକ ଢାଳି ହୋଇଗଲା ଚଟାଣରେ। ତୁରନ୍ତ କାଗଜପତ୍ରଗୁଡିକୁ ପାଖରେ ଠିଆ ହୋଇଥିବା ଅଧିକାରୀଙ୍କୁ ଧରାଇଦେଇ ଚଟାଣ ପୋଛିବାରେ ଲାଗିପଡିଲେ ପ୍ରଧାନମନ୍ତ୍ରୀ। ନିକଟରେ ଥିବା ଏକ ମଗ୍‌ ସାହାଯ୍ୟରେ ସଫା କରିବା ସହ ଚଟାଣରେ ସୃଷ୍ଟି ହୋଇଯାଇଥିବା କିଛି ଗାଢ଼ ଦାଗକୁ ନିଜ ରୁମାଲରେ ପୋଛି ପକାଇଥିଲେ। ପ୍ରଧାନମନ୍ତ୍ରୀଙ୍କ ଏତାଦୃଶ କାର୍ଯ୍ୟ ଦେଖି ହଡ଼ବଡ଼େଇ ଯାଇଥିଲେ ପାର୍ଲାମେଣ୍ଟ ଭବନର ଅଧିକାରୀବୃନ୍ଦ। ଖବରପାଇ ଦୌଡ଼ାଦୌଡ଼ି ହୋଇ ପହଞ୍ଚିଯାଇଥିଲେ କିଛି ସଫେଇ କର୍ମଚାରୀ। ମାତ୍ର ହସି ହସି ଚଟାଣ ସଫାରେ ଲାଗିପଡିଥିଲେ ପ୍ରଧାନମନ୍ତ୍ରୀ ଓ ବାରଣ କରିଥିଲେ ସେମାନଙ୍କୁ ବ୍ୟସ୍ତ ହେବାକୁ। ପରେ ଉପସ୍ଥିତ ଅଧିକାରୀ ଓ ସଫେଇ କର୍ମଚାରୀମାନେ ତାଳିମାରି ପ୍ରଧାନମନ୍ତ୍ରୀଙ୍କୁ ବଧାଇ ଜଣାଇଥିଲେ।
ନେଦରଲାଣ୍ଡର ପ୍ରଧାନମନ୍ତ୍ରୀ ରୁଟ୍‌ ହୁଅନ୍ତୁ କି ଛତିଶଗଡ଼ର ସୁଇପର ସୁମିତ୍ରା ଦେବୀ ହୁଅନ୍ତୁ, ଉଭୟେ ସମାଜକୁ ଗୋଟିଏ ଭଲ ବାର୍ତ୍ତା ଦେଇଛନ୍ତି ଯେ, କୌଣସି କାମ ଛୋଟ ନୁହେଁ, ବ୍ୟକ୍ତି ନିଜ ନାମ ପାଇଁ ନୁହେଁ, କାମ ପାଇଁ ପ୍ରତିଷ୍ଠା ଅର୍ଜନ କରିଥାଏ। ଥରେ ଭାବନ୍ତୁ, ଯଦି କୃଷକଟିଏ ମାଟି, ପାଣି, ପବନ, ଖରା, ବର୍ଷା, ଶୀତକୁ ଖାତିର ନ କରି କୃଷି ଉତ୍ପାଦନ କରୁ ନ ଥାନ୍ତା, ଷ୍ଟେଶନ ବା ବସଷ୍ଟାଣ୍ଡରେ କୁଲିମାନେ ସେବା ପ୍ରଦାନ କରୁ ନ ଥାନ୍ତେ, କ୍ଷୀରବାଲା ଗୁହାଳରେ ଗାଈ ରଖି ସେମାନଙ୍କ ଲାଳନପାଳନ ପୂର୍ବକ ଆମ ଦୁଆରମୁହଁରେ କ୍ଷୀର ନ ପହଞ୍ଚାଉଥାନ୍ତା, ସୁଇପରମାନେ ଦୈନିକ ସହରର ରାସ୍ତା ଉପରୁ ଅଳିଆ ଆବର୍ଜନା ଉଠାଉ ନ ଥାନ୍ତେ, କାମବାଲୀମାନେ ଆମ୍ଭମାନଙ୍କ ଘରକୁ ଆସି ପାଇଟି ନ କରୁଥାନ୍ତେ, ମୂଲିଆ ମଜୁରିଆମାନେ ଦୈନିକ ଆମ ପାଇଁ କାମ କରୁ ନ ଥାନ୍ତେ, ତେବେ ଆମର ଜୀବନଯାପନ ପ୍ରଣାଳୀ କିପରି ହେଉଥାନ୍ତା? ଆଜିର ଦିନପରି ସବୁ କିଛି ସହଜ ସୁନ୍ଦର ହୋଇପାରିଥାନ୍ତା କି? ଉତ୍ତର ହେବ ନା। ଆମ ଜୀବନର ପ୍ରତିଟି ଆବଶ୍ୟକତା କେଉଁ କୋଟିପତି ପୂରଣ କରୁନାହାନ୍ତି। ଦୁନିଆକୁ ସରସ, ସୁନ୍ଦର, ପରିଷ୍କାର ଓ ପରିଚ୍ଛନ୍ନ କରିଥାନ୍ତି ସେହିମାନେ, ଯେଉଁମାନଙ୍କୁ ଆମେ କହିଥାଉ ତଳସ୍ତରର ମଣିଷ। ତଥାକଥିତ ଉପରସ୍ତରର ଲୋକଙ୍କ ପ୍ରତି ଆମେ ଯେପରି ବ୍ୟବହାର ଓ ଆଚରଣ ପ୍ରଦର୍ଶନ କରିଥାଉ, ସେପରି ଆଚରଣ ଆମେ ସେହି ତଳସ୍ତରର ଲୋକମାନଙ୍କ ପ୍ରତି କରି ନ ଥାଉ। ତାମିଲ ଅଭିନେତା ରଜନୀକାନ୍ତ ସୁପରଷ୍ଟାର ହେବା ପୂର୍ବରୁ ଜଣେ ବସ୍‌ କଣ୍ଡକ୍ଟର ଥିଲେ। ଏବେ ବି ଟିକିଏ ଅବସର ସମୟ ପାଇଲେ ସେ ତାଙ୍କ ପୂର୍ବର ସେ କଣ୍ଡକ୍ଟର ବନ୍ଧୁମାନଙ୍କୁ ଭେଟିବାକୁ ବାହାରିପଡନ୍ତି। ପୂର୍ବତନ ରାଷ୍ଟ୍ରପତି ଅବଦୁଲ କଲାମ୍‌ ଛୋଟ ବେଳେ ଖବରକାଗଜ ହକର କାମ କରୁଥିଲେ। ପ୍ରକୃତି କୌଣସି କାର୍ଯ୍ୟରେ ଫରକ ଦେଖେ ନାହିଁ। ତା’ ପାଇଁ ପ୍ରତ୍ୟେକ ମଣିଷ ସମାନ। ସେଥିପାଇଁ ତ ପ୍ରତ୍ୟେକ ମଣିଷ ପ୍ରକୃତି ପାଇଁ ଜଣେ ଜଣେ ସେଲିବ୍ରିଟି। ଏବେ ଆସନ୍ତୁ ନାମକୁ ନୁହେଁ, କାମକୁ ସମ୍ମାନ ଦେବା।
ମୋ-୯୪୩୭୨୩୨୪୬୩, ଇମେଲ- prakas.tripathy09@gmail.com
All Right Reserved By

ସମ୍ପାଦକୀୟ |

ଫାଇଦାରେ କଶ୍ମୀର ବାବୁ

ଫାଇଦାରେ କଶ୍ମୀର ବାବୁ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ଜମ୍ମୁ-କଶ୍ମୀରରେ ରାଜ୍ୟପାଳ ଶାସନ ଲାଗୁ ହେବା ଯୋଗୁ ରାଜ୍ୟ କ୍ୟାଡର ବାବୁମାନେ ବେଶ୍‌ ଫାଇଦାରେ ଅଛନ୍ତି। କାରଣ ପ୍ରଶାସନରେ ସେମାନଙ୍କୁ ଗୁରୁତ୍ୱପୂର୍ଣ୍ଣ ପଦପଦବୀ ମିଳିଛି। ୧୯୮୬ ବ୍ୟାଚ୍‌ ଜମ୍ମୁ-କଶ୍ମୀର କ୍ୟାଡର ଆଇଏଏସ୍‌ ଅଫିସର ତଥା ପୂର୍ବତନ ମୁଖ୍ୟ ଶାସନ ସଚିବ ବି.ବି. ବ୍ୟାସ ରାଜ୍ୟପାଳଙ୍କ ଉପଦେଷ୍ଟା ଭାବେ ପୁନର୍ନିଯୁକ୍ତି ପାଇଛନ୍ତି। ସେହିପରି ରାଜ୍ୟ କ୍ୟାଡରର ଅବସରପ୍ରାପ୍ତ ଆଇଏଏସ୍‌ ଅଫିସର ଖୁର୍ଶିଦ ଅହମଦ ଗନାଇ ଏବଂ ଅବସରପ୍ରାପ୍ତ ଆଇପିଏସ୍‌ ଅଫିସର କେ. ବିଜୟ କୁମାର ମଧ୍ୟ କ୍ୟାବିନେଟ୍‌ର ସମତୁଲ ...

ଅନ୍ତହୀନ ତିନୋଟି ସମସ୍ୟା

ଅନ୍ତହୀନ ତିନୋଟି ସମସ୍ୟା

ମନ-ମାନଚିତ୍ର / ଡ. ନରହରି ବେହେରା

ପ୍ରାତଃଭ୍ରମଣ ସମୟରେ ଗୋବିନ୍ଦବାବୁ କହିଲେ, ତୁମେ ମହାଭାରତର ଯକ୍ଷ-ଯୁଧିଷ୍ଠିର ସମ୍ବାଦ ପଢ଼ିଛ? ଯକ୍ଷ ଯୁଧିଷ୍ଠିରଙ୍କୁ ପ୍ରଶ୍ନ କରିଥିଲେ- କେଉଁ ବ୍ୟାଧିର ଶେଷ ନାହିଁ? ଏହାର ଉତ୍ତରରେ ଯୁଧିଷ୍ଠିର କହିଥିଲେ, ଲୋଭରୂପକ ବ୍ୟାଧିକୁ ଉପଶମ କରିହେବ ନାହିଁ। ଆଚ୍ଛା, ତୁମେ କିଛି ସମୟ ପାଇଁ ଯୁଧିଷ୍ଠିର ହୋଇଯାଅ ଏବଂ ମୁଁ ତୁମକୁ ଯକ୍ଷ ଭାବରେ ଯେଉଁ ପ୍ରଶ୍ନ କରୁଛି ତାହାର ଉତ୍ତର ଦିଅ। ମୁଁ ଦେଖିବି ତୁମର ବୁଦ୍ଧି ...

ଧର୍ମରେ ଖେଚୁଡ଼ି

ଧର୍ମରେ ଖେଚୁଡ଼ି

ନାରାୟଣ ପଣ୍ଡା

ଏକଦା ଭକ୍ତପ୍ରବର ହନୁମାନଙ୍କୁ ଭୀମ ପଚାରିଲେ- ଭାଇ ହନୁମାନ, ତୁମେ କ’ଣ ଶ୍ରୀକୃଷ୍ଣଙ୍କୁ ରାମଙ୍କଠାରୁ ପୃଥକ୍‌ ଜ୍ଞାନ କର? ହନୁମାନ ହସି କହିଲେ,- ”ଶ୍ରୀନାଥେ ଜାନକୀନାଥେ ଅଭେଦଃ ପରମାତ୍ମନି, ତଥାପି ମମ ସର୍ବସ୍ବଃ ରାମଃ କମଳଲୋଚନଃ।“ ଅର୍ଥାତ୍‌ ରାମ ଓ କୃଷ୍ଣଙ୍କ ମଧ୍ୟରେ କୌଣସି ପ୍ରଭେଦ ନାହିଁ। ତଥାପି କମଳଲୋଚନ ଶ୍ରୀରାମ ହେଉଛନ୍ତି ମୋର ଜୀବନସର୍ବସ୍ବ। କାରଣ ରାମଙ୍କ ଭାବ କୃଷ୍ଣଙ୍କ ...

ଏଇ ଭାରତରେ

ଏଇ ଭାରତରେ

ମହିଳାମାନେ ସ୍ବାମୀଙ୍କୁ ସତ୍‌ପଥରେ ଚାଲିବାକୁ ପରାମର୍ଶ ଦେଇଥାଆନ୍ତି। କିନ୍ତୁ ନିଜର ସୁଖସମୃଦ୍ଧି ପାଇଁ ସ୍ବାମୀଙ୍କୁ ଚୋରି କରିବାକୁ ଉତ୍ସାହିତ କରିବା ଘଟଣା କ୍ୱଚିତ୍‌ ଦେଖାଯାଏ। ଏପରି ଏକ ଘଟଣା ବେଙ୍ଗାଲୁରୁଠାରେ ଘଟିଛି। ମହାଦେବୀ ନାମ୍ନୀ ୨୮ ବର୍ଷୀୟା  ଜଣେ ମହିଳା ତାଙ୍କ ସ୍ବାମୀଙ୍କୁ ସୁନାଚେନ୍‌ ଛିଡାଇ ଆଣିବା ଭଳି କୁପ୍ରରୋଚନା ଦେଇଥିବାରୁ ଶେଷରେ ଗିରଫ ହୋଇଛନ୍ତି। ବାଲାରି ଜିଲାର ହୁବିନା ହଡାଗଳି ଥାନାରେ ଏ ସଂକ୍ରାନ୍ତରେ ଏକ ମାମଲା ରୁଜୁ ହୋଇଛି। କୁମ୍ବାଲଗୋଡୁର ବାସିନ୍ଦା ଏହି ମହିଳା ଜଣକ ବଦଖର୍ଚ୍ଚ କରି ବେଶ୍‌ ଅୟସରେ ...

ଆଜିର ଅର୍ଥନୀତି/ବାସ୍ତବ ଆହ୍ବାନ

ଆଜିର ଅର୍ଥନୀତି/ବାସ୍ତବ ଆହ୍ବାନ

କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ତାଙ୍କର ଏକ ବୃହତ୍‌ ନୀତିଗତ ପଦକ୍ଷେପ ସ୍ବରୂପ ତିନୋଟି ରାଷ୍ଟ୍ରାୟତ୍ତ ବ୍ୟାଙ୍କକୁ ଯୋଡ଼ି ଭାରତର ତୃତୀୟ ବୃହତ୍ତମ ବ୍ୟାଙ୍କ କରିବା ଲାଗି ସୋମବାର ଘୋଷଣା କରିଛନ୍ତି। ସେହି ବ୍ୟାଙ୍କଗୁଡ଼ିକ ହେଉଛି ବ୍ୟାଙ୍କ ଅଫ୍‌ ବରୋଦା (ବିଓବି), ବିଜୟା ବ୍ୟାଙ୍କ ଏବଂ ଦେନା ବ୍ୟାଙ୍କ। ୨୦୧୮ ମାର୍ଚ୍ଚ ମାସର ତଥ୍ୟ ଅନୁସାରେ ଏହି ସମ୍ମିଳିତ ବ୍ୟାଙ୍କର ବଜାର ଅଂଶ ହେଉଛି ଜମା କ୍ଷେତ୍ରରେ ୭.୨ ପ୍ରତିଶତ ଓ ଋଣ ପ୍ରଦାନ କ୍ଷେତ୍ରରେ ୬.୮ ପ୍ରତିଶତ। ଫଳରେ ଜମା କ୍ଷେତ୍ରରେ ଏହା ଦେଶର ଦ୍ୱିତୀୟ ଏବଂ ଋଣ ପ୍ରଦାନ କ୍ଷେତ୍ରରେ ତୃତୀୟ ବୃହତ୍ତମ ବ୍ୟାଙ୍କରେ ପରିଣତ ହେବ। ପୁଣି ଏହି ମିଶ୍ରିତ ବ୍ୟାଙ୍କର ସାରା ଦେଶରେ ପ୍ରାୟ ୯୫୦୦ ଶାଖା ଥିବାରୁ ଏ କ୍ଷେତ୍ରରେ ଏ...

ପାକିସ୍ତାନର ଭବିଷ୍ୟତ

ପାକିସ୍ତାନର ଭବିଷ୍ୟତ

ଶରତ ଚନ୍ଦ୍ର ମିଶ୍ର

ଆନ୍ତର୍ଜାତିକ ମାନଦଣ୍ଡ, ଆୟତନ ଓ ଲୋକସଂଖ୍ୟା ଦୃଷ୍ଟିରୁ ପାକିସ୍ତାନ ଏକ ମଧ୍ୟମବର୍ଗର ବିକାଶଶୀଳ ରାଷ୍ଟ୍ର। ଏହାର ମାନବ ସମ୍ପଦ ସୁଗଠିତ, ବଳବାନ୍‌ ଓ ଦେଶ ଉତ୍ତମମାନର ସୈନିକ, ଚାଷୀ ଓ କାରିଗରରେ ଭରପୂର। ପଞ୍ଜାବ ପ୍ରଦେଶରେ ଜଳସେଚିତ ଜମି, ସିନ୍ଧୁନଦୀ ଓ ତାହାର ଶାଖାନଦୀ, ବେଲୁଚିସ୍ତାନର ଖଣିଜ ସମ୍ପଦ ଓ ପ୍ରାକୃତିକ ଗ୍ୟାସ, ଉତ୍ତରାଞ୍ଚଳର ପ୍ରାକୃତିକ ଦୃଶ୍ୟ, ଗିରିଶୃଙ୍ଗ, କରାଚୀର ବ୍ୟବସାୟିକ ପରମ୍ପରା, ଆରବ ସାଗର ସନ୍ନିହିତ ସୁଦୀର୍ଘ ଉପକୂଳର ଅବସ୍ଥିତି ହେତୁ ପାକିସ୍ତାନ ଏକ ସମୃଦ୍ଧିଶାଳୀ ଓ ଆକର୍ଷଣୀୟ ରାଷ୍ଟ୍ର ହେବାର ସମସ୍ତ ଉପାଦାନ ପ୍ରାପ୍ତ ହୋଇଛି। ବାଂଲାଦେଶ ମୁକ୍ତିଯୁଦ୍ଧ (୧୯୭୧)ରେ ଦେଶ ଦ୍ୱିଖଣ୍ଡିତ ହେବା ପର୍ଯ୍ୟନ୍ତ, ପାକିସ୍ତାନ ବିଶ୍ୱର ...

ଶହୀଦ ଇମାମ ହୁସେନ

ଶହୀଦ ଇମାମ ହୁସେନ

ଇଂ. ରୌଶନ ଖାନ୍‌

ମାନବିକତାର ସୁରକ୍ଷା ପାଇଁ ଯେଉଁମାନେ ଈଶ୍ୱରଙ୍କ ପଥରେ ଜୀବନ ଉତ୍ସର୍ଗ କରନ୍ତି ଓ ଦେଶମାତୃକାକୁ ଶତ୍ରୁ କବଳରୁ ରକ୍ଷା କରିବା ପାଇଁ ଯୁଦ୍ଧ କରି ପ୍ରାଣବଳି ଦେଇଥାନ୍ତି, ସେମାନଙ୍କୁ ‘ଶହୀଦ’ କୁହାଯାଏ। ସେହିପରି ଜଣେ ଦେବପୁରୁଷ ଥିଲେ ହଜରତ ଇମାମ୍‌ ହୁସେନ। ସେ ଇରାକର କରବଲା ମୈଦାନରେ ଯୁଦ୍ଧ କରି ୬୧ ହିଜିରିି ମହରମ ୧୦ ଦିନ ଶହୀଦ ହୋଇଥିଲେ। ସେ ହେଉଛନ୍ତି ହଜରତ ମହମ୍ମଦଙ୍କ ନାତି ଓ ଚତୁର୍ଥ ଖଲିଫା ହଜରତ ଅଲ୍ଲିଙ୍କ ପୁତ୍ର।...

ଏଇ ଭାରତରେ

ଏଇ ଭାରତରେ

କୌଣସି ବ୍ୟକ୍ତିକୁ ଶାରୀରିକ ନିର୍ଯାତନା ଦେଲେ ତାହାର ପରିଣତି ଭୋଗିବାକୁ ପଡ଼େ। ଜଣେ ୫୦ବର୍ଷୀୟ ମହିଳାଙ୍କୁ ତାଙ୍କ ଭାଇ ଓ ଭାଉଜ ୨ବର୍ଷ ଧରି ଘରେ ଅଟକ ରଖିବା ସହିତ ଭୋକ ଉପାସରେ ବଞ୍ଚତ୍ବାକୁ ଦେଉଥିଲେ। ଏହାର ପରିଣାମ ସ୍ବରପ ୨ଜଣଙ୍କୁ ଗିରଫ ,...

ଓମେଗା-୩ ଓ ମିଥ୍ୟା ପ୍ରଚାର

ଓମେଗା-୩ ଓ ମିଥ୍ୟା ପ୍ରଚାର

ପରିବେଶ ପରିଚିନ୍ତା/ ମାନେକା ଗାନ୍ଧୀ

ପ୍ରତି କିଛି ବର୍ଷ ବ୍ୟବଧାନରେ ଗୋଟିଏ କମ୍ପାନୀ ତା’ର ମାର୍କେଟିଂ ରଣକୌଶଳ ହିସାବରେ ପ୍ରଚାର କରେ ଯେ ଏକ ନୂତନ ସୁପରଫୁଡ୍‌ ଜନ୍ମଲାଭ କରିଛି। ବର୍ତ୍ତମାନ ବହୁ ବିଜ୍ଞାପିତ ସେପରି ଏକ ସୁପରଫୁଡ୍‌ ହେଉଛି Matcha tea ବା ମାଚା ଚା, ଯାହା ମେଦବହୁଳତା, ଡାଇବେଟିସ୍‌, ଆଣ୍ଠୁଗଣ୍ଠି ବାତ ପ୍ରଭୃତି ସବୁ ସମସ୍ୟାର ସମାଧାନ କରିପାରୁଛି ବୋଲି କୁହାଯାଉଛି। ଏହା କିନୁଆ, ଚିଆ ମଞ୍ଜି, ଲେହ କୋଳି, ବ୍ରାଜିଲ ନଟ୍‌, ବ୍ଲୁବେରୀ, ହଳଦୀ, ସ୍ପିରୁଲିନା, ଗୋଜି ବେରୀ, କଳା ଚକୋଲେଟ୍‌, ରେଡ୍‌ ଓ୍ବା...

ଉଚ୍ଚଶିକ୍ଷା ଓ କାମଚଳା ଅଧ୍ୟକ୍ଷ

ଉଚ୍ଚଶିକ୍ଷା ଓ କାମଚଳା ଅଧ୍ୟକ୍ଷ

ଡ. ସୁବାସ ଚନ୍ଦ୍ର ପାତ୍ର

ପ୍ରଖ୍ୟାତ ଇଂରେଜୀ କବି ଜନ୍‌ ଡନ୍‌ଙ୍କର ଏକ କବିତା ଅଛି- ‘କାହା ପାଇଁ ବାଜେ ଏ ଘଣ୍ଟା’। କୌଣସି ମଣିଷର ମୃତ୍ୟୁର ସୂଚନା ହିସାବରେ ବାଜୁଥିବା ଗୀର୍ଜାର ଘଣ୍ଟା ପ୍ରସଙ୍ଗରେ କୁହାଯାଇଛି ଯେ, ଏ ଘଣ୍ଟା ଯାହା ପାଇଁ ବି ବାଜୁନା କାହିଁକି ମନେରଖ ଏ ଘଣ୍ଟା ତୁମ ପାଇଁ ହିଁ ବାଜୁଛି, କାରଣ ତାଙ୍କ ମୃତ୍ୟୁଠୁ ତୁମ ମୃତ୍ୟୁ ବେଶି ଦୂର ନୁହେଁ। ଗୀର୍ଜାର ଘଣ୍ଟା ପରି ଆମ କଲେଜଗୁଡ଼ିକରେ...

ଧର୍ମ ଜୀବନର ରକ୍ଷାକବଚ

ଧର୍ମ ଜୀବନର ରକ୍ଷାକବଚ

ଶିବରାମ ଶତପଥୀ

ଗୀତାରେ ଅଛି, ‘ସ୍ବଳ୍ପମପ୍ୟସ୍ୟ ଧର୍ମସ୍ୟ ତ୍ରାୟତେ ମହତୋ ଭୟାତ୍‌।’ ଅର୍ଥାତ୍‌ କରିଥିବା ସାମାନ୍ୟତମ ଧର୍ମ ମଧ୍ୟ ସମୟ ପଡ଼ିଲେ ପ୍ରାଣୀକୁ ବଡ଼ ଭୟ (ମୃତ୍ୟୁଭୟ)ରୁ ରକ୍ଷାକରେ। ତେବେ ଏହି ଧର୍ମ କ’ଣ? ମହାଭାରତ ବନପର୍ବରେ ଯକ୍ଷ (ଛଦ୍ମବେଶୀ ଧର୍ମ)ଙ୍କ ପ୍ରଶ୍ନ (କଃ ପନ୍ଥାଃ)ର ଉତ୍ତରରେ ଯୁଧିଷ୍ଠିର କହିଥିଲେ- ନାନା ମୁନିଙ୍କର ନାନା ମତ। ସେହିପରି ବେଦ ମଧ୍ୟ ଗୋଟିଏ ନୁହେଁ। ବିଭିନ୍ନ ସ୍ଥାନରେ ଭିନ୍ନ ଭିନ୍ନ ଭାବେ...

ଏଇ ଭାରତରେ

ଏଇ ଭାରତରେ

ଅପରାଧୀଙ୍କୁ କାବୁ କରିବାକୁ ପୋଲିସ କର୍ମଚାରୀଙ୍କୁ ନୂଆ ନୂଆ କୌଶଳ ପ୍ରଶିକ୍ଷଣ ଦିଆଯାଉଛି। ବିଶେଷକରି ମହିଳା କର୍ମଚାରୀଙ୍କୁ ଏନେଇ ସ୍ବତନ୍ତ୍ର ତାଲିମ୍‌ ପ୍ରଦାନ କରାଯାଉଛି। କିପରି କମ୍‌ ପୋଲିସ କର୍ମଚାରୀଙ୍କ ସହଯୋଗରେ ଅଭିଯୁକ୍ତଙ୍କୁ କୋର୍ଟକୁ ଏସ୍‌କର୍ଟ କରି ...