ସମ୍ପାଦକୀୟ |

ପତ୍ନୀ ଓ ଧର୍ମପତ୍ନୀ

 ପତ୍ନୀ ଓ ଧର୍ମପତ୍ନୀ
ମନ-ମାନଚିତ୍ର/ ଡ. ନରହରି ବେହେରା

ଗୃହସ୍ଥାଶ୍ରମରେ ନାରୀଙ୍କ ସ୍ଥାନ ଖୁବ୍‌ ଗୁରୁତ୍ୱପୂର୍ଣ୍ଣ। ବିବାହ ସମୟରେ ଯଜ୍ଞାଗ୍ନି ଚାରିପାଖରେ ସାତଘେରା ବୁଲିବାବେଳେ ପତି-ପନତ୍ୀ ବେଦର ସାତଟି ମନ୍ତ୍ରରେ ଅଭିଷିକ୍ତ ହୋଇ ସାତୋଟି ଶପଥ ନେଇଥାନ୍ତି। ଏହା ଆଦର୍ଶ ଦାମ୍ପତ୍ୟ ଜୀବନ ଏବଂ ଆଦର୍ଶ ସମାଜ ପାଇଁ ପ୍ରଯୁଜ୍ୟ। ଏହି ଆଦର୍ଶ ଦମ୍ପତି ରାଷ୍ଟ୍ର ପାଇଁ ସୁସ୍ଥ ଓ ଗୁଣବନ୍ତ ନାଗରିକ ଉପତ୍ନ୍ନ କରି ରାଷ୍ଟ୍ରକୁ ସୁରକ୍ଷିତ କରିଥାନ୍ତି। ଗୃହସ୍ଥାଶ୍ରମରୁ ହିଁ ମୁନି, ଋଷି, ରାଷ୍ଟ୍ରନାୟକ ପ୍ରଭୃତି ସୃଷ୍ଟି ହୋଇଥାନ୍ତି। ସବୁ ଆଶ୍ରମ ଏହାକୁ ଆଶ୍ରୟ କରି ତିଷ୍ଠି ରହିଥାନ୍ତି ବୋଲି ମନୁ କହିଛନ୍ତି- ”ଯଥା ବାୟୁଂ ସମାଶ୍ରିତ୍ୟ ବର୍ତ୍ତନ୍ତେ ସର୍ବଜନ୍ତବଃ। ତଥା ଗୃହସ୍ଥମାଶ୍ରିତ୍ୟ ବର୍ତ୍ତନ୍ତେ ସର୍ବ ଆଶ୍ରମାଃ।“
ଗୃହସ୍ଥ ଧର୍ମର ମୂଳଭିତ୍ତି ହେଲେ ଗୃହିଣୀ। ଯେଉଁ ଘରେ ସୁଗୃହିଣୀ ନାହିଁ ତାକୁ ପ୍ରକୃତ ଘର କୁହାଯାଏ ନାହିଁ (ନ ଗୃହଂ ଗୃହମିତ୍ୟାହୁଃ ଗୃହିଣୀ ଗୃହମୁଚ୍ୟତେ)। ଏହି ଗୃହିଣୀଙ୍କର ଯେଉଁ ମୁଖ୍ୟ ଦୁଇଟି ରୂପ ଦେଖିବାକୁ ମିଳେ, ତାହା ହେଉଛି ଗୋଟିଏ ଧର୍ମପନତ୍ୀ ଓ ଆଉ ଗୋଟିଏ ମା’ର ରୂପ। ମାତୃତ୍ୱ ଲାଭ ପୂର୍ବରୁ ଅଗ୍ନିକୁ ସାକ୍ଷୀ ରଖି ଜଣେ ନାରୀ ପତ୍ନୀ ହୋଇଥାଏ। ପତ୍ନୀ କାମନା ପାଇଁ ନୁହେଁ, ଧର୍ମାନୁଷ୍ଠାନ ପାଇଁ ହିଁ ଉଦ୍ଦିଷ୍ଟ। ପତ୍ନୀର ବହୁ ପ୍ରତିଶବ୍ଦ ଅଛି। ସ୍ତ୍ରୀ, ଭାର୍ଯ୍ୟା, ଜାୟା ଇତ୍ୟାଦି। ଏ ଶବ୍ଦଗୁଡ଼ିକ ଆପାତତଃ ସମାନ ପରି ମନେହେଲେ ମଧ୍ୟ ଏହାର ଭାବଗତ ପାର୍ଥକ୍ୟ ଅଛି। ସ୍ତ୍ରୀ ଶବ୍ଦ ଆସିଛି ସ୍ତ୍ରୈ ଧାତୁରୁ ଯାହାର ଅର୍ଥ ବେଷ୍ଟନ କରିବା। ସ୍ବାମୀଙ୍କୁ ବେଷ୍ଟନ କରି ଯାହାଙ୍କ ସଂସାର ସେ ସ୍ତ୍ରୀ। ଭାର୍ଯ୍ୟା ମାନେ ଭରଣଯୋଗ୍ୟା, ଯିଏ ଭରଣ କରନ୍ତି ସେ ଭର୍ତ୍ତା। ଜାୟା ଶବ୍ଦଟି ଜନ୍‌ ଧାତୁରୁ ଆସିଛି, ଅର୍ଥ ଜନ୍ମ କରିବା। ଯିଏ ପତିଙ୍କୁ ସନ୍ତାନ ରୂପେ ଜନ୍ମ ଦେଇଥାଏ, ସେ ଜାୟା। ପତନାତ୍‌ ନୀୟତେ ଇତି ପତ୍ନୀ, ଅର୍ଥାତ୍‌ ଯିଏ ପତିଙ୍କୁ ପତନ (ନୈତିକ ସ୍ଖଳନ)ରୁ ରକ୍ଷା କରେ ସେ ପତ୍ନୀ। 
ଆଜିକାଲି ତ ହିନ୍ଦୁ ବିବାହ ଆଇନ ଅନୁସାରେ ଏକରୁ ଅଧିକ ବିବାହ ବେଆଇନ। ମାତ୍ର ଆଗକାଳରେ ମୁନିଋଷି, ରାଜାମହାରାଜା, ସାମନ୍ତ, ଜମିଦାର, ଧନୀ ବ୍ୟକ୍ତିମାନେ ବହୁପନତ୍ୀ ଗ୍ରହଣ କରୁଥିଲେ। ଅସବର୍ଣ୍ଣ ବିବାହ ବ୍ୟବସ୍ଥା ମଧ୍ୟ ପ୍ରଚଳନ ଥିଲା। ଅସବର୍ଣ୍ଣ ବିବାହରେ ପୁରୁଷ ସବୁବେଳେ ଉଚ୍ଚବର୍ଣ୍ଣର ହେବା ବିଧି ଥିଲା। ପ୍ରଥମା ପତ୍ନୀ କିନ୍ତୁ ସବର୍ଣ୍ଣା ହେବାକୁ ବାଧ୍ୟ। କାରଣ ସେ ହେବ ଧର୍ମପନତ୍ୀ, ଯିଏ ସକଳ ଯଜ୍ଞକର୍ମ ଓ ଧର୍ମାନୁଷ୍ଠାନରେ ଅଂଶଗ୍ରହଣ କରିପାରିବ। ଦ୍ୱିତୀୟ, ତୃତୀୟ ବା ଚତୁର୍ଥ ପତ୍ନୀ ନିମ୍ନବର୍ଣ୍ଣର ହୋଇପାରିବେ। ଶାସ୍ତ୍ରରେ ଅଛି ‘ସ୍ତ୍ରୀରତ୍ନଂ ଦୁଷ୍କୁଳାଦପି’, ଅର୍ଥାତ୍‌ ନୀଚକୁଳରୁ ମଧ୍ୟ ସ୍ତ୍ରୀରତ୍ନ ଗ୍ରହଣ କରାଯାଇପାରେ। ଶ୍ରୀକୃଷ୍ଣ, ଭୀମ, ଅର୍ଜୁନ ପ୍ରଭୃତି ନିମ୍ନବର୍ଣ୍ଣରୁ ପତ୍ନୀ ଗ୍ରହଣ କରିଥିଲେ। ଧର୍ମପତ୍ନୀଙ୍କ ବିନା କୌଣସି ଗୃହସ୍ଥର ଧର୍ମାନୁଷ୍ଠାନ ପୂର୍ଣ୍ଣ ହୋଇ ନ ଥାଏ। ତେଣୁ ତାଙ୍କୁ ପତିଙ୍କର ଅର୍ଦ୍ଧାଙ୍ଗିନୀ (ଅର୍ଦ୍ଧଂ ଭାର୍ଯ୍ୟା ମନୁଷ୍ୟସ୍ୟ) ବୋଲି କୁହାଯାଏ। 
ପରକୁ ଆପଣାର ବୋଲି ପରିଚୟ ଦେବା ପାଇଁ ଆମେ ଧର୍ମ ଶବ୍ଦ ଲଗାଇ ଧର୍ମବାପା, ଧର୍ମଭାଇ, ଧର୍ମଭଉଣୀ ଇତ୍ୟାଦି ସମ୍ବନ୍ଧ ଯୋଡ଼ିଥାଉ। ମାତ୍ର ପତ୍ନୀ ହେଉଛନ୍ତି ଏକମାତ୍ର ନିଜର ଲୋକ, ଯାହାଙ୍କ ପାଖରେ ଧର୍ମ ଶବ୍ଦ ସଂଯୋଗ କରାଯାଇ ତାଙ୍କର ଉକତ୍ର୍ଷ ପ୍ରତିପାଦନ କରାଯାଇଥାଏ। ଧର୍ମପତ୍ନୀ ହେଉଛନ୍ତି ସୁଖସମୃଦ୍ଧିର କାରଣ। ସେ ହିଁ ନିଜର ସୁକର୍ମ ଦ୍ୱାରା ଧର୍ମ ପାଳନ କରି ପରିବାରର ସୁଖଶାନ୍ତି ଆଣିଥାନ୍ତି। ତେଣୁ ଯଜୁର୍ବେଦରେ କୁହାଯାଇଛି- ‘ପତ୍ନୀ ସୁକୃତଂ ବିଭର୍ତ୍ତି।’ ଗୋଟିଏ ସୁଖୀ ସଂସାର ପାଇଁ ନାରୀମାନଙ୍କୁ ଉପଦେଶ ପ୍ରଦାନ କରାଯାଇ ଅଥର୍ବବେଦରେ କୁହାଯାଇଛି- ”ହେ ବଧୂ, ତୁମେ ମଙ୍ଗଳମୟୀ, ଘର ସୁଖସମୃଦ୍ଧିର ବର୍ଦ୍ଧନକାରିଣୀ, ସ୍ବାମୀଙ୍କ ପାଇଁ ସୁଖଦାୟିନୀ, ଶ୍ୱଶୁରଙ୍କ ପାଇଁ ଶାନ୍ତିଦାୟିନୀ ଏବଂ ଶାଶୁଙ୍କ ପାଇଁ ଆନନ୍ଦଦାୟିନୀ ହୋଇ ଗୃହକର୍ମରେ ପ୍ରବେଶ କର।“ ଗୋଟିଏ ପରିବାର ପାଇଁ ଜଣେ ଧର୍ମପତ୍ନୀର ଭୂମିକା କେତେ ଗୁରୁତ୍ୱପୂର୍ଣ୍ଣ, ତାହା ଏହି ଉପଦେଶରୁ ହିଁ ଜଣାଯାଏ।
ଜଣେ ଭାଗ୍ୟଶାଳୀ ପୁରୁଷ ହିଁ ଉତ୍ତମ ଗୁଣସମ୍ପନ୍ନା ପନତ୍ୀ ଲାଭ କରିଥାଏ। କାରଣ ଜଣେ ସୁଗୃହିଣୀ ବିନା ସୁଖର ସଂସାର ଗଢ଼ିବା ସମ୍ଭବ ନୁହେଁ। ସେଥିପାଇଁ ‘ସପ୍ତଶତୀ ଚଣ୍ଡୀ’ରେ ଦେବୀଙ୍କୁ ପ୍ରାର୍ଥନା କରାଯାଇଛି- ”ଭାର୍ଯ୍ୟାଂ ମନୋରମାଂ ଦେହି ମନୋବୃତ୍ତ୍ୟନୁସାରଣୀମ୍‌।“ (ହେ ମା’! ମୋତେ ମନୋରମା ଓ ମନୋବୃତ୍ତିର ଅନୁସାରିଣୀ ଭାର୍ଯ୍ୟାଟିଏ ଦେ।) ସ୍ତ୍ରୀ ବିନା ଗୃହ ଶୂନ୍ୟ ହୋଇଯାଏ। ପନତ୍ୀ ହେଉଛନ୍ତି ଗୋଟିଏ ଘରର ସୁଖ, ଶାନ୍ତି ଓ ସମୃଦ୍ଧିର କାରଣ। ସେ ଯଦି ଶାନ୍ତ, ସୁଶୀଳା, କର୍ମନିପୁଣା, ପତିପ୍ରାଣା ନ ହୋଇ କୁଭାଷିଣୀ ଓ ରୁଷ୍ଟ ସ୍ବଭାବର ହୋଇଥାନ୍ତି, ତେବେ ସକଳ ଐଶ୍ୱର୍ଯ୍ୟ ସତ୍ତ୍ୱେ ସେ ଗୃହସ୍ଥ ସଂସାରରେ ସବୁଠାରୁ ଦୁଃଖୀ ହୋଇଥାନ୍ତି। ତେଣୁ କୁହାଯାଏ- ଏ ସଂସାରରେ ଦରିଦ୍ର, ଋଣଗ୍ରସ୍ତ ଓ ରୋଗଗ୍ରସ୍ତ ମଣିଷମାନଙ୍କଠାରୁ ବି ଅଧିକ ଦୁଃଖୀ ହୋଇଥାନ୍ତି ଜଣେ ଦୁଷ୍ଟ ଭାର୍ଯ୍ୟାର ସ୍ବାମୀ।
ପତିପ୍ରାଣତା ହେଉଛି ଧର୍ମପତ୍ନୀଙ୍କର ପ୍ରମୁଖ ଧର୍ମ। ସକଳ ଅଭାବ ଅସୁବିଧା ସତ୍ତ୍ୱେ ସ୍ବାମୀର ହାତ ଛାଡ଼ନ୍ତି ନାହିଁ ଧର୍ମପତ୍ନୀ। ସ୍ବାମୀ ବିପଥଗାମୀ ହେଲେ ଧର୍ମପତ୍ନୀ ନିଜର ଅସୀମ ଧୈର୍ଯ୍ୟ, ମିଷ୍ଟଭାଷଣ, ପ୍ରତ୍ୟୁପତ୍ନ୍ନମତିତାରେ ତାଙ୍କୁ ଫେରାଇ ଆଣିବାକୁ ସମର୍ଥ ହୋଇଥାନ୍ତି। ସାବିତ୍ରୀ ଯମଙ୍କଠାରୁ ସ୍ବାମୀଙ୍କୁ ମୁକୁଳାଇ ପାରିଥିଲେ। ଅନସୂୟା ଲକ୍ଷହୀରା ପ୍ରତି ଆସକ୍ତ ସ୍ବାମୀଙ୍କ ଇଚ୍ଛା ପୂରଣ ପାଇଁ ଗଣିକାର ଦାସୀ କାର୍ଯ୍ୟ କରିଥିଲେ। ସେ ନିଜର ଅସୀମ ଧୈର୍ଯ୍ୟ ଓ ନିଜ ଉପରେ ଥିବା ଅଗାଧ ବିଶ୍ୱାସ ବଳରେ ସ୍ବାମୀଙ୍କୁ କୁମାର୍ଗରୁ ଫେରାଇ ଆଣିପାରିଥିଲେ। ସେହିପରି ଫକୀରମୋହନଙ୍କ ନାୟିକା ସୁଲୋଚନା ସ୍ବାମୀ ଚନ୍ଦ୍ରମଣିଙ୍କୁ କୁପଥରୁ ଫେରାଇ ଆଣିବା ପାଇଁ ଝାଡ଼ୁର ସାହାଯ୍ୟ ନେଇଥିଲେ। ତେଣୁ ଧର୍ମପତ୍ନୀ ନିଜର ବିଚାରଶୀଳତାରେ ବିପଥଗାମୀ ସ୍ବାମୀଙ୍କୁ କିପରି ସତ୍‌ମାର୍ଗକୁ ଫେରାଇ ଆଣିବେ, ସେ ବିଷୟରେ ଚିନ୍ତା କରିବା ଉଚିତ।
ଧର୍ମପନତ୍ୀଙ୍କୁ ସେବିକା, ପାଦତଳର ଦାସୀ ବୋଲି ବିବେଚନା କରି ଦୁଃଖ ଦେବା ଉଚିତ ନୁହେଁ। କାରଣ ପତ୍ନୀ ଓ ଲକ୍ଷ୍ମୀ ଏକ ଏବଂ ଅଭିନ୍ନ (ସ୍ତ୍ରିୟଃ ଶ୍ରିୟଶ୍ଚ ଗେହେଷୁ ନ ବିଶେଷୋଽସ୍ତି କଶ୍ଚନ)। ସେ ଦୁଃଖୀ ହେଲେ ଗୃହର ସୁଖସମ୍ପଦ ହ୍ରାସ ପାଏ। ଧର୍ମପନତ୍ୀ ହିଁ ସର୍ବଦା ସମ୍ମାନର ଅଧିକାରିଣୀ, ଆମଠାରୁ ଦୁଃଖକଷ୍ଟ ପାଇବା ପାଇଁ ସେ ଗୃହର ଦାୟିତ୍ୱ ମୁଣ୍ଡାଇ ନ ଥାନ୍ତି।
ବାସୁଦେବବାସ୍ୟମ୍‌, ଜଗନ୍ନାଥବିହାର, ବାଇପାସ୍‌, ଭଦ୍ରକ, ମୋ-୯୪୩୮୪୬୫୪୭୮
All Right Reserved By

ସମ୍ପାଦକୀୟ |

ସମ୍ପାଦକୀୟ/ନିଯୁକ୍ତି ପାଇଁ ମାର୍କ

ସମ୍ପାଦକୀୟ/ନିଯୁକ୍ତି ପାଇଁ ମାର୍କ

ବିଶ୍ୱର ଦ୍ୱିତୀୟ ବୃହତ୍‌ ଜନବହୁଳ ଦେଶ ଭାରତରେ ବେକାର ସମସ୍ୟା ଅନ୍ୟତମ ବଡ଼ ପ୍ରସଙ୍ଗ ହୋଇଛି। ଯେଉଁ ହାରରେ ଜନସଂଖ୍ୟା ବୃଦ୍ଧି ପାଉଛି, ସେହି ଅନୁଯାୟୀ ଲୋକଙ୍କୁ କାମ ମିଳୁନାହିଁ। ଏହା ବିଗତ କିଛି ବର୍ଷ ମଧ୍ୟରେ ଗୁରୁତର ରୂପ ଧାରଣ କରିଛି। ନ୍ୟାଶନାଲ ସାମ୍ପୁଲ ସର୍ଭେ ଅଫିସ୍‌ (ଏନ୍‌ଏସ୍‌ଏସ୍‌ଓ) ଦ୍ୱାରା ନିକଟରେ ପ୍ରକାଶିତ ତଥ୍ୟରୁ ଜଣାପଡ଼ିଛି ଯେ, ୨୦୧୭-୧୮ରେ ଭାରତର ..

ବିଶ୍ୱାସରେ ସଂକଟ

ବିଶ୍ୱାସରେ ସଂକଟ

ବୈକୁଣ୍ଠନାଥ ମିଶ୍ର

ସଂସାରର ସବୁ ସମ୍ପଦ ମଧ୍ୟରେ ପ୍ରେମ, ବନ୍ଧୁତ୍ୱ ଓ ଭଲ ପାଇବାଠାରୁ ବଳି ମହତ୍ତର ଆଉ କିଛି ନାହିଁ। ଭଲ ପାଇବାରୁ ସୃଷ୍ଟି ହୁଏ ବନ୍ଧୁତ୍ୱ। ବନ୍ଧୁତାର ଅନାବିଳ ସ୍ନେହରେ ଆଦାନ ପ୍ରଦାନର କୌଣସି ସ୍ଥାନ ନାହିଁ। ବନ୍ଧୁତ୍ୱର ସ୍ବର୍ଗୀୟ ଭାବଧାରା ସଂକୀର୍ଣ୍ଣତାର ଊର୍ଦ୍ଧ୍ୱରେ। ଶ୍ରୀମା କହନ୍ତି- ”ସମସ୍ତଙ୍କ ସହିତ ଓ ସବୁକିଛି ସହିତ ଯେତିକି ଯେତିକି ତୁମେ ଏକାତ୍ମ ହେବ, ସେତିକି ସେତିକି ତୁମର ..

ପ୍ରୟାଗେ ସ୍ନାନ ମକରେ

ପ୍ରୟାଗେ ସ୍ନାନ ମକରେ

ଡ. ତୁଷାରକାନ୍ତି ଦାସ 

ପୁରାଣବର୍ଣ୍ଣିତ ସମୁଦ୍ରମନ୍ଥନ ସମୟରେ କ୍ଷୀରସମୁଦ୍ରରୁ ଐରାବତ ହସ୍ତୀ, ଲକ୍ଷ୍ମୀ, ଚନ୍ଦ୍ର, ରମ୍ଭା, ମେନକା ପ୍ରଭୃତି ଅପ୍‌ସରାଗଣ, କୌସ୍ତୁଭ, ହଳାହଳ ଓ ସର୍ବୋପରି ଅମୃତାଦି ବାହାରିଥିଲା। ହଳାହଳ ବିଷକୁ ପାନକରି ଶିବ ନୀଳକଣ୍ଠ ହୋଇଗଲେ ଓ ଅମୃତ ରାକ୍ଷସଙ୍କ ହାତରେ ପଡ଼ିବା ପୂର୍ବରୁ ବିଷ୍ଣୁ ମୋହିନୀ ରୂପ ଧାରଣ କରି ଅସୁରମାନଙ୍କ ଦୃଷ୍ଟି ଏଡ଼ାଇ ଅମୃତ କୁମ୍ଭକୁ ହରଣ କଲେ। ଠିକ୍‌ ଏହି ସମୟରେ ରାହୁ ଏହା ଜାଣିପାରି ପାର୍ଶ୍ୱ ବଦଳାଇ ଛଦ୍ମ ଦେବତା ରୂପ ଧାରଣ କରି ଅମୃତ ..

ଏଇ ଭାରତରେ

ଏଇ ଭାରତରେ

ଭାରତର ବିଭିନ୍ନ ଅଞ୍ଚଳରେ ଭିନ୍ନ ଭିନ୍ନ ପରମ୍ପରା ପ୍ରଚଳିତ। ଏ ସବୁ ପରମ୍ପରା ପଛରେ ବହୁ କାହାଣୀ ରହିଛି। ଉତ୍ତରପ୍ରଦେଶର ମହାରାଜଗଞ୍ଜ ଜିଲା ବେଲ୍‌ଓ୍ବା ଚୌଧୁରୀ ଗଁାରେ ରହିଛି ଏଭଳି ଏକ ଅଜବ ପରମ୍ପରା। ଏଠାରେ ବର୍ଷରେ ଗୋଟିଏ ଦିନ ବୁଦ୍ଧପୂର୍ଣ୍ଣିମାରେ ଗଁାର ସବୁ ଲୋକ ଘର ଛାଡି ବାହାରକୁ ପଳାଇଯାଆନ୍ତି। ସାଙ୍ଗରେ ଗୃହପାଳିତ ପଶୁଙ୍କୁ ମଧ୍ୟ ନେଇଯାଆ..

ଲଜ୍ଜିତ

ଲଜ୍ଜିତ

ତଥାଗତ ସତପଥୀ

ଜମ୍ମୁ ଓ କଶ୍ମୀରର ପୁଲ୍‌ଓ୍ବାମାରେ ୧୪ ଫେବୃୟାରୀ ୨୦୧୯ରେ କଶ୍ମୀରଭିତ୍ତିକ ଜୈଶ-ଇ-ମହମ୍ମଦ ସଙ୍ଗଠନ ଦ୍ୱାରା କରାଯାଇଥିବା ଆତଙ୍କବାଦୀ ଆକ୍ରମଣରେ କେନ୍ଦ୍ରୀୟ ରିଜର୍ଭ ପୋଲିସ ବଳ (ସିଆର୍‌ପିଏଫ୍‌)ର ୪୯ ଜଣ ଯବାନ ଓ ଅଧିକାରୀ ପ୍ରାଣ ହରାଇଛନ୍ତି।

ହଜିଯାଉଥିବା ନାରୀମାନେ

ହଜିଯାଉଥିବା ନାରୀମାନେ

ନାରାୟଣ ପଣ୍ଡା 

ନାରୀ ଓ ପୁରୁଷ ସମାନ ସଂଖ୍ୟାରେ ରହିବା ସମାଜ ପାଇଁ ପ୍ରାକୃତିକ ଅନୁପାତ। ଏଥିରେ ସାମାନ୍ୟ ବ୍ୟତିକ୍ରମ ହୁଏ ତ ବିଶେଷ ସମସ୍ୟା ସୃଷ୍ଟିକରି ନ ପାରେ, କିନ୍ତୁ ସୀମା ଅତିରିକ୍ତ ବ୍ୟବଧାନ ମଣିଷ ସମାଜ ପାଇଁ ବିପଜ୍ଜନକ ସାବ୍ୟସ୍ତ ହୁଏ। 

ସାର୍ବଜନୀନ ମହିମାମେଳା

ସାର୍ବଜନୀନ ମହିମାମେଳା

ଡ. ଉଦ୍ଧବ ଚରଣ ନାୟକ


ଓଡ଼ିଶାରେ ପାଳିତ ମେଳା ମହୋତ୍ସବ ମଧ୍ୟରେ ଯୋରନ୍ଦା ମହିମାଗାଦିର ମେଳା ଅନ୍ୟତମ। ଏହି ମେଳାର ସ୍ବାତନ୍ତ୍ର୍ୟ ରହିଛି। ପ୍ରତିବର୍ଷ ମାଘ ଶୁକ୍ଳ ଚତୁର୍ଦ୍ଦଶୀ ତିଥିରେ ଅନୁଷ୍ଠିତ ଢେଙ୍କାନାଳର ମହିମା ମେଳା ମହିମାଧର୍ମର ବାର୍ଷିକ ଉତ୍ସବ ଭାବରେ ଖ୍ୟାତ। 

ଏଇ ଭାରତରେ

ଏଇ ଭାରତରେ

ରାଜସ୍ଥାନରେ ଖାଦ୍ୟପେୟ ଯେତେ ଲୋକପ୍ରିୟ, ଏଠାକାର ଆଦିବାସୀ ସମାଜର ରୀତିନୀତି ମଧ୍ୟ ସେତିକି ବିଚିତ୍ର। ମାଉ ଅଞ୍ଚଳରେ ରହୁଥିବା ଜନଜାତି ସମାଜରେ ଝିଅଙ୍କ ବିବାହକୁ ନେଇ ରହିଛି ଏକ ନିଆରା ପରମ୍ପରା। 

ପୁଲ୍‌ଓ୍ବାମା ଆକ୍ରମଣ

ପୁଲ୍‌ଓ୍ବାମା ଆକ୍ରମଣ

ଆକାର ପଟେଲ

ଜୈଶ୍‌-ଇ-ମହମ୍ମଦ ମାନେ ମହମ୍ମଦଙ୍କ ସେନା। କିନ୍ତୁ ରସୁଲ ମହମ୍ମଦଙ୍କର ଦେଶ ଜୟ କରିବାର କୌଣସି ଉଚ୍ଚାକାଂକ୍ଷା ନ ଥିଲା। ମହମ୍ମଦଙ୍କ ମୃତ୍ୟୁ ପରେ ଖଲିଫାମାନଙ୍କ, ବିଶେଷତଃ ଉମରଙ୍କ ନେତୃତ୍ୱରେ ଆରବର ସମ୍ପ୍ରସାରଣ ଘଟିଥିଲା। ଜୈଶ୍‌ ହେଉଛି ଏକ ପାକିସ୍ତାନୀ ସଂଗଠନ ଏବଂ ଏଥିରେ ମୁଖ୍ୟତଃ ଗାଉଁଲି ପଞ୍ଜାବୀମାନେ ନିଯୁକ୍ତି ପାଇଛନ୍ତି। ଲଶ୍କର-ଇ-ତୋଇବାଠାରୁ ଏହା ବହୁତ ଛୋଟ ସଂଗଠନ ଏବଂ ଏହାର ଆଦର୍ଶରେ ମଧ୍ୟ ପାର୍ଥକ୍ୟ ଅଛି। ଆତ୍ମହତ୍ୟାକୁ ସଲାଫି ବା ମହାପାପ ବୋଲି ଇସଲାମରେ ବିଚାର କରାଯାଉଥିବାରୁ ଲଶ୍କରମାନେ ଆତ୍ମଘାତୀ ବିସ୍ଫୋରଣକୁ ପସନ୍ଦ କରନ୍ତି ନାହିଁ। କିନ୍ତୁ ସେମାନେ ଆତଙ୍କବାଦୀମାନଙ୍କୁ ଫି..

ଲୋକେ କ’ଣ କହିବେ

ଲୋକେ କ’ଣ କହିବେ

ଚିତ୍ର-ଚରିତ୍ର/ ନିରଞ୍ଜନ ପାଢ଼ୀ

କେଇଦିନ ତଳେ ଏକ ଦୂରଗାମୀ ଟ୍ରେନ୍‌ର ଶୀତତାପ ନିୟନ୍ତ୍ରିତ ଡବାରେ ବସି ପଶ୍ଚିମବଙ୍ଗର ମାଲ୍‌ଦାରୁ ଭୁବନେଶ୍ୱର ଫେରୁଥିଲା ବେଳେ ପାଖ ବର୍ଥରେ ବସି ଯାତ୍ରା କରୁଥିବା ଦୁଇ ଅଣଓଡ଼ିଆ ଦମ୍ପତିଙ୍କ ହିନ୍ଦୀ ବାର୍ତ୍ତାଳାପ ଲେଖକକୁ ବେଶ୍‌ କିଛି ସମୟ ପାଇଁ ଆତ୍ମମନସ୍କ କରିଦେଇଥିଲା। ପତି ପତ୍ନୀ ଦୁହେଁ ଯେଉଁ ପ୍ରସଙ୍ଗ ସମ୍ପର୍କରେ କମ୍‌ ଆଲୋଚନା, ବେଶି ଯୁକ୍ତି କରୁଥିଲେ ସେ ପ୍ରସଙ୍ଗଟି ଥିଲା ସେଇ ବୃଦ୍ଧା ବିଧବା ନାରୀଙ୍କୁ ନେଇ, ଯାହାଙ୍କ ପରିଚୟ ଥିଲା ପତିଙ୍କ ମା’ ଓରଫ ପତ୍ନୀଙ୍କର ଶାଶୁ। ପତ୍ନୀଙ୍କର ଜିଦ୍‌ ଥି..

ନୂଆ ନିର୍ବାଚନ କମିଶନର

ନୂଆ ନିର୍ବାଚନ କମିଶନର

ବ୍ୟକ୍ତିତ୍ୱ/ଜିତେନ୍ଦ୍ର କୁମାର ନାୟକ

ସାଧାରଣ ନିର୍ବାଚନ ଆଉ ଦୁଇ ମାସ ବାକି ରହିଛି। ଦେଶରେ ଅବାଧ ଓ ନିରପେକ୍ଷ ନିର୍ବାଚନ ପରିଚାଳନା କରିବା ଲାଗି ଭାରତର ନିର୍ବାଚନ ଆୟୋଗ (ଇସିଆଇ) ପକ୍ଷରୁ ପ୍ରସ୍ତୁତି ଜୋରଦାର ଆରମ୍ଭ ହୋଇଯାଇଛି। ଇସିଆଇରେ ମୁଖ୍ୟ ନିର୍ବାଚନ କମିଶନର ଓ ଦୁଇ ଜଣ ନିର୍ବାଚନ କମିଶନର ରହିଥାଆନ୍ତି। ସୁନୀଲ ଆରୋରା ମୁଖ୍ୟ ନିର୍ବାଚନ କମିଶନର ଥିବା ବେଳେ ଅଶୋକ ଲା..

ଏଇ ଭାରତରେ

ଏଇ ଭାରତରେ

ଆଧୁନିକ ସଭ୍ୟ ସମାଜରେ କୁସଂସ୍କାରର ବଶବର୍ତ୍ତୀ ହୋଇ ମଣିଷ କାହିଁ କେତେଦିନରୁ ଅଜବ ପରମ୍ପରା ପାଳନ କରିଆସୁଛି। ମାତ୍ର ଏହାଦ୍ୱାରା ଯେ, କେତେକ ବ୍ୟକ୍ତିଙ୍କର ଅସୁବିଧା ସୃଷ୍ଟି ହୁଏ ସେ କଥାକୁ ମଣିଷ ଭୁଲିଯାଇଥାଏ। ଏଭଳି ଏକ ଘୃଣ୍ୟ ପରମ୍ପରା ଉତ୍ତରାଖଣ୍ଡର ବାଗେଶ୍ୱର ଜିଲା ମଲ୍ଳା ଦାନପୁର ଅଞ୍ଚଳରେ ଅତି ପ୍ରାଚୀନ କାଳରୁ ଚଳିଆସୁଛି। ଏଠାରେ ମହିଳାଙ୍କୁ ମାସିକ ..