ଫୁରସତ |

ନିରାପଦ ଦୀପାବଳି

ନିରାପଦ ଦୀପାବଳି
ଆଲୋକର ପର୍ବ ଦୀପାବଳି। ଏହି ସମୟରେ ବାଣ ଫୁଟାଇବାକୁ ଏକରକମ ପ୍ରତିଯୋଗିତା ଚାଲିଥାଏ। ଦୀପାବଳିରେ ସତର୍କ ରହିବା ଜରୁରୀ। କାରଣ ପିଲାମାନେ ବାଣ ଫୁଟାଇବାକୁ ନେଇ ଅଧିକ ଉତ୍ସାହିତ ଥାଆନ୍ତି। ତେବେ ଗୃହିଣୀମାନେ ଏହି ସମୟରେ ଧ୍ୟାନ ଦେବା ଦରକାର ଯେ ପିଲାମାନେ ଦୀପାବଳିରେ କେବଳ ବାଣ ଉପରେ ଗୁରୁତ୍ୱ ନଦେଇ କିପରି ସୁରକ୍ଷିତ ଭାବରେ ଦୀପାବଳି ପର୍ବ ପାଳନ କରିବେ .... ଘରକୁ ଦିଅନ୍ତୁ ନୂଆ ରୂପ : ଦୀପାବଳି ପାଳିବା ପୂର୍ବରୁ ଘରର ବାହ୍ୟ ଅବା ଭିତର ଭାଗକୁ ଭଲ ଭାବରେ ସଜାଇ ପାରନ୍ତି। ଯଦି ସମ୍ଭବ ହୁଏ ତେବେ ଘରର କଲର ବଦଳାଇ ନୂଆ କଲର ଲଗାଇ ପାରନ୍ତି। ଯଦି ଆବବାବପତ୍ର ବଦଳାଉଛନ୍ତି ତେବେ ଘରକୁ ସୁନ୍ଦର ଦେଖାଯିବା ଭଳି ଆବସାବପତ୍ର ଆଣନ୍ତୁ। ଆଜିକାଲି ଦୀପାବଳି ଅବସରରେ ଘରକୁ ଆଲୋକମାଳରେ ସଜାଯାଉଛି। ତେଣୁ ଏଭଳି ଲାଇଟ୍‌ ଡେକୋରେଶନ କରନ୍ତୁ ଯାହା ଘରର ସୌନ୍ଦର୍ଯ୍ୟକୁ ଦ୍ୱିଗୁଣିତ କରିଦେବ। କାରଣ ଦୀପାବଳି ଅବସରରେ ଯଦି ଆପଣ ଘରେ ଏକ ଗେଟଟୁଗେଦରର କରିବାର ଯୋଜନା ରଖିଛନ୍ତି ତେବେ ଏହି ମାହୋଲକୁ ଘରର ନୂଆ ରୂପ ଖୁସିରେ ଭରିଦେବ। ଘର ସାମନାରେ ଯଦି ଗାର୍ଡେନ ଅଛି ତେବେ ତାହା କିପରି ସୁନ୍ଦର ଦେଖାଯିବ ସେଥିପ୍ରତି ନଜର ଦିଅନ୍ତୁ। ଖାଦ୍ୟପେୟ : ଯେ କୌଣସି ପର୍ବ ହେଉ ଏଥିରେ ଖାଦ୍ୟପେୟ ସ୍ବତନ୍ତ୍ର ମହତ୍ତ୍ୱ ରଖିଥାଏ। ବିଶେଷଭାବରେ ଦୀପାବଳିରେ ନିଜର ମନ ପସନ୍ଦର ଖାଦ୍ୟ ପ୍ରସ୍ତୁତ କରନ୍ତୁ। ବିଶେଷଭାବରେ ଏହି ସମୟରେ ପିଠାପଣାର ଆସର ଜମିଥାଏ। ତେଣୁ ନୂଆ ଭେରାଇଟିର ପିଠା ପ୍ରସ୍ତୁତ କରନ୍ତୁ। ତା’ସହ ନୂଆ ନୂଆ ସ୍ବାଦଯୁକ୍ତ ଖାଦ୍ୟ ପ୍ରସ୍ତୁତ କରିବାର ଯୋଜନା ଥିଲେ ନିର୍ଦ୍ଦିଷ୍ଟ ଦିନ ପୂର୍ବରୁ ସେଥିପାଇଁ ଶପିଂ କରିନିଅନ୍ତୁ। ବାହାର ଖାଦ୍ୟଠାରୁ ଦୂରେଇ ରହନ୍ତୁ: ଦୀପାବଳି ଅବସରରେ ବାହାରେ ବିଭିନ୍ନ ପ୍ରକାରର ମନୋଲୋଭା ଖାଦ୍ୟ ମିଳିଥାଏ। ସେଗୁଡିକ ମଧ୍ୟରୁ କେତେକ ଖାଦ୍ୟ ସ୍ବାସ୍ଥ୍ୟପଯୋଗୀ ନୁହେଁ। ତେଣୁ ସେଭଳି ଖାଦ୍ୟ ନିଜେ ଖାଆନ୍ତୁ ନାହିଁ କମ୍ବା ଅନ୍ୟମାନଙ୍କୁ ଖାଇବାକୁ ଦିଅନ୍ତୁ ନାହିଁ। ଘରେ ମନଲୋଭା ଖାଦ୍ୟ ପ୍ରସ୍ତୁତ କରି ଖାଆନ୍ତୁ ଏବଂ ପିଲାମାନଙ୍କୁ ଖୁଆନ୍ତୁ। ପିଲାଙ୍କ ପାଇଁ ପାର୍ଟି ଆୟୋଜନ କରନ୍ତୁ : ସାଧାରଣତଃ ଛୁଟିଦିନରେ ପିଲାଙ୍କର ଦୃଷ୍ଟାମି ଟିକେ ବଢ଼ିଯାଇଥାଏ। ଏମିତିରେ ପର୍ବପର୍ବାଣୀଦିନରେ ସେମାନଙ୍କୁ ନିୟନ୍ତ୍ରଣରେ ରଖିବା ବହୁତ ଜରୁରୀ। କାର୍ଯ୍ୟବ୍ୟସ୍ତତା ମଧ୍ୟରେ ସବୁ ସମୟରେ ତାଙ୍କ ଉପରେ ନଜର ରଖିବା ସମ୍ଭବ ପର ହୁଏ ନାହିଁ। ବାସ୍‌, ଦୀପାବଳି ଅବସରରେ ସେମାନଙ୍କ ପାଇଁ ଘରେ ଏକ ପାର୍ଟି ଆୟୋଜନ କରିପାରନ୍ତି। ଏଥିରେ ସେମାନଙ୍କୁ ବିଭିନ୍ନ ପ୍ରକାର ଚିତ୍ର ଆଙ୍କିବାକୁ କୁହନ୍ତୁ। ଏହାଦ୍ୱାରା ସେମାନଙ୍କ ଭିତରେ ଥିବା ସୃଜନଶୀଳତା ଆହୁରି ବିସ୍ତାରିତ ହୋଇଥାଏ। ପିଲାମାନଙ୍କର ସାଙ୍ଗଙ୍କୁ କିଛି ଉପହାର ମଧ୍ୟ ଦେଇପାରନ୍ତି। ବାଣ କିଣୁଥିଲେ : ଦୀପାବଳିକୁ ଆହୁରି ରଙ୍ଗୀନ କରିବାକୁ ଆଜିକାଲି ବଜାରେ ବିଭିନ୍ନ ପ୍ରକାର ବାଣ ମିଳୁଛି। କିନ୍ତୁ ସେଗୁଡିକ ମଧ୍ୟରୁ ଅଧିକାଂଶ ଆମ ପାଇଁ ସତର୍କ ଘଣ୍ଟି ସଦୃଶ ହୋଇଥାଏ। ବାଣ ଫୁଟାଇବା ସମୟରେ ଅସାବଧାନତାରୁ ଦୁର୍ଘଟଣା ଘଟିବାର ଯଥେଷ୍ଟ ଆଶଙ୍କା ରହିଛି। ତେଣୁ ପିଲାଙ୍କ ପାଇଁ ହେଉ ଅବା ନିଜ ପାଇଁ ବାଣ କିଣିବା ସମୟରେ ଏଭଳି ବାଣ କିଣନ୍ତୁ ଯାହାଦ୍ୱାରା ଦୁର୍ଘଟଣା ହେବାର ଆଶଙ୍କା ଆଦୌ ନ ଥିବ। ସ୍ଥାନ ନିରୂପଣ କରନ୍ତୁ : ଦୀପାବଳିରେ କେଉଁ ସ୍ଥାନରେ ବେଶ୍‌ ନିରାପଦରେ ବାଣ ଫୁଟାଇ ପାରିବେ ତାହା ନିରୂପଣ କରନ୍ତୁ। ଯଦି ପାଖରେ ଜନବସତି ଅଛି ତେବେ ବେଶ୍‌ ସତର୍କତାର ସହ ବାଣ ଫୁଟାନ୍ତୁ। କୌଣସି ବାଣ ଫୁଟାଇବା ପୂର୍ବରୁ ତାହାକୁ କିପରି ଫୁଟାଇବେ ସେ ବିଷୟରେ ଅବଗତ ହୁଅନ୍ତୁ। ବିଶେଷଭାବରେ ପିଲାମାନେ ବିସ୍ଫୋରକ ବାଣ ଫୁଟାଇବାକୁ ଆଗ୍ରହ ପ୍ରକାଶ କରିଥାଆନ୍ତି। ସେମାନଙ୍କୁ ଏଥିରୁ ବିରତ ରଖିବାକୁ ଚେଷ୍ଟା କରନ୍ତୁ। କାରଣ ହୁଏତ ଅସାବଧାନତାରୁ ଦୁର୍ଘଟଣା ଘଟିପାରେ। ବାଣ ଫୁଟାଇବା ସମୟରେ ପାଖରେ ପାଣି ବାଲ୍‌ଟିି ରଖନ୍ତୁ। ଏହି ସମୟରେ ପିନ୍ଧିଥିବା ଡ୍ରେସ୍‌ରେ ନିଅଁା ଲାଗିବାର ଆଶଙ୍କା ଥାଏ। ତେଣୁ ଏଥିପାଇଁ ସତର୍କ ରହନ୍ତୁ। ଆଦୌ ତରତର ହୋଇ ବାଣ ଫୁଟାନ୍ତୁ ନାହିଁ। ପିଲାମାନେ ଯଦି ବାଣ ଫୁଟାଉଛନ୍ତି ତେବେ ସେମାନଙ୍କ ପାଖେ ପାଖେ ରୁହନ୍ତୁ। ସେମାନଙ୍କୁ କଦାପି ଏକୁଟିଆ ବାଣ ଫୁଟାଇବାକୁ ଛାଡନ୍ତୁ ନାହିଁ। ଆଉ ଏକ କଥା-ବାଣ ଫୁଟାଇବା ପୂର୍ବରୁ ଘରେ ଫାଷ୍ଟ ଏଡ୍‌ ବକ୍ସ ପ୍ରସ୍ତୁତ କରିରଖନ୍ତୁ। ମନକୁ ନିୟନ୍ତ୍ରଣରେ ରଖନ୍ତୁ : ବିଶେଷଭାବରେ ଦୀପାବଳିକୁ ଧୁମଧାମରେ ପାଳିବାକୁ କିଏ ବା ନ ଚାହେଁ ? ସେହି ସମୟରେ କେତୋଟି କଥାକୁ ଅନେକେ ଭୁଲି ଯାଇଥାଆନ୍ତି। ତାଙ୍କ ଘର ଲୋକ ବହୁତ ବାଣ ଫୁଟାଇବେ, ଆମେ ତାଙ୍କ ତୁଳନାରେ ବେଶି ବାଣ ଫୁଟାଇ ତାହାର ମଜା ନେବା। ଏଭଳି ଧାରଣା ମନରେ ଆଣନ୍ତୁ ନାହିଁ। କାରଣ ଏପରି ପ୍ରତିଯୋଗିତାମୂଳକ ମନୋଭାବ ଦ୍ୱାରା ନିଜର ମନ ନିୟନ୍ତ୍ରଣ ବାହାରକୁ ଚାଲି ଯାଇଥାଏ। ଫଳରେ ବାଣ ଫୁଟାଇବା ସମୟରେ ଦୁର୍ଘଟଣା ଘଟିଥାଏ। ତେଣୁ ଏହି ସମୟରେ ନିଜ ଆଶାକୁ ନିୟନ୍ତ୍ରଣରେ ରଖନ୍ତୁ। ଅଧିକ ବାଣ ଫୁଟାଇବା ପାଇଁ ନିଜ ପିଲା କିମ୍ବା ଅନ୍ୟ କାହାକୁ ପ୍ରଲୋଭିତ କରନ୍ତୁ ନାହିଁ। ଦୀପ-କ୍ୟାଣ୍ଡେଲରେ ଘରକୁ ସଜାନ୍ତୁ : ବାଣର ଶବ୍ଦ କିମ୍ବା ଆଲୋକ ସିନା ମନକୁ ଆନନ୍ଦ ଦେଇଥାଏ, ହେଲେ ଥରେ ସଜା ଯାଇଥିବା ଦୀପଗୁଡିକୁ ଲକ୍ଷ୍ୟ କରନ୍ତୁ ନା! ଘର ବାହାରେ, ଛାତ ଉପରେ, ବାଲକୋନିରେ ଦୀପ ସଜାଇ ଦିଅନ୍ତୁ। ଦେଖିବେ ଦୀପର ଆଲୋକରେ ଆପଣଙ୍କ ଘର କେତେ ସୁନ୍ଦର ଦେଖାଯାଉଛି। ଦୀପ ବ୍ୟତୀତ କ୍ୟାଣ୍ଡେଲକୁ ଧାଡି ଧାଡି କରି ସଜାଇ ଲଗାନ୍ତୁ। ଆଜିକାଲ ବିଭିନ୍ନ କଲରଯୁକ୍ତ କ୍ୟାଣ୍ଡେଲ ବଜାରରେ ମିଳୁଛି। ହେଲେ ତାହାକୁ କିପରି ସଜାଇବେ ପୂର୍ବରୁ ଯୋଜନା ପ୍ରସ୍ତୁତ କରନ୍ତୁ। ଘରକୁ ଆହୁରି ଆକର୍ଷଣୀୟ କରିବା ପାଇଁ ଏବେ ବିଭିନ୍ନ କଲର୍‌ର ଏଲଇଡି ଲାଇଟ୍‌ ମାଳ ମିଳୁଛି। ଏହାକୁ ଛାତ ଉପରୁ ତଳକୁ ଲମ୍ବାଇ ଦେଇ ସେଥିରେ ବିଦ୍ୟୁତ୍‌ ସଂଯୋଗ କରନ୍ତୁ। ଧୂଅଁାଠାରୁ ଦୂରେଇ ରୁହନ୍ତୁ : ସନ୍ଧ୍ୟା ଆସିବା ମାତ୍ରେ ବାଣଫୁଟା ଆସର ଆରମ୍ଭ ହୋଇଯାଏ। ସମୟ ଗଡିଚାଲିବା ସହ ଏହାର ମାହୋଲ ବେଶ୍‌ ସୁନ୍ଦର ଦେଖାଯାଏ। ହେଲେ ବାଣ ଫୁଟିବା ଦ୍ୱାରା ପରିବେଶ ହୋଇଉଠେ ଧୂଅଁାମୟ। ଏପରି କି ଏଭଳି ପରିବେଶରେ ଅଧିକ ସମୟ ରହିଲେ ଅଣନିଃଶ୍ୱାସୀ ଲାଗେ। ତେଣୁ ଯଦି ପରିବେଶ ଅଧିକ ପ୍ରଦୂଷିତ ହୋଇଯାଇଛି ତେବେ ସେଠାରୁ ନିଜକୁ ଏବଂ ନିଜ ପିଲାମାନଙ୍କୁ ଦୂରେଇ ରଖନ୍ତୁ। ଘରର ଝରକା, କବାଟ ବନ୍ଦ କରିଦିଅନ୍ତୁ। କାରଣ ଏଭଳି ଧୂଆଁା ସଂସ୍ପର୍ଶରେ ଆସିଲେ ବିିଭିନ୍ନ ରୋଗ ସୃଷ୍ଟିହେବାର ଆଶଙ୍କା ରହିଛି।
All Right Reserved By

ଫୁରସତ |

ସର୍ବସ୍ବାନ୍ତ କରିଛି କୋହୀନୂର...

ସର୍ବସ୍ବାନ୍ତ କରିଛି କୋହୀନୂର...

କୋହୀନୂର ହୀରା। ନୀଳ ରଙ୍ଗର ଏହି ହୀରା ସଭିଙ୍କୁ କରେ ଆକର୍ଷିତ। ଉର୍ଦ୍ଦୁ ଭାଷାରେ ଏହାର ଅର୍ଥ ଔଜ୍ଜଲ୍ୟର ପାହାଡ଼। 

ଯେଉଁ ଦ୍ୱୀପ ସେଠାକୁ ଗଲେ କେହି ଫେରନ୍ତି ନାହିଁ...

ଯେଉଁ ଦ୍ୱୀପ ସେଠାକୁ ଗଲେ କେହି ଫେରନ୍ତି ନାହିଁ...

ଇଟାଲୀରେ  ରହିଛି ଏପରି ଏକ ଦ୍ୱୀପ। ଏଠାକୁ ଯାଉଥିବା କୌଣସି ପ୍ରାଣୀ ଫେରି ଆସି ନ ଥାନ୍ତି। ଏହାକୁ ଆଇଲ୍ୟାଣ୍ଡ ଅଫ୍‌ ଡେଡ୍‌ ବା ମୃତ୍ୟୁର ଦ୍ୱୀପ କୁହାଯାଏ । 

ଶ୍ମଶାନ ଚଣ୍ଡୀ ମା’ ନାରାୟଣୀ

ଶ୍ମଶାନ ଚଣ୍ଡୀ ମା’ ନାରାୟଣୀ

କଳା, ସଂସ୍କୃତି ଓ ଭାସ୍କର୍ଯ୍ୟରେ ପୂର୍ଣ୍ଣ ଓଡ଼ିଶାରେ ସର୍ବତ୍ର ଶକ୍ତି ପୀଠମାନ ରହିଛି। ପ୍ରତ୍ୟେକ ଶକ୍ତିପୀଠର ସ୍ବତନ୍ତ୍ରତା ଭିନ୍ନ। ସ୍ବତନ୍ତ୍ର ପ୍ରତିମୂର୍ତ୍ତିକୁ ପୂଜାର୍ଚ୍ଚନା କରାଯାଉଛି। ହେଲେ ମା’ ଓ ପୁଅଙ୍କ ପୂଜାର୍ଚ୍ଚନା ଶକ୍ତିପୀଠ ହୁଏତ ବିରଳ। ଗଞ୍ଜାମ ଜିଲା କଙ୍କୋରଡାରେ ରହିଛି ମା’ନାରାୟଣୀ ଶକ୍ତିପୀଠ, ଯେଉଁଠି ମାତା ଅମ୍ବିକା ଏବଂ ପୁତ୍ର ଗଣେଶ ରହିଛନ୍ତି।

ଷ୍ଟଣ୍ଟ୍‌ ଦେବାକୁ ଯାଇ ଶିଡିରୁ ପଡ଼ିଥିଲି: ଭୂମିକା ଦାଶ

ଷ୍ଟଣ୍ଟ୍‌ ଦେବାକୁ ଯାଇ ଶିଡିରୁ ପଡ଼ିଥିଲି: ଭୂମିକା ଦାଶ

ଅଳ୍ପ ବୟସରୁ ଓଡ଼ିଆ ଚଳଚ୍ଚିତ୍ର ଜଗତରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିବାରେ ସଫଳ ହୋଇଛନ୍ତି ଷ୍ଟାଇଲିଷ୍ଟ ଆଉ ଚୁଲ୍‌ବୁଲି ନାୟିକା ଭୂମିକା ଦାଶ। 

ସେହି ମହିଳାଙ୍କ କଥା ସବୁବେଳେ ମନେପଡ଼େ: ଡାକ୍ତର ଶ୍ରୀପ୍ରସାଦ ମହାନ୍ତି

ସେହି ମହିଳାଙ୍କ କଥା ସବୁବେଳେ ମନେପଡ଼େ: ଡାକ୍ତର ଶ୍ରୀପ୍ରସାଦ ମହାନ୍ତି

୧୯୮୮-୮୯ ମସିହା ଘଟଣା। ପିଜି ପ୍ରବେଶିକା ପରୀକ୍ଷା ଦେବା ପାଇଁ ସମ୍ବଲପୁରର ବୁର୍ଲା ମେଡିକାଲ କଲେଜକୁ ଯାଇଥାଏ। ସେଠାରୁ ଫେରିଲା ବେଳକୁ ରାତି ୩ଟା ବାଜିଯାଇଥାଏ। 

ନଭେମ୍ବର ୨୩ରେ ସାଥୀ ତୁ ଫେରିଆ

ନଭେମ୍ବର ୨୩ରେ ସାଥୀ ତୁ ଫେରିଆ

ମନ ପସନ୍ଦର ସାଥୀଟିଏ ମିଳିଗଲେ ତା’ ସହ ସୁଖଦୁଃଖ ଶେୟାର କରିହୁଏ। ବେଳେବେଳେ ଠିକ୍‌ ବାଟରେ ଯିବାକୁ ସାଥୀ ନିର୍ଣ୍ଣାୟକ ଭୂମିକା ଗ୍ରହଣ କରିଥାଏ। ତେଣୁ ଜୀବନରେ ଭଲ ସାଥୀଟିଏ ନିହାତି ଲୋଡା। 

ପକେଟରେ ରଖନ୍ତୁ ମୟୂର ପର...

ପକେଟରେ ରଖନ୍ତୁ ମୟୂର ପର...

ପକେଟରେ ମୟୂର ପର ରଖିଲେ ଅନେକ ବାଧାବିଘ୍ନ କଟିଯାଇଥାଏ। ଏନେଇ ଜ୍ୟୋତିଷ ଶାସ୍ତ୍ରରେ ଉଲ୍ଲେଖ ରହିଛି। ମୟୂର ପର ବୁଧ ମହାଗ୍ରହଙ୍କୁ ପ୍ରତିନିଧିତ୍ୱ କରେ। 

ନବରାତ୍ରୀରେ କାହିଁକି ପିଆଜ-ରସୁଣ ମନା...

ନବରାତ୍ରୀରେ କାହିଁକି ପିଆଜ-ରସୁଣ ମନା...

ନବରାତ୍ରୀରେ ଦଶମହାବିଦ୍ୟାଙ୍କ ଉପାସନା କରାଯାଏ। ତେଣୁ ଏହି ସମୟରେ ସାଧକ ପ୍ରାୟତଃ ତାମସିକ ଭୋଜନଠାରୁ ଦୂରେଇ ରୁହନ୍ତି। ପିଆଜ ରସୁଣ ତାମସିକ ଖାଦ୍ୟ। 

ମନପସନ୍ଦ କନ୍ୟା ପାଇଁ ପରୀକ୍ଷା ଦେଲେ ୨୫୦ ଯୁବକ

ମନପସନ୍ଦ କନ୍ୟା ପାଇଁ ପରୀକ୍ଷା ଦେଲେ ୨୫୦ ଯୁବକ

ସାଧାରଣତଃ ଚାକିରି ଖଣ୍ଡେ ପାଇଁ ବାରମ୍ବାର ପରୀକ୍ଷାର ସମ୍ମୁଖୀନ ହେବାକୁ ପଡ଼ିଥାଏ। କିନ୍ତୁ ବିବାହ ପୂର୍ବରୁ ମନପସନ୍ଦର କନ୍ୟା ପାଇବା ପାଇଁ କେବେ ବର ପରୀକ୍ଷା ଦେବା କଥା ଶୁଣିଛନ୍ତି କି?

୪ ବୃହତ୍‌ ଗ୍ରହ ଆବିଷ୍କାର

୪ ବୃହତ୍‌ ଗ୍ରହ ଆବିଷ୍କାର

ଲଣ୍ଡନ: ବୈଜ୍ଞାନିକମାନେ ଏକ ନୂଆ ନକ୍ଷତ୍ରମଣ୍ଡଳରେ ୪ଟି ବୃହତ୍‌ ଗ୍ରହ ଆବିଷ୍କାର କରିଛନ୍ତି। ଏଗୁଡିକର ଆକୃତି ବୃହସ୍ପତି ଓ ଶନିଗ୍ରହ ସହିତ ସମାନ। ଉକ୍ତ ନକ୍ଷତ୍ର ‘ସିଆଇ ଟାଉ’ ୫୦୦ ଆଲୋକବର୍ଷ ଦୂରତାରେ ଅବସ୍ଥିତ। ଏହା ଗାଲାକ୍ସିର ‘ନର୍ସରି’ ରିଜିୟନ୍‌ ମଧ୍ୟରେ ରହିଥିବା କେମ୍ବ୍ରିଜ ୟୁନିଭର୍ସିଟିର ଗବେଷକମାନେ ପ୍ରକାଶ କରିଛନ୍ତି। 

ଭାରତରେ ଅସ୍ତ୍ରୋପଚାର ଦ୍ୱାରା ଜନ୍ମିତ ଶିଶୁଙ୍କ ସଂଖ୍ୟା ୨ଗୁଣ ବୃଦ୍ଧି

ଭାରତରେ ଅସ୍ତ୍ରୋପଚାର ଦ୍ୱାରା ଜନ୍ମିତ ଶିଶୁଙ୍କ ସଂଖ୍ୟା ୨ଗୁଣ ବୃଦ୍ଧି

 ଲଣ୍ଡନ: ଭାରତରେ (ସିଜେରିଆନ୍‌ ସେକ୍ସନ୍‌) ପ୍ରସୂତିକାଳୀନ ଅସ୍ତ୍ରୋପଚାର ଦ୍ୱାରା ଜନ୍ମିତ ଶିଶୁଙ୍କ ସଂଖ୍ୟା ଦୁଇଗୁଣ ହୋଇଛି। ୨୦୦୫-୦୬ରେ ଏହି ପଦ୍ଧତିରେ ଜନ୍ମିତ ଶିଶୁଙ୍କ ସଂଖ୍ୟା ୯% ଥିବାବେଳେ ୨୦୧୫-୧୬ରେ ଏହା ୧୮.୫%କୁ ବୃଦ୍ଧି ପାଇଛି। ଲାନ୍‌ସେଟ୍‌ ଜର୍ନାଲ୍‌ରେ ପ୍ରକାଶିତ ତଥ୍ୟରୁ ଏହି ସୂଚନା ମିଳିଛି। ବିଶ୍ୱରେ ୨୦୦୦ରୁ ୨୦୧୫ ମଧ୍ୟରେ ସି-ସେକ୍ସନ୍‌ ଦ୍ୱାରା ଜନ୍ମିତ ଶିଶୁଙ୍କ ସଂଖ୍ୟା ୨ଗୁଣ ହୋଇଥିବା ଏଥିରେ କୁହାଯାଇଛି।

କୁକୁରଙ୍କ ପାଇଁ ହୁଇଲ୍‌ ଚେୟାର

କୁକୁରଙ୍କ ପାଇଁ ହୁଇଲ୍‌ ଚେୟାର

ଭଦୋଦରା: ଏମ୍‌ଏସ୍‌ ୟୁନିଭର୍ସିଟି ଇଞ୍ଜିନିୟରିଂ ଛାତ୍ରଙ୍କ ଉଦ୍‌ଭାବନ ସଡକ ଦୁର୍ଘଟଣାରେ  ଗୋଡ ହରାଇଥିବା କୁକୁରଙ୍କ ପାଇଁ ସାହାରା ହେବ। ଏହାଦ୍ୱାରା କୁକୁର ପାଳକ ତଥା ପ୍ରାଣୀ ସ୍ବାସ୍ଥ୍ୟକେନ୍ଦ୍ରର କର୍ମଚାରୀଙ୍କ ମଧ୍ୟରେ ଆଶା ସଞ୍ଚାର ହୋଇପାରିଛି।