ଫୁରସତ |

ଗାଁ- ଯେଉଁଠି ଗଛରେ ବନ୍ଧାଯାଏ ରାଖୀ

     ଗାଁ- ଯେଉଁଠି ଗଛରେ ବନ୍ଧାଯାଏ ରାଖୀ
ଜଙ୍ଗଲ ସୁରକ୍ଷା ଓ ପ୍ରକୃତିକୁ ରକ୍ଷା କରିବା ପାଇଁ ବିଭିନ୍ନ ସମୟରେ ସରକାରଙ୍କ ତରଫରୁ ଅନେକ କାର୍ଯ୍ୟକ୍ରମ ଆୟୋଜନ କରାଯାଉଛି। ହେଲେ ଲୋକଙ୍କ ମଧ୍ୟରେ ସଚେତନତା ଅଭାବରୁ ତାହା ସୁଫଳ ହୋଇପାରୁନାହିଁ। ତେବେ ଏମିତି ଏକ ଗାଁ ଅଛି ଯେଉଁଠିକାର ଲୋକେ ପରିବେଶକୁ ନେଇ ବେଶ୍‌ ସଚେତନ। ସେଇଥିପାଇଁ ତ ନିଜେ ସୃଷ୍ଟି କରିଛନ୍ତି ଏକ ଜଙ୍ଗଲ। ଆଉ ସମୟ ବାହାର କରି ତା’ର  ସେବା, ଯତ୍ନ ବି କରୁଛନ୍ତି। ଏଇ ଗାଁଟି ହେଉଛି ନୟାଗଡ଼ ଜିଲା ସଦର ବ୍ଲକ, କେନ୍ଦୁଢିପି ପଞ୍ଚାୟତର କେନ୍ଦୁଢିପି। ୩୧୪ ପରିବାର ବିଶିଷ୍ଟ  ଏହି ଗାଁର ଲୋକେ ନିଜ ଉଦ୍ୟମରେ ଗାଁ ନିକଟସ୍ଥ ଟାଙ୍ଗରା ପାହାଡ଼କୁ ସବୁଜିମାରେ ଭରିଛନ୍ତି। ଆଉ ନିଜ ହାତରେ ଗଢିଥିବା ଜଙ୍ଗଲକୁ ସେମାନେ ପ୍ରତିଦିନ ଠେଙ୍ଗା ପାଳି କରି ଜଗିବାକୁ ଯାଆନ୍ତି । ୫ରୁ ୬ ଜଣ ଗ୍ରାମବାସୀ ସକାଳ ୮ଟାରୁ ଅପରାହ୍ନ ୨ଟା ପର୍ଯ୍ୟନ୍ତ ଜଗନ୍ତି। ସନ୍ଧ୍ୟା ନଇଁଲେ କାଳେ ଅନ୍ଧାରର ଫାଇଦା ନେଇ ଜଙ୍ଗଲର କେଉଁଠି କାଠ ମାଫିଆଙ୍କ ଲୁଟ ଚାଲିଥିବ ତାକୁ ତଦାରଖ କରିବାକୁ ଗାଁର କିଛି ମୁଖିଆ ଜଙ୍ଗଲକୁ ଯାଆନ୍ତି। ଏମିତି ପ୍ରତିଦିନ ଜାରି ରହେ ଏହି କାର୍ଯ୍ୟ। ଖାଲି ସେତିକି ନୁହେଁ ଗଛ ପ୍ରତି ନିଜର ଭଲ ପାଇବା ଜଣାଇବା ପାଇଁ ପ୍ରତିବର୍ଷ ଗହ୍ମାପୂର୍ଣ୍ଣିମା (ରକ୍ଷାବନ୍ଧନ)ରେ ପାଳନ କରାଯାଏ ନିଆରା ପର୍ବ। ଆଖପାଖ ୫ ଖଣ୍ଡ ଗ୍ରାମରୁ ଲୋକମାନେ ପାହାଡ଼କୁ ଯାଇ ସେଠାରେ ଥିବା ଶୁକ୍ରମଲ୍ଲୀ ଠାକୁରାଣୀଙ୍କୁ ପୂଜା କରନ୍ତି। ଏହା ପରେ ଗଛର ଯତ୍ନ ନେବା ସହ ନିଜର ସ୍ନେହ ଜଣାଇବା ପାଇଁ ଗଛରେ ରାଖୀ ବାନ୍ଧନ୍ତି। ଗ୍ରାମ ସଭାପତି ଅକ୍ରୂର ବେହେରା କହନ୍ତି,”ପ୍ରତିବର୍ଷ ଗହ୍ମାପୂର୍ଣ୍ଣିମାରେ ଦର୍ପନାରାୟଣପୁର, ଖତିଆ, କାକଲମା, ବୁନ୍ଦାପଲ୍ଲୀ, କେନ୍ଦୁଢିପି,  ଖଇରପଟି ପ୍ରଭୃତି ଗ୍ରାମର ଲୋକମାନେ ପାହାଡ଼କୁ ଯାଇ ସେଠାରେ ପର୍ବ ପାଳନ କରନ୍ତି। ଭୋଜି ଭାତ କରି ଖାଇବା ସହ ଗଛରେ ରାଖୀ ବାନ୍ଧନ୍ତି।  ବାଜା ବଜାଇ ପାହାଡ଼କୁ ଯାଆନ୍ତି, ପରିବେଶ ପୂରା ଭକ୍ତିମୟ ହୋଇପଡେ। ଭକ୍ତି ଓ ବୃକ୍ଷ ପ୍ରେମରେ ବନ୍ଧା ଏହି ପର୍ବ ସତରେ ନିଆରା।’  ଗ୍ରାମର ଚରଣ ସାହୁ କହନ୍ତି, ‘ଗାଁ ଲୋକଙ୍କର ଜଙ୍ଗଲ ଓ ପରିବେଶ ପ୍ରତି ଭଲ ପାଇବା ଏହି ପର୍ବରୁ ବାରି ହୋଇପଡେ। ସମସ୍ତେ ଗଛକୁ ରାଖୀ ବାନ୍ଧି ଜଙ୍ଗଲକୁ ସୁରକ୍ଷା ଦେବାର ପ୍ରତିଜ୍ଞା ନିଅନ୍ତି। ଏହି ପର୍ବ ଓ ପାହାଡ ଉପରେ ବିରାଜମାନ ଦେବୀଙ୍କ ମହିମା ଯେମିତି ଅପାର ଏଠାରେ ଥିବା ଏକ ଚମତ୍କାରୀ ପାଣି କୁଣ୍ଡର କଥା ବି ନିଆରା। ଏହା ମଧ୍ୟରେ ସବୁ ଋତୁରେ ପାଣି ରହେ। କେତେବେଳେ ପାଣି କମେ ନାହିଁ କି ପାଣିର ଗଭୀରତା ମାପିବାକୁ ଚେଷ୍ଟା କଲେ ମଧ୍ୟ ଜଣାପଡ଼େ ନାହିଁ। ତେଣୁ ଏହି ସ୍ଥାନ ପ୍ରତି ଯଦି ସରକାରଙ୍କ ନଜର ପଡନ୍ତା ଓ ତା’ର ଉନ୍ନତି ପାଇଁ ପଦକ୍ଷେପ ନିଆଯାଆନ୍ତା ତେବେ ଗ୍ରାମବାସୀ ବେଶ୍‌ ଉପକୃତ ହୁଅନ୍ତେ।’
- ରଞ୍ଜନ କୁମାର ପ୍ରଧାନ 
All Right Reserved By

ଫୁରସତ |

ଯେଉଁଠି ଗର୍ଭବତୀ ହେବା ପାଇଁ ଦରକାର କର୍ତ୍ତୃପକ୍ଷଙ୍କ ଅନୁମତି

ଯେଉଁଠି ଗର୍ଭବତୀ ହେବା ପାଇଁ ଦରକାର କର୍ତ୍ତୃପକ୍ଷଙ୍କ ଅନୁମତି

ଜାପାନରେ ବର୍ତ୍ତମାନ ଜନସଂଖ୍ୟା ଦ୍ରୁତଗତିରେ କମିବାରେ ଲାଗିଛି। ଏହାର ସିଧା ପ୍ରଭାବ ଏଠାକାର କମ୍ପାନୀଗୁଡିକ ଉପରେ ପଡୁଛି। 

ଗର୍ଭାବସ୍ଥାରେ ପିନ୍ଧନ୍ତୁ ଗୋଡ ମୁଦି ମିଳିବ ଅନେକ ଫାଇଦା

ଗର୍ଭାବସ୍ଥାରେ ପିନ୍ଧନ୍ତୁ ଗୋଡ ମୁଦି ମିଳିବ ଅନେକ ଫାଇଦା

ବିବାହ ପରେ ସାଧାରଣତଃ ଜଣେ ମହିଳାଙ୍କର ବେଶଭୂଷାରେ କିଛିଟା ପରିବର୍ତ୍ତନ ଆସିଥାଏ। ମଥାରେ ସିନ୍ଦୁର, ବେକରେ ମଙ୍ଗଳସୂତ୍ର, ହାତରେ ଶଙ୍ଖା, ପାଦରେ ପାଉଁଜି, ଗୋଡ ମୁଦି ଆଦି ଶୋଭା ପାଇଥାଏ। ଏସବୁ ସଧବା ନାରୀର ଭୂଷଣ ବୋଲି କୁହାଯାଏ।

ଥାଇଲାଣ୍ଡର ବଦନାମ ସହର ଆକର୍ଷିତ କରେ ପର୍ଯ୍ୟଟକଙ୍କୁ

ଥାଇଲାଣ୍ଡର ବଦନାମ ସହର ଆକର୍ଷିତ କରେ ପର୍ଯ୍ୟଟକଙ୍କୁ

ଏସିଆର ଦକ୍ଷିଣ ପୂର୍ବ ଭାଗରେ ଥିବା ଥାଇଲାଣ୍ଡ ଅନେକ ଗୁଡିଏ ବିଶେଷତ୍ୱ ପାଇଁ ବିଶ୍ୱ ପ୍ରସିଦ୍ଧ। ମସାଜ୍‌ ସେଣ୍ଟର, ବିୟର ବାର୍‌ ସହ ରଙ୍ଗିନ ରାତି ପାଇଁ ପର୍ଯ୍ୟଟକ ଆପଣାଛାଏଁ ଏଠାକୁ ଚାଲି ଆସିଥାଆନ୍ତି। 

ହ୍ବିସ୍କି କରିଛି ଦୀର୍ଘାୟୁ

ହ୍ବିସ୍କି କରିଛି ଦୀର୍ଘାୟୁ

ସାଧାରଣତଃ ଅଧିକ ବର୍ଷ ବଞ୍ଚୁଥିବା ଲୋକମାନେ ବେଳେବେଳେ ଅନ୍ୟମାନଙ୍କ ପାଇଁ ପ୍ରେରଣା ପାଲଟି ଯାଆନ୍ତି। ସେମିତି ଜଣେ ମହିଳା ହେଉଛନ୍ତି ଆମେରିକାର ଗ୍ରେସ୍‌ ଜୋନ୍ସ। ଏବେ ତାଙ୍କୁ ୧୧୨ବର୍ଷ। ତାଙ୍କର ଦୀର୍ଘ ଜୀବନର ରହସ୍ୟ ସମ୍ପର୍କରେ ସେ କୁହନ୍ତି ହ୍ବିସ୍କି ହିଁ ତାଙ୍କୁ ଦୀର୍ଘାୟୁ କରିଛି।

ପ୍ଲାଷ୍ଟିକ୍‌ ବୋତଲରୁ ପ୍ରସ୍ତୁତ ଟି-ଶାର୍ଟ

ପ୍ଲାଷ୍ଟିକ୍‌ ବୋତଲରୁ ପ୍ରସ୍ତୁତ ଟି-ଶାର୍ଟ

ବଜାରରେ ଏବେ ପ୍ଲାଷ୍ଟିକ ବୋତଲରୁ ପ୍ରସ୍ତୁତ ଟି-ଶାର୍ଟ ଏକ ନୂଆ ଟେଣ୍ଡ୍‌ ଭାବେ ଉଭା ହୋଇଛି। ଅନେକ ପ୍ରକାରର ଫେବ୍ରିକରୁ ପ୍ରସ୍ତୁତ ଶାର୍ଟ ବଜାରରେ ଉପଲବ୍ଧ ହେଉଛି। 

ଯେଉଁଠି ବେଶ୍ୟାଳୟ ଚାଲେ ମାଗଣାରେ

ଯେଉଁଠି ବେଶ୍ୟାଳୟ ଚାଲେ ମାଗଣାରେ

ସୁନ୍ଦର ସାଜସଜ୍କା। ନରମ ବିଛଣା, କ୍ଷୀଣ ଆଲୋକ, ପାଖରେ ଟେଲିଫୋନ୍‌ ତା’ ସହ ସୁନ୍ଦର ଯୁବତୀ ଆଉ କ୍ୟାମେରା। ଏମାନେ ପୁଣି ମାଗଣାରେ ଗ୍ରାହକଙ୍କୁ ଦେବେ ଶାରୀରିକ ସମ୍ପର୍କର ସୁଖ। ବିଶ୍ୱରେ ଏମିତି ପ୍ରାୟ ୧୫ଟି ଦେଶକୁ ବେଶ୍ୟାବୃତ୍ତି ପାଇଁ ଆଇନର ମାନ୍ୟତା ମିଳିଛି।

ବିଶ୍ୱରେ ପ୍ରତିବର୍ଷ ମଦ୍ୟପାନ ଯୋଗୁ ମରନ୍ତି ୩୦ଲକ୍ଷ

ବିଶ୍ୱରେ ପ୍ରତିବର୍ଷ ମଦ୍ୟପାନ ଯୋଗୁ ମରନ୍ତି ୩୦ଲକ୍ଷ

ଜେନେଭା: ବିଶ୍ୱରେ ପ୍ରତିବର୍ଷ ମଦ୍ୟପାନ ଯୋଗୁ ୩୦ଲକ୍ଷ ଲୋକ ମୃତ୍ୟୁବରଣ କରନ୍ତି। ଏଡ୍‌ସ, ହିଂସାକାଣ୍ଡ ଓ ସଡକ ଦୁର୍ଘଟଣାରେ ସମୁଦାୟ ମୃତ୍ୟୁବରଣ କରୁଥିବା ଲୋକସଂଖ୍ୟାଠାରୁ ଏହା ଅଧିକ ବୋଲି ବିଶ୍ୱ ସ୍ବାସ୍ଥ୍ୟ ସଂଗଠନ ଶୁକ୍ରବାର ଏହାର ରିପୋର୍ଟ ପ୍ରକାଶ କରିଛି। ବିଶେଷକରି ପୁରୁଷମାନେ ମଦ୍ୟପାନ ଯୋଗୁ ଅଧିକ ସଂଖ୍ୟାରେ ମୃତ୍ୟୁର ଶିକାର ହେଉଥିବା ଦର୍ଶାଯାଇଛି।

ନାସା ବେଲୁନ୍‌ ମିଶନ୍‌ର ଫଟୋ ଅନୁଧ୍ୟାନ

ନାସା ବେଲୁନ୍‌ ମିଶନ୍‌ର ଫଟୋ ଅନୁଧ୍ୟାନ

ଓ୍ବାଶିଂଟନ୍‌: ନାସାର ବେଲୁନ ମିଶନ୍‌ ଦ୍ୱାରା ଆମ ବାୟୁମଣ୍ଡଳରେ ଥିବା ନୀଳ ବାଦଲର ଫଟୋ ଉଠାଯାଇପାରିଛି। ଏଥିରୁ ମିଳିଥିବା ତଥ୍ୟକୁ ନକ୍ଟିଲୁସେଣ୍ଟ କ୍ଲାଉଡ୍ସ ବା ପୋଲାର ମେସୋସ୍ଫରିକ୍‌ କ୍ଲାଉଡ୍ସ(ପିଏମ୍‌ସି) କୁହାଯାଏ। ଏହାକୁ ଅନୁଧ୍ୟାନକରି ପାଣିପାଗ, ମହାସାଗର, ହ୍ରଦ ଏବଂ ଅନ୍ୟ ଗ୍ରହର ପରିବେଶର ଅସ୍ଥିରତା ସମ୍ପର୍କରେ ବିଶେଷ ସୂଚନା ଜଣାପଡିବ ବୋଲି ନାସା ପକ୍ଷରୁ ଏକ ବିବୃତିରେ କୁହାଯାଇଛି। 

୧୦ବର୍ଷ ମଧ୍ୟରେ ମୁସଲମାନ, ଦଳିତଙ୍କ ଦାରିଦ୍ର୍ୟ ହ୍ରାସ ପାଇଛି: ଜାତିସଂଘ

୧୦ବର୍ଷ ମଧ୍ୟରେ ମୁସଲମାନ, ଦଳିତଙ୍କ ଦାରିଦ୍ର୍ୟ ହ୍ରାସ ପାଇଛି: ଜାତିସଂଘ

ଜାତିସଂଘ: ଭାରତ ଦାରିଦ୍ର୍ୟ ଦୂରୀକରଣ ପାଇଁ ବିଭିନ୍ନ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଉଥିବା ବେଳେ ମୁସଲମାନ, ଅନୁସୂଚିତ ଜନଜାତି ଓ ଦଳିତମାନେ ଉଲ୍ଲେଖନୀୟ ଅଗ୍ରଗତି କରିପାରିଛନ୍ତି। ଜାତିସଂଘ ଦ୍ୱାରା ପ୍ରକାଶିତ ରିପୋର୍ଟରୁ ଏହି ସୂଚନା ମିଳିଛି। 

କଟା ଅଙ୍ଗ ଦେଖାଇ ଯୁବତୀ ରୋଜଗାର କରୁଛନ୍ତି ଲକ୍ଷାଧିକ ଟଙ୍କା

କଟା ଅଙ୍ଗ ଦେଖାଇ ଯୁବତୀ ରୋଜଗାର କରୁଛନ୍ତି ଲକ୍ଷାଧିକ ଟଙ୍କା

ଆମେରିକାର ଓକଲାହମ୍‌ରେ ରହୁଥିବା କିଷ୍ଟ୍ରି ଲୋୟାଲ ନାମକ ଜଣେ ଯୁବତୀ ତାଙ୍କର ଏକ କଟା ଅଙ୍ଗକୁ ଦେଖାଇ ଲକ୍ଷ ଲକ୍ଷ ଟଙ୍କା ରୋଜଗାର କରୁଛନ୍ତି।  ସୂଚନା ଅନୁଯାୟୀ, ୨୦୧୬ରେ ଲୋୟାଲ ମାରାତ୍ମକ କ୍ୟାନସରରେ ପୀଡିତ ହୋଇଥିଲେ। 

ଏଭଳି ସ୍ତ୍ରୀ ସ୍ବାମୀଙ୍କ ପାଇଁ କ’ଣ ଆଣନ୍ତି...

ଏଭଳି ସ୍ତ୍ରୀ ସ୍ବାମୀଙ୍କ ପାଇଁ କ’ଣ ଆଣନ୍ତି...

ଦାମ୍ପତ୍ୟ ଜୀବନକୁ ଦୃଢ଼ କରିବା ଲାଗି ସ୍ତ୍ରୀ ସ୍ବାମୀଙ୍କ ମଧ୍ୟରେ ମଧୁର ସମ୍ପର୍କ  ଗୁରୁତ୍ୱପୂର୍ଣ୍ଣ। ଏହା ବିନା ଦାମ୍ପତ୍ୟ ଜୀବନ ନିରର୍ଥକ ପାଲଟି ଯାଏ । ବିବାହପରେ ଜୀବନରେ ପରିବର୍ତ୍ତନ ଆସିବାର ସ୍ବପ୍ନ ଦେଖିଥାନ୍ତି ଅନେକ ଯୁବକ। 

 ଗଧର ହେଲା ବିବାହ

ଗଧର ହେଲା ବିବାହ

କର୍ନାଟକ ହୋରା ଗାଁର ଲୋକେ ଗଧ ସହିତ ଏକ ଗଧୁଣୀର ବିବାହ ବେଶ୍‌ ଧୁମାଧାମ୍‌ରେ କରିଛନ୍ତି। ପୂର୍ବରୁ ଗଧ ସହିତ ଅନ୍ୟ ଏକ ଗଧୁଣୀ ରହୁଥିଲା। ତେବେ ଗଧୁଣୀକୁ ଚିତାବାଘ ମାରି ଦେବା ପରେ ଗଧର ବ୍ୟବହାରରେ ଆସିଥିଲା ପରିବର୍ତ୍ତନ।