ଖେଳ |

ପଦାର୍ପଣ ଦିନିକିଆରେ ଗୋଲ୍ଡେନ ଡକ୍‌

ପଦାର୍ପଣ ଦିନିକିଆରେ ଗୋଲ୍ଡେନ ଡକ୍‌
କ୍ରିକେଟ ଇତିହାସରେ ବହୁ ବ୍ୟାଟ୍ସମ୍ୟାନ ନିଜ ଦିନିକିଆ ପଦାର୍ପଣର ପ୍ରଥମ ବଲରେ ଆଉଟ୍‌(ଗୋଲ୍ଡେନ ଡକ୍‌) ହୋଇଛନ୍ତି। ଏହାସତ୍ତ୍ୱେ କେତେକ ବ୍ୟାଟ୍ସମ୍ୟାନ ଉଲ୍ଲେଖନୀୟ କ୍ୟାରିୟର କରବାରେ ସଫଳ ହୋଇଛନ୍ତି। ଏପରି କି ଲିଜେଣ୍ଡ ଭାରତୀୟ ବ୍ୟାଟ୍ସମ୍ୟାନ ସଚିନ ତେନ୍ଦୁଲକର ମଧ୍ୟ କ୍ୟାରିୟରର ଦିନିକିଆ ଫର୍ମାଟର ପ୍ରଥମ ବଲରେ ଆଉଟ୍‌ ହୋଇଥିଲେ। ଏହାପରେ ସେ ବହୁ ରେକର୍ଡର ଅଧିକାରୀ ହୋଇପାରିଛନ୍ତି। ତାଙ୍କ ବ୍ୟତୀତ ଭାରତର ସଫଳତମ ତଥା ବିଶ୍ୱକପ୍‌ ଚାମ୍ପିୟନ ଅଧିନାୟକ ମହେନ୍ଦ୍ର ସିଂ ଧୋନୀ ଏହି ତାଲିକାରେ ରହିଛନ୍ତି। ଭାରତ ଏ’ ପକ୍ଷରୁ ଉନ୍ନତ ପ୍ରଦର୍ଶନ କରିବା ପରେ ଧୋନୀଙ୍କୁ ୨୦୦୪ରେ ବାଂଲାଦେଶ ଗସ୍ତ ଲାଗି ଜାତୀୟ ଦଳରେ ସାମିଲ କରାଯାଇଥିଲା। ସିରିଜ୍‌ର ପ୍ରଥମ ମ୍ୟାଚ୍‌ରେ ଧୋନୀ ପ୍ରଥମ ବଲ ଖେଳିବା ପରେ ରନ୍‌ଆଉଟ୍‌ ହୋଇଥିଲେ। ଏହି ଘଟଣା ତାଙ୍କ ଜୀବନ ଉପରେ ଆଧାରିତ ବଲିଉଡ୍‌ ଫିଲ୍ମରେ ମଧ୍ୟ ଦେଖିବାକୁ ମିଳିଥିଲା। ଏମାନଙ୍କ ଭଳି ବାମହାତୀ ବ୍ୟାଟ୍ସମ୍ୟାନ ସୁରେଶ ରାଇନା ମଧ୍ୟ ପଦାର୍ପଣ ଦିନିକିଆର ପ୍ରଥମ ବଲରେ ଆଉଟ୍‌ ହୋଇଥିଲେ। ୨୦୦୫ ଶ୍ରୀଲଙ୍କା ଗସ୍ତରେ ପ୍ରଥମ ମ୍ୟାଚ୍‌ରେ ରାଇନା କ୍ଲାସିକ ସ୍ପିନର ମୁଥିଆ ମୁରଲିଧରଣଙ୍କ ବଲରେ ବୋଲ୍ଡ ଆଉଟ୍‌ ହୋଇଥିଲେ। ଭାରତୀୟ ଖେଳାଳିଙ୍କ ବ୍ୟତୀତ ପାକିସ୍ତାନର ସୋଏବ ମଲିକ, ଇଂଲଣ୍ଡର ଜାସନ ରୟ ଓ ଅଷ୍ଟ୍ରେଲିଆର କାମେରୋନ ହ୍ବାଇଟ ଏହି ତାଲିକାରେ ରହିଛନ୍ତି।
All Right Reserved By

ଖେଳ |

ଇଣ୍ଡିଆ ରେଡ୍‌-ଇଣ୍ଡିଆ ବ୍ଲୁ ଫାଇନାଲ

ଇଣ୍ଡିଆ ରେଡ୍‌-ଇଣ୍ଡିଆ ବ୍ଲୁ ଫାଇନାଲ

ବେଙ୍ଗାଲୁରୁ, ୧୯।୮- ଇଣ୍ଡିଆ ରେଡ୍‌ ଓ ଇଣ୍ଡିଆ ବ୍ଲୁ ମଧ୍ୟରେ ମହିଳା ଟି୨୦ ଚ୍ୟାଲେଞ୍ଜର ଟ୍ରଫି ଫାଇନାଲ ମ୍ୟାଚ୍‌ ଅନୁଷ୍ଠିତ ହେବ। ରବିବାର ଅନୁଷ୍ଠିତ ଅନ୍ତିମ ରାଉଣ୍ଡ ରବିନ୍‌ ମ୍ୟାଚ୍‌ରେ ଇଣ୍ଡିଆ ରେଡ୍‌ ୯ ଉଇକେଟ୍‌ରେ ଇଣ୍ଡିଆ ଗ୍ରୀନକୁ ପରାସ୍ତ କରିଛି।

କ୍ରିକେଟରୁ ଜନସନଙ୍କ ଅବସର

କ୍ରିକେଟରୁ ଜନସନଙ୍କ ଅବସର

ସିଡ୍‌ନୀ, ୧୯।୮(ଏଏଫ୍‌ପି)- ଅଷ୍ଟ୍ରେଲିଆ ଦ୍ରୁତ ବୋଲର ମିଚେଲ ଜନସନ ରବିବାର କ୍ରିକେଟର ସମସ୍ତ ପ୍ରକାର ଫର୍ମାଟରୁ ଅବସର ଘୋଷଣା କରିଛନ୍ତି। ପୂର୍ବରୁ ୩୬ ବର୍ଷୀୟ ଜନସନ ୨୦୧୫ରେ ଅନ୍ତର୍ଜାତୀୟ କ୍ରିକେଟରୁ ସନ୍ନ୍ୟାସ ନେଇସାରିଥିଲେ।

୩୨୯ରେ ସୀମିତ ଭାରତୀୟ ଦଳ

୩୨୯ରେ ସୀମିତ ଭାରତୀୟ ଦଳ

ନଟ୍ଟିଂହାମ,୧୯।୮(ପି.ଟି.)- ଏଠାରେ ଚାଲିଥିବା ୩ୟ ଟେଷ୍ଟର ପ୍ରଥମ ଇନଂସ୍‌ରେ ଭାରତୀୟ ଦଳ ୩୨୯ ରନ୍‌ରେ ସୀମିତ ରହିଛି। ଅସମାପ୍ତ ପ୍ରଥମ ଇନିଂସ୍‌ ସ୍କୋର ୩୦୭/୬ରୁ ଆରମ୍ଭ କରିଥିବା ଟିମ୍‌ ଇଣ୍ଡିଆ ମାତ୍ର ୨୨ ରନ୍‌ ମଧ୍ୟରେ ବଳକା ୪ ଉଇକେଟ ହରାଇ ଦେଇଛି। 

ଇତିହାସ ରଚିଲେ କେରଳ ସନ୍ତରଣକାରୀ

ଇତିହାସ ରଚିଲେ କେରଳ ସନ୍ତରଣକାରୀ

ଜାକର୍ତ୍ତା,୧୯।୮- କେରଳର ସନ୍ତରଣକାରୀ ସାଜନ ପ୍ରକାଶ ଇତିହାସ ସୃଷ୍ଟି କରିଛନ୍ତି। ଦୀର୍ଘ ୩୨ ପରେ ପ୍ରଥମ ଭାରତୀୟ ସନ୍ତରଣକାରୀ ଭାବେ ଏସିଆନ୍‌ ଗେମ୍ସ ଫାଇନାଲରେ ପ୍ରବେଶ କରିଛନ୍ତି। ରବିବାର ଅନୁଷ୍ଠିତ କ୍ୱାଲିଫାୟର୍ସ ୨୦୦ ମି. ବଟରଫ୍ଲାଏ ଇଭେଣ୍ଟରେ ୧:୫୮.୧୨ ସେକେଣ୍ଡରେ ଶେଷ କରି ଫାଇନାଲରେ ପ୍ରବେଶ କରିଛନ୍ତି। 

ସିନସିନାଟି ମାଷ୍ଟର୍ସ: ଫାଇନାଲରେ ଜୋକୋଭିଚ୍‌-ଫେଡେରର

ସିନସିନାଟି ମାଷ୍ଟର୍ସ: ଫାଇନାଲରେ ଜୋକୋଭିଚ୍‌-ଫେଡେରର

ସିନସିନାଟି,୧୯।୮(ଏଏଫ୍‌ପି)- ଚଳିତ ସିନସିନାଟି ମାଷ୍ଟର୍ସ ଟେନିସ୍‌ ଟୁର୍ନାମେଣ୍ଟରେ ରବିବାର ଫାଇନାଲ ମୁକାବିଲା ସ୍ପଷ୍ଟ ହୋଇଯାଇଛି। ଏହି ଟାଇଟଲ ଲଢ଼େଇରେ ଦୁଇ ପୂର୍ବତନ ଶୀର୍ଷ ର଼୍ୟାଙ୍କଧାରୀ ଖେଳାଳି ସ୍ପରସ୍ପରକୁ ଭେଟିବେ। ଗୋଟିଏ ପକ୍ଷରେ ନୋଭାକ ଜୋକୋଭିଚ୍‌ ଥିବାବେଳେ ଅନ୍ୟପଟେ କିମ୍ବଦନ୍ତୀ ଖେଳାଳି ରୋଜର ଫେଡେରର ରହିଛନ୍ତି।

ହାରିଲେ ସୁଶୀଲ

ହାରିଲେ ସୁଶୀଲ

ଜାକର୍ତ୍ତା,୧୯।୮(ପି.ଟି.)- ଚଳିତ ଏସିଆନ୍‌ ଗେମ୍ସର ପ୍ରଥମ ଦିବସରେ ଭାରତୀୟ ପ୍ରତିନିଧି ଦଳକୁ ଶକ୍ତ ଧକ୍କା ଲାଗିଛି। ଦୁଇ ଥର ଅଲିମ୍ପିକ୍‌ ପଦକଧାରୀ କୁସ୍ତିଯୋଦ୍ଧା ସୁଶୀଲ କୁମାର ପ୍ରଥମ ରାଉଣ୍ଡରେ ପରାସ୍ତ ହୋଇଛନ୍ତି। 

ବାସ୍କେଟବଲ: ଚାଇନିଜ୍‌ ତାଇପେଠାରୁ ହାରିଲା ଭାରତ

ବାସ୍କେଟବଲ: ଚାଇନିଜ୍‌ ତାଇପେଠାରୁ ହାରିଲା ଭାରତ

ଜାକର୍ତ୍ତା,୧୯।୮(ପି.ଟି.)- ଭାରତୀୟ ମହିଳା ବାସ୍କେଟବଲ ଦଳର କ୍ରମାଗତ ୨ୟ  ପରାଜୟ ଯୋଗୁ ଏସିଆନ୍‌ ଗେମ୍ସରୁ ବାଦ୍‌ ପଡ଼ିବା ନିଶ୍ଚିତ ହୋଇଯାଇଛି।  ଭାରତୀୟ ଦଳକୁ ୬୧-୮୪ ବ୍ୟବଧାନରେ ଚାଇନିଜ ତାଇପେ ଦଳ ପରାସ୍ତ କରିଛି।

ପଦକ ଖାତା ଖୋଲିଲେ ଅପୂର୍ଭି, ରବି

ପଦକ ଖାତା ଖୋଲିଲେ ଅପୂର୍ଭି, ରବି

ଜାକର୍ତ୍ତା,୧୯।୮-  ଏଠାରେ ଏସିଆନ୍‌ ଗେମ୍ସର ୧୮ତମ ସଂସ୍କରଣ ରବିବାରଠାରୁ ଆରମ୍ଭ ହୋଇଯାଇଛି। ପ୍ରତିଯୋଗିତାର ପ୍ରଥମ ଦିବସ ଭାରତ ପାଇଁ ପଦକ ଖାତା ଖୋଲିଛନ୍ତି ଶୁଟର ଅପୂର୍ଭି ଚଣ୍ଡେଲା ଓ ରବି କୁମାର। ଉଭୟ ଶୁଟର ୧୦ ମିଟର ଏୟାର ରାଇଫଲ ମିକ୍ସଡ୍‌ ଟିମ୍‌ ଇଭେଣ୍ଟରେ ବ୍ରୋଞ୍ଜ ପଦକ ଜିତିଛନ୍ତି। 

ପଦାର୍ପଣରେ ରୋନାଲ୍ଡୋ ବିଫଳ

ପଦାର୍ପଣରେ ରୋନାଲ୍ଡୋ ବିଫଳ

ଭେରୋନା(ଇଟାଲି),୧୯।୮(ଏଏଫ୍‌ପି)-  ପର୍ତ୍ତୁଗାଲ ଷ୍ଟାର ଖେଳାଳି କ୍ରିଷ୍ଟିଆନୋ ରୋନାଲ୍ଡୋ ସିରିି ଏ’ ଲିଗ୍‌ ପଦାର୍ପଣରେ ବିଫଳ ହୋଇଛନ୍ତି। କିନ୍ତୁ ଲିଗ୍‌ର ଡିଫେଣ୍ଡିଂ ଚାମ୍ପିୟନ ଜୁଭେଣ୍ଟସ ଦଳ ବିଜୟ ସହ ଅଭିଯାନ ଆରମ୍ଭ କରିଛି।

ଏସିଆନ୍‌ ଗେମ୍ସ: ଚାଇନାର ସୁନଙ୍କ ପ୍ରଥମ ସ୍ବର୍ଣ୍ଣ

ଏସିଆନ୍‌ ଗେମ୍ସ: ଚାଇନାର ସୁନଙ୍କ ପ୍ରଥମ ସ୍ବର୍ଣ୍ଣ

ଜାକର୍ତ୍ତା,୧୯।୮(ଏଏଫ୍‌ପି)- ଚାଇନିଜ୍‌ ଉଷୁ ଆଥ୍‌ଲେଟ୍‌ ସୁନ ପେୟୁଆନ ଚଳିତ ଏସିଆନ୍‌ ଗେମ୍ସର ପ୍ରଥମ ସ୍ବର୍ଣ୍ଣ ପଦକ ଜିତିଛନ୍ତି। ୨୮ ବର୍ଷୀୟ ସୁନ ଚାଙ୍ଗକୁଆନ କାଟଗୋରୀରେ  ଆୟୋଜକ ଇଣ୍ଡୋନେସିଆ ଚାଭିଅର ମାର୍ଭେଲୋଙ୍କୁ ହରାଇ ଏହି ସଫଳତା ପାଇଛନ୍ତି।

ଏଟିକେ ପକ୍ଷରୁ ଖେଳିବେ ବିକି

ଏଟିକେ ପକ୍ଷରୁ ଖେଳିବେ ବିକି

କୋଲକାତା, ୧୯।୮(ପି.ଟି.)- କାମେରୁନ ଡିଫେଣ୍ଡର ଆନ୍ଦ୍ରେ ବିକି ଇଣ୍ଡିଆନ ସୁପର୍‌ ଲିଗ୍‌ (ଆଇଏସ୍‌ଏଲ୍‌)ର ଆଗାମୀ ସଂସ୍କରଣରେ ଆଟ୍‌ଲେଟିକୋ ଡି କୋଲକାତା (ଏଟିକେ) ପକ୍ଷରୁ ଖେଳିବେ। 

ଭାରତ ଜିତିଲା ସାଫ୍‌ ଚାମ୍ପିୟନଶିପ୍‌

ଭାରତ ଜିତିଲା ସାଫ୍‌ ଚାମ୍ପିୟନଶିପ୍‌

ଥିମ୍ଫୁ (ଭୁଟାନ), ୧୯।୮(ପି.ଟି.)- ୧୫ ବର୍ଷରୁ କମ୍‌ ଭାରତୀୟ ମହିଳା ଫୁଟ୍‌ବଲ ଦଳ ଏଠାରେ ଚାଲିଥିବା ସାଫ୍‌ ଚାମ୍ପିୟନଶିପ୍‌ (୧୫ ବର୍ଷରୁ କମ୍‌) ଫୁଟ୍‌ବଲ ପ୍ରତିଯୋଗିତାରେ ଚାମ୍ପିୟନ ହୋଇଛି। ସ୍ଥାନୀୟ ଚାଙ୍ଗଲି ମିଥାଙ୍ଗ୍‌ ଷ୍ଟାଡିୟମରେ ଶନିବାର ଖେଳାଯାଇଥିବା ଫାଇନାଲ ମ୍ୟାଚ୍‌ରେ ଭାରତ ୧-୦ ଗୋଲରେ ଡିଫେଣ୍ଡିଂ ଚାମ୍ପିୟନ ବାଂଲାଦେଶକୁ ପରାସ୍ତ କରିଛି।