ଖେଳ |

କ୍ୱାର୍ଟରରେ ଜୟରାମ, ରିତୁପର୍ଣ୍ଣା

କ୍ୱାର୍ଟରରେ ଜୟରାମ, ରିତୁପର୍ଣ୍ଣା
ହୋ ଚି ମିନ୍‌ ସିଟି, ୧୦।୮(ପି.ଟି.)- ଭାରତୀୟ ବ୍ୟାଡ୍‌ମିଣ୍ଟନ ଖେଳାଳି ଅଜୟ ଜୟରାମ, ରିତୁପର୍ଣ୍ଣା ଦାସ ଓ ମିଥୁନ ମଞ୍ଜୁନାଥ ଏଠାରେ ଚାଲିଥିବା ୭୫ ହଜାର ଆମେରିକୀୟ ଡଲାର ପୁରସ୍କାର ରାଶିବିଶିଷ୍ଟ ଭିଏତ୍‌ନାମ ଓପନ୍‌ ଟୁର୍ନାମେଣ୍ଟର କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ଗୁରୁବାର ଅନୁଷ୍ଠିତ ପୁରୁଷ ସିଙ୍ଗଲ୍ସ ପ୍ରି-କ୍ୱାର୍ଟର ଫାଇନାଲ ମୁକାବିଲାରେ ଜୟରାମ ୨୨-୨୦, ୨୧-୧୪ ସିଧାସଳଖ ସେଟ୍‌ରେ ବ୍ରାଜିଲର ୟଗର କୋଏଲହୋଙ୍କୁ ପରାସ୍ତ କରିଥିଲେ। ବିଶ୍ୱ ମାନ୍ୟତାର ତ୍ରୟୋଦଶ ସ୍ଥାନରେ ଥିବା ଜୟରାମଙ୍କୁ ଏହି ମ୍ୟାଚ୍‌ ଜିତିବାକୁ ୩୪ ମିନିଟ୍‌ ସମୟ ଲାଗିଥିଲା। ଅନ୍ତିମ-୮ ମୁକାବିଲାରେ ସେ କାନାଡାର ଜିଆଡୋଙ୍ଗ୍‌ ସେଙ୍ଗଙ୍କୁ ଭେଟିବେ। ସେହିଭଳି ମହିଳା ସିଙ୍ଗଲ୍ସରେ ପ୍ରାକ୍ତନ ଜାତୀୟ ଚାମ୍ପିୟନ ରିତୁପର୍ଣ୍ଣା ୨୧-୮, ୨୧-୧୪ ଗେମ୍‌ରେ ଚାଇନିଜ ତାଇପେଇର ସୁଙ୍ଗ୍‌ ହୁଓ ୟୁନ୍‌ଙ୍କୁ ହରାଇ କ୍ୱାର୍ଟର ଫାଇନାଲରେ ସ୍ଥାନ ସୁରକ୍ଷିତ କରିଛନ୍ତି। ଥାଇଲାଣ୍ଡର ଫିତ୍ୟାପର୍ନ ଚାଇଓ୍ବାନଙ୍କ ସହ ରିତୁପର୍ଣ୍ଣାଙ୍କ କ୍ୱାର୍ଟର ଫାଇନାଲ ମୁକାବିଲା ହେବ। ଅନ୍ୟ ଏକ ପ୍ରି-କ୍ୱାର୍ଟର ମ୍ୟାଚ୍‌ରେ ଯୁବ ତାରକା ମିଥୁନ ୧୮-୨୧, ୨୧-୧୩, ୨୧-୧୯ରେ ଥାଇଲାଣ୍ଡର ଅଦୁଲରାଚ ନାମକୁଲଙ୍କୁ ହରାଇଛନ୍ତି। ମିୁଥୁନ ଓ ଚାଇନାର ଝୁଓ ଜେକିଙ୍କ ମଧ୍ୟରେ କ୍ୱାର୍ଟର ଫାଇନାଲ ଲଢ଼େଇ ହେବ। ତେବେ ଅନ୍ୟତମ ଭାରତୀୟ ସଟ୍‌ଲର କାର୍ତ୍ତିକ ଜିନ୍ଦଲଙ୍କୁ ପରାଜୟର ସାମ୍ନା କରିବାକୁ ପଡ଼ିଛି।
All Right Reserved By

ଖେଳ |

ସିରିଜ ବରାବର୍‌ କଲା ଓ୍ବେଷ୍ଟଇଣ୍ଡିଜ

ସିରିଜ ବରାବର୍‌ କଲା ଓ୍ବେଷ୍ଟଇଣ୍ଡିଜ

ଢାକା, ୧୨।୧୨(ଏଏଫ୍‌ପି)- ଓପନିଂ ବ୍ୟାଟ୍ସ୍‌ମ୍ୟାନ ସାଇ ହୋପ୍‌ଙ୍କ ଦମ୍‌ଦାର ଅପରାଜିତ ଶତକ ବଳରେ ଓ୍ବେଷ୍ଟଇଣ୍ଡିଜ ଦଳ ମଙ୍ଗଳବାର ଏଠାରେ ଅନୁଷ୍ଠିତ ୨ୟ ଦିନିକିଆ କ୍ରିକେଟ ମ୍ୟାଚ୍‌ରେ ଘରୋଇ ବାଂଲାଦେଶକୁ ୪ ଉଇକେଟ୍‌ରେ ପରାସ୍ତ କରିଛି। 

ଆଇସିସି ଟେଷ୍ଟ ର଼୍ୟାଙ୍କିଙ୍ଗ୍‌: ଶୀର୍ଷରେ କୋହଲି ସ୍ଥିର, ଟପ୍‌-୫ରେ ପୂଜାରା

ଆଇସିସି ଟେଷ୍ଟ ର଼୍ୟାଙ୍କିଙ୍ଗ୍‌: ଶୀର୍ଷରେ କୋହଲି ସ୍ଥିର, ଟପ୍‌-୫ରେ ପୂଜାରା

ଦୁବାଇ, ୧୨।୧୨(ପି.ଟି.)- ଅନ୍ତର୍ଜାତୀୟ କ୍ରିକେଟ୍‌ ପରିଷଦ (ଆଇସିସି) ପକ୍ଷରୁ ସଦ୍ୟ ପ୍ରକାଶିତ ଟେଷ୍ଟ ର଼୍ୟାଙ୍କିଙ୍ଗ୍‌ ବ୍ୟାଟିଂ ତାଲିକାରେ ଭାରତୀୟ ଅଧିନାୟକ ବିରାଟ କୋହଲି ଶୀର୍ଷ ସ୍ଥାନ ବଜାୟ ରଖିଛନ୍ତି। ସେହିଭଳି ସଦ୍ୟ ସମାପ୍ତ ଆଡିଲେଡ୍‌ ଟେଷ୍ଟର ଉଭୟ ଇନିଂସରେ ଯଥାକ୍ରମେ ୧୨୩ ଓ ୭୧ ରନର ମ୍ୟାଚ ବିଜୟୀ ଇନିଂସ ଖେଳିଥିବା ଚେତେଶ୍ୱର ପୂଜାରା ଟପ୍‌-୫କୁ ପ୍ରତ୍ୟାବର୍ତ୍ତନ କରିଛନ୍ତି। 

୨୩ ବର୍ଷରୁ କମ୍‌ ସିକେ ନାଇଡୁ ଟ୍ରଫି: ରେଲ୍‌ୱେ- ଓଡିଶା ମ୍ୟାଚ ଡ୍ର

୨୩ ବର୍ଷରୁ କମ୍‌ ସିକେ ନାଇଡୁ ଟ୍ରଫି: ରେଲ୍‌ୱେ- ଓଡିଶା ମ୍ୟାଚ ଡ୍ର

ସମ୍ବଲପୁର,୧୨।୧୨ (ବ୍ୟୁରୋ)- ସମ୍ବଲପୁର ବୀରସୁରେନ୍ଦ୍ର ସାଏ ଷ୍ଟାଡିୟମରେ ଚାଲିଥିବା ୨୩ ବର୍ଷରୁ କମ୍‌ କର୍ନେଲ ସିକେ ନାଇଡୁ ରେଲ୍‌ୱେ ବନାମ ଓଡିଶା କ୍ରିକେଟ ମ୍ୟାଚ ମଙ୍ଗଳବାର ଡ୍ର’ ହୋଇଛି। ଫଳରେ ପ୍ରଥମ ଇନିଂସ ରନ ଅଗ୍ରଣୀ ହେତୁ ଓଡିଶା ୩ ପଏଣ୍ଟ ହାସଲ କରିଥିବା ବେଳେ  ରେଲ୍‌ୱେ ଗୋଟିଏ ପଏଣ୍ଟରେ ସନ୍ତୁଷ୍ଟ ହୋଇଛି। ରେଳୱେ ପ୍ରଥମ ଇନିଂସରେ ସମସ୍ତ ଉଇକେଟ ହରାଇ ୧୧୩ ରନ କରିଥିଲା ।

ସ୍ବଦେଶ ଫେରିଲେ ଚାଇନା, ସ୍ପେନ

ସ୍ବଦେଶ ଫେରିଲେ ଚାଇନା, ସ୍ପେନ

ଭୁବନେଶ୍ୱର, ୧୨।୧୨(କ୍ରୀଡ଼ା ପ୍ରତିନିଧି)-ଭୁବନେଶ୍ୱରରେ ଚାଲିଥିବା ହକିି ବିଶ୍ୱକପରେ ଭାଗ ନେଇଥିବା ୧୬ ଦଳ ମଧ୍ୟରୁ ମଙ୍ଗଳବାର ପ୍ରଥମ ପର୍ଯ୍ୟାୟରେ ସ୍ବଦେଶ ଫେରିଛନ୍ତି ସ୍ପେନ ଓ ଚାଇନା। ସ୍ପେନ ଦକ୍ଷତା ଅନୁସାରେ ପ୍ରଦର୍ଶନ କରି ନ ପାରି ପୁଲ୍‌ ପର୍ଯ୍ୟାୟରୁ ବିଦାୟ ନେଇଥିଲା।

ଆକାଶବାଣୀ ପକ୍ଷରୁ ଧାରାବିବରଣୀ

ଆକାଶବାଣୀ ପକ୍ଷରୁ ଧାରାବିବରଣୀ

ଭୁବନେଶ୍ୱର, ୧୨।୧୨(କ୍ରୀଡ଼ା ପ୍ରତିନିଧି)- କଳିଙ୍ଗ ଷ୍ଟାଡିୟମରେ ଚାଲିଥିବା ହକି ବିଶ୍ୱକପର ଧାରାବିବରଣୀ ମଙ୍ଗଳବାରଠାରୁ ଆକାଶବାଣୀ ପକ୍ଷରୁ ଆରମ୍ଭ ହୋଇଛି। ହିନ୍ଦୀ ଓ ଇଂଲିଶରେ ଏହି ଧାରାବିବରଣୀର ସିଧା ପ୍ରସାରଣ କରାଯାଇଛି। 

ହକିକୁ ଅଧିକ ଲୋକପ୍ରିୟ କରାଇବାକୁ ଯୋଜନା

ହକିକୁ ଅଧିକ ଲୋକପ୍ରିୟ କରାଇବାକୁ ଯୋଜନା

ଭୁବନେଶ୍ୱର, ୧୨।୧୨(କ୍ରୀଡ଼ା ପ୍ରତିନିଧି)- କଳିଙ୍ଗ ଷ୍ଟାଡିୟମରେ ଚାଲିଥିବା ହକି ବିଶ୍ୱକପକୁ ଏପର୍ଯ୍ୟନ୍ତ ଅଦ୍ଭୁତପୂର୍ବ ଦର୍ଶକ ସମର୍ଥନ ମିଳିଛି। ଏପର୍ଯ୍ୟନ୍ତ ମ୍ୟାଚ ଗୁଡ଼ିକ ସୁରୁଖୁରୁରେ ସମ୍ପନ୍ନ ହୋଇଥିବାବେଳେ ଓଡ଼ିଶାରେ ହକିର ଲୋକପ୍ରିୟତା ସାରା ବିଶ୍ୱ ଦେଖିଛି। 

ଚାମ୍ପିୟନ ଅଫ୍‌ ଚାମ୍ପିୟନ ଟାଇଟଲ ବଜାୟ ରଖିଲେ ପ୍ରମୋଦ

ଚାମ୍ପିୟନ ଅଫ୍‌ ଚାମ୍ପିୟନ ଟାଇଟଲ ବଜାୟ ରଖିଲେ ପ୍ରମୋଦ

କଟକ ଅଫିସ,୧୨ା୧୨-ବାହୁକୁସ୍ତି କ୍ରୀଡ଼ା କ୍ଷେତ୍ରରେ ପୁନର୍ବାର ଇତିହାସ ରଚିଛି ଓଡ଼ିଶା। ରାଜ୍ୟ ବାହୁକୁସ୍ତି ଖେଳାଳି ପ୍ରମୋଦ ମୁଖୀ ଦିଲ୍ଲୀର ତ୍ୟାଗରାଜ ଷ୍ଟାଡିୟମରେ ଅନୁଷ୍ଠିତ ହୋଇଥିବା ଜାତୀୟ ବାହୁକୁସ୍ତି ଚାମ୍ପିୟନଶିପ୍‌ରେ ଭାଗ ନେଇ ଚାମ୍ପିୟନ ଅଫ୍‌ ଚାମ୍ପିୟନ ଟାଇଟଲ ବିଜୟୀ ହୋଇଛନ୍ତି। 

ବିଧାୟିକା ହେଲେ କ୍ରିଷ୍ଣା ପୁନିଆ

ବିଧାୟିକା ହେଲେ କ୍ରିଷ୍ଣା ପୁନିଆ

ନୂଆଦିଲ୍ଲୀ,୧୨।୧୨(ପି.ଟି.)- ୨୦୧୦ ରାଜ୍ୟଗୋଷ୍ଠୀ କ୍ରୀଡ଼ା ସ୍ବର୍ଣ୍ଣ ପଦକ ବିଜୟିନୀ ତଥା ମହିଳା ଡିସ୍‌କସ୍‌ ଥ୍ରୋୟର କ୍ରିଷ୍ଣା ପୁନିଆ ଏବେ ନୂଆ ଇନିଂସ ଆରମ୍ଭ କରିଛନ୍ତି। ସେ ରାଜସ୍ଥାନର ସାଦୁଲପୁର ନିର୍ବାଚନ ମଣ୍ଡଳୀର ବିଧାୟିକା ଭାବେ ନିର୍ବାଚିତ ହୋଇଛନ୍ତି।

ଆକ୍ରମଣାତ୍ମକ ଆଭିମୁଖ୍ୟକୁ ବଦଳାଇବୁ ନାହିଁ: ମନପ୍ରୀତ୍‌

ଆକ୍ରମଣାତ୍ମକ ଆଭିମୁଖ୍ୟକୁ ବଦଳାଇବୁ ନାହିଁ: ମନପ୍ରୀତ୍‌

ଭୁବନେଶ୍ୱର,୧୨।୧୨(ସ୍ପୋଟର୍‌ସ ବ୍ୟୁରୋ)-  ଚଳିତ ହକି ବିଶ୍ୱକପ୍‌ କ୍ୱାର୍ଟର ଫାଇନାଲରେ ଭାରତ କ୍ୱାର୍ଟର ଫାଇନାଲରେ ଗୁରୁବାର ନେଦରଲାଣ୍ଡ୍ସକୁ ଭେଟିବ। ଏହି ନିର୍ଣ୍ଣାୟକ ତଥା ଗୁରୁତ୍ୱପୂର୍ଣ୍ଣ ମ୍ୟାଚ୍‌ ପାଇଁ ଆମେ ରଣନୀତି ପ୍ରସ୍ତୁତ କରିଛୁ ବୋଲି ଭାରତୀୟ ଅଧିନାୟକ ମନପ୍ରୀତ୍‌ ସିଂ କହିଛନ୍ତି। 

ଦ୍ୱିତୀୟ କ୍ୱାର୍ଟର ଫାଇନାଲ: ଫ୍ରାନ୍ସ ବିପକ୍ଷରେ ଅଷ୍ଟ୍ରେଲିଆ ଫେଭରାଇଟ୍‌

ଦ୍ୱିତୀୟ କ୍ୱାର୍ଟର ଫାଇନାଲ: ଫ୍ରାନ୍ସ ବିପକ୍ଷରେ ଅଷ୍ଟ୍ରେଲିଆ ଫେଭରାଇଟ୍‌

ଭୁବନେଶ୍ୱର, ୧୨।୧୨(ସ୍ପୋଟର୍‌ସ ବ୍ୟୁରୋ)- ବୁଧବାର ଖେଳାଯିବାକୁଥିବା ହକି ବିଶ୍ୱକପ୍‌ ଦ୍ୱିତୀୟ କ୍ୱାର୍ଟର ଫାଇନାଲ ମ୍ୟାଚ୍‌ରେ ଗତଥରର ଚାମ୍ପିୟନ ଅଷ୍ଟ୍ରେଲିଆ ଓ ଟୁର୍ନାମେଣ୍ଟର ସବୁଠାରୁ ନିମ୍ନ ର଼୍ୟାଙ୍କର ଦଳ ଫ୍ରାନ୍ସକୁ ଭେଟିବ।

ହକି ବିଶ୍ୱକପ୍‌: ଆର୍ଜେଣ୍ଟିନା- ଇଂଲଣ୍ଡ କ୍ୱାର୍ଟର ଫାଇନାଲ ଆଜି

ହକି ବିଶ୍ୱକପ୍‌: ଆର୍ଜେଣ୍ଟିନା- ଇଂଲଣ୍ଡ କ୍ୱାର୍ଟର ଫାଇନାଲ ଆଜି

ଭୁବନେଶ୍ୱର, ୧୨।୧୨(ସ୍ପୋଟର୍‌ସ ବ୍ୟୁରୋ)- ଚଳିତ ହକି ବିଶ୍ୱକପ ୧୪ତମ ସଂସ୍କରଣ ଏବେ କ୍ୱାର୍ଟର ଫାଇନାଲ ପର୍ଯ୍ୟାୟରେ ପହଞ୍ଚଛି। ବୁଧବାର ବିଶ୍ୱକପ୍‌ର ପ୍ରଥମ ଦୁଇଟି କ୍ୱାର୍ଟର ଫାଇନାଲ ମ୍ୟାଚ୍‌ ଖେଳାଯିବ। 

ହକି ବିଶ୍ୱକପ କ୍ବାର୍ଟର ଫାଇନାଲ:  ଭାରତର ପ୍ରତିଦ୍ୱନ୍ଦ୍ୱୀ ନେଦରଲାଣ୍ଡ୍ସ

ହକି ବିଶ୍ୱକପ କ୍ବାର୍ଟର ଫାଇନାଲ: ଭାରତର ପ୍ରତିଦ୍ୱନ୍ଦ୍ୱୀ ନେଦରଲାଣ୍ଡ୍ସ

ଭୁବନେଶ୍ୱର, ୧୧।୧୨(କ୍ରୀଡ଼ା ପ୍ରତିନିଧି)-
କଳିଙ୍ଗ ଷ୍ଟାଡିୟମରେ ଚାଲିଥିବା ହକି ବିଶ୍ୱକପର କ୍ବାର୍ଟର ଫାଇନାଲରେ ଭାରତ ଓ ନେଦରଲାଣ୍ଡ୍ସ ମଧ୍ୟରେ ମୁକାବିଲା ହେବ। ପୁଲ୍‌ ‘ସି’ର ଶୀର୍ଷ ଦଳଭାବେ ଭାରତ ସିଧାସଳଖ କ୍ବାର୍ଟର ଫାଇନାଲରେ ପ୍ରବେଶ କରିଥିବାବେଳେ ମଙ୍ଗଳବାର ଅନୁଷ୍ଠିତ ଅନ୍ତିମ କ୍ରସ୍‌ ଓଭର ମ୍ୟାଚରେ ନେଦରଲାଣ୍ଡ୍ସ ୫-୦ ଗୋଲରେ କାନାଡ଼ାକୁ ହରାଇ କ୍ବାର୍ଟର ଫାଇନାଲରେ ପ୍ରବେଶ କରିଛି। ଫଳରେ କାନାଡ଼ାର ଅଭିଯାନ ଶେଷ ହୋଇଛି। କ୍ରସ୍‌ ଓଭର ମ୍ୟାଚ ଶେଷ ହେବାପରେ ପ୍ରତିଯୋଗିତାର କ୍ବାର୍ଟର ଫାଇନାଲ ଲାଇନ୍‌ଅପ୍‌ ହୋଇ ଯାଇଛି। ଡିସେମ୍ବର ୧୨ରେ ଆର୍ଜେଣ୍ଟିନା-ଇଂଲଣ୍ଡ ପ୍ରଥମ, ଅଷ୍ଟ୍ରେଲିଆ-ଫ୍ରାନ୍ସ ଦ୍ୱିତୀୟ ଏବଂ ଡିସେମ୍ବର ୧୩ରେ ଭାରତ-ନେଦରଲାଣ୍ଡ୍ସ ତୃତୀୟ ଓ ଜର୍ମାନୀ-ବେଲଜିୟମ ମଧ୍ୟରେ ୪ର୍ଥ କ୍ବାର୍ଟର ଫାଇନାଲ ଅନୁଷ୍ଠିତ ହେବ।