ଫୁରସତ |

ସ୍ତ୍ରୀଙ୍କ ହାତ ତିଆରି କଞ୍ଚା ଇଲିଶି ଝାଲ୍‌ ଭଲ ଲାଗେ: ବିଜୟ ନାୟକ(ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଦେଶକ)

ସ୍ତ୍ରୀଙ୍କ ହାତ ତିଆରି କଞ୍ଚା ଇଲିଶି ଝାଲ୍‌ ଭଲ ଲାଗେ: ବିଜୟ ନାୟକ(ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଦେଶକ)
ବିଜୟ ନାୟକ। ଭଦ୍ରକ ଜିଲା ତିହିଡ଼ି ବ୍ଲକ୍‌ ଅନ୍ତର୍ଗତ ହଳଧରବିନ୍ଧା ଗ୍ରାମରେ ଜନ୍ମିତ ବିଜୟ ବର୍ତ୍ତମାନ ରାଜ୍ୟ ସରକାରଙ୍କ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଦେଶକ ଭାବେ କାର୍ଯ୍ୟରତ। ଭଦ୍ରକରେ ସ୍ନାତକ ଶେଷ କରିବା ପରେ ଉତ୍କଳ ବିଶ୍ୱବିଦ୍ୟାଳୟରେ ପିଜି ଓ ଏମ୍‌ଫିଲ୍‌ କରିଥିଲେ। ଯାଜପୁରର ସାଧୁ ଗୌଡ଼େଶ୍ୱର ମହାବିଦ୍ୟାଳୟରେ ପ୍ରଥମେ ରାଜନୀତି ବିଜ୍ଞାନରେ ଅଧ୍ୟାପନା ଆରମ୍ଭ କରିଥିଲେ। ଏହା ପରେ ବିଭିନ୍ନ ମହାବିଦ୍ୟାଳୟରେ କାର୍ଯ୍ୟ କରିବା ପରେ ୧୯୮୮ରେ ଓଏଏସ୍‌ ପାଇ ଆସିଷ୍ଟାଣ୍ଟ ସେଟଲମେଣ୍ଟ ଅଫିସର ଭାବେ ନିଯୁକ୍ତି ପାଇଥିଲେ। ପରେ ପରେ ବିଭିନ୍ନ ବିଭାଗର ପଦ ପଦବୀରେ ରହି କାର୍ଯ୍ୟ କରିଥିବା ଏହି ପ୍ରଶାସନିକ ଅଧିକାରଙ୍କ କିଛି ବ୍ୟକ୍ତିଗତ କଥା ସ୍ଥାନ ପାଇଛି ଏଥରର ‘ନିଜକଥା’ ସ୍ତମ୍ଭରେ। ପ୍ରଥମ ଦରମା କେଉଁଥିରେ ଖର୍ଚ୍ଚ କରିଥିଲେ ? ମୋ ବୋଉକୁ କିଛି ଟଙ୍କା ଦେଇଥିଲି। ଆଉ ବାକି ଟଙ୍କା ମୋ ନିଜ ପାଇଁ ଖର୍ଚ୍ଚ କରିଛି। ଆପଣଙ୍କ ଆଦର୍ଶ କିଏ ? ମହାତ୍ମା ଗାନ୍ଧୀ ହେଉଛନ୍ତି ମୋର ଆଦର୍ଶ। ଗାନ୍ଧୀଙ୍କ ଆଦର୍ଶକୁ ଯଦିଓ ମୁଁ ସମ୍ପୂର୍ଣ୍ଣ ଭାବେ ଅନୁସରଣ କରପାରୁନି ତଥାପି କରିବା ପାଇଁ ବହୁତ ଚେଷ୍ଟା କରୁଛି। କିଛି ସ୍ମୃତିର ଘଟଣା? ଯେଉଁଦିନ ମୁଁ ସରକାରୀ କଲେଜରେ ଅଧ୍ୟାପକ ଭାବେ ନିଯୁକ୍ତି ପାଇଲି, ତାହା ମୋ ପାଇଁ ଖୁସିର ଦିନ ଥିଲା। କିନ୍ତୁ ମୋର ଜଣେ ମାମୁଙ୍କ ଦେହାନ୍ତ ମୋ ଜୀବନର ସବୁଠାରୁ ଦୁଃଖଦ ଦିନ ଥିଲା। ତାଙ୍କ ଦେହାନ୍ତ ମୋ ପାଇଁ ଗ୍ରହଣୀୟ ହୋଇପାରୁ ନ ଥିଲା। ଯଦିଓ ସେ ମୋର ମାମୁ, କିନ୍ତୁ ସେ ମୋର ସାଙ୍ଗ ଭଳି ଥିଲେ। କାରଣ ସେ ମୋଠାରୁ ମାତ୍ର ୪ବର୍ଷ ବଡ଼। ସବୁପ୍ରକାର କଥା ମୁଁ ତାଙ୍କ ପାଖରେ ବାଣ୍ଟିଥାଏ। ସାହିତ୍ୟ ପ୍ରତି ଆପଣଙ୍କ ରୁଚି ରହିଛି। କାହା ପ୍ରେରଣାରେ ଲେଖିବା ଆରମ୍ଭ କରିଥିଲେ ? ଛାତ୍ର ଜୀବନରୁ ମୁଁ ଲେଖିବା ଆରମ୍ଭ କରିଥିଲି। ବହୁତ ପଢ଼ାପଢ଼ି କରୁଥିଲି। ବିଭିନ୍ନ ସାହିତ୍ୟ ପତ୍ରିକା ପଢ଼ି ଲେଖିବା ପ୍ରତି ଆଗ୍ରହ ସୃଷ୍ଟି ହୋଇଥିଲା। ପଢ଼ିବା ସମୟରେ ହିଁ ଶିକ୍ଷାନୁଷ୍ଠାନର ସ୍ମରଣିକା ବ୍ୟତୀତ ଅନ୍ୟାନ୍ୟ ମାଗାଜିନ୍‌ରେ ଲେଖା ପ୍ରକାଶ ପାଇଛି। କେଉଁ ସାହିତି୍ୟକଙ୍କ ଲେଖା ଆପଣଙ୍କୁ ଭଲ ଲାଗେ ? ସଚ୍ଚି ରାଉତରାୟଙ୍କ କବିତା ମୋତେ ଚମତ୍କାର ଲାଗେ। ତାଙ୍କ କବିତା ବହୁତ ଶକ୍ତିଶାଳୀ ଥାଏ। କବିତାରେ ନୂତନ ପ୍ରୟୋଗ କରିବାରେ ସେ ଅତୁଳନୀୟ। ତାଙ୍କର ‘ପ୍ରତିମା ନାୟକ’ କବିତା ମୋତେ ବହୁତ ଭଲ ଲାଗିଥିଲା। ସେହି କବିତାରେ ଜଣେ ସାଧାରଣ ନାରୀକୁ ନେଇ ସେ ଲେଖିଥିଲେ। ତାଙ୍କର ଶବ୍ଦ ପ୍ରୟୋଗ ଚମତ୍କାର ଥିଲା। ଗୀତ ଶୁଣନ୍ତି ? ହଁ, ଶୁଣିବାକୁ ଭଲଲାଗେ। ଗାଇବାକୁ ଚେଷ୍ଟା କରେ। କିନ୍ତୁ ଗାଇପାରେନି। ପୁରୁଣା ଗୀତ ମୋତେ ଶୁଣିବାକୁ ଭଲଲାଗେ। ସେତେବେଳର ଗୀତରେ ଶବ୍ଦ ସଂଯୋଜନା ଚମତ୍କାର ଥିଲା ଏବଂ ସ୍ବର ଓ ଶବ୍ଦ ଉଭୟର ସମନ୍ବୟ ରହୁଥିଲା। କେଉଁ କଣ୍ଠଶିଳ୍ପୀ ଆପଣଙ୍କ ପ୍ରିୟ ? ଅକ୍ଷୟ ମହାନ୍ତିଙ୍କ ରୋମାଣ୍ଟିକ୍‌ ଓ ହୃଦୟ ବିଦାରକ ଗୀତ ମୋତେ ବହୁତ ଭଲଲାଗେ। ଜଣାଣ ଓ ଭଜନରେ ଭିକାରୀ ବଳ ହେଉଛନ୍ତି ମୋର ପ୍ରିୟ। ଫିଲ୍ମ ଦେଖନ୍ତି? ହଁ, ଦେଖେ। ଛାତ୍ରାବସ୍ଥାରେ ରବିବାର ହେଲେ ପୁରୁଣା ଫିଲ୍ମ ଦେଖିବା ପାଇଁ ହଲ୍‌କୁ ମାଟିନ୍‌ ଶୋ’ ଦେଖିବାକୁ ଯାଉଥିଲି। କେଉଁଭଳି ଫିଲ୍ମ ଦେଖିବାକୁ ପସନ୍ଦ କରନ୍ତି? କଳାତ୍ମକ ଚଳଚ୍ଚିତ୍ର ଦେଖିବାକୁ ପସନ୍ଦ କରେ। ଅଭିନେତ୍ରୀ ସ୍ମିତା ପାଟିଲ ଓ ଅଭିନେତା ଓମ୍‌ ପୁରୀ ମୋର ପ୍ରିୟ। ସମୟ ମିଳିଲେ କ’ଣ କରିବାକୁ ପସନ୍ଦ କରନ୍ତି? ସମୟ ମିଳିଲେ ପଢ଼ାପଢ଼ି ଓ ଲେଖାଲେଖିରେ ସମୟ ବିତାଏ। ଯଦି ଇଚ୍ଛା ନ ହୁଏ, ତେବେ ଶୋଇକି ଭାବେ। ଟିଭି ଦେଖିନ୍ତି ? ହଁ, ଦେଖେ। ନ୍ୟୁଜ ଦେଖିବାକୁ ଭଲପାଏ। ଏହାଛଡ଼ା ଖୋଜି ଖୋଜି ଭଲ ଫିଲ୍ମ ଦେଖେ। ସ୍ତ୍ରୀଙ୍କ ହାତ ତିଆରି କେଉଁ ରୋଷେଇ ଭଲ ଲାଗେ ? ସବୁ ପ୍ରକାର ରୋଷେଇ ସେ ଭଲ କରନ୍ତି। ତେବେ ତାଙ୍କ ହାତ ରନ୍ଧା କଞ୍ଚା ଇଲିଶି ମାଛର ଝାଲ୍‌ ମୋତେ ବହୁତ ଭଲଲାଗେ। ରାଜନୀତିକୁ କିପରି ଦେଖନ୍ତି? ରାଜନୀତି ପ୍ରତି ମୋର ସକାରାତ୍ମକ ଦୃଷ୍ଟିଭଙ୍ଗୀ। ରାଜନୈତିକ ଲୋକ ଖରାପ ବୋଲି ମୁଁ ଭାବେନି। ଯଦିଓ ବର୍ତ୍ତମାନ ପ୍ରଶାସନିକ କ୍ଷେତ୍ରରେ କାର୍ଯ୍ୟ କରୁଛି କିନ୍ତୁ ଛାତ୍ରାବସ୍ଥାରେ ସବୁ ଶିକ୍ଷାନୁଷ୍ଠାନରେ ମୁଁ ଛାତ୍ରନେତା ଥିଲି। କେଉଁଭଳି ପୋଷାକ ପିନ୍ଧିବାକୁ ପସନ୍ଦ କରନ୍ତି ? ଛାତ୍ର ଜୀବନରେ ମୁଁ ଧଳା ପ୍ୟାଣ୍ଟ ଓ ଧଳା ଶାର୍ଟ ପିନ୍ଧେ। କିିନ୍ତୁ ବର୍ତ୍ତମାନ ମୁଁ ସାଧାରଣ ପୋଷାକ ପିନ୍ଧିବାକୁ ଭଲପାଏ। - ସାକ୍ଷାତ୍‌: ଅସମାପିକା ସାହୁ
All Right Reserved By

ଫୁରସତ |

୨୫ ବର୍ଷ ଧରି ମାଟି ଖାଉଥିବା ବ୍ୟକ୍ତି

୨୫ ବର୍ଷ ଧରି ମାଟି ଖାଉଥିବା ବ୍ୟକ୍ତି

ନୂଆଦିଲୀ : ବେଳେବେଳେ ଛୋଟପିଲାମାନେ ମାଟି ଖାଇବାକୁ ଭଲ ପାଉଥିବା ନଜରକୁ ଆସେ। କୁହାଯାଏ ମାଟି ସେମାନଙ୍କୁ ମିଠା ଲାଗେ। ତେଣୁ ସେମାନେ ମାଟି ଖାଇଥାନ୍ତି। 

ଯେଉଁ ମନ୍ଦିରରେ ହୁଏ ମୁଣ୍ଡ ନଥିବା ମୂର୍ତ୍ତି ପୂଜା

ଯେଉଁ ମନ୍ଦିରରେ ହୁଏ ମୁଣ୍ଡ ନଥିବା ମୂର୍ତ୍ତି ପୂଜା

ମୁଣ୍ଡ ନଥିବା ମୂର୍ତ୍ତିଙ୍କୁ ପୂଜା କରାଯାଏ ନାହିଁ ବୋଲି ଆମେ ଜାଣିଛେ। ମାତ୍ର ଉତ୍ତରପ୍ରଦେଶରେ ଏମିତି ଏକ ମନ୍ଦିର ରହିଛି ଯେଉଁଠି ମୁଣ୍ଡ ନଥିବା ମୂର୍ତ୍ତିଗୁଡ଼ିକୁ ପୂଜା କରାଯାଉଛି। ଏହି ମନ୍ଦିର ଲକ୍ଷ୍ନୌଠାରୁ ୧୭୦ କିଲୋମିଟର ଦୂର ପ୍ରତାପଗଡ଼ରେ ଅବସ୍ଥିତ।

ଯେଉଁଠି ପିଲା ଜନ୍ମକଲେ ଦେବାକୁ ପଡୁଥିଲା ଜରିମାନା

ଯେଉଁଠି ପିଲା ଜନ୍ମକଲେ ଦେବାକୁ ପଡୁଥିଲା ଜରିମାନା

ଜନସଂଖ୍ୟା ବୃଦ୍ଧିକୁ ରୋକିବା ପାଇଁ ବେଳେ ବେଳେ କେତେକ ଦେଶ କିଛି ନିୟମ ପ୍ରଚଳନ କରିଥାଆନ୍ତି। ଯେମିତି ଆମେ ଦୁଇ ଆମର ଏକ। ଏହି ନିୟମ ଚାଇନାରେ ବେଶ୍‌ ପ୍ରଚଳିତ ହୋଇଥିଲା। 

ଦିବ୍ୟାଙ୍ଗଙ୍କ ପେଶା ଭିକ୍ଷାବୃତ୍ତି: ମାସିକ ଆୟ ୩୦ ହଜାର ଘରେ ଅଛନ୍ତି ୩ ସ୍ତ୍ରୀ

ଦିବ୍ୟାଙ୍ଗଙ୍କ ପେଶା ଭିକ୍ଷାବୃତ୍ତି: ମାସିକ ଆୟ ୩୦ ହଜାର ଘରେ ଅଛନ୍ତି ୩ ସ୍ତ୍ରୀ

ପରିବର୍ତ୍ତିତ ସମୟ ସହିତ ଲୋକଙ୍କ ରୁଚି ତଥା ପେଶା ବଦଳିବାରେ ଲାଗିଛି। ଏବେ ଅନେକ ଭିକ୍ଷାବୃତ୍ତିକୁ ନିଜର ପେଶାଭାବେ ଗ୍ରହଣ କରିବାକୁ ପସନ୍ଦ କରୁଛନ୍ତି। 

ଯୌବନରେ ପ୍ରେମରୁ ଜାତହୁଏ ଏଭଳି ସ୍ବଭାବ...

ଯୌବନରେ ପ୍ରେମରୁ ଜାତହୁଏ ଏଭଳି ସ୍ବଭାବ...

ମଣିଷର ଚାରିଟି ଅବସ୍ଥା ଶୈଶବ, କୈଶୋର, ଯୌବନ ଓ ବାର୍ଦ୍ଧକ୍ୟ ମଧ୍ୟରୁ ଯୌବନାବସ୍ଥାକୁ ବହୁ ଦୃଷ୍ଟିରୁ ମହତ୍ୱପୂର୍ଣ୍ଣ ବୋଲି ଧରାଯାଏ। ଏହି ସମୟରେ ମଣିଷର ଶାରୀରିକ ଓ ମାନସିକସ୍ତରରେ ଆସିଥାଏ ସର୍ବାଧିକ ପରିବର୍ତ୍ତନ।

ଯେଉଁ ରେଷ୍ଟୁରାଣ୍ଟରେ ଖାଦ୍ୟ ପରସନ୍ତି ବିକିନି ଗର୍ଲ

ଯେଉଁ ରେଷ୍ଟୁରାଣ୍ଟରେ ଖାଦ୍ୟ ପରସନ୍ତି ବିକିନି ଗର୍ଲ

ଚାଇନାର ସେଙ୍ଗଡଙ୍ଗ ସହରରେ ରହିଛି ଏକ ନିଆରା ରେଷ୍ଟୁରାଣ୍ଟ। ଏଠାରେ ନିଜର ବିଜନେସ୍‌ ବଢ଼ାଇବା ପାଇଁ ଜଣେ ମାଲିକ ନିଜ ରେଷ୍ଟୁରାଣ୍ଟରେ ବିକିନି ଗର୍ଲଙ୍କୁ ଓ୍ବେଟର ଭାବେ ନିଯୁକ୍ତି ଦେଇଛନ୍ତି।

ଯେଉଁଠି ପ୍ରସବ ପୂର୍ବରୁ ତଡ଼ିଦିଆଯାଏ ଗର୍ଭବତୀଙ୍କୁ

ଯେଉଁଠି ପ୍ରସବ ପୂର୍ବରୁ ତଡ଼ିଦିଆଯାଏ ଗର୍ଭବତୀଙ୍କୁ

ଆଫ୍ରିକାର ଏମିତି କେତେକ ସମ୍ପ୍ରଦାୟରେ ଅଜବ ନିୟମ ରହିଛି ଯାହା ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ। କିନ୍ତୁ ଏହି ନିୟମକୁ ସେଠାକାର ଲୋକେ ଦୀର୍ଘଦିନରୁ ପାଳନ କରିଆସୁଛନ୍ତି। ଦକ୍ଷିଣ ଘାନାସ୍ଥିତ ମାଫିଦୋବେ ଗାଁରେ ଏମିତି ଅଜବ ନିୟମ ରହିଛି। 

ବାସ୍କେଟ ଆକୃତିର ଅଫିସ୍‌

ବାସ୍କେଟ ଆକୃତିର ଅଫିସ୍‌

ପୃଥିବୀରେ ରହିଛି ଏପରି ଅନେକ ସ୍ଥାପତ୍ୟ ଯାହାର ନିର୍ମାଣଶୈଳୀ ଦେଖିବାକୁ ଖୁବ୍‌ ଅଜବ। ଆକାର, ଆକୃତିରେ ଭିନ୍ନତା ହେତୁ ଏହି ସ୍ଥାପତ୍ୟଗୁଡିକ ସ୍ବତନ୍ତ୍ରତା ବଜାୟ ରଖେ। 

ଉଲ୍‌ କାରିଗରି

ଉଲ୍‌ କାରିଗରି

ଦିନେ ଏକ ଉଲ୍‌ର କଣ୍ଢେଇ ଦେଖି ସେମିତି କଣ୍ଢେଇ ତିଆରି କରିବାକୁ ଭାବିଥିଲେ। ଆଉ ତିନି ବର୍ଷ ପୂର୍ବେ ଆରମ୍ଭ କରିଥିଲେ ଉଲ୍‌ର କଣ୍ଢେଇ ତିଆରି କରିବା। 

ଦୋଷ ନ ଥାଇ ଜେଲ ଗଲେ ୧୦୪ ବର୍ଷର ବୃଦ୍ଧା

ଦୋଷ ନ ଥାଇ ଜେଲ ଗଲେ ୧୦୪ ବର୍ଷର ବୃଦ୍ଧା

ମଣିଷ କିଛି ଅପରାଧ କଲେ ପୋଲିସ ଜେଲର ବନ୍ଦ କୋଠରିରେ ପୂରାଇ ଦେଇଥାଏ। କିନ୍ତୁ ଜଣେ ୧୦୪ ବର୍ଷୀୟା ବୃଦ୍ଧାଙ୍କୁ ପୋଲିସ ବିନା ଅପରାଧରେ ଗିରଫ କରିଛି। 

ଖୁସିରେ ରହିବାକୁ ଚାହୁଁଛନ୍ତି ତ ଆପଣାନ୍ତୁ ୩ ଉପାୟ

ଖୁସିରେ ରହିବାକୁ ଚାହୁଁଛନ୍ତି ତ ଆପଣାନ୍ତୁ ୩ ଉପାୟ

ଆପଣ ସର୍ବଦା ଦୁଃଖକଷ୍ଟରେ ଜୀବନ କାଟୁଛନ୍ତି। ମାନସିକ ଦୁଶ୍ଚିନ୍ତା ଭିତରେ ଗତି କରୁଛନ୍ତି ଯଦି ବାବା ଭୈରବନାଥଙ୍କୁ ଆରାଧନା କରନ୍ତୁ। ଦେଖିବେ ସମସ୍ତ ଦୁଃଖକ୍ଳେଶ ଦୂର ହୋଇଯିବ।

ଫାଷ୍ଟ ଇମ୍ପ୍ରେସନ୍‌

ଫାଷ୍ଟ ଇମ୍ପ୍ରେସନ୍‌

ସାଧାରଣତଃ ଆପଣ ଯେତେବେଳେ କାହା ସହ ପ୍ରଥମ ଥର କଥା ହେବାକୁ ଯାଉଛନ୍ତି ତେବେ କିପରି କଥାହେବେ, ନିଜର ସ୍ବଭାବ,  ଆଚାର ବ୍ୟବହାର  କେମିତି ରହିଲେ ତାହା ଅନ୍ୟଙ୍କୁ  ପ୍ରଭାବିତ କରିବ ଜାଣନ୍ତୁ ସେ ସମ୍ପର୍କରେ  ଟିପ୍ସ...


Model This Week

ରଶ୍ମି
Why Dharitri