ସମ୍ପାଦକୀୟ |

ଆମ ଡାକ ସେବା

ଆମ ଡାକ ସେବା

ଡ. ସନ୍ତୋଷ କୁମାର କମିଳାଅକ୍ଚୋବର ୯ ତାରିଖକୁ ସାରା ପୃଥିବୀରେ ବିଶ୍ୱ ଡାକ ଦିବସ ଭାବେ ପାଳନ କରାଯାଏ । ବିଶ୍ୱର ୧୫୦ରୁ ଅଧିକ ଦେଶ ଏହା ପାଳନ କରନ୍ତି। ସାରା ବିଶ୍ୱର ଡାକ ସେବାରେ ସମନ୍ବୟ ରକ୍ଷା, ପ୍ରତି ଦେଶର ବିଭିନ୍ନ ଡାକ ସେବାକାରୀ ସଂସ୍ଥା ମଧ୍ୟରେ ଯୋଗସୂତ୍ର ସ୍ଥାପନ ଓ ଡାକ ସେବାର କାର୍ଯ୍ୟଶୈଳୀରେ ନୂତନତା ଆଣିବା ଏହି ବିଶ୍ୱ ଡାକ ସଂଘର ମୁଖ୍ୟ କାର୍ଯ୍ୟ। ଭାରତରେ ଅକ୍ଟୋବର ୯ରୁ ୧୪ ତାରିଖ ପର୍ଯ୍ୟନ୍ତ ଜାତୀୟ ଡାକ ସପ୍ତାହ ପାଳନ କରାଯାଏ। ପ୍ରଥମ ଦିନଟି ବିଶ୍ୱ ଡାକ ଦିବସ ଏବଂ ଅନ୍ୟ ଦିନଗୁଡ଼ିକୁ ଯଥାକ୍ରମେ ବ୍ୟାଙ୍କ ଦିବସ, ଡାକ ଜୀବନ ବୀମା ଦିବସ, ଫିଲାଟେଲି ଦିବସ, ଡାକ ବ୍ୟବସାୟ ବିକାଶ ଦିବସ ଏବଂ ଚିଠିପତ୍ର ଦିବସ ହିସାବରେ ପାଳନ କରାଯାଏ। ଚିଠି ପତ୍ର, ମନି ଅର୍ଡ଼ର, ପାର୍ସଲ ଇତ୍ୟାଦି ସେବାରେ ବିବିଧ ପରିବର୍ତ୍ତନ ଦେଖାଦେଇଛି। ତେଣୁ ଡାକସେବାର ଆବଶ୍ୟକତା ବଦଳି ଯାଇଛ। ଯୁଗର ଆବଶ୍ୟକତାକୁ ଚାହିଁ ଡାକଘରେ କମ୍ପୁଟରୀକରଣ କରାଯିବା ସାଙ୍ଗକୁ ଇଣ୍ଟରନେଟ୍‌ ମାଧ୍ୟମରେ ଏଗୁଡିକୁ ଯୋଡ଼ାଯାଇଛି। ସାଧାରଣ ଲୋକଙ୍କ ସୁବିଧା ପାଇଁ ଇ-ପୋଷ୍ଟ, ଇ-ପେମେଣ୍ଟ, ଇ-ମନିଅର୍ଡର, Western-Union Money Transfer, ଇଣ୍ଟରନ୍ୟାଶନାଲ Money Transfer ଇତ୍ୟାଦି ନୂତନ କମ୍ପୁଟର ଓ ଇଣ୍ଟରନେଟଭିତ୍ତିକ ସେବା ଡାକଘର ଯୋଗାଇ ଦେଉଛି। ନିଜର କମ୍ପୁଟର ନ ଥାଇ ମଧ୍ୟ ଆପଣ ଡାକଘରେ ଏ୪ ସାଇଜର କାଗଜରେ ଲେଖାଥିବା ଚିଠି, ଚିତ୍ର କିମ୍ବା ମ୍ୟାପ ଇତ୍ୟାଦି ୧୦ ଟଙ୍କାରେ ସ୍କାନ କରି ପ୍ରାପକ ପାଖକୁ ସଙ୍ଗେ ସଙ୍ଗେ ଇ-ପୋଷ୍ଟ ସେବା ମାଧ୍ୟମରେ ପଠାଇ ପାରିବେ। ଆଗକାଳର ମନିଅର୍ଡର ସ୍ଥାନ ନେଇଛି ଇଲେକ୍ଟ୍ରୋନିକ ମନିଅର୍ଡର। ତା’ ପରଦିନ ପ୍ରାପକ ଟଙ୍କା ପାଇପାରୁଛନ୍ତି। e-MO, Registered Letter, Speed Post ଇତ୍ୟାଦି ପଠାଇବା ପରେ ସେସବୁର ଗତିପଥ, ବିତରଣର ତାରିଖ www.indiapost.gov.in web-siteକୁ ଯାଇ ଟ୍ରାକ୍‌ ଏବଂ ଟ୍ରେସ୍‌ କରାଯାଇପାରୁଛି। ସମସ୍ତ ଡାକ ଉପଭୋକ୍ତା ଏସବୁ ପଠାଇବା ବେଳେ ପ୍ରାପକ ଓ ନିଜର ମୋବାଇଲ ନମ୍ବର ଲେଖିବା ଉଚିତ, ଯାହାଦ୍ୱାରା ଚିଠି ଆଦି ବିତରଣ ସହଜ ହେବ। ତା’ ସାଙ୍ଗକୁ ଇ-ଏମ୍‌ଓ ଆଦି ବିତରଣ ବେଳକୁ ଗ୍ରାହକଙ୍କ ମୋବାଇଲ ନମ୍ବରକୁ SMS ଆସିଯିବ। ଆଜିକାଲି ପୋଷ୍ଟମ୍ୟାନମାନଙ୍କୁ ମୋବାଇଲ ଆପ୍‌ ଯୋଗାଇ ଦିଆଯାଇଛି। ପ୍ରାପକ ତହିଁରେ ଦସ୍ତଖତ କଲାପରେ ପଠାଇବା ଲୋକକୁ ବିତରଣ ଖବର ସଙ୍ଗେ ସଙ୍ଗେ ଚାଲିଯାଉଛି। ଡାକଘର ଏକାଧାରରେ ବ୍ୟାଙ୍କ ଓ ଇନ୍ସୁରାନ୍ସ କମ୍ପାନୀ ହିସାବରେ କାମ କରେ। ଡାକଘରରେ ସେଭିଙ୍ଗସ ବ୍ୟାଙ୍କ, RD, ମାସିକ ଆୟ ଯୋଜନା, ବରିଷ୍ଠ ନାଗରିକ ଜମା ଯୋଜନା, ପବ୍ଲିକ ପ୍ରୋଭିଡେଣ୍ଟ ଫଣ୍ଡ ଏବଂ ସୁକନ୍ୟା ସମୃଦ୍ଧି ଯୋଜନା ଇତ୍ୟାଦି ଆକାଉଣ୍ଟ ଖୋଲାଯାଇପାରୁଛି। ପୋଷ୍ଟ ଅଫିସ ATM ବା ଅନ୍ୟ ATMରୁ ଡାକଘର ଖାତାରୁ ଟଙ୍କା ଉଠାଣ ହୋଇପାରୁଛି। ୧୦ ବର୍ଷ ବୟସ ପର୍ଯ୍ୟନ୍ତ ସମସ୍ତ ଝିଅମାନଙ୍କୁ ସୁକନ୍ୟା ସମୃଦ୍ଧି ଯୋଜନାରେ ଅନ୍ତର୍ଭୁକ୍ତ କରିବାକୁ ଆମେ ଚେଷ୍ଟା କରୁଛୁ। ସବୁ ଡାକଘରେ ଏହି ସୁବିଧା ଉପଲବ୍ଧ। ସେହିପରି ବର୍ଷକୁ ମାତ୍ର ୧୨ ଟଙ୍କା ପ୍ରିମିୟମ ଦେଇ ଦୁଇ ଲକ୍ଷ ଟଙ୍କାର ପ୍ରଧାନମନ୍ତ୍ରୀ ସୁରକ୍ଷା ବୀମା ଯୋଜନା ପୋଷ୍ଟ ଅଫିସ ସେଭିଙ୍ଗସ ବ୍ୟାଙ୍କ ମାଧ୍ୟମରେ କାର୍ଯ୍ୟକାରୀ କରାଯାଉଛି। ଖାସ୍‌ କରି ଓଡ଼ିଶାର ପ୍ରତ୍ୟେକ ପୋଷ୍ଟମ୍ୟାନ ଓ GDS ଡାକ ବିତରଣକାରୀମାନେ ଆପଣମାନଙ୍କୁ ତାଙ୍କର ବିଟ୍‌ରେ ଡେଲିଭରି ବେଳେ ଡାକ ଟିକଟ, ଲଫାପା, ପୋଷ୍ଟକାର୍ଡ ବିକ୍ରି କରୁଛନ୍ତି ଓ ଆପଣ ଚାହିଁଲେ Registered Letter, Speed Post ଓ ଅନ୍ୟାନ୍ୟ ସାଧାରଣ ଚିଠିକୁ ସେମାନେ ଆପଣଙ୍କ ଗୃହ, କାର୍ଯ୍ୟାଳୟ ବା ଦୋକାନରୁ ନେଇଯାଇ ପୋଷ୍ଟଅଫିସରେ ବୁକିଙ୍ଗ କରି ତା’ର ରସିଦ ପରଦିନ ଆପଣଙ୍କୁ ପ୍ରଦାନ କରିବାର ସୁବିଧା ଦିଆଯାଉଛି। ବିଦ୍ୟୁତ୍‌ ବିଲ୍‌ ପୋଷ୍ଟଅଫିସ ମାଧ୍ୟମରେ ପଇଠ କରିବା ପାଇଁ ସୁବିଧା କରାଯାଇଛି। ବର୍ତ୍ତମାନ ରାଉରକେଲା, ସମ୍ବଲପୁର ଓ କୋରାପୁଟ ମୁଖ୍ୟ ଡାକଘରେ ପୋଷ୍ଟଅଫିସ ପାସପୋର୍ଟ ସେବା ଯୋଗାଇ ଦିଆଯାଉଛି, ଯାହାଦ୍ୱାରା ସେହି ଜିଲା ଓ ନିକଟସ୍ଥ ଅଞ୍ଚଳର ଉପଭୋକ୍ତାମାନଙ୍କୁ ପାସପୋର୍ଟ ପାଇଁ ଆଉ ଭୁବନେଶ୍ୱର ପାସପୋର୍ଟ ଅଫିସ ଯିବାକୁ ପଡୁନାହିଁ। ଆଗାମୀ ଦିନରେ ଏଭଳି ଅଧିକରୁ ଅଧିକ ପାସପୋର୍ଟ କେନ୍ଦ୍ର ଖୋଲା ଯିବାର ଯୋଜନା ଅଛି। ସେହିପରି ନୂତନ ଆଧାର କାର୍ଡ କରିବା ପାଇଁ ଓ ଆଧାର କାର୍ଡରେ ତ୍ରୁଟି ସଂଶୋଧନ କରିବା ପାଇଁ କେନ୍ଦ୍ରମାନ ଡାକଘରେ ଖୋଲାଯିବାର ବ୍ୟବସ୍ଥା କରାଯାଇଛି। ଡାକ ଜୀବନ ବୀମା ଓ ଗ୍ରାମୀଣ ଡାକ ଜୀବନ ବୀମା ଡାକ ବିଭାଗର ଏକ ବିଶେଷ ଆକର୍ଷଣ। ସବୁଠାରୁ ପୁରୁଣା ଜୀବନବୀମା ସେବା ହିସାବରେ ଏହା ୧୮୮୪ ମସିହାରୁ ପ୍ରଚଳିତ। ମୁଖ୍ୟ ମହାଡାକପାଳ, Email: cpmg_ori@indiapost.gov.in

All Right Reserved By
Karnatak Exit Poll

Model This Week

ସଂଗୀତ

ସମ୍ପାଦକୀୟ |

ବିକ୍ରି ପାଇଁ ନୁହଁ

ବିକ୍ରି ପାଇଁ ନୁହଁ

ସପ୍ତାହବ୍ୟାପୀ ଚାଲିଥିବା କର୍ନାଟକ କ୍ଷମତା ଅକ୍ତିଆର ନାଟକ ମେ ୧୯ରେ ଶେଷ ହୋଇଛି। କେହି ଆଶା କରୁ ନ ଥିଲେ ଯେ ଭାଜପା ଆବଶ୍ୟକ ବିଧାୟକ କିଣିବାରେ ଅସଫଳ ହେବ। ଶେଷରେ କେବଳ ଦୁଇ ଦିନ ମୁଖ୍ୟମନ୍ତ୍ରୀ ରହିବା ପରେ ଭାଜପା ନେତା ବି.ଏସ୍‌. ୟେଦୁରପ୍ପା ବିଧାନସଭାରେ ଶକ୍ତି ପ୍ରଦର୍ଶନ ପୂର୍ବରୁ ଇସ୍ତଫା ଦେଇଛନ୍ତି। ସମ୍ଭବତଃ ସାଧାରଣ ନାଗରିକଙ୍କ ପାଇଁ ଏହା ଏକ ବଡ଼ ବାର୍ତ୍ତା ଦେଇଛି।

ପ୍ରାକୃତିକ ସମ୍ପଦ ଓ ସୌନ୍ଦର୍ଯ୍ୟର ଗନ୍ତାଘର

ପ୍ରାକୃତିକ ସମ୍ପଦ ଓ ସୌନ୍ଦର୍ଯ୍ୟର ଗନ୍ତାଘର

ଅରୁଣ କୁମାର ପଣ୍ଡା/ ୧୯୬୪ ମସିହାରେ କେନ୍ଦୁଝର ସାହିତ୍ୟ ସଂସଦର ବାର୍ଷିକୋତ୍ସବରେ ଅତିଥି ଭାବେ ଯୋଗଦେବାକୁ ଆସିଥାନ୍ତି ଓଡ଼ିଶାର ଦୁଇଜଣ ମୂର୍ଦ୍ଧନ୍ୟ ବ୍ୟକ୍ତିତ୍ୱ, ବୋଧହୁଏ ସେପ୍ଟେମ୍ବର ମାସରେ। ଜଣେ ହେଲେ ଓଡ଼ିଆ ସାହିତ୍ୟର ଆଗ ଧାଡ଼ିର ଗାଳ୍ପିକ, ସ୍ବର୍ଗତ ରାଜକିଶୋର ରାୟ। ଆମ ଛାତ୍ରମାନଙ୍କ ମଧ୍ୟରେ ସେ ପ୍ରିୟ ଥିଲେ ତାଙ୍କର ଗଳ୍ପ ‘ଦଶହରା ଭେଟି’ ପାଇଁ। ତାଙ୍କ ସହିତ ଆସିଥିଲେ ପ୍ରଖ୍ୟାତ ବ୍ୟଙ୍ଗ ସାହିତି୍ୟକ ‘ନିଆଁଖୁଣ୍ଟା’ର ସମ୍ପାଦକ ସ୍ବର୍ଗତ ଗୋଦାବରୀଶ ମହାପାତ୍ର।

ଅପ୍ରିୟ ସତ୍ୟ

ଅପ୍ରିୟ ସତ୍ୟ

ଦ୍ୱିତୀ ଚନ୍ଦ୍ର ସାହୁ / ଡାକ୍ତର ଆସିଲେ ଘରକୁ ଚିକିତ୍ସା କରିବାକୁ। ଶଯ୍ୟାଶାୟୀ ବୁଢୀ ମାଆ। ସ୍ନାୟବିକ ରୋଗରେ ସେ ଦୀର୍ଘଦିନ ଧରି ପୀଡିତା। ହାତଗୋଡ ଅଚଳ। ଏକପ୍ରକାର ବୁହା ହୋଇଯାଆନ୍ତି ପାଇଖାନା କିମ୍ବା ପରିସ୍ରା ଲାଗି। ଅନ୍ୟ ହାତରେ ପିଲାଟି ଭଳି ଖାଇବାକୁ ପଡେ। ଖାଇଲାବେଳେ ଢୋକିବାରେ ବି ସମସ୍ୟା। ଏଣେ ପ୍ରବଳ ଦାନ୍ତବ୍ୟଥା। ବୋହୁଥିବା ଲାଳ ତକିଆକୁ ଭିଜେଇ ଦେଉଛି।

ଏଇ ଭାରତରେ

ଏଇ ଭାରତରେ

ସମସ୍ତେ ଜାଣନ୍ତି ମନ୍ଦିରର ପୂଜକ ଅତ୍ୟନ୍ତ ନିଷ୍ଠାପର। ଭକ୍ତ ଭଗବାନଙ୍କୁ ଦର୍ଶନ ପାଇଁ ଆସି ପୂଜକ ଜରିଆରେ ମାନସିକ ପୂରଣ କରିଥାଏ। କୁହାଯାଏ ପୂଜକର ନିଷ୍ଠା ହିଁ ଯଜମାନର ମଙ୍ଗଳ କରିଥାଏ। କିନ୍ତୁ ନିକଟରେ କେତେକ ମନ୍ଦିରରେ ପୂଜକଙ୍କ ଭ୍ରଷ୍ଟାଚାର ପଦାକୁ ଆସିଛି। ପୂଜକଙ୍କ ଦ୍ୱାରା ମନ୍ଦିର ପରିସରରୁ ଚୋରି, ବଳାତ୍କାର ଆଦି ଘଟଣା ଦେବସ୍ଥାନର ପବିତ୍ରତାକୁ ନଷ୍ଟ କରିଛି।

 ଦଳବଦଳ ନିରୋଧୀ ଆଇନ

ଦଳବଦଳ ନିରୋଧୀ ଆଇନ

ଆକାର ପଟେଲ ୧୯୮୫ ମସିହାରେ କଂଗ୍ରେସ ୪୦୦ରୁ ଅଧିକ ଆସନ ଜିତି ବିପୁଳ ବିଜୟ ହାସଲ କରିବା ପରେ ରାଜୀବ ଗାନ୍ଧୀ ପାର୍ଲାମେଣ୍ଟରେ ଦଳବଦଳ ନିରୋଧୀ ଆଇନ ପାସ କରାଇଲେ। ଏହି ଆଇନ ଅନୁସାରେ: ଯଦି କୌଣସି ବିଧାୟକ ଦଳର ନେତୃତ୍ୱକୁ ଅବମାନନା କରି ଭୋଟ ଦିଅନ୍ତି, ତେବେ ତାଙ୍କୁ ଦଳତ୍ୟାଗୀ ବୋଲି ଧରାଯିବ ଏବଂ ସେ ଅଯୋଗ୍ୟ ବିବେଚିତ ହେବେ। ଏହାର ଅର୍ଥ ହେଲା, ଯଦି ଦଳ ଥରେ ହ୍ବିପ୍‌ ଜାରି କରେ, ତେବେ ଜଣେ ବିଧାୟକ ଆଉ ନିଜ ଇଚ୍ଛାରେ କାହାକୁ ଭୋଟ ଦେଇପାରିବେ ନାହିଁ। ଦଳ ଯାହାକୁ କହିବ, ସେ ତାକୁ ହିଁ ଭୋଟ ଦେବାକୁ ବାଧ୍ୟ। ଏପରି କି ଯଦି ବିଧାୟକ ଜଣକ ଅନୁପସ୍ଥିତ ରହି ଭୋଟ ନ ଦିଅନ୍ତି, ତେବେ ବି ତାଙ୍କୁ ...

ଉଚ୍ଚ ମଣିଷର ପରିଚୟ

ଉଚ୍ଚ ମଣିଷର ପରିଚୟ

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ ନିତିଦିନ ସମାଜରେ ଘଟୁଥିବା ନାନା ଅନ୍ୟାୟ, ଅନାଚାର ଓ ଅନୀତିର କାହାଣୀ କାନରେ ପଡି ପଡି ଆମ ଜୀବନ ତା’ର ମଧୁମୟ ସ୍ବାଦ ହରାଇଲାଣି। ବଞ୍ଚିବାକୁ ମନ ଲୋଡୁଥିବା ସଂସାରଟିଏ ମିଳୁ ନ ଥିବାରୁ ଜୀବନ ଆସ୍ତେ ଆସ୍ତେ ବୋଝ ହୋଇ ଉଠିଲାଣି। ଘରେ, ବାହାରେ, ଚାରିଆଡେ ଖାଲି ସ୍ବାର୍ଥସର୍ବସ୍ବ ଜୀବନର କୋଳାହଳ ଶୁଣି ଶୁଣି ‘ମଣିଷ ଦେହେ ଦିବ୍ୟଜ୍ଞାନ’ ଭଳି ଭାଗବତର ସେଇ ଅମୃତବାଣୀ ଉପରୁ ଭରସା ତୁଟିଗଲାଣି। ଏମନ୍ତ ସମୟରେ କାଁ ଭାଁ ଯେତେବେଳେ ଭଲ କଥାଟିଏ କାନରେ ପଡୁଛି ବା କାହାର ଭଲ କାମଟିଏ ଆଖିକୁ ଆସୁଛି, ସେତେବେଳେ ଏକ ମୁଗ୍ଧ ଅନୁଭବରେ ବିଭୋର ହୋଇଉଠେ ହୃଦୟ। ଭଲ କଥାଟିର ନିମିତ୍ତ ହୋଇଥିବା ଲୋକଟିକୁ କୋଳେଇ ଧରିବାକୁ ମନରେ ଇଚ୍ଛା ଜାଗେ। ସକଳ ବିଘଟନ ସତ୍ତ୍ୱେ ଏ ପୃଥିବୀ ତଥାପି ...

 ଉତ୍ତମ ମୂର୍ତ୍ତିକାର

ଉତ୍ତମ ମୂର୍ତ୍ତିକାର

ବ୍ୟକ୍ତିତ୍ୱ/ଜିତେନ୍ଦ୍ର ଭାରତୀୟ କଳାକୁ ଦେଶ ବିଦେଶରେ ପ୍ରଚାର ଓ ପ୍ରସାର କରିବା ଦିଗରେ ଲଳିତ କଳା ଏକାଡେମୀ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଚାଲିଛି। ୧୯୫୪ରେ ପ୍ରତିଷ୍ଠିତ ଏହି କଳାନୁଷ୍ଠାନ କଳାକାରଙ୍କୁ ମେଧାବୃତ୍ତି ଓ ଫେଲୋଶିପ୍‌ ପ୍ରଦାନ କରିବା ସହ ବିଭିନ୍ନ ପ୍ରକାର ପ୍ରଦର୍ଶିନୀର ଆୟୋଜନ କରିଥାଏ। ସଂସ୍କୃତି ମନ୍ତ୍ରଣାଳୟ ଅଧୀନରେ କାର୍ଯ୍ୟ କରୁଥିବା ଏହି ସଂସ୍ଥାର ଅଧ୍ୟକ୍ଷ ପଦବୀ ମଣ୍ଡନ କରୁଥିବା ବ୍ୟକ୍ତି ଜଣେ ଉଚ୍ଚମାନର କଳାକାର ହୋଇଥାଆନ୍ତି। ବହୁଦିନ ଧରି ଖାଲି ରହିବା ପରେ ୨୦୧୮ ମେ ୧୭ରେ ଏକାଡେମୀର ଅଧ୍ୟକ୍ଷ ଭାବେ ବିଶିଷ୍ଟ ସ୍ଥପତି ଓ ମୂର୍ତ୍ତିକାର ଉତ୍ତମ ପଚର୍ନେଙ୍କୁ ନିଯୁକ୍ତ କରାଯାଇଛି। ଫଳରେ ଏବେ ତାଙ୍କ ବ୍ୟକ୍ତିତ୍ୱ ...

ଏଇ ଭାରତରେ

ଏଇ ଭାରତରେ

ଆପରାଧିକ ଇଚ୍ଛାଶକ୍ତିକୁ ପୂରଣ କରିବାକୁ କେତେକ ଲୋକ ଭିନ୍ନ ଭିନ୍ନ ଉପାୟ ଅବଲମ୍ବନ କରିଥାନ୍ତି। ଯେପରି ମହାରାଷ୍ଟ୍ର ନାଗପୁର ଜଲଗାଓଁ ଅଞ୍ଚଳର ଜଣେ ୩୦ବର୍ଷୀୟ ଯୁବକ ନିଜକୁ ଡାକ୍ତର ବୋଲି ପରିଚୟ ଦେଇ ରୋଗୀଙ୍କ ସମ୍ପର୍କୀୟ ମହିଳାଙ୍କୁ ଅସଦାଚରଣ କରି ଏବେ ପୋଲିସ ହାତରେ ଧରାପଡ଼ିଛନ୍ତି। ନାଗପୁରସ୍ଥିତ ସରକାରୀ ମେଡିକାଲ କଲେଜ ଆଣ୍ଡ ହସ୍ପିଟାଲରେ ପ୍ରକାଶ ଓ୍ବାଙ୍ଖଡେ ନାମକ ଜଣେ ଯୁବକ ହସ୍ପିଟାଲ୍‌କୁ ଆସୁଥିବା ରୋଗୀଙ୍କ ଉପରେ ନଜର ରଖୁଥିଲେ। ରୋଗୀଙ୍କ ଅବସ୍ଥା ଓ ସେମାନଙ୍କ ସମ୍ପର୍କୀୟଙ୍କ ବ୍ୟାକୁଳତା ଦେଖି ସେମାନଙ୍କୁ ସାହାଯ୍ୟ କରିବାକୁ ପ୍ରଥମେ ପ୍ରତିଶ୍ରୁତି ଦିଅନ୍ତି। ଏହାକୁ ବିଶ୍ୱାସ କରି ରୋଗୀଙ୍କ ମହିଳା ସମ୍ପର୍କୀୟମାନେ ଯେତେବେଳେ ଓ୍ବାଙ୍ଖଡେଙ୍କ ସହଯୋଗ ଲୋଡ଼ନ୍ତି ସେତେବେଳେ ସେ ତାଙ୍କ ସହିତ ଶାରୀରିକ ସମ୍ପର୍କ ସ୍ଥାପନ କରିବାକୁ ବାଧ୍ୟ କରନ୍ତି। ନିକଟରେ ଜଣେ କର୍କଟ ପୀଡ଼ିିତ ରୋଗୀଙ୍କୁ ସରକାରୀ ଯୋଜନାରେ ଚିକିତ୍ସା ସହାୟତା ଯୋଗାଇ ଦେବାକୁ ...

ଆଇଏଏସ୍‌ ବନାମ ଆଇପିଏସ୍‌

ଆଇଏଏସ୍‌ ବନାମ ଆଇପିଏସ୍‌

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ହରିୟାଣା ସରକାର ଅତିରିକ୍ତ ପୋଲିସ ମହାନିର୍ଦ୍ଦେଶକ (ମାନବାଧିକାର ଓ ଲିଟିଗେଶନ) ଓ.ପି. ସିଂଙ୍କୁ ଏକ ଗୁରୁତ୍ୱପୂର୍ଣ୍ଣ ପଦବୀରେ ନିଯୁକ୍ତି ଦେବାକୁ ଯାଉଛନ୍ତି। ବାବୁ ମହଲର ଅନୁମାନ ଅନୁସାରେ ଏହି ବରିଷ୍ଠ ପୋଲିସ ବାବୁଙ୍କୁ କୌଣସି ବିଭାଗରେ ସଚିବସ୍ତରୀୟ ପଦବୀରେ ନିଯୁକ୍ତି ଦିଆଯାଇପାରେ। ଯଦି ତାହା ହୁଏ, ତେବେ ହରିୟାଣା କ୍ୟାଡରର ୧୯୯୨ ବ୍ୟାଚ୍‌ର ଏହି ଆଇପିଏସ୍‌ ଅଫିସର ଜଣକ ରାଜ୍ୟ ସରକାରଙ୍କ କୌଣସି ବିଭାଗର ମୁଖ୍ୟ ହେବାରେ ହେବେ ଦ୍ୱିତୀୟ ପୋଲିସ ଅଫିସର। ଏ କ୍ଷେତ୍ରରେ ପ୍ରଥମ ପୋଲିସ...

ଏମିତି ବି ଗାଁ ଅଛି

ଏମିତି ବି ଗାଁ ଅଛି

ରଞ୍ଜନ କୁମାର ଦାସ ମହାତ୍ମା ଗାନ୍ଧୀ ଥରେ କହିଥିଲେ, ଭାରତର ଆତ୍ମା ଅଛି ଗାଁରେ। ମାଟିକୁ ନେଇ ଗଢା ହୁଏ ଗାଁ, ମାତ୍ର ବାଲି ସିମେଣ୍ଟ ଓ କଂକ୍ରିଟ୍‌ରେ ଗଢାହୁଏ ସହର। ଗାଁରେ କେବଳ ଆମତ୍ା ନ ଥାଏ, ଥାଏ ଆତ୍ମୀୟତା। ମାତ୍ର ବିଭିନ୍ନ କାରଣରୁ ଗାଁ ଲୋକେ ଏବେ ସହରମୁହାଁ- କିଏ ପିଲାଙ୍କ ପାଠପଢା ପାଇଁ, କିଏ ଚାକିରି ପାଇଁ ତ କିଏ ଉନ୍ନତ ସ୍ବାସ୍ଥ୍ୟସେବା, ଚାକଚକ୍ୟପୂର୍ଣ୍ଣ ଜୀବନ ପାଇଁ ସହରକୁ ବାଛୁଛନ୍ତି। ଗୁଜରାଟର ରାଜଧାନୀ ଗାନ୍ଧୀନଗରଠାରୁ ଅଶୀ କିଲୋମିଟର ଦୂରରେ ଅବସ୍ଥିତ ପନସାରି ନାମକ ଏକ ଛୋଟ ଗାଁ। ଭାରତର ...

ଆଶାବାଦର କବି ଉପେନ୍ଦ୍ର ଭଞ୍ଜ

ଆଶାବାଦର କବି ଉପେନ୍ଦ୍ର ଭଞ୍ଜ

ଡା. ଅଂଶୁମାନ କର ପଚସ୍ତରି ବର୍ଷ ହେଲା ବିଚ୍ଛନ୍ଦ ଚରଣ ପଟ୍ଟନାୟକଙ୍କ ଦ୍ୱାରା ପ୍ରତିଷ୍ଠିତ ‘କଳିଙ୍ଗ ଭାରତୀ’ ରୀତିଯୁଗର କାଳଜୟୀ କବି ଉପେନ୍ଦ୍ର ଭଞ୍ଜଙ୍କ ଅମର କାବ୍ୟକୃତିର ଚର୍ଚ୍ଚାକରି ଆସୁଛି। ଭଞ୍ଜଙ୍କ ସାରସ୍ବତ ବୈଶିଷ୍ଟ୍ୟକୁ ଜନସାଧାରଣରେ ଅବଗତ କରାଇବା ଏହାର ପ୍ରମୁଖ ଉଦ୍ଦେଶ୍ୟ ା ଏହି ପରିପ୍ରେକ୍ଷୀରେ ସବୁଠୁ ବଡ ପ୍ରଶ୍ନ ହେଲା- କାହିଁକି ଭଞ୍ଜ ? ଏହାର ତତ୍‌କ୍ଷଣାତ ଉତ୍ତର-‘ଭଞ୍ଜ ଆଶାବାଦର କବି ା’ ମଣିଷ ପାଇଁ ପରିସ୍ଥିତି ଯେତେବେଳେ ଅସହନୀୟ, ଆଶା ଓ ନିରାଶାର ବାଦଲ ଖେଳେ ଲୁଚକାଳି, ସେତେବେଳେ ଭଞ୍ଜ କହନ୍ତି-...

ଏଇ ଭାରତରେ

ଏଇ ଭାରତରେ

କୌଣସି କ୍ଷେତ୍ରରେ ଅସଫଳ ହେଲେ ଅନେକେ ନିଜ ଉପରୁ ନିୟନ୍ତ୍ରଣ ହରାଇ ବସନ୍ତି। ଏପରି କି କିଛି କିଛି ଅଘଟଣ ମଧ୍ୟ ଘଟାନ୍ତି। ବିଶେଷକରି କିଶୋର ବୟସରେ ପାଠପଢ଼ାରେ ଅକୃତକାର୍ଯ୍ୟ ହେଲେ ପିଲାମାନଙ୍କ ମଧ୍ୟରେ ଆତ୍ମହତ୍ୟାପ୍ରବଣତା ଦେଖିବାକୁ ମିଳିଥାଏ। ତେଣୁ ପାଠପଢ଼ାରେ ଅକୃତକାର୍ଯ୍ୟ ହେଲେ ପିଲାଙ୍କୁ ହତୋତ୍ସାହ ନ କରି ଭବିଷ୍ୟତରେ ସେମାନେ କିପରି ଭଲ ପ୍ରଦର୍ଶନ କରିପାରିବେ ସେ ନେଇ ଦିଗ୍‌ଦର୍ଶନ ଦେବା ଆବଶ୍ୟକ। ଆଉ ଏହାକୁ ବେଶ୍‌ ଭଲଭାବେ ହୃଦୟଙ୍ଗମ କରିପାରିଛନ୍ତି ମଧ୍ୟପ୍ରଦେଶ ସାଗର ଜିଲାରେ ରହୁଥିବା ଜଣେ ବ୍ୟକ୍ତି । ପେସାରେ ସିଭିଲ କଣ୍ଟ୍ରାକ୍ଟର ଭାବେ କାର୍ଯ୍ୟ କରୁଥିବା ସୁରେନ୍ଦ୍ର କୁମାର ବ୍ୟାସ ନାମକ ଜଣେ ବ୍ୟକ୍ତି ତାଙ୍କ ପୁଅ ନିକଟରେ ଦଶମ ଶ୍ରେଣୀ ପରୀକ୍ଷାରେ ଫେଲ୍‌ ହେବା ପରେ ଏକ ଅଭିନବ କାର୍ଯ୍ୟ କରିଛନ୍ତି। ପୁଅର ...