ସମ୍ପାଦକୀୟ |

ଆତଙ୍କବାଦର ସଂଜ୍ଞା

ଆତଙ୍କବାଦର ସଂଜ୍ଞା
ଆକାର ପଟେଲ କିଛିଦିନ ତଳେ ଆମେରିକାର ଲସ୍‌ ଭେଗସ୍‌ ସହରରେ ଜଣେ ଲୋକର ଅତର୍କିତ ଗୁଳିମାଡ଼ରେ ଏକ ସଂଗୀତ କାର୍ଯ୍ୟକ୍ରମ ଉପଭୋଗ କରୁଥିବା ବେଳେ ୫୮ ଜଣ ଲୋକଙ୍କର ମୃତ୍ୟୁ ଘଟିଲା। ଲୋକଟି ଲୋକଗହଳି ଉପରୁ ତା’ ମେଶିନ୍‌ଗନ୍‌ରୁ ପ୍ରାୟ ଏକ ଘଣ୍ଟାକାଳ ଗୁଳି ଚଳାଇଲା। ଏଥିରେ ୫୦୦ରୁ ଅଧିକ ଲୋକ ମଧ୍ୟ ଆହତ ହୋଇଛନ୍ତି। ପୋଲିସର କହିବା ଅନୁସାରେ ଏହା ଏକ ଆତଙ୍କବାଦୀ କାର୍ଯ୍ୟକଳାପ ନୁହେଁ, କାରଣ ଆତତାୟୀ ଜଣକ ଏକୁଟିଆ ଥିଲା ଏବଂ ସେ ଜଣେ ଖ୍ରୀଷ୍ଟିଆନ୍‌ ଥିଲା। ପୋଲିସର କହିବାର ଅର୍ଥ ହେଉଛି, ସେ ଯଦି ମୁସଲମାନ ହୋଇଥାନ୍ତା, ତେବେ ତାକୁ ଏହି ଦୃଷ୍ଟିରେ ବିଚାର କରାଯାଇ ନ ଥାନ୍ତା। ଲୋକଟି ବିଷୟରେ ଏବଂ ତା’ର ଉଦ୍ଦେଶ୍ୟ ବିଷୟରେ ବେଶି କିଛି ଜଣାଯାଇ ନାହିଁ, ଯେଉଁଥିପାଇଁ ଏହା ଆତଙ୍କବାଦ ନୁହେଁ ବୋଲି ପୋଲିସ ସିଦ୍ଧାନ୍ତରେ ପହଞ୍ଚିଗଲା। ତେଣୁ ଏ ଘଟଣାର ଅଧିକ ପରୀକ୍ଷାନିରୀକ୍ଷା ଆବଶ୍ୟକ। ତା’ ସହ ଆତଙ୍କବାଦକୁ ଆମେ କିପରି ବୁଝୁଛୁ, ତାହାର ବି ତର୍ଜମା ଆବଶ୍ୟକ। ମୋ ଦୃଷ୍ଟିରେ ଆତଙ୍କବାଦ ହେଉଛି କୌଣସି ରାଜନୈତିକ ଲକ୍ଷ୍ୟ ହାସଲ ପାଇଁ ସାଧାରଣ ନାଗରିକଙ୍କ ବିରୋଧରେ ବେଆଇନ ହିଂସାକାଣ୍ଡ ସୃଷ୍ଟିକରିବା ଏବଂ ଲୋକଙ୍କୁ ଆତଙ୍କିତ କରି ରଖିବା। ଯଦି ଆମେ ଏହି ସଂଜ୍ଞାକୁ ଗ୍ରହଣ କରିବା, ତେବେ ଅନେକ ହିଂସାକାଣ୍ଡକୁ ଆତଙ୍କବାଦ କୁହାଯାଇପାରିବ। ସମସ୍ତ ପ୍ରକାର ସାମ୍ପ୍ରଦାୟିକ ହିଂସା ଏହି ବର୍ଗରେ ଆସିବ, କାରଣ ଏହା ବେଆଇନ, ଲୋକଙ୍କୁ ଆତଙ୍କିତ କରିବା ଓ ସାଧାରଣ ନାଗରିକଙ୍କ ବିରୋଧରେ ଉଦ୍ଦିଷ୍ଟ ଏବଂ ଏହା ପଛରେ ରାଜନୈତିକ ଉଦ୍ଦେଶ୍ୟ ନିହିତ ଥାଏ। ତେବେ ଅଧିକାଂଶ ଲୋକ ସାମ୍ପ୍ରଦାୟିକ ହିଂସାକୁ ଆତଙ୍କବାଦ ବୋଲି ଭାବନ୍ତି ନାହିଁ। ମୁଜାଫରନଗରରେ ମୁସଲମାନଙ୍କ ବିରୋଧରେ ସଂଗଠିତ ହିଂସାକାଣ୍ଡକୁ ଏକ ଦଙ୍ଗା ବୋଲି କୁହାଯାଇଥିଲା। ବାବ୍ରି ମସ୍‌ଜିଦ ଭଙ୍ଗା ପରେ ବମ୍ବେରେ ମୁସଲମାନଙ୍କ ବିରୋଧରେ ସଂଘଟିତ ହିଂସାକାଣ୍ଡରେ ଶହ ଶହ ଲୋକ ମୃତ୍ୟୁବରଣ କରିଥିଲେ, ଯାହାକୁ ଦଙ୍ଗା କୁହାଯାଇଥିଲା। ଏହି ଘଟଣାର ପ୍ରତିଶୋଧ ନେବା ପାଇଁ ଯେଉଁ ବୋମା ଆକ୍ରମଣ ଘଟିଲା ତାହାକୁ ଆତଙ୍କବାଦ ବୋଲି କୁହାଗଲା। ୨୦୦୨ ମସିହାରେ ଅହମଦାବାଦର ନାରୋଦା ପଟିଆଠାରେ ଯେଉଁ ଗଣହତ୍ୟାରେ ୯୭ ଜଣ ମୁସଲମାନଙ୍କ ମୃତ୍ୟୁ ଘଟିଲା, ତାହାକୁ ଦଙ୍ଗା ବୋଲି କୁହାଯାଇଥିଲା। ସେହି ବର୍ଷ ଅହମଦାବାଦର ଅକ୍ଷରଧାମଠାରେ ୩୦ ଜଣ ହିନ୍ଦୁଙ୍କୁ ହତ୍ୟା କରାଗଲା, ଯାହାକୁ ଆତଙ୍କବାଦୀ ଆକ୍ରମଣ ବୋଲି କୁହାଗଲା। ଦ୍ୱିତୀୟ ସମସ୍ୟା ରହିଛି ‘ସାଧାରଣ ନାଗରିକଙ୍କୁ ଟାର୍ଗେଟ୍‌ କରିବା’ ବାକ୍ୟାଂଶକୁ ନେଇ। ଜମ୍ମୁ-କଶ୍ମୀରରେ ଯେତେସବୁ ଆକ୍ରମଣ ହୋଇଛି, ସେଥିମଧ୍ୟରୁ ଅଧିକାଂଶ ସଶସ୍ତ୍ର ବଳ ଉପରେ, ସାଧାରଣ ନାଗରିକଙ୍କ ଉପରେ ନୁହେଁ। ମାତ୍ର ଆମେ ତାକୁ ଆତଙ୍କବାଦୀ ଆକ୍ରମଣ ବୋଲି କହୁ। ଆମେରିକୀୟ ଆଇନରେ ଆତଙ୍କବାଦର ସଂଜ୍ଞା ନିର୍ଦ୍ଧାରଣ କରାଯାଇଛି: ସାମାଜିକ ବା ରାଜନୈତିକ ଲକ୍ଷ୍ୟ ହାସଲ ଉଦ୍ଦେଶ୍ୟରେ ଲୋକଙ୍କ ମଧ୍ୟରେ ଭୟ ଓ ଆତଙ୍କ ସୃଷ୍ଟି କରିବା ପାଇଁ ବ୍ୟକ୍ତି ବା ସମ୍ପତ୍ତି ଉପରେ ହିଂସାତ୍ମକ ଆକ୍ରମଣ କରିବା। ମୁଁ ପୂର୍ବରୁ କହିଛି ଯେ ଭେଗସ ଆକ୍ରମଣକାରୀ ବିଷୟରେ ବା ତା’ର ଉଦ୍ଦେଶ୍ୟ ବିଷୟରେ ବେଶି କିଛି ଜଣାନାହିଁ। ତେଣୁ ପୋଲିସ କିପରି ଜାଣିଲା ଯେ ଏହା ଏକ ଆତଙ୍କବାଦୀ ଆକ୍ରମଣ ନୁହେଁ? ଆତଙ୍କବାଦ ବିରୋଧରେ ଭାରତରେ ପୋଟା ଆଇନ ଅଛି ଯାହା ୨୦୦୨ ମସିହାରେ ବାଜପେୟୀଙ୍କ ଅମଳରେ ଗୃହୀତ ହୋଇଥିଲା। ଏଥିରେ ଆତଙ୍କବାଦର ସଂଜ୍ଞା ନିରୂପଣ କରାଯାଇଛି: ଯେ କେହି ଦେଶର ଅଖଣ୍ଡତା, ସୁରକ୍ଷା ବା ସାର୍ବଭୌମତ୍ୱ ଉପରେ ଆକ୍ରମଣ କରିବ ବା ଲୋକଙ୍କ ମଧ୍ୟରେ ଆତଙ୍କର ବାତାବରଣ ସୃଷ୍ଟି କରିବ, ଏଥିପାଇଁ ବୋମା ଆଦି ବିସ୍ଫୋରକ, ଗୁଳିଗୋଳା, ବିଷ, ଗ୍ୟାସ୍‌ ବା ଜୈବ ଓ ରାସାୟନିକ ଅସ୍ତ୍ର ବ୍ୟବହାର କରିବ ବା କାହାକୁ ମୁଣ୍ଡ ଜାମିନ ରଖିବ ତାକୁ ଆତଙ୍କବାଦୀ ବୋଲି କୁହାଯିବ। ପୁଣି ଯେଉଁ ବ୍ୟକ୍ତି (ଲଶ୍କର ପ୍ରଭୃତି) କୌଣସି ବେଆଇନ ସଂଗଠନର ସଦସ୍ୟ ହୋଇଥିବ, ଯିଏ ଲାଇସେନ୍ସବିହୀନ ଗଣବିଧ୍ୱଂସୀ ମାରଣାସ୍ତ୍ର ରଖିଥିବ ସେ ଆତଙ୍କବାଦୀ। ସେମାନେ ବେଆଇନ ଅସ୍ତ୍ରଶସ୍ତ୍ର ବ୍ୟବହାର କରି ଦେଶର ବା ଲୋକଙ୍କର ଧନଜୀବନ ନଷ୍ଟ କଲେ ତାହାକୁ ଆତଙ୍କବାଦୀ କାର୍ଯ୍ୟକଳାପ କୁହାଯିବ। ଏଥିରେ ଥିବା ଗୁରୁତ୍ୱପୂର୍ଣ୍ଣ ଶବ୍ଦଗୁଡ଼ିକ ହେଉଛି: ଏକତା, ଅଖଣ୍ଡତା, ସୁରକ୍ଷା ଓ ସାର୍ବଭୌମତ୍ୱ। କିନ୍ତୁ ଭାରତ ଖଣ୍ଡବିଖଣ୍ଡିତ ହେବାର ଆଶଙ୍କା ଅମୂଳକ। ତେବେ ଖଣିରେ ବ୍ୟବହାର କରାଯାଉଥିବା ବିସ୍ଫୋରକ ଡିନାମାଇଟ୍‌ କଥା ଏଠି କାହିଁକି ଉଲ୍ଲେଖ କରାଯାଇଛି, ଯାହାକୁ ଆତଙ୍କବାଦୀମାନେ ବ୍ୟବହାର କରନ୍ତି ନାହିଁ ଏବଂ ଆର୍‌ଡିଏକ୍ସ ଓ ସି୧୪ ପରି ଆଧୁନିକ ବିସ୍ଫୋରକର ନାମ ଲେଖାଯାଇ ନାହିଁ, ତାହା ଆମକୁ ଅଜଣା। ଅନେକ ଆଇନ ପରି ଏହି ଆଇନରେ ଅନେକ ତ୍ରୁଟି ରହିଛି। ଅନେକ ରାଜ୍ୟରେ ବି ଏପରି ତ୍ରୁଟିପୂର୍ଣ୍ଣ ଆଇନ ଅଛି। ଆପଣ କିଛି ଅପରାଧ କରି ନ ଥିଲେ ବି ତାମିଲନାଡ଼ୁରେ ଆପଣଙ୍କୁ ବିପଜ୍ଜନକ କାର୍ଯ୍ୟକଳାପ ନିରୋଧୀ ଆଇନରେ ବିନା ବିଚାରରେ ବର୍ଷାଧିକ କାଳ ଜେଲ୍‌ରେ ଠୁଙ୍କିଦିଆଯାଇପାରିବ। ଆପଣ କିଛି ଅପରାଧ କରିବାର ସମ୍ଭାବନା ଅଛି, ଏପରି ଆଶଙ୍କାରେ ପୋଲିସ ଆପଣଙ୍କୁ ଜେଲରେ ପୂରାଇଦେଇ ପାରିବ। ପୁଣି ଆତଙ୍କବାଦର ସଂଜ୍ଞାକୁ ଆସିବା- ଯେତେବେଳେ ଆମେ ଏପରି କାର୍ଯ୍ୟ କରୁ ତାହା ଆତଙ୍କବାଦ-ନିରୋଧୀ ଏବଂ ଯେତେବେଳେ ସେମାନେ କରନ୍ତି ତାହା ଆତଙ୍କବାଦୀ କାର୍ଯ୍ୟକଳାପ। ସେହିପରି ଯେତେବେଳେ ଆମେ ଏପରି ହିଂସାକାଣ୍ଡ କରୁ ତାହା ଦଙ୍ଗା ଏବଂ ଯେତେବେଳେ ମୁସଲମାନମାନେ ଏହା କରନ୍ତି, ତାହା ଆତଙ୍କବାଦ। Email: aakar.patel@gmail.com
All Right Reserved By

ସମ୍ପାଦକୀୟ |

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ସାଧାରଣ ନିର୍ବାଚନ ଆଉ ଅଳ୍ପ କେଇମାସ ବାକି ରହିଲା। ନିର୍ବାଚନ ଆୟୋଗ ପକ୍ଷରୁ ଏ ନେଇ ଯଥାସମୟରେ ବିଜ୍ଞପ୍ତି ଜାରି ହେବ। ତେବେ ଏହି ନିର୍ବାଚନ ପୂର୍ବରୁ ସରକାର ଲେଖାନୁଦାନ ନା ପୂର୍ଣ୍ଣାଙ୍ଗ ବଜେଟ୍‌ ଉପସ୍ଥାପନ କରିବେ, ତାହା ଜଣାପଡ଼ି ନାହିଁ। ବଜେଟ୍‌ ପାଇଁ ଆଉ ମାତ୍ର ପ୍ରାୟ ଦୁଇ ସପ୍ତାହ ବାକି ଥିବାବେଳେ ହଠାତ୍‌ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ଅସୁସ୍ଥ ହୋଇପଡ଼ିବାରୁ ଏ ନେଇ ଅନିଶ୍ଚିତତା ଦେଖାଦେଇଛି। ଆମେ ଆଶା କରୁଛୁ ଓ ପ୍ରାର୍ଥନା କରୁଛୁ ଯେ, ଜେଟ୍‌ଲୀ ଖୁବ୍‌ଶୀଘ୍ର ସୁସ୍ଥ ହୋଇଉଠନ୍ତୁ ଓ ଫେବୃୟାରୀ..

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଡ. ରମେଶ ଚନ୍ଦ୍ର ପରିଡ଼ା

ବିଶ୍ୱ ସମ୍ମୁଖରେ ଏବେ ସବୁଠାରୁ ଜଟିଳ ସମସ୍ୟା ରୂପେ ମୁଣ୍ଡ ଟେକିଥିବା ଜାଗତିକ ଉଷ୍ମତା ବୃଦ୍ଧି ଏବଂ ସେଥିସହିତ ସମ୍ପୃକ୍ତ ଜଳବାୟୁ ପରିବର୍ତ୍ତନକୁ ପ୍ରତିହତ କରା ନ ଗଲେ ତାହା ଯେ ଅଚିରେ ଏକ ପ୍ରଚଣ୍ଡ ଧ୍ୱଂସକାରୀ ଶକ୍ତିରୂପେ ଉଭା ହେବ ଏ କଥା ସ୍ବୀକୃତ ହୋଇସାରିଲାଣି। ତେଣୁ ଏହାର ପଥ ନିର୍ଦ୍ଧାରଣ ଲାଗି ଜାତୀୟ ତଥା ଆନ୍ତର୍ଜାତିକ ସ୍ତରରେ ଚାଲିଛି ବ୍ୟାପକ ଆଲୋଚନା ପର୍ଯ୍ୟାଲୋଚନା ଏବଂ ସମ୍ପାଦିତ ହେବାରେ ଲାଗିଛି ନାନାଦି ଚୁକ୍ତି। ଏଗୁଡିକ ମଧ୍ୟରୁ ସବୁଠାରୁ ଗୁରୁତ୍ୱପୂର୍ଣ୍ଣ ହେଲା ‘ୟୁଏନ୍‌ ଫ୍ରେ..

ଆଧୁନିକ ବେଣ୍ଟ

ଆଧୁନିକ ବେଣ୍ଟ

ଦ୍ୱିତୀ ଚନ୍ଦ୍ର ସାହୁ

ଘର ସାମ୍ନା ଗେଟ୍‌ ଦେଇ ବଜାରକୁ ବାହାରିଲା ବେଳେ ନିକଟରେ ଥିବା କଲେଜକୁ ଯାଉଥିଲେ ପଞ୍ଝାଏ କଲେଜ ପଢୁଆ ପିଲା। ସମସ୍ତଙ୍କ ହାତରେ ମୋବାଇଲ। ମୋବାଇଲକୁ ଖେଳାଇ ଖେଳାଇ ଜଣେ କହିଲା ଆଜି ବେଣ୍ଟ (ଶିକାର) କରିବା। ପଛରୁ ଶୁଣି ଟିକେ ଚକିତ ହେଲି। ତା’ ପରେ ସେମାନଙ୍କ ବାର୍ତ୍ତାଳାପରୁ ଯାହା ଜାଣିଲି ସେମାନେ କଲେଜର ଏକ ନିର୍ଦ୍ଦିଷ୍ଟ ସ୍ଥାନରେ ଦଳଗତ ଭାବେ ଠିଆ ହେବେ। କଲେଜ ଭିତରକୁ ପ୍ରବେଶ କରୁଥିବା ଝିଅମାନଙ୍କୁ ଚାହିଁବେ। ସେମାନଙ୍କୁ ପରଖିବେ। ସେଥିରୁ ସୁନ୍ଦରୀ ଲଳନାଙ୍କୁ ବାଛିବେ..

ଏଇ ଭାରତରେ

ଏଇ ଭାରତରେ

ଯୌତୁକ ନିରୋଧୀ ଆଇନ ୧୯୬୧ର ଧାରା ୩ ଅନୁସାରେ ଯୌତୁକ ନେବା କିମ୍ବା ଦେବା ଉଭୟ ଅପରାଧ। ସମ୍ପ୍ରତି ସମାଜରେ ଯୌତୁକ ଦାବିରେ ବହୁ ଅପରାଧ ଘଟୁଛି।  ଏନେଇ ବହୁ ମାମଲା ମଧ୍ୟ ଅଦାଲତରେ ବିଚାରାଧୀନ ରହିଛି। ବିଶେଷକରି ଯୌତୁକ ଦାବି ବିରୋଧରେ ମହିଳାମାନେ ସ୍ବାମୀ ଓ ଶାଶୁଘର ଲୋକଙ୍କ ବିରୋଧରେ ମାମଲା ରୁଜୁ କରୁଥିବା ଦେଖିବାକୁ ମିଳେ। ଏବେ କିନ୍ତୁ ..

ପ୍ରାଣୀଙ୍କ ଲାଟରାଲିଟି

ପ୍ରାଣୀଙ୍କ ଲାଟରାଲିଟି

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଏ ପୃଥିବୀର ଅନ୍ୟ ସମସ୍ତ ପ୍ରାଣୀଙ୍କଠାରୁ ମଣିଷ ନିଜକୁ ଅଲଗା ଭାବେ। କିନ୍ତୁ ସମୟକ୍ରମେ ବୈଜ୍ଞାନିକମାନେ ପ୍ରମାଣ କଲେଣି ଯେ, ଯେଉଁସବୁ ବିଶେଷ ଗୁଣ ଓ ବୁଦ୍ଧିମତ୍ତାକୁ ନେଇ ମଣିଷ ନିଜକୁ ଶ୍ରେଷ୍ଠ ଭାବୁଛି, ସେସବୁ ଗୁଣ ପ୍ରାଣୀମାନଙ୍କଠାରେ ମଧ୍ୟ ଅଛି। ଉଦାହରଣସ୍ବରୂପ କୀଟପତଙ୍ଗ, ମାଛ, କୁଆ ଓ ବଣମଣିଷ ମଧ୍ୟ ବିଭିନ୍ନ ଉପକରଣର ଉପଯୋଗ କରନ୍ତି। ଏଥିମଧ୍ୟରୁ ଗୋଟି..

 ଉଚ୍ଚଶିକ୍ଷାରେ ପ୍ରତାରଣା

ଉଚ୍ଚଶିକ୍ଷାରେ ପ୍ରତାରଣା

ଡ. ସୁବାସ ଚନ୍ଦ୍ର ପାତ୍ର

ଜାତୀୟ ପରିପ୍ରେକ୍ଷୀରେ ଯାହାହେଉ ଆପାତତଃ ଓଡ଼ିଶାରେ ଉଚ୍ଚଶିକ୍ଷାର ସ୍ଥିତି ଦେଖିଲେ ଜଣାଯାଏ, ଏଠାରେ ଶୈକ୍ଷିକ ବ୍ୟବସ୍ଥାର ପରିବର୍ତ୍ତନ ଚିନ୍ତା କେବଳ ଉଚ୍ଚାକାଂକ୍ଷାକୈନ୍ଦ୍ରିକ। ଉଚ୍ଚଶିକ୍ଷାକୁ କିପରି ଜାତୀୟ ଅବା ଅନ୍ତର୍ଜାତୀୟ ସ୍ତରକୁ ନିଆଯାଇଛି ଏବଂ ସେହି କ୍ରମରେ ପ୍ରାରମ୍ଭିକ ପଦକ୍ଷେପ ହିସାବରେ ପାଠ୍ୟକ୍ରମର କିପରି ବୈପ୍ଳବିକ ପରିବର୍ତ୍ତନ କରାଯାଇଛି, ଜନସାଧାରଣଙ୍କ ମନରେ ବିଶ୍ୱାସ ଜନ୍ମେଇବା ପାଇଁ ସେ କଥାର ବହୁଳ ପ୍ରଚାର କରାଯାଏ। କିନ୍ତୁ ତା’ ପଛରେ ଲୁକ୍କାୟିତ ବିଫଳତାର କରୁଣ କାହାଣୀ ..

ଆଧୁନିକ ଶିକ୍ଷା ଓ ସମାଜ

ଆଧୁନିକ ଶିକ୍ଷା ଓ ସମାଜ

ଲଲାଟ କେଶରୀ ନାୟକ

ସ୍ବାମୀ ବିବେକାନନ୍ଦ ତାଙ୍କର ଶିକାଗୋ ଅଭିଭାଷଣରେ କହିଥିଲେ, କୋଟି କୋଟି ଅଦୃଶ୍ୟ ଶିଶିରବିନ୍ଦୁ ଯେମିତି ରାଶି ରାଶି ଗୋଲାପ କଢ଼ିକୁ ପ୍ରସ୍ଫୁଟିତ କରେ, ଠିକ୍‌ ସେହିଭଳି ଜଣେ ବ୍ୟକ୍ତିର ମାନସିକତା ଏକ ସୁସ୍ଥ ଏବଂ ବିକାଶଶୀଳ ରାଷ୍ଟ୍ର ଗଠନର ମୂଳମନ୍ତ୍ର ହୋଇଥାଏ। ଆଇନଶୃଙ୍ଖଳାରେ ଯେତେ ବି ପରିବର୍ତ୍ତନ ହେଉ ନା କାହିଁକି ବା ଶାସନ ଖସଡା ଯେତେ କଠୋର ହେଉ ନା କାହିଁକି, ଯଦି ବ୍ୟକ୍ତିର ମାନସିକତାରେ ପରିବର୍ତ୍ତନ ନ ହୋଇଛି ତେବେ ବିକାଶଶୀଳ ରାଷ୍ଟ୍ର ଗଠନ ଅସମ୍ଭବ। ..

ଏଇ ଭାରତରେ

ଏଇ ଭାରତରେ

ଭାଇ ଭଉଣୀ ମଧ୍ୟରେ ସାଧାରଣତଃ ସ୍ନେହ ମମତା ଅତୁଟ ଥାଏ। ଗୋଟିଏ ମା’ର ସନ୍ତାନ ହୋଇଥିବାରୁ ଦୁହିଁଙ୍କ ମନୋଭାବ ମଧ୍ୟ ପ୍ରାୟତଃ ଏକାପ୍ରକାର ହୋଇଥାଏ। କିନ୍ତୁ ଏକ ଘଟକ୍ରମରେ ଭାଇ ଭଉଣୀ ଗୋଟିଏ ଘରେ ଏକତ୍ର ମୃତ୍ୟୁବରଣ କରିବା ଘଟଣା ସ୍ଥାନୀୟ ଅଞ୍ଚଳ ଲୋକଙ୍କୁ ଚକିତ କରିଛି। ଏପରି ଏକ ଘଟଣା ଘଟିଛି ନାଗପୁରର ତାନ୍ତ୍ୟା ଟୋପେ ନଗର ଅଞ୍ଚଳରେ। ମୋହନ ଓଟଓ୍ବାନି ଏବଂ ..

ସମ୍ପାଦକୀୟ/ସେହି ପୁରୁଣା ଖେଳ

ସମ୍ପାଦକୀୟ/ସେହି ପୁରୁଣା ଖେଳ

ଗତ ଶତାବ୍ଦୀର ଷାଠିଏ-ସତୁରି ଦଶକରେ ଭାରତୀୟ ରାଜନୀତିରେ ‘ଆୟାରାମ ଗୟାରାମ’ ପରିସ୍ଥିତି ଦେଖାଦେଇଥିଲା। କୌଣସି ନିର୍ବାଚିତ ସରକାରକୁ ଗଡ଼ାଇବା ପାଇଁ ଘୋଡ଼ାବେପାର ପ୍ରମୁଖ ଅସ୍ତ୍ର ଭାବେ ବ୍ୟବହାର କରାଯାଉଥିଲା। ଧୀରେ ଧୀରେ ରାଜନୈତିକ ଦଳଗୁଡ଼ିକ ମଧ୍ୟରେ ସେହି ମାନସିକତା ଲୋପ ପାଇଆସୁଥିଲା। ଭାଜପା ଜାତୀୟ ଦଳ ହୋଇ ମଧ୍ୟ ଏହାକୁ ଏବେ ପୁନର୍ଜନ୍ମ ଦେବା ଭଳି ମନେହେଉଛି। ଏହାର ସଦ୍ୟ ଦୃଷ୍ଟାନ୍ତ କର୍ନାଟକରେ ଦେଖିବାକୁ ମିଳିଛି। ଏଚ୍‌.ଡି. କୁମାରସ୍ବାମୀଙ୍କ ନେତୃତ୍ୱାଧୀନ ୭ ମାସ ପୁରୁଣା ଧର୍ମନିରପେକ୍ଷ ଜନତା ଦଳ (ଜେଡିଏସ୍‌)-କଂଗ୍ରେସ ମେଣ୍ଟ ସରକାର ପ୍ରତି ବିପଦ ସୃଷ୍ଟି ହୋଇଛି। ୧୫ ଜାନୁୟାରୀ ୨୦୧୯ରେ ୨ ଜଣ ସ୍ବାଧୀନ ବିଧାୟକ ସରକାରରୁ ସମର୍ଥନ ପ୍ରତ୍ୟାହାର କରି ଭାଜପା ଆଡ଼କୁ ଢଳିଛନ୍ତି। ୨୨୪ ସଂଖ୍ୟା ବିଶିଷ୍ଟ କର୍ନାଟକ ..

 ବାର୍ଦ୍ଧକ୍ୟର ବିଭାବନା

ବାର୍ଦ୍ଧକ୍ୟର ବିଭାବନା

ଅରୁଣ କୁମାର ପଣ୍ଡା

ପରିବର୍ତ୍ତନ ହିଁ ସଂସାରର ଅପରିବର୍ତ୍ତନୀୟ ନିୟମ। ପ୍ରତ୍ୟେକ ଜୀବ ଏବଂ ବସ୍ତୁ ଧୀରେ ଧୀରେ ପୁରୁଣା ହୁଅନ୍ତି। ବୟସ ବଢ଼ିବା ସଙ୍ଗେ ସଙ୍ଗେ ମଣିଷ ଦେହରେ ଏହାର ଭିନ୍ନ ଭିନ୍ନ ଚିହ୍ନ ଦେଖାଯାଏ। ଜନ୍ମଠାରୁ ମୃତ୍ୟୁ ପର୍ଯ୍ୟନ୍ତ ଯେପରି ଆୟୁ ବୃଦ୍ଧି ହୁଏ ସେହି ଅନୁସାରେ ବାଲ୍ୟାବସ୍ଥା, ଯୁବାବସ୍ଥା, ବୃଦ୍ଧାବସ୍ଥା ଇତ୍ୟାଦିର ଲକ୍ଷଣ ପ୍ରକଟ ହୁଏ। ବୃଦ୍ଧାବସ୍ଥାରେ ଏପରି ଏକ ଦିନ ଆସେ ଯେତେବେଳେ ଶରୀର ଦୁର୍ବଳ, ଅଙ୍ଗ ଶିଥିଳ ଏବଂ ମନ ଉତ୍ସାହହୀନ ହୋଇଯାଏ ତଥା ମନୁଷ୍ୟ ଥୁଣ୍ଟା ବରଗଛ ପରି ପଡ଼ି ରହେ। ନିଜ ସମୟର ଖୁ..

ଭାରତୀୟ ଜନଜୀବନ ଓ ବିଳମ୍ବ

ଭାରତୀୟ ଜନଜୀବନ ଓ ବିଳମ୍ବ

ରୁଦ୍ର ପ୍ରସନ୍ନ ରଥ

ପିଲାଦିନେ ଗୁରୁଜନମାନେ ଆମକୁ ଉପଦେଶ ଦେଲାବେଳେ ସବୁବେଳେ କର୍ମଠ ଆଉ ସମୟାନୁବର୍ତ୍ତୀ ହେବାକୁ କହିଥାନ୍ତି। ବଡ଼ ହେଲା ପରେ ଅଫିସ୍‌ରେ ମଧ୍ୟ ଆମକୁ ଆମ ଅଫିସର ଠିକ୍‌ ସମୟରେ ଆସିବା ପାଇଁ ତାଗିଦ କରିଥାନ୍ତି। ମାତ୍ର ଏହି ସାମାନ୍ୟ ସମୟାନୁବର୍ତ୍ତିତା ଗୁଣର ଅଭାବ ଯୋଗୁ ଆମେ ଅନେକ ସମୟରେ ହଇରାଣରେ ପଡିଥାଉ। କେତେବେଳେ ଆମେ ଶ୍ରେଣୀ..

ଏଇ ଭାରତରେ

ଏଇ ଭାରତରେ

ଦୁନିଆରେ ଅନେକ ବିସ୍ମୟ ସୃଷ୍ଟିକାରୀ ବ୍ୟକ୍ତି ଅଛନ୍ତି। ସେମାନେ କିଛି ଅସାଧାରଣ କାର୍ଯ୍ୟ କରି ଅନ୍ୟମାନଙ୍କ ଦୃଷ୍ଟି ଆକର୍ଷଣ କରିବା ସହିତ ଉଦାହରଣ ପାଲଟିଯାଆନ୍ତି। ଏପରି ଜଣେ ବିରଳ ବ୍ୟକ୍ତିତ୍ୱର ଅଧିକାରୀ ହେଉଛନ୍ତି ମଧ୍ୟପ୍ରଦେଶର ମୈନା ଗଁାର କୈଳାସ। ସଭିଏଁ ତାଙ୍କୁ ବିଷପୁରୁଷ ବୋଲି ସମ୍ବୋଧନ କରିଥାଆନ୍ତି। କୈଳାସ ପ୍ରତିଦିନ ୧୦ଟି ଝିଟିପିଟି ଖାଆନ୍ତି। ଅନ୍ୟମାନଙ୍କ ପାଇଁ ଏହା ଏକ ଘୃଣାର ବିଷୟ ହୋଇପାରେ। କିନ୍ତୁ ସେ ଏଗୁଡିକୁ ଆନନ୍ଦରେ ଭକ୍ଷଣ କରିଥାଆନ୍ତି। ଏହା ତାଙ୍କର ଅଭ୍ୟାସରେ ପରିଣତ ହୋଇଗଲାଣି। ଘରେ ବାହାରେ ଯେଉଁଠି ହେଲେ ମଧ୍ୟ ଝିଟିପିଟି ଦେଖିଲେ ସେ ଏହାକୁ ଧରି ଅତି ଆନନ୍ଦରେ ଖାଇଥାଆନ୍ତି। ଗତ ୨୦ବର୍ଷ ଧରି ସେ ଏହି ଅଭ୍ୟାସ ଜାରି ରଖିଆସିଛନ୍ତି। ସେ ଇତିମଧ୍ୟରେ ୬୦ରୁ ଅଧିକ ପ୍ରଜାତିର ବିଷାକ୍ତ ପ୍ରାଣୀଙ୍କୁ ଖାଇ ସାରିଲେଣି। ଯେଉଁଦିନ ସେ କୌଣସି ବିଷାକ୍ତ ଜୀବ ନ ଖାଆନ୍ତି ତାଙ୍କ ମନରେ ଏକ ଅଦ୍ଭୁତ ଅନୁଭବ ସୃଷ୍ଟି ହୋଇଥାଏ ବୋଲି କୈଳାସ କହିଥାଆନ୍ତି। ଗଁାରେ କାହାକୁ ସାପ କାମୁଡ଼ିଲେ ଏଥିପାଇଁ ଚିନ୍ତା ନ ଥାଏ। କୈଳାସକୁ ତୁରନ୍ତ ଡକାଯାଏ। କାମୁଡା ଅଂଶରେ ସେ ପାଟି ଲଗାଇ ବିଷ ଶୋଷି ବାହାର କରିଥାଆନ୍ତି। ଏଥିପାଇଁ ଗଁା ଲୋକେ କୈଳାସଙ୍କ ଏପରି ଅଭ୍ୟାସକୁ ନିନ୍ଦା ନ କରି ବରଂ ପସନ୍ଦ କରିଥାଆନ୍ତି। ବାସ୍ତବରେ କୈଳାସ ବିରଳ ବ୍ୟକ୍ତିମାନଙ୍କ ମଧ୍ୟରୁ ଅନ୍ୟତମ।