ସମ୍ପାଦକୀୟ |

ଖଣ୍ଡିଏ ମାତ୍ର ପୋଷ୍ଟକାର୍ଡ

ଖଣ୍ଡିଏ ମାତ୍ର ପୋଷ୍ଟକାର୍ଡ
ଛନ୍ଦା ମିଶ୍ର କେଉଁଠି ସ୍ବଚ୍ଛ ପାନୀୟ ଜଳ ପାଇଁ ତ ପୁଣି କେଉଁଠି ଗାଁରେ ପକ୍କା ସଡ଼କର ବନ୍ଦୋବସ୍ତ କରିବା ନେଇ ଜନସାଧାରଣ ସରକାରୀ କଳ ନିକଟରେ ଅନଶନ କରନ୍ତି। ତାଙ୍କ ଅନଶନରେ କେବେ ସରକାର ନରମି ଯାଇ ଲୋକଙ୍କ ଦାବି ମୁତାବକ ପଦକ୍ଷେପ ନିଅନ୍ତି। ପୁଣି କେବେ ଲୋକଙ୍କୁ ବୋକା ବନାଇ ଫମ୍ପା ଆଶ୍ୱାସନା ଦେଇ ଅଭିଯୋଗଗୁଡିକୁ କିଛିଦିନ ଟାଳିଯାଆନ୍ତି। ହେଲେ ଏବେ ଘଟିଛି ଏକ ଆଚମ୍ବିତ କଥା। ଆମ୍ଭେ ଗ୍ୟାରେଣ୍ଟି ଦେଇ କହିବୁ ଯେ, ପାଠକେ ଆପଣେ, କାନ ଉଠିଲା ଦିନୁ ଏପରିକା ଦାବିଟିଏ ବିଷୟରେ ଶୁଣି ନ ଥିବେ। କଥା କ’ଣ କି, ଅଳ୍ପ କିଛିଦିନ ତଳେ ଆମ ପୋଲିସବାବୁଙ୍କ ନିଦ ଚାଏଁ କିନା ଭାଙ୍ଗିଗଲା। ସେ ସାଏଁ ସାଏଁ ସାଇରନ୍‌ ମାରି, ନିଜ ଦଳବଳ ସହ ଓଡିଶାର ବିଭିନ୍ନ ଜେଲରେ ଏକା ସମୟରେ କଲେ ଚଢ଼ାଉ। ଜେଲ୍‌ ଭିତରୁ ଖାନ୍‌ତଲାସି ବେଳେ ମଦ, ସିଗାରେଟ, ଗୁଟ୍‌ଖା, ଚିଲମ ଓ ନୋଟ୍‌ ବିଡା ଆଦି ହେଲା ବରାମଦ୍‌। ଜେଲ୍‌ରେ ଏସବୁ ମାଦକ ଦ୍ରବ୍ୟର ପ୍ରବେଶ ନିମନ୍ତେ କଟକଣା ଯଦିଓ ଆଗରୁ ଥିଲା, କିନ୍ତୁ ଜେଲ୍‌ କର୍ମଚାରୀଙ୍କର ପୁଣି ଦୟାମାୟା ବୋଲି କିଛି ଅଛି ନା ନାହିଁ। ଯେଉଁ ଲୋକ ଦିନେ ନିଶାପାଣି ନ ହେଲେ ଚଳିପାରିବନି, ଅସ୍ତବ୍ୟସ୍ତ ହେବ, ତାକୁ ତମାଖୁ ଟିକିଏ ବା ଛୋଟ ମଦ ବୋତଲଟିଏ ଧରାଇଦେଲେ ପାପ ହେବ ନା ପୁଣ୍ୟ? ହଁ ଏ କଥା ଭିନ୍ନ ଯେ, ସେହି କର୍ମଚାରୀମାନଙ୍କ ପକେଟ୍‌ ମଧ୍ୟ ଏହା ମାଧ୍ୟମରେ ଗରମ ହୋଇଥାଏ। ଏଇଟା ଏବେ କୋଉ ବଡ କଥା କି, ଦୀପ ତେଜିଲା ଲୋକର ହାତ ତେଲିଆ ହେବା ତ ଥୟ। ତେବେ ଗଣମାଧ୍ୟମ ଜବତ ସାମଗ୍ରୀଗୁଡିକୁ ବାରମ୍ବାର ଦେଖାଇବା ଫଳରେ ଜେଲ୍‌ବାଲାଏ ଭାବିଲେ, ନାଇଁ ଯାହା ହେଲା ହେଲା, ଏଥର ସୁରକ୍ଷା ବ୍ୟବସ୍ଥାକୁ କଡାକଡି କରିବାକୁ ପଡିବ। କେଉଁଠି ତଳିଆ କର୍ମଚାରୀଙ୍କୁ ହାତଗୁଞ୍ଜା ତ କେଉଁ ସମ୍ପର୍କୀୟଙ୍କୁ ନେହୁରା ହୋଇ ଯୋଗାଡ ହେଉଥିବା ମାଦବ ଦ୍ରବ୍ୟ ଉପରେ ଲଗାହେଲା କଟକଣା। ହେଲେ ନିଜର ପ୍ରିୟ ଅଭ୍ୟାସଟିକୁ ମଣିଷ ଛାଡି ରହିପାରିଲେ ତ! ତେଣୁ ଆରମ୍ଭ ହୋଇଗଲା ଅନଶନ। ସମ୍ବଲପୁର ମଣ୍ଡଳ କାରାଗାରରେ ତିନିଶହ କଏଦୀ, ତାଙ୍କୁ ନିଶାଦ୍ରବ୍ୟ ସେବନ ପାଇଁ ସୁଯୋଗ ଦିଆଯାଉ କହି ଆରମ୍ଭ କଲେ ହରତାଳ। ଏହି ଦାବିକୁ ଜୋରଦାର କରିବାକୁ ଯାଇ ସେମାନେ ରାତ୍ରିଭୋଜନ ଓ ସକାଳର ଜଳଖିଆ କଲେ ବର୍ଜନ। ଗାନ୍ଧୀ ଜୟନ୍ତୀ, ଅଗଷ୍ଟ ପନ୍ଦର ଓ ଜାନୁୟାରୀ ଛବିଶରେ ମଦଦୋକାନ ବନ୍ଦ ରହେ, କିନ୍ତୁ କ’ଣ ଦୋକାନ ବନ୍ଦ ହେବ ବୋଲି ଲୋକେ ମଦ ପିଇବେନି? ତେଣୁ ଶହେକୁ ପାଁଶହରେ ବିକି ଦୋକାନୀ ମାଲାମାଲ୍‌ ହେବାଟା ଥୟ। ଏଥିପାଇଁ ଗୋଟିଏ ପରିବାର ଦୁଇଦିନ ଉପାସ ରହିପାରେ, କେଉଁ ରଙ୍କୁଣୀର ଶେଷ ସନ୍ତକ ସୁନା କାନଫୁଲ ହଳକ ବନ୍ଧକ ରଖିବାକୁ ପଡିପାରେ କିମ୍ବା ରୋଗଣୀ ମା’ର ଔଷଧ ଟିକକ ନ ଆସିପାରେ। ମଦ, କେତେ ଯେ ସଂସାର ଉଜାଡି ଦେଲାଣି, ଆଗକୁ ଆହୁରି କେତେ ଯେ ଅମୂଲ୍ୟ ଜୀବନ ଏଥିରେ ସ୍ବାହା ହୋଇଯିବ ତା’ର କଳନା ନାହିଁ। ଏଥିପାଇଁ ପ୍ରତିଦିନ ଅନେକ ଅଭାବନୀୟ ଘଟଣା ଘଟିଚାଲିଛି। କିନ୍ତୁ ସରକାରଙ୍କର ରାଜସ୍ବ ଆଦାୟରେ ମତଲବ। ତେଣିକି କାହାର ସଂସାର ଭାସିଗଲେ ତାଙ୍କର ଯାଏ ଆସେ କେତେ! ଆମ ମୁଖ୍ୟମନ୍ତ୍ରୀ ୨୦୧୩ ଏପ୍ରିଲରେ ମଦମୁକ୍ତ ଗ୍ରାମ କଥା କହିଥିଲେ। ଏ ପର୍ଯ୍ୟନ୍ତ ଗୋଟିଏ ବି ଗ୍ରାମ ନିଶାମୁକ୍ତ ହୋଇପାରି ନାହିଁ। ବରଂ ଅବକାରୀ ରାଜସ୍ବ ବୃଦ୍ଧି ସୂଚାଇ ଦିଏ ଯେ, ରାଜ୍ୟରେ ଅଧିକରୁ ଅଧିକ ଲୋକେ ନିଶାସକ୍ତ ହୋଇପଡୁଛନ୍ତି। ୨୦୦୦ ମସିହା ବେଳକୁ ଅବକାରୀ ରାଜସ୍ବ ପରିମାଣ ଥିଲା ୧୩୫ କୋଟି ଟଙ୍କା। ୨୦୧୭-୧୮ରେ ସରକାର ୩୬୦୦ କୋଟି ଟଙ୍କାର ଅବକାରୀ ରାଜସ୍ବ ଆଦାୟ କରିବାର ଲକ୍ଷ୍ୟ ରଖିଛନ୍ତି। ସରକାରୀ ତଥ୍ୟ ଅନୁଯାୟୀ, ରାଜ୍ୟରେ ସମୁଦାୟ ୪୦୭୪ଟି ସ୍ବୀକୃତିପ୍ରାପ୍ତ ମଦଦୋକାନ ରହିଛି। ସୁପ୍ରିମକୋର୍ଟଙ୍କ ରାୟ ପରେ ରାଜପଥ ପାର୍ଶ୍ୱରେ ଥିବା ୧୨୪୦ଟି ମଦଦୋକାନ ବନ୍ଦ ହୋଇଥିଲା ଓ ୮୧୨ଟିକୁ ସ୍ଥାନାନ୍ତର କରାଯାଇଛି। ମାତ୍ର ରାଜସ୍ବ ଆଦାୟ ଗତବର୍ଷ ତୁଳନାରେ ୧.୫ପ୍ରତିଶତ ବଢିଛି। ଯେଉଁ ଓଡିଶା ନିଜକୁ ପଛୁଆ ରାଜ୍ୟ ବୋଲି କହିଆସୁଛି, ସେଠାରେ ବାର୍ଷିକ ୫୦ ହଜାର କୋଟିରୁ ୬୦ ହଜାର କୋଟି ଟଙ୍କା ଲୋକେ ନିଶାପାଣିରେ ଖର୍ଚ୍ଚ କରୁଛନ୍ତି। ବୁଦ୍ଧିଜୀବୀଙ୍କ ମତରେ ରାଜ୍ୟ ସରକାର, ରାଜସ୍ବ ଆଦାୟ ମୋହରେ ରାଜ୍ୟର ଦାରିଦ୍ର୍ୟ ଓ ଅନଗ୍ରସରତାକୁ ବଢାଇଦେଲେଣି ଏବଂ ମଦ ପାଇଁ ଅପରାଧ ବଢ଼ୁଛି। ଦୁର୍ଘଟଣା, ରୋଗବ୍ୟାଧି ବଢିବାରେ ମଦ ମଧ୍ୟ ଦାୟୀ। ଯେଉଁ ପରିବାରରେ ପୁରୁଷଟିଏ ମଦ୍ୟପାନ କରୁଛି ସେହି ପରିବାରର ଅନ୍ୟ ସଦସ୍ୟ ଅକଳ୍ପନୀୟ ମାନସିକ ଓ ଶାରୀରିକ ନିର୍ଯାତନା ଭୋଗ କରୁଛନ୍ତି। ସହିବାର ସବୁ ସୀମା ଟପିଗଲା ପରେ ସେମାନେ ଏବେ ଅଣ୍ଟାରେ କାନି ଗୁଡେଇ, ହାତରେ ବାଡି ଧରି ରାଜରାସ୍ତା ଉପରକୁ ଓହ୍ଲେଇଲେଣି। ଗାଁ ଗାଁରେ ମଦବିରୋଧୀ ଆନ୍ଦୋଳନ ମୁଣ୍ଡ ଟେକିଲାଣି। କେବଳ ସରକାରଙ୍କ ଉପରେ ଦୋଷ ଲଦିଦେଇ ଆମେ ଚୁପ୍‌ ବସିବା ନାହିଁ। ନିଶାକୁ ଘୃଣା କରୁଥିବା ପ୍ରତ୍ୟେକ ବ୍ୟକ୍ତିଙ୍କୁ ବିନମ୍ର ଅନୁରୋଧ ଖଣ୍ଡିଏ ମାତ୍ର ପୋଷ୍ଟକାର୍ଡ କିଣି ମୁଖ୍ୟମନ୍ତ୍ରୀଙ୍କୁ ଓଡିଶାକୁ ମଦମୁକ୍ତ କରିବା ପାଇଁ ଚିଠିଟିଏ ଲେଖନ୍ତୁ। ଆପଣଙ୍କ ହୃଦୟର ଏହି ପବିତ୍ର ଓ ସଚ୍ଚା ଅନୁରୋଧଟି ହୁଏତ ଆମର ପର ପିଢି ପାଇଁ ଏକ ଶୁଭ ସକାଳର ଆବାହନୀ ହୋଇପାରେ। ମୋ- ୯୪୩୭୪୫୩୬୧୦
All Right Reserved By

ସମ୍ପାଦକୀୟ |

ସମ୍ପାଦକୀୟ/କୃଷି ଆଗ

ସମ୍ପାଦକୀୟ/କୃଷି ଆଗ

ଆଜିର ସ୍ଥିତି ଦେଖିଲେ ୨୦୧୪ରେ କ୍ଷମତାକୁ ଆସିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଦେଇଥିବା ପ୍ରତିଶ୍ରୁତି ଆଦୌ ପୂରଣ କରିନାହାନ୍ତି। ଉଚ୍ଚାଙ୍ଗ ସ୍ବରରେ ‘ସମସ୍ତଙ୍କୁ ସାଙ୍ଗରେ ନେଇ ବିକାଶ’ କଥା କହୁଥିଲେ ମଧ୍ୟ ତା’ର ଫଳ ଶୂନ ହୋଇଛି। ବିଶେଷକରି ସାମାଜିକ ଓ ଅର୍ଥନୈତିକ ଦିଗରୁ ତାଙ୍କ ଶାସନ ସମୟରେ ଦେଶର ଅଧିକ କ୍ଷତି ଘଟିଛି। ଅସହିଷ୍ଣୁତା, ମିଛିମିଛିକା ଦେଶପ୍ରେମ ଓ ବିଭାଜନ ରାଜନୀତି ସାମାଜିକ ବାତାବରଣକୁ ଘୋର ପ୍ରଭାବିତ କରିଛି। ଏକ ଉତ୍ତମ ଶାସନ ଜରିଆରେ ଭାରତୀୟ ଅର୍ଥନୀତିକୁ ନୂଆ ଦିଗ ଦେଖାଇଦିଆଯିବ ବୋଲି କୁହାଯାଇଥିଲେ ମଧ୍ୟ ତା’ର ସୁଫଳ ଲୋକେ ପାଇପାରିନାହାନ୍ତି। ଏହା ଜଣାଶୁଣା ଯେ, ମୋଦିଙ୍କ ଶାସନ ସମୟରେ କର୍ପୋରେଟ ପ୍ରୀତି ବଢ଼ିଛି..

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

ସହଦେବ ସାହୁ

ଜାତିସଂଘର ଖାଦ୍ୟ ଓ କୃଷି ସଂସ୍ଥା (ଏଫ୍‌ଏଓ) ସହିତ କାର୍ଯ୍ୟ କରୁଥିବା କ୍ଷୁଧା ଓ କୁପୁଷ୍ଟି ବିରୋଧୀ ଅନ୍ତର୍ଜାତୀୟ ସଂଗୋଷ୍ଠୀ (ଇଣ୍ଟରନ୍ୟାଶନାଲ ଆଲାଏନ୍ସ ଏଗେଁଷ୍ଟ ହଙ୍ଗର ଆଣ୍ଡ ମାଲନ୍ୟୁଟ୍ରିଶନ୍‌) କୃଷି କ୍ଷେତ୍ରରେ ଭାରତର ଅଭୂତପୂର୍ବ ବିକାଶକୁ ପ୍ରଶଂସା କରିଛି। ୧୯୫୦-୫୧ରେ ଭାରତରେ ଖାଦ୍ୟଶସ୍ୟ ଉପତ୍ାଦନ ପରିମାଣ ୫ କୋଟି ଟନ୍‌ ଥିବାବେଳେ ୨୦୧୬-୧୭ରେ ୨୭ କୋଟି ୨୦ ଲକ୍ଷ ଟନ୍‌ ହୋଇଛି, ପ୍ରାୟ ୫ଗୁଣ। ଲୋକସଂଖ୍ୟା ବଢ଼ିଛି ୪ ଗୁଣ। ତେଣୁ ଖାଦ୍ୟ-ଅଭାବୀ ପରିସ୍ଥିତିକୁ ପଛରେ ପକାଇ ଭାରତ ଏକ ଖାଦ୍ୟ ରପ୍ତାନିକାରୀ ରାଷ୍ଟ୍ର ହୋଇଗଲାଣି। ତଥାପି ଭାରତରେ କ୍ଷୁଧା ଓ କୁପୁଷ୍ଟି କାରଣରୁ ଏକଚତୁର୍ଥାଂଶ ଲୋକ କାର୍ଯ୍ୟକ୍ଷମ ହୋଇପାରୁ ନାହା..

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ବ୍ରହ୍ମାନନ୍ଦ ପଣ୍ଡା

ଆଜିକାଲି ଭାରତୀୟ ଶିକ୍ଷା ବ୍ୟବସ୍ଥାର ଏଭଳି ଅଧୋଗତି ହୋଇଛି ଯେ, ପ୍ରାୟ ୬୦% ମାଧ୍ୟମିକ ଛାତ୍ରୀଛାତ୍ର ଦରଖାସ୍ତଟିଏ ଲେଖିବାକୁ ବା ସାଧାରଣ ହିସାବଟିଏ କରିବାକୁ ଅସମର୍ଥ। ଭାରତର ୭୫% ଯାନ୍ତ୍ରିକ ଓ କାରିଗରି ଶିକ୍ଷାପ୍ରାପ୍ତ ସ୍ନାତକ ଚାକିରି ପାଇବାକୁ ଅଯୋଗ୍ୟ ବୋଲି ନିକଟ ଅତୀତରେ ପ୍ରକାଶ ପାଇଥିବା ତଥ୍ୟ ସାରା ଭାରତରେ ଆଲୋଡ଼ନ ସୃଷ୍ଟି କରିଥିଲା। ଖାଲି ସେତିକି ନୁହେଁ ଛାତ୍ରସମାଜର ଆଜି ନୈତିକ ସ୍ଖଳନ ଘଟିଛି। ଭାରତୀୟ ସଂସ୍କୃତିର ଅବକ୍ଷୟ ହେଉଛି। ମାନବିକ ମୂଲ୍ୟବୋଧ ଲୋପ ପାଉଛି। ଆଜିର ଶିକ୍ଷା ବ୍ୟୟବହୁଳ ଏବଂ ଚାକିରିସର୍ବସ୍ବ ହୋଇଛି। ଜ୍ଞାନ ଓ ଗବେଷଣା ଅର୍ଥସର୍ବସ୍ବ ହୋଇଛି। ସମାଜସେବା ପ୍ରଚାରସର୍ବସ୍ବ ହୋଇଛି। ଯଦି ସ୍ନାତକ ଓ ସ୍ନାତକୋତ୍ତର ଛାତ୍ରୀଛାତ୍ର ପିଅନ ..

ଏଇ ଭାରତରେ

ଏଇ ଭାରତରେ

କାହିଁ କେଉଁ ଆଦିମ କାଳରୁ କୁକୁର ହେଉଛି ମଣିଷର ସାଥୀ। ଏହି ପ୍ରାଣୀ ମଣିଷର ଅତ୍ୟନ୍ତ ବିଶ୍ୱସ୍ତ ଭୃତ୍ୟ ଭାବରେ କାର୍ଯ୍ୟ କରେ। ଏପରି କି ମାଲିକର ଲୁଣ ଖାଇବାରୁ ତା’ର ଗୁଣ ଗାଏ। ମାଲିକର ଜୀବନ ବଞ୍ଚାଇବାକୁ ଯାଇ ଦରକାର ପଡ଼ିଲେ ନିଜ ଜୀବନ ହାରିଦିଏ। ଏପରି ଏକ ଘଟଣା ଘଟିଛି ଜୟପୁରରେ। ରାଜସ୍ଥାନର ଜୟପୁରରେ ବାସ କରୁଥିବା ପୂର୍ବତନ ରଣଜୀ ଖେଳାଳି ସଞ୍ଜୀବ ଓହଲାନ୍‌ଙ୍କ ବାସଭବନରେ ନିଆଁ ଲାଗିଯାଇଥିଲା। ତଳ ମହଲାରେ ତାଙ୍କ ସ୍ତ୍ରୀ, ପୁଅ ଓ ଚାକରକୁ ଉଦ୍ଧାର କରାଯାଇଥିଲେ ମଧ୍ୟ ନିଆଁ ଲାଗିବା ଯୋଗୁ ସଞ୍ଜୀବ..

ମୋଦି: ସବୁଥିରେ ଆଙ୍ଗୁଠି

ମୋଦି: ସବୁଥିରେ ଆଙ୍ଗୁଠି

ସ।ଧାରଣ ନିର୍ବାଚନ ଯେତେ ନିକଟତର ହେଉଛି, ରାଜନୈତିକ ଉଷ୍ମତା ସେତେ ବଢ଼ିବାରେ ଲାଗିଲାଣି। ଜାନୁୟାରୀ ୧୯ରେ କୋଲକାତାରେ  ବିରୋଧୀଙ୍କ ରାଲିର କଳେବର ଦେଖିଲେ ମହାଗଠବନ୍ଧନ ଶକ୍ତିଶାଳୀ ହେଉଥିବା ମନେହେଉଛି। 

ସବୁଜ ପରିବହନ ବ୍ୟବସ୍ଥା

ସବୁଜ ପରିବହନ ବ୍ୟବସ୍ଥା

 ବିଶ୍ୱ ସ୍ବାସ୍ଥ୍ୟ ସଂସ୍ଥାର ଏକ ରିପୋର୍ଟରୁ ଜଣାଯାଏ ଯେ, ଭାରତରେ ଅଧିକାଂଶ ସହର ବାୟୁ ପ୍ରଦୂଷଣ ଦ୍ୱାରା ଆକ୍ରାନ୍ତ। ଏପରି କି ପୃଥିବୀର ସବୁଠାରୁ ଅଧିକ ପନ୍ଦରଟି ସହର ମଧ୍ୟରେ ଭାରତର ଚଉଦଟି ସହର ଅଛି। ସବୁଠାରୁ ପ୍ରଦୂଷିତ ସହର ହେଉଛି କାନପୁର। 

ବାସିପାଣିରେ ପଚରା

ବାସିପାଣିରେ ପଚରା

ହଇରେ ମୋତେ କ’ଣ ଆଉ ବାସିପାଣିରେ ପଚାରୁନୁ? ଚିହ୍ନା ଲୋକଟିଏ, ଆପଣାର ମଣିଷଟିଏ ଆମକୁ ପୂର୍ବାପେକ୍ଷା ହତାଦର କରିବାର ଅନୁଭବ କଲେ ଆମେ ଏ ରୂଢିଟିର ପ୍ରୟୋଗ କରିଥାଉ! ଏଠାରେ ବାସିପାଣିକୁ ନିକୃଷ୍ଟ ଅର୍ଥରେ ବ୍ୟବହାର କରାଯାଇଛି। ନଚେତ୍‌ ଆମେ କହୁଥାନ୍ତେ- ହଇରେ ମୋତେ କ’ଣ ଆଉ ସଜପାଣିରେ ପଚାରୁନୁ? ନଚେତ୍‌ କହିଥାନ୍ତେ- କିରେ ମୋତେ କ’ଣ ଆଉ ମଦପାଣିରେ ପଚାରୁନୁ? ମାନେ ବାସିପାଣିଟି ପଚାରିବା ବା ବନ୍ଧୁ ଚର୍ଚ୍ଚା କରିବା ଯୋଗ୍ୟ ନୁହେଁ।

ଏଇ ଭାରତରେ

ଏଇ ଭାରତରେ

ଭଲ ପାଇବାର ହୃଦୟଟିଏ ଥିଲେ କେତେକ ପୁରୁଷ ଓ ମହିଳା ଅତିକ୍ରାନ୍ତ ବୟସରେ ବି ଭଲପାଇ ବସନ୍ତି। ତେବେ ଭଲ ପାଇବା ପାଇଁ ଜଣେ ବିବାହିତା ମହିଳା ଏକ ଅଭିନବ ପନ୍ଥା ଆପଣାଇଥିଲେ। 

ଡ୍ୟାନ୍ସ ବାର୍‌ ସଂସ୍କୃତି

ଡ୍ୟାନ୍ସ ବାର୍‌ ସଂସ୍କୃତି

ଆକାର ପଟେଲ

ଡ୍ୟାନ୍ସ ବାର୍‌ ସଂସ୍କୃତି ମୁମ୍ବାଇରୁ, ବିଶେଷତଃ କେନ୍ଦ୍ରୀୟ ମୁମ୍ବାଇ ଅଞ୍ଚଳରୁ ଆରମ୍ଭ ହୋଇଥିଲା। ଏହି ପରମ୍ପରା ସହ ସମ୍ଭବତଃ ଲାଓ୍ବଣୀର ସମ୍ପର୍କ ଅଛି। ଢୋଲକୀ ବାଜାର ତାଳେ ତାଳେ ନାଚ-ଗୀତକୁ ଲାଓ୍ବଣୀ କହନ୍ତି, ଯାହା ହେଉଛି ମହାରାଷ୍ଟ୍ରର ଏକ ପ୍ରାଚୀନ ଲୋକନୃତ୍ୟ। ପୁରୁଷମାନଙ୍କର ଛୋଟ ଛୋଟ ଦଳ ଏବଂ ବେଳେବେଳେ ସେମାନଙ୍କ ପରିବାର ଟେବୁଲରେ ବସି ଏକ ଖୋଲା ସ୍ଥାନ ଆଡ଼କୁ ଚାହିଁଥାନ୍ତି, ଯେଉଁଠି ଅଧ ଡଜନ ମହିଳା ହିନ୍ଦୀ ଗୀତର ତାଳେ ତାଳେ ନୃତ୍ୟ କରୁଥାନ୍ତି। ନୃତ୍ୟାଙ୍ଗନାମାନେ ସମ୍ପୂର୍ଣ୍ଣ ଦେହକୁ ଆବୃତ କଲାଭଳି ବସ୍ତ୍ର ପନ୍ଧିଥାନ୍ତି। ପରିଚାରିକାମାନେ ଦର୍ଶକମାନଙ୍କ ଟେବୁଲ ଉପରେ ମଦ ପରଷନ୍ତି। ଏଠାରେ ଏପରି କି ମୃଦୁ ପାନୀୟ ପାଇଁ ମଧ୍ୟ ବିୟର ଭଳି ମୂଲ୍ୟ ନିଆଯାଏ। କିଛି ପୁ..

ଅସତ୍ୟ ସହରର ରାତି

ଅସତ୍ୟ ସହରର ରାତି

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ

କେଇଦିନ ପୂର୍ବରୁ ଆମ ରାଜଧାନୀ ସହରର ଚେହେରା ଦେଖିଥିବା ଲୋକ ଏ ସହରର ବାସିନ୍ଦା ହୋଇ ନ ପାରିଥିବାର ଦୁଃଖରେ ନିଜ ଭାଗ୍ୟକୁ ନିନ୍ଦିବାର କାରଣ ଥିଲା ବେଶ୍‌ ଯୁକ୍ତିଯୁକ୍ତ। ବିଶ୍ୱକପ୍‌ ହକି ଅନୁଷ୍ଠିତ  ହେଉଥିବାର ବିରଳ ଗୌରବବୋଧ ନେଇ ଏ ସ୍ମାର୍ଟ ସହର ଯେମିତି ସୁସଜ୍ଜିତ ତୋରଣ ଓ ରଙ୍ଗ ବେରଙ୍ଗର ଆଲୋକମାଳାରେ ଆକର୍ଷଣୀୟ ରୂପରେ ସଜେଇ ହୋଇଥିଲା, ତହିଁରେ ଏଠାରେ ରହୁ ନ ଥିବା ଯେ କୌଣସି ଲୋକ ମନରେ ଈର୍ଷାର ଅସୁରଟିଏ ମୁଣ୍ଡ ଟେକିବା ସ୍ବାଭାବିକ। ମାତ୍ର ସ୍ମାର୍ଟ..

କୁଷ୍ଠରୋଗୀଙ୍କ ସାହାରା

କୁଷ୍ଠରୋଗୀଙ୍କ ସାହାରା

ବ୍ୟକ୍ତିତ୍ୱ/ ଜିତେନ୍ଦ୍ର କୁମାର ନାୟକ

ବିଶ୍ୱକୁ ମହାତ୍ମା ଗାନ୍ଧୀଙ୍କ ଅବଦାନ ଅତୁଳନୀୟ। ତାଙ୍କ ଆଦର୍ଶକୁ ସ୍ମରଣୀୟ ରଖିବା ଲାଗି ଭାରତ ସରକାରଙ୍କ ପକ୍ଷରୁ ୧୯୯୫ରୁ ପ୍ରତିବର୍ଷ ଅନ୍ତର୍ଜାତୀୟ ଗାନ୍ଧୀ ଶାନ୍ତି ପୁରସ୍କାର ପ୍ରଦାନ କରାଯାଇଆସୁଛି। ମହାତ୍ମାଙ୍କ ୧୨୫ତମ ଜନ୍ମବାର୍ଷିକୀରୁ ସଂସ୍ଥାପିତ ଏହି ସମ୍ମାନ ଅହିଂସା ଓ ଗାନ୍ଧୀବାଦ ଜରିଆରେ ସାମାଜିକ, ଅର୍ଥନୈତିକ ଓ ରାଜନୈତିକ କ୍ଷେତ୍ରରେ ରୂପାନ୍ତରଣ ଆଣିପାରୁଥିବା ବ୍ୟକ୍ତି ଓ ସଙ୍ଗଠନକୁ ଦିଆଯାଉଛି। ଦକ୍ଷିଣ ଆଫ୍ରିକାର ବର୍ଣ୍ଣବୈଷମ୍ୟ ବିରୋଧୀ ବିପ୍ଳବୀ ନେଲ୍‌ସନ ମଣ୍ଡେଲା, ଭାରତର ‘ଚିପ୍‌କୋ’ ଆନ୍ଦୋଳନର ପୁରୋଧା ଚଣ୍ଡିପ୍ରସାଦ ଭଟ୍ଟଙ୍କଠାରୁ ଆରମ୍ଭ କରି ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ଭଳି ସଙ୍ଗଠନ ଏଭଳି ସମ୍ମାନର ଅଧିକାରୀ ହୋଇପାରିଛନ୍ତି। ୨୦୧୯ ଜା..

ଏଇ ଭାରତରେ

ଏଇ ଭାରତରେ

ଭାରତୀୟ ସମାଜ ପିତୃକୈନ୍ଦ୍ରିକ ପରିବାରକୁ ନେଇ ଗଢ଼ିଉଠିଛି। କାରଣ ଆମ ଦେଶର ପରିବାରରେ ପୁରୁଷ ହେଉଛି ମୁଖ୍ୟ ବ୍ୟକ୍ତି। ତାଙ୍କ ନାମରେ ମୁଖ୍ୟତଃ ସମ୍ପତ୍ତିର ମାଲିକାନା ରହିଥାଏ। ପରିବାରର ଅନ୍ୟ ସଦସ୍ୟମାନେ ତାଙ୍କୁ ମାନି ଚଳିଥାଆନ୍ତି। ତେଣୁ ଭାରତୀୟ ସମାଜ ଏକ ପୁରୁଷପ୍ରଧାନ ସମାଜ ଭାବରେ ଗଣ୍ୟ ହୋଇଥାଏ। ନିକଟରେ ଝିଅ ନାମରେ ସମ୍ପତ୍ତି କରିବାରୁ ଖାପ୍‌ ପଞ୍ଚାୟତରେ ବାପାଙ୍କ ପ୍ରତି ଦଣ୍ଡାଦେଶ ହୋଇଛି। ଏପରି ଏକ ଘଟଣା ଘଟିଛି ରାଜସ୍ଥାନ ରାଜ୍ୟର ଯୋଧପୁର ଅଞ୍ଚଳରେ। ସ୍ଥାନୀୟ ବିଲାଡା ତହସିଲ ଖେଜଡଲାରେ ଜଣେ ପିତା ତାଙ୍କ ସମ୍ପତ୍ତିର କିଛି ଅଂଶ ଝିଅ ନାମରେ କରିଥିଲେ। ତେବେ ଏହାକୁ ତାଙ୍କର ସରଗରା ସମାଜ ପକ୍ଷରୁ ପସନ୍ଦ କରାଯାଇ ନ ଥିଲା। କାରଣ ସମାଜରେ ପ୍ରଚଳିତ ପୁରୁଣା..