ସମ୍ପାଦକୀୟ |

ସୁଯୋଗ ଓ ଅଭିପ୍ରାୟ

ସୁଯୋଗ ଓ ଅଭିପ୍ରାୟ
ଡ. ବାସୁଦେବ ମିଶ୍ର ସଂସାରରେ ନିଜ ଜୀବନକୁ ଇଚ୍ଛାମୁତାବକ ବଞ୍ଚତ୍ବା ପାଇଁ ଖୁବ୍‌ କମ୍‌ ଲୋକ ସୁଯୋଗ ପାଆନ୍ତି। ଶାରୀରିକ, ମାନସିକ, ଆର୍ଥତ୍କ, ସାମାଜିକ ଏମିତି ଅନେକ ଦୃଷ୍ଟିକୋଣରୁ ଏହି ଅପୂର୍ଣ୍ଣତାକୁ ଅନୁଭବ କରେ ମଣିଷ। କେତେକେ ସେଥିପାଇଁ ନିଜ ଭାଗ୍ୟକୁ ଦୋଷ ଦେଉଥିବାବେଳେ ଅନ୍ୟ କେହି ନିଜ କର୍ମକୁ ଦୋଷ ଦିଅନ୍ତି। ତେବେ ଯେଉଁମାନେ ଏହି ସୁଯୋଗ ପୂର୍ଣ୍ଣତଃ ଅଥବା ଆଂଶିକ ପ୍ରାପ୍ତ ହୁଅନ୍ତି, ସେମାନେ ନିଜକୁ ଧନ୍ୟ ମନେକରନ୍ତି ନିଶ୍ଚୟ। ଭଲ ପାଠ ପଢୁତ୍ଥିବା, ଉତ୍ତମ ଚରିତ୍ରର ପିଲାଟି ପାଇଁ ସୁଯୋଗ ଏକାଧିକବାର ଆସିଥାଏ। କାରଣ ହେଲା ତା’ର ସେଥିପାଇଁ ଯୋଗ୍ୟତା ଅଛି। ତେବେ ଭଲ ଚାକିରିଟିଏ ପାଇବା ପରେ ଯଦି ତାକୁ ମୁକ୍ତଭାବେ କର୍ତ୍ତବ୍ୟ ସମ୍ପାଦନ କରିବାକୁ ଦିଆ ନ ଯାଏ, ତେବେ ସେପରି ସୁଯୋଗ ନିଶ୍ଚିତରୂପେ ମୂଲ୍ୟହୀନ ହୋଇଯାଏ। ଠିକ୍‌ ସେମିତି ମନେ କରାଯାଉ ପିଲାଟି ଭଲ ପଢେ, ବର୍ଷସାରା ଖୁବ୍‌ ପରିଶ୍ରମ କରି ପାଠକୁ ଆୟତ୍ତ କରି ବର୍ଷ ଶେଷରେ ପରୀକ୍ଷା ଦେବାକୁ ଯାଇ ଦେଖିଲା, ସେଠାରେ ପରୀକ୍ଷା ଦେବାର ଉପଯୁକ୍ତ ବାତାବରଣ ନାହିଁ। ଏମିତି ଅନେକ କ୍ଷେତ୍ରରେ ଦେଖାଯାଏ ସୁଯୋଗ ସେଇମାନଙ୍କ ପାଖରେ ଖୁନ୍ଦି ହୋଇଥାଏ ଯେଉଁମାନେ ବସ୍ତୁତଃ ସେଥିପାଇଁ ଯୋଗ୍ୟ ନୁହନ୍ତି। ଯୋଗ୍ୟତାସମ୍ପନ୍ନ ବ୍ୟକ୍ତିଟିଏ ସେବାକ୍ଷେତ୍ରରେ କୌଣସି ଗୁରୁତ୍ୱପୂର୍ଣ୍ଣ ପଦବୀରେ ସ୍ଥାନିତ ହେଲେ ତାହା ସମାଜ ପାଇଁ ମଙ୍ଗଳକର ହୋଇଥାଏ। କିନ୍ତୁ ଆମ ଦେଶରେ ବହୁ ଗୁରୁତ୍ୱପୂର୍ଣ୍ଣ ପଦବୀ ଅଯୋଗ୍ୟ ବ୍ୟକ୍ତିମାନଙ୍କ ଦ୍ୱାରା ଅଧିକୃତ ବୋଲି ଆମେ ଜାଣୁ। ଏହି ଯୋଗ୍ୟତା କେବଳ ପାଠପଢି ଡିଗ୍ରୀ ହାସଲ କରିବାରେ ନ ଥାଏ। ପାଠ ପଢି ବିଷୟଗତ ଜ୍ଞାନ ଅର୍ଜନ ସହିତ ଯୋଗ୍ୟତାର ଅନ୍ୟ ବିଷୟଗୁଡିକ ହୋଇପାରେ ବିନୟମିଶ୍ରିତ ବ୍ୟବହାର, ସଚ୍ଚୋଟତା, ସେବାପ୍ରାଣତା, ନିରହଙ୍କାରତା ଇତ୍ୟାଦି। ଭଲ ପାଠ ପଢୁଥିବା ପିଲାଟି ସ୍କୁଲ କଲେଜରେ ଭଲ ନମ୍ବର ରଖି ପରୀକ୍ଷାରେ ଉତ୍ତୀର୍ଣ୍ଣ ହେଲେ ପରିବାରଠାରୁ ଆରମ୍ଭ କରି ଗାଁ, ଦେଶର ଲୋକେ ମଧ୍ୟ ଖୁସି ହୁଅନ୍ତି। ସମୟକ୍ରମେ ସେବା କରିବା ନିମିତ୍ତ ଉଚ୍ଚ ପଦବୀଯୁକ୍ତ ଚାକିରିର ସୁଯୋଗଟିଏ ମଧ୍ୟ ପାଏ ସେ। ହେଲେ କେତେକ କ୍ଷେତ୍ରରେ ସେହି ଖୁସି ବେଶି ଦିନ ରହେନାହିଁ। ସେହି ପିଲା କ୍ଷମତା ଲୋଭରେ ଅନ୍ଧହୋଇ ବା ଅର୍ଥଲୋଭରେ ପଡି ଅନ୍ୟାୟ ଅନୀତିର ଆଶ୍ରୟ ନିଏ। ସାଧାରଣ ଲୋକଙ୍କୁ ଧୋକାଦେଇ ଦେଶର ସମ୍ପତ୍ତିକୁ ନିଜର କରିବାକୁ ଚେଷ୍ଟା କରେ। ସେମାନଙ୍କଠାରୁ ଲାଞ୍ଚ ନିଏ। ମିଛ କହି ଲୋକଙ୍କୁ ଠକେ। ଶେଷରେ ଧରାପଡି ମାମଲାରେ ଛନ୍ଦିହୁଏ। ଜେଲ ଯାଏ। ଯେଉଁ ପରିବାର ଗାଁ ଗଣ୍ଡାର ଲୋକେ ତା’ର ଭଲ ପଢିବାରେ, ପରୀକ୍ଷାରେ ଭଲ ନମ୍ବର ରଖିବାରେ, ଉଚ୍ଚ ପଦପଦବୀ ପାଇବାରେ ଦିନେ ଖୁସିହୋଇ ନାଚୁଥିଲେ, ସେମାନେ ଲଜ୍ଜାରେ ନତମସ୍ତକ ହୁଅନ୍ତି। ଦୁଃଖରେ ଭାଙ୍ଗିପଡନ୍ତି। ହାତପାହାନ୍ତାରେ ଆସିଥିବା ସୁଯୋଗକୁ ଈଶ୍ୱରଙ୍କ ଆଶୀର୍ବାଦ ବୋଲି ମନେକରି ନିଜର କର୍ତ୍ତବ୍ୟ ସମ୍ପାଦନ କଲେ ତାହା ବ୍ୟକ୍ତି, ପରିବାର ତଥା ଜାତିପ୍ରତି ଆଶୀର୍ବାଦ ରୂପେ କାର୍ଯ୍ୟ କରିଥାଏ। ସୁଯୋଗକୁ ନିଜର ପାରିବାପଣିଆ ବୋଲି ମନେକରି କାର୍ଯ୍ୟ କରିବାକୁ ଗଲେ ତା’ ସହିତ ଅଭିପ୍ରାୟଟିଏ ଯୋଡି ହୋଇଯାଏ। ଚାକିରି ଆରମ୍ଭରୁ ବଡ ସହରରେ ଜମି ସାଙ୍ଗକୁ କୋଠାବାଡି, ଦାମୀ କାର୍‌, ବ୍ୟାଙ୍କ ବାଲାନ୍ସ ଇତ୍ୟାଦି ହାତେଇବାର ଖସଡାଟିଏ ପ୍ରସ୍ତୁତ ହୋଇଯାଏ ମନରେ। ସେପରି ଉଦ୍ଦେଶ୍ୟ ରଖି ବାଟ ଚାଲୁଚାଲୁ କେବେ ବିଧି ବାମ ହେଲା ତ ହାତକଡା ପଡି ଜେଲକୁ ଯିବା ନିଶ୍ଚିତ ହୋଇଯାଏ। ସେଦିନ ଜଣେ ବରିଷ୍ଠ ଅଫିସ ସହଯୋଗୀ ଭାବେ ସଦ୍ୟ ଚାକିରିରୁ ଅବସର ନେଇଥିବା ଜଣେ ସମ୍ପର୍କୀୟ ବଡଭାଇଙ୍କ ସହିତ ସାକ୍ଷାତ ହେବାପରେ କଥାପ୍ରସଙ୍ଗରେ ସେ ଯାହା କହିଲେ ତାହାର ସାରାଂଶ ହେଲା- ଚାକିରିରେ ଥିବାବେଳେ ନିଜ ଦରମା ବ୍ୟତୀତ ତା’ର ବହୁଗୁଣ ଅର୍ଥ ତାଙ୍କ ପକେଟକୁ ଆସୁଥିଲା ଭିନ୍ନ ବାଟରେ। ଅବଶ୍ୟ ନିଜକୁ କଳୁଷିତ କରି, ନିଜ ସଚ୍ଚୋଟତାକୁ ବଳିଦେଇ, ନିରୀହ ଜନତାଙ୍କର ସ୍ବାର୍ଥକୁ ନଷ୍ଟ କରି। ତେବେ ଜଣେ ଉଚ୍ଚପଦସ୍ଥ ଅଫିସରଙ୍କ ପକ୍ଷରେ ଏହା ତାଙ୍କ ଦରମାର କେତେଗୁଣ ହେଉଥିବ, ତାହା ଅନୁମାନ କରିବା କଷ୍ଟକର। ଏମାନଙ୍କର ରୋଜଗାର ଏତେ ବେଶୀ ହୁଏ ଯେ ନିଜ ନାଆଁରେ ଖୋଲାଯାଇଥିବା ବ୍ୟାଙ୍କ ଆକାଉଣ୍ଟ ଭର୍ତ୍ତିହୋଇଯାଏ ଅକାତରରେ। ଏକାଧିକ ବ୍ୟାଙ୍କ ଆକାଉଣ୍ଟ ଭର୍ତ୍ତି ହେବାପରେ ନିଜ ସ୍ତ୍ରୀପିଲାଙ୍କ ଆକାଉଣ୍ଟ ଖୋଲାଯାଏ, ସେଗୁଡିକ ଭର୍ତ୍ତିହେବା ପରେ ଶ୍ୱଶୁରଘର ଲୋକଙ୍କ ନାଆଁରେ ଖୋଲାହୁଏ ଆକାଉଣ୍ଟ। ତାଙ୍କ ନାଆଁରେ ଜମି କିଣାହୁଏ, ଦାମୀ ଗାଡି କିଣାହୁଏ, ସହରରେ ଦାମୀ ପ୍ଲଟ୍‌ କିଣାହୁଏ, ସେଇଠି ବହୁତଳ ପ୍ରାସାଦ ଗଢାହୁଏ, ଏମିତି ଅନେକ। ଲୋକଲୋଚନକୁ ଆସେ କଥା। କୋଟିପତି କିରାଣୀ, କୋଟିପତି ଅଫିସର ଶିରୋନାମାରେ ସମ୍ବାଦ ପ୍ରକାଶ ପାଏ। ସେମାନଙ୍କ ଘରେ ରେଡ୍‌ ହୋଇଥିବାର ଖବରରେ ଝଲସିଉଠେ ଖବରକାଗଜର ପୃଷ୍ଠା, ଟେଲିଭିଜନର ପରଦା। ପୋଲିସ ଗାଡିରେ ବସି ଜେଲକୁ ଯାଉଥିବାବେଳେ, ଲାଜରେ ଅନ୍ୟମାନଙ୍କୁ ନିଜ ମୁହଁ ଦେଖାଇପାରନ୍ତି ନାହିଁ ସେମାନେ। ଢାଙ୍କି ଦିଅନ୍ତି ଗାମୁଛାରେ। କି ଜୀବନ ଇଏ ? ଜୀବନ ନା ଜୀବନ ଥାଉଥାଉ ମୃତ୍ୟୁ! ଆମ ଉପନିଷଦରେ ଦାନ ସମ୍ପର୍କରେ କୁହାଯାଇଛି- ଶ୍ରଦ୍ଧୟା ଦେୟମ୍‌, ଅଶ୍ରଦ୍ଧୟା ଅଦେୟମ୍‌, ଭିୟା ଦେୟମ୍‌, ହ୍ରିୟା ଦେୟମ୍‌, ସମ୍ବିଦା ଦେୟମ୍‌। ଅର୍ଥାତ୍‌ ଅନ୍ୟକୁ କିଛି ଦେବା ସମୟରେ ମନରେ ଶ୍ରଦ୍ଧା, ଭୟ, ଲଜ୍ଜା ଏବଂ ଚେତନା ରହିବା ଉଚିତ। ଈଶ୍ୱରଙ୍କର ଅପାର କୃପାରୁ ମୁଁ ଦାନ କରିବାର ସୁଯୋଗ ପ୍ରାପ୍ତ ହୋଇଛି। ଏହା ମୋର ପରମ ଭାଗ୍ୟ। ଏହି ସୁଯୋଗର ସଦ୍‌ବିନିଯୋଗ କରି ନ ପାରିଲେ ଏହା ମୋଠାରୁ ପ୍ରତ୍ୟାହାର କରି ନିଆଯାଇପାରେ। ସେହିପରି ସମାଜକୁ ସେବା ପ୍ରଦାନ କରିବା ସମୟରେ ମନରେ ଏହି ଭାବନା ଜାଗ୍ରତ ହେଲେ ସୁଯୋଗର ସଦ୍‌ବିନିଯୋଗ କରିବା ପାଇଁ ମନରେ ଆଗ୍ରହ ସୃଷ୍ଟିହୁଏ। ସୁଯୋଗକୁ ଈଶ୍ୱରଙ୍କର ବରଦାନ ବୋଲି ନ ଭାବି ଧନାଗମର ମାଧ୍ୟମ ବୋଲି ମାନିନେଲେ ମନରେ ଅଯଥା ଅଭିପ୍ରାୟଗୁଡିଏ ଭିଡ ଜମାନ୍ତି। ସାରା ଜୀବନ ବ୍ୟସ୍ତରହି ସେହି ଅଭିପ୍ରାୟଗୁଡିକୁ ପୂରଣ କରିବା ପାଇଁ ଚେଷ୍ଟା କରୁଥିଲେ ମଧ୍ୟ ସେଗୁଡିକ ସେମିତି ଅପୂରିତ ହୋଇ ରହିଥାଏ। ମୋ- ୯୪୩୮୩୨୮୭୫୫
All Right Reserved By

ସମ୍ପାଦକୀୟ |

ଆଜିର ଅର୍ଥନୀତି/ଟଙ୍କା ନିମ୍ନଗାମୀ

ଆଜିର ଅର୍ଥନୀତି/ଟଙ୍କା ନିମ୍ନଗାମୀ

ଭାରତୀୟ ମୁଦ୍ରା ଟଙ୍କାର ସମସ୍ୟା ସରିବା ପରି ଲାଗୁନାହିଁ। ଗୁରୁବାର ଟଙ୍କାର ମୂଲ୍ୟ ଡଲାର ତୁଳନାରେ ଖସି ସର୍ବକାଳୀନ ରେକର୍ଡ ନିମ୍ନସ୍ତରରେ ୭୦ ଟଙ୍କା ୨୦ ପଇସାରେ ପହଞ୍ଚିଛି। ଦିବସ ଆରମ୍ଭରୁ ଟଙ୍କାର ମୂଲ୍ୟ ତୀବ୍ରବେଗରେ ଖସିବାକୁ ଆରମ୍ଭ କରି ୪୨ ପଇସା ପର୍ଯ୍ୟନ୍ତ ଖସିଯାଇଥିଲା, ଯାହା ସର୍ବକାଳୀନ ରେକର୍ଡ ଏବଂ ଏକ ଡଲାରର ମୂଲ୍ୟ ୭୦ ଟଙ୍କା ୩୨ ପଇସାରେ ପହଞ୍ଚିଥିଲା। ଟଙ୍କାର ଅବମୂଲ୍ୟାୟନର ସଦ୍ୟତମ ମୁଖ୍ୟ କାରଣ ହେଉଛି ତୁର୍କୀ ସଂକଟ ଏବଂ ଆମେରିକୀୟ ଡଲାରର ଚାହିଦା ବୃଦ୍ଧି।   ମଙ୍ଗଳବାର ଡଲାର ...

ଭରସା ହରାଉଛି ହୀରାକୁଦ ଡ୍ୟାମ୍‌

ଭରସା ହରାଉଛି ହୀରାକୁଦ ଡ୍ୟାମ୍‌

ଇଂ. ହାଡ଼ିବନ୍ଧୁ ଖଣ୍ଡୁଆଳ

କିଛିଦିନ ତଳେ ଗଣମାଧ୍ୟମରେ ଖବର ପ୍ରକାଶ ପାଇଛି ଯେ, ହୀରାକୁଦ ବନ୍ଧରେ ମାତ୍ରାଧିକ ଜଳପ୍ରବାହକୁ ଦୃଷ୍ଟିରେ ରଖି ଏବେ ଆଉ ଅଧିକ ୫ଟି ସ୍ଲୁଇସ୍‌ ଗେଟ୍‌ ନିର୍ମାଣ ପାଇଁ ସରକାର ପଦକ୍ଷେପ ନେଲେଣି। ବର୍ତ୍ତମାନ ରହିଥିବା ୩୪ କ୍ରେଷ୍ଟ ଗେଟ୍‌ (ଉପର ଗେଟ୍‌)ରେ ସେକେଣ୍ଡକୁ ୪୨,୪୫୦ ଘନମିଟର ଜଳ ନିଷ୍କାସନ କ୍ଷମତା ଥିଲାବେଳେ, ଏହାକୁ ୬୯,୬୩୨ ଘନମିଟରକୁ ବୃଦ୍ଧି କରିବାକୁ ଅତିରିକ୍ତ ସ୍ଲୁଇସ୍‌ ଗେଟ୍‌ ଆବଶ୍ୟକ ବୋଲି କୁହାଯାଉଛି। ୨୦୧୬ରେ ଏହି ଅତିରିକ୍ତ ସ୍ଲୁଇସ୍‌ ଗେଟ୍‌ ପାଇଁ ୫୯୦ କୋଟି ଟଙ୍କାର ବ୍ୟୟ ଅଟକଳ କରାଯାଇଥିଲା, ଯାହା ଏବେ ଅଧିକ ବଢିଯିବ। ନୂତନ ନିର୍ମାଣ କରାଯିବା ଦ୍ୱାରା ଡ୍ୟାମ୍‌ ତଳି ଅଞ୍ଚଳରେ ଥିବା ୭ଟି ପଡ଼ାର ୭୧୬ ପରିବାର ବିସ୍ଥାପିତ ...

ଏତେ ତରତର

ଏତେ ତରତର

ଅଞ୍ଜନ ଚାନ୍ଦ

ବନସ୍ତ ଭିତରେ ପଥଟିଏ। ପଥରେ ପଥିକ ଜଣେ ସାଧୁ। ଗୁଣୁଗୁଣୁ ଭଜନ ଗାଇ ଚାଲିଛନ୍ତି। ପଛରୁ ଜଣେ ବାଟୋଇ ଆସିଲେ। ତାଙ୍କୁ ଅତିକ୍ରମ କରି ଆଗକୁ ଚାଲିଗଲେ। ସାଧୁ ପଚାରିଲେ- ଏତେ ତରତର? ହଁ, ମୁଁ ଘରକୁ ଯିବି- ସେ ଉତ୍ତର ଦେଲେ।
ସାଧୁ କହିଲେ, ଯିଏ ଯାଉଛନ୍ତି ତାଙ୍କର ଗୋଟେ ଠିକଣା ଅଛି। ତେବେ ସେଥିପାଇଁ ଏତେ ବ୍ୟସ୍ତ କାହିଁକି?...

ଏଇ ଭାରତରେ

ଏଇ ଭାରତରେ

ଅନେକ ପିଲା ନିଖୋଜ ହୋଇଯାଆନ୍ତି। ସେମାନଙ୍କୁ ଖୋଜି ପାଇବା ମୁସ୍କିଲ୍‌ ହୋଇପଡେ। କିନ୍ତୁ ହାଇଦ୍ରାବାଦର ଜଣେ ୬ବର୍ଷର ବାଳକ ବର୍ଷକ ତଳେ ନିଖୋଜ ହୋଇଯାଇଥିଲେ ବି ତେଲେଙ୍ଗାନା ପୋଲିସର ଅଭିନବ ଉଦ୍ୟମ ଦ୍ୱାରା ତାଙ୍କର ସନ୍ଧାନ ମିଳିବା ସହଜ ...

ସମ୍ପାଦକୀୟ/ମାନ୍ୟତାରେ ସ୍ମାର୍ଟ

ସମ୍ପାଦକୀୟ/ମାନ୍ୟତାରେ ସ୍ମାର୍ଟ


୨୦୧୬ ଜାନୁୟାରୀରେ ଦେଶର ସ୍ମାର୍ଟ ସିଟି ତାଲିକାର ଏକ ନମ୍ବରରେ ଭୁବନେଶ୍ୱର ରହିଥିଲା। ଏହି ମାନ୍ୟତା ପାଇବା ପରେ ରାଜଧାନୀବାସୀଙ୍କ ମନରେ ଆନନ୍ଦ ଖେଳି ଯାଇଥିଲା। ଲୋକେ ଭାବିଲେ ସ୍ମାର୍ଟ ସିଟି ଯୋଗ୍ୟତା ହାସଲ ହୋଇ ପାରିଥିବାରୁ ପର୍ଯ୍ୟାପ୍ତ ଅର୍ଥ ବିନିଯୋଗ କରାଯାଇ ଭିତ୍ତିଭୂମି ସୁଦୃଢ଼ କରାଯିବ। ହେଲେ ଡ୍ରେନ୍‌ରେ ଭାସିଯାଇ ଲୋକଙ୍କ ମୃତ୍ୟୁ ଘଟିବା ଭଳି ଖବର ବିପରୀତ ଚିତ୍ର ପ୍ରଦର୍ଶନ କରୁଛି। ୨୦୧୮ ଅଗଷ୍ଟ ୧୩ ସନ୍ଧ୍ୟାରେ ୟୁନିଟ୍‌ ୬ ବନଦୁର୍ଗା ମନ୍ଦିର ନିକଟରେ ଜଣେ ବ୍ୟକ୍ତି ଖୋଲା ଡ୍ରେନ୍‌ରେ ଭାସିଯାଇ ପ୍ରାଣ ହରାଇଛନ୍ତି। ପ୍ରବଳ ବର୍ଷାରେ ସମ୍ପୃକ୍ତ ଅଞ୍ଚଳ ଜଳାର୍ଣ୍ଣବ ହୋଇଯାଇଥିଲା। ମେଲା ପଡ଼ିଥିବା ଡ୍ରେନ୍‌ ଉପରେ ଜଳସ୍ରୋତ ଚାଲିଥିବା ଜାଣି ....

 ଦଳିତ, ଅନୁସୂଚିତ ଜାତି ଓ ସମ୍ବିଧାନ

ଦଳିତ, ଅନୁସୂଚିତ ଜାତି ଓ ସମ୍ବିଧାନ

ଅନିଲ କୁମାର ମଲ୍ଲିକ

ଆମେ ଦଳିତ କାହାକୁ କହିବା? ଯେଉଁମାନେ ଦରିଦ୍ର ବା ଦାରିଦ୍ର୍ୟ ସୀମାରେଖା ତଳେ ବସବାସ କରୁଛନ୍ତି ନା ଯେଉଁମାନେ ଜାତି ଆଧାରରେ ଛୁଆଁ ଅଛୁଆଁ ଭେଦଭାବର ଶିକାର ହେଉଛନ୍ତି? ହଜାର ହଜାର ବର୍ଷ ଧରି କଳଙ୍କିତ ଜାତିପ୍ରଥାର ଶିକାର ହୋଇ ସମସ୍ତ ମୌଳିକ ଅଧିକାରରୁ ବଞ୍ଚିତ ହୋଇ ଅବହେଳିତ, ନିଷ୍ପେଷିତ ହୋଇ ରହିଥିବା ବର୍ଗ ଦଳିତ ନା ଜଣେ ସାଧାରଣ ବର୍ଗର ଲୋକ ଯିଏ ଜାତିପ୍ରଥାର ଶ୍ରେଷ୍ଠ ଆସନରେ ଆସୀନ, କିନ୍ତୁ କେବଳ ଦାରିଦ୍ର୍ୟ ସୀମାରେଖା ତଳେ ବସବାସ କରୁଛନ୍ତି ସେମାନେ?...

ଦେଶପ୍ରେମର ଗାନ

ଦେଶପ୍ରେମର ଗାନ

ଡ. କିଶୋର ମହାନ୍ତି

ଦେଶପ୍ରେମର ଗାନ ମାଧ୍ୟମରେ ମାଟି ମା’ର ପଦସେବା କରେ ଦେଶପ୍ରେମୀ ବିପ୍ଳବୀ କବି। ଏମିତି ବିପ୍ଳବୀ କବି ସୃଷ୍ଟି ହେଉଥିଲେ ଆମ ସ୍ବାଧୀନତା ସଂଗ୍ରାମ ସମୟରେ। ଗାନ୍ଧିଜୀଙ୍କ ଡାକରାରେ ସମଗ୍ର ଦେଶ ପ୍ରକମ୍ପିତ ହୋଇ ଉଠୁଥିଲା। ହିମାଚଳଠାରୁ କୁମାରିକା ଯାଏ କବିଙ୍କର ଗାନ ପ୍ରତିଟି ପ୍ରାଣରେ ଅଗ୍ନିସ୍ଫୁଲିଙ୍ଗ ସୃଷ୍ଟି କରିଥିଲା। ଜାତୀୟ ମୁକ୍ତି ସଂଗ୍ରାମକୁ ତୀବ୍ରତର କରିବା ପାଇଁ ସେମାନଙ୍କ ଲେଖନୀ ବଜ୍ରଠାରୁ କଠିନ ଓ ଶକ୍ତିଶାଳୀ ହୋଇଉଠିଥିଲା। ଭାରତଜନନୀର ଚରଣ ବନ୍ଦନା କରି କବି ନିଜେ ଗର୍ବିତ ହୁଏ ଯେମିତି ଆମ କବି ଗାଇ ଉଠିଥିଲେ- ”ତୁହି ମା ଜନମଭୂମି ପବିତ୍ର ଭାରତଭୂମି, ତୋହରି ସନ୍ତାନ ଆମେ ଅଟୁ ସରବେ...।“ (ଭକ୍ତକବି ମଧୁସୂଦନ)...

ଏଇ ଭାରତରେ

ଏଇ ଭାରତରେ

ଦିନକୁ ଦିନ ଦେଶରେ ସଡ଼କ ଦୁର୍ଘଟଣା ବୃଦ୍ଧି ପାଉଥିବା ବେଳେ ଏହାର ନିରାକରଣ ଲାଗି ଅନେକ ପ୍ରତିକାରମୂଳକ ପଦକ୍ଷେପ ଗ୍ରହଣ କରାଯାଉଛି। ବେଙ୍ଗାଲୁରୁରେ ସଡ଼କ ଦୁର୍ଘଟଣା ସମ୍ପର୍କରେ ସଚେତନତା ବୃଦ୍ଧି ଲାଗି ସ୍ଥାନୀୟ ପୋଲିସ ଏକ ଅଭିନବ ପନ୍ଥା ଆପଣାଇଛି। ଏଥିପାଇଁ ‘ଭଗବାନ୍‌ ଗଣେଶ’ଙ୍କ ସହାୟତା ନିଆଯାଇଛି। ମୃତ୍ୟୁର ଦେବତା ‘ଯମରାଜ’ଙ୍କ ପରେ ସେ ହେଉଛନ୍ତି ଦ୍ୱିତୀୟ ଧ...

 ଚିଲିକା ବଞ୍ଚାଅ

ଚିଲିକା ବଞ୍ଚାଅ

ସମ୍ପାଦକୀୟ/ତଥାଗତ ସତପଥୀ

ଓଡ଼ିଶାର ଚିଲିକା ହ୍ରଦ ତା’ର ବିଶେଷତ୍ୱ ପାଇଁ ସାରା ବିଶ୍ୱରେ ପରିଚିତ। ଲବଣ ଜଳର ଏହି ହ୍ରଦ ଜୈବ ବିବିଧତା ବଜାୟ ରଖିବାରେ ଭାରତର ପ୍ରଥମ ଆର୍ଦ୍ରଭୂମି ବା ସନ୍ତସନ୍ତିଆ ଅଞ୍ଚଳ ଭାବେ ୧୯୮୧ରେ ରାମ୍‌ସର କନ୍‌ଭେନ୍‌ଶନରେ ମାନ୍ୟତା ପାଇଥିଲା। ଉଲ୍ଲେଖଯୋଗ୍ୟ, ୧୯୭୧ ମସିହାରେ ଇରାନ୍‌ର ରାମ୍‌ସର ନଗରରେ ଅନ୍ତର୍ଜାତୀୟ ସମ୍ମିଳନୀ ଜରିଆରେ ଆର୍ଦ୍ରଭୂମି ସଂରକ୍ଷଣ ଲାଗି ପଦକ୍ଷେପ ଆରମ୍ଭ ହୋଇଥିଲା। ଚିଲିକା ୨୦୦୨ରେ ରାମ୍‌ସର କଞ୍ଜରଭେଶନ୍‌ ପୁରସ୍କାର ପାଇ ପୃଥିବୀର ପ୍ରକୃତିପ୍ରେମୀଙ୍କ ଦୃଷ୍ଟି ଆକର୍ଷଣ କରିଥିଲା। ଚିଲିକାକୁ ଦେଖିଥିବା ପର୍ଯ୍ୟଟକ ଜାଣନ୍ତି ଯେ କେବଳ ଭାରତ ନୁହେଁ, ଦୂରଦୂରାନ୍ତରୁ ମଧ୍ୟ ବିଭିନ୍ନ ପ୍ରକାରର ଚଢ଼େଇ ଏଠାକୁ ଅସ୍ଥାୟୀ ବାସ ଭାବେ ବାଛିଥାନ୍ତି। ଫ୍ଲାମିଙ୍ଗୋ, ନର୍ଦନ ପିନ୍‌ଟେଲସ୍‌ ଭଳି ପ୍ରାୟ ୧୬୦ରୁ ଊର୍ଦ୍ଧ୍ୱ ପ୍ରକାରର ବିଦେଶୀ ପକ୍ଷୀ ପ୍ରତ୍ୟେକ ବର୍ଷ ଚିଲିକାକୁ ଆସିଥାନ୍ତି। ଏଥିରୁ ବୁଝିବାକୁ ହେବ ଯେ, ଶୀତଋତୁରେ ଚିଲିକାକୁ ଭାରତୀୟ ଉପମହାଦେଶର ସର୍ବବୃହତ୍‌ ଭ୍ରମଣକାରୀ ପକ୍ଷୀଙ୍କୁ ଆକୃଷ୍ଟ କରୁଥିବା ସ୍ଥଳୀ ଭାବେ ଦିଆଯାଇଥିବା ମାନ୍ୟତାକୁ କୌଣସି ଅମଲାତାନ୍ତ୍ରିକ କିମ୍ବା ରାଜନୈତିକ ପେଞ୍ଚରେ ମିଳିପାରିବ ନାହିଁ। ଅ...

ଜିଡିପି ବଢୁଛି, ଗରିବି କମୁନାହିଁ

ଜିଡିପି ବଢୁଛି, ଗରିବି କମୁନାହିଁ

ସହଦେବ ସାହୁ

ଆଗକାଳରେ ଯେମିତି ବ୍ୟବସାୟ ବାଣିଜ୍ୟ ସମ୍ପଦ ତିଆରି କରୁଥିଲା ଏବେ କରୁଛି କି? ବିଶ୍ୱର ଶ୍ରେଷ୍ଠ ଧନୀ ଦେଶ ଆମେରିକା କଥା ଦେଖନ୍ତୁ। ଗତ କେତେକ ଦଶନ୍ଧିରେ ମାର୍କିନ୍‌ କମ୍ପାନୀମାନେ ଯେଉଁ ହାରରେ ସମ୍ପଦ ତିଆରି କରୁଥିଲେ ତହିଁରେ ଏବେ ଭଟ୍ଟା ପଡିଛି। ମାର୍କ ବୁଚାନାନ୍‌ ଜଣେ ପଦାର୍ଥବିଜ୍ଞାନୀ ଓ ବିଜ୍ଞାନ ଲେଖକ- ସେ ଅର୍ଥନୀତି ଉପରେ ବିଜ୍ଞାନ କ’ଣ କହୁଛି ସେ ବିଷୟରେ ଖଣ୍ଡିଏ ବହି ଲେଖିଛନ୍ତି- ବହିର ନାଁ ‘ଫୋର୍‌କାଷ୍ଟ୍‌: ହ୍ବାଟ୍‌ ଫିଜିକ୍ସ, ମିଟରୋଲଜି ଆଣ୍ଡ୍‌ ଦ ନ୍ୟାଚୁରାଲ୍‌ ସାଇନ୍ସେସ୍‌ କ୍ୟାନ୍‌ ଟିଚ୍‌ ଅସ୍‌ ଏବାଉଟ୍‌ ଇକୋନମିକ୍ସ’, ଭବିଷ୍ୟବାଣୀ- ପଦାର୍ଥବିଦ୍ୟା, ପାଣିପାଗବିଦ୍ୟା ଓ ପ୍ରାକୃତିକ ବିଜ୍ଞାନମାନ ଅର୍ଥନୀତି ବିଦ୍ୟା ଉପରେ ଆମକୁ...
ଇମେଲ୍‌: sahadevas@yahoo.com

ଖାଉଟି ସୁରକ୍ଷା ଏକ ବିଡ଼ମ୍ବନା

ଖାଉଟି ସୁରକ୍ଷା ଏକ ବିଡ଼ମ୍ବନା

ଜ୍ଞାନାଞ୍ଜଳି ପରିଡ଼ା

ଆଧୁନିକ ଯୁଗରେ ଖାଉଟି ବା ଗ୍ରାହକର ସ୍ଥାନ ଅତି ଶୀର୍ଷରେ। ପ୍ରତ୍ୟେକ ବ୍ୟବସାୟିକ ସଂସ୍ଥା ତିଷ୍ଠି ରହିବା ଏବଂ ତାଙ୍କର ଅଭିବୃଦ୍ଧି ମୁଖ୍ୟତଃ ଗ୍ରାହକର ଚାହିଦା ଉପରେ ନିର୍ଭର କରେ। ସେଥିପାଇଁ ବ୍ୟବସାୟୀମାନଙ୍କ ଦୃଷ୍ଟିରେ ଜଣେ ଗ୍ରାହକ ହେଉଛି ଭଗବାନଙ୍କ ସଦୃଶ (ଗରାଖ-ଈଶ୍ୱର)। କିନ୍ତୁ ବାସ୍ତବରେ ଆମ ଦେଶରେ ଖାଉଟି ସବୁବେଳେ ଅସାଧୁ ବ୍ୟବସାୟୀଙ୍କ ଦ୍ୱାରା ଠକାମିର ଶିକାର ହୋଇ ଆସୁଛି। ଠକ ବ୍ୟବସାୟୀମାନେ ଦ୍ରବ୍ୟ ଓ ସେବା ବାବଦରେ ସାଧାରଣ ଲୋକଙ୍କଠାରୁ ଅନେକ ତଥ୍ୟ ଗୋପନୀୟ ରଖିଥାନ୍ତି। ଯୋଜନାବଦ୍ଧ ଭାବରେ ଏମାନେ ଖାଉଟିକୁ ଲୁଟିଥାନ୍ତି। ଏହି ସମସ୍ୟାର ନିରାକରଣ ପାଇଁ ୧୯୮୬ ମସିହାରେ ସମଗ୍ର ଦେଶ ପାଇଁ ଖାଉଟି ସୁରକ୍ଷା ଆଇନ ...

ଅସୁରକ୍ଷିତ ନାରୀ ଓ ଶିଶୁ

ଅସୁରକ୍ଷିତ ନାରୀ ଓ ଶିଶୁ

ଝରଣା ପଣ୍ଡା

ସମଗ୍ର ବିଶ୍ୱରେ ଭାରତ ଦ୍ରୁତ ଅଭିବୃଦ୍ଧି ଓ ପ୍ରଗତିର ଦୌଡ଼ରେ ସାମିଲ ହୋଇଛି। ସୂଚନା ପ୍ରଯୁକ୍ତି ଓ ନାରୀ ସଶକ୍ତୀକରଣର ଜୋରଦାର ପ୍ରଚାର ପ୍ରସାର ହେଉଛି। ସରକାରୀ ଓ ବେସରକାରୀ ଭାବରେ ଲକ୍ଷ ଲକ୍ଷ ଟଙ୍କା ବିନିମୟରେ ଗଣମାଧ୍ୟମର ବିଜ୍ଞାପନରେ ନାରୀ ସଶକ୍ତୀକରଣର ଢୋଲ ପିଟା ଯାଉଥିବା ବେଳେ ସମଗ୍ର ଭାରତୀୟଙ୍କ ସାମଗ୍ରିକ ବିବେକ ଚେତନାକୁ ଦୋହଲାଇ ଦେଇଛି ବିହାର ...