ନୂଆଦିଲ୍ଲୀ,୧୧-୭(ପି.ଟି) ଆଇଡିଆ- ଭୋଡାଫୋନ ଇଣ୍ଡିଆ ମିଶ୍ରଣକୁ ସରକାର ସର୍ତ୍ତମୂଳକ ମଞ୍ଜୁରୀ ପ୍ରଦାନ କରି ସାରିଛନ୍ତି। ମାତ୍ର ଅନ୍ୟ କେତେକ ଆନୁସଙ୍ଗିକ କାର୍ଯ୍ୟ କମ୍ପାନୀଗୁଡିକୁ ପୂରଣ କରିବାକୁ ବାକି ରହିଛି। ଏହା ପରେ ଯାଇ ଅନ୍ତିମ ଡିଲ୍ କାର୍ଯ୍ୟ ଶେଷ ହେବ। ବୁଧବାର ଟେଲିକମ୍ ମନ୍ତ୍ରୀ ମନୋଜ ସିହ୍ନା ଏହି ସୂଚନା ଦେଇଛନ୍ତି। ମଙ୍ଗଳବାର ଭୋଡାଫୋନ ପକ୍ଷରୁ କେତେକ ଉଚ୍ଚ ପଦାଧିକାରୀ ସିହ୍ନାଙ୍କୁ ଭେଟିଥିଲେ। ଜୁଲାଇ ୨ରେ ଉକ୍ତ ଡିଲ୍ ଲାଗି ସରକାର ସର୍ତ୍ତମୂଳକ ମଞ୍ଜୁରୀ ପ୍ରଦାନ କରିଥିବା ଜଣାଯାଇଛି। ଡିଲ୍ ଲାଗି ସରକାର ଶୀଘ୍ର ମଞ୍ଜୁରୀ ପ୍ରଦାନ କରିଥିବାରୁ ସରକାରଙ୍କୁ କମ୍ପାନୀ କର୍ତ୍ତୃପକ୍ଷ ଧନ୍ୟବାଦ ପ୍ରଦାନ କରିଛନ୍ତି।
