ଖେଳ |

ଥାଇ ଖେଳାଳିଙ୍କୁ ଉତ୍ସର୍ଗ କଲେ ଫ୍ରାନ୍ସ ବିଜୟ

ମସ୍କୋ,୧୧।୭(ଏପି)- ଫ୍ରାନ୍ସ ଦଳର ମିଡ୍‌ଫିଲ୍ଡର ପଲ ପୋଗ୍‌ବା ଗତ ସେମିଫାଇନାଲରେ ନିଜ ଅନ୍ତର୍ଜାତୀୟ କ୍ୟାରିୟରର ବୃହତ ବିଜୟ ହାସଲ କରିଛନ୍ତି। ସେ ଏହି ବିଜୟକୁ ଥାଇଲାଣ୍ଡର ଏକ ଗୁମ୍ଫାରୁ ଉଦ୍ଧାର ହୋଇଥିବା ଯୁବ ଫୁଟ୍‌ବଲ ଖେଳାଳିଙ୍କ ଉଦ୍ଦେଶ୍ୟରେ ଟୁଇଟର ଜରିଆରେ ଉତ୍ସର୍ଗ କରିଛନ୍ତି। ମ୍ୟାଚ୍‌ ଶେଷ ହେବାର କିଛି ଘଣ୍ଟା ପୂର୍ବରୁ ଗୁମ୍ଫାରୁ କୋଚ୍‌ଙ୍କ ସମେତ ଅନ୍ୟ ଖେଳାଳିଙ୍କୁ ଉଦ୍ଧାର କରାଯାଇଥିଲା।

All Right Reserved By

ଖେଳ |

୧୭ ବର୍ଷରୁ କମ୍‌ ମହିଳା ବ୍ରିକ୍ସ କପ୍‌ ଫୁଟବଲ: ଚାଇନାଠାରୁ ହାରିଲା ଭାରତ

୧୭ ବର୍ଷରୁ କମ୍‌ ମହିଳା ବ୍ରିକ୍ସ କପ୍‌ ଫୁଟବଲ: ଚାଇନାଠାରୁ ହାରିଲା ଭାରତ

ନୂଆଦିଲ୍ଲୀ, ୨୨।୭(ପି.ଟି.)- ଦକ୍ଷିଣ ଆଫ୍ରିକାର ଜୋହାନ୍ସବର୍ଗରେ ଚାଲିଥିବା ବ୍ରିକ୍ସ କପ୍‌ ଫୁଟବଲ ଟୁର୍ନାମେଣ୍ଟରେ ଭାରତୀୟ ୧୭ ବର୍ଷରୁ କମ୍‌ ମହିଳା ଦଳ ଚାଇନାଠାରୁ ୨-୧ ଗୋଲରେ ପରାସ୍ତ ହୋଇଛି। ଭାରତର ମନୀଷା ଫ୍ରି କିକ୍‌ ମାଧ୍ୟମରେ ୨୫ତମ ମିନିଟ୍‌ରେ ଗୋଲ ଦେଇ ଅଗ୍ରଣୀ କରାଇଥିଲେ। ୪୨ତମ ମିନିଟରେ ଆଉ ଏକ ସୁଯେଗ ମିଳିଥିଲେ ମଧ୍ୟ ଭାରତ ଏହାକୁ ଗୋଲରେ ପରିଣତ କରିପାରି ନ ଥିଲା। ତେବେ ଦ୍ୱିତୀୟାର୍ଦ୍ଧରେ ଚାଇନା ପ୍ରତ୍ୟାବର୍ତ୍ତନ କରି ଦୁଇଟି ଗୋଲ ଦେବା ସହ ଭାରତ ହାତରୁ ମ୍ୟାଚ୍‌ ଛଡାଇ ନେଇଥିଲା।

ଏସିଆନ ଜୁନିୟର ବ୍ୟାଡମିଣ୍ଟନ ଚାମ୍ପିୟନଶିପ୍‌:  ୫୩ ବର୍ଷ ପରେ ଲକ୍ଷ୍ୟ ଜିତିଲେ ଟାଇଟଲ

ଏସିଆନ ଜୁନିୟର ବ୍ୟାଡମିଣ୍ଟନ ଚାମ୍ପିୟନଶିପ୍‌: ୫୩ ବର୍ଷ ପରେ ଲକ୍ଷ୍ୟ ଜିତିଲେ ଟାଇଟଲ

ନୂଆଦିଲ୍ଳୀ,୨୨।୭(ପି.ଟି.)- ଭାରତର ଲକ୍ଷ୍ୟ ସେନ୍‌ ଇତିହାସ ସୃଷ୍ଟି କରିଛନ୍ତି। ଜାକର୍ତ୍ତାରେ ଖେଳାଯାଇଥିବା ଏସିଆନ୍‌ ଜୁନିୟର ବ୍ୟାଡମିଣ୍ଟନ ଚାମ୍ପିୟନଶିପ୍‌ରେ ସେ ପୁରୁଷ ସିଙ୍ଗଲ୍ସ ଇଭେଣ୍ଟରେ ଟାଇଟଲ ହାସଲ କରିଛନ୍ତି। ରବିବାର ଖେଳାଯାଇଥିବା ଫାଇନାଲ ମ୍ୟାଚରେ ସେ ଟପ୍‌ ସିଡ୍‌ ତଥା ବିଶ୍ୱର ୧ ନମ୍ବର ଖେଳାଳି ଥାଇଲାଣ୍ଡର କୁନଲାଭୁଟ୍‌ ଭିଟିଡଶରନଙ୍କୁ ୨୧-୧୯, ୨୧- ୧୮ରେ ହରାଇ ଚାମ୍ପିୟନ ହେବାର ଗୌରବ ଅର୍ଜନ କରିଛନ୍ତି। ଦୀର୍ଘ ୫୩ ବର୍ଷ ପରେ ପ୍ରଥମ ଭାରତୀୟ ପୁରୁଷ ଖେଳାଳି ଭାବେ ଲକ୍ଷ୍ୟ ଏହି ଟୁର୍ନାମେଣ୍ଟ ଟାଇଟଲ ଜିତିବାକୁ ସକ୍ଷମ ହୋଇଛନ୍ତି।

ଏଟିପି ଓ୍ବାଲର୍‌ଡ ଟୁର ଫାଇନାଲରେ ରାମକୁମାର

ଏଟିପି ଓ୍ବାଲର୍‌ଡ ଟୁର ଫାଇନାଲରେ ରାମକୁମାର

ନୂଆଦିଲ୍ଲୀ, ୨୨।୭(ପି.ଟି.)- ଆମେରିକାର ନ୍ୟୁପୋର୍ଟଠାରେ ଚାଲିଥିବା ହଲ୍‌ ଅଫ୍‌ ଫେମ୍‌ ଓପନ୍‌ ଏଟିପି ଓ୍ବାଲର୍‌ଡ ଟୁର ଟୁର୍ନାମେଣ୍ଟରେ ଭାରତର ରାମକୁମାର ରାମନାଥନ ସିଙ୍ଗଲ୍ସ ଫାଇନାଲରେ ପ୍ରବେଶ କରିଛନ୍ତି। ସେମିଫାଇନାଲରେ ଚେନ୍ନାଇର ୨୩ ବର୍ଷୀୟ ରାମକୁମାର ୬-୪, ୭-୫ ସେଟରେ ଆମେରିକାର ଟିମ୍‌ ମିଜେକଙ୍କୁ ପରାସ୍ତ କରି ପ୍ରଥମଥର ପାଇଁ ଏଟିପି ଫାଇନାଲରେ ପ୍ରବେଶ କରିବାକୁ ସକ୍ଷମ ହୋଇଛନ୍ତି।

ଦ୍ୱିତୀୟ ଟେଷ୍ଟ:ଦକ୍ଷିଣ ଆଫ୍ରିକାର ବିଜୟ ଲକ୍ଷ୍ୟ ୪୯୦

ଦ୍ୱିତୀୟ ଟେଷ୍ଟ:ଦକ୍ଷିଣ ଆଫ୍ରିକାର ବିଜୟ ଲକ୍ଷ୍ୟ ୪୯୦

କଲମ୍ବୋ, ୨୨।୭ (ଏଏଫପି)- ଶ୍ରୀଲଙ୍କା ବିପକ୍ଷ ଦ୍ୱିତୀୟ ଟେଷ୍ଟ ମ୍ୟାଚ୍‌ରେ ଭ୍ରମଣକାରୀ ଦକ୍ଷିଣ ଆଫ୍ରିକା ଆଗରେ ବିଶାଳ ବିଜୟ ଲକ୍ଷ୍ୟ ଧାର୍ଯ୍ୟ ହୋଇଛି। ଟସ୍‌ ଜିତି ଶ୍ରୀଲଙ୍କା ପ୍ରଥମେ ବ୍ୟାଟିଂ କରି ପ୍ରଥମ ଇନିଂସରେ ୩୩୮ ରନ କରି ଅଲଆଉଟ ହୋଇଥିଲା। ଜବାବରେ ଦକ୍ଷିଣ ଆଫ୍ରିକା ପ୍ରଥମ ଇନିଂସ ଆରମ୍ଭ କରି ବିପର୍ଯ୍ୟୟର ସମ୍ମୁଖୀନ ହେବା ସହ ମାତ୍ର ୧୨୪ ରନ କରି ଆଉଟ ହୋଇଥିଲା ଓ ଶ୍ରୀଲଙ୍କା ୨୧୪ ରନର ଅଗ୍ରଣୀ ହାସଲ କରିଥିଲା। ଦ୍ୱିତୀୟ ଇନିଂସ ଆରମ୍ଭ କରି ଶ୍ରୀଲଙ୍କା ତୃତୀୟ ଦିନରେ ୮୧ ଓଭରରେ ୫ ଉଇକେଟ ହରାଇ ୨୭୫ ରନ କରି ପାଳି ଘୋଷଣା କରିଛି। ଫଳରେ ଦକ୍ଷିଣ ଆଫ୍ରିକା ସମ୍ମୁଖରେ ୪୯୦ ରନର ବିଜୟ ଲକ୍ଷ୍ୟ ଧାର୍ଯ୍ୟ ହୋଇଛି।

ଖେଲୋ ଇଣ୍ଡିଆ ସ୍କଲାରଶିପ୍‌ ପାଇଁ ୭୩୪ ଯୁବ ଖେଳାଳି ମନୋନୀତ

ଖେଲୋ ଇଣ୍ଡିଆ ସ୍କଲାରଶିପ୍‌ ପାଇଁ ୭୩୪ ଯୁବ ଖେଳାଳି ମନୋନୀତ

ନୂଆଦିଲ୍ଲୀ, ୨୨।୭(ପି.ଟି.)- ଦେଶରେ କ୍ରୀଡ଼ା ପ୍ରତିଭାର ଚିହ୍ନଟ ଓ ବିକାଶ ପାଇଁ କେନ୍ଦ୍ର ସରକାରଙ୍କ ଦ୍ୱାରା ଅନୁମୋଦିତ ହୋଇଥିବା କାର୍ଯ୍ୟକ୍ରମ ଖେଲୋ ଇଣ୍ଡିଆ ଟ୍ୟାଲେଣ୍ଟ ଆଇଡେଣ୍ଟିଫିକେଶନ ଡେଭଲପମେଣ୍ଟ ସ୍କିମ୍‌ର ସ୍କଲାରଶିପ୍‌ ପାଇଁ ୭୩୪ଜଣ ଯୁବ ଖେଳାଳିଙ୍କୁ ମନୋନିତ କରାଯାଇଛି। ସ୍ପୋଟର୍‌ସ ଅଥରିଟୀ ଅଫ୍‌ ଇଣ୍ଡିଆ (ସାଇ) ସ୍କଲାରଶିପନ୍‌ ମନୋନିତ ଖେଳାଳିଙ୍କୁ ନେଇ ଏକ ତାଲିକା ଘୋଷଣା କରିଛି। ଅର୍ଜୁନ ପୁରସ୍କାର ଓ ଦ୍ରୋଣାଚାର୍ଯ୍ୟ ପୁ୍‌ରସ୍କାର ପ୍ରାପ୍ତ କ୍ରଡ଼ାବିତ୍‌ ଓ କୋଚ୍‌ ମାନଙ୍କୁ ଗଠିତ କିମିଟ ଏହି ଖେଳାଳିମାନଙ୍କୁ ଚୟନ କରିଥିଲେ।

ଟେନିସ୍‌ ହଲ୍‌ ଅଫ୍‌ ଫେମ୍‌ରେ ଯୋଗ ଦେଲେ ଷ୍ଟିଚ୍‌, ସୁକୋଭା

ଟେନିସ୍‌ ହଲ୍‌ ଅଫ୍‌ ଫେମ୍‌ରେ ଯୋଗ ଦେଲେ ଷ୍ଟିଚ୍‌, ସୁକୋଭା

ନ୍ୟୁୟର୍କ, ୨୨।୭(ଏ.ଏଫ୍‌.ପି.)- ପୂର୍ବତନ ଓ୍ବିମ୍ବେଲଡନ ଚାମ୍ପିୟନ ଜର୍ମାନୀର ମାଇକେଲ ଷ୍ଟିଚ୍‌ ଓ ୧୪ଟି ଗ୍ରାଣ୍ଡସ୍ଲାମ ଡବଲ୍ସ ଟାଇଟଲ ହାସଲ କରିଥିବା ଚେକ୍‌ ଗଣରାଜ୍ୟର ମହିଳା ଖେଳାଳି ହେଲେନା ସୁକୋଭା ଟେନିସ୍‌ ହଲ୍‌ ଅଫ୍‌ ଫେମ୍‌ରେ ଯୋଗ ଦେଇଛନ୍ତି। ଏହା ମୋ ପାଇଁ ଗର୍ବର ବିଷୟ ଓ ଏକ ସ୍ବତନ୍ତ୍ର ମୁହୂର୍ତ୍ତ ବୋଲି ଷ୍ଟିଚ୍‌ କହିଛନ୍ତି। ରୋଡ ଆଇଲାଣ୍ଡର ନ୍ୟୁପୋର୍ଟରେ ଆୟୋଜିତ ଏକ ସ୍ବତନ୍ତ୍ର ଉତ୍ସବରେ ଏହି ଦୁଇ କିମ୍ବଦନ୍ତୀ ଖେଳାଳିଙ୍କୁ ହଲ୍‌ ଅଫ୍‌ ଫେମ୍‌ରେ ସାମିଲ କରାଯାଇଛି।

ଜୁନିୟର ଏସିଆନ ରେସ୍‌ଲିଂ ଚାମ୍ପିୟନଶିପ୍‌:ଭାରତକୁ ୩ ରୌପ୍ୟ, ଗୋଟିଏ ବ୍ରୋଞ୍ଜ

ନୂଆଦିଲ୍ଲୀ, ୨୨।୭(ପି.ଟି.)- ଏଠାରେ ଚାଲିଥିବା ଜୁନିୟର ଏସିଆନ୍‌ ରେସଲିଂ ଚାମ୍ପିୟନଶିପ୍‌ରେ ଶନିବାର ଭାରତୀୟ ଖେଳାଳିମାନେ ୩ଟି ରୌପ୍ୟ ଓ ଗୋଟିଏ ବ୍ରୋଞ୍ଜ୍‌ ପଦକ ହାସଲ କରିଛନ୍ତି। ପ୍ରତିଯୋଗିତାର ପ୍ରଥମ ଦିବସରେ ୫ରୁ ୪ଜଣ ଭାରତୀୟ ରେସ୍‌ଲର ମେଡାଲ ରାଉଣ୍ଡରେ ପ୍ରବେଶ କରିଥିଲେ। ୬୫ କେ.ଜି. ବର୍ଗରେ କରନ ବ୍ରୋଞ୍ଜ୍‌ ପଦକ ହାସଲ କରିଥିଲେ। ପଞ୍ଚମ ଭାରତୀୟ ଖେଳାଳି ହୁସେନ ନାସିର ମେଡାଲ ରାଉଣ୍ଡରେ ପହଞ୍ଚିପାରି ନ ଥିଲେ। ତେବେ ନବୀନ ୫୭ କେ.ଜି. ବର୍ଗରେ ଓ ବିଶାଲ କାଲିରମାନ ୭୦ କେ.ଜି. ବର୍ଗରେ ଗୋଲ୍ଡ ମେଡାଲ ପାଇଁ ଅନୁଷ୍ଠିତ ବାଉଟ୍‌ରେ ହାରି ରୌପ୍ୟ ପଦକରେ ସନ୍ତୁଷ୍ଟ ହୋଇଥିଲେ। ଏହାପରେ ସଚିନ ଗିରି ସ୍ବର୍ଣ୍ଣ ପଦକ ହାସଲ କରିବେ ବୋଲି ଚନ୍ତା କରାଯାଉଥିବା ବେଳେ ସେ ମଧ୍ୟ ଫାଇନାଲ ରାଉଣ୍ଡରେ ମାତ୍ର ୧ ମିନିଟ ୧୨ ସେକେଣ୍ଡରେ ପରାସ୍ତ ହୋଇଥିଲେ। ଇରାନର ସଜାଦ ସାବେରାଲି ଗୋଲାମି ତାଙ୍କୁ ପରାସ୍ତ କରିଥିଲେ।

ନିଜ ରେକର୍ଡରେ ଉନ୍ନତି ଆଣିଲେ ଆନସ୍‌

ନିଜ ରେକର୍ଡରେ ଉନ୍ନତି ଆଣିଲେ ଆନସ୍‌

ନୂଆଦିଲ୍ଲୀ, ୨୨।୭(ପି.ଟି.)- ଚେକ ଗଣରାଜ୍ୟରେ ଚାଲିଥିବା ଏକ ଇଭେଣ୍ଟରେ ଭାରତୀୟ ସ୍ପ୍ରିଣ୍ଟର ମହମ୍ମଦ ଆନସ ନିଜ ୪୦୦ ମିଟର ଜାତୀୟ ରେକର୍ଡରେ ଉନ୍ନତି ଆଣିଛନ୍ତି। ସେ ୪୫.୨୪ ସେକେଣ୍ଡ ସମୟ ନେଇ ପ୍ରଦର୍ଶନରେ ଉନ୍ନତି ଆଣିବା ସହ ସ୍ବର୍ଣ୍ଣ ପଦକ ହାସଲ କରିଛନ୍ତି। ଏହା ପୂର୍ବରୁ ସେ ଗତ ଗୋଲ୍ଡକୋଷ୍ଟ ରାଜ୍ୟଗୋଷ୍ଠୀ କ୍ରୀଡ଼ାରେ ୪୫.୩୧ ସେକେଣ୍ଡ ସମୟ ନେଇ ଚତୁର୍ଥ ସ୍ଥାନରେ ରହି ଅଭିଯାନ ଶେଷ କରିଥିଲେ ଓ ପଦକରୁ ବଞ୍ଚିତ ହୋଇଥିଲେ। ସେତେବେଳେ ଏହା ଜାତୀୟ ରେକର୍ଡ ସାବ୍ୟସ୍ତ ହୋଇଥିଲା। ଆନସ୍‌ ଏବେ ପ୍ରାଗ୍‌ରେ ପ୍ରଶିକ୍ଷଣ ନେଉଛନ୍ତି। ଆଗାମୀ ଏସିଆନ ଗେମ୍ସ ପାଇଁ ସେ ପ୍ରସ୍ତୁତି ଚଳାଇଛନ୍ତି। ସେହିପରି ମହିଳା ୪୦୦ ମି. ଇଭେଣ୍ଟରେ ଭାରତର ଏମ୍‌.ଆର. ପୁଭାମ୍ମା ୫୩.୦୧ ସେକେଣ୍ଡ ସମୟ ନେଇ ସ୍ବର୍ଣ୍ଣ ପଦକ ହାସଲ କରିଛନ୍ତି। ଏହି ପ୍ରତିଯୋଗିତାରେ ମାତ୍ର ୪ଜଣ ମହିଳା ପ୍ରତିଯୋଗୀ ଅଂଶଗ୍ରହଣ କରିଥିଲେ।

ହକି ଟେଷ୍ଟ ସିରିଜ:ନ୍ୟୁଜିଲାଣ୍ଡ ବିପକ୍ଷରେ ଭାରତର ଦ୍ୱିତୀୟ ବିଜୟ

ହକି ଟେଷ୍ଟ ସିରିଜ:ନ୍ୟୁଜିଲାଣ୍ଡ ବିପକ୍ଷରେ ଭାରତର ଦ୍ୱିତୀୟ ବିଜୟ

ବୋଙ୍ଗାଲୁରୁ, ୨୨ା୭ (ପି.ଟି.)-ଭାରତୀୟ ପୁରୁଷ ହକି ଦଳ ନ୍ୟୁଜିଲାଣ୍ଡ ବିପକ୍ଷରେ କ୍ରମାଗତ ଦ୍ୱିତୀୟ ବିଜୟ ହାସଲ କରିଛି। ଘରୋଇ ଦଳ ଶନିବାର ଭ୍ରମଣକାରୀ ଦଳକୁ ୩-୧ଗୋଲରେ ପରାସ୍ତ କରିଛି। ଏହି ବିଜୟ ଦ୍ୱାରା ଭାରତ ୩ ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ ୨-୦ରେ ଅଗ୍ରଣୀ ଲାଭ କରିଛି। ମ୍ୟାଚରେ ଭାରତ ଆରମ୍ଭରୁ ଆକ୍ରମଣାତ୍ମକ ଖେଳିଥିଲା। ପ୍ରଥମ ମିନିଟ୍‌ରେ ଷ୍ଟ୍ରାଇକର ଏସଭି ସୁନୀଲ ଗୋଲ ଦେବାର ସୁଯୋଗ ପାଇଥିଲେ। ମାତ୍ର ନ୍ୟୁଜିଲାଣ୍ଡ ଗୋଲକିପର ରିଚାର୍ଡ ଜଏସ୍‌ ଏହି ଉଦ୍ୟମକୁ ପଣ୍ଡ କରିଦେଇଥିଲେ। ପ୍ରଥମ କ୍ୱାର୍ଟରରେ ଭାରତ ପ୍ରାଧାନ୍ୟ ବିସ୍ତାର କରି ଖେଳିଥିଲା।

ଜାତୀୟ ଯୁବ ଆଥଲେଟିକ୍ସ ଚାମ୍ପିୟନଶିପ୍‌:ପୋଲ ଭୋଲ୍ଟରେ ରାକେଶଙ୍କ ନୂଆ ରେକର୍ଡ

ଜାତୀୟ ଯୁବ ଆଥଲେଟିକ୍ସ ଚାମ୍ପିୟନଶିପ୍‌:ପୋଲ ଭୋଲ୍ଟରେ ରାକେଶଙ୍କ ନୂଆ ରେକର୍ଡ

ଭଦୋଦରା, ୨୨।୭(ପି.ଟି.)- ଏଠାରେ ଚାଲିଥିବା ୧୫ତମ ଜାତୀୟ ଯୁବ ଆଥଲେଟିକ୍ସ ଚାମ୍ପିୟନଶିପ୍‌ରେ ରାକେଶ ଗୋଣ୍ଡ ପୋଲ୍‌ ଭୋଲ୍ଟରେ ନୂଆ ଜାତୀୟ ରେକର୍ଡ ସ୍ଥାପନ କରିଛନ୍ତି। ପ୍ରତିଯୋଗିତାର ପ୍ରଥମ ଦିନରେ ରେକର୍ଡ ସ୍ଥାପନ କରି ରାକେଶ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ। ସେ ୪.୯୦ ମି. ଉଚ୍ଚତା ଡେଇଁ ରେକର୍ଡ ସୃଷ୍ଟି କରିବା ସହ ସ୍ବର୍ଣ୍ଣ ପଦକ ହାସଲ କରିଛନ୍ତି । ସେ ଏହି କ୍ରମରେ ୨୦୧୭ରେ କହ୍ନାୟା ସିଂଙ୍କ ଦ୍ୱାରା ସ୍ଥାପନ କରାଯାଇଥିବା ୪.୭୫ ମିଟରକୁ ଅତିକ୍ରମ କରିଛନ୍ତି। ଉତ୍ତରପ୍ରଦେଶର ଏହି ପୋଲ ଭୋଲ୍ଟର ଅନ୍ୟ ପ୍ରତିଯୋଗୀଙ୍କଠାରୁ ଯଥେଷ୍ଟ ଆଗରେ ରହିଥିଲେ। ରାକେଶଙ୍କ ପଛକୁ ୪.୪୦ ମି. ଡେଇଁ ଶେଖର କୁମାର ପାଣ୍ଡେ ରୌପ୍ୟ ପଦକ ଜିତିଛନ୍ତି। ସେହିପରି ତାମିଲ୍‌ ନାଡ଼ୁର ଗଣେଶ ପ୍ରିୟାନ ୪.୨୦ ମି. ଡେଇଁ ବ୍ରୋଞ୍ଜ୍‌ ପଦକ ଜିତିଛନ୍ତି।

ମାଞ୍ଚେଷ୍ଟରରେ ରିଦ୍ଧିମାନଙ୍କ ଅସ୍ତ୍ରୋପଚାର ହେବ

ମାଞ୍ଚେଷ୍ଟରରେ ରିଦ୍ଧିମାନଙ୍କ ଅସ୍ତ୍ରୋପଚାର ହେବ

ନୂଆଦିଲ୍ଳୀ, ୨୨।୭(ପି.ଟି.)- ଭାରତୀୟ ଉଇକେଟକିପର ବ୍ୟାଟ୍ସମ୍ୟାନ ରିଦ୍ଧିମାନ ଶାହାଙ୍କ କାନ୍ଧରେ ଅସ୍ତ୍ରୋପଚାର ହେବ। ଜୁଲାଇ ଶେଷ କିମ୍ବା ଅଗଷ୍ଟ ଆରମ୍ଭରେ ମାଞ୍ଚେଷ୍ଟରରେ ତାଙ୍କର ଅସ୍ତ୍ରୋପଚାର କରାଯିବ ବୋଲି ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ତରଫରୁ କୁହାଯାଇଛି। ୟୁନାଇଟେଡ କିଙ୍ଗ୍‌ଡମ୍‌ର ମାଞ୍ଚେଷ୍ଟରରେ ଥିବା ଡ. ଲେନାର୍ଡ ଫଙ୍କ ରିଦ୍ଧିମାନଙ୍କ ଅସ୍ତ୍ରୋପଚାର କରାଇବେ। ଉଲ୍ଲେଖଥାଉ କି, ଶାହା ଆଗାମୀ ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ପାଇଁ ଦଳରେ ସାମିଲ ହୋଇନାହାନ୍ତି। ଏହାପୂର୍ବରୁ ରିଦ୍ଧିମାନ ବାଙ୍ଗାଲୋର ସ୍ଥିତ ଜାତୀୟ କ୍ରିକେଟ ଏକାଡେମୀ (ଏନ୍‌ସିଏ) ରେ ତାଙ୍କ ଚିକିତ୍ସା କରାଉଥିଲେ। ଭାରତୀୟ ଟିମ୍‌ ମ୍ୟାନେଜମେଣ୍ଟ ଓ ଜିଏମ୍‌ ଅଫ ଅପରେଶନର ମିଳିତ ସହଯୋଗରେ ତାଙ୍କର ଚିକିତ୍ସା କରାଯାଉଥିଲା।

ସ୍ପିନରଙ୍କ ରାଜୁତି: ଶ୍ରୀଲଙ୍କା ସ୍ଥିତି ଦୃଢ଼

ସ୍ପିନରଙ୍କ ରାଜୁତି: ଶ୍ରୀଲଙ୍କା ସ୍ଥିତି ଦୃଢ଼

କଲମ୍ବୋ, ୨୨।୭(ଏଏଫପି)- ସ୍ଥାନୀୟ ସିଂହଳୀ ସ୍ପୋଟର୍‌ସ କ୍ଲବ ଗ୍ରାଉଣ୍ଡରେ ଶ୍ରୀଲଙ୍କା ଓ ଭ୍ରମଣକାରୀ ଦକ୍ଷିଣ ଆଫ୍ରିକା ମଧ୍ୟରେ ଚାଲିଥିବା ଦ୍ୱିତୀୟ ଟେଷ୍ଟ ମ୍ୟାଚ୍‌ରେ ସ୍ପିନରଙ୍କ ରାଜୁତି ଦେଖିବାକୁ ମିଳିଛି। ଦ୍ୱିତୀୟ ଦିନରେ ୧୪ଟି ଉଇକେଟର ପତ୍ତନ ଘଟିଛି। ତେବେ ଘରୋଇ ଦଳ ତା’ର ସ୍ଥିତି ଦୃଢ଼ କରିଛି। ପ୍ରଥମେ ଦକ୍ଷିଣ ଆଫ୍ରିକା ସ୍ପିନର କେଶବ ମହାରାଜ ୯ ଉଇକେଟ ହାସଲ କରି ଦମ୍‌ଦାର ପ୍ରଦର୍ଶନ କରିବା ପରେ ଶ୍ରୀଲଙ୍କା ସ୍ପିନରମାନେ ମଧ୍ୟ ଅନୁରୂପ ପ୍ରଦର୍ଶନ କରି ଦକ୍ଷିଣ ଆଫ୍ରିକାକୁ ବଡ଼ ସ୍କୋର ହାସଲ କରିବାକୁ ସୁଯୋଗ ଦେଇ ନାହାନ୍ତି। ଟସ୍‌ ଜିତି ପ୍ରଥମେ ବ୍ୟାଟିଂ କରି ଶ୍ରୀଲଙ୍କା ପ୍ରଥମ ଇନିଂସରେ ୧୦୪.୧ ଓଭରରେ ୩୩୮ ରନ କରି ଅଲଆଉଟ ହୋଇଥିଲା।

Watch Live Broadcast of Rath Yatra Puri, Odisha Here

Model This Week

ରୂପେଶ