ଅନ୍ତର୍ଜାତୀୟ |

୧୮ ଦିନର ସଂଗ୍ରାମ ଶେଷ: ଗୁମ୍ଫାରୁ ମିଳିଲା ପୁନର୍ଜନ୍ମ

୧୮ ଦିନର ସଂଗ୍ରାମ ଶେଷ: ଗୁମ୍ଫାରୁ ମିଳିଲା ପୁନର୍ଜନ୍ମ
ମାଏ ସାଇ,୧୧।୭: ଥାଇଲାଣ୍ଡର ମୃତ୍ୟୁ ଗୁମ୍ଫାରୁ ମିଳିଲା ମୁକ୍ତି। ୧୮ ଦିନ ମୃତ୍ୟୁ ସହ ସଂଗ୍ରାମ କରିବା ପରେ ଶେଷରେ ପୁନର୍ଜନ୍ମ ପାଇଛନ୍ତି ଆଉ ଫୁଟବଲ ଟିମ୍‌ର ଆଉ ୫ ସଦସ୍ୟ। ମଙ୍ଗଳବାର ଜଣେ କୋଚ୍‌ଙ୍କ ସମେତ ୪ ବାଳକଙ୍କୁ ଉଦ୍ଧାର କରାଯାଇଛି। ବିଦେଶୀ ଡାଇଭର ଏବଂ ଥାଇଲାଣ୍ଡ ନେଭି ସିଲ୍‌ ପୂର୍ବରୁ ୮ ବାଳକଙ୍କୁ ଗୁମ୍ଫା ଭିତରୁ ବାହାର କରିଥିଲେ। ଫୁଟବଲ୍‌ ଟିମ୍‌ର ସମସ୍ତ ସଦସ୍ୟ ଉଦ୍ଧାର ହେବା ପରେ ଏକ ବଡ଼ ଅପରେଶନ ଶେଷ ହୋଇଛି। ୧୨ ‘ଓ୍ବାଇଲ୍ଡ ବୋର୍ସ’ ଏବଂ କୋଚ୍‌ ଉଦ୍ଧାର ହୋଇଛନ୍ତି ଏବଂ ସମସ୍ତେ ସୁରକ୍ଷିତ ଅଛନ୍ତି। ମଙ୍ଗଳବାର ଥାଇଲାଣ୍ଡର ନେଭି ସିଲ୍‌ ପକ୍ଷରୁ ଫେସ୍‌ବୁକ୍‌ରେ ଏଭଳି ପୋଷ୍ଟ କରାଯିବା ପରେ ସମଗ୍ର ବିଶ୍ୱବାସୀ ଆଶ୍ୱସ୍ତ ହୋଇଛନ୍ତି। ଫୁଟବଲ୍‌ ଟିମ୍‌ ନାମ ହିସାବରେ ଏହି ବାଳକଙ୍କୁ କୁହାଯାଉଛି ‘ଓ୍ବାଇଲ୍ଡ ବୋର୍ସ’। ଉତ୍ତରାଞ୍ଚଳରେ ଏକ ପାର୍ବତ୍ୟାଞ୍ଚଳରେ ରହିଛି ଥାମ୍‌ ଲୁଆଙ୍ଗ୍‌ ଗୁମ୍ଫା। ଗତ ଜୁନ୍‌ ୨୩ରେ ଫୁଟବଲ ଖେଳ ଅଭ୍ୟାସ କରିବା ପରେ ଟିମ୍‌ର ୧୩ ସଦସ୍ୟ ଏହି ଗୁମ୍ଫା ଭିତରକୁ ପଶିଯାଇଥିଲେ। ତନ୍ମଧ୍ୟରେ ଥିଲେ ୧୧ରୁ ୧୬ ବର୍ଷର ବାଳକ ଏବଂ ୨୫ ବର୍ଷୀୟ କୋଚ୍‌। ପ୍ରବଳ ବର୍ଷା ଯୋଗୁ ଏହା ଭିତରେ ପାଣି ପଶିଯିବାରୁ ସେମାନେ ତା’ ଭିତରେ ଫସିଗଲେ। ପ୍ରାୟ ୪ କି.ମି. ପର୍ଯ୍ୟନ୍ତ ଭିତରକୁ ସେମାନେ ଚାଲିଯାଇଥିଲେ। ଜୀବନ ବଞ୍ଚାଇବା ପାଇଁ ଗୁମ୍ଫା ଭିତରେ ଏକ କାଦୁଅ ଭରା ସାମାନ୍ୟ ଉଚ୍ଚ ସ୍ଥାନରେ ଆଶ୍ରୟ ନେଇଥିଲେ। ନଅଦିନ ପର୍ଯ୍ୟନ୍ତ ସେମାନଙ୍କ ଖୋଜ୍‌ ଖବର ମିଳିଲା ନାହିଁ। ଏପଟେ ନିଖୋଜ ଫୁଟବଲ୍‌ ଟିମ୍‌ ସଦସ୍ୟଙ୍କ ସନ୍ଧାନ ପାଇଁ ଅନ୍ତର୍ଜାତୀୟ ସ୍ତରର ଉଦ୍ଧାରକାରୀ ଟିମ୍‌ ଲାଗିପଡ଼ିଥିଲେ। ଶେଷରେ ଦୁଇ ବ୍ରିଟିଶ୍‌ ଡାଇଭର ସେମାନଙ୍କୁ ସେହି ଗୁମ୍ଫା ଭିତରେ ଠାବ କଲେ। ଏତେଦିନ ଯାଏ କାଳ ଗୁମ୍ଫା ଭିତରେ ଭୋକ ଉପବାସରେ ରହିଥିଲେ ସୁଦ୍ଧା ଡାଇଭରଙ୍କୁ ଦେଖି ସେମାନେ ହସିଦେଇଥିଲେ। ଏଥିରୁ ସେମାନଙ୍କ ଦୃଢ଼ ଆତ୍ମବିଶ୍ୱାସ ବାରି ହୋଇପଡ଼ିଥିଲା। ଏହାପରେ ସେମାନଙ୍କୁ ବାହାରକୁ ଆଣିବା ଲାଗି ଆରମ୍ଭ ହେଲା ଅଭିଯାନ। ବାହାରେ ମୌସୁମୀ ବର୍ଷା ଲାଗିରହିଥିବାରୁ ଗୁମ୍ଫା ଭିତରେ ଜଳସ୍ତର ବଢ଼ିଯାଇଥିଲା। ତେଣୁ ଉଦ୍ଧାରକାର୍ଯ୍ୟ ସହଜ ନ ଥିଲା। ତଥାପି ସମସ୍ତଙ୍କୁ ସୁରକ୍ଷିତ ଉଦ୍ଧାର କରିବାକୁ ଉଦ୍ୟମ ଜାରି ରହିଲା। ଏଭଳି ବିପତ୍ତି ସମୟରେ ସ୍ଥାନୀୟ କର୍ତ୍ତୃପକ୍ଷଙ୍କ ପାଖରେ ଦୁଇଟି ବାଟ ଥିଲା। ପାହାଡ଼କୁ ଖୋଳି ଗୁମ୍ଫା ଭିତରକୁ ଏକ ରାସ୍ତା ବାହାର କରିବା କିମ୍ବା ମୌସୁମୀ ବର୍ଷା ଶେଷ ହେବା ଯାଏ ଅପେକ୍ଷା କରିବା। ଏତିକିବେଳେ ଗୁମ୍ଫା ଭିତରେ ଅମ୍ଳଜାନ କମିଆସିଲା। ଏପଟୁ ବର୍ଷା ଜଳ ମଧ୍ୟ ମାଡ଼ିଗଲା। ଏହା ଦେଖି ଉଦ୍ଧାରକାରୀ ଦଳର ମୁଖ୍ୟ କହିଲେ ଫୁଟବଲ ଟିମ୍‌ ସଦସ୍ୟଙ୍କୁ ବଞ୍ଚାଇବା ଏକପ୍ରକାର ଅସମ୍ଭବ ବ୍ୟାପାର। ତେଣୁ ସେ ଏହାର ନାମ ଦେଲେ ‘ମିଶନ୍‌ ଇମ୍ପୋସିବଲ୍‌’। ତଥାପି ଆଶା ନ ହରାଇ ଶେଷ ଉପାୟ ଆପଣାଇ ଡାଇଭରଙ୍କୁ ଗୁମ୍ଫା ଭିତରକୁ ପଠାଇବାକୁ ନିଷ୍ପତ୍ତି ହେଲା। କିନ୍ତୁ ଏସ୍‌କେପ୍‌ ରୁଟ୍‌ ବହୁତ ଚ୍ୟାଲେଞ୍ଜପୂର୍ଣ୍ଣ ଥିଲା। ଗୁମ୍ଫା ଭିତରେ ଅନେକ ସ୍ଥାନରେ ଗଭୀର ଖାତ ଭଳି ଥିଲା ଏବଂ ସେଥିରେ ଜଳ ପରିପୂର୍ଣ୍ଣ ଥିଲା। ପିଲାମାନେ ଜଳ ଭିତରେ ପହଁରିବା ଜାଣି ନ ଥିଲେ। ତେଣୁ ସେମାନଙ୍କୁ ଅକ୍ସିଜେନ୍‌ ମାସ୍କ ପିନ୍ଧି ଗଭୀର ଜଳ ଭିତରେ ନିଃଶ୍ୱାସ ନେବାକୁ ଶିକ୍ଷା ଦିଆଗଲା। ତେବେ ପହଁରିବାବେଳେ ପିଲାମାନେ ଭୟଭୀତ ହୋଇଯିବାର ଯଥେଷ୍ଟ ସମ୍ଭାବନା ଥିଲା। ଗତ ଶୁକ୍ରବାର ଥାଇଲାଣ୍ଡ ନେଭି ସିଲ୍‌ର ଜଣେ ଡାଇଭରଙ୍କ ଗୁମ୍ଫା ଭିତରେ ମୃତ୍ୟୁ ହେବା ପରେ ଭୟ ଆହୁରି ବଢ଼ିଯାଇଥିଲା। ଏହା ଭିତରେ ରବିବାର ପ୍ରଥମ ପର୍ଯ୍ୟାୟ ଉଦ୍ଧାର କାର୍ଯ୍ୟରେ ୪ ବାଳକଙ୍କୁ ଉଦ୍ଧାର କରାଯାଇଥିଲା। ସୋମବାର ମଧ୍ୟ ଆଉ ଚାରି ଜଣ ଉଦ୍ଧାର ହେଲେ। ମଙ୍ଗଳବାର ଅପରାହ୍ନ ସୁଦ୍ଧା ବାକି ପାଞ୍ଚଜଣ ମୃତ୍ୟୁର ଗୁମ୍ଫା ଭିତରୁ ମୁକୁଳିଛନ୍ତି।
All Right Reserved By

ଅନ୍ତର୍ଜାତୀୟ |

ଆଇସକ୍ରିମ୍‌ ଖାଇ ଗଲା ଝିଅର ଜୀବନ

ଆଇସକ୍ରିମ୍‌ ଖାଇ ଗଲା ଝିଅର ଜୀବନ

ଲଣ୍ଡନ, ୨୩।୨: ଆଇସକ୍ରିମ ଖାଇ ଜଣେ ୯ ବର୍ଷିୟା ଝିଅର ମୃତ୍ୟୁ ଘଟିଛି। 

ପୁଲଓ୍ବାମା ଆକ୍ରମଣକୁ ନେଇ ଆମେରିକାରେ ବିରୋଧ ପ୍ରଦର୍ଶନ କଲେ ଭାରତୀୟ

ପୁଲଓ୍ବାମା ଆକ୍ରମଣକୁ ନେଇ ଆମେରିକାରେ ବିରୋଧ ପ୍ରଦର୍ଶନ କଲେ ଭାରତୀୟ

ନ୍ୟୁଜର୍ସି,୨୩।୨: ଜମ୍ମୁ-କଶ୍ମୀରର ପୁଲଓ୍ବାମାରେ ହୋଇଥିବା ଆତଙ୍କବାଦୀ ଆକ୍ରମଣକୁ ସାରା ବିଶ୍ୱ ଏକ ପ୍ରକାର ନିନ୍ଦା କରିଛନ୍ତି। ପାକିସ୍ତାନ ଆତଙ୍କବାଦୀ ସଙ୍ଗଠନ ଜୈଶ-ଇ-ମହମ୍ମଦ ଦ୍ୱାରା ଏହି ଆକ୍ରମଣ କରାଯାଇଥିବା ଜଣାପଡିବା ପରେ ପ୍ରାୟ ସବୁ ଦେଶ ପାକିସ୍ତାନକୁ ନିନ୍ଦା କରିଥିଲେ। 

ପରିସ୍ଥିତି ଭୟଙ୍କର: ଟ୍ରମ୍ପ

ପରିସ୍ଥିତି ଭୟଙ୍କର: ଟ୍ରମ୍ପ

ଓ୍ବାଶିଂଟନ,୨୩।୨: ପୁଲଓ୍ବାମା ସିଆର୍‌ପିଏଫ୍‌ ଯବାନଙ୍କ ଉପରେ ହୋଇଥିବା ଆକ୍ରମଣ ପରେ ଭାରତ ପାକିସ୍ତାନ ମଧ୍ୟରେ ଯେଉଁ ପରିସ୍ଥିତି ଉପୁଜିଛି ତାହା ଭୟଙ୍କର ବୋଲି କହିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। 

ମୋଦିଙ୍କୁ ସିଓଲ ଶାନ୍ତି ପୁରସ୍କାର

ମୋଦିଙ୍କୁ ସିଓଲ ଶାନ୍ତି ପୁରସ୍କାର

ନୂଆଦିଲ୍ଲୀ/ସିଓଲ,୨୨।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦକ୍ଷିଣ କୋରିଆ ଗସ୍ତରେ ଅଛନ୍ତି। ଶୁକ୍ରବାର ସେଠାରେ ତାଙ୍କୁ ‘ସିଓଲ ଶାନ୍ତି ପୁରସ୍କାର’ରେ ସମ୍ମାନିତ କରାଯାଇଛି। 

ନାଟକ କରୁଛି ପାକିସ୍ତାନ

ନାଟକ କରୁଛି ପାକିସ୍ତାନ

ଇସଲାମାବାଦ,୨୨।୨: ଜମ୍ମୁ-କଶ୍ମୀରର ପୁଲଓ୍ବାମାରେ ପାକିସ୍ତାନ ଆତଙ୍କବାଦୀ ସଙ୍ଗଠନ ଜୈଶ-ଇ-ମହମ୍ମଦ ଦ୍ୱାରା କରାଯାଇଥିବା ଆକ୍ରମଣକୁ ସାରା ବିଶ୍ୱ ନିନ୍ଦା କରିଛି। 

ସୌଦି ରାଜକୁମାରଙ୍କୁ ସୁନା ବନ୍ଧୁକ ଉପହାର ଦେଲା ପାକିସ୍ତାନ

ସୌଦି ରାଜକୁମାରଙ୍କୁ ସୁନା ବନ୍ଧୁକ ଉପହାର ଦେଲା ପାକିସ୍ତାନ

ଇସ୍‌ଲାମାବାଦ,୨୨।୨: ସୌଦି ଯୁବରାଜ ମହମ୍ମଦ ବିନ୍‌ ସଲମାନ ୩ଦିନ ତଳେ ପାକିସ୍ତାନ ଗସ୍ତ କରିଥିଲେ। ଏହି ଅବସରରେ ପାକିସ୍ତାନ ତାଙ୍କୁ ଉପହାର ସ୍ବରୂପ ଏକ ସୁନାର ବନ୍ଧୁକ ଦେଇଥିବା ସୂଚନା ମିଳିଛି।

ଗବେଷଣା ପାଇଁ ୬ ଲାବ୍ରାଡରଙ୍କୁ କରାଯିବ ହତ୍ୟା

ଗବେଷଣା ପାଇଁ ୬ ଲାବ୍ରାଡରଙ୍କୁ କରାଯିବ ହତ୍ୟା

ଷ୍ଟକ୍‌ହୋମ୍‌,୨୨।୨: କୁକୁର ମଣିଷର ଅତି ବିଶ୍ୱସ୍ତ। ମାଲିକ ପାଇଁ ଜୀବନ ଦେବାକୁ ପଛାଏ ନାହିଁ କୁକୁର। ଏବେ ଚିକିତ୍ସା ଭିତ୍ତିକ ଏକ ଗବେଷଣା ଅନ୍ତର୍ଗତ ସୁଇଡେନ୍‌ ବିଶ୍ୱବିଦ୍ୟାଳୟରେ ୬ ଲାବ୍ରାଡର ପ୍ରଜାତିର କୁକୁରଙ୍କୁ ହତ୍ୟା କରାଯିବ। 

ପାକିସ୍ତାନ ମନରେ ଭୟ: ନିୟନ୍ତ୍ରଣ ରେଖାରେ ଆରମ୍ଭ କଲା ଯୁଦ୍ଧ ପ୍ରସ୍ତୁତି

ପାକିସ୍ତାନ ମନରେ ଭୟ: ନିୟନ୍ତ୍ରଣ ରେଖାରେ ଆରମ୍ଭ କଲା ଯୁଦ୍ଧ ପ୍ରସ୍ତୁତି

ନୂଆଦିଲ୍ଲୀ/ଇସଲାମାବାଦ୍‌,୨୨।୨: ଜମ୍ମୁ-କଶ୍ମୀର ପୁଲଓ୍ବାମାରେ ଆତ୍ମଘାତୀ ଆତଙ୍କବାଦୀ ଆକ୍ରମଣ ଘଟଣା ପରେ ଭାରତ ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ପାଇଛି। ପାକିସ୍ତାନ ମନରେ ଭୟ ମଧ୍ୟ ବଢ଼ିବାରେ ଲାଗିଛି।

ଦକ୍ଷିଣ କୋରିଆ ଗସ୍ତରେ ମୋଦି: ପାଇବେ ‘ସିଓଲ ଶାନ୍ତି ପୁରସ୍କାର’

ଦକ୍ଷିଣ କୋରିଆ ଗସ୍ତରେ ମୋଦି: ପାଇବେ ‘ସିଓଲ ଶାନ୍ତି ପୁରସ୍କାର’

ନୂଆଦିଲ୍ଲୀ/ସିଓଲ, ୨୧।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇଦିନିଆ ଦକ୍ଷିଣ କୋରିଆ ଗସ୍ତରେ ଯାଇଛନ୍ତି। 

ଜେହାଦୀ ଦୁହ୍ଲନ୍‌ଙ୍କୁ କୌଣସି ଦେଶରେ ମିଳୁନିି ଶରଣ

ଜେହାଦୀ ଦୁହ୍ଲନ୍‌ଙ୍କୁ କୌଣସି ଦେଶରେ ମିଳୁନିି ଶରଣ

ଲଣ୍ଡନ,୨୧।୨: ସିରିଆ ଆଇଏସ୍‌ ସଂଗଠନରେ ସାମିଲ୍‌ ହୋଇ ଜଣେ ଆତଙ୍କବାଦୀଙ୍କୁ ବିବାହ କରିଥିବା ଜେହାଦୀ ଦୁହ୍ଲନ୍‌ ଶାମିମା ବେଗମ୍‌ଙ୍କୁ ପୃଥିବୀର କୌଣସି ଦେଶ ଶରଣ ଦେବାକୁ ପ୍ରସ୍ତୁତ ନୁହଁନ୍ତି। 

ସୌଦି ଜେଲ୍‌ରୁ ଘର ବାହୁଡ଼ିବେ ୮୫୦ ଭାରତୀୟ

ସୌଦି ଜେଲ୍‌ରୁ ଘର ବାହୁଡ଼ିବେ ୮୫୦ ଭାରତୀୟ

ନୂଆଦିଲ୍ଲୀ/ରିୟାଦ୍‌, ୨୧।୨: ସୌଦିର ବିଭିନ୍ନ ଜେଲ୍‌ରେ ବନ୍ଦୀ ଭାବେ ଥିବା ୮୫୦ ଭାରତୀୟ ଘର ବାହୁଡ଼ିବେ। ଏନେଇ ସୌଦି ଯୁବରାଜ ମହମ୍ମଦ ବିନ୍‌ ସଲମାନ୍‌ ସବୁଜ ସଙ୍କେତ ଦେଇଛନ୍ତି।

ପୁଲଓ୍ବାମା ଆକ୍ରମଣରେ ଜୈଶ୍‌ର ହାତ ନାହିଁ: ଆଝାର

ପୁଲଓ୍ବାମା ଆକ୍ରମଣରେ ଜୈଶ୍‌ର ହାତ ନାହିଁ: ଆଝାର

ଶ୍ରୀନଗର/ଇସଲାମାବାଦ୍‌,୨୧।୨: ଜମ୍ମ-କଶ୍ମୀର ଆତଙ୍କବାଦୀ ଆକ୍ରମଣରେ ଜୈଶ୍‌-ଇ-ମହମ୍ମଦର କୌଣସି ହାତ ନାହିଁ । ଏନେଇ ଜୈଶ୍‌ ମୁଖ୍ୟ ମାସୁଦ୍‌ ଆଝାର ଗୁରୁବାର ଜାରି କରିଛନ୍ତି ଏକ ଅଡ଼ିଓ ଟେପ୍‌।