ଫୁରସତ |

କିପରି ଜାଣିବେ ହ୍ବାଟ୍‌ସଆପ୍‌ ମେସେଜ୍‌ର ବାସ୍ତବତା

କିପରି ଜାଣିବେ ହ୍ବାଟ୍‌ସଆପ୍‌ ମେସେଜ୍‌ର ବାସ୍ତବତା
ଫେକ୍‌ ନ୍ୟୁଜ୍‌ ବା ମିଥ୍ୟା ଖବର ପ୍ରସାରଣକୁ ନେଇ ବିବାଦ ପରିସରକୁ ଆସିଥିବା ହ୍ବାଟ୍‌ସଆପ୍‌ ବର୍ତ୍ତମାନ ଭାରତରେ ଏହାର ଭାବମୂର୍ତ୍ତିକୁ ସଜାଡିବା ପାଇଁ ଆଗେଇ ଆସିଛି। ଫେସ୍‌ବୁକ୍‌ ଅଧୀକୃତ ଏହି ଇନ୍‌ଷ୍ଟାଣ୍ଟ୍‌ ମେସେଜିଂ ଆପ୍‌ ବିଭିନ୍ନ ଖବରକାଗଜଗୁଡିକରେ ଫୁଲ୍‌ ପେଜ୍‌ ବିଜ୍ଞାପନ ମାଧ୍ୟମରେ ଲୋକମାନଙ୍କୁ ମିଥ୍ୟା ଖବର ତଥା ଭିତ୍ତିହୀନ ମେସେଜ୍‌ରୁ ଦୂରେଇ ରହିବା ପାଇଁ ପରାମର୍ଶ ଦେଇଛି। ଲୋକମାନଙ୍କୁ ସଚେତନତାର ବାର୍ତ୍ତା ଦେଇ ଏହା ଅବାସ୍ତବ ତଥା ମିଥ୍ୟା ଖବର ଚିହ୍ନଟ କରିବା ପାଇଁ ଟିପ୍ସ ପ୍ରଦାନ କରିଛି। ହ୍ବାଟ୍‌ସଆପ୍‌ରେ ବିପୁଳ ପରିମାଣର ମିଥ୍ୟା ଖବର ପ୍ରସାରିତ ହେଉଥିବା ଅଭିଯୋଗ ଆସିବା ପରେ ବର୍ତ୍ତମାନ କମ୍ପାନୀ ଚାପ ମଧ୍ୟ ଦେଇ ଗତି କରୁଛି। ତେଣୁ ସ୍ଥିତିକୁ ସଜାଡିବା ପାଇଁ ଏହା ପଦକ୍ଷେପ ଗ୍ରହଣ କରିଛି। କିପରି ଚିହ୍ନଟ କରିବେ ମିଥ୍ୟା ଖବର ସେଥିପାଇଁ ହ୍ବାଟ୍‌ସଆପ୍‌ ପକ୍ଷରୁ କେତେକ ଟିପ୍ସ ଜାରି କରାଯାଇଛି। ସେଗୁଡିକ ମଧ୍ୟରେ ରହିଛି... ଫର୍‌ଓ୍ବାଡେଡ୍‌ ଲାବେଲ ଦେଖନ୍ତୁ ହ୍ବାଟ୍‌ସଆପ୍‌ ଏକ ନୂଆ ବୈଶିଷ୍ଟ୍ୟ ଆଣୁଛି, ଯାହାଦ୍ୱାରା ୟୁଜରମାନେ ଜାଣିପାରିବେ ଯେ ଏହି ମେସେଜ୍‌ ଫର୍‌ଓ୍ବାଡେଡ୍‌ କି ନୁହେଁ। ଏହି ବୈଶିଷ୍ଟ୍ୟ ବର୍ତ୍ତମାନ ବେଟା ଫର୍ମରେ ଅଛି ଏବଂ ଚଳିତ ସପ୍ତାହରେ ଏହା ଆଣ୍ଡ୍ରଏଡ୍‌ ୟୁଜରମାନଙ୍କ ନିକଟକୁ ଆସିବ। କୌଣସି ମେସେଜ୍‌ ବିରକ୍ତି କରୁଥିଲେ ଏହା ଉପରେ ପ୍ରଶ୍ନ ଉଠାନ୍ତୁ ଯଦି କୌଣସି ମେସେଜ୍‌ ଆପଣଙ୍କୁ କ୍ରୋଧାନ୍ବିତ କରୁଛି ତଥା ଏହା ଉପରେ ଆପଣ ବିରକ୍ତିଭାବ ପୋଷଣ କରୁଛନ୍ତି ତେବେ ଏହା ଉପରେ ପ୍ରଶ୍ନ ଉଠାନ୍ତୁ। ଆପଣଙ୍କୁ ଭୟଭୀତ କିମ୍ବା କ୍ରୋଧାନ୍ବିତ କରିବା ଉଦ୍ଦେଶ୍ୟରେ ଉକ୍ତ ମେସେଜ୍‌କୁ ଶେୟାର୍‌ କରାଯାଇଛି କି ଏପରି ପ୍ରଶ୍ନ ପଚାରନ୍ତୁ। ଯଦି ଉତ୍ତର ହଁ ଆସେ ତା’ହେଲେ ଏହାକୁ ଶେୟାର କରିବା ପୂର୍ବରୁ ଦୁଇଥର ଚିନ୍ତା କରନ୍ତୁ। ଅବିଶ୍ୱସନୀୟ ଖବରକୁ ଯାଞ୍ଚ କରିବା ପରେ ଶେୟାର୍‌ କରନ୍ତୁ ଆମେ ଅନେକ ସମୟରେ ହ୍ବାଟ୍‌ସଆପ୍‌ରେ ଏଭଳି ଖବର ପାଇଥାଉ ଯାହାକୁ ବିଶ୍ୱାସ କରିବା କଷ୍ଟକର ହୋଇଥାଏ। ତେବେ ଏଭଳି ଖବରଗୁଡିକୁ ଅନ୍ଧ ଭାବରେ ବିଶ୍ୱାସ ନ କରି ଏହାର ସତ୍ୟତା ଜାଣିବାକୁ ଚେଷ୍ଟା କରନ୍ତୁ। ଏସବୁ ଖବର ମଧ୍ୟରେ ଅଧିକାଂଶ ଗୁଜବ ରହିଥାଏ। ତେଣୁ ପାଇବା କ୍ଷଣି ସଙ୍ଗେ ସଙ୍ଗେ ଏହାକୁ ଶେୟାର୍‌ କରନ୍ତୁ ନାହିଁ। ଭିନ୍ନ ଲାଗୁଥିବା ଖବରଗୁଡିକର ସତ୍ୟତାକୁ ଯାଞ୍ଚ କରନ୍ତୁ ଟେକ୍ସଟ ମେସେଜ୍‌ ଭଳି ଫଟୋ ଏବଂ ଭିଡିଓଗୁଡିକୁ ଅତି ସାବଧାନର ସହ ଯାଞ୍ଚ କରନ୍ତୁ। କାରଣ ଫଟୋ ଏବଂ ଭିଡିଓଗୁଡିକ ସହଜରେ ଏଡିଟ୍‌ ହୋଇପାରିବ। ଫଟୋଶପ୍‌ରେ ଅନେକ ବିକଶିତ ଟୁଲ୍‌ ଆସିଲାଣି। ତେଣୁ କୌଣସି ଜିନିଷକୁ କଦର୍ଥ କରି ଥୋଇବା ଆଦୌ ଅସମ୍ଭବ ନୁହେଁ। ଏହାଦ୍ୱାରା ଲୋକମାନେ ସହଜରେ ଭ୍ରମ ମଧ୍ୟକୁ ଆସିଯାଇପାରନ୍ତି। ବେଳେବେଳେ ଫଟୋ ଠିକ୍‌ ଥାଏ କିନ୍ତୁ ଏଥିରେ ଦିଆଯାଇଥିବା ତଥ୍ୟ ଭୁଲ ଥାଏ। ତେଣୁ ଏହା ପଛର ସତ୍ୟତା ଜାଣିବା ପାଇଁ ଉକ୍ତ ଫଟୋଟି କେଉଁଠାରୁ ଆସିଲା ତାହାକୁ ଅନ୍‌ଲାଇନ୍‌ରେ ସର୍ଚ୍ଚ କରନ୍ତୁ ବୋଲି ହ୍ବାଟ୍‌ସଆପ୍‌ ପକ୍ଷରୁ ଉକ୍ତ ବିଜ୍ଞାପନରେ ପରାମର୍ଶ ଦିଆଯାଇଛି। ମେସେଜ୍‌ରେ ଶେୟାର୍‌ କରାଯାଇଥିବା ଲିଙ୍କ୍‌କୁ ଭଲ ଭାବେ ଚେକ୍‌ କରନ୍ତୁ ହ୍ବାଟ୍‌ସଆପ୍‌ରେ ଶେୟାର୍‌ ହେଉଥିବା ଲିଙ୍କ୍‌ଗୁଡିକୁ କ୍ଲିକ୍‌ କରିବା ପୂର୍ବରୁ ସାବଧାନ ରୁହନ୍ତୁ। ଅନେକ ସମୟରେ ଲିଙ୍କ୍‌କୁ ଏଭଳି ଭାବେ ବିକଶିତ କରାଯାଇଥାଏ ଯେପରି ଏହା କୌଣସି ଜଣାଶୁଣା ଓ୍ବେବ୍‌ସାଇଟ୍‌ର ଭ୍ରମ ସୃଷ୍ଟି କରିବ। ଏଥିରେ କିଛି କିଛି ତ୍ରୁଟି ଥାଏ, ଯାହାକୁ ଚିହ୍ନଟ କରି ଆପଣ ବର୍ତ୍ତିପାରିବେ। ଖବରକୁ ନେଇ ଯାଞ୍ଚ କରିବା ପାଇଁ ଅନ୍ୟାନ୍ୟ ସୂତ୍ରର ସାହାଯ୍ୟ ନିଅନ୍ତୁ ହ୍ବାଟ୍‌ସଆପ୍‌ରେ ଶେୟାର୍‌ ହୋଇଥିବା ଖବର ଉପରେ ବିଶ୍ୱାସ କରିବା ପୂର୍ବରୁ ଏହାର ବିଶ୍ୱସନୀୟତା ଯାଞ୍ଚ କରିବା ପାଇଁ ଅନ୍ୟାନ୍ୟ ନ୍ୟୁଜ୍‌ ଓ୍ବେବ୍‌ସାଇଟ୍‌ ତଥା ଆପ୍‌ରେ ସର୍ଚ୍ଚ କରନ୍ତୁ। ଯଦି ଏକାଧିକ ଓ୍ବେବ୍‌ସାଇଟ୍‌ରେ ଏହା ପ୍ରକାଶ ପାଇଥାଏ ତା’ହେଲେ ଜାଣିବେ ଏଥିରେ ବାସ୍ତବତା ଅଛି।
All Right Reserved By

ଫୁରସତ |

ଏମିତି ଏକ ରେଷ୍ଟୁରାଣ୍ଟ୍‌ରେ ଯେଉଁଠି ଆକାଶରେ ଉଡ଼ି ଖାଇବାର ଆନନ୍ଦ ମିଳେ

ଏମିତି ଏକ ରେଷ୍ଟୁରାଣ୍ଟ୍‌ରେ ଯେଉଁଠି ଆକାଶରେ ଉଡ଼ି ଖାଇବାର ଆନନ୍ଦ ମିଳେ

ଗ୍ରାହକଙ୍କୁ ଆକର୍ଷିତ କରିବା ପାଇଁ ହୋଟେଲ ଏବଂ ରେଷ୍ଟୁରାଣ୍ଟ୍‌ରେ ଭିନ୍ନ ଭିନ୍ନ ଅଫର ଉପଲବ୍ଧ ହୋଇଥାଏ। ତେବେ ବେଲଜିୟମରେ ଥିବା ଏକ ରେଷ୍ଟୁରାଣ୍ଟରେ ଗ୍ରାହକଙ୍କୁ ଆକାଶରେ ଉଡ଼ି ଖାଦ୍ୟ  ଖାଇବାର ଅନୁଭୁତି ପ୍ରଦାନ କରାଯଇଥାଏ। 

ମୂଲ୍ୟହୀନ ମେସେଜ୍‌ ଦେଲେ ଯେଉଁଠି ଜରିମାନା ଦେବାକୁ ପଡ଼େ ୧୦ ଲକ୍ଷ

ମୂଲ୍ୟହୀନ ମେସେଜ୍‌ ଦେଲେ ଯେଉଁଠି ଜରିମାନା ଦେବାକୁ ପଡ଼େ ୧୦ ଲକ୍ଷ

ବିଭିନ୍ନ ଦେଶରେ ଭିନ୍ନ ଭିନ୍ନ ଆଇନ କାନୁନ୍‌ ରହିଛି। ଦେଶର ସମ୍ବିଧାନର ଧାରା ଅନୁଯାୟୀ ସମସ୍ତେ ଆଇନ ଦ୍ୱାରା ପରିଚାଳିତ ହୋଇଥାନ୍ତି। ପାକିସ୍ତାନରେ ରହିଛି କେତେକ ଭିନ୍ନ ଆଇନ କାନୁନ୍‌। ଯାହାକୁ ଶୁଣିଲେ ଆଶ୍ଚର୍ଯ୍ୟ ଲାଗିଥାଏ।

ବାଦୁଡ଼ିଙ୍କ ପାଇଁ ହସ୍ପିଟାଲ

ବାଦୁଡ଼ିଙ୍କ ପାଇଁ ହସ୍ପିଟାଲ

ଅଷ୍ଟ୍ରେଲିଆରେ ରହିଛି ଏକ ହସ୍ପିଟାଲ। ଏଠାରେ ବାଦୁଡ଼ିଙ୍କର ଚିକିତ୍ସା କରାଯାଏ। ସ୍ଥାନୀୟ ଏଥର୍ଟନ ସହରରେ ଥିବା ଟୋଲ୍‌ଗୋ ଓ୍ବେଷ୍ଟ୍‌ ହସ୍ପିଟାଲରେ ବାଦୁଡ଼ି ବଂଶ ବଞ୍ଚାଇବା ପାଇଁ ଏଭଳି ପ୍ରୟାସ କରାଯାଉଛି।

 ଏଭଳି ଅଫିସ ଯେଉଁଠି ଶାରୀରିକ ସମ୍ପର୍କ ପାଇଁ ମିଳେ ଘଣ୍ଟାଏ ବିରତି...

ଏଭଳି ଅଫିସ ଯେଉଁଠି ଶାରୀରିକ ସମ୍ପର୍କ ପାଇଁ ମିଳେ ଘଣ୍ଟାଏ ବିରତି...

ଅଫିସରେ ଲଞ୍ଚ୍‌ ବ୍ରେକ୍‌ ଅଥବା ଟି ବ୍ରେକ୍‌ ହୋଇଥାଏ। ତେବେ ସ୍ବିଡ଼େନ୍‌ରେ ଏଭଳି ଏକ ଅଫିସ ରହିଛି, ଯେଉଁଠି କର୍ମଚାରୀଙ୍କୁ ଶାରୀରିକ ସମ୍ପର୍କ ପାଇଁ ମିଳିଥାଏ ଘଣ୍ଟେ ବିରତି। 

ମେଘାଳୟ ଯୁଗ

ମେଘାଳୟ ଯୁଗ

”ବିଶ୍ୱ ଦରବାରରେ ନୂତନ ରୂପେ ପରିଚିତ ମେଘାଳୟ ଯୁଗ ୪୨୦୦ ବର୍ଷ ତଳୁ ୧୯୫୦ ବର୍ଷ ଧରି ପରିବ୍ୟାପ୍ତ। ଏହାର ଆରମ୍ଭରେ ବିଶ୍ୱବ୍ୟାପୀ ଭୟଙ୍କର ମରୁଡ଼ି ଦେଖାଦେଇଥିଲା ଏବଂ ଜଳବାୟୁରେ ବଡ଼ଧରଣର ବିଭ୍ରାଟ ଉପୁଜିଥିଲା, ଫଳରେ ବାୟୁମଣ୍ଡଳରେ ଅମ୍ଳଜାନ  ପରିମାଣ ହ୍ରାସ ପାଇ ଅଙ୍ଗାରକାମ୍ଳ ପରିମାଣରେ ମାତ୍ରାଧିକ ବୃଦ୍ଧି ଘଟିଥିଲା ବୋଲି ଭୂବୈଜ୍ଞାନିକମାନେ ବ୍ୟାଖ୍ୟା କରିଛନ୍ତି।“

ସର୍ବବୃହତ୍‌ ସୁପର କମ୍ପ୍ୟୁଟର

ସର୍ବବୃହତ୍‌ ସୁପର କମ୍ପ୍ୟୁଟର

ଲଣ୍ଡନ: ମଣିଷ ମସ୍ତିଷ୍କ ଭଳି କାର୍ଯ୍ୟ କରିବାର କ୍ଷମତା ରଖିଥିବା ବିଶ୍ୱର ସର୍ବବୃହତ୍‌ ସୁପର କମ୍ପ୍ୟୁଟର ପ୍ରଥମ ଥର ପାଇଁ ଖୋଲାଯାଇଛି। ଏହାକୁ ସ୍ପାଇକିଙ୍ଗ୍‌ ନ୍ୟୁରାଲ୍‌ ନେଟ୍‌ଓ୍ବର୍କ ଆର୍କିଟେକ୍‌ଚର ବା ସଂକ୍ଷେପରେ ସ୍ପିନ୍‌ନାକର ମେଶିନ୍‌ କୁହାଯାଉଛି।

ମ୍ୟାଗ୍ନେଟମ୍ୟାନ୍‌ ଅରୁଣ...

ମ୍ୟାଗ୍ନେଟମ୍ୟାନ୍‌ ଅରୁଣ...

ମଧ୍ୟପ୍ରଦେଶର ସାଗର ଜିଲ୍ଲା ଧାନା ଗ୍ରାମରେ ବାସ କରରୁଥିବା ଜଣେ ବ୍ୟକ୍ତିଙ୍କ ଶରୀରରେ ରହିଛି ଚୁମ୍ବକୀୟ ଶକ୍ତି। ତାଙ୍କୁ ସଭିଏଁ ମ୍ୟାଗନେଟ୍‌ମ୍ୟାନ ବୋଲି ଡାକିଥାନ୍ତି। ସେ ହେଉଛନ୍ତି ୫୦ ବର୍ଷୀୟ ଅରୁଣ ରାୟକ୍ୱାର। 

ଇନ୍ଦ୍ର ଦେବତାଙ୍କୁ ସନ୍ତୋଷ ପାଇଁ ଯେଉଁଠି କରାଯାଏ ଗଧ ବାହାଘର

ଇନ୍ଦ୍ର ଦେବତାଙ୍କୁ ସନ୍ତୋଷ ପାଇଁ ଯେଉଁଠି କରାଯାଏ ଗଧ ବାହାଘର

ଭାରତର କେତେକ ଅଞ୍ଚଳରେ ପ୍ରାଚୀନ କାଳରୁ ଇନ୍ଦ୍ରଦେବତାଙ୍କୁ ସନ୍ତୁଷ୍ଟ କରିବା ପାଇଁ ପ୍ରାଣୀଙ୍କ ମଧ୍ୟରେ ବାହାଘର କରାଯାଇଥାଏ।  ଆସାମ ଓ ମହାରାଷ୍ଟ୍ରରେ ବର୍ଷା ନ ହେଲେ ଲୋକେ ବେଙ୍ଗ-ବେଙ୍ଗୁଲୀ ବାହାଘର କରାଇଥାନ୍ତି। 

ଯେଉଁଠି ହସ୍ପିଟାଲରେ କୁକୁର କରନ୍ତି ଚିକିତ୍ସା

ଯେଉଁଠି ହସ୍ପିଟାଲରେ କୁକୁର କରନ୍ତି ଚିକିତ୍ସା

ବ୍ରିଟେନ୍‌ରେ ରହିଛି ଏକ ହସ୍ପିଟାଲ। ଏଠାରେ କୁକୁରମାନେ ଡାକ୍ତରଙ୍କୁ ରୋଗୀଙ୍କ ଚିକିତ୍ସାରେ ସହାୟତା କରନ୍ତି। ହସ୍ପିଟାଲକୁ ଆସୁଥିବା ରୋଗୀଙ୍କୁ ପ୍ରଥମେ ସ୍ବତନ୍ତ୍ର ତାଲିମପ୍ରାପ୍ତ କୁକୁର ଶୁଙ୍ଘିଥାନ୍ତି। 

କାର୍‌କୁ ବିବାହ କଲେ ଯୁବକ

କାର୍‌କୁ ବିବାହ କଲେ ଯୁବକ

ବିବାହ ନେଇ ଯୁବତୀ ଯୁବକଙ୍କ ମନରେ ଅନେକ ସ୍ବପ୍ନ ରହିଥାଏ। ସୁନ୍ଦର ସାଥୀ ପାଇବା ସଭିଙ୍କର ଥାଏ ଇଛା। ତେବେ ଜର୍ମାନରେ ଜନ୍‌ ନାମକ ଜଣେ ଯୁବକ ନିକ କାରକୁ ବିବାହ କରିଛନ୍ତି।

ଚକୋଲେଟ ଜରିରେ ନିର୍ମିତ ପୋଷାକ

ଚକୋଲେଟ ଜରିରେ ନିର୍ମିତ ପୋଷାକ

ଦିନକୁ ଦିନ ଫ୍ୟାଶନର ପରିଭାଷା ବଦଳିବାରେ ଲାଗିଛି। ନୂଆ ନୂଆ କନ୍‌ସେପ୍ଟ ଏବଂ ଥିମ୍‌କୁ ନେଇ ପୋଷାକ ପ୍ରସ୍ତୁତ କରାଯାଉଛି।

ଦାମୀ ଡଲ୍‌ ହାଉସ୍‌

ଦାମୀ ଡଲ୍‌ ହାଉସ୍‌

ସବୁଠୁ ଦାମୀ ଖେଳଣା ତଥା ଦାମୀ ଡଲ ହାଉସ୍‌ ଭାବେ ‘ଆଷ୍ଟୋଲାଟ୍‌ ଡଲ୍‌ ହାଉସ୍‌ କ୍ୟାସେଲ୍‌’ ପ୍ରସିଦ୍ଧି ହାସଲ କରିଛି। ଏହାର ମୂଲ୍ୟ ହେଉଛି ୮.୫ ମିଲିୟନ ଡଲାର। ଯାହାକି ନ୍ୟୁୟର୍କ ଏବଂ ଲଣ୍ଡନର କୌଣସି ମୁଖ୍ୟ ସ୍ଥାନରେ ଆପାର୍ଟମେଣ୍ଟର ଦାମ ସହ ସମାନ।