ଜୀବନଚର୍ଯ୍ୟା |

ପିଲାଙ୍କୁ ଶିଖାନ୍ତୁ ସଂସ୍କାର

ପିଲାଙ୍କୁ ଶିଖାନ୍ତୁ ସଂସ୍କାର
ସବୁ ମାତାପିତା ନିଜ ପିଲାର ଭବିଷ୍ୟତକୁ ନେଇ ବେଶ୍‌ ସଚେତନ। ତେବେ ପିଲାମାନଙ୍କୁ ସଂସ୍କାର ସହ କିଛି ଭଲ ଅଭ୍ୟାସ ବି ଶିଖାଇବା ଜରୁରୀ,ଯାହା ତାଙ୍କୁ ଆତ୍ମନିର୍ଭରଶୀଳ କରି ଗଢ଼ି ତୋଳିବାରେ ସାହାଯ୍ୟ କରିବ। ସେ ସମ୍ପର୍କିତ କେତୋଟି ବିଷୟକୁ ଆପଣ ବି ଆପଣାଇପାରନ୍ତି... ଶିଖାନ୍ତୁ ସମୟାନୁବର୍ତ୍ତିତା: ପିଲାମାନେ କିପରି ସମୟାନୁବର୍ତ୍ତୀ ହେବେ ସେ ନେଇ ମା’ବାପା ସଚେତନ ରହିବା ଆବଶ୍ୟକ। କାରଣ ଏହା ସେମାନଙ୍କର ଶିକ୍ଷା ଜୀବନରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ସକାଳୁ ଠିକ୍‌ ସମୟରେ ଉଠିବା, ନିତ୍ୟକର୍ମ ଶେଷ କରି ପାଠ ପଢ଼ିବା, ଠିକ ସମୟରେ ସ୍କୁଲ ଯିବା କଥା ସେମାନେ ହୃଦୟଙ୍ଗମ କରିବା ଆବଶ୍ୟକ। ଯଦି କେତେକ କ୍ଷେତ୍ରରେ ସେମାନଙ୍କଠାରେ ଆଳସ୍ୟତା ଦେଖିବାକୁ ପାଇଲେ ସେଭଳି ଅଭ୍ୟାସ କିପରି ଛାଡିବେ ତାଙ୍କୁ ଥଣ୍ଡା ମିଜାସରେ ବୁଝାନ୍ତୁ। ନିଜ କାମ ନିଜେ କରିବା: ପିଲାମାନଙ୍କର ବୁଝିବା ଶକ୍ତି ଆସିଗଲେ ସେମାନେ ନିଜ କାମ ନିଜେ କରିବାକୁ ପସନ୍ଦ କରିଥାଆନ୍ତି। ଏହି ସମୟରେ ସେମାନେ ଠିକ୍‌ ଭାବରେ ତାହାକୁ ତୁଲାଇ ପାରୁଛନ୍ତି କି ନାହିଁ ତାହା ଦେଖିନିଅନ୍ତୁ। କେତେକ ଛୋଟ ପିଲା ନିଜେ ଦାନ୍ତ ଘଷିବା, ଖାଇବାକୁ ଆଗ୍ରହ ପ୍ରକାଶ କରନ୍ତି। ଏ ନେଇ ସେମାନଙ୍କୁ ଉତ୍ସାହିତ କରିବା ସହ ସେମାନଙ୍କ ପାଖେ ପାଖେ ରହନ୍ତୁ। ଯଦି ସେମାନେ କୌଣସି କାମ ଭୁଲ କରୁଛନ୍ତି ତେବେ ତାହାକୁ ସୁଧାରି ନିଅନ୍ତୁ। ଆଚାର ବ୍ୟବହାର: ପିଲାମାନଙ୍କର ଆଚାର ବ୍ୟବହାର ସେମାନଙ୍କୁ ପ୍ରଶଂସିତ କରାଇଥାଏ। କାହା ସହ କିପରି କଥା ହେବା ଦରକାର ତାହା ସେମାନଙ୍କୁ ଶିଖାନ୍ତୁ। ବେଳେ ବେଳେ କେତେକ ପିଲା ଛୋଟ କଥାକୁ ନେଇ ରାଗି ଯାଇଥାଆନ୍ତି। ସମୟକ୍ରମେ ଏହା ସେମାନଙ୍କର ଅଭ୍ୟାସରେ ପରିଣତ ହୋଇଯାଏ। ହେଲେ ଆରମ୍ଭରୁ ସେମାନେ କିପରି ଏଭଳି ଅଭ୍ୟାସରୁ ଦୂରେଇ ରହିବେ ତାହା ତାଙ୍କୁ ଶିଖାନ୍ତୁ। ପିଲାଙ୍କୁ ଜଳଖିଆ ପ୍ରସ୍ତୁତ କରିବା ଶିଖାନ୍ତୁ: କେତେକ ପିଲା ଘର କାମ କରିବାକୁ ଆଗ୍ରହ ପ୍ରକାଶ କରିଥାଆନ୍ତି। ଏଥିରେ ଆପଣ ସେମାନଙ୍କୁ ଉତ୍ସାହିତ କରନ୍ତୁ। କାରଣ ଏହାଦ୍ୱାରା ବଡ ହେଲେ ସେମାନେ ନିଜ ମନକୁ ଆସୁଥିବା କିଛି କଥାକୁ ସୁନ୍ଦର ରୂପ ଦେଇପାରିବେ। ଯେତେବେଳେ ଆପଣ କିଚେନ୍‌ରେ କିଛି କାମ କରୁଛନ୍ତି ସେମାନଙ୍କର ସାହାଯ୍ୟ ନିଅନ୍ତୁ। ହେଲେ ଏହାଦ୍ୱାରା ଯେମିତି ସେମାନଙ୍କର ପାଠପଢ଼ା ବାଧାପ୍ରାପ୍ତ ନ ହୁଏ। ସକାଳ ଜଳଖିଆ ପ୍ରସ୍ତୁତ କରିବା ଶୈଳୀ ସେମାନଙ୍କୁ ଶିଖାନ୍ତୁ। ପିଲା ନିଜେ ନିଦରୁ ଉଠିବାର ଅଭ୍ୟାସ କରାନ୍ତୁ: ସାଧାଣରତଃ ଛୋଟ ପିଲା ସକାଳୁ ବିଛଣା ଛାଡିବାକୁ ସହଜରେ ଆଗ୍ରହ ପ୍ରକାଶ କରି ନ ଥାନ୍ତି। ଯେହେତୁ କେତେକଙ୍କୁ ସକାଳୁ ସ୍କୁଲକୁ ଯିବାକୁ ପଡିଥାଏ। ତେଣୁ ସେମାନେ ଭୋରୁ ଉଠି ନିଜର ନିତ୍ୟକର୍ମ ଶେଷ କରି ସ୍କୁଲ ବାହାରି ଯାଆନ୍ତି। ବିଚାରବୋଧ ପିଲା ସକାଳୁ କିପରି ନିଜେ ଉଠି ନିଜର କାମ ଶେଷ କରିବେ ସେ ବିଷୟରେ ସେମାନଙ୍କୁ ଶିଖାନ୍ତୁ। ପୂର୍ବଦିନ ରୁଟିନ୍‌ ଅନୁସାରେ ବହି ଏବଂ କପି ରେଡ଼ି କରି ସ୍କୁଲ ବ୍ୟାଗ୍‌ରେ ରଖିବାକୁ କୁହନ୍ତୁ। ଏହାଦ୍ୱାରା ପିଲାର ଦାୟିତ୍ୱବୋଧ ବଢ଼ିଥାଏ। ଯଦି ପିଲା ଛୋଟ ଏବଂ ତା’ ପାଇଁ ଆପଣଙ୍କୁ ଏସବୁ କରିବାକୁ ପଡେ ତେବେ ସେଥିରେ ବିରକ୍ତ ନ ହୋଇ ସେମାନଙ୍କୁ ବୁଝାନ୍ତୁ। ନିଜ ବ୍ୟାଗ୍‌ ନିଜେ ସଜାଡ଼ିବା ଶିଖାନ୍ତୁ: କେତେକ ମା’ମାନେ ସକାଳୁ ବ୍ୟସ୍ତ ହୋଇ ପିଲାର ବ୍ୟାଗ୍‌ ପ୍ୟାକ୍‌ କରିଥାନ୍ତି। ଏହି ସମୟରେ ତରତର ହେବା ଦ୍ୱାରା ଘରେ କେତେକ ବହି କିମ୍ବା କପି ରହିଯାଏ। ବ୍ୟାଗ୍‌ କିପରି ସଜାଡିବାକୁ ପଡେ ତାହା ସେମାନଙ୍କୁ ଶିଖାନ୍ତୁ। ସ୍କୁଲରେ କ୍ଲାସ ଶେଷ ହେବା ପରେ ସବୁ ବହି ଏବଂ କପି ଠିକ ଭାବରେ ବ୍ୟାଗ୍‌ରେ ରଖିବାକୁ କୁହନ୍ତୁ। ପିଲାକୁ ବାହାରେ ହେଉଥିବା ବିଭିନ୍ନ କାର୍ଯ୍ୟକ୍ରମରେ ଭାଗ ନେବାକୁ କୁହନ୍ତୁ। ସଫାସୁତରା: ପିଲାମାନେ କିପରି ପରିଷ୍କାର ପରିଚ୍ଛନ୍ନ ରହିବେ ସେଥିପ୍ରତି ଧ୍ୟାନ ଦିଅନ୍ତୁ। ନିଜର ଡ୍ରେସ ଯଦି ସେମାନେ ନିଜେ ସଫା କରୁଛନ୍ତି ତେବେ ତାହା କିପରି ଭଲ ଭାବରେ ସଫା କରିବେ ତାହାର କାଇଦା ଶିଖାନ୍ତୁ। ପିଲଟି ଯଦି ଅପରିଷ୍କାର ପୋଷାକ ପିନ୍ଧତ୍ୁଛି ତାହା ଭଲ ନୁହେଁ ବୋଲି କହନ୍ତୁ। ପିଲା ଯଦି ବଡ ହୋଇଗଲେଣି ତେବେ ସଫାସୁତରା ମହତ୍ତ୍ୱ ସେମାନେ ଜାଣିବା ଦରକାର। ଏ ନେଇ ଛୋଟ ପିଲାଙ୍କ ଦାୟିତ୍ୱ ନିଜେ ନିଅନ୍ତୁ। ଏମାନେ କ’ଣ କରନ୍ତି ସୁମିତ୍ରା ପାଢ଼ୀ -ନୁରୁଗାଁ,ଭାଟପଡ଼ା,ରାଜନଗର,କେନ୍ଦ୍ରାପଡ଼ା ମୁଁ ମୋ ପିଲାଙ୍କୁ ଟିକେ ବଡ଼ ହେବା ପରେ ସେମାନେ କିପରି ନିଜ କାମ ନିଜେ କରିପାରିବେ ସେ ସମ୍ପର୍କରେ ବୁଝାଏ। ଭବିଷ୍ୟତରେ ସେମାନେ କିପରି ସଫଳ ହେବେ ତାକୁ ଲକ୍ଷ୍ୟ କରି ସେମାନଙ୍କୁ ଧୀରେ ଧୀରେ ସବୁ କାମ କରିବାର ଅଭ୍ୟାସ କରାଇବା। କନକଲତା ସାହାଣୀ -କେନାଲ ରୋଡ୍‌,ପଳାଶୁଣୀ,ଭୁବନେଶ୍ୱର ପିଲାଙ୍କୁ ସବୁ ଜିନିଷ ଶିଖାଇଲେ ସେମାନେ ଶିଖିବେ। ଆପଣ ଯଦି କିଚେନ୍‌ରେ ଅଛନ୍ତି ତେବେ ପିଲାର ସହଯୋଗ ନେଇପାରିବେ। ଯାହାଦ୍ୱାରା ଆପଣଙ୍କୁ କିଛି ସୁବିଧା ସହଯୋଗ ମିଳିଯିବ।
All Right Reserved By

ଜୀବନଚର୍ଯ୍ୟା |

ଚେହେରାରେ ଚମକ ଆଣିବା ପାଇଁ ସପ୍ତାହରେ ଥରେ ଆପଣାନ୍ତୁ ଏହି ସହଜ ଉପାୟ...

ଚେହେରାରେ ଚମକ ଆଣିବା ପାଇଁ ସପ୍ତାହରେ ଥରେ ଆପଣାନ୍ତୁ ଏହି ସହଜ ଉପାୟ...

ମୁଖର ସୌନ୍ଦର୍ଯ୍ୟ ବୃଦ୍ଧି ପାଇଁ ବେସନର ଉପଯୋଗ କଲେ ମିଳିଥାଏ ଅନେକ ସୁଫଳ। ଶୁଷ୍କ ହେଉ କିମ୍ବା ତୈଳାକ୍ତ ସବୁ ତ୍ୱଚା ପାଇଁ ବେସନ ଉପକାରୀ ସାବ୍ୟସ୍ତ ହୋଇଥାଏ । 

ହୃଦ୍‌ଘାତରୁ ଦୂରେଇ ରହିବାକୁ ଚାହୁଁଛନ୍ତି; ସକାଳେ ପିଅନ୍ତୁ ଏହି ରସ...

ହୃଦ୍‌ଘାତରୁ ଦୂରେଇ ରହିବାକୁ ଚାହୁଁଛନ୍ତି; ସକାଳେ ପିଅନ୍ତୁ ଏହି ରସ...

ପ୍ରତିଦିନ ସକାଳେ ଅଧା କପ୍‌ ଗାଜର ରସ ପିଇଲେ ଅନେକ ଉପକାର ମିଳିଥାଏ। ଗାଜର ରସ କୋଲେଷ୍ଟରଲସ୍ତର ହ୍ରାସ କରିଥାଏ। ଫଳରେ ହୃଦ୍‌ଘାତ ସମସ୍ୟାରୁ ମୁକ୍ତି ମିଳିଥାଏ ବୋଲି ହଷ୍ଟନ ବିଶ୍ୱବିଦ୍ୟାଳୟରେ ହୋଇଥିବ ଏକ ଗବେଷଣା ରିପୋର୍ଟରେ ଉଲ୍ଳେଖ କରାଯାଇଛି।

କ୍ୟାନସରକୁ  ବି ଦୂରେଇଦିଏ ଏହି ଫଳ

କ୍ୟାନସରକୁ ବି ଦୂରେଇଦିଏ ଏହି ଫଳ

ଅଙ୍ଗୁରରେ ଥିବା ପୋଷକତତ୍ତ୍ୱ କ୍ୟାନସର ଓ ଡାଇବେଟିସ୍‌ ଭଳି ମାରାତ୍ମକ ରୋଗକୁ ଦୂରେଇ ଦେଇଥାଏ। ନିକଟରେ ଆମେରିକାରେ କରାଯାଇଥିବା ଏକ ଗବେଷଣାରୁ ଜଣାଯାଏ ଯେ ଅଙ୍ଗୁର ମଞ୍ଜିର ରସ ପିଇଲେ କ୍ୟାନସର ଭଳି ମାରାତ୍ମକ ବ୍ୟାଧି ବ୍ୟାପି ନ ଥାଏ। 

ତେଲରେ ଛାଣିଲା ପରେ... ପନିର୍‌ର ହୁଏ କ’ଣ..

ତେଲରେ ଛାଣିଲା ପରେ... ପନିର୍‌ର ହୁଏ କ’ଣ..

ଖାଦ୍ୟ ପଦାର୍ଥକୁ ତେଲରେ ଛାଣିଲା ପରେ ଏଥିରେ ଥିବା ପୋଷକତତ୍ତ୍ୱ ପରିମାଣ କମିଯାଇଥାଏ ବୋଲି ଜର୍ନାଲ ଅଫ୍‌ ଫୁଡ୍‌ ଆଣ୍ଡ ସାଇନ୍ସ୍‌ ଟେକ୍ନୋଲୋଜିି ଦ୍ୱାରା ପ୍ରକାଶିତ ତଥ୍ୟରୁ ଜାଣିବାକୁ ମିଳିଛି। 

ଯୁବ ସୁଲଭ ଠାଣି ବଜାୟ ରଖିବା ପାଇଁ ସକାଳେ ଆପଣାନ୍ତୁ ଏହି ସହଜ ଉପାୟ...

ଯୁବ ସୁଲଭ ଠାଣି ବଜାୟ ରଖିବା ପାଇଁ ସକାଳେ ଆପଣାନ୍ତୁ ଏହି ସହଜ ଉପାୟ...

କପେ ଚା’ ଦିନଯାକର ମାନସିକ ଚାପରୁ ମୁକ୍ତି ଦେବା ସହିତ ଶରୀରରେ ଆଣିଥାଏ ଫୁର୍ତ୍ତି। ଚା’ର କେତେକ ଔଷଧୀୟ ଗୁଣ ରହିଛି ।

କଫ ହେଉଥିଲେ ସକାଳୁ ଆପଣାନ୍ତୁ ଏହି ସହଜ ଉପାୟ...

କଫ ହେଉଥିଲେ ସକାଳୁ ଆପଣାନ୍ତୁ ଏହି ସହଜ ଉପାୟ...

ଲବଙ୍ଗର ଔଷଧୀୟ ଗୁଣ ଅନେକ। ବର୍ଷାଦିନେ ସକାଳୁ ଲବଙ୍ଗକୁ ଗରମ ପାଣିରେ ଫୁଟାଇ  ପିଇଲେ ଏହା ଶରୀର ଲାଗି ହୋଇଥାଏ ହିତକର । 

ଆଣ୍ଠୁଗଣ୍ଠି ବାତରୁ ଦୂରେଇ ରହିବା ପାଇଁ ଆପଣାନ୍ତୁ ଏହି ସହଜ ଉପାୟ...

ଆଣ୍ଠୁଗଣ୍ଠି ବାତରୁ ଦୂରେଇ ରହିବା ପାଇଁ ଆପଣାନ୍ତୁ ଏହି ସହଜ ଉପାୟ...

ସାଲାଡ୍‌ ଖାଇବା ସ୍ବାସ୍ଥ୍ୟ ପାଇଁ ଖୁବ୍‌ ଲାଭଦାୟକ। ସାଲାଡ୍‌ରେ ପ୍ରଚୁର ପରିମାଣରେ ଭିଟାମିନ୍‌, ଫୋଲିକ୍‌ ଏସିଡ୍‌, କ୍ୟାଲସିୟମ, ମ୍ୟାଗ୍ନେସିୟମ, ଲୌହ ଓ ପୋଟାସିୟମ ଭଳି ପୁଷ୍ଟିକର ଉପାଦାନ ରହିଥାଏ।

ଅମୃତ ଭଣ୍ଡାର ଅମୃତ ଗୁଣ...

ଅମୃତ ଭଣ୍ଡାର ଅମୃତ ଗୁଣ...

ଅମୃତଭଣ୍ଡାରେ ଭରି ରହିଛି ଅନେକ ଅମୃତ ଗୁଣ। ଏହାର ବହୁ ଔଷଧୀୟ ଗୁଣ ଥିବାରୁ ଖାଦ୍ୟରେ ଏହାକୁ ନିୟମିତ ଗ୍ରହଣ କଲେ ଅନେକ ରୋଗ ଦୂର ହୁଏ। 

ରକ୍ତହୀନତାରୁ ଦୂରେଇ ରହିବା ପାଇଁ ଆପଣାନ୍ତୁ ଏହି ସହଜ ଉପାୟ...

ରକ୍ତହୀନତାରୁ ଦୂରେଇ ରହିବା ପାଇଁ ଆପଣାନ୍ତୁ ଏହି ସହଜ ଉପାୟ...

ସକାଳୁ ଆଖୁରସ ପିଇଲେ ମିଳେ ଅନେକ ଉପକାର। ଆଖୁରସରେ ଶରୀରକୁ ସୁସ୍ଥ ରଖିବା ଭଳି ଭିଟାମିନ୍‌,କ୍ୟାଲସିୟମ୍‌, ଫସଫରସ୍‌, ଗ୍ଲୁକୋଜ୍‌ ଆଦି ତତ୍ତ୍ୱ ଭରି ରହିଛି।

ସକାଳେ ଖାଆନ୍ତୁ ୪ଟି ଚିନା ବାଦାମ; ମିଳିବ ଅନେକ ଫାଇଦା...

ସକାଳେ ଖାଆନ୍ତୁ ୪ଟି ଚିନା ବାଦାମ; ମିଳିବ ଅନେକ ଫାଇଦା...

ପ୍ରତିଦିନ ସକାଳେ କିଛି ସମୟ ବ୍ୟାୟାମ ପରେ ୪ଟି ଚିନା ବାଦାମ ଖାଇଲେ ମିଳିଥାଏ ଅନେକ ଉପକାର। ନିୟମିତ ଏପରି କଲେ କ୍ୟାନସରରୁ ମୁକ୍ତି ମିଳିପାରିିବ ବୋଲି ଆୟୁର୍ବେଦରେ ଉଲ୍ଲେଖ କରାଯାଇଛି। 

ଥ୍ରେଡିଂ ପରେ...

ଥ୍ରେଡିଂ ପରେ...

ମୁହଁକୁ ସୁନ୍ଦର ଦେଖାଯିବାକୁ  ହେଲେ ମହିଳାମାନେ ଥ୍ରେଡିଂ କରିଥାନ୍ତି । ଥ୍ରେଡିଂ ପରେ ସେମାନେ ଏମିତି କିଛି ଭୁଲ୍‌ କରିଥାନ୍ତି ତାହା ପରବର୍ତ୍ତୀ ସମୟରେ ଚିନ୍ତାର କାରଣ ହୋଇଥାଏ । ତେବେ ଏଭଳି ସମସ୍ୟାରୁ ଦୂରେଇ ରହିବାପାଇଁ ନିମ୍ନୋକ୍ତ ଟିପ୍ସକୁ ଆପଣାଇପାରିବେ.....

ସକାଳେ ଖାଆନ୍ତୁ ଡ୍ରାଏ ଫ୍ରୁଟସ୍‌ ରହିବେ ବହୁ ରୋଗରୁ ଦୂରେଇ...

ସକାଳେ ଖାଆନ୍ତୁ ଡ୍ରାଏ ଫ୍ରୁଟସ୍‌ ରହିବେ ବହୁ ରୋଗରୁ ଦୂରେଇ...

ସକାଳେ ଡ୍ରାଏ ଫ୍ରୁଟସ୍‌  ଖାଇଲେ ମିଳିଥାଏ ଅନେକ ସୁଫଳ। ଏହା ଯୋଗୁ ମେଦବହୁଳତା ହ୍ରାସ ପାଇଥାଏ। ନିୟମିତ ଏପରି କଲେ ୬ମାସରୁ ଏକ ବର୍ଷ ମଧ୍ୟରେ ବିନା ଡାଏଟିଂରେ ତଥା ବ୍ୟାୟାମରେ ଜଣେ ସ୍ଲିମ୍‌ ହୋଇପାରିବେ।