ଫୁରସତ |

ଏଣିକି ରୋବୋ କରିବ ଚାଷ

ଏଣିକି ରୋବୋ କରିବ ଚାଷ
ଲଣ୍ଡନ: ଦୁନିଆର ପ୍ରାୟ ସମସ୍ତ କାର୍ଯ୍ୟରେ ମଣିଷର ବିକଳ୍ପ ଭାବେ ବ୍ୟବହୃତ ହେବାରେ ଲାଗିଛନ୍ତି ଯନ୍ତ୍ରମାନବ ବା ରୋବୋ। ଏହି କ୍ରମରେ ଆଉ ପାଦ ଆଗେଇ ବ୍ରିଟେନ୍‌ର ଏକ ବୈଜ୍ଞାନିକ ଦଳ ପ୍ରଥମକରି ସମ୍ପୂର୍ଣ୍ଣ ରୋବା ଦ୍ୱାରା ଚାଷକାର୍ଯ୍ୟ ସମ୍ପନ୍ନ କରିଛନ୍ତି। ଅର୍ଥାତ୍‌ ହାର୍ପର୍‌ ଆଡାମ୍ସ ବିଶ୍ୱବିଦ୍ୟାଳୟର ଏହି ବୈଜ୍ଞାନିକ ଟିମ୍‌ ରୋବୋ ଜରିଆରେ ୫ଟନ୍‌ ବାର୍ଲି ଉତ୍ପାଦନ କରିବାରେ ସମର୍ଥ ହୋଇଛନ୍ତି। ପ୍ରାଥମିକ ସ୍ତରରେ ପରୀକ୍ଷଣ ଭାବେ ସେମାନେ ଏହା କରିଛନ୍ତି। ରୋବୋଙ୍କୁ ଏଭଳି ଭାବେ କୃଷିକାର୍ଯ୍ୟରେ ବ୍ୟବହାର କରିବାରେ ଏହା ହେଉଛି ପ୍ରଥମ ଘଟଣା। କୃଷିକାର୍ଯ୍ୟ ଆରମ୍ଭରୁ ଶେଷ ପର୍ଯ୍ୟନ୍ତ ସବୁ କାମ ରୋବୋଙ୍କ ଦ୍ୱାରା ହୋଇଛି। ମଞ୍ଜି ବୁଣିବା, ଫସଲରେ ପାଣି ମଡ଼ାଇବା, ସାର, କୀଟନାଶକ ସିଞ୍ଚନ କରିବା, ଫସଲର ନମୁନା ସଂଗ୍ରହ କରିବା ଏବଂ ଅମଳ କାର୍ଯ୍ୟ ଏହି ଯନ୍ତ୍ରମାନବ ହିଁ କରିଛନ୍ତି। ସ୍ବୟଂଚାଳିତ ଯାନ ମାଧ୍ୟମରେ ରୋବୋ ଏହି କାର୍ଯ୍ୟ କରିଛନ୍ତି। କୃଷିକାର୍ଯ୍ୟରେ ଉତ୍ପାଦନ କ୍ଷମତା ବୃଦ୍ଧି କରିବାରେ ରୋବୋଟିକ୍‌ ଟେକ୍ନୋଲୋଜି ବେଶ୍‌ ଉପଯୋଗୀ ବୋଲି ହାର୍ପର ଆଡାମ୍‌ ବିଶ୍ୱବିଦ୍ୟାଳୟର ବୈଜ୍ଞାନିକମାନେ ବିଶ୍ୱାସ କରନ୍ତି। କାରଣ ଏହାଦ୍ୱାରା ଜନସଂଖ୍ୟା ବୃଦ୍ଧି ସାଙ୍ଗକୁ ଭବିଷ୍ୟତରେ ଖାଦ୍ୟାଭାବ ଭଳି ସମସ୍ୟାର ମୁକାବିଲା କରାଯାଇପାରିବ ବୋଲି ସେମାନେ ଦାବି କରନ୍ତି। ରୋବୋ ଦ୍ୱାରା କୃଷିକାର୍ଯ୍ୟ ପ୍ରକଳ୍ପ ଲାଗି ଗବେଷକମାନେ ପ୍ରଥମେ ଏକ ଚାଷ ଜମି ସାଙ୍ଗକୁ କୃଷିକାର୍ଯ୍ୟ ଲାଗି ବ୍ୟବସାୟିକ ଢଙ୍ଗରେ ବ୍ୟବହାର କରାଯାଉଥିବା ଯନ୍ତ୍ରପାତି ନେଇଥିଲେ। ଏଥିରେ ବ୍ୟବହାର କରାଯାଉଥିବା ଡ୍ରୋନ୍‌କୁ ଗାଇଡ୍‌ କରିବା ଲାଗି ସେମାନେ ସଫ୍ଟଓ୍ବେର୍‌ ବ୍ୟବସ୍ଥା କରିଥିଲେ। ଏହାପରେ ସମ୍ପୃକ୍ତ ଯନ୍ତ୍ରପାତିକୁ ଆକ୍ୱାଟର୍‌ ସହ ସଂଯୋଗ କରିଥିଲେ। ଆକ୍ୱାଟର୍‌ ହେଉଛି ଏକ ରୋବୋଟିକ୍‌ ଟେକ୍ନୋଲୋଜି, ଯାହାଦ୍ୱାରା ଗବେଷକମାନେ ମଣିଷର ବିନା ଉପସ୍ଥିତିରେ କୃଷିକାର୍ଯ୍ୟରେ ବ୍ୟବହୃତ ବିଭିନ୍ନ ଯନ୍ତ୍ରପାତିକୁ ସିଧାସଳଖ ନିୟନ୍ତ୍ରଣ କରିପାରିବେ। ଏଥିରେ ବ୍ୟବହୃତ ଗାଡ଼ିଗୁଡ଼ିକ ଜିପିଏସ୍‌ ଦ୍ୱାରା ପରିଚାଳିତ ହୋଇଥାଏ। ଦୂରରେ ଥାଇ ସବୁ ବ୍ୟବସ୍ଥାକୁ ଅପରେଟ୍‌ କରୁଥିବା ବୈଜ୍ଞାନିକଙ୍କ ଦ୍ୱାରା ନିର୍ଦ୍ଧାରିତ ଟାର୍ଗେଟ୍‌ଗୁଡ଼ିକୁ ସଫଳତାର ସହ ରୋବୋଗୁଡ଼ିକ ପୂରଣ କରିଥିଲେ। ଭିନ୍ନ ଭିନ୍ନ ଟାର୍ଗେଟ୍‌ ପାଇଁ ସ୍ବତନ୍ତ୍ର ଭାବରେ ଯନ୍ତ୍ରପାତିର ବ୍ୟବସ୍ଥା କରାଯାଇଥିଲା ବୋଲି ବିଶ୍ୱବିଦ୍ୟାଳୟ ପ୍ରାଧ୍ୟାପକ ତଥା ଏହି ପ୍ରକଳ୍ପର ମୁଖିଆ ଜୋନାଥନ୍‌ ଗିଲ୍‌ ପ୍ରକାଶ କରିଛନ୍ତି। ତେବେ ଏହି ବାର୍ଲିରୁ ବନ୍ଧୁ ଏବଂ ସହକର୍ମୀମାନଙ୍କ ପାଇଁ ବିୟର୍‌ ପ୍ରସ୍ତୁତ କରିବା ଲାଗି ବୈଜ୍ଞାନିକଦଳ ଚିନ୍ତା କରିଥିବା ଗିଲ୍‌ କହିଛନ୍ତି।
All Right Reserved By

ଫୁରସତ |

ଯେଉଁ ଅଫିସ୍‌ରେ ଶୋଇବାକୁ ମିଳେ ଅନୁମତି

ଯେଉଁ ଅଫିସ୍‌ରେ ଶୋଇବାକୁ ମିଳେ ଅନୁମତି

ଜାପାନରେ କୌଣସି ଅଫିସରେ କାମ କରିବା ସମୟରେ ଯଦି ନିଦ ଆସିଥାଏ ତେବେ ସେହିଠାରେ ହିଁ କର୍ମଚାରୀ ନିଜର ନିଦ ପୂରା କରିପାରିବେ।

ଫିଶ୍‌ ସ୍ପା ହାତ ପାଦକୁ କରେ ସୁନ୍ଦର

ଫିଶ୍‌ ସ୍ପା ହାତ ପାଦକୁ କରେ ସୁନ୍ଦର

ହାତ ଓ ପାଦକୁ ସୁନ୍ଦର କରାଇବା ପାଇଁ ଫିଶ ସ୍ପା ଉପଯୋଗୀ ସାବ୍ୟସ୍ତ ହୋଇଥାଏ। ଫିଶ ସ୍ପା ଦ୍ୱାରା ହାତ ପାଦକୁ ମିଳିଥାଏ ଆରାମ। ଫିଶ୍‌ ସ୍ପାରେ ଏକ ପ୍ରକାର ସ୍ବତନ୍ତ୍ର ଧରଣର ମାଛଙ୍କ ଦ୍ୱାରା ଚିକିତ୍ସା କରାଯାଇଥାଏ। 

ଅଫିସ ସାଜୁଛି ବିବାହ ବିଚ୍ଛେଦର କାରଣ

ଅଫିସ ସାଜୁଛି ବିବାହ ବିଚ୍ଛେଦର କାରଣ

ବିବାହିତ ଦମ୍ପତିମାନଙ୍କ ମଧ୍ୟରେ ଅନେକ ଛୋଟ ବଡ଼ କାରଣକୁ ନେଇ ମନୋମାଳିନ୍ୟ ହୋଇଥାଏ। ଏଥିପାଇଁ କେତେକ ସମୟରେ ବିବାହ ବିଚ୍ଛେଦ ହୋଇଥାଏ। ତେବେ ଏହି ବିବାହ ବିଚ୍ଛେଦର କେତେକ କାରଣ ମଧ୍ୟରୁ ଅଫିସ ଏକ ଗୁରୁତ୍ୱପୂର୍ଣ୍ଣ କାରଣ ବୋଲି ଜଣାପଡ଼ିଛି। ନିକଟରେ ୧୯୮୧ରୁ ୨୦୦୨ ମଧ୍ୟରେ ବିବାହ କରିଥିବା ଦମ୍ପତି ମାନଙ୍କୁ ନେଇ କରାଯାଇଥିବା ଏକ ଗବେଷଣାରୁ ଏହା ସ୍ପଷ୍ଟ ହୋଇଛି। 

ଦାମୀ ଚକୋଲେଟ୍‌

ଦାମୀ ଚକୋଲେଟ୍‌

ଛୋଟରୁ ବଡ ସଭିଙ୍କର ପ୍ରିୟ ଚକୋଲେଟ୍‌। ଦୋକାନରେ ଦେଖିଦେବା ମାତ୍ରେ ପିଲାଟିଏ ଜିଦ୍ଦି କରେ ତାକୁ ନେବା ପାଇଁ। ହେଲେ କିଛି ଚକୋଲେଟ୍‌ ଅଛି ଯଦି ତା’ ପାଇଁ ପିଲାଟିଏ ଜିଦ୍ଦି କରେ ତେବେ ତାକୁ କିଣିବା ଅସମ୍ଭବ ମନେ ହେବ। କାରଣ ସେସବୁ ହେଉଛି ପୃଥିବୀର ସବୁଠୁ ଦାମୀ ଚକୋଲେଟ୍‌...

ଶ୍ରୁତିରୁ ପ୍ରାମାଣିକ

ଶ୍ରୁତିରୁ ପ୍ରାମାଣିକ

ବେଦକୁ ପବିତ୍ର ବୋଲି କୁହାଯାଇଥାଏ। ଏହାର ଆଉ ଏକ ନାମ ଶ୍ରୁତି। କାରଣ, ଏହାକୁ ଶୁଣିଶୁଣି ମନେ ରଖାଯାଇଥାଏ। 

ରାଶି ଅନୁଯାୟୀ ବୃତ୍ତି

ରାଶି ଅନୁଯାୟୀ ବୃତ୍ତି

ମେଷ: ଏହି ରାଶିର ବ୍ୟକ୍ତିମାନେ ସାଧାରଣତଃ ସାହସୀ ଏବଂ ବୀର ସ୍ବଭାବର ହୋଇଥାନ୍ତି। 

କୁକୁରଙ୍କ ପାଇଁ ହୁଇଲ୍‌ ଚେୟାର

କୁକୁରଙ୍କ ପାଇଁ ହୁଇଲ୍‌ ଚେୟାର

ବଡୋଦରା: ଏମ୍‌ଏସ୍‌ ୟୁନିଭର୍ସିଟି ଇଞ୍ଜିନିୟରିଂ ଛାତ୍ରଙ୍କ ଉଦ୍‌ଭାବନ ସଡକ ଦୁର୍ଘଟଣାରେ  ଗୋଡ ହରାଇଥିବା କୁକୁରଙ୍କ ପାଇଁ ସାହାରା ହେବ। ମେକାନିକାଲ୍‌ ଇଞ୍ଜିନିୟରିଂ ଷ୍ଟ୍ରିମ୍‌ ଶେଷବର୍ଷର ଦୁଇ ଛାତ୍ର କୁକୁରଙ୍କ ନିମନ୍ତେ ସ୍ବଳ୍ପ ମୂଲ୍ୟର ଆଡଜଷ୍ଟେବଲ୍‌ ହୁଇଲଚେୟାର ଡିଜାଇନ୍‌ ପ୍ରସ୍ତୁତ କରିଛନ୍ତି। 

ଆକାଶେ ହସିବ ଦ୍ୱିତୀୟ ଜହ୍ନ

ଆକାଶେ ହସିବ ଦ୍ୱିତୀୟ ଜହ୍ନ

ବେଜିଂ: ଖୁବ୍‌ଶୀଘ୍ର ଆକାଶରେ ଆଉ ଏକ ଜହ୍ନ ଝଲସିବାକୁ ଯାଉଛି। ଏହାକୁ ମଧ୍ୟ ଦ୍ୱିତୀୟ ଜହ୍ନ କୁହାଯାଇପାରେ। ଚନ୍ଦ୍ରର ଆଲୋକ ଖୁବ୍‌ ମନମତାଣିଆ ଆଉ ଆକର୍ଷଣୀୟ ହୋଇଥିବା ବେଳେ ସୂର୍ଯ୍ୟାଲୋକର ୪ଲକ୍ଷ ଭାଗରୁ ୧ଭାଗ ହିଁ ଆମେ ପାଇଥାଉ। ଚନ୍ଦ୍ର ବାସ୍ତବରେ ରାତ୍ରିର ଅନ୍ଧାର ସମ୍ପୂର୍ଣ୍ଣ ଭାବରେ ଦୂରୀଭୂତ କରିବାକୁ ସମର୍ଥ ନୁହେଁ। ଏହାକୁ ଦୃଷ୍ଟିରେ ରଖି ଚାଇନାର ବୈଜ୍ଞାନିକ ଓ ଇଞ୍ଜିନିୟରମାନେ ଏକ କୃତ୍ରିମ ଜହ୍ନ ଆକାଶକୁ ଛାଡ଼ିବାକୁ ଯାଉଛନ୍ତି। 

ଇଣ୍ଟରଭ୍ୟୁ ଗେଟ୍‌ଅପ୍‌

ଇଣ୍ଟରଭ୍ୟୁ ଗେଟ୍‌ଅପ୍‌

ସବୁ ଆଶାୟୀ ପ୍ରାର୍ଥୀ ଜବ୍‌ ଇଣ୍ଟରଭ୍ୟୁରେ ଭଲ କରିବାକୁ ଚାହାନ୍ତି। ଏଥିପାଇଁ ସମ୍ପୂର୍ଣ୍ଣ   ପ୍ରସ୍ତୁତ ହୋଇ ନିଜର ବେଷ୍ଟ ଦେବା ସତ୍ତ୍ୱେ କେବେ କେବେ ସଫଳତା ମିଳି ନ ଥାଏ ।  ଏହା ପଛରେ ଅନ୍ୟ ଏକ କାରଣ ହେଉଛି ଗେଟ୍‌ଅପ୍‌ । କାରଣ ଏହା  ମଧ୍ୟ  ପର୍ସନାଲିଟିକୁ ପ୍ରଭାବିତ କରିଥାଏ । ତେଣୁ ଜବ୍‌ ଇଣ୍ଟରଭ୍ୟୁ ପାଇଁ ଯାଉଥିଲେ କିପରି ଗେଟ୍‌ଅପ୍‌ ନେବେ ଜାଣି ରଖନ୍ତୁ ...

ଫେଷ୍ଟିଭ୍‌ ଅଫର୍‌

ଫେଷ୍ଟିଭ୍‌ ଅଫର୍‌

ଫେଷ୍ଟିଭ୍‌ ସିଜନ୍‌ । ଛୋଟରୁ ବଡ଼ ପର୍ଯ୍ୟନ୍ତ ସବୁ ଦୋକାନ ତଥା ମଲ୍‌ଗୁଡିକରେ ପ୍ରତ୍ୟେକ ସାମଗ୍ରୀରେ ମିଳୁଛି ଆକର୍ଷଣୀୟ ଅଫର। ଯଦିଓ ଏହା ସବୁ ବର୍ଗଙ୍କ ଲାଗି ଉପଲବ୍ଧ ହେଲେ ବିଶେଷ କରି ଏହାର ଭରପୁର ଫାଇଦା ନେଉଛନ୍ତି ଯୁବପିଢି.... 

ଫାଇଭ୍‌ ଷ୍ଟାର ଜେଲ

ଫାଇଭ୍‌ ଷ୍ଟାର ଜେଲ

ଜେଲ ନାଁ ଶୁଣିଲା ମାତ୍ରେ ମନରେ ଆସେ ଏକ ଅନ୍ଧାରୁଆ କୋଠରୀ, ଅସନା ଚଟାଣ, ଚାରିପଟ ଘେରା ଏକ ବିରାଟ ପାଚେରି ଏବଂ ଏହା ଭିତରେ କଏଦୀମାନେ ବନ୍ଦି ଜୀବନ ଅତିବାହିତ କରୁଥିବାର ଦୃଶ୍ୟ।

ଗଛ ଗୋଟିଏ, ଫଳ ୪୦ ପ୍ରକାର

ଗଛ ଗୋଟିଏ, ଫଳ ୪୦ ପ୍ରକାର

ଫଳ ଅନେକଙ୍କର  ପ୍ରିୟ ହୋଇଥାଏ। କାହାକୁ ସେଓ ଭଲ ଲାଗେ ତ କାହାକୁ କମଳା, ଆମ୍ବ, ନାସପାତି, ଲିଚୁ ଓ ଷ୍ଟ୍ରବେରୀ। କେହି କେହି ତ ମନପସନ୍ଦର ଫଳ ଗଛ ନିଜ ବାଡ଼ିରେ ଲଗାଇ ଦିଅନ୍ତି। ଯେମିତି କି ବଜାରକୁ ଯାଇ ସେହି ଫଳ ଖୋଜି କିଣିବାକୁ ନ ପଡ଼େ।