ସମ୍ପାଦକୀୟ |

ଓଡ଼ିଆ ଭାଷାର ରକ୍ଷାକବଚ

ଓଡ଼ିଆ ଭାଷାର ରକ୍ଷାକବଚ
ଡ. ସିଦ୍ଧାର୍ଥ କାନୁନ୍‌ଗୋ ସଂକ୍ରାନ୍ତି ପୁରୁଷ ଫକୀରମୋହନ ସେନାପତିଙ୍କ ଆବିର୍ଭାବ ୧୮୪୩ ମସିହା ଜାନୁୟାରୀ ୧୩ ତାରିଖ, ମକର ସଂକ୍ରାନ୍ତି ଓ ତିରୋଧାନ ୧୯୧୮ ମସିହା ଜୁନ୍‌ ୧୪ ତାରିଖ, ରଜ ସଂକ୍ରାନ୍ତି ଦିନ ହୋଇଥିଲା। ସଂଯୋଗକୁ ଚଳିତବର୍ଷର ମକର ସଂକ୍ରାନ୍ତି ଥିଲା ତାଙ୍କ ଆବିର୍ଭାବର ୧୭୫ତମ ପୂର୍ତ୍ତି ଦିବସ ଏବଂ ଚଳିତବର୍ଷର ରଜ ସଂକ୍ରାନ୍ତି ହେଉଛି ତାଙ୍କ ମହାପ୍ରୟାଣର ୧୦୦ତମ ପୂର୍ତ୍ତି ଦିବସ। ଫକୀରମୋହନ ସେନାପତି, ଉତ୍କଳ ଗୌରବ ମଧୁସୂଦନ ଦାସ, ଉତ୍କଳମଣି ପଣ୍ଡିତ ଗୋପବନ୍ଧୁ ଦାସ, କବିବର ରାଧାନାଥ ରାୟ, ସ୍ବଭାବ କବି ଗଙ୍ଗାଧର ମେହେର ଓ କର୍ମବୀର ଗୌରୀଶଙ୍କର ରାୟ ପ୍ରମୁଖ ଓଡ଼ିଆ ଭାଷା ସାହିତ୍ୟ ଆନ୍ଦୋଳନରେ ପ୍ରମୁଖ ଭୂମିକା ଗ୍ରହଣ କରିଥିଲେ। ଫକୀରମୋହନ ସେନାପତିଙ୍କ ଯୋଗୁଁ ଓଡ଼ିଆ ଭାଷାର ଅସ୍ତିତ୍ୱ ରକ୍ଷା ହେଲା କହିଲେ ଅତ୍ୟୁକ୍ତି ହେବନାହିଁ। ଖୁବ୍‌ କମ୍‌ ବୟସରେ ପିତୃମାତୃହୀନ ହୋଇଥିବା ଫକୀରମୋହନଙ୍କ ଜୀବନ ଥିଲା ସଂଘର୍ଷମୟ। ସେ ପିତୃବ୍ୟ ପୁରୁଷୋତ୍ତମ ସେନାପତିଙ୍କଠାରୁ ଆଶାନୁରୂପ ସାହାଯ୍ୟ ଓ ସହଯୋଗ ପାଇ ନ ଥିଲେ। ବାଲ୍ୟକାଳରୁ ରୁଗ୍‌ଣ ଥିବାରୁ ୯ବର୍ଷ ବୟସରେ ତାଙ୍କର ପାଠପଢ଼ା ଆରମ୍ଭ ହୋଇଥିଲା। ଉଚ୍ଚଶିକ୍ଷା ବୋଧହୁଏ ତାଙ୍କ ଭାଗ୍ୟରେ ନ ଥିଲା। ସାଧାରଣ ଭାବରେ କହିବାକୁ ଗଲେ ସେ ଥିଲେ ଦରପାଠୁଆ। ଅତ୍ୟନ୍ତ ପ୍ରତିକୂଳ ପରିସ୍ଥିତିରେ ନିଜ ଜୀବନକୁ କୌଣସି ପ୍ରକାର ବଞ୍ଚାଇ ଏହି ଅସହାୟ ବାଳକଟି ପରବର୍ତ୍ତୀ ସମୟରେ ଆଧୁନିକ ଓଡ଼ିଆ କଥା ଓ ଉପନ୍ୟାସ ସାହିତ୍ୟର ଭିତ୍ତିଭୂମି ପ୍ରତିଷ୍ଠା କରିଥିଲେ। ଏକଥା ଭାବିଲେ ଆଜି ଆଶ୍ଚର୍ଯ୍ୟ ହେବାକୁ ପଡ଼େ। ଯେଉଁପିଲା ଦିନେ ସ୍କୁଲର ମାସିକ ଦରମା ମାତ୍ର ୪ଅଣା ଦେଇ ନ ପାରିବାରୁ ଆନୁଷ୍ଠାନିକ ବିଦ୍ୟାଶିକ୍ଷାର ପରିସମାପ୍ତି ହୋଇଥିଲା, ସେ ପିଲା ପରବର୍ତ୍ତୀ କାଳରେ ନିଜର ଅଧ୍ୟବସାୟ ଦ୍ୱାରା ଓଡ଼ିଶାର ପ୍ରଥମ କ୍ଷୁଦ୍ରଗଳ୍ପ ଏବଂ ଆତ୍ମଚରିତ ରଚୟିତାର ମାନ୍ୟତା ଲାଭ କରିଛନ୍ତି। ଯେଉଁ ସ୍କୁଲରେ ଦରମା ଦେଇ ନ ପାରି ଫକୀରମୋହନ ଏକ ପ୍ରକାର ବିତାଡିତ ହୋଇଥିଲେ ପରବର୍ତ୍ତୀ ସମୟରେ ସେହି ବାରବାଟୀ ସ୍କୁଲରେ ସେ ଶିକ୍ଷକରୂପେ ନିଯୁକ୍ତି ପାଇଲେ। ତାଙ୍କ ଶିକ୍ଷାଦାନ କୌଶଳ ଓ ପିଲାଙ୍କୁ ପାଠ ପଢ଼ାଇବାର ଆନ୍ତରିକତା ବାରବାଟୀ ସ୍କୁଲର ସେକ୍ରେଟେରୀ ଓ ସ୍କୁଲ ଡେପୁଟି ଇନ୍ସପେକ୍ଟରଙ୍କୁ ମୁଗ୍‌ଧ କରିଥିଲା। ବାରବାଟୀ ସ୍କୁଲରେ ସେ ଭୂଗୋଳ ଓ ଗଣିତ ଶିକ୍ଷାଦାନ କରୁଥିଲେ। ଅଧ୍ୟବସାୟ ମଣିଷକୁ କ’ଣ ନ କରେ! ସେ ପାଟୀଗଣିତ, ବୀଜଗଣିତ ଇତ୍ୟାଦି ଜଟିଳ ଗଣିତ ବିଦ୍ୟା ଅଧ୍ୟୟନର ସୁଯୋଗରୁ ବଞ୍ଚିତ ହୋଇଥିଲେ ମଧ୍ୟ ପରବର୍ତ୍ତୀ ସମୟରେ ନିଜେ ଅଙ୍କ ପଢ଼ି ପିଲାଙ୍କୁ ଅଙ୍କ ବୁଝାଇ ସମସ୍ତଙ୍କୁ ଚକିତ କରିଥିଲେ। ବ୍ୟକ୍ତିଗତ ଉଦ୍ୟମରେ ସେ ଓଡ଼ିଆ ବ୍ୟତୀତ ଇଂଲିଶ, ପାର୍ଶୀ, ସଂସ୍କୃତ, ହିନ୍ଦୀ ଏପରି କି ତେଲୁଗୁ ଭାଷା ଇତ୍ୟାଦିରେ ବ୍ୟୁତ୍ପତ୍ତି ହାସଲ କରିଥିଲେ। ସେଥିପାଇଁ ସେ ବହୁ ଭାଷାବିତ୍‌ ତଥା ସୁପଣ୍ଡିତ ବାଲେଶ୍ୱରର ତତ୍‌କାଳୀନ କଲେକ୍ଟର ପଣ୍ଡିତ ଜନ୍‌ ବିମ୍‌ସ ଆଇ.ସି.ଏସ୍‌.ଙ୍କ ନିକଟତର ହୋଇପାରିଥିଲେ ଏବଂ ପଞ୍ଚଭାଷୀ ବ୍ୟାକରଣ ପୁସ୍ତକ ରଚନାରେ ତାଙ୍କୁ ସାହାଯ୍ୟ କରିଥିଲେ। ପରବର୍ତ୍ତୀ ସମୟରେ ଜନ୍‌ ବିମ୍‌ସଙ୍କ ପରାମର୍ଶ କ୍ରମେ ସେ ବିଭିନ୍ନ ରାଜଦରବାରରେ ପ୍ରଶାସକ ଅଥବା ଦେୱାନ ପଦବୀରେ ନିଯୁକ୍ତ ହୋଇଥିଲେ। ଫକୀରମୋହନଙ୍କ ପୂର୍ବରୁ ରାଧାନାଥଙ୍କର ବିବେକୀ, ଇତାଲୀୟ ଯୁବା ଏବଂ ମଧୁସୂଦନ ରାଓଙ୍କର ପ୍ରଣୟର ଅଦ୍ଭୁତ ପରିଣାମ ଇତ୍ୟାଦି କ୍ଷୁଦ୍ରଗଳ୍ପ ରଚିତ ହୋଇଥିଲେ ମଧ୍ୟ ବାସ୍ତବ ପକ୍ଷରେ ଦେଖିବାକୁ ଗଲେ ଏଗୁଡ଼ିକ କ୍ଷୁଦ୍ରଗଳ୍ପର ମର୍ଯ୍ୟାଦା ଲାଭ କରିପାରି ନାହାନ୍ତି। ଲଛମନିଆ ହେଉଛି ଫକୀରମୋହନଙ୍କର ପ୍ରଥମ କ୍ଷୁଦ୍ରଗଳ୍ପ। କିନ୍ତୁ ଏହା ଦୁଷ୍ପ୍ରାପ୍ୟ ଥିବାରୁ ଫକୀରମୋହନଙ୍କ ରେବତୀ ହିଁ ପ୍ରଥମ ଓଡ଼ିଆ କ୍ଷୁଦ୍ରଗଳ୍ପର ମାନ୍ୟତା ଲାଭ କରିଛି। ତାଙ୍କ ଗଳ୍ପ ଉପନ୍ୟାସର ବିଶେଷତ୍ୱ ହେଉଛି ସେ ତାଙ୍କ ଚରିତ୍ରମାନଙ୍କୁ ସମାଜର ନିମ୍ନ ସ୍ତରରୁ ସାଉଁଟି ଆଣିଛନ୍ତି। ସମଗ୍ର ଉତ୍କଳୀୟ ସାହିତ୍ୟରେ ତାଙ୍କର ଏହି ଦିଗଟି ନୂତନତାର ଦିଗ୍‌ଦର୍ଶନ ଦେଇଛି। ଆଜି ମାତୃଭାଷା ପରିବର୍ତ୍ତେ ଇଂଲିଶ ମାଧ୍ୟମ ବିଦ୍ୟାଳୟରେ ପିଲାମାନଙ୍କୁ ପାଠ ପଢ଼ିବା ପାଇଁ ଅଭିଭାବକମାନଙ୍କର ଆଗ୍ରହକୁ ଦେଖି ଫକୀରମୋହନଙ୍କ ‘ଉତ୍କଳ ଭ୍ରମଣ’ କବିତାର ଏହି ଉକ୍ତିଟି ଆମର ମନେପଡ଼େ ନାହିଁକି?- ”ପଢ଼ ଇଙ୍ଗରାଜି କେହି ମନା କରୁନାହିଁ, କିନ୍ତୁ ବାପା କାମ କର ଜାତିକୁଳ ଚାହିଁ। ଘୃଣା କରୁଅଛ ମାତୃଭାଷା ପଢ଼ିବାକୁ, ହାୟ ହାୟ ଲାଜକଥା କହିବି କାହାକୁ।“ ଫକୀରମୋହନଙ୍କ ବିଷୟରେ ଯେତେ ଲେଖିଲେ ମଧ୍ୟ ସରିବ ନାହିଁ। ଆଜି ତାଙ୍କର ୧୦୦ତମ ତିରୋଧାନ ଦିବସର ପୂର୍ତ୍ତି ଉତ୍ସବ ପାଳିତ ହେଉଛି। ଓଡ଼ିଆ ଜାତିର ନାଡିକୁ ଚିହ୍ନିଲାଭଳି ଏଭଳି ଗୋଟିଏ ବ୍ୟକ୍ତିତ୍ୱ ଆମ ସାହିତ୍ୟରେ ଯେ ବିରଳ, ଏଥିରେ ସନ୍ଦେହ ନାହିଁ। ତାଙ୍କୁ ଆମର ସଶ୍ରଦ୍ଧ ପ୍ରଣାମ। (ବ୍ୟାସକବି ଫକୀରମୋହନଙ୍କ ୧୦୦ତମ ତିରୋଧାନ ଦିବସ ଉପଲକ୍ଷେ ) ଯୁଗ୍ମ ନିର୍ଦ୍ଦେଶକ, ସ୍ଥାନୀୟ ପାଣ୍ଠି ସମୀକ୍ଷା ନିର୍ଦ୍ଦେଶାଳୟ, ଭୁବନେଶ୍ୱର, ମୋ- ୯୪୩୮୦୭୨୮୫୦
All Right Reserved By

ସମ୍ପାଦକୀୟ |

ସମ୍ପାଦକୀୟ/ଦୀପାବଳି କି ଇଦ୍‌ ନୁହେଁ

ସମ୍ପାଦକୀୟ/ଦୀପାବଳି କି ଇଦ୍‌ ନୁହେଁ

ରାଜସ୍ଥାନ ବାର୍ମେର ଜିଲାର ଏକ ନିର୍ବାଚନ ସଭାରେ ଏପ୍ରିଲ ୨୧ରେ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପାକିସ୍ତାନକୁ ସମାଲୋଚନା କରି ଭୋଟ ମାଗିଛନ୍ତିି। ସେ କହିଛନ୍ତି, ଦିନେ ଛାଡ଼ି ଦିନେ ପାକିସ୍ତାନ ବାରମ୍ବାର କହିଆସୁଛି ଯେ, ତା’ ପାଖରେ ପରମାଣୁ ବୋମା ରହିଛି। କିନ୍ତୁ ପାକିସ୍ତାନ ମନେରଖିବା ଉଚିତ ଯେ, ଭାରତ ପାଖରେ ଥିବା ପରମାଣୁ ଅସ୍ତ୍ର ଦୀପାବଳି ପାଇଁ ସାଇତା ..

ଲୋକପ୍ରତିନିଧି କାହାନ୍ତି

ଲୋକପ୍ରତିନିଧି କାହାନ୍ତି

ସହଦେବ ସାହୁ

ବିଲାତକୁ ଗଣତନ୍ତ୍ରର ଜନନୀ କୁହାଯାଏ, କିନ୍ତୁ ତାହାର ଲିଖିତ ସମ୍ବିଧାନ ନାହିଁ, କନ୍‌ଭେନ୍‌ସନ୍‌ ବା ପରମ୍ପରା ସମ୍ବିଧାନର କାମ କରୁଛି: ରାଜା ବା ରାଣୀ ବଂଶାନୁକ୍ରମେ ରାଷ୍ଟ୍ରମୁଖ୍ୟ ହେଉଥିବାରୁ ବିଲାତ ରିପବ୍ଲିକ୍‌ ବା ସାଧାରଣତନ୍ତ୍ର ନୁହେଁ। ଆମ ସମ୍ବିଧାନ-ପ୍ରଣେତାମାନେ ବିଲାତ ଢାଞ୍ଚାର କ୍ୟାବିନେଟ ବା ସଂସଦୀୟ ଗଣତନ୍ତ୍ରକୁ ଅନୁକରଣ ..

ସବୁଥିରେ ପଲିଟିକ୍ସ

ସବୁଥିରେ ପଲିଟିକ୍ସ

ସବ୍ୟସାଚୀ ଅମିତାଭ

ଗଣତନ୍ତ୍ର କ୍ଷମତା ଦେଇଛି। ନିଜେ ନିଜର ଶାସନ କରିବାର କଳା ଲୋକଙ୍କୁ ଶିଖାଇଛି। ହେଲେ ବର୍ତ୍ତମାନ ସମୟର ରାଜନୀତି ଗଣତନ୍ତ୍ରକୁ ଧୀରେ ଧୀରେ କବଳିତ କରିସାରିଲାଣି। ସବୁ କଥାରେ ରାଜନୀତି। ଚାଷୀ ମଲେ ରାଜନୀତି, ପୀଡିତା ଆତ୍ମହତ୍ୟା କଲେ ବି ରାଜନୀତି, ପେଟ୍ରୋଲ ଦର ବଢିଲେ ରାଜନୀତି ଆଉ ଆଦର୍ଶ ହେବାର ..

ଏଇ ଭାରତରେ

ଏଇ ଭାରତରେ

ବିହାରର ଭାଗଲପୁର ଅଞ୍ଚଳରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତି ନିଜ ସ୍ତ୍ରୀଙ୍କୁ ତାଙ୍କ ପ୍ରେମିକ ସହ ବିବାହ କରାଇ ଦେଇଛନ୍ତି। କେବଳ ସେତିକି ନୁହେଁ, ଉପହାର ସ୍ବରୂପ ସେ ନିଜ ଅଢ଼େଇ ବର୍ଷର ପୁଅକୁ ମଧ୍ୟ ସ୍ତ୍ରୀଙ୍କ ହାତରେ ଟେକି ଦେଇଛନ୍ତି। ଏହି ଘଟଣା ଏବେ ଭାଗଲପୁରରେ ଚର୍ଚ୍ଚାର ବିଷୟ ପାଲଟିଥିବା ବେଳେ ଗାଁର ଅନେକ ଲୋକ ଏହି ବି..

କଲମ୍ବୋ ନିଆଁ

କଲମ୍ବୋ ନିଆଁ

ଦ୍ୱୀପ ଦେଶ ଶ୍ରୀଲଙ୍କାରେ ଦୀର୍ଘ ବର୍ଷ ପରେ ୨୧ ଏପ୍ରିଲ ୨୦୧୯ରେ ଭୟଙ୍କର ଆତଙ୍କ ଦେଖାଦେଇଛି। ରାଜଧାନୀ କଲମ୍ବୋ ଓ ଆଖପାଖ  ଅଞ୍ଚଳର କେତେକ ଚର୍ଚ୍ଚ ଓ ହୋଟେଲରେ ଲଗାତର ୮ଟି ବିସ୍ଫୋରଣରେ ୨୦୭ରୁ ଊର୍ଦ୍ଧ୍ୱ ବ୍ୟକ୍ତିଙ୍କ ପ୍ରାଣହାନି ଘଟିଥିବା ବେଳେ ୪୦୦ରୁ ଅଧିକ ଗୁରୁତର ଆହତ ହୋଇଛନ୍ତି। ମୃତ୍ୟୁସଂଖ୍ୟା ବୃଦ୍ଧି ପାଇବା ଆଶଙ୍କା କରାଯାଉଛି। ମୃତକଙ୍କ ମଧ୍ୟରେ ୪୦ ବିଦେଶୀ ଥିବା ଖବର ମିଳିଛି। 

ଜୀବ ସୁରକ୍ଷା ପୃଥିବୀ ରକ୍ଷା

ଜୀବ ସୁରକ୍ଷା ପୃଥିବୀ ରକ୍ଷା

୨୦୧୯ର ଧରିତ୍ରୀ ଦିବସ ପାଳନ ଅବସରରେ ଦିଆଯାଇଥିବା ସଚେତନଧର୍ମୀ ଡାକରାଟା ହେଉଛି ‘ସବୁ ଜୀବଙ୍କୁ ସୁରକ୍ଷା ଦିଅ।’ ଆଠ ନିୟୁତ ଜୀବ ଜାତିର ପୃଥିବୀଟା ଆଜି ଜୀବ ବିଲୁପ୍ତି ପଥରେ ଅଗ୍ରସର। ସକଳ ଜୀବଙ୍କ ପ୍ରାଣସୂତ୍ର ପୃଥିବୀ ସେମାନଙ୍କ ପ୍ରାଣରକ୍ଷା ପାଇଁ ମଣିଷକୁ ଆହ୍ବାନ କରୁଛି। ତେବେ ମଣିଷ କ’ଣ ଜୀବ ବିଲୁପ୍ତିର କାରଣ ସାଜିଛି? ମଣିଷ ଆବିର୍ଭାବ ପୂର୍ବରୁ ତ ପୁଣି ପୃଥିବୀ ପାଞ୍ଚ ପାଞ୍ଚ ଥର ସମୂହ ବିଲୋପକୁ ସାମନା କରିଛି। 

କହିବା କାହାକୁ, ଶୁଣିବ କିଏ

କହିବା କାହାକୁ, ଶୁଣିବ କିଏ

ଯେଉଁ କଥାକୁ ଡର ଥିଲା ତାହା ହିଁ ହେଲା। ଆଶା ଥିଲା, ସରକାର ଆଉ କିଛି କରନ୍ତୁ ବା ନ କରନ୍ତୁ, ନିର୍ବାଚନ ସମୟରେ ମଦକୁ ନିଶ୍ଚିତ ନିଷିଦ୍ଧ କରିବେ। ହେଲେ, ହେଲା ଠିକ୍‌ ତା’ର ଓଲଟା। ସରକାରଙ୍କ ଅବକାରୀ ବିଭାଗ ଜୁଲାଇ ୩୧ ତାରିଖ ପର୍ଯ୍ୟନ୍ତ ମଦ ଦୋକାନୀଙ୍କ ଲାଇସେନ୍ସକୁ ନବୀକରଣ କରି ଏ କ୍ଷେତ୍ରକୁ ସବୁଜ ସଙ୍କେତ(?) ଦେଇଛନ୍ତି। ଏଥିପାଇଁ ରାଜ୍ୟ ସରକାର ନୂତନ ଭାବେ ଅବକାରୀ ନୀତି ପ୍ରସ୍ତୁତ କରିଛନ୍ତି। 

ଏଇ ଭାରତରେ

ଏଇ ଭାରତରେ

ଗୁଜରାଟର ରାଜକୋଟ ଜିଲା ଅନ୍ତର୍ଗତ ରାଜସମଦିୟାଲ ଗାଁ ଅନ୍ୟ ଗଁାଗୁଡ଼ିକଠାରୁ ନିଆରା। ନିର୍ବାଚନ ସମୟରେ ସବୁଠି ପ୍ରଚାର ଗାଡି ବୁଲୁଥିବା ବେଳେ ଏହି ଗାଁରେ କିନ୍ତୁ ପ୍ରଚାର କରାଯାଇ ନ ଥାଏ। ଗାଁ ଲୋକଙ୍କ ମତରେ ପ୍ରଚାର କରାଗଲେ ପରିବେଶରେ ଶବ୍ଦ ପ୍ରଦୂଷଣ ବୃଦ୍ଧିପାଇବ। ତେଣୁ ସେମାନେ କୌଣସି ପ୍ରଚାରଗାଡିକୁ ଗାଁ ଭିତରକୁ ପ୍ରବେଶ କରିବାକୁ ଦେଇ ନ ଥାନ୍ତି। 


ଭାଷଣ ଓ ଭୋଟ

ଭାଷଣ ଓ ଭୋଟ

ଆକାର ପଟେଲ

କୋଡ଼ିଏ ବର୍ଷ ତଳେ ମହାତ୍ମା ଗାନ୍ଧୀଙ୍କ ଅଣନାତି ତୁଷାର ଗାନ୍ଧୀ ମୁମ୍ବାଇରେ ନିର୍ବାଚନ ଲଢ଼ୁଥିଲେ। ସମାଜବାଦୀ ପାର୍ଟି ଟିକେଟରେ ଠିଆହୋଇ ସେ ଶିବସେନା ନେତା ତଥା ବାନ୍ଦ୍ରା ଇଷ୍ଟ୍‌ର ବିଧାୟକ  ମଧୁକର ସାର୍ପୋଟଦାରଙ୍କ ସହ ପ୍ରତିଦ୍ୱନ୍ଦ୍ୱିତା କରୁଥିଲେ। ୨୦୧୦ରେ ପରଲୋକ ଗମନ କରିଥିବା ସାର୍ପୋଟଦାର ବାବ୍ରି ମସ୍‌ଜିଦ ଭଙ୍ଗା ଘଟ..

ପ୍ରତିଶ୍ରୁତି ଓ ପ୍ରତାରଣାର ଖେଳ

ପ୍ରତିଶ୍ରୁତି ଓ ପ୍ରତାରଣାର ଖେଳ

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ

ପ୍ରଥମରୁ ସପ୍ତମ ଯାଏ ପ୍ରାୟ ଦୁଇମାସ ଧରି ଚାଲିଛି ବିଶ୍ୱର ବୃହତ୍ତମ ଗଣତନ୍ତ୍ରର ସବୁଠୁଁ ମହତ୍ତ୍ୱପୂର୍ଣ୍ଣ ଉତ୍ସବ। ଭାରତ ଭଳି ଏକ ବିଶାଳ ଗଣତନ୍ତ୍ରର ଭାଗ୍ୟ ଡୋରି ହାତକୁ ନେବା ପାଇଁ ଏଇ ବଳ କଷାକଷିର ପର୍ବ ଆରମ୍ଭ ହୋଇଗଲାଣି କେବେଠୁଁ। ନିର୍ବାଚନରେ ଭୋଟ ଦେବା ଭଳି ନାଗରିକର ପବିତ୍ର କର୍ତ୍ତବ୍ୟ ସମ୍ପାଦନ କରି ପାଞ୍ଚବର୍ଷ ହେଲା ନିଘୋଡ ନିଦରେ ଶୋଇ ପଡିଥିବା ଜ..

‘ଦି ଓଭରଷ୍ଟୋରି’ ଔପନ୍ୟାସିକ

‘ଦି ଓଭରଷ୍ଟୋରି’ ଔପନ୍ୟାସିକ

ବ୍ୟକ୍ତିତ୍ୱ/ଜିତେନ୍ଦ୍ର କୁମାର ନାୟକ

ଆମେରିକାରେ ଖବରକାଗଜ, ପତ୍ରିକା, ଅନ୍‌ଲାଇନ୍‌ ସାମ୍ବାଦିକତା, ସାହିତ୍ୟ ଏବଂ ସଙ୍ଗୀତ ରଚନା କ୍ଷେତ୍ରରେ ଉତ୍କର୍ଷ ଲାଭ କରୁଥିବା ସଂସ୍ଥା ଓ ବ୍ୟକ୍ତିବିଶେଷଙ୍କୁ ପୁଲିଜର ପୁରସ୍କାର ପ୍ରଦାନ କରାଯାଇଥାଏ। ହଙ୍ଗେରି ଜନ୍ମିତ ଆମେରିକୀୟ ଯୋଶେଫ୍‌ ଫୁଲିଜର ୧୯୧୭ରେ ଏହି ସମ୍ମାନ ପ୍ରତିଷ୍ଠା କରିଥିଲେ। ପ୍ରତିବର୍ଷ ୨୧ଟି କ୍ଷେତ୍ରରେ ଏହି ମର୍ଯ୍ୟାଦାଜନକ ପୁରସ୍କାର ଦିଆଯାଇ ଆସୁଥିବାରୁ ନୂଆ ବିଜେତାଙ୍କ ଉପରେ ସମସ୍ତଙ୍କ ଲକ୍ଷ୍ୟ ଥାଏ। ଚଳିତବର୍ଷ ସାହିତ୍ୟ କ୍ଷେତ୍ରରେ ରିଚାର୍ଡ ..

ଏଇ ଭାରତରେ

ଏଇ ଭାରତରେ


ଅଙ୍ଗଦାନ ମହାପୁଣ୍ୟ। ଜଣଙ୍କ ମୃତ୍ୟୁ ପରେ ତା’ର ବିଭିନ୍ନ ଅଙ୍ଗ ଦାନ କରାଯାଇପାରିବ। ତେଣୁ କୌଣସି ବ୍ୟକ୍ତି ମୃତ୍ୟୁ ପୂର୍ବରୁ ଅଙ୍ଗଦାନ ପାଇଁ ଶପଥ ନେଇଥିଲେ ଏହା ସମ୍ଭବ ହୋଇପାରିବ। ଜଣଙ୍କର କିଡ୍‌ନୀ, ଚକ୍ଷୁ, ହୃତ୍‌ପିଣ୍ଡ ଭଳି ବିଭିନ୍ନ ଅଙ୍ଗ ଏକାଧିକ ଲୋକଙ୍କଠାରେ ପ୍ରତିରୋପଣ କରାଯାଇପାରେ।   ତେବେ ଏ ନେଇ ଲୋକଙ୍କ ମଧ୍ୟରେ ସଚେତନତାର ଅଭାବ ରହିଛି। ଏହି ମର୍ମରେ ଛ..


Model This Week

ତୁଳସୀ ପ୍ରିୟଦର୍ଶିନୀ
Why Dharitri