ରାଜ୍ୟ |

ଆଜି ପହିଲି ରଜ

ଆଜି ପହିଲି ରଜ
ଭୁବନେଶ୍ୱର,୧୩।୬(ବ୍ୟୁରୋ)- ଆନନ୍ଦ ଉଲ୍ଲାସର ପର୍ବ ‘ରଜ’, ଯାହାର ଅପେକ୍ଷା ରହିଥାଏ ପ୍ରତି ଓଡ଼ିଆ ଘରେ। ପୋଡ଼ପିଠାରୁ ଆରମ୍ଭ କରି ରଜ ପାନଖିଆ ଓ ରଜଦୋଳି ଖେଳ ପର୍ବକୁ ଆହୁରି ଆକର୍ଷଣୀୟ କରିଥାଏ। ଆବାଳବୃଦ୍ଧବନିତା ସମସ୍ତେ ମିଳିମିଶି ଏହାକୁ ପାଳନ କରୁଥିବାରୁ ଓଡ଼ିଶାର ଏହା ଏକ ପ୍ରସିଦ୍ଧ ଗଣପର୍ବ ଭାବେ ପରିଚିତ। ରଜ ୩ଦିନ ଘରେ ଘରେ ବନ୍ଧୁବାନ୍ଧବଙ୍କ ସୁଅ ଛୁଟୁଥିବା ବେଳେ ଗଁା ହେଉ କି ସହର, ସବୁଠି ଖୁସିର ମାହୋଲ ଦେଖିବାକୁ ମିଳେ। ରଜକୁ କିଭଳି ନିଆରା ଢଙ୍ଗରେ ପାଳନ କରିବେ ଓ ମଉଜ ମଜଲିସ୍‌ରେ ଦିନ କଟାଇବେ, ତାହାକୁ ନେଇ ସବୁବେଳେ ଥାଏ ଉତ୍ସାହ। ଖାସ୍‌ ସେଥିପାଇଁ ଏବେ ସହରରେ ଗଁା ରଜର ଅନୁଭୂତି ଦେବାକୁ ବିଭିନ୍ନ ସଙ୍ଗଠନ ଓ ସାଂସ୍କୃତିକ ଅନୁଷ୍ଠାନ ଆଗେଇ ଆସିଛନ୍ତି। ରଜ ପରମ୍ପରାକୁ ବଞ୍ଚାଇ ରଖିବା ପାଇଁ ପ୍ରତିବର୍ଷ ଭଳି ଚଳିତବର୍ଷ ମଧ୍ୟ ସହରବାସୀଙ୍କୁ ପୋଡ଼ପିଠା, ରଜଦୋଳି, ରଜପାନ ଆଦିର ମଜାଦେବାକୁ ସ୍ବତନ୍ତ୍ର ଆୟୋଜନ କରାଯାଇଛି। ପାନ୍ଥନିବାସରେ ରଜ ଗୁରୁବାର ପହିଲି ରଜ। ଓଡ଼ିଶା ପର୍ଯ୍ୟଟନ ଉନ୍ନୟନ ନିଗମ ଦ୍ୱାରା ପରିଚାଳିତ ପାନ୍ଥନିବାସଗୁଡ଼ିକରେ ଏଥର ଜାକଜମକରେ ପାଳନ ହେବ ରଜ ମହୋତ୍ସବ। ଭୁବନେଶ୍ୱର ସହ କଟକ, ପୁରୀ, ଚାନ୍ଦିପୁର, ଗୋପାଳପୁର, ସମ୍ବଲପୁର, ରାଉରକେଲା, ବରକୁଳ, ପାରାଦୀପ ଓ କୋଣାର୍କରେ ଥିବା ପାନ୍ଥନିବାସରେ ଧୁମ୍‌ଧାମରେ ଉତ୍ସବ ଅନୁଷ୍ଠିତ ହେବ। ପୋଡ଼ପିଠା, ମଣ୍ଡା, ଆରିଷା କାକରା, ଚକୁଳି ପିଠା ସାଙ୍ଗକୁ ମୁଗବୁନ୍ଦି, କ୍ଷୀରଗଜା, ଦହିବରା, ଛେନାପୋଡ଼ ମୁଖ୍ୟ ଆକର୍ଷଣ ରହିବ। ଏହାସହ ପର୍ଯ୍ୟଟକ ଏଠାରେ ରଜପାନ ଖାଇ ରଜଦୋଳିର ମଜା ଉଠାଇପାରିବେ। ସେହିଭଳି ସମ୍ବଲପୁର ପ୍ରସିଦ୍ଧ ପିଠା ଖୁଦମଣ୍ଡା, କଦମ୍ବା ଓ ମୁଗପାପ୍‌ଚି ସମ୍ବଲପୁର ପାନ୍ଥନିବାସରେ ଉପଲବ୍ଧ ହେବ। ବୁଧବାର ସଜବାଜ ଅବସରରେ ଭୁବନେଶ୍ୱରସ୍ଥିତ ପାନ୍ଥନିବାସ ପରିସରରେ ପର୍ଯ୍ୟଟନ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ରଜ ମହୋତ୍ସବକୁ ଉଦ୍‌ଘାଟନ କରିଛନ୍ତି। ‘ମଶାଲ’ର ରାଜ୍ୟସ୍ତରୀୟ ରଜ ମହୋତ୍ସବ ପ୍ରତିଥର ଭଳି ଏଥର ମଧ୍ୟ ‘ମଶାଲ’ ଅନୁଷ୍ଠାନ ପକ୍ଷରୁ ରବୀନ୍ଦ୍ର ମଣ୍ଡପରେ ଆୟୋଜନ କରାଯାଇଛି ରଜ କାର୍ଯ୍ୟକ୍ରମ। ୧୪ତାରିଖ ଗୁରୁବାର ଅପରାହ୍ନରୁ ଉତ୍ସବ ଆରମ୍ଭ ହୋଇ ରାତି ପର୍ଯ୍ୟନ୍ତ ଚାଲିବ। ପ୍ରେକ୍ଷାଳୟ ଭିତରେ ଓ ବାହାରେ ଏକାଧିକ ମନୋରଞ୍ଜନଧର୍ମୀ କାର୍ଯ୍ୟକ୍ରମ ସାଙ୍ଗକୁ ଖାଦ୍ୟପେୟ ଓ ରଜଦୋଳି ଖେଳ ଆକର୍ଷଣ ରହିବ। ଝୋଟି, ପିଠା ଓ ପୁଚିଖେଳକୁ ନେଇ ମହିଳାମାନଙ୍କ ମଧ୍ୟରେ ଶ୍ରେଷ୍ଠ ଓଡ଼ିଆଣୀ ପ୍ରତିଯୋଗିତା ଅନୁଷ୍ଠିତ ହେବ। ସେହିଭଳି ବିଭିନ୍ନ ପ୍ରକାର ଲୋକନୃତ୍ୟ ଓ ନାଟକ ପ୍ରେକ୍ଷାଳୟ ବାହାରେ ପରିବେଷଣ କରାଯିବ। ପ୍ରେକ୍ଷାଳୟ ଭିତରେ ଶିଳ୍ପୀମାନେ ରଜଗୀତ, ସମ୍ବଲପୁରୀ ନୃତ୍ୟ ପରିବେଷଣ କରିବାର କାର୍ଯ୍ୟକ୍ରମ ରଖାଯାଇଛି। ଏକାମ୍ର ହାଟ, ତାରକା ହୋଟେଲରେ ରଜପିଠା ଭୁବନେଶ୍ୱରରେ ପୋଡ଼ପିଠା ବିକ୍ରିର ପରମ୍ପରା ଆରମ୍ଭ କରିଥିବା ଏକାମ୍ର ହାଟରେ ଏଥର ରଜକୁ ଆଡ଼ମ୍ବର ସହକାରେ ପାଳନ କରାଯିବ। ଏହା ପରିସରରେ ଥିବା ବିଭିନ୍ନ ଖାଦ୍ୟ ଷ୍ଟଲ୍‌ରେ ରଜପିଠା ଗ୍ରାହକଙ୍କୁ ଆକୃଷ୍ଟ କରିବ। ବିଶେଷକରି ‘ପେଟପୂଜା’ରେ ପୋଡ଼ପିଠାର ଡିମାଣ୍ଡ ରହିବ। ଏହାସହ ରଜ ପାଇଁ ସ୍ବତନ୍ତ୍ର ଭାବେ ପ୍ରସ୍ତୁତ କରଞ୍ଜି, କାକରା, ସିଜାମଣ୍ଡା, ମୁଗ ହାଲଓ୍ବା, ପୋଡ଼ପିଠା, ଛଣାମଣ୍ଡା, କ୍ଷୀରଗଜା ଆଦି ଏଠାରେ ଉପଲବ୍ଧ ହେବ, ଯାହାର ଦାମ୍‌ ଗୋଟା ପିଛା ୫ରୁ ୧୦ଟଙ୍କା ରଖାଯାଇଛି। ସେହିଭଳି ପୋଡ଼ପିଠା ଗୋଟା ୨୪୦ଟଙ୍କାରେ ଉପଲବ୍ଧ ହେବ। ବୁଧବାରଠାରୁ ଆରମ୍ଭ ହୋଇଥିବା ଏହି ପିଠା ବିକ୍ରି ଆସନ୍ତା ରବିବାର ପର୍ଯ୍ୟନ୍ତ ଚାଲିବ। କେବଳ ଏକାମ୍ର ହାଟ ନୁହେଁ, ବିଭିନ୍ନ ତାରକା ହୋଟେଲରେ ମଧ୍ୟ ରଜ ପାଇଁ ସ୍ବତନ୍ତ୍ର ପିଠା ବିକ୍ରି ସହ କାର୍ଯ୍ୟକ୍ରମର ଆୟୋଜନ କରାଯାଇଛି। ମେଫେୟାର, ହୋଟେଲ କ୍ରାଉନ୍‌ ଏବଂ ସ୍ବସ୍ତି ଗ୍ରୁପ୍‌ର ପ୍ରମୁଖ ହୋଟେଲଗୁଡ଼ିକରେ ସ୍ବତନ୍ତ୍ର ରଜ କାର୍ଯ୍ୟକ୍ରମ ରଖାଯାଇଛି। ଭଳିକି ଭଳି ପିଠା ସହ ଲୋକେ ଏଠାରେ ରଜଦୋଳିର ମଜା ନେଇପାରିବେ। ବରମୁଣ୍ଡା ଖେଳ ପଡ଼ିଆରେ ରଜ ମହୋତ୍ସବ ତ୍ରିଶକ୍ତି ମହିଳା ପରିଷଦ ପକ୍ଷରୁ ଏଥର ବରମୁଣ୍ଡା ବିଜୁ ପଟ୍ଟନାୟକ ଖେଳ ପଡ଼ିଆରେ ଜମିବ ରଜ ମହୋତ୍ସବ। ଏହି ଅବସରରେ ରଜଦୋଳି ଖେଳ ସହ ବିଭିନ୍ନ ମନୋରଞ୍ଜନଧର୍ମୀ କାର୍ଯ୍ୟକ୍ରମ ଅନୁଷ୍ଠିତ ହେବ। ପାତ୍ରପଡ଼ାରେ ୧୫୧ ଦୋଳି ଚଳିତବର୍ଷ ମଧ୍ୟ ପାତ୍ରପଡ଼ା ଓ ଭଗବାନପୁର ଗ୍ରାମ ପକ୍ଷରୁ ମହାରାଜା କ୍ରିକେଟ୍‌ ଆସୋସିଏଶନ ପଡ଼ିଆରେ ୮ମ ରଜ ମଉଜ ମହୋତ୍ସବ ଅନୁଷ୍ଠିତ ହେବ। ଏଠାରେ ଥିବା ଶତାଧିକ ଗଛରେ ୧୫୧ଟି ଦୋଳି ଲାଗିବ, ଯାହାକି ଏଥରର ମୁଖ୍ୟ ଆକର୍ଷଣ ରହିବ। ଏହାସହ ରଜରେ ଲୋକଙ୍କୁ ସୁସ୍ବାଦୁ ଖାଦ୍ୟ ପରଷି ଦେବାକୁ ୨୦ରୁ ଊର୍ଦ୍ଧ୍ୱ ଫୁଡ୍‌ଷ୍ଟଲ ଏଠାରେ ଖୋଲାଯିବ। ୧୪ରୁ ୧୭ତାରିଖ ପର୍ଯ୍ୟନ୍ତ ରଜ ମହୋତ୍ସବ ପାଳନ କରାଯିବ। ଏହି ଅବସରରେ ମହିଳାମାନଙ୍କ ମଧ୍ୟରେ ପୋଡ଼ପିଠା, ଶଙ୍ଖଫୁଙ୍ଖା ପ୍ରତିଯୋଗିତା ଆଦି ଅନୁଷ୍ଠିତ ହେବ।
All Right Reserved By

ରାଜ୍ୟ |

ଶୃଙ୍ଖଳିତ ଜୀବନଶୈଳୀ ରୋକିବ ମଧୁମେହ

ଶୃଙ୍ଖଳିତ ଜୀବନଶୈଳୀ ରୋକିବ ମଧୁମେହ

ଢେଙ୍କାନାଳ ଅଫିସ, ୧୪ା୧୧-ସାରା ବିଶ୍ୱରେ ମଧୁମେହ ମହାମାରୀ ରୂପ ନେଲାଣି। ଏହି ରୋଗରେ ପୀଡ଼ିତଙ୍କ ସଂଖ୍ୟା ୪୨୫ ମିଲିୟନରେ ପହଞ୍ଚତ୍ଥିବାବେଳେ କେବଳ ଭାରତରେ ରୋଗୀ ସଂଖ୍ୟା ୬୩ ମିଲିୟନ।

ଅପରାଜିତା ଷଡଙ୍ଗୀଙ୍କ ସ୍ବେଚ୍ଛାକୃତ ଅବସରକୁ ସରକାର ଦେଲେ ମଞ୍ଚୁରୀ

ଅପରାଜିତା ଷଡଙ୍ଗୀଙ୍କ ସ୍ବେଚ୍ଛାକୃତ ଅବସରକୁ ସରକାର ଦେଲେ ମଞ୍ଚୁରୀ

ଭୁବନେଶ୍ୱର, ୧୪।୧୧: ବରିଷ୍ଠ ଆଇଏଏସ୍‌ ଅଧିକାରୀ ଅପରାଜିତା ଷଡଙ୍ଗୀ ସ୍ବେଚ୍ଛାକୃତ ଅବସରକୁ ବୁଧବାର ମଞ୍ଜୁରୀ ଦେଇଛନ୍ତି ରାଜ୍ୟ ସରକାର। ରାଜ୍ୟ ପ୍ରଶାସନ ବିଭାଗ ତରଫରୁ କେନ୍ଦ୍ର ସରକାରଙ୍କୁ ଚିଠି ଦ୍ୱାରା ସୁପାରିଶ କରାଯାଇଛି। 

ବ୍ରହ୍ମ ବିଭ୍ରାଟ ଘଟଣାରେ ୧୧ ଜଣଙ୍କୁ ନୋଟିସ ପ୍ରସଙ୍ଗ: ମୁହଁ ଖୋଲିଲେ ବିଶ୍ୱକର୍ମା

ବ୍ରହ୍ମ ବିଭ୍ରାଟ ଘଟଣାରେ ୧୧ ଜଣଙ୍କୁ ନୋଟିସ ପ୍ରସଙ୍ଗ: ମୁହଁ ଖୋଲିଲେ ବିଶ୍ୱକର୍ମା

ପୁରୀ ଅଫିସ,୧୪।୧୧: ୨୦୧୫  ନବକଳେବର ବ୍ରହ୍ମ ସଂସ୍ଥାପନରେ ହୋଇଥିବା ବିଭ୍ରାଟ ଘଟଣାର ୩ ବର୍ଷ ପରେ ଶ୍ରୀମନ୍ଦିର ପ୍ରଶାସନ ଜଣେ ମହାରଣା ସେବକଙ୍କ ସହ ସମୁଦାୟ ୧୧  ସେବାୟତଙ୍କୁ ନୋଟିସ ଜାରି କରିଛି। ଏହି ନୋଟିସ ଜାରି ପରେ ଗଣମାଧ୍ୟମ ଆଗରେ ମୁହଁ ଖୋଲିଛନ୍ତି ସୁଭଦ୍ରାଙ୍କ ମୁଖ୍ୟ ମହାରଣା ସେବକ କୃଷ୍ଣଚନ୍ଦ୍ର ମହାରଣା। 

ଓକିଲ ଆନ୍ଦୋଳନ ପ୍ରତ୍ୟାହୃତ: ଗୁରୁବାରରୁ କାର୍ଯ୍ୟରେ ଯୋଗଦାନ

ଓକିଲ ଆନ୍ଦୋଳନ ପ୍ରତ୍ୟାହୃତ: ଗୁରୁବାରରୁ କାର୍ଯ୍ୟରେ ଯୋଗଦାନ

କଟକ ଅଫିସ, ୧୪।୧୧: ହାଇକୋର୍ଟ ଆଇନଜୀବୀ ଦେବୀ ପ୍ରସାଦ ପଟ୍ଟନାୟକଙ୍କୁ ମାଡ଼ ମାରିବା ଘଟଣାରେ ୪ ପୋଲିସ କର୍ମଚାରୀ ବୁଧବାର ହାଇକୋର୍ଟରେ ହାଜର ହୋଇ ନିସର୍ତ୍ତ କ୍ଷମା ପ୍ରାର୍ଥନା କରିଛନ୍ତି।

ଋଣ ଭାର ସହି ନ ପାରି ଚାଷୀଙ୍କ ଆତ୍ମହତ୍ୟା

ଋଣ ଭାର ସହି ନ ପାରି ଚାଷୀଙ୍କ ଆତ୍ମହତ୍ୟା

ବ୍ରହ୍ମପୁର ଅଫିସ,୧୪।୧୧: ଗଜପତି ଜିଲା ଗୁରାଣ୍ଡି ଥାନା ଅନ୍ତର୍ଗତ ମାଛମରା ବଡ଼ସାହି ଗ୍ରାମର ଜଣେ ଚାଷୀ ଋଣଭାର ସହି ନ ପାରି ବିଷ ପିଇ ଆତ୍ମହତ୍ୟା କରିଛନ୍ତି। ସେ ହେଲେ କେ.ଶ୍ରୀନୁ ରାଓ (୪୫)। 

ବିଦ୍ୟୁତ୍‌ ଆଘାତରେ ଦନ୍ତା ମୃତ

ବିଦ୍ୟୁତ୍‌ ଆଘାତରେ ଦନ୍ତା ମୃତ

ବଇଣ୍ଡା, ୧୪।୧୧(ଡି.ଏନ୍‌.ଏ.)-ଢେଙ୍କାନାଳ ଏବଂ ଅନୁଗୋଳ ଜିଲାରେ ବିଦ୍ୟୁତ୍‌ ତାର ହାତୀ ପାଇଁ କାଳ ସାଜିଛି। କମଳାଙ୍କ ହାତୀ ମୃତ୍ୟୁ ଘଟଣାକୁ ନେଇ ଚର୍ଚ୍ଚା ଥମି ନ ଥିବା ବେଳେ ଶିକାରୀଙ୍କ ବିଦ୍ୟୁତ୍‌ ତାରରେ ଛନ୍ଦିହୋଇ ଏକ ଦନ୍ତାହାତୀ ପ୍ରାଣ ହରାଇଛି।

ଭିଜିଲାନ୍ସ ଜାଲରେ ଭଞ୍ଜନଗର ବିଇଓ ଅଫିସ ମୁଖ୍ୟ କିରାଣୀ

ଭିଜିଲାନ୍ସ ଜାଲରେ ଭଞ୍ଜନଗର ବିଇଓ ଅଫିସ ମୁଖ୍ୟ କିରାଣୀ

ଭଞ୍ଜନଗର,୧୪।୧୧(ଡି.ଏନ୍‌.ଏ.): ଭିଜିଲାନ୍ସ ଜାଲରେ ଭଞ୍ଜନଗର ବିଇଓ ଅଫିସ ମୁଖ୍ୟ କିରାଣୀ ପ୍ରିୟଦର୍ଶୀ ଦାଶ। ଶିକ୍ଷକମାନଙ୍କ ଏରିୟର ଟଙ୍କା ପାସ୍‌ କରିବା ପାଇଁ ୨ ଜଣ ଶିକ୍ଷକଙ୍କଠାରୁ ବୁଧବାର ଲାଞ୍ଚ ନେଉଥିବା ବେଳେ ସେ ଧରାପଡ଼ିଛନ୍ତିି।

ପୋଲିସ ଆଇନଜୀବୀ ବିବାଦ ଘଟଣା: ମୁଣ୍ଡ ନୂଆଁଇଲା ପୋଲିସ

ପୋଲିସ ଆଇନଜୀବୀ ବିବାଦ ଘଟଣା: ମୁଣ୍ଡ ନୂଆଁଇଲା ପୋଲିସ

କଟକ ଅଫିସ, ୧୪।୧୧: ଅଗଷ୍ଟ ୨୯ରୁ ଚାଲିଥିବା  ଆଇନଜୀବୀ ଆନ୍ଦୋଳନ ସମାଧାନ ପାଇଁ ବୁଧବାର ବାଟ ଫିଟିଛି। ହାଇକୋର୍ଟରେ ୩ ପୋଲିସ ଅଧିକାରୀ ନିସର୍ତ୍ତ କ୍ଷମାପ୍ରାର୍ଥନା କରିଛନ୍ତି। ସେମାନଙ୍କ ମଧ୍ୟରେ ଜଣେ ହାବିଲଦାର ଓ ଦୁଇଜଣ କନଷ୍ଟେବଳ ଥିବା ଜଣାପଡ଼ିଛି।

ନଗଡ଼ିଆ ପଲି ଛକ  ନିକଟରୁ ଲୁଟ୍‌ ଘଟଣା: ୩ ଅଟକ, ଟଙ୍କା ଭର୍ତ୍ତି ବସ୍ତା ଜବତ

ନଗଡ଼ିଆ ପଲି ଛକ ନିକଟରୁ ଲୁଟ୍‌ ଘଟଣା: ୩ ଅଟକ, ଟଙ୍କା ଭର୍ତ୍ତି ବସ୍ତା ଜବତ

ବେଗୁନିଆ,୧୪।୧୧(ଡି.ଏନ୍‌.ଏ.): ଖୋର୍ଦ୍ଧା ଜିଲା ବେଗୁନିଆ ଥାନା ଅଧୀନ ନଗଡ଼ିଆ ପଲି ଛକ  ନିକଟରେ ଗତ ୮ ତାରିଖରେ ଏଲ୍‌ ଆଣ୍ଡ୍‌ ଟି ଏଜେଣ୍ଟଙ୍କଠାରୁ ୬୧ ଲକ୍ଷ ୭୨ ହଜାର  ୨୪୭ ଟଙ୍କା ଲୁଟ୍‌ ହୋଇଥିଲା।

ଭିଜିଲାନ୍ସ ଜାଲରେ ଜୁନିୟର ଏମ୍‌ଭିଆଇ

ଭିଜିଲାନ୍ସ ଜାଲରେ ଜୁନିୟର ଏମ୍‌ଭିଆଇ

ଭଦ୍ରକ ଅଫିସ,୧୪।୧୧: ଭଦ୍ରକ ଆଞ୍ଚଳିକ ପରିବହନ କାର୍ଯ୍ୟାଳୟର ଜୁନିୟର ଏମ୍‌ଭିଆଇ ଶଙ୍କର ନାରାୟଣ ଚୌଧୁରୀଙ୍କ ଘରେ ବୁଧବାର ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଛି।

ବସ୍‌କୁ ଧକ୍କା ଦେଲା ଟ୍ରକ୍‌, ୨୫ରୁ ଊର୍ଦ୍ଧ୍ୱ ଯାତ୍ରୀ ଆହତ

ବସ୍‌କୁ ଧକ୍କା ଦେଲା ଟ୍ରକ୍‌, ୨୫ରୁ ଊର୍ଦ୍ଧ୍ୱ ଯାତ୍ରୀ ଆହତ

ବାସୁଦେବପୁର/ପଦ୍ମପୁର,୧୪।୧୧(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବପୁର-ଧାମରା କୁଆମରାଠାରେ ବୁଧବାର ସକାଳେ ଧାମରାରୁ ବାସୁଦେବପୁର ଅଭିମୁଖେ ଆସୁଥିବା ଜୁଗୁନୁ ନାମକ ଯାତ୍ରୀବାହୀ ବସ୍‌କୁ ଏକ ଟ୍ରକ ଧକ୍କା ଦେଇଛି।

ଚଢାଉ ବେଳେ ଗୁଳି ଫୁଟାଇ ଖସିଗଲେ ୨ ଡକାୟତ, ଜଣେ ଗିରଫ

ଚଢାଉ ବେଳେ ଗୁଳି ଫୁଟାଇ ଖସିଗଲେ ୨ ଡକାୟତ, ଜଣେ ଗିରଫ

ବାସୁଦେବପୁର,୧୪।୧୧(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବପୁର ବ୍ଲକ ଆର୍ତ୍ତୁ ଗ୍ରାମରେ ଥିବା ଏକ ଭଡ଼ାଘରେ ୩ ଜଣ ଡକାୟତ ରହି ଲୁଟ ପାଇଁ ଯୋଜନା କରୁଥିବାବେଳେ ପୋଲିସ ସୂଚନା ପାଇ ମଙ୍ଗଳବାର ଚଢ଼ାଉ କରିଥିଲା। ଏହା ଜାଣିପାରି ଡକାୟତମାନେ ହଠାତ ଗୁଳି ଫୁଟାଇ ପୋଲିସକୁ ଭୟଭୀତ କରି ଫେରାର ହେବାକୁ ଚେଷ୍ଟା କରିଥିଲେ।