ଅନନ୍ତନାଗ,୧୩।୬: ଭାରତ ସହ ପାକିସ୍ତାନ ଶୀତଳ ଯୁଦ୍ଧ କରୁଛି ବୋଲି ଜମ୍ମୁ-କଶ୍ମୀର ଉପମୁଖ୍ୟମନ୍ତ୍ରୀ କବିନ୍ଦର ଗୁପ୍ତା ବୁଧବାର ପ୍ରକାଶ କରିଛନ୍ତି। ସକାଳେ ସାମ୍ବାର ଚାମ୍ବ୍ଲିଆଲ ସେକ୍ଟରରେ ପାକିସ୍ତାନ ପକ୍ଷରୁ ହୋଇଥିବା ଅସ୍ତ୍ରବିରତି ଉଲଂଘନରେ ୪ ଯବାନ ଶହୀଦ ଓ ୩ ଗୁରୁତର ହେବା ପରିପ୍ରେକ୍ଷୀରେ କବିନ୍ଦର ଏଭଳି ମନ୍ତବ୍ୟ ଦେଇଛନ୍ତି। ଶହୀଦମାନଙ୍କୁ ଶ୍ରଦ୍ଧାଞ୍ଜଳି ଦେବା ଅବସରରେ ସେ କହିଛନ୍ତି ଯେ, ପାକିସ୍ତାନର ଏଭଳି ଆକ୍ରମଣକୁ ଗୁରୁତ୍ୱର ସହ ନେବାର ଆବଶ୍ୟକତା ରହିଛି। ସ୍ବାଧୀନଭାବେ ନିଷ୍ପତ୍ତି ନେବା ପାଇଁ ସେନାକୁ ଅନୁମତି ଦିଆଯାଇଛି ଏବଂ ସେନା ଏହାର ଉଚତ୍ ଜବାବ ଦେବ। ସୂଚନାଯୋଗ୍ୟ, ପୂର୍ବରୁ ସେ ପାକିସ୍ତାନକୁ ଏକ ‘ଭୀରୁ ଦେଶ’ ବୋଲି ଆକ୍ଷେପ କରିଥିଲେ।
