ମେଟ୍ରୋ |

ଖବରକାଗଜ ମୋର ଅନ୍ନଦାତା

ଖବରକାଗଜ ମୋର ଅନ୍ନଦାତା

ବାଲିପାଟଣା,୧୩।୬(ଡି.ଏନ୍‌.ଏ): ଦିନ ଥିଲା, ପରିବାର ପ୍ରତିପୋଷଣ ଲାଗି ରୋଜଗାର କରିବା ଚିନ୍ତା ତାଙ୍କୁ ଅଥୟ କରୁଥିଲା। ଯୁକ୍ତ ୨ ପାଠ ପଢୁଥିବା ବେଳେ ଘରର ଆର୍ଥିକ ଅନଟନ ଯୋଗୁ ସେ ପାଠପଢ଼ା ଛାଡି ଚାଷ କାମ ସହ ଖବରକାଗଜ ବିତରଣ ବୃତ୍ତିକୁ ଆପଣାଇ ନେଇଥିଲେ। ସେବେଠାରୁ ଦୀର୍ଘ ୨୮ ବର୍ଷ ଧରି ଗ୍ରାହକଙ୍କୁ ନିୟମିତ ସେବା ଯୋଗାଇ ଆସୁଛନ୍ତି। ମନରେ ନିଷ୍ଠା ଓ ପରିଶ୍ରମ କରିବାର ସଙ୍କଳ୍ପ ନେଇ କାର୍ଯ୍ୟ କରିଥିବାରୁ ସେ ବୃତ୍ତିରେ ସଫଳତା ପାଇପାରିଛନ୍ତି। ଏହି ବୃତ୍ତିକୁ ବଢ଼ାଇ ଗଢି ପାରିଛନ୍ତି ଜନସମ୍ପର୍କ। ବିଭିନ୍ନ ସାମାଜିକ ଅନୁଷ୍ଠାନ ସହିତ ମଧ୍ୟ ସେ ଯୋଡି ହୋଇପାରିଛନ୍ତି। ଦୈନନ୍ଦିନ ଲୋକଙ୍କୁ ଠିକ୍‌ ସମୟରେ ତାଜା ଖବର ଯୋଗାଇ ସେ ଅଧିକ ଖୁସି ଅନୁଭବ କରିଥାନ୍ତି।
ଏହି ଖବରକାଗଜ ବିତରକ ହେଲେ ବାଲିପାଟଣା ଅଞ୍ଚଳର ଦରଡ଼ା ଗ୍ରାମର କବିରାଜ ଭୋଇ(୪୮)।

୧୯୯୦ ମସିହାରୁ ବାଲିପାଟଣା, ଅଠାନ୍ତର, ପଚିଖଣ୍ଡ, ରଘୁଆ ଗରଡା, ପୁବାଗଡ, ମଝିହରା, ଗୁଆପୁର, ଆଇତଳଙ୍ଗ, ନୂଆଗଁା ଆଦି ଅଞ୍ଚଳରେ ଖବରକାଗଜ ବାଣ୍ଟି ଆସୁଛନ୍ତି। ପ୍ରତିଦିନ ସକାଳେ ଅଞ୍ଚଳର ଲୋକେ ଖବରକାଗଜ ପଢିବା ଲାଗି ତାଙ୍କୁ ସମସ୍ତେ ଅପେକ୍ଷା କରିିଥାନ୍ତି। ଏଥିଲାଗି ତାଙ୍କୁ ସମୟାନୁବର୍ତ୍ତିତା ହୋଇ କାମ କରିବାକୁ ପଡିଥାଏ। ରାତି ପାହିଲେ ବୃତ୍ତି ଦେଖାଏ ତାଙ୍କୁ ବାଟ। ସକାଳ ୫ଟା ୩୦ରୁ କବିରାଜ ଖବରକାଗଜ ବିତରଣ କରିବା ପାଇଁ ଘରୁ ଆସିଥାନ୍ତି। ବାଲିପାଟଣା ଛକରୁ ପ୍ରଥମେ ଧରିତ୍ରୀ କାଉଣ୍ଟରରୁ ଧରିତ୍ରୀ ଖବରକାଗଜ ସଂଗ୍ରହ କରିବାପରେ ଏହାପରେ ଅନ୍ୟାନ୍ୟ ଓଡ଼ିଆ ଓ ଇଂରାଜୀ ଖବରକାଗଜ ନେଇ ବାଣ୍ଟିବା ଆରମ୍ଭ କରିଥାନ୍ତି। ଏହି କାର୍ଯ୍ୟ ତାଙ୍କୁ କରିଛି କର୍ମଠ। କି ଖରା, କି ବର୍ଷା ସେଥିପ୍ରତି ତାଙ୍କର ନଜର ନ ଥାଏ। ଦିନକୁ ପ୍ରାୟ ୪୦ କିଲୋମିଟର ପେପର ବାଣ୍ଟି ସାରିବା ପରେ ଦ୍ୱିପ୍ରହରରେ ଘରକୁ ଫେରିଥାନ୍ତି।

ଖାଇଦେଇ ପୁଣି କଲେକ୍ସନରେ ବାହାରିଯାଇଥାନ୍ତି। ଯଦି କୌଣସି ଦିନ କଲେକ୍ସନ ନ ଥାଏ ତାହା ହେଲେ ଖେତରେ ଚାଷ କରିଥାନ୍ତି। ଏହିପରି ଦୈନନ୍ଦିନ ଜୀବନ ଭିତରେ ଲୋକଙ୍କ ସହ ସମ୍ପର୍କ ଥିବାରୁ ବିଭିନ୍ନ କାର୍ଯ୍ୟକ୍ରମରେ ଯୋଗଦେଇଥାନ୍ତି। ସନ୍ଧ୍ୟା ବେଳେ ପିଲାଙ୍କ ସହ ସମୟ ବିତାଇବାକୁ ଭଲ ପାଇଥାନ୍ତି। ପରିବାର କହିଲେ ସ୍ତ୍ରୀ ରଞ୍ଜନା ଭୋଇ ଓ ୩ ପୁଅ। ବଡ ପୁଅ କରୁଣାକର ଭୋଇ ଗୋଟିଏ ଘରୋଇ ଡାକ୍ତରଖାନାରେ କାମ କରୁଥିବା ବେଳେ ମଝିଆ ପୁଅ ସର୍ବେଶ୍ୱର ଭୋଇ ଏକ ଘରୋଇ କମ୍ପାନୀରେ କାର୍ଯ୍ୟ କରନ୍ତି। ଆଉ ସାନପୁଅ କିଶୋର ଭୋଇ ଆଇଟିଆଇରେ ଅଧ୍ୟୟନ କରୁଛନ୍ତି। ସ୍ତ୍ରୀ ରଞ୍ଜନା ଜଣେ ଗୃହିଣୀ। ପରିବାର ଚଳାଇବାରେ ବେଶ ଦକ୍ଷ। ରଞ୍ଜନାଙ୍କ ସହଯୋଗ ତାଙ୍କୁ କର୍ମପ୍ରବଣ ରଖିବାରେ ପ୍ରେରଣା ଯୋଗାଇ ଆସିଛି।

କବିରାଜ କୁହନ୍ତି, ଖବରକାଗଜ ଦେବା ପାଇଁ ସାଇକେଲ ଘଣ୍ଟି ବାଜିବା ମାତ୍ରେ କବାଟ ଖୋଲି ଅନେକ ପାଠିକାପାଠକ ଖବରକାଗଜ ନେଇ ପାଠ କରିଥାନ୍ତି। ଯେମିତି ପେପର ପାଇଁ ପାଠିକାପାଠକମାନେ ଚାତକ ପରି ଚାହିଁଥାନ୍ତି। ଖବରକାଗଜ ହିଁ ତାଙ୍କୁ ଅନ୍ନ ଯୋଗାଇଛି। ପ୍ରଥମେ ୭ଶହ ଟଙ୍କା ଦରମାରେ ପେପର ପକାଉଥିଲେ। ମାତ୍ର ଏବେ କିଣିକି ନେଇ ପକାଉଛନ୍ତି। ପେପର ବିକ୍ରି କରି ପରିବାର ପ୍ରତିପୋଷଣ କରିବା ସହ ମାସିକ ୧୦ହଜାର ଟଙ୍କା ରୋଜଗାର କରିବାର ସକ୍ଷମ ହୋଇପାରିଛନ୍ତି। ସେ କର୍ମକୁ ସବୁବେଳେ ବିଶ୍ୱାସ କରିଆସିଛନ୍ତି। ପରିଶ୍ରମ କଲେ ନିଶ୍ଚିତ ଫଳ ମିଳିବ ବୋଲି ଏହା ନିଃସନ୍ଦେହ ବୋଲି କୁହନ୍ତି କବିରାଜ।

All Right Reserved By

ମେଟ୍ରୋ |

ଶିଶୁ ଶ୍ରମିକ ଉଦ୍ଧାର

ଶିଶୁ ଶ୍ରମିକ ଉଦ୍ଧାର

ଭୁବନେଶ୍ୱର,୨୦ା୬(ବ୍ୟୁରୋ): ଭୁବନେଶ୍ୱରସ୍ଥିତ ସୁନ୍ଦରପଦା ପେଟ୍ରୋଲ ପମ୍ପ ନିକଟ ଏକ ଗ୍ୟାରେଜରୁ ବୁଧବାର ଜଣେ ଶିଶୁ ଶ୍ରମିକଙ୍କୁ ଉଦ୍ଧାର କରାଯାଇଛି। ତାଙ୍କ ବୟସ ପାଖାପାଖି ୧୨ ହେବ ବୋଲି ଅନୁମାନ କରାଯାଉଛି। ସିଡବ୍ଲ୍ୟୁସି ନିର୍ଦ୍ଦେଶକ୍ରମେ ଚାଇଲ୍ଡଲାଇନ୍‌ ଓ ଏୟାରଫିଲ୍ଡ ପୋଲିସ ଶିଶୁକୁ ଉଦ୍ଧାର କରିଛି।

ଠିକାଦାର ସଂସ୍ଥାରୁ ପାଇପ ଚୋରି, ୩ ଗିରଫ

ଠିକାଦାର ସଂସ୍ଥାରୁ ପାଇପ ଚୋରି, ୩ ଗିରଫ

କଟକ ରୋଡ,୨୦ା୬(ଡି.ଏନ୍‌.ଏ.): ଏକ ଠିକାଦାର ସଂସ୍ଥାରୁ ପାଇପ ଚୋରି ଅଭିଯୋଗରେ ଲକ୍ଷ୍ମୀସାଗର ଥାନା ପୋଲିସ ବୁଧବାର ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ ମଞ୍ଚେଶ୍ୱର ଥାନା ରସୁଲଗଡ଼ ବେହେରା ସାହିରେ ରହୁଥିବା ଦିଲୀପ ବେହେରା, ଭାଗବତ ସନ୍ଧାନ ଅଞ୍ଚଳର ମହସିନ ଖାନ ଓ ବାଲିଆପଟା ବସ୍ତିରେ ରହୁଥିବା ବିଜୟ କୁମାର ପ୍ରଧାନ।

ମଙ୍ଗଳା ମନ୍ଦିରରେ ଓଡ଼ିଶା ବିଧାନସଭା ଷ୍ଟାଣ୍ଡିଂ କମିଟି

ମଙ୍ଗଳା ମନ୍ଦିରରେ ଓଡ଼ିଶା ବିଧାନସଭା ଷ୍ଟାଣ୍ଡିଂ କମିଟି

କାକଟପୁର,୨୦ା୬(ଡି.ଏନ୍‌.ଏ.): ଓଡ଼ିଶା ବିଧାନସଭା ଷ୍ଟାଣ୍ଡିଂ କମିଟି ଅଧ୍ୟକ୍ଷ ତଥା ବିଧାୟକ ଚ୍ୟାଉ ପଟ୍ଟନାୟକ ବୁଧବାର କାକଟପୁର ମଙ୍ଗଳା ମନ୍ଦିରରେ ପହଞ୍ଚିଛନ୍ତି। ମନ୍ଦିରରେ ରହିଥିବା ବିଭିନ୍ନ ଅଭାବ, ଅସୁବିଧା ସମ୍ପର୍କରେ ପଚାରି ବୁଝିଛନ୍ତି।

ବିଶ୍ୱ ହିନ୍ଦୁ ପରିଷଦର ସତ୍ୟପାଠ: ଗଜପତିଙ୍କୁ ମିଳୁ କ୍ୟାବିନେଟ୍‌ ପାହ୍ୟା

ବିଶ୍ୱ ହିନ୍ଦୁ ପରିଷଦର ସତ୍ୟପାଠ: ଗଜପତିଙ୍କୁ ମିଳୁ କ୍ୟାବିନେଟ୍‌ ପାହ୍ୟା

ପୁରୀ ଅଫିସ,୨୦ା୬: ବିଶ୍ୱ ହିନ୍ଦୁ ପରିଷଦ ପକ୍ଷରୁ ବୁଧବାର ପୁରୀ ଜିଲା ଜଜ୍‌ଙ୍କ ଅଦାଲତରେ ସତ୍ୟପାଠ ଦାଖଲ କରାଯାଇଛି। ବିଶ୍ୱ ହିନ୍ଦୁ ପରିଷଦର କାର୍ଯ୍ୟକାରୀ ସଭାପତି ବଦ୍ରିନାଥ ପଟ୍ଟନାୟକ ଏହି ସତ୍ୟପାଠ ଦାଖଲ କରିଛନ୍ତି।

ସରପଞ୍ଚ, କାର୍ଯ୍ୟ ନିର୍ବାହୀ ଅଧିକାରୀଙ୍କ ମନମୁଖୀ କାର୍ଯ୍ୟ ବିରୋଧରେ  ଆମରଣ ଅନଶନ

ସରପଞ୍ଚ, କାର୍ଯ୍ୟ ନିର୍ବାହୀ ଅଧିକାରୀଙ୍କ ମନମୁଖୀ କାର୍ଯ୍ୟ ବିରୋଧରେ ଆମରଣ ଅନଶନ

କଣ୍ଟାପଡ଼ା,୨୦।୬(ଡି.ଏନ୍‌.ଏ.): କଣ୍ଟାପଡ଼ା ବ୍ଲକ ଅନ୍ତର୍ଗତ ବ୍ରାହ୍ମଣବାଟୀ ପଞ୍ଚାୟତର ନାଏବ ସରପଞ୍ଚଙ୍କ ସମେତ ୬ଟି ଓ୍ବାର୍ଡର ସଭ୍ୟମାନେ ବୁଧବାର ବ୍ଲକ କାର୍ଯ୍ୟାଳୟ ସମ୍ମୁଖରେ ଅନଶନରେ ବସିଛନ୍ତି।

ପାନୀୟ ଜଳ ସମସ୍ୟା ନେଇ ଜିଲାପାଳଙ୍କୁ ଦାବିପତ୍ର ପ୍ରଦାନ

ପାନୀୟ ଜଳ ସମସ୍ୟା ନେଇ ଜିଲାପାଳଙ୍କୁ ଦାବିପତ୍ର ପ୍ରଦାନ

ପୁରୀ ଅଫିସ,୨୦ା୬: ବର୍ଷା ଋତୁରେ ଗ୍ରୀଷ୍ମର ପ୍ରକୋପ ବଢ଼ିବାରେ ଲାଗିଛି। ବର୍ଷାର ଦେଖା ନ ଥିବା ବେଳେ ଖରା ଯୋଗୁ ଜନଜୀବନ ଅସ୍ତବ୍ୟସ୍ତ ହୋଇ ପଡ଼ିଲାଣି। ପୁରୀ ସହରରେ ପାନୀର ଜଳ ସମସ୍ୟା ଉତ୍କଟ ରୂପ ଧାରଣ କରିଛି। ପୁରୀର ବିଭିନ୍ନ ଅଞ୍ଚଳରେ ଜନସ୍ବାସ୍ଥ୍ୟ ବିଭାଗ ପକ୍ଷରୁ ଯୋଗା ଯାଉଥିବା ପାଣିରୁ ମଇଳା ବାହାରୁଛି। କେତେକ ସ୍ଥାନରେ ଡ୍ରେନ୍‌ ପାଣି ମଧ୍ୟ ପାନୀୟ ଜଳରେ ମିଶୁଛି।

୨୫ରେ ରଥ ସମନ୍ବୟ ତୃତୀୟ ବୈଠକ, ଯୋଗଦେବେନି ଆଇନମନ୍ତ୍ରୀ

୨୫ରେ ରଥ ସମନ୍ବୟ ତୃତୀୟ ବୈଠକ, ଯୋଗଦେବେନି ଆଇନମନ୍ତ୍ରୀ

ପୁରୀ ଅଫିସ,୨୦ା୬: ଜୁଲାଇ ୧୪ରେ ରଥଯାତ୍ରା। ଏ ନେଇ ଜିଲା ପ୍ରଶାସନ ଓ ଶ୍ରୀମନ୍ଦିର ପ୍ରଶାସନ ପକ୍ଷରୁ ରଥଯାତ୍ରା ପ୍ରସ୍ତୁତି ଚାଲିଛି। ରଥଖଳାରେ ୩ ରଥର ନିର୍ମାଣ କାର୍ଯ୍ୟ ଚାଲିଛି। ଇତିମଧ୍ୟରେ ୨ଟି ରଥ ସମନ୍ବୟ କମିଟି ବୈଠକ ସରିଲାଣି।

ପୁରୀରେ କମିଶନ କାର୍ଯ୍ୟାଳୟ ଖୋଲିବାକୁ ଜଗନ୍ନାଥ ସେନା ପକ୍ଷରୁ ଦାବି

ପୁରୀରେ କମିଶନ କାର୍ଯ୍ୟାଳୟ ଖୋଲିବାକୁ ଜଗନ୍ନାଥ ସେନା ପକ୍ଷରୁ ଦାବି

ପୁରୀ ଅଫିସ,୨୦ା୬: ୨ଟି ଦାବି ନେଇ ଶ୍ରୀ ଜଗନ୍ନାଥ ସେନା ପକ୍ଷରୁ ବୁଧବାର ଜିଲାପାଳଙ୍କ ଆବାସିକ କାର୍ଯ୍ୟାଳୟ ସମ୍ମୁଖରେ ଧାରଣା ଓ ବିକ୍ଷୋଭ ପ୍ରଦର୍ଶନ କରାଯାଉଛି। ଦାବି ଦୁଇଟି ହେଲା କମିଶନଙ୍କ କାର୍ଯ୍ୟାଳୟ ପୁରୀ ସର୍କିଟ ହାଉସଠାରେ ଖୋଲିବା ଓ ଅନ୍ୟଟି ଏମାର ମଠରୁ ବାହାରିଥିବା ରୁପା ଇଟାକୁ ରତ୍ନଭଣ୍ଡାରକୁ ଫେରାଇ ଆଣିବା।

ସିପିଆଇ ପକ୍ଷରୁ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା

ସିପିଆଇ ପକ୍ଷରୁ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା

ପୁରୀ ଅଫିସ,୨୦ା୬: ୮ ଦଫା ଦାବି ନେଇ ଭାରତୀୟ କମ୍ୟୁନିଷ୍ଟ ପାର୍ଟି ପକ୍ଷରୁ ଜୁନ୍‌ ୨୦ରେ ଦେଶବ୍ୟାପୀ ପ୍ରତିବାଦ ପାଳନ କରାଯାଉଛି। ଏହି ପରିପେକ୍ଷୀରେ ସିପିଆଇ ପୁରୀ ଜିଲାପରିଷଦ ପକ୍ଷରୁ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି।

ସରକାରୀ ଜମିରୁ ଉଚ୍ଛେଦକୁ ନେଇ ଉତ୍ତେଜନା:ତହସିଲଦାରଙ୍କୁ ଘେରିଲେ ମହିଳା

ସରକାରୀ ଜମିରୁ ଉଚ୍ଛେଦକୁ ନେଇ ଉତ୍ତେଜନା:ତହସିଲଦାରଙ୍କୁ ଘେରିଲେ ମହିଳା

ପୁରୀ ଅଫିସ, ୨୦ା୬: ପୁରୀ ସହର ଲୋକନାଥ ଘାଟ ମୌଜାରେ ଥିବା ଏକ ସରକାରୀ ଜମିରୁ ଜବଦଖଲ ଉଚ୍ଛେଦକୁ ସ୍ଥାନୀୟ ବାସିନ୍ଦା ତୀବ୍ର ବିରୋଧ କରିଛନ୍ତି। ଶତାଧିକ ମହିଳା ପୁରୀ ତହସିଲଦାର ଏବଂ ଉଚ୍ଛେଦ ଲାଗି ଯାଇଥିବା ସ୍କ୍ବାଡ୍‌କୁ ବିରୋଧ କରିବା ସହିତ ଘେରିଛନ୍ତି। ଶେଷରେ ସ୍କ୍ବାଡ୍‌ ସରକାରୀ ଜମିରୁ ମାତ୍ର ୪ରୁ ୫ଟି ଘର ଉଚ୍ଛେଦ କରି ଫେରିଛି। ପୁରୀ ସହର ଲୋକନାଥ ଘାଟ ମୌଜାରେ ୪୦ ରୁ ୫୦ଏକର ସରକାରୀ ଜମି ରହିଛି।

ସୁପ୍ରିମକୋର୍ଟଙ୍କ ନିର୍ଦ୍ଦେଶ ପ୍ରସଙ୍ଗ :ଦଇତାପତି ନିଯୋଗର ସତ୍ୟପାଠ

ସୁପ୍ରିମକୋର୍ଟଙ୍କ ନିର୍ଦ୍ଦେଶ ପ୍ରସଙ୍ଗ :ଦଇତାପତି ନିଯୋଗର ସତ୍ୟପାଠ

ପୁରୀ ଅଫିସ,୨୦ା୬: ଦଇତାପତିମାନଙ୍କ ସେବା ସ୍ବତନ୍ତ୍ର। ଜ୍ୟେଷ୍ଠ ମାସ ଶୁକ୍ଳ ପକ୍ଷ ତ୍ରୟୋଦଶୀ ଠାରୁ ନୀଳାଦ୍ରି ବିଜେ ପର୍ଯ୍ୟନ୍ତ ସେମାନଙ୍କ ସେବା। ସ୍ବତ୍ୱଲିପିର ୨୪୪ ପୃଷ୍ଠାରେ ଦଇତାପତିମାନଙ୍କ ପ୍ରାପ୍ୟ ପାଉଣା ସଂକ୍ରାନ୍ତରେ ଉଲ୍ଲେଖ ରହିଛି। ଏହାକୁ ଆଧାର କରି ଶ୍ରୀମନ୍ଦିର ପ୍ରଶାସନ ପ୍ରତିବର୍ଷ ପାଉଣା ପ୍ରଦାନ କରିଥାଏ। ଦଶନାର୍ଥୀଙ୍କ ଠାରୁ ମନ୍ଦିର ଭିତରେ ସେମାନେ ଦାନ ଦକ୍ଷିଣା ଆଦି ଆଦାୟ କରନ୍ତି ନାହିଁ। ଭକ୍ତମାନଙ୍କଠାରୁ ଜୋର ଜବରଦସ୍ତ ଦାନଦକ୍ଷିଣା ମନ୍ଦିର ପରିସରରେ ଆଦାୟ କରିବାର ନଜିର ମଧ୍ୟ ନାହିଁ। ବର୍ଷର ୧୨ ମାସରୁ ମଧ୍ୟ ଗୋଟିଏ ମାସ ଦଇତାପତି ସେବା। ସେହି ପ୍ରାପ୍ୟ ପାଉଣାକୁ ନେଇ ସେମାନେ ଜୀବିକା ନିର୍ବାହ କରନ୍ତି। ରଥଯାତ୍ରା ସୁପରିଚାଳନା ଓ ସ୍ବତନ୍ତ୍ର ସେବା ଲାଗି ଦଇତାପତିମାନେ ପାଉଥିବା ପ୍ରାପ୍ୟ ପାଉଣାକୁ ଅକ୍ଷୁର୍ଣ୍ଣ ରଖିବା ଲାଗି ନିବେଦନ କରି ମଙ୍ଗଳବାର ଜିଲା ଜଜ୍‌ଙ୍କ ନିକଟରେ ସତ୍ୟପାଠ ଦାଖଲ କରିଛି ଦଇତାପତି ନିଯୋଗ।

ସୋନା ମହାପାତ୍ରଙ୍କ ପୋଷ୍ଟର ପୋଡ଼ି

ସୋନା ମହାପାତ୍ରଙ୍କ ପୋଷ୍ଟର ପୋଡ଼ି

ପୁରୀ ଅଫିସ,୨୦ା୬: ମଙ୍ଗଳବାର ସ୍ବର୍ଗଦ୍ୱାରଠାରେ ଗାୟିକା ସୋନା ମହାପାତ୍ରଙ୍କ ପୋଷ୍ଟର ପୋଡ଼ିଛି ସଚେତନ ନାଗରିକ ମଞ୍ଚ। ମହାପ୍ରଭୁ ଶ୍ରୀଜଗନ୍ନାଥଙ୍କ ଉପରେ ଆଧାରିତ ତଥା ଭକ୍ତ ସାଲବେଗଙ୍କ ରଚିତ ଭକ୍ତିମୟ ଜଣାଣ ଆହେ ନୀଳଶଇଳକୁ ଭିନ୍ନ ଢଙ୍ଗରେ ବିକୃତ ଓ କଦର୍ଥ କରି ଗାଇଥିବାରୁ କଣ୍ଠଶିଳ୍ପୀ ସୋନାଙ୍କ ପୋଷ୍ଟର ଦାହ କରାଯାଇଛି। ମଞ୍ଚ ସଭାପତି ଆଇନଜୀବୀ ପ୍ରସନ୍ନ କୁମାର ଦାଶ କହିଛନ୍ତି ଯେ, ସୋନା ଜଣେ ଓଡ଼ିଆ ହୋଇ ଏହି ଭକ୍ତିମୟ ଜଣାଣକୁ କଦର୍ଥ କରି ବୋଲିବା ନିଶ୍ଚିତ ଦୁର୍ଭାଗ୍ୟଜନକ। ପୂର୍ବରୁ ସେ ରଙ୍ଗବତୀକୁ ବିକୃତ କରି ପରିବେଷଣ କରିଥିବାରୁ ବିବାଦୀୟ ହୋଇଥିଲେ।

Model This Week

ପ୍ରଭାତ