ଦୈନଦିନ ଜୀବନର ଖାଦ୍ୟଶୈଳୀରେ ସାମିଲ ହେଉଥିବା ପରିବା ମାନଙ୍କ ମଧ୍ୟରୁ ଭେଣ୍ଡି ଅନ୍ୟତମ। ଅନେକେ ଏହାକୁ ଖାଇବାକୁ ପସନ୍ଦ କରିଥାନ୍ତି। ତେବେ ଅନେକ ପୁଷ୍ଟିକର ତତ୍ତ୍ୱରେ ଭେଣ୍ଡି ଭରପୁର ଥାଏ। ଭେଣ୍ଡିରେ କ୍ୟାଲସିୟମ, ଫସ୍ଫରସ୍, ଭିଟାମିନ କେ, ଏ, ବି ଏବଂ ସି ବହୁଳ ପରିମାଣରେ ରହିଥାଏ। ଆସନ୍ତୁ ଜାଣିବା ଏହାକୁ ଖାଇବା ଦ୍ୱାରା କି କି ଲାଭ ମିଳିଥାଏ।
-) ରକ୍ତରେ ଶର୍କରା ପରିମାଣକୁ ଭେଣ୍ଡି ନିୟନ୍ତ୍ରଣ କରିଥାଏ। ଏଥିରେ ଥିବା ଭିଟାମିନ ସି ପାଚନ କ୍ରିୟାକୁ ମଧ୍ୟ ନିୟନ୍ତ୍ରଣ କରିଥାଏ।
-) କବ୍ଜ ସମସ୍ୟା ମୁକ୍ତି ଦେଇଥାଏ ଭେଣ୍ଡି। ତେଣୁ ଏପରି ସମସ୍ୟା ଥିବା ବ୍ୟକ୍ତିମାନେ ଭେଣ୍ଡି ଖାଇପାରିବେ। ଏଥିରେ ଥିବା ଫାଇବର ଖାଦ୍ୟକୁ ହଜମ କରିବାରେ ସହାୟକ ହୋଇଥାଏ।
-) ଓଜନ କମାଇବାରେ ବେଶ୍ ସହାୟକ ହୋଇଥାଏ ଭେଣ୍ଡି। ଏଥିରେ ଥିବା ଫାଇବର ଚର୍ବିକୁ କମ୍ କରିବା ସହ ଓଜନ ହ୍ରାସ କରିବାରେ ସହାୟକ ହୋଇଥାଏ। ଏଥିରେ କ୍ୟାଲୋରି ପରିମାଣ କମ୍ ଥାଏ।
-)ହୃଦ୍ ଜନିତ ସମସ୍ୟା ଥିଲେ ଭେଣ୍ଡି ଖାଇବା ଦ୍ୱାରା ଲାଭାନ୍ବିତ ହେବେ। କାରଣ ଏଥିରେ ଥିବା ଫାଇବର କୋଲେଷ୍ଟରଲ ନିୟନ୍ତ୍ରଣରେ ରଖିବା ପାଇଁ ସହାୟକ ହୋଇଥାଏ। ଫଳରେ ହୃଦ୍ଘାତର ସମ୍ଭାବନାକୁ କମ୍ କରିଥାଏ।
-) ମହିଳାମାନଙ୍କ କ୍ଷେତ୍ରରେ ବିଶେଷ କରି ଚୁଟି ଝଡିବା ଏକ ନିୟମିତ ସମସ୍ୟା ହୋଇଥାଏ। ଏହାକୁ କମ୍ କରିବା ପାଇଁ ଭେଣ୍ଡିର ବ୍ୟବହାର କରିପାରିବେ। ଭେଣ୍ଡିର କିଛି କଟାଭାଗରେ ଲେମ୍ବୁ ରସ ପକାଇ ଫୁଟାଇ ନିଅନ୍ତୁ। ଏହାକୁ ବ୍ୟବହାର କରି କେଶ ଧୋଇ ନିଅନ୍ତୁ। ଏହାଦ୍ୱାରା କେଶ ମଜଭୁତ ହେବା ସହ ଚୁଟି ଝଡିବା ଓ ରୂପି ସମସ୍ୟାରୁ ମୁକ୍ତି ମିଳିପାରିବ।
-) ହାଡକୁ ଶକ୍ତ କରିବା ପାଇଁ ଭେଣ୍ଡି ଖାଇବା ଉଚିତ। ଏଥିରେ ଥିବା ଭିଟାମିନ ଇ ଶରୀରରେ ଥିବା ହାଡକୁ ଶକ୍ତ କରିଥାଏ।
-) ଭେଣ୍ଡିରେ ଭିଟାମିନ ସି ଭରପୂର ମାତ୍ରାରେ ରହିଥାଏ। ଏହା ଶରୀର ପାଇଁ ବେଶ୍ ଲାଭଦାୟକ। ବିଶେଷକରି ଏହା ପାଚନକ୍ରିୟାକୁ ତ୍ୱରାନ୍ବିତ କରୁଥିବା ଯୋଗୁ ସଂକ୍ରମଣ ଜନିତ ରୋଗ କମ୍ ହୋଇଥାଏ।
-) ଆଖି ପାଇଁ ଭେଣ୍ଡି ମଧ୍ୟ ବେଶ ଲାଭଦାୟକ। ଏଥିରେ ଭିଟାମିନ ସି ଥାଏ। ଯାହାକି ଆଖି ପାଇଁ ମଧ୍ୟ ଭଲ।
