ଫୁରସତ |

ହ୍ରାସ ପାଉଛି ପିଲାଙ୍କ ଅଭିବୃଦ୍ଧି, କର୍ମପ୍ରବଣତା

ହ୍ରାସ ପାଉଛି ପିଲାଙ୍କ ଅଭିବୃଦ୍ଧି, କର୍ମପ୍ରବଣତା
ଓ୍ବାଶିଂଟନ: ପୂର୍ବ ଦଶନ୍ଧି ତୁଳନାରେ ବର୍ତ୍ତମାନ ପିଲାଙ୍କ ଅଭିବୃଦ୍ଧି ଓ କର୍ମପ୍ରବଣତା ହାର ହ୍ରାସ ପାଉଛି। ବର୍ତ୍ତମାନ ଯୁବକମାନେ ଶାରୀରିକ କାର୍ଯ୍ୟକଳାପରୁ ଦୂରେଇ ରହୁଛନ୍ତି ବୋଲି ଏକ ଅଧ୍ୟୟନରୁ ଜଣାପଡିଛି। ପୂର୍ବ ଦଶନ୍ଧିରେ (ଟିନେଜର)୧୩ରୁ ୧୯ବର୍ଷ ବୟସ୍କଙ୍କର କାର୍ଯ୍ୟକଳାପ ଏବଂ ବର୍ତ୍ତମାନ ସେହି ବୟସ ବର୍ଗର ବ୍ୟକ୍ତିଙ୍କ କାର୍ଯ୍ୟକଳାପ ତୁଳନା କରିବାରୁ ଜଣାପଡିଛି ଯେ, ପୂର୍ବେ ଶାରୀରିକ କାର୍ଯ୍ୟକୁ ଅଧିକ ଗୁରୁତ୍ୱ ଦିଆଯାଉଥିବାବେଳେ ବର୍ତ୍ତମାନ ମାନସିକ ପରିଶ୍ରମ ଉପରେ ଅଧିକ ଗୁରୁତ୍ୱ ଦିଆଯାଉଛି। କିଶୋର ବୟସରେ ଅଭିବୃଦ୍ଧି ହାର ପୂର୍ବାପେକ୍ଷା ମନ୍ଥର ହୋଇଛି। ୧୩ରୁ ୧୯ବର୍ଷ ବୟସ ମଧ୍ୟରେ ପୂର୍ବରୁ ଯେପରି ଶାରୀରିକ ଅଭିବୃଦ୍ଧି ଘଟୁଥିଲା ସେହି ହାର ବର୍ତ୍ତମାନ ହ୍ରାସ ପାଇଛି ବୋଲି ଆମେରିକାର ସାନ୍‌ ଡିଏଗୋ ଷ୍ଟେଟ୍‌ ୟୁନିଭର୍ସିଟି ପ୍ରଫେସର ଜିନ୍‌ ଏମ୍‌. ଟ୍ବେଙ୍ଗେ ପ୍ରକାଶ କରିଛନ୍ତି। ଗବେଷକମାନେ ଟିନେଜରମାନଙ୍କୁ ନେଇ ସେମାନେ କେତେ ସମୟ ରୋଜଗାର ପାଇଁ କାର୍ଯ୍ୟ କରୁଛନ୍ତି, ମାତାପିତାଙ୍କ ବିନା ବାହାରକୁ ଯାଉଛନ୍ତି, ଡ୍ରାଇଭିଂ କରୁଛନ୍ତି ଏବଂ ଅନ୍ୟାନ୍ୟ ଶାରୀରିକ କାର୍ଯ୍ୟରେ ନିୟୋଜିତ ରହୁଛନ୍ତି ସେ ବିଷୟରେ ଏକ ସର୍ବେକ୍ଷଣ କରିଥିଲେ। ସେମାନେ ୧୯୭୬ରୁ ୨୦୧୬ ମଧ୍ୟରେ ୧୩ରୁ ୧୯ବର୍ଷ ବୟସ୍କ ୮.୩ ନିୟୁତ ଟିନେଜରଙ୍କୁ ନେଇ କରିଥିବା ୭ଟି ସର୍ବେକ୍ଷଣକୁ ବିଶ୍ଳେଷଣ କରିଥିଲେ। ଏଥିପାଇଁ ଲିଙ୍ଗ, ଜାତି, ଧର୍ମ, ସାମାଜିକ ଓ ଅର୍ଥନୈତିକ ସ୍ଥିତି ଏବଂ ଭୌଗୋଳିକ ଅଞ୍ଚଳ ଭିତ୍ତିରେ ପିଲାମାନଙ୍କୁ ସାମିଲ କରାଯାଇଥିଲା। ଏଥିରେ ୧୯୭୦, ୧୯୮୦, ୧୯୯୦, ୨୦୦୦ ଦଶକର ପିଲାଙ୍କ ସହିତ ୨୦୧୦ ଦଶକର ପିଲାଙ୍କୁ ତୁଳନା କରାଯାଇଥିଲା। ଏଥିରେ ଗବେଷକମାନେ ପରିବାରର ଆକୃତି, ଆୟୁଷ, ଶିକ୍ଷା ଏବଂ ଅର୍ଥନୀତି କିପରି ପିଲାଙ୍କ ଅଭିବୃଦ୍ଧି ହାର ଏବଂ ଶାରୀରିକ ଶ୍ରମ କରିବାର ମାନସିକତାକୁ ହ୍ରାସ କରାଉଛି ତାହା ପରୀକ୍ଷା କରିଥିଲେ। ଏହି ଅଧ୍ୟୟନରୁ ଜଣାଗଲା ଯେ, ୨୦୧୦ ଦଶକର ପିଲାମାନେ ପୂର୍ବ ଦଶନ୍ଧିର ପିଲାଙ୍କ ତୁଳନାରେ ଉପରୋକ୍ତ କାର୍ଯ୍ୟ କରିବା କ୍ଷେତ୍ରରେ ପଛୁଆ ଅଛନ୍ତି। ଆଜିକାଲିର ଟିନେଜରମାନେ ଶାରୀରିକ ପରିଶ୍ରମ କରିବା ଭଳି କାର୍ଯ୍ୟକଳାପରୁ ବିରତ ରହୁଛନ୍ତି ବୋଲି ବ୍ରାଏନ୍‌ ମାଓର କଲେଜ ସହଯୋଗୀ ପ୍ରଫେସର ହିଜୁଙ୍ଗ୍‌ ପାର୍କ ପ୍ରକାଶ କରିଛନ୍ତି। ଚାଇଲ୍ଡ ଡେଭଲପ୍‌ମେଣ୍ଟ ଜର୍ନାଲ୍‌ରେ ଏ ସମ୍ପର୍କିତ ବିସ୍ତୃତ ଅଧ୍ୟୟନ ପ୍ରକାଶ ପାଇଥିବା ବେଳେ ହିଜୁଙ୍ଗ ଏହାର ସହ ଲେଖକ ଅଛନ୍ତି।
All Right Reserved By

ଫୁରସତ |

ଯେଉଁ ଅଫିସ୍‌ରେ ଶୋଇବାକୁ ମିଳେ ଅନୁମତି

ଯେଉଁ ଅଫିସ୍‌ରେ ଶୋଇବାକୁ ମିଳେ ଅନୁମତି

ଜାପାନରେ କୌଣସି ଅଫିସରେ କାମ କରିବା ସମୟରେ ଯଦି ନିଦ ଆସିଥାଏ ତେବେ ସେହିଠାରେ ହିଁ କର୍ମଚାରୀ ନିଜର ନିଦ ପୂରା କରିପାରିବେ।

ଫିଶ୍‌ ସ୍ପା ହାତ ପାଦକୁ କରେ ସୁନ୍ଦର

ଫିଶ୍‌ ସ୍ପା ହାତ ପାଦକୁ କରେ ସୁନ୍ଦର

ହାତ ଓ ପାଦକୁ ସୁନ୍ଦର କରାଇବା ପାଇଁ ଫିଶ ସ୍ପା ଉପଯୋଗୀ ସାବ୍ୟସ୍ତ ହୋଇଥାଏ। ଫିଶ ସ୍ପା ଦ୍ୱାରା ହାତ ପାଦକୁ ମିଳିଥାଏ ଆରାମ। ଫିଶ୍‌ ସ୍ପାରେ ଏକ ପ୍ରକାର ସ୍ବତନ୍ତ୍ର ଧରଣର ମାଛଙ୍କ ଦ୍ୱାରା ଚିକିତ୍ସା କରାଯାଇଥାଏ। 

ଅଫିସ ସାଜୁଛି ବିବାହ ବିଚ୍ଛେଦର କାରଣ

ଅଫିସ ସାଜୁଛି ବିବାହ ବିଚ୍ଛେଦର କାରଣ

ବିବାହିତ ଦମ୍ପତିମାନଙ୍କ ମଧ୍ୟରେ ଅନେକ ଛୋଟ ବଡ଼ କାରଣକୁ ନେଇ ମନୋମାଳିନ୍ୟ ହୋଇଥାଏ। ଏଥିପାଇଁ କେତେକ ସମୟରେ ବିବାହ ବିଚ୍ଛେଦ ହୋଇଥାଏ। ତେବେ ଏହି ବିବାହ ବିଚ୍ଛେଦର କେତେକ କାରଣ ମଧ୍ୟରୁ ଅଫିସ ଏକ ଗୁରୁତ୍ୱପୂର୍ଣ୍ଣ କାରଣ ବୋଲି ଜଣାପଡ଼ିଛି। ନିକଟରେ ୧୯୮୧ରୁ ୨୦୦୨ ମଧ୍ୟରେ ବିବାହ କରିଥିବା ଦମ୍ପତି ମାନଙ୍କୁ ନେଇ କରାଯାଇଥିବା ଏକ ଗବେଷଣାରୁ ଏହା ସ୍ପଷ୍ଟ ହୋଇଛି। 

ଦାମୀ ଚକୋଲେଟ୍‌

ଦାମୀ ଚକୋଲେଟ୍‌

ଛୋଟରୁ ବଡ ସଭିଙ୍କର ପ୍ରିୟ ଚକୋଲେଟ୍‌। ଦୋକାନରେ ଦେଖିଦେବା ମାତ୍ରେ ପିଲାଟିଏ ଜିଦ୍ଦି କରେ ତାକୁ ନେବା ପାଇଁ। ହେଲେ କିଛି ଚକୋଲେଟ୍‌ ଅଛି ଯଦି ତା’ ପାଇଁ ପିଲାଟିଏ ଜିଦ୍ଦି କରେ ତେବେ ତାକୁ କିଣିବା ଅସମ୍ଭବ ମନେ ହେବ। କାରଣ ସେସବୁ ହେଉଛି ପୃଥିବୀର ସବୁଠୁ ଦାମୀ ଚକୋଲେଟ୍‌...

ଶ୍ରୁତିରୁ ପ୍ରାମାଣିକ

ଶ୍ରୁତିରୁ ପ୍ରାମାଣିକ

ବେଦକୁ ପବିତ୍ର ବୋଲି କୁହାଯାଇଥାଏ। ଏହାର ଆଉ ଏକ ନାମ ଶ୍ରୁତି। କାରଣ, ଏହାକୁ ଶୁଣିଶୁଣି ମନେ ରଖାଯାଇଥାଏ। 

ରାଶି ଅନୁଯାୟୀ ବୃତ୍ତି

ରାଶି ଅନୁଯାୟୀ ବୃତ୍ତି

ମେଷ: ଏହି ରାଶିର ବ୍ୟକ୍ତିମାନେ ସାଧାରଣତଃ ସାହସୀ ଏବଂ ବୀର ସ୍ବଭାବର ହୋଇଥାନ୍ତି। 

କୁକୁରଙ୍କ ପାଇଁ ହୁଇଲ୍‌ ଚେୟାର

କୁକୁରଙ୍କ ପାଇଁ ହୁଇଲ୍‌ ଚେୟାର

ବଡୋଦରା: ଏମ୍‌ଏସ୍‌ ୟୁନିଭର୍ସିଟି ଇଞ୍ଜିନିୟରିଂ ଛାତ୍ରଙ୍କ ଉଦ୍‌ଭାବନ ସଡକ ଦୁର୍ଘଟଣାରେ  ଗୋଡ ହରାଇଥିବା କୁକୁରଙ୍କ ପାଇଁ ସାହାରା ହେବ। ମେକାନିକାଲ୍‌ ଇଞ୍ଜିନିୟରିଂ ଷ୍ଟ୍ରିମ୍‌ ଶେଷବର୍ଷର ଦୁଇ ଛାତ୍ର କୁକୁରଙ୍କ ନିମନ୍ତେ ସ୍ବଳ୍ପ ମୂଲ୍ୟର ଆଡଜଷ୍ଟେବଲ୍‌ ହୁଇଲଚେୟାର ଡିଜାଇନ୍‌ ପ୍ରସ୍ତୁତ କରିଛନ୍ତି। 

ଆକାଶେ ହସିବ ଦ୍ୱିତୀୟ ଜହ୍ନ

ଆକାଶେ ହସିବ ଦ୍ୱିତୀୟ ଜହ୍ନ

ବେଜିଂ: ଖୁବ୍‌ଶୀଘ୍ର ଆକାଶରେ ଆଉ ଏକ ଜହ୍ନ ଝଲସିବାକୁ ଯାଉଛି। ଏହାକୁ ମଧ୍ୟ ଦ୍ୱିତୀୟ ଜହ୍ନ କୁହାଯାଇପାରେ। ଚନ୍ଦ୍ରର ଆଲୋକ ଖୁବ୍‌ ମନମତାଣିଆ ଆଉ ଆକର୍ଷଣୀୟ ହୋଇଥିବା ବେଳେ ସୂର୍ଯ୍ୟାଲୋକର ୪ଲକ୍ଷ ଭାଗରୁ ୧ଭାଗ ହିଁ ଆମେ ପାଇଥାଉ। ଚନ୍ଦ୍ର ବାସ୍ତବରେ ରାତ୍ରିର ଅନ୍ଧାର ସମ୍ପୂର୍ଣ୍ଣ ଭାବରେ ଦୂରୀଭୂତ କରିବାକୁ ସମର୍ଥ ନୁହେଁ। ଏହାକୁ ଦୃଷ୍ଟିରେ ରଖି ଚାଇନାର ବୈଜ୍ଞାନିକ ଓ ଇଞ୍ଜିନିୟରମାନେ ଏକ କୃତ୍ରିମ ଜହ୍ନ ଆକାଶକୁ ଛାଡ଼ିବାକୁ ଯାଉଛନ୍ତି। 

ଇଣ୍ଟରଭ୍ୟୁ ଗେଟ୍‌ଅପ୍‌

ଇଣ୍ଟରଭ୍ୟୁ ଗେଟ୍‌ଅପ୍‌

ସବୁ ଆଶାୟୀ ପ୍ରାର୍ଥୀ ଜବ୍‌ ଇଣ୍ଟରଭ୍ୟୁରେ ଭଲ କରିବାକୁ ଚାହାନ୍ତି। ଏଥିପାଇଁ ସମ୍ପୂର୍ଣ୍ଣ   ପ୍ରସ୍ତୁତ ହୋଇ ନିଜର ବେଷ୍ଟ ଦେବା ସତ୍ତ୍ୱେ କେବେ କେବେ ସଫଳତା ମିଳି ନ ଥାଏ ।  ଏହା ପଛରେ ଅନ୍ୟ ଏକ କାରଣ ହେଉଛି ଗେଟ୍‌ଅପ୍‌ । କାରଣ ଏହା  ମଧ୍ୟ  ପର୍ସନାଲିଟିକୁ ପ୍ରଭାବିତ କରିଥାଏ । ତେଣୁ ଜବ୍‌ ଇଣ୍ଟରଭ୍ୟୁ ପାଇଁ ଯାଉଥିଲେ କିପରି ଗେଟ୍‌ଅପ୍‌ ନେବେ ଜାଣି ରଖନ୍ତୁ ...

ଫେଷ୍ଟିଭ୍‌ ଅଫର୍‌

ଫେଷ୍ଟିଭ୍‌ ଅଫର୍‌

ଫେଷ୍ଟିଭ୍‌ ସିଜନ୍‌ । ଛୋଟରୁ ବଡ଼ ପର୍ଯ୍ୟନ୍ତ ସବୁ ଦୋକାନ ତଥା ମଲ୍‌ଗୁଡିକରେ ପ୍ରତ୍ୟେକ ସାମଗ୍ରୀରେ ମିଳୁଛି ଆକର୍ଷଣୀୟ ଅଫର। ଯଦିଓ ଏହା ସବୁ ବର୍ଗଙ୍କ ଲାଗି ଉପଲବ୍ଧ ହେଲେ ବିଶେଷ କରି ଏହାର ଭରପୁର ଫାଇଦା ନେଉଛନ୍ତି ଯୁବପିଢି.... 

ଫାଇଭ୍‌ ଷ୍ଟାର ଜେଲ

ଫାଇଭ୍‌ ଷ୍ଟାର ଜେଲ

ଜେଲ ନାଁ ଶୁଣିଲା ମାତ୍ରେ ମନରେ ଆସେ ଏକ ଅନ୍ଧାରୁଆ କୋଠରୀ, ଅସନା ଚଟାଣ, ଚାରିପଟ ଘେରା ଏକ ବିରାଟ ପାଚେରି ଏବଂ ଏହା ଭିତରେ କଏଦୀମାନେ ବନ୍ଦି ଜୀବନ ଅତିବାହିତ କରୁଥିବାର ଦୃଶ୍ୟ।

ଗଛ ଗୋଟିଏ, ଫଳ ୪୦ ପ୍ରକାର

ଗଛ ଗୋଟିଏ, ଫଳ ୪୦ ପ୍ରକାର

ଫଳ ଅନେକଙ୍କର  ପ୍ରିୟ ହୋଇଥାଏ। କାହାକୁ ସେଓ ଭଲ ଲାଗେ ତ କାହାକୁ କମଳା, ଆମ୍ବ, ନାସପାତି, ଲିଚୁ ଓ ଷ୍ଟ୍ରବେରୀ। କେହି କେହି ତ ମନପସନ୍ଦର ଫଳ ଗଛ ନିଜ ବାଡ଼ିରେ ଲଗାଇ ଦିଅନ୍ତି। ଯେମିତି କି ବଜାରକୁ ଯାଇ ସେହି ଫଳ ଖୋଜି କିଣିବାକୁ ନ ପଡ଼େ।