ଫୁରସତ |

ମୋ ଅନୁଭୂତି: ପ୍ରୋଗ୍ରାମ ଯିବା ବାଟରେ ଏନ୍‌କାଉଣ୍ଟର ଛାତି ଥରାଇ ଦେଇଥିଲା -ମହାପ୍ରସାଦ କର

ମୋ ଅନୁଭୂତି: ପ୍ରୋଗ୍ରାମ ଯିବା ବାଟରେ ଏନ୍‌କାଉଣ୍ଟର ଛାତି ଥରାଇ ଦେଇଥିଲା -ମହାପ୍ରସାଦ କର
ମହାପ୍ରସାଦ କର। ଓଡ଼ିଆ ସଙ୍ଗୀତ ଜଗତର ଜଣେ ସ୍ବନାମଧନ୍ୟ କଣ୍ଠଶିଳ୍ପୀ। ଭଜନ ହେଉ କି ଗୀତଗୋବିନ୍ଦ, ଓଡ଼ିଶୀ ହେଉ କି ଗଜଲ୍‌ କି ସେମି କ୍ଲାସିକାଲ୍‌, ସବୁ ପ୍ରକାର ଗୀତ ଗାଇବାରେ ସେ ମାହିର୍‌। ଜେଜେ ବିଶିଷ୍ଟ ତବଲା ବାଦକ କ୍ଷେତ୍ରମୋହନ କର ଓ ବାପା ବିଶିଷ୍ଟ କଣ୍ଠଶିଳ୍ପୀ ପଦ୍ମଶ୍ରୀ ପ୍ରଫୁଲ୍ଲ କରଙ୍କ ଦ୍ୱାରା ଅନୁପ୍ରାଣିତ ହୋଇ ମହାପ୍ରସାଦ ସଙ୍ଗୀତ ପ୍ରତି ମନ ବଳାଇଥିଲେ। ମାତ୍ର ୭ ବର୍ଷ ବୟସରୁ ସଙ୍ଗୀତ ଶିକ୍ଷା ଆରମ୍ଭ କରି ୯ ବର୍ଷ ବୟସ ବେଳକୁ ଷ୍ଟେଜ୍‌ରେ ଗୀତ ଗାଇବା ଆରମ୍ଭ କରିଥିଲେ। ସଙ୍ଗୀତ ପ୍ରତି ଥିବା ତାଙ୍କର ଉତ୍ସର୍ଗୀକୃତ ମନୋଭାବ ଖୁବ୍‌ କମ୍‌ ଦିନରେ ତାଙ୍କୁ ଏ କ୍ଷେତ୍ରରେ ପରିଚିତ କରାଇଥିଲା। ଦୀର୍ଘ ବର୍ଷର ସଙ୍ଗୀତ ଜୀବନରେ ଘଟିଥିବା ଏକ ଘଟଣାକୁ ସେ ବଖାଣିଥିଲେ ଆମ ଆଗରେ। ୨୦/୨୨ ବର୍ଷ ତଳର ଘଟଣା। ଗୁଆହାଟୀରେ ଏକ ସଙ୍ଗୀତ କାର୍ଯ୍ୟକ୍ରମ ଥାଏ। ସେଥିରେ ଯୋଗଦେବାକୁ ମୁଁ, ବାପା ପ୍ରଫୁଲ୍ଲ କର, ପ୍ରଣବ ପଟ୍ଟନାୟକ, ଓଡ଼ିଶୀ ନୃତ୍ୟଗୁରୁ ଗଙ୍ଗାଧର ପ୍ରଧାନ ଓ ତାଙ୍କ ଗ୍ରୁପ୍‌ ଏବଂ ଅନ୍ୟ କଳାକାରମାନେ ମିଶି ବାହାରିଥାଉ। ଗୁଆହାଟୀରେ ପ୍ରୋଗ୍ରାମ ସାରି ଆମକୁ ଅରୁଣାଚଳ ପ୍ରଦେଶ ଯିବାର ଥିଲା। କାରଣ ସେଠାକାର ରାଜ୍ୟପାଳ ସୁରେନ୍ଦ୍ର ନାଥ ଦ୍ୱିବେଦୀ ଆମକୁ ଅତିଥି ଭାବେ ନିମନ୍ତ୍ରଣ କରିଥିଲେ। ଆମେ ପ୍ରାୟ ୨୦ଜଣ କଳାକାର ଟ୍ରେନ୍‌ ଯୋଗେ ଗୁଆହାଟୀ ବାହାରିଲୁ। ନ୍ୟୁ ଜଲ୍‌ପାଇଗୁଡି ଷ୍ଟେଶନ ଆସିବା ପୂର୍ବରୁ ହଠାତ୍‌ ଗାଡ଼ି ରହିଗଲା। ଗାଡ଼ି ରହିଯିବାରୁ ଆମେ ସମସ୍ତେ ବ୍ୟସ୍ତବିବ୍ରତ ହୋଇପଡ଼ିଲୁ। ସେଦିନ ଆମର ଗୁଆହାଟୀରେ ପହଞ୍ଚି ପ୍ରୋଗ୍ରାମ କରିବାର ଥିଲା। ବୁଝୁ ବୁଝୁ ସେଠାକାର ମାଓବାଦୀମାନେ ବମିଂ କରି ଟ୍ରେନ୍‌ ଲାଇନ୍‌ ଭାଙ୍ଗି ଦେଇଥିବା କଥା ଜଣାପଡ଼ିଲା। ଯେମିତି କି, ଗାଡ଼ି ଲାଇନଚ୍ୟୁତ ହୋଇଯିବ। ଘଟଣା ସମ୍ପର୍କରେ ଜାଣିବା ପରେ ଦୁର୍ଘଟଣାରୁ ବର୍ତ୍ତିଯାଇଥିବାରୁ ଟିକିଏ ଆଶ୍ୱସ୍ତ ହେଲୁ। ତା’ପରେ ବାପା ଯାଇ ଟିଟିଇ ଏବଂ ଷ୍ଟେଶନ ଇନ୍‌ଚାର୍ଜଙ୍କ ସହ କଥା ହେଲେ। ବହୁତ ଅନୁରୋଧ କଲା ପରେ ସେମାନେ କହିଲେ ଯେ, ଏହି ଟ୍ରେନ୍‌ ଲାଇନ୍‌ ଆଉ ଏକ ଲାଇନ୍‌ ସହ ଯୋଡ଼ା ହେଲା ପରେ ଯାହା କିଛି କରିହେବ। ଶେଷରେ ଟ୍ରେନ୍‌ରୁ ଆମ ବଗିକୁ ଅଲଗା କରାଗଲା। ସେହି ବଗିରେ କେବଳ ଆମ ଟ୍ରୁପ୍‌ ରହିଲୁ। ଅନ୍ୟ ଯାତ୍ରୀମାନେ ବାଧ୍ୟ ହୋଇ ସେହିଠାରେ ହିଁ ଟ୍ରେନ୍‌ରୁ ଓହ୍ଲାଇଗଲେ। ସେହି ଦିନଟା ପୂରା ଆମେ ଟ୍ରେନ୍‌ ବଗିରେ ବିତାଇଲୁ। କଷ୍ଟ ଲାଗୁଥାଏ, ତଥାପି ତା’ ଭିତରେ ଆମେ ମଜା ନେଇଥିଲୁ। ତା’ ପରଦିନ ଆମ ବଗିକୁ ଆଉ ଗୋଟିଏ ଟ୍ରେନ୍‌ ସହ ଯୋଡ଼ି ଛାଡିଲେ। ଏମିତି ଅସୁବିଧା କାରଣରୁ ନିର୍ଦ୍ଧାରିତ ଦିନ ଆଉ ପ୍ରୋଗ୍ରାମ ହୋଇପାରିଲାନାହିଁ। ପରଦିନ ପ୍ରୋଗ୍ରାମ ହେଲା ଏବଂ ବହୁତ ଭଲ ଭାବେ ସବୁ ସରିଲା। ତା’ପରେ ଆମେ ଏକ ବସ୍‌ ଯୋଗେ ସେଠାରୁ ଅରୁଣାଚଳ ପ୍ରଦେଶ ବାହାରିଲୁ। ରାତିରେ ପାହାଡ଼ିଆ ଅଞ୍ଚଳ ଦେଇ ଗଲା ବେଳେ ପ୍ରାୟ ୧୧ଟା ବେଳକୁ ଗୁଳି ଫୁଟିବା ଶବ୍ଦ ଶୁଭିଲା। ସେଠାକାର ମାଓବାଦୀମାନଙ୍କ ସହ ପୋଲିସର ଗୁଳି ବିନିମୟ ଚାଲିଥିଲା। ହଠାତ୍‌ ଆମେ କିଛି ବୁଝିପାରିଲୁ ନାହିଁ। ସମସ୍ତେ ଆତଙ୍କିତ ହୋଇପଡ଼ିଲୁ। କାଳେ ସିଟ୍‌ରେ ବସିଲେ ଆମଠାରେ ଗୁଳି ବାଜିବ, ସେହି ଭୟରେ ବସ୍‌ ସିଟ୍‌ରେ ନ ବସି ତଳେ ମୁଣ୍ଡ ନୁଆଇଁ ବସିଲୁ। ରାତିର ଅନ୍ଧାରରେ ବାହାରେ କାହାକୁ ଦେଖି ହେଉ ନ ଥିଲା। ୨/୪ଘଣ୍ଟା ସେଠାରେ ସେମିତି ରହିବା ପରେ ବହୁ କଷ୍ଟରେ ଅରୁଣାଚଳ ପ୍ରଦେଶରେ ପହଞ୍ଚିଲୁ। ରାଜ୍ୟପାଳଙ୍କ ଅତିଥି ହୋଇଥିବାରୁ ରାଜଭବନରେ ରହିବାର ସୁଯୋଗ ପାଇଥିଲୁ। ରାଜଭବନରେ ମଧ୍ୟ ପ୍ରୋଗ୍ରାମ କରିବା ସହ ସମ୍ପୂର୍ଣ୍ଣ ସିକ୍ୟୁରିଟି ବ୍ୟବସ୍ଥାରେ ବୁଲାବୁଲି ସାରି ଓଡ଼ିଶା ଫେରିଥିଲୁ। ଓଡ଼ିଶାରେ ପହଞ୍ଚିବା ପରେ ଜଗନ୍ନାଥଙ୍କୁ ମୁଣ୍ଡିଆ ମାରି ଆଉ କେବେ ଅରୁଣାଚଳ ପ୍ରଦେଶ ପ୍ରୋଗ୍ରାମ ପାଇଁ ଯିବୁନି ବୋଲି ନିଷ୍ପତ୍ତି ନେଲୁ। ପୋଲିସ-ମାଓବାଦୀଙ୍କ ଗୁଳି ବିନିମୟ ଛାତି ଥରାଇ ଦେଇଥିଲା। ସେଦିନର ଯାତ୍ରା କଥା ମନେ ପଡ଼ିଲେ, ଆଜି ବି ଦେହ ଶିହରି ଉଠେ। - ରିପୋର୍ଟ: ବନ୍ଦନା ସେଠୀ
All Right Reserved By

ଫୁରସତ |

ଏମିତି ଏକ ରେଷ୍ଟୁରାଣ୍ଟ୍‌ରେ ଯେଉଁଠି ଆକାଶରେ ଉଡ଼ି ଖାଇବାର ଆନନ୍ଦ ମିଳେ

ଏମିତି ଏକ ରେଷ୍ଟୁରାଣ୍ଟ୍‌ରେ ଯେଉଁଠି ଆକାଶରେ ଉଡ଼ି ଖାଇବାର ଆନନ୍ଦ ମିଳେ

ଗ୍ରାହକଙ୍କୁ ଆକର୍ଷିତ କରିବା ପାଇଁ ହୋଟେଲ ଏବଂ ରେଷ୍ଟୁରାଣ୍ଟ୍‌ରେ ଭିନ୍ନ ଭିନ୍ନ ଅଫର ଉପଲବ୍ଧ ହୋଇଥାଏ। ତେବେ ବେଲଜିୟମରେ ଥିବା ଏକ ରେଷ୍ଟୁରାଣ୍ଟରେ ଗ୍ରାହକଙ୍କୁ ଆକାଶରେ ଉଡ଼ି ଖାଦ୍ୟ  ଖାଇବାର ଅନୁଭୁତି ପ୍ରଦାନ କରାଯଇଥାଏ। 

ମୂଲ୍ୟହୀନ ମେସେଜ୍‌ ଦେଲେ ଯେଉଁଠି ଜରିମାନା ଦେବାକୁ ପଡ଼େ ୧୦ ଲକ୍ଷ

ମୂଲ୍ୟହୀନ ମେସେଜ୍‌ ଦେଲେ ଯେଉଁଠି ଜରିମାନା ଦେବାକୁ ପଡ଼େ ୧୦ ଲକ୍ଷ

ବିଭିନ୍ନ ଦେଶରେ ଭିନ୍ନ ଭିନ୍ନ ଆଇନ କାନୁନ୍‌ ରହିଛି। ଦେଶର ସମ୍ବିଧାନର ଧାରା ଅନୁଯାୟୀ ସମସ୍ତେ ଆଇନ ଦ୍ୱାରା ପରିଚାଳିତ ହୋଇଥାନ୍ତି। ପାକିସ୍ତାନରେ ରହିଛି କେତେକ ଭିନ୍ନ ଆଇନ କାନୁନ୍‌। ଯାହାକୁ ଶୁଣିଲେ ଆଶ୍ଚର୍ଯ୍ୟ ଲାଗିଥାଏ।

ବାଦୁଡ଼ିଙ୍କ ପାଇଁ ହସ୍ପିଟାଲ

ବାଦୁଡ଼ିଙ୍କ ପାଇଁ ହସ୍ପିଟାଲ

ଅଷ୍ଟ୍ରେଲିଆରେ ରହିଛି ଏକ ହସ୍ପିଟାଲ। ଏଠାରେ ବାଦୁଡ଼ିଙ୍କର ଚିକିତ୍ସା କରାଯାଏ। ସ୍ଥାନୀୟ ଏଥର୍ଟନ ସହରରେ ଥିବା ଟୋଲ୍‌ଗୋ ଓ୍ବେଷ୍ଟ୍‌ ହସ୍ପିଟାଲରେ ବାଦୁଡ଼ି ବଂଶ ବଞ୍ଚାଇବା ପାଇଁ ଏଭଳି ପ୍ରୟାସ କରାଯାଉଛି।

 ଏଭଳି ଅଫିସ ଯେଉଁଠି ଶାରୀରିକ ସମ୍ପର୍କ ପାଇଁ ମିଳେ ଘଣ୍ଟାଏ ବିରତି...

ଏଭଳି ଅଫିସ ଯେଉଁଠି ଶାରୀରିକ ସମ୍ପର୍କ ପାଇଁ ମିଳେ ଘଣ୍ଟାଏ ବିରତି...

ଅଫିସରେ ଲଞ୍ଚ୍‌ ବ୍ରେକ୍‌ ଅଥବା ଟି ବ୍ରେକ୍‌ ହୋଇଥାଏ। ତେବେ ସ୍ବିଡ଼େନ୍‌ରେ ଏଭଳି ଏକ ଅଫିସ ରହିଛି, ଯେଉଁଠି କର୍ମଚାରୀଙ୍କୁ ଶାରୀରିକ ସମ୍ପର୍କ ପାଇଁ ମିଳିଥାଏ ଘଣ୍ଟେ ବିରତି। 

ମେଘାଳୟ ଯୁଗ

ମେଘାଳୟ ଯୁଗ

”ବିଶ୍ୱ ଦରବାରରେ ନୂତନ ରୂପେ ପରିଚିତ ମେଘାଳୟ ଯୁଗ ୪୨୦୦ ବର୍ଷ ତଳୁ ୧୯୫୦ ବର୍ଷ ଧରି ପରିବ୍ୟାପ୍ତ। ଏହାର ଆରମ୍ଭରେ ବିଶ୍ୱବ୍ୟାପୀ ଭୟଙ୍କର ମରୁଡ଼ି ଦେଖାଦେଇଥିଲା ଏବଂ ଜଳବାୟୁରେ ବଡ଼ଧରଣର ବିଭ୍ରାଟ ଉପୁଜିଥିଲା, ଫଳରେ ବାୟୁମଣ୍ଡଳରେ ଅମ୍ଳଜାନ  ପରିମାଣ ହ୍ରାସ ପାଇ ଅଙ୍ଗାରକାମ୍ଳ ପରିମାଣରେ ମାତ୍ରାଧିକ ବୃଦ୍ଧି ଘଟିଥିଲା ବୋଲି ଭୂବୈଜ୍ଞାନିକମାନେ ବ୍ୟାଖ୍ୟା କରିଛନ୍ତି।“

ସର୍ବବୃହତ୍‌ ସୁପର କମ୍ପ୍ୟୁଟର

ସର୍ବବୃହତ୍‌ ସୁପର କମ୍ପ୍ୟୁଟର

ଲଣ୍ଡନ: ମଣିଷ ମସ୍ତିଷ୍କ ଭଳି କାର୍ଯ୍ୟ କରିବାର କ୍ଷମତା ରଖିଥିବା ବିଶ୍ୱର ସର୍ବବୃହତ୍‌ ସୁପର କମ୍ପ୍ୟୁଟର ପ୍ରଥମ ଥର ପାଇଁ ଖୋଲାଯାଇଛି। ଏହାକୁ ସ୍ପାଇକିଙ୍ଗ୍‌ ନ୍ୟୁରାଲ୍‌ ନେଟ୍‌ଓ୍ବର୍କ ଆର୍କିଟେକ୍‌ଚର ବା ସଂକ୍ଷେପରେ ସ୍ପିନ୍‌ନାକର ମେଶିନ୍‌ କୁହାଯାଉଛି।

ମ୍ୟାଗ୍ନେଟମ୍ୟାନ୍‌ ଅରୁଣ...

ମ୍ୟାଗ୍ନେଟମ୍ୟାନ୍‌ ଅରୁଣ...

ମଧ୍ୟପ୍ରଦେଶର ସାଗର ଜିଲ୍ଲା ଧାନା ଗ୍ରାମରେ ବାସ କରରୁଥିବା ଜଣେ ବ୍ୟକ୍ତିଙ୍କ ଶରୀରରେ ରହିଛି ଚୁମ୍ବକୀୟ ଶକ୍ତି। ତାଙ୍କୁ ସଭିଏଁ ମ୍ୟାଗନେଟ୍‌ମ୍ୟାନ ବୋଲି ଡାକିଥାନ୍ତି। ସେ ହେଉଛନ୍ତି ୫୦ ବର୍ଷୀୟ ଅରୁଣ ରାୟକ୍ୱାର। 

ଇନ୍ଦ୍ର ଦେବତାଙ୍କୁ ସନ୍ତୋଷ ପାଇଁ ଯେଉଁଠି କରାଯାଏ ଗଧ ବାହାଘର

ଇନ୍ଦ୍ର ଦେବତାଙ୍କୁ ସନ୍ତୋଷ ପାଇଁ ଯେଉଁଠି କରାଯାଏ ଗଧ ବାହାଘର

ଭାରତର କେତେକ ଅଞ୍ଚଳରେ ପ୍ରାଚୀନ କାଳରୁ ଇନ୍ଦ୍ରଦେବତାଙ୍କୁ ସନ୍ତୁଷ୍ଟ କରିବା ପାଇଁ ପ୍ରାଣୀଙ୍କ ମଧ୍ୟରେ ବାହାଘର କରାଯାଇଥାଏ।  ଆସାମ ଓ ମହାରାଷ୍ଟ୍ରରେ ବର୍ଷା ନ ହେଲେ ଲୋକେ ବେଙ୍ଗ-ବେଙ୍ଗୁଲୀ ବାହାଘର କରାଇଥାନ୍ତି। 

ଯେଉଁଠି ହସ୍ପିଟାଲରେ କୁକୁର କରନ୍ତି ଚିକିତ୍ସା

ଯେଉଁଠି ହସ୍ପିଟାଲରେ କୁକୁର କରନ୍ତି ଚିକିତ୍ସା

ବ୍ରିଟେନ୍‌ରେ ରହିଛି ଏକ ହସ୍ପିଟାଲ। ଏଠାରେ କୁକୁରମାନେ ଡାକ୍ତରଙ୍କୁ ରୋଗୀଙ୍କ ଚିକିତ୍ସାରେ ସହାୟତା କରନ୍ତି। ହସ୍ପିଟାଲକୁ ଆସୁଥିବା ରୋଗୀଙ୍କୁ ପ୍ରଥମେ ସ୍ବତନ୍ତ୍ର ତାଲିମପ୍ରାପ୍ତ କୁକୁର ଶୁଙ୍ଘିଥାନ୍ତି। 

କାର୍‌କୁ ବିବାହ କଲେ ଯୁବକ

କାର୍‌କୁ ବିବାହ କଲେ ଯୁବକ

ବିବାହ ନେଇ ଯୁବତୀ ଯୁବକଙ୍କ ମନରେ ଅନେକ ସ୍ବପ୍ନ ରହିଥାଏ। ସୁନ୍ଦର ସାଥୀ ପାଇବା ସଭିଙ୍କର ଥାଏ ଇଛା। ତେବେ ଜର୍ମାନରେ ଜନ୍‌ ନାମକ ଜଣେ ଯୁବକ ନିକ କାରକୁ ବିବାହ କରିଛନ୍ତି।

ଚକୋଲେଟ ଜରିରେ ନିର୍ମିତ ପୋଷାକ

ଚକୋଲେଟ ଜରିରେ ନିର୍ମିତ ପୋଷାକ

ଦିନକୁ ଦିନ ଫ୍ୟାଶନର ପରିଭାଷା ବଦଳିବାରେ ଲାଗିଛି। ନୂଆ ନୂଆ କନ୍‌ସେପ୍ଟ ଏବଂ ଥିମ୍‌କୁ ନେଇ ପୋଷାକ ପ୍ରସ୍ତୁତ କରାଯାଉଛି।

ଦାମୀ ଡଲ୍‌ ହାଉସ୍‌

ଦାମୀ ଡଲ୍‌ ହାଉସ୍‌

ସବୁଠୁ ଦାମୀ ଖେଳଣା ତଥା ଦାମୀ ଡଲ ହାଉସ୍‌ ଭାବେ ‘ଆଷ୍ଟୋଲାଟ୍‌ ଡଲ୍‌ ହାଉସ୍‌ କ୍ୟାସେଲ୍‌’ ପ୍ରସିଦ୍ଧି ହାସଲ କରିଛି। ଏହାର ମୂଲ୍ୟ ହେଉଛି ୮.୫ ମିଲିୟନ ଡଲାର। ଯାହାକି ନ୍ୟୁୟର୍କ ଏବଂ ଲଣ୍ଡନର କୌଣସି ମୁଖ୍ୟ ସ୍ଥାନରେ ଆପାର୍ଟମେଣ୍ଟର ଦାମ ସହ ସମାନ।