ରାଜ୍ୟ | ବ୍ରହ୍ମପୁର

ଏଟିଏମ୍‌ ଲୁଟେରା ଗିରଫ: ୨.୩ ଲକ୍ଷ ଟଙ୍କା, ୧୩ ଏଟିଏମ କାର୍ଡ, ଗୋଟିଏ ବୁଲେଟ ଜବତ

ଏଟିଏମ୍‌ ଲୁଟେରା ଗିରଫ: ୨.୩ ଲକ୍ଷ ଟଙ୍କା, ୧୩ ଏଟିଏମ କାର୍ଡ, ଗୋଟିଏ ବୁଲେଟ ଜବତ
ବ୍ରହ୍ମପୁର ଅଫିସ,୧୬।୫- ନିଜକୁ ବ୍ୟାଙ୍କ କର୍ମଚାରୀର ପରିଚୟ ଦେଇ ଲୋକଙ୍କୁ ଫୋନ କରି ଏଟିଏମ୍‌ ପିନ ନମ୍ବର ମାଗି ଅତି ଚତୁରତାର ସହ ଆକଉଣ୍ଟରୁ ଟଙ୍କା ଲୁଟ୍‌ କରୁଥିବା ଜଣେ ଏଟିଏମ୍‌ ଲୁଟେରାଙ୍କୁ ମଙ୍ଗଳବାର ଗୋଳନ୍ଥରା ଥାନା ପୋଲିସ ଗିରଫ କରିଛି। ସେ ହେଲେ କନ୍ଧମାଳ ଜିଲା ଟିକାବାଲି ଥାନା ଅଞ୍ଚଳରେ ରହୁଥିବା ପ୍ରଭାକର ପ୍ରଧାନ। ତାଙ୍କ ନିକଟରୁ ବହୁ ମୂଲ୍ୟବାନ ସାମଗ୍ରୀ ଜବତ କରାଯାଇଛି ବୋଲି ବ୍ରହ୍ମପୁର ଏସ୍‌ପି ପିନାକ ମିଶ୍ର ସୂଚନା ଦେଇଛନ୍ତି। ଏସ୍‌ପିଙ୍କ କାର୍ଯ୍ୟାଳୟ ପରିସରରେ ବୁଧବାର ଆୟୋଜିତ ଖବରଦାତା ସମ୍ମିଳନୀରେ ସେ ଏହି ସୂଚନା ଦେଇଥିଲେ। ତେବେ ଏହି ଘଟଣାରେ ଆଉ ଅନେକଙ୍କର ସମ୍ପୃକ୍ତି ରହିଛି ା ତେବେ ପ୍ରଭାକରଙ୍କୁ ୫ ଦିନିଆ ରିମାଣ୍ଡରେ ପୋଲିସ ନେଇ ଏହାର ଖୋଲତାଡ ସହ ପଚରାଉଚରା କରିବ ବୋଲି ଏ୍‌ସପି ମିଶ୍ର କହିଛନ୍ତି । ସେ ଆହୁରି କହିଥିଲେ, ଗତ ଏପ୍ରିଲ ୨୫ ତାରିଖରେ ଜଣେ ମହିଳାଙ୍କ ଏଟିଏମ୍‌ରୁ ୨୦ ହଜାର ୫୦୦ ଟଙ୍କା ଲୁଟ୍‌ ହୋଇଯାଇଥିଲା। ସମ୍ପୃକ୍ତ ମହିଳା ଜଣକ ଏ ନେଇ ଗୋଳନ୍ଥରା ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ପୋଲିସ ଏକ ମାମଲା (ନଂ.୮୩/୧୮) ରୁଜୁ କରି ତଦନ୍ତ ଚଳାଇଥିଲା। ସମାନ ଢଙ୍ଗରେ ମଙ୍ଗଳବାର ଗୋଟିଏ ଏଟିଏମ୍‌ରୁ ୪୦ ହଜାର ଟଙ୍କା ଏବଂ ଅନ୍ୟ ଏକ ଏଟିଏମ୍‌ରୁ ୯୬ ହଜାର ଟଙ୍କା ଲୁଟ୍‌ ହୋଇଥିବା ନେଇ ଗୋଳନ୍ଥରା ଥାନାରେ ଅଭିଯୋଗ ହୋଇଥିଲା। ଗୋପାଳପୁର ଥାନା ଓ ବୈଦ୍ୟନାଥପୁର ଥାନାରେ ମଧ୍ୟ ଏହିଭଳି ଆଉ ଦୁଇଟି ଏଟିଏମ୍‌ ଲୁଟ ମାମଲା ରୁଜୁ ହୋଇଥିଲା। ଯେଉଁଥିରେ ୭ ହଜାର ୯୦୦ ଓ ୫୬ ହଜାର ଟଙ୍କା ଲୁଟ୍‌ ହୋଇଥିବା ଜଣାପଡିଥିଲା ା ଯାହାକୁ ନେଇ ଗୋଳନ୍ଥରା ଥାନା, ଗୋପାଳପୁର ଥାନା ଓ ବୈଦ୍ୟନାଥପୁର ଥାନାରେ ନଂ.୯୭/୧୮, ୯୮/୧୮, ୪୯/୧୮, ୫୩/୧୮ରେ ମାମଲା ରୁଜୁ କରାଯାଇ ତଦନ୍ତ ଆରମ୍ଭ ହୋଇଥିଲା। ମଙ୍ଗଳବାର ପ୍ରଭାକର ବ୍ରହ୍ମପୁର ପ୍ରେମନଗର ଅଞ୍ଚଳରେ ଥିବା କୌଣସି ସୂତ୍ରରୁ ଖବର ପାଇ ପୋଲିସ ସେଠାରେ ଚଢାଉ କରି ତାଙ୍କୁ ଗିରଫ କରିଥିଲା। ଯାଞ୍ଚ ବେଳେ ତାଙ୍କ ନିକଟରୁ ୨ ଲକ୍ଷ ୩ ହଜାର ଟଙ୍କା, ୧୩ଟି ଏଟିଏମ୍‌ କାର୍ଡ ଓ ଗୋଟିଏ ବୁଲେଟ ମୋଟରସାଇକେଲ (ନଂ.ଓଡି-୦୭୫୩୩୭) ଜବତ କରାଯାଇଛି। ଜବତ ହୋଇଥିବା ଟଙ୍କା ଓ ଗାଡି ଇତ୍ୟାଦିକୁ ବୁଧବାର ଖବରଦାତା ସମ୍ମିଳନୀରେ ଲୁଟ୍‌ ଶିକାର ହୋଇଥିବା ଲୋକଙ୍କୁ ପୋଲିସ ଫେରାଇଛି। ପ୍ରଭାକରଙ୍କୁ କୋର୍ଟଚାଲାଣ କରାଯାଇଛି। ଏଟିଏମ୍‌ରୁ ଲୁଟ୍‌ ଘଟଣାରେ ଆଉ କାହାର ସମ୍ପୃକ୍ତି ରହିଛି କି ନାହିଁ ଜାଣିବା ପାଇଁ ପୋଲିସ ପ୍ରଭାକରଙ୍କୁ ୫ ଦିନିଆ ରିମାଣ୍ଡରେ ନେଇ ପଚରାଉଚୁରା କରିବ ବୋଲି ଏସ୍‌ପି ମିଶ୍ର କହିଛନ୍ତି। ଉଲ୍ଲେଖଯୋଗ୍ୟ, ଏଟଏମ୍‌ ଲୁଟ୍‌ ଘଟଣାରେ ସମ୍ପୃକ୍ତ ଥିବା ଅଭିଯୋଗରେ ପ୍ରଭାକର ଗତ ଜାନୁୟାରୀ ମାସରେ ପୋଲିସ ହାତରେ ଧରାପଡିଥିଲେ। କୌଣସି ରୋଗରେ ଆକ୍ରାନ୍ତ ଥିବାରୁ ତାଙ୍କୁ ବ୍ରହ୍ମପୁର ବଡ ମେଡିକାଲ୍‌ରେ ଭର୍ତ୍ତି କରାଯାଇଥିଲା। ସେଠାରେ ଚିକିତ୍ସାଧୀନ ଥିବା ବେଳେ ପୋଲିସ ହାତରୁ ସେ ଚମ୍ପଟ ମାରିଥିଲେ।
All Right Reserved By

ରାଜ୍ୟ | ବ୍ରହ୍ମପୁର

ଆର୍‌ପିଡିଏସି ବୈଠକ ବର୍ଜନ କଲେ ଜନ ପ୍ରତିନିଧି

ଆର୍‌ପିଡିଏସି ବୈଠକ ବର୍ଜନ କଲେ ଜନ ପ୍ରତିନିଧି

ଅନୁଗୋଳ ଅଫିସ,୧୭।୧: ଏନ୍‌ଟିପିସି-ଟିଏସ୍‌ଟିପିଏସ୍‌ କଣିହାଁ ଓ ଏନ୍‌ଟିପିସି-ଟିଟିପିଏସ୍‌ ତାଳଚେରର ୮ମ ଆର୍‌ପିଡିଏସି ବୈଠକକୁ ବର୍ଜନ କଲେ ଜନ ପ୍ରତିନିଧି। ଗୁରୁବାର ଜିଲାପାଳଙ୍କ କାର୍ଯ୍ୟାଳୟରେ ବୈଠକ ଅନୁଷ୍ଠିତ ହେଉଥିଲା। ତେବେ ୨୦୧୬ ମସିହା ଏପ୍ରିଲ ମାସରେ ହୋଇଥିବା ବୈଠକରେ ନିଆଯାଇଥିବା ନିଷ୍ପତ୍ତି ଉପରେ କୌଣସି କାର୍ଯାନୁଷ୍ଠାନ ଗ୍ରହଣ କରାଯାଇ ନ ଥିବାରୁ ଜନ ପ୍ରତିନିଧିମାନେ ବୈଠକ ବର୍ଜନ କରିଥିବା ଜଣାପଡ଼ିଛି। 

ମଣ୍ଡିରୁ ଧାନ ଉଠୁ ନ ଥିବା ଅଭିଯୋଗ: ଭାଜପା କୃଷକ ମୋର୍ଚ୍ଚା ପକ୍ଷରୁ ସଚିବାଳୟରେ ଧସେଇ ପଶିବା ଉଦ୍ୟମ

ମଣ୍ଡିରୁ ଧାନ ଉଠୁ ନ ଥିବା ଅଭିଯୋଗ: ଭାଜପା କୃଷକ ମୋର୍ଚ୍ଚା ପକ୍ଷରୁ ସଚିବାଳୟରେ ଧସେଇ ପଶିବା ଉଦ୍ୟମ

ଭୁବନେଶ୍ୱର,୧୭।୧(ବ୍ୟୁରୋ): ରାଜ୍ୟର ବିଭିନ୍ନ ସ୍ଥାନରେ ଥିବା ମଣ୍ଡିରୁ ଧାନ ଉଠୁ ନ ଥିବା  ଅଭିଯୋଗ ଆସିବା ପରେ ଭାଜପା କୃଷକ ମୋର୍ଚ୍ଚା ପକ୍ଷରୁ ଆନ୍ଦୋଳନକୁ ଜୋରଦାର କରାଯାଇଛି। ଏ ନେଇ ଭାଜପା କୃଷକ ମୋର୍ଚ୍ଚା ସଚିବାଳୟ ଘେରାଉ କରିଥିଲା। ପୁଣି ଥରେ ଗୁରୁବାର ପୂର୍ବାହ୍ନରେ ମୋର୍ଚ୍ଚା ପକ୍ଷରୁ ସଚିବାଳୟରେ ଧଶେଇ ପଶିବାକୁ ଉଦ୍ୟମ କରାଯାଇଥିଲା।

ଯନ୍ତ୍ରଣାରେ ଛଟପଟ ପରୀ: ଅଭିଯୁକ୍ତଙ୍କୁ କୋର୍ଟ ଚାଲାଣ

ଯନ୍ତ୍ରଣାରେ ଛଟପଟ ପରୀ: ଅଭିଯୁକ୍ତଙ୍କୁ କୋର୍ଟ ଚାଲାଣ

ବଡସାହି,୧୭।୧(ସ୍ବ.ପ୍ର)-ରାଜ୍ୟରେ ଶିଶୁଙ୍କ ଉପରେ ହେଉଥିବା ଯୌନ ନିର୍ଯାତନା ରୋକିବା ପାଇଁ ଓଡିଶା ପୋଲିସ ପକ୍ଷରୁ ଆରମ୍ଭ ହୋଇଥିଲା ପରୀ ପାଇଁ କଥାଟିଏ କାର୍ଯ୍ୟକ୍ରମ। ଏହାରି ମାଧ୍ୟମରେ ରାଜ୍ୟର ଗଳିକନ୍ଦିରେ ପରୀ ଏକ୍ସପ୍ରେସ ପରିକ୍ରମା କରି ଶିଶୁଙ୍କ କ୍ଷେତ୍ରରେ ଘଟୁଥିବା ଯୌନ ଉପତ୍ୀଡନ, ନିର୍ଯାତନା ଓ ଅତ୍ୟାଚାରକୁ ନେଇ ସଚେତନତା କରାଯାଇଥିଲା ା

ଉତ୍ତର ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ସ୍ଥାପନ ଦାବି: ୩ ଦିନ କୋର୍ଟ ବନ୍ଦ, ଓକିଲଙ୍କ ଶୋଭାଯାତ୍ରା

ଉତ୍ତର ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ସ୍ଥାପନ ଦାବି: ୩ ଦିନ କୋର୍ଟ ବନ୍ଦ, ଓକିଲଙ୍କ ଶୋଭାଯାତ୍ରା

ବାରିପଦା ଅଫିସ,୧୭।୧: ଉତ୍ତର ଓଡ଼ିଶା ଲାଗି ବାରିପଦାଠାରେ ହାଇକୋର୍ଟର ଏକ ସ୍ଥାୟୀ ବେଞ୍ଚ ସ୍ଥାପନ କରିବା ଲାଗି ଦୀର୍ଘଦିନରୁ ଦାବି ହୋଇ ଆସୁଛି। ମାତ୍ର ମୁଖ୍ୟମନ୍ତ୍ରୀ ପଶ୍ଚିମ ଓ ଦକ୍ଷିଣ ଓଡ଼ିଶାରେ ହାଇକୋର୍ଟ ବେଞ୍ଚ ପ୍ରତିଷ୍ଠା କରିବା ପାଇଁ କେନ୍ଦ୍ର ସରକାରଙ୍କୁ ଚିଠି ଲେଖିଥିଲେ। ଏଣୁ ରାଜ୍ୟ ସରକାର ଉତ୍ତର ଓଡ଼ିଶାକୁ ଅବହେଳା କରୁଥିବା ଜିଲା ଓକିଲ ସଂଘ ଅଭିଯୋଗ କରିଛି।

ଉନ୍ନୟନ କାର୍ଯ୍ୟର ସମୀକ୍ଷା କଲେ ରାଜ୍ୟପାଳ

ଉନ୍ନୟନ କାର୍ଯ୍ୟର ସମୀକ୍ଷା କଲେ ରାଜ୍ୟପାଳ

ଖୋର୍ଦ୍ଧା ଅଫିସ,୧୭।୧:ଖୋର୍ଦ୍ଧା ଜିଲାପାଳଙ୍କ ସମ୍ମିଳନୀ କକ୍ଷରେ ରାଜ୍ୟପାଳ ଗଣେଶୀ ଲାଲ ଗୁରୁବାର ପୂର୍ବାହ୍ନ ପ୍ରାୟ ୧୧ଟାରେ କେନ୍ଦ୍ର ଓ ରାଜ୍ୟ ସରକାରଙ୍କର ବିଭିନ୍ନ ଉନ୍ନୟନ କାର୍ଯ୍ୟର ସମୀକ୍ଷା କରିଛନ୍ତି। 

କୁଡ଼ମି ସମ୍ପ୍ରଦାୟର ନାଚଗୀତରେ ଆନନ୍ଦ ଉଠାଇଲେ ଦର୍ଶକ

କୁଡ଼ମି ସମ୍ପ୍ରଦାୟର ନାଚଗୀତରେ ଆନନ୍ଦ ଉଠାଇଲେ ଦର୍ଶକ

ପାଟଣା,୧୭।୧(ସ୍ବ.ପ୍ର): କେନ୍ଦୁଝର ଜିଲା ପାଟଣା ବ୍ଲକ ମିରିଗିଖୋଜି ପଞ୍ଚାୟତ ଅସନାହାଳି ଗ୍ରାମର ବୈତରଣୀ ନଦୀ ପାଖରେ ସିନ୍ଦୁରଗୌରୀ ପୀଠରେ ବୁଧବାର ସିନ୍ଦୁରଗୌରୀ ଯୁବକ ସଙ୍ଘ ତରଫରୁ ମକର ମେଳା ଅନୁଷ୍ଠିତ ହୋଇଛି।

ପାଗଳ ଯୁବକଙ୍କ ଉନ୍ମୁକ୍ତ କାଣ୍ଡ : ଠେଙ୍ଗା, ପଥର ମାଡରେ ଦୁଇ ମୃତ, ଦୁଇ ଗୁରୁତର

ପାଗଳ ଯୁବକଙ୍କ ଉନ୍ମୁକ୍ତ କାଣ୍ଡ : ଠେଙ୍ଗା, ପଥର ମାଡରେ ଦୁଇ ମୃତ, ଦୁଇ ଗୁରୁତର

ଓଡ଼ଗାଁ, ୧୭।୧ (ସ୍ବ.ପ୍ର.)-ନୟାଗଡ଼ ଜିଲା ଓଡ଼ଗାଁ ବଜାରରେ ପାଗଳର ଠେଙ୍ଗା, ପଥର ମାଡରେ ଦୁଇଜଣଙ୍କ ମୃତ୍ୟୁ ହୋଇବେଳେ ଦୁଇଜଣ ଗୁରତର ଭାବେ ଆହତ ହୋଇଛନ୍ତି। ଆହତଙ୍କୁ ପ୍ରଥମେ ନୟାଗଡ ଓ ପରେ କଟକ ସ୍ଥାନାନ୍ତର କରାଯାଇଥିବା ଜଣାଯାଇଛି ା 

ସାଢେ ତିନିବର୍ଷର ଶିଶୁକନ୍ୟାଙ୍କୁ ବଳାତ୍କାର

ସାଢେ ତିନିବର୍ଷର ଶିଶୁକନ୍ୟାଙ୍କୁ ବଳାତ୍କାର

କୁଆରମୁଣ୍ଡା, ୧୬।୧(ଡି.ଏନ.ଏ): ସୁନ୍ଦରଗଡ ଜିଲା ରାୟବଗା ଥାନା ଅନ୍ତର୍ଗତ ଗୋପୁର ଗ୍ରାମରେ ବୁଧବାର ଅପରାହ୍ନରେ ଜଣେ ସାଢେ ତିନିବର୍ଷୀୟ ନାବାଳିକାକୁ ବଳାତ୍କାର ହୋଇଛି। ଏହି ଘଟଣାର ଅଭିଯୁକ୍ତ ବଡମାଲ ବସ୍ତିର ସଞ୍ଜୟ ଡୁଙ୍ଗ୍‌ଡୁଙ୍ଗ୍‌(୨୧)କୁ ପୋଲିସ ଗୁରୁବାର ସକାଳୁ ଗିରଫ କରିଛି।

ସେବାଶ୍ରମରେ ନାବାଳିକା ମା’ ହେବା ଘଟଣା: ଆଜି ୧୨ଘଣ୍ଟିଆ କନ୍ଧମାଳ ବନ୍ଦ

ସେବାଶ୍ରମରେ ନାବାଳିକା ମା’ ହେବା ଘଟଣା: ଆଜି ୧୨ଘଣ୍ଟିଆ କନ୍ଧମାଳ ବନ୍ଦ

ଦାରିଙ୍ଗିବାଡ଼ି,୧୭।୧(ଡି.ଏନ.ଏ)- କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଳକ ଅଞ୍ଚଳରେ ଏକ ସେବାଶ୍ରମରେ ଜଣେ ଅଷ୍ଟମଶ୍ରେଣୀ ଛାତ୍ରୀ ମା’ ହେବା ଘଟଣା ଏବଂ  ପରବର୍ତ୍ତୀ ସମୟରେ ନବଜାତ ଶିଶୁକନ୍ୟା ଆଖିବୁଜିବା ଘଯଣାରେ ଗୁରୁବାର କନ୍ଧମାଳ ସୁରକ୍ଷା ଅଭିଯାନ ଏବଂ ଭାଜପା ପକ୍ଷରୁ ୧୨ଘଣ୍ଟିଆ ବନ୍ଦ ପାଳନ କରାଯାଇଛିା

ଧାର୍ଯ୍ୟ ଦିବସ ପୂରଣ କରୁନାହିଁ ଓଡ଼ିଶା ବିଧାନସଭା

ଧାର୍ଯ୍ୟ ଦିବସ ପୂରଣ କରୁନାହିଁ ଓଡ଼ିଶା ବିଧାନସଭା

ଭୁବନେଶ୍ୱର, ୧୭ା୧ (ବ୍ୟୁରୋ):ବିଧାନସଭା ଗଣତନ୍ତ୍ରର ମନ୍ଦିର ସଦୃଶ। ଏଠାରେ ହିଁ ରାଜ୍ୟ ପାଇଁ ଶାସନ ଖସଡା ପ୍ରସ୍ତୁତ ହୋଇଥାଏ। ରାଜ୍ୟ ତଥା ଜାତୀୟ ସ୍ବାର୍ଥ ସମ୍ପର୍କିତ ସମସ୍ତ ବିଷୟରେ ବିତର୍କ ହୋଇଥାଏ। ବଜେଟ୍‌ ଉପସ୍ଥାପନଠାରୁ ବିଭିନ୍ନ ପ୍ରଶ୍ନର ଉତ୍ତର  ଅଧିବେଶନରେ ମିଳିଥାଏ। 

କଲରାପତରିଆ ମୃତଦେହ ଉଦ୍ଧାର

କଲରାପତରିଆ ମୃତଦେହ ଉଦ୍ଧାର

ପାଲଲହଡ଼ା, ୧୭।୧(ଡି.ଏନ.ଏ.): ଅନୁଗୋଳ ଜିଲା ପାଲଲହଡ଼ା ବ୍ଲକ ଖମାର ରେଞ୍ଜ ଅଞ୍ଚଳରେ ଥିବା ରେଙ୍ଗାଳି ଜଳଭଣ୍ଡାରରୁ ବୁଧବାର ଏକ କଲରାପତରିଆ ବାଘର ମୃତଦେହ ଉଦ୍ଧାର କରାଯାଇଛି। ମୃତ ବାଘର ବୟସ ୫ରୁ ୬ ବର୍ଷ ହେବ। ତେବେ କେଉଁ କାରଣରୁ ବାଘର ମୃତ୍ୟୁ ଘଟିଛି ତାହା ଜଣାପଡ଼ି ନ ଥିବା ବେଳେ ବ୍ୟବଚ୍ଛେଦ ପରେ ଘଟଣା ସ୍ପଷ୍ଟ ହେବ ବୋଲି ବନ ବିଭାଗ ସୂଚନା ଦେଇଛି।

ମୁକ୍ତେଶ୍ୱର ଉତ୍ସବ ଉଦ୍‌ଯାପିତ : ଅଭିନୟରେ ଶିବଙ୍କ ନିକଟରେ ମୁକ୍ତି ପ୍ରାର୍ଥନା

ମୁକ୍ତେଶ୍ୱର ଉତ୍ସବ ଉଦ୍‌ଯାପିତ : ଅଭିନୟରେ ଶିବଙ୍କ ନିକଟରେ ମୁକ୍ତି ପ୍ରାର୍ଥନା

ପୁରୁଣା ଭୁବନେଶ୍ୱର, ୧୭।୧(ଡି.ଏନ.ଏ.)- ଓଡ଼ିଶା ପର୍ଯ୍ୟଟନ ବିଭାଗ ପକ୍ଷରୁ ୩ ଦିନ ଧରି ମୁକ୍ତେଶ୍ୱର ମନ୍ଦିର ପରିସରରେ ଚାଲିଥିବା ମୁକ୍ତେଶ୍ୱର ଉତ୍ସବ ବୁଧବାର ଉଦ୍‌ଯାପିତ ହୋଇଯାଇଛି। ଅନ୍ତିମ ସନ୍ଧ୍ୟାର ଅନ୍ତିମ ଅର୍ଘ୍ୟ ଥିଲା ରାଗ ପଲ୍ଲବୀରେ ଶିବ ପଞ୍ଚାକ୍ଷର ସ୍ତୋତ୍ରମ ଏବଂ ରୁଦ୍ର ଆରତି। ଗୁଞ୍ଜନ ଡ୍ୟାନ୍ସ ଏକାଡେମୀର କଳାକାରମାନେ ଏହାକୁ ପ୍ରଦର୍ଶିତ କରିଥିଲେ।