ଖେଳ |

ଏବେବି ପ୍ଲେ-ଅଫ୍‌କୁ ଉନ୍ନୀତ ହେଇପାରିବୁ- ରାହାନେ

ଏବେବି ପ୍ଲେ-ଅଫ୍‌କୁ ଉନ୍ନୀତ ହେଇପାରିବୁ- ରାହାନେ
କଲିକତା,୧୬।୫(ପି.ଟି.)- ରାଜସ୍ଥାନ ରୟାଲ୍ସ ଦଳ କୋଲକାତା ନାଇଟ୍‌ ରାଇଡର୍ସଠାରୁ ପରାଜିତ ହେବା ପରେ ଚଳିତ ଆଇପିଏଲ୍‌ର ଆଗାମୀ ପର୍ଯ୍ୟାୟକୁ ଉନ୍ନୀତ ହେବାର ଆଶା ରହିଛି। ଦଳ ଏ ଯାବତ ୧୩ଟି ମ୍ୟାଚ୍‌ରୁ ୧୨ ପଏଣ୍ଟ ସହ ୪ର୍ଥ ସ୍ଥାନରେ ରହିଛି। ଦଳକୁ ଆଉ କେବଳ ଗୋଟିଏ ମ୍ୟାଚ୍‌ ଖେଳିବାର ଅଛି। ଏହି ମ୍ୟାଚ୍‌ରେ ରୟାଲ୍ସ ଦଳ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ଭେଟିବ। ରାଜସ୍ଥାନ ଭଳି ବାଙ୍ଗାଲୋର ମଧ୍ୟ ପ୍ଲେ-ଅଫ୍‌ର ଦୁଇଟି ବଳକା ସ୍ଥାନ ପାଇଁ ଦୌଡ଼ରେ ଅଛି। ଏହାସତ୍ତ୍ୱେ ଦଳ ପ୍ଲେ-ଅଫ୍‌ରେ ପ୍ରବେଶ କରିପାରିବ ବୋଲି ଅଧିନାୟକ ଅଜିଙ୍କ୍ୟ ରାହାନେ କହିଛନ୍ତି। ଏବେ ମଧ୍ୟ ଆମର ବିଶ୍ୱାସ ରହିଛି। ଆମେ ପ୍ଲେ-ଅଫ୍‌କୁ ଉନ୍ନୀତ ହୋଇପାରିବୁ। କ୍ରିକେଟରେ କିଛି ବି ହୋଇପାରେ। ଏଣୁ ଆମକୁ ସକାରାତ୍ମକ ଚିନ୍ତା ରଖିବାକୁ ପଡ଼ିବ। ଏବେ ଆମକୁ ତ୍ରୁଟିରୁ ଶିକ୍ଷା କରିବାକୁ ପଡ଼ିବ“ ବୋଲି ରାହାନେ ମ୍ୟାଚ୍‌ ପରେ କହିଛନ୍ତି। ଏହାବାଦ୍‌ ଚଳିତ ଆଇପିଏଲ୍‌ରେ ତାଙ୍କ ଦଳ ଆଶାନୁଯାୟୀ ବ୍ୟାଟିଂ କରି ନ ପାରିଥିବା ସ୍ବୀକାର କରିଛନ୍ତି। ”ଜୋଶ ବଟ୍ଟଲର ଓ ରାହୁଲ ତ୍ରିପାଠି ଦଳକୁ ଭଲ ଆରମ୍ଭ ଦେଇଥିଲେ। କିନ୍ତୁ ଆମେ ଆଉ ଭାଗୀଦାରି ସୃଷ୍ଟି କରି ପାରି ନ ଥିଲୁ। ଏଣୁ ଆମେ ମାତ୍ର ୧୮ ତମ ଓଭର୍‌ରେ ଅଲ୍‌ଆଉଟ୍‌ ହୋଇଯାଇଥିଲୁ। ଏଥିନେଇ ଦଳୀୟ ବ୍ୟାଟ୍ସମ୍ୟାନମାନେ ଦାୟୀ। କେବଳ ବଟ୍ଟଲରଙ୍କୁ ଛାଡ଼ିଦେଲେ ଦଳର ଅନ୍ୟ କୌଣସି ବ୍ୟାଟ୍ସମ୍ୟାନ ସମ୍ପୂର୍ଣ୍ଣ ଆଇପିଏଲ୍‌ରେ ଭଲ ବ୍ୟାଟିଂ କରିପାରି ନାହାନ୍ତି। ଏତଦ୍‌ ବ୍ୟତୀତ ବଟ୍ଟଲର ଓ ବେନ୍‌ ଷ୍ଟୋକ୍ସ ସ୍ବଦେଶ ଫେରୁଥିବାରୁ ଆମ ସମସ୍ୟା ଆହୁରି ବୃଦ୍ଧି ପାଇଛି। ଦଳରେ ଏମାନଙ୍କ ଅନୁପସ୍ଥିତି ଆମେ ଅନୁଭବ କରିବୁ ନିଶ୍ଚିତ। କିନ୍ତୁ ଆମ ନିକଟରେ ଆହୁରି ବିଦେଶୀ ଖେଳାଳି ରହିଛନ୍ତି, ଯେଉଁମାନେ ଆର୍‌ସିବି ବିପକ୍ଷରେ ଭଲ ପ୍ରଦର୍ଶନ କରିପାରିବେ।
All Right Reserved By

ଖେଳ |

ଟି୨୦ ଦଳକୁ ମାଲିଙ୍ଗାଙ୍କ ପ୍ରତ୍ୟାବର୍ତ୍ତନ

ଟି୨୦ ଦଳକୁ ମାଲିଙ୍ଗାଙ୍କ ପ୍ରତ୍ୟାବର୍ତ୍ତନ

କଲମ୍ବୋ, ୨୨।୧୦- ଭ୍ରମଣକାରୀ ଇଂଲଣ୍ଡ ବିପକ୍ଷରେ ଆସନ୍ତା ୨୭ରେ ଏଠାରେ ଖେଳାଯିବାକୁ ଥିବା ଏକମାତ୍ର ଟି୨୦ ମ୍ୟାଚ୍‌ ପାଇଁ ସୋମବାର ଶ୍ରୀଲଙ୍କା ଦଳ ଘୋଷଣା କରାଯାଇଛି। ଥିସାରା ପେରେରାଙ୍କ ନେତୃତ୍ୱରେ ଘୋଷିତ ୧୫ ଜଣିଆ ଦଳକୁ ଅଭିଜ୍ଞ ଦ୍ରୁତ ବୋଲର ଲସିଥ୍‌ ମାଲିଙ୍ଗା ଓ ଉଇକେଟ୍‌କିପର ନିରୋଶାନ ଡିକ୍‌ଓ୍ବେଲା ପ୍ରତ୍ୟାବର୍ତ୍ତନ କରିଛନ୍ତି।

ଜାମସେଦଙ୍କ ବାସନ୍ଦ ଦଣ୍ଡ କାଏମ ରହିଲା

ଜାମସେଦଙ୍କ ବାସନ୍ଦ ଦଣ୍ଡ କାଏମ ରହିଲା

ଲାହୋର, ୨୨ା୧୦ (ଏଏଫ୍‌ପି)-ପୂର୍ବତନ ଓପନର ନାସିର ଜାମସେଦଙ୍କ ଉପରେ ହୋଇଥିବା ୧୦ ବର୍ଷିଆ ବାସନ୍ଦ ଦଣ୍ଡକୁ ପାକିସ୍ତାନର ଏକ କ୍ରିକେଟ ଟ୍ରିବ୍ୟୁନାଲ କାଏମ ରଖିଛନ୍ତି। ବିଭିନ୍ନ ଫିକ୍ସିଂ ସ୍କାଣ୍ଡାଲରେ ଜାମସେଦଙ୍କର ବିଶେଷ ଭୂମିକା ରହିଥିଲା, ଯାହାକି ପାକିସ୍ତାନ ସୁପର ଲିଗ୍‌(ପିଏସଏଲ)ରେ ଚହଳ ସୃଷ୍ଟି କରିଥିଲା

ଫୁଟବଲ ଟୁର୍ନାମେଣ୍ଟ: ଗୋଲାମୁଣ୍ଡା ଚାମ୍ପିୟନ

ଫୁଟବଲ ଟୁର୍ନାମେଣ୍ଟ: ଗୋଲାମୁଣ୍ଡା ଚାମ୍ପିୟନ

ଜୁନାଗଡ,୨୨।୧୦(ଡି.ଏନ.ଏ.): କଳାହାଣ୍ଡି ଜିଲା ଜୁନାଗଡ ବ୍ଲକ ଦୁନ୍ଦେଲମାଲ ପଞ୍ଚାୟତ କଟିଙ୍ଗପଦରଠାରେ ୨ଦିନ ଧରି ଚାଲିଥିବା ଫୁଟବଲ ଟୁର୍ନାମେଣ୍ଟ ରବିବାର ଅପରାହ୍ନରେ ଉଦ୍‌ଯାପିତ ହୋଇଯାଇଛି। 

ଟପ୍‌-୧୦୦ରୁ ବାଦ୍‌ ପଡ଼ିଲେ ଭାମ୍ବ୍ରୀ

ଟପ୍‌-୧୦୦ରୁ ବାଦ୍‌ ପଡ଼ିଲେ ଭାମ୍ବ୍ରୀ

ନୂଆଦିଲ୍ଲୀ, ୨୨।୧୦(ପି.ଟି.)- ଆଣ୍ଠୁଜନିତ ସମସ୍ୟାରୁ ମୁକୁଳି ଥିବା ଭାରତୀୟ ଟେନିସ ଖେଳାଳି ୟୁକି ଭାମ୍ବ୍ରୀ ବିଶ୍ୱ ର଼୍ୟାଙ୍କିଙ୍ଗ୍‌ରେ ଟପ୍‌-୧୦୦ରୁ ବାଦ୍‌ ପଡ଼ିଛନ୍ତି। ଗତ ସପ୍ତାହରେ ଅଣ୍ଟଓ୍ବିର୍ପରେ ଅନୁଷ୍ଠିତ ୟୁରୋପିଆନ୍‌ ଓପନ୍‌ର ପ୍ରଥମ ରାଉଣ୍ଡରେ ସେ ପରାଜୟର ସାମ୍ନା କରିଥିଲେ। 

ଭାରତ-ଏ’କୁ ବିଜୟ ଦେଲେ ମନ୍ଧାନା

ଭାରତ-ଏ’କୁ ବିଜୟ ଦେଲେ ମନ୍ଧାନା

ମୁମ୍ବାଇ, ୨୨।୧୦- ସ୍ଥାନୀୟ ବାନ୍ଦ୍ରା କୁର୍ଲା କମ୍ପ୍ଲେକ୍ସଠାରେ ସୋମବାରଠାରୁ ଭ୍ରମଣକାରୀ ଅଷ୍ଟ୍ରେଲିଆ-ଏ ବିପକ୍ଷରେ ଆରମ୍ଭ ହୋଇଥିବା ମହିଳା ଟି୨୦ କ୍ରିକେଟ ସିରିଜର ପ୍ରଥମ ମ୍ୟାଚ୍‌କୁ ଭାରତ-ଏ’ ଦଳ ୪ ଉଇକେଟ୍‌ରେ ଜିତିନେଇଛି। 

ରୋହିତ୍‌ ପ୍ରଥମ ଭାରତୀୟ

ରୋହିତ୍‌ ପ୍ରଥମ ଭାରତୀୟ

ଗୁଆହାଟୀ, ୨୨।୧୦- ସ୍ଥାନୀୟ ବର୍ଷାପରା କ୍ରିକେଟ ଷ୍ଟାଡିୟମରେ ରବିବାର ଭ୍ରମଣକାରୀ ଓ୍ବେଷ୍ଟଇଣ୍ଡିଜ ବିପକ୍ଷରେ ଖେଳାଯାଇଥିବା ପ୍ରଥମ ଦିନିକିଆକୁ ଭାରତୀୟ କ୍ରିକେଟ ଦଳ ୮ ଉଇକେଟ୍‌ରେ ଜିତିନେଇଥିଲା।

ଡିଫେଣ୍ଡିଂ ଚାମ୍ପିୟନ ଓ୍ବଜନିଆକିଙ୍କୁ ହରାଇଲେ ପ୍ଲିସ୍କୋଭା

ଡିଫେଣ୍ଡିଂ ଚାମ୍ପିୟନ ଓ୍ବଜନିଆକିଙ୍କୁ ହରାଇଲେ ପ୍ଲିସ୍କୋଭା

କାଲାଙ୍ଗ(ସିଙ୍ଗାପୁର), ୨୨।୧୦- ଏଠାରେ ଆରମ୍ଭ ହୋଇଥିବା ଡବ୍ଲ୍ୟୁଟିଏ ଫାଇନାଲ୍ସର ଉଦ୍‌ଘାଟନୀ ଦିବସରେ ବିପର୍ଯ୍ୟୟ ଦେଖିବାକୁ ମିଳିଛି। ଡିଫେଣ୍ଡିଂ ଚାମ୍ପିୟନ ତଥା ଡେନମାର୍କର ତାରକା ମହିଳା ଟେନିସ ଖେଳାଳି କାରୋଲିନ ଓ୍ବଜନିଆକି ପରାଜୟର ସାମ୍ନା କରିଛନ୍ତି। 

ଅବସର ନେବେ ହେରାଥ୍‌

ଅବସର ନେବେ ହେରାଥ୍‌

କଲମ୍ବୋ, ୨୨।୧୦- ଭେଟେରାନ ଶ୍ରୀଲଙ୍କା ବାମହାତୀ ସ୍ପିନର ରଙ୍ଗନା ହେରାଥ୍‌ ତାଙ୍କ ସ୍ବର୍ଣ୍ଣିମ କ୍ରିକେଟ କ୍ୟାରିୟରରୁ ଅବସର ନେବାକୁ ନିଷ୍ପତ୍ତି ନେଇଛନ୍ତି। ଭ୍ରମଣକାରୀ ଦକ୍ଷିଣ ଆଫ୍ରିକା ବିପକ୍ଷରେ ନଭେମ୍ବର ୬ରୁ ଗାଲେରେ ଆରମ୍ଭ ହେବାକୁ ଥିବା ଟେଷ୍ଟ ସିରିଜର ପ୍ରଥମ ମ୍ୟାଚ୍‌ପରେ କ୍ରିକେଟରୁ ସନ୍ନ୍ୟାସ ନେବାକୁ ହେରାଥ୍‌ ଘୋଷଣା କରିଛନ୍ତି। 

ପ୍ରଥମ ଦିନିକିଆରେ ବାଂଲାଦେଶ ବିଜୟୀ

ପ୍ରଥମ ଦିନିକିଆରେ ବାଂଲାଦେଶ ବିଜୟୀ

ଢାକା, ୨୨।୧୦- ଓପନର୍‌ ଇମ୍ରୁଲ କାଏସ୍‌ଙ୍କ ଶତକ ବଳରେ ଘରୋଇ ବାଂଲାଦେଶ ଏଠାରେ ଅନୁଷ୍ଠିତ ପ୍ରଥମ ଦିନିକିଆ ମ୍ୟାଚ୍‌ରେ ଜିମ୍ବାଓ୍ବେକୁ ୨୮ ରନରେ ପରାସ୍ତ କରିଦେଇଛି। ବାଂଲାଦେଶ ପକ୍ଷରୁ ଧାର୍ଯ୍ୟ ୨୭୨ ରନର ଟାର୍ଗେଟ୍‌କୁ ପିଛା କରି ଭ୍ରମଣକାରୀ ଜିମ୍ବାଓ୍ବେ ଦଳ ନିର୍ଦ୍ଧାରିତ ଓଭରରେ ୯ ଉଇକେଟ୍‌ ହରାଇ ୨୪୩ ରନ କରିବାକୁ ସକ୍ଷମ ହୋଇଥିଲା। 

ରାଇକୋନେନ ଜିତିଲେ ୟୁଏସ୍‌ ଗ୍ରାଁ ପ୍ରି

ରାଇକୋନେନ ଜିତିଲେ ୟୁଏସ୍‌ ଗ୍ରାଁ ପ୍ରି

ଅଷ୍ଟିନ୍‌, ୨୨ା୧୦- ଫେରାରିର କିମି ରାଇକୋନେନ ୟୁଏସ୍‌ ଓପନ ଗ୍ରାଁ ପ୍ରି ଟାଇଟଲ ଜିତିଛନ୍ତି। ରବିବାର ଅନୁଷ୍ଠିତ ଏହି ଫର୍ମୁଲା ଓ୍ବାନ ମୋଟର ରେସ୍‌ରେ ରେଡ୍‌ ବୁଲ୍‌ର ମାକ୍ସ ଭର୍ଷ୍ଟାପେନ ଦ୍ୱିତୀୟ ହୋଇଥିବାବେଳେ ମର୍ସିଡିଜର ଲୁଇସ୍‌ ହାମିଲଟନଙ୍କୁ ତୃତୀୟ ସ୍ଥାନରେ ସନ୍ତୁଷ୍ଟ ହେବାକୁ ପଡ଼ିଛି। 

ଦବଙ୍ଗ ଦିଲ୍ଲୀ ବିଜୟୀ

ଦବଙ୍ଗ ଦିଲ୍ଲୀ ବିଜୟୀ

ପୁଣେ, ୨୨ା୧୦ (ପି.ଟି.)-ଚଳିତ ଭିଭୋ ପ୍ରୋ-କବାଡ଼ି  ସିଜନ -୬ ଇଣ୍ଟର ଜୋନାଲ ଚ୍ୟାଲେଞ୍ଜର ପ୍ରଥମ ମ୍ୟାଚରେ ଦବଙ୍ଗ ଦିଲ୍ଲୀ ୩୯-୩୦ରେ ବେଙ୍ଗଲ  ଓ୍ବାରିୟର୍ସକୁ ପରାସ୍ତ କରିଛି। ସ୍ଥାନୀୟ ଶ୍ରୀ ଶିବ ଛତ୍ରପତି ସ୍ପୋଟର୍‌ସ କମ୍ପ୍ଲେକ୍ସଠାରେ ଅନୁଷ୍ଠିତ ଏହି ମ୍ୟାଚରେ ଦିଲ୍ଲୀ ତରଫରୁ ନବୀନ କୁମାର ୧୧ ରେଡ୍‌ ପଏଣ୍ଟ ସ୍କୋର କରିଥିବାବେଳେ ରବିନ୍ଦର ପାହାଲଙ୍କ ୪ ଟାକଲ ପଏଣ୍ଟ ଅବଦାନ ରହିଥିଲା।

ସାନି ସ୍ପଟ୍‌ ଫିକ୍ସିଂ ଦାବି, ଫୁଟେଜ ମାଗିଲା ଆଇସିସି

ସାନି ସ୍ପଟ୍‌ ଫିକ୍ସିଂ ଦାବି, ଫୁଟେଜ ମାଗିଲା ଆଇସିସି

ନୂଆଦିଲ୍ଲୀ, ୨୨|୧୦ (ପି.ଟି.)- ଅନ୍ତର୍ଜାତୀୟ କ୍ରିକେଟରେ ସ୍ପଟ୍‌ ଫିକ୍ସିଂ ନେଇ ରବିବାର ରିଲିଜ କରାଯାଇଥିବା ଏକ ଡକୁମେଣ୍ଟାରୀ କ୍ରିକେଟ ମହଲରେ ଚହଳ ସୃଷ୍ଟି କରିଛି। ପ୍ରସାରଣକାରୀ ସଂସ୍ଥା ପ୍ରାମାଣିକ  ଫୁଟେଜ ଦେବାକୁ ରାଜି ହେଉ  ନାହିଁ।