ଫୁରସତ |

ମହିଳାଙ୍କ ମସ୍ତିଷ୍କ ଅଧିକ ସକ୍ରିୟ

ମହିଳାଙ୍କ ମସ୍ତିଷ୍କ ଅଧିକ ସକ୍ରିୟ
 ଓ୍ବାଶିଂଟନ୍‌: ପୁରୁଷଙ୍କ ଅପେକ୍ଷା ମହିଳାଙ୍କ ମସ୍ତିଷ୍କ ଅଧିକ ସକ୍ରିୟ। ବିଶେଷକରି ସ୍ପଷ୍ଟ ଦୃଷ୍ଟିପାତ, ଉଦ୍‌ବେଗ ନିୟନ୍ତ୍ରଣ, ମନୋଭାବ ଏବଂ ଉକତ୍ଣ୍ଠା କ୍ଷେତ୍ରରେ ମହିଳାମାନେ ସକ୍ରିୟ ଥାଆନ୍ତି ବୋଲି ଏକ ଅଧ୍ୟୟନରୁ ଜାଣିବାକୁ ମିଳିଛି। ମହିଳା ଏବଂ ପୁରୁଷଙ୍କ ମସ୍ତିଷ୍କ ମଧ୍ୟରେ ପାର୍ଥକ୍ୟ ନିରୂପଣ କରିବା ପାଇଁ ୪୬,୦୩୪ ଜଣ ଲୋକଙ୍କ ମସ୍ତିଷ୍କର ଚିତ୍ର(ଇମେଜ୍‌) ଅଧ୍ୟୟନ କରାଯାଇ ତୁଳନା କରାଯାଇଥିଲା।ଏ ସମ୍ପର୍କରେ ଆମେରିକାସ୍ଥିତ ଆମେନ କ୍ଲିନିକ୍ସର ପ୍ରତିଷ୍ଠାତା ତଥା ଉକ୍ତ ଅଧ୍ୟୟନର ପ୍ରମୁଖ ଲେଖକ ଡାନିଏଲ୍‌ ଜି. ଆମେନ୍‌ କହନ୍ତି, ଲିଙ୍ଗ-ଭିତ୍ତିକ ମସ୍ତିଷ୍କ ମଧ୍ୟରେ ପାର୍ଥକ୍ୟ ଜାଣିବା ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ଅଧ୍ୟୟନ। ଏହି ଅଧ୍ୟୟନ ଦ୍ୱାରା ଆଲ୍‌ଝିମର ଭଳି ଲିଙ୍ଗ-ଭିତ୍ତିକ ମସ୍ତିଷ୍କ ସମସ୍ୟା ସମ୍ପର୍କରେ ଭଲ ଭାବେ ବୁଝାଯାଇପାରିବ।ବିଭିନ୍ନ କାର୍ଯ୍ୟକ୍ଷେତ୍ରରେ ମହିଳାଙ୍କ ମସ୍ତିଷ୍କ ପୁରୁଷଙ୍କ ମସ୍ତିଷ୍କ ଅପେକ୍ଷା ଅଧିକ ସକ୍ରିୟ। ବିଶେଷକରି ଦୃଷ୍ଟିକୋଣ ଏବଂ ଉତ୍ସାହ ନିୟନ୍ତ୍ରଣ ସହିତ ସମ୍ପୃକ୍ତ ଥିବା ପ୍ରିଫ୍ରଣ୍ଟାଲ୍‌ କୋର୍ଟେକ୍ସ ଏବଂ ମନୋଭାବ ଓ ଉଦ୍‌ବେଗ ସହିତ ସମ୍ପୃକ୍ତ ଥିବା ମସ୍ତିଷ୍କର ଭାବାବେଗ କ୍ଷେତ୍ର ପୁରୁଷଙ୍କ ତୁଳନାରେ ମହିଳାଙ୍କଠାରେ ଅଧିକ ସକ୍ରିୟ ଥାଏ ବୋଲି ଗବେଷକମାନେ କହିଛନ୍ତି।ଅପରପକ୍ଷରେ ପୁରୁଷଙ୍କ ମସ୍ତିଷ୍କର ଦୂରଦୃଷ୍ଟି ଏବଂ ସମନ୍ବୟ କ୍ଷେତ୍ର ମହିଳାଙ୍କ ଅପେକ୍ଷା ଅଧିକ ସକ୍ରିୟ। ସ୍ପେକ୍ଟ (ସିଙ୍ଗଲ୍‌ ଫୋଟନ୍‌ ଏମିଶନ୍‌ କମ୍ପ୍ୟୁଟେଡ ଟମୋଗ୍ରାଫି) ମସ୍ତିଷ୍କରେ ରକ୍ତ ପ୍ରବାହକୁ ମାପ କରିପାରେ। ମସ୍ତିଷ୍କ ବିଶ୍ରାମ ନେଇଥିବା ଏବଂ କାର୍ଯ୍ୟକରୁଥିବା ବେଳେ ଯେଉଁ ଫଟୋଚିତ୍ର ନିଆଯାଏ ସେଥିରେ ରକ୍ତପ୍ରବାହର ଭିନ୍ନ ଭିନ୍ନ ଚିତ୍ର ଦୃଶ୍ୟମାନ ହୁଏ। ୧୧୯ଜଣ ସୁସ୍ଥ ସ୍ବେଚ୍ଛାସେବୀ ଏବଂ ୨୬,୬୮୩ ରୋଗୀଙ୍କୁ ନେଇ ସେମାନଙ୍କ ମସ୍ତିଷ୍କ ପରୀକ୍ଷା କରାଯାଇଥିଲା। ଏହି ପରୀକ୍ଷାରେ ବିଶେଷକରି ବ୍ରେନ୍‌ ଟ୍ରମା, ବାଇପୋଲାର ସମସ୍ୟା, ମୁଡ୍‌ ସମସ୍ୟା ଏବଂ ସିଜୋଫ୍ରେନିଆ ଆଦି ବିଭିନ୍ନ ମାନସିକ ରୋଗକୁ ପରୀକ୍ଷାରେ ସାମିଲ କରାଯାଇଥିଲା। ମସ୍ତିଷ୍କର ୧୨୮ଟି କ୍ଷେତ୍ରକୁ ବିଶ୍ଳେଷଣ କରାଯାଇଥିଲା। ପୁରୁଷ ଓ ମହିଳାଙ୍କ ମସ୍ତିଷ୍କ ଦକ୍ଷତାରେ ପାର୍ଥକ୍ୟ ଥିବା ଦେଖିବାକୁ ମିଳିଲା। ଏହି ପାର୍ଥକ୍ୟକୁ ବୁଝିବା ଗୁରୁତ୍ୱପୂର୍ଣ୍ଣ କାରଣ ମସ୍ତିଷ୍କ ସମସ୍ୟା ଦ୍ୱାରା ମହିଳା ଓ ପୁରୁଷ ପୃଥକ୍‌ ଭାବରେ ପ୍ରଭାବିତ ହୋଇଥାଆନ୍ତି।
All Right Reserved By

ଫୁରସତ |

ଡିମିରି ବିନା ଯେଉଁଠି ହୁଏନାହିଁ ବିବାହ

ଡିମିରି ବିନା ଯେଉଁଠି ହୁଏନାହିଁ ବିବାହ

ବିବାହକୁ ନେଇ ରହିଛି ଅନେକ ପରମ୍ପରା ଓ ନୀତି ନିୟମ। ଛତିଶଗଡ଼ରେ କିନ୍ତୁ ଏକ ନିର୍ଦ୍ଦିଷ୍ଟ ବୃକ୍ଷ ବିନା ବିବାହ ସମ୍ଭବ ନୁହେଁ ବୋଲି କୁହାଯାଏ। ଆଉ ସେହି ଗଛଟି ହେଉଛି ଡିମିରି। ଏହାର ପତ୍ର ଓ ଡାଳରେ ବେଦୀ ସଜା ଯାଇଥାଏ। 

ହାର୍ଟ ଆଟାକ୍‌ରୁ ବି ଦୂରେଇ ରଖେ ବ୍ଲାକ୍‌ ରାଇସ୍‌ ...

ହାର୍ଟ ଆଟାକ୍‌ରୁ ବି ଦୂରେଇ ରଖେ ବ୍ଲାକ୍‌ ରାଇସ୍‌ ...

ବ୍ଲାକ୍‌ ରାଇସ୍‌ ସ୍ବାସ୍ଥ୍ୟ ଲାଗି ଉପକାରୀ ସାବ୍ୟସ୍ତ ହୋଇଥାଏ। ଏଥିରେ  ଏନ୍ଥୋସାଇନ୍‌ ନାମକ ତତ୍ତ୍ୱ ରହିଥାଏ। ଏହା ରକ୍ତ ଜମାଟ ବାନ୍ଧିବାକୁ ଦେଇ ନ ଥାଏ। ଫଳରେ ହାର୍ଟ ଆଟାକ୍‌ ହେବାର ଆଶଙ୍କା ହୋଇଥାଏ ଦୂର।

ସବୁଦିନ ଗାଧୋଇବା ମନା...

ସବୁଦିନ ଗାଧୋଇବା ମନା...

ସବୁଦିନ ଗାଧୋଇବା ସ୍ବାସ୍ଥ୍ୟ ଲାଗି ହାନୀକାରକ। କଲମ୍ବିଆ ବିଶ୍ୱବିଦ୍ୟାଳୟର ନର୍ସିଂ ବିଭାଗରେ ହୋଇଥିବା ଗବେଷଣା ରିପୋର୍ଟରେ ଏହା କୁହାଯାଇଛି। ସବୁଦିନ ଗାଧୋଇଲେ ଦେହ ଓ ମନ ସୁସ୍ଥ ରହିଥାଏ ବୋଲି କୁହାଯାଇଥାଏ। ତେବେ ସବୁଦିନ ଗାଧୋଇବାକୁ ଏହି ଗବେଷଣା ରିପୋର୍ଟରେ ମନା କରାଯାଇଛି।

ଉପହାରରେ କେବେ ବି  ଦିଅନ୍ତୁନି ରୁମାଲ୍‌...

ଉପହାରରେ କେବେ ବି ଦିଅନ୍ତୁନି ରୁମାଲ୍‌...

ଉପହାର ଦେବା ସମୟରେ ସର୍ତକ ରହିବା ଆବଶ୍ୟକ। କାରଣ ଏଭଳି ଉପହାର ଅଛି ଯାହାକୁ ଉପହାର ଦେଉଥିବା ଏବଂ ଗ୍ରହଣ କରୁଥିବା ବ୍ୟକ୍ତିଙ୍କ ଉପରେ ନକାରାତ୍ମକ ପ୍ରଭାବ ପକାଇଥାଏ। ତେଣୁ ଉପହାର ଦେବା ସମୟରେ ସତର୍କ ହେବା ଜରୁରୀ। ତେବେ ଏହି ଉପହାର ସମ୍ପର୍କରେ ଜ୍ୟୋତିଷ ଶାସ୍ତ୍ର ତଥା ବାସ୍ତୁ ଶାସ୍ତ୍ରରେ ଉଲ୍ଲେଖ ରହିଛି।

ନିଜ ରକ୍ତରେ ପ୍ରସ୍ତୁତ ମଶ୍ଚରାଇଜର, କ୍ରିମ୍‌ ବ୍ୟବହାର କରନ୍ତି ଏହି ଲୋକପ୍ରିୟ ସେଲିବ୍ରିଟି

ନିଜ ରକ୍ତରେ ପ୍ରସ୍ତୁତ ମଶ୍ଚରାଇଜର, କ୍ରିମ୍‌ ବ୍ୟବହାର କରନ୍ତି ଏହି ଲୋକପ୍ରିୟ ସେଲିବ୍ରିଟି

ପ୍ରକୃତ ବୟସର ଛାପ ଲୁଚାଇବା ଲାଗି ଆଜିକାଲିର ଯୁବତୀ ବିଭିନ୍ନ ଉପାୟ ଅବଲମ୍ବନ କରିଥାନ୍ତି। ତେବେ ପ୍ରସାଧନ ସାମଗ୍ରୀ କିଣିବା ହେଉ ଅଥବା ପାର୍ଲର ଯାଇ କିଛି ଚିକିତ୍ସା ଗ୍ରହଣ କରିବା, ଏହା ଏବେ ମାମୁଲି ଘଟଣା ପାଲଟିଲାଣି। 

ଫୁଟବଲ ତାରକା ବେକହମ୍‌ଙ୍କ କୁକୁର ଘୋଡ଼େଇ ହୁଏ ସାଢ଼େ ୪ ଲକ୍ଷ ଟଙ୍କାର କମ୍ବଳ

ଫୁଟବଲ ତାରକା ବେକହମ୍‌ଙ୍କ କୁକୁର ଘୋଡ଼େଇ ହୁଏ ସାଢ଼େ ୪ ଲକ୍ଷ ଟଙ୍କାର କମ୍ବଳ

ଶୀତଦିନେ କମ୍ବଳ ଘୋଡ଼ାଇ ହୋଇ ଶୋଇବାକୁ କିଏ ବା ଭଲ ନ ପାଏ। ଶୀତଦିନ ଆରମ୍ଭ ହେବା ପୂର୍ବରୁ ଅନେକ ଏ ନେଇ ପ୍ରସ୍ତୁତି ଆରମ୍ଭ କରିଦେଇଥାନ୍ତି। ଶୀତବସ୍ତ୍ର ସହ ଭଲ କମ୍ବଳ କିଣାଯାଇଥାଏ। ବଜାରରେ ମଧ୍ୟ ବିଭିନ୍ନ ଦାମ୍‌ର କମ୍ବଳ ଉପଲବ୍ଧ ହୁଏ।

ହଜାରେ କୋଟିଙ୍କ ପାଇଁ ଖାଦ୍ୟ ସମସ୍ୟା

ହଜାରେ କୋଟିଙ୍କ ପାଇଁ ଖାଦ୍ୟ ସମସ୍ୟା

ନୂଆଦିଲ୍ଲୀ: ୨୦୫୦ ସୁଦ୍ଧା ବିଶ୍ୱର ୧୦୦୦କୋଟି ଲୋକଙ୍କ ପାଇଁ ଖାଦ୍ୟ ସମସ୍ୟା ସୃଷ୍ଟି ହେବ। ମାନବ ଜଗତ ପାଇଁ ଏହା ଏକ ମୁଖ୍ୟ ସମସ୍ୟା ହୋଇଥିବାବେଳେ ଏହାର ସମାଧାନ ପାଇଁ ବୈଜ୍ଞାନିକମାନେ ଏକ ସମାଧାନର ବାଟ ପାଇଥିବା ଦାବି କରନ୍ତି। ସେମାନଙ୍କ କହିବାନୁଯାୟୀ, ଖାଦ୍ୟ ଉତ୍ପାଦନ ପାଇଁ ପୃଥିବୀର ପରିସର ସୀମିତ।

ଫିଲ୍ମ ସଂଗ୍ରହାଳୟ ଲୋକାର୍ପଣ କରିବେ ପ୍ରଧାନମନ୍ତ୍ରୀ

ଫିଲ୍ମ ସଂଗ୍ରହାଳୟ ଲୋକାର୍ପଣ କରିବେ ପ୍ରଧାନମନ୍ତ୍ରୀ

ମୁମ୍ବାଇ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ନ୍ୟାଶନାଲ ମ୍ୟୁଜିୟମ ଅଫ୍‌ ଇଣ୍ଡିଆନ ସିନେମା (ଏନ୍‌ଏମ୍‌ଆଇସି) ଉଦ୍‌ଘାଟନ କରିବେ। ଦେଶର ଫିଲ୍ମ ରାଜଧାନୀରେ ପ୍ରତିଷ୍ଠିତ ଊନବିଂଶ ଶତାବ୍ଦୀର ଐତିହାସିକ ବଙ୍ଗଳା ଏବଂ ଆଧୁନିକ ଭବନ ଉଦ୍‌ଘାଟିତ ହେବ। ଉଦ୍‌ଘାଟନୀ ଉତ୍ସବରେ ଅମିତାଭ ବଚ୍ଚନ, ଅକ୍ଷୟ କୁମାର, ସଲମାନ୍‌ ଖାନ୍‌, ଏ.ଆର. ରହମନ୍‌, ଡାଭିଡ ଧାଓ୍ବନ, ରୋହିତ ଶେଟ୍ଟୀ, ଓ୍ବାହିଦା ରହମନ୍‌, ଜିତେନ୍ଦ୍ର କପୁର, ଆଶା ପରେଖ, ରବିନା ଟଣ୍ଡନ, ପଙ୍କଜ କପୁର, ରାକେଶ ମେହରା ଏବଂ ଅନ୍ୟମାନେ ଯୋଗଦେବା କାର୍ଯ୍ୟକ୍ରମ ରହିଛି।

ଏହି ରାଶିର ବ୍ୟକ୍ତି ଜୀବନରେ ହୁଅନ୍ତି କୋଟିପତି...

ଏହି ରାଶିର ବ୍ୟକ୍ତି ଜୀବନରେ ହୁଅନ୍ତି କୋଟିପତି...

ଅନେକ କମ୍‌ ପରିଶ୍ରମରେ ଧନ ଲାଭ କରୁଥିବାବେଳେ କେତେକଙ୍କୁ ଏଥିଲାଗି ଦିନରାତି ପରିଶ୍ରମ କରିବାକୁ ପଡ଼ିଥାଏ। ଧନ ପ୍ରତି ସମସ୍ତଙ୍କର ରହିଥାଏ ଲୋଭ। ତେବେ ଜ୍ୟୋତିଷ ଶାସ୍ତ୍ରରେ କେତେକ ନିଦ୍ଦିଷ୍ଟ ରାଶିର ଲୋକ ସୌଭାଗ୍ୟଶାଳୀ ହୋଇଥାନ୍ତି ବୋଲି ଉଲ୍ଲେଖ ଅଛି।

ପ୍ରେମୀ ଯୁଗଳଙ୍କୁ ଓ୍ବେବସାଇଟ୍‌ ଯୋଗାଇ ଦେଉଛି ସୁରକ୍ଷିତ ରୁମ୍‌

ପ୍ରେମୀ ଯୁଗଳଙ୍କୁ ଓ୍ବେବସାଇଟ୍‌ ଯୋଗାଇ ଦେଉଛି ସୁରକ୍ଷିତ ରୁମ୍‌

ପ୍ରେମୀ ଯୁଗଳଙ୍କୁ ଏକାଠି ରହିବାରେ ରହିଛି ଅନେକ କାଇଦା କଟକଣା। ଏମାନଙ୍କ ଉପରେ ଥାଏ ପୋଲିସର କଡା ନଜର। ହେଲେ ଏବେ ଏହି ପ୍ରେମୀ ଯୁଗଳଙ୍କୁ  ସୁରକ୍ଷିତ ରୁମ୍‌ ଯୋଗାଇ ଦେଉଛି Stay uncle ନାମକ ଏକ ଓ୍ବେବ ସାଇଟ୍‌।

ଏଠି ବିଲେଇଙ୍କ ପାଇଁ ଚାଲିଲା ସ୍ବତନ୍ତ୍ର ଟ୍ରେନ୍‌

ଏଠି ବିଲେଇଙ୍କ ପାଇଁ ଚାଲିଲା ସ୍ବତନ୍ତ୍ର ଟ୍ରେନ୍‌

ଜାପାନର ଲୋକେ ବିଲେଇକୁ ଅଧିକ ପସନ୍ଦ କରନ୍ତି। ଏଠାରେ ପ୍ରାୟ ପ୍ରତ୍ୟେକ ଲୋକଙ୍କ ପାଖରେ ବିଲେଇ ରଖିଥାଆନ୍ତି। ନିକଟରେ ଏହି ବିଲେଇଙ୍କ ପାଇଁ ଚାଲିଥିଲା ଏକ ସ୍ବତନ୍ତ୍ର ଟ୍ରେନ୍‌। ଏହାର ଉଦ୍ଦେଶ୍ୟ ଥିଲା ଏମାନଙ୍କୁ ସୁରକ୍ଷା ଦେବା ଓ ଏମାନଙ୍କର ବଂଶ ବୃଦ୍ଧି କରିବା।

ଏ ବୟସରେ କାହିଁକି ଆଖିରୁ ହଜେ ନିଦ...

ଏ ବୟସରେ କାହିଁକି ଆଖିରୁ ହଜେ ନିଦ...

ଜୀବନର ଏକ ନିର୍ଦ୍ଦିଷ୍ଟ ବୟସରେ ମଣିଷ ମନରେ ବିପରୀତ ଲିଙ୍ଗଙ୍କ ପ୍ରତି ସୃଷ୍ଟି ହୋଇଥାଏ ଆକର୍ଷଣ। ସେହି ନିର୍ଦ୍ଦିଷ୍ଟ ବୟସ ପୂର୍ବରୁ କିମ୍ବା ପରେ ବିପରୀତ ଲିଙ୍ଗଙ୍କ ସହିତ ମିଳନ ପାଇଁ ସେତେଟା ଉନ୍ମାଦନା ମନରେ ଆସି ନ ଥାଏ । ସାମାଜିକ ଶାସ୍ତ୍ରରେ ଉଲ୍ଲେଖ ଅଛି ୧୪ ବର୍ଷଠାରୁ କିଶୋରୀ କିଶୋର ଖୋଜି ବସିଥାନ୍ତି ସାଥୀକୁ।