ଜୀବନଚର୍ଯ୍ୟା |

ଡାଇବେଟିସ୍‌ ନିୟନ୍ତ୍ରଣ କରିପାରେ ଅଲିଭ୍‌ ତେଲ

ଡାଇବେଟିସ୍‌ ନିୟନ୍ତ୍ରଣ କରିପାରେ ଅଲିଭ୍‌ ତେଲ
ନ୍ୟୁୟର୍କ: ବୈଜ୍ଞାନିକମାନେ ଅଲିଭ୍‌ ତେଲରେ ଏକ ଯୌଗିକ ଚିହ୍ନଟ କରିଛନ୍ତି। ଏହା ଇନ୍‌ସୁଲିନ୍‌ ଝରାଇବାରେ ସହାୟକ ହେବା ସହିତ ଡାଇବେଟିସ୍‌କୁ ନିୟନ୍ତ୍ରଣ କରିପାରିବ। ଏହାଦ୍ୱାରା କମ୍‌ ଖର୍ଚ୍ଚରେ ଏହି ଦୁରାରୋଗ୍ୟ ବ୍ୟାଧିକୁ ନିରାକରଣ କରାଯାଇପାରିବ ବୋଲି ଗବେଷକମାନେ ଆଶାବାଦୀ ଅଛନ୍ତି। ଅଲିଭ୍‌ର ପ୍ରାକୃତିକ ଉତ୍ପାଦ ଅଲିଭ୍‌ ତେଲ ଭୂମଧ୍ୟସାଗରୀୟ ଅଞ୍ଚଳରେ ଖାଦ୍ୟ ଉପାଦାନ ରୂପେ ଦୀର୍ଘଦିନରୁ ପରିଚିତ ହୋଇ ଆସିଛି। ଆମେରିକାର ଭର୍ଜିନିଆ ପଲିଟେକ୍‌ନିକ୍‌ ଇନ୍‌ଷ୍ଟିଚ୍ୟୁଟ୍‌ ଓ ଷ୍ଟେଟ୍‌ ୟୁନିଭର୍ସିଟି (ଭର୍ଜିନିଆ ଟେକ୍‌)ର ଗବେଷକମାନେ ଜାଣିବାକୁ ପାଇଛନ୍ତି, ଅଲିଭ୍‌ ତେଲରେ ଥିବା ଯୌଗିକ ଓଲେଉରୋପିନ୍‌ ଅଗ୍ନ୍ୟାଶୟରେ ଅଧିକ ଇନ୍‌ସୁଲିନ୍‌ ଝରାଇବାରେ ସହାୟକ ହୁଏ। ଇନ୍‌ସୁଲିନ୍‌ ହେଉଛି ଏକ ଗୁରୁତ୍ୱପୂର୍ଣ୍ଣ ମଲିକ୍ୟୁଲ୍‌। ଏହା ମେଟାବୋଲିଜିମ୍‌(ଶରୀର ବୃଦ୍ଧିକାରୀ ଓ ଶକ୍ତିଦାୟକ ସମସ୍ତ ରାସାୟନିକ ପ୍ରକ୍ରିୟା ବା ବିପାକ କ୍ରିୟା)କୁ ନିୟନ୍ତ୍ରଣ କରେ। ଏହି ଯୌଗିକ ମଧ୍ୟ ଆଉ ଏକ ମଲିକ୍ୟୁଲ୍‌ ଆମିଲିନ୍‌କୁ ନିୟନ୍ତ୍ରଣ କରେ। ଟାଇପ୍‌ ୨ ଡାଇବେଟିସ୍‌ରେ ଅଧିକ ମାତ୍ରାରେ କ୍ଷତିକାରକ ଆମିଲିନ୍‌ ମଲିକ୍ୟୁଲ୍‌ ସୃଷ୍ଟି ହୋଇଥାଏ। ଏହି ଦୁଇଟି ମଲିକ୍ୟୁଲ୍‌କୁ ଓଲେଉରୋପିନ୍‌ ଡାଇବେଟିସ ନିୟନ୍ତ୍ରଣ କରିପାରିଥାଏ ବୋଲି ଗବେଷକମାନେ କହିଛନ୍ତି। ଏ ସମ୍ପର୍କରେ ଭର୍ଜିନିଆ ଟେକ୍‌ର ସହକାରୀ ପ୍ରଫେସର ବିନ୍‌ ଜୁ କହନ୍ତି, ଅଲିଭ୍‌ ଉତ୍ପାଦ ଡାଇବେଟିସ୍‌ ନିରୋଧୀ ଭାବରେ କାହିଁକି କାର୍ଯ୍ୟ କରେ ବୋଲି ଦୀର୍ଘଦିନରୁ ଯେଉଁ ପ୍ରଶ୍ନ ଉଠିଥିଲା, ଆମ ଗବେଷଣା ତାହାର ଯଥାର୍ଥ ଉତ୍ତର ଦେଇପାରିଛି। ସେ କହନ୍ତି, ଏହା କେବଳ ଜୈବରସାୟନ କ୍ଷେତ୍ରରେ ସହାୟକ ହେବନାହିଁ ବରଂ ସାମୂହିକ ଜନକଲ୍ୟାଣ ଦିଗରେ ଏହା ଉପକାରୀ ସାବ୍ୟସ୍ତ ହେବ। ବର୍ତ୍ତମାନ ଡାଇବେଟିସ୍‌ ମହାମାରୀ ରୂପ ନେଇଥିବାରୁ ଅଲିଭ୍‌ ଉତ୍ପାଦ ଉପରେ ଅଧିକ ଗୁରୁତ୍ୱ ଦିଆଯିବା ଆବଶ୍ୟକ ବୋଲି ଜୁ ପରାମର୍ଶ ଦେଇଛନ୍ତି। ଏ ସମ୍ପର୍କିତ ବିସ୍ତୃତ ଅଧ୍ୟୟନ ବାୟୋକେମିଷ୍ଟ୍ରି ପତ୍ରିକାରେ ପ୍ରକାଶ ପାଇଛି।
All Right Reserved By

ଜୀବନଚର୍ଯ୍ୟା |

ଖାଦ୍ୟ ଶେଷରେ ଗୁଡ଼, କ’ଣ ମିଳେ ଫାଇଦା...

ଖାଦ୍ୟ ଶେଷରେ ଗୁଡ଼, କ’ଣ ମିଳେ ଫାଇଦା...

ଗୁଡ଼ ଅନେକ ପୋଷକ ତତ୍ତ୍ୱରେ ଭରପୁର। ପ୍ରତିଦିନ ଖାଇସାରିବା ପରେ ଅଭ୍ୟାସ କରି ଫାଳେ ଗୁଡ଼ ଖାଇଲେ ମିଳିଥାଏ ଅନେକ ଫାଇଦା। 

ଓଜନ କମ କରିବ ଜିରା ପାଣି

ଓଜନ କମ କରିବ ଜିରା ପାଣି

ଜିରା ଯେପରି ଖାଦ୍ୟର ସ୍ବାଦ ବଢାଇଥାଏ ସେହିପରି ଦେହପାଇଁ ମଧ୍ୟ ଉପକାରୀ ହୋଇଥାଏ।   ଶରୀରର ଓଜନ କମାଇବାରେ ଜିରାର ଗୁରୁତ୍ୱପୂର୍ଣ୍ଣ ଭୂମିକା ରହିଛି। ସକାଳୁ ଖାଲିପେଟରେ ଜିରାପାଣି ପଇବା ଦ୍ୱାରା ଓଜନ କମ୍‌ହୋଇଥାଏ। ଆପଣ ଯଦି ଏହି ସମସ୍ୟାର ସମାଧାନ କରିବାକୁ ଚାହାନ୍ତି ତେବେ ଜିରାପାଣିକୁ ନିୟମିତ ସକାଳେ ପିଅନ୍ତୁୁ।

ସକାରାତ୍ମକ ଚିନ୍ତାଧାରା  ବଢ଼ାଏ ଭିଡିଓଗେମ୍‌

ସକାରାତ୍ମକ ଚିନ୍ତାଧାରା ବଢ଼ାଏ ଭିଡିଓଗେମ୍‌

ସାଧାରଣତଃ ଛୋଟ ପିଲାମାନେ ଭିଡିଓଗେମ୍‌ ଖେଳିବାକୁ ପସନ୍ଦ କରିଥାଆନ୍ତି। କେତେକଙ୍କର ଏହା ଏକ ଅଭ୍ୟାସରେ ପରିଣତ ହୋଇଯାଇଥାଏ। 

ସୁସ୍ଥ ରହିବ ହୃତ୍‌ପିଣ୍ଡ

ସୁସ୍ଥ ରହିବ ହୃତ୍‌ପିଣ୍ଡ

ଆଜିକାଲି ହୃଦ୍‌ରୋଗ ଏକ ସାଧାରଣ ସମସ୍ୟା ପାଲଟି ଗଲାଣି ବୋଲି କହିଲେ ଅତ୍ୟୁକ୍ତି ହେବ ନାହିଁ। ହୃତପିଣ୍ଡ (ହାର୍ଟ)କୁ ସୁସ୍ଥ ତଥା ନୀରୋଗ ରଖିବା ପାଇଁ ନିମ୍ନୋକ୍ତ  ଟିପ୍ସ ଆପଣେଇ ପାରନ୍ତି...

ବ୍ୟାକ୍ଟେରିଆକୁ  ପ୍ରତିରୋଧ କରିବ ଲାଳ

ବ୍ୟାକ୍ଟେରିଆକୁ ପ୍ରତିରୋଧ କରିବ ଲାଳ

ପାଟି ଭିତରେ ଥିବା ଲାଳ ଅନେକ ସମୟରେ ଆମ ଶରୀର ପାଇଁ ଉପକାରୀ ସାବ୍ୟସ୍ତ ହୋଇଥାଏ। ଏହି ତାଲିକାରେ ଆଉ ଏକ କଥାକୁ ସାମିଲ କରାଯାଇଛି। 

ଔଷଧ: କିଛି କଥା

ଔଷଧ: କିଛି କଥା

ଆମକୁ କୌଣସି ରୋଗ ହେଲେ ଆମେ ବିଳମ୍ବ ନ କରି ଡାକ୍ତରଙ୍କ ସହ ପରାମର୍ଶ କରି ଔଷଧ ଖାଇଥାଉ। ଆରୋଗ୍ୟ ଲାଭ କରିବା ପରେ କେତେକ ମନକୁ ମନ ଔଷଧ ଖାଇବା ବନ୍ଦ କରିଦିଅନ୍ତି।

ମାନସିକ ସ୍ବାସ୍ଥ୍ୟ ଓ ଯୁବପିଢ଼ି

ମାନସିକ ସ୍ବାସ୍ଥ୍ୟ ଓ ଯୁବପିଢ଼ି

”ପ୍ରତି ୪ ଜଣରେ ଜଣେ ମାନସିକସ୍ତରରେ କୌଣସି ପ୍ରକାରର ଅସୁସ୍ଥ ଥାଆନ୍ତି। ଆକଳନ ଅନୁଯାୟୀ, ସାରା ପୃଥିବୀରେ ୫୦କୋଟି ଲୋକ ମାନସିକ ରୋଗର ଶିକାର ହୋଇଥାଆନ୍ତି। ଏହାମଧ୍ୟରୁ ୧୫କୋଟି ଲୋକ ‘ମାନସିକ ବିଷାଦ’ ବା ଡିପ୍ରେସନ୍‌ ରୋଗରେ ପୀଡ଼ିତ ଓ ଏହି ୧୫ କୋଟି ଲୋକଙ୍କ ମଧ୍ୟରେ ଯୁବବର୍ଗଙ୍କ ସଂଖ୍ୟା ଅଧିକ। ଅନ୍ୟ ରୋଗଗୁଡ଼ିକର ଚିକିତ୍ସା ସୁବିଧା ପରି ‘ମାନସିକ ରୋଗର ଚିକିତ୍ସା’ ସବୁ ସ୍ଥାନରେ ଉପଲବ୍ଧ ନୁହେଁ।“

ବିବର୍ତ୍ତନର ଅନୁକରଣ

ବିବର୍ତ୍ତନର ଅନୁକରଣ

”ଗୋଟିଏ ଜୀବଜାତିଠାରେ ଜୈବିକ ପରିବର୍ତ୍ତନ ହେତୁ ନୂତନ ଜୀବଜାତିର ସୃଷ୍ଟି ସମ୍ଭବ ହୋଇଥାଏ। ଏହି ପରିବର୍ତ୍ତନ ମୁଖ୍ୟତଃ ଜିନୀୟ ଧ୍ରୁବୀକରଣ ଫଳରେ ଘଟୁଥିବାର ଏବେ ସଚରାଚର ବିଶ୍ୱାସ କରାଯାଉଛି। ତେବେ, ତାହା ଘଟୁଥିଲା ପ୍ରାକୃତିକ ରୂପେ। ଏହି ଚିନ୍ତାଧାରାକୁ ଆଧାରକରି ବିଜ୍ଞାନାଗାରରେ ତାହାର ଅନୁକରଣ କରିବା ଏବଂ ତାହାକୁ ମାନବ ଜାତିର କଲ୍ୟାଣରେ ଲଗାଇବାର ପଥ ଉନ୍ମୁକ୍ତକରିବା ହେତୁ ଚଳିତ ୨୦୧୮ ମସିହାରେ ରସାୟନ ବିଜ୍ଞାନରେ ନୋବେଲ ପୁରସ୍କାର ପାଇଛନ୍ତି ତିନିଜଣ କୃତବିଦ୍ୟ ରସାୟନ ବିଜ୍ଞାନୀ- ଆମେରିକାର ଫ୍ରାନ୍‌ସେସ୍‌ ଏଚ୍‌. ଆର୍‌ନୋଲ୍ଡ  ଓ  ଜର୍ଜ ପି. ସ୍ମିଥ୍‌ ଏବଂ ଇଂଲଣ୍ଡର ସାର୍‌ ଗ୍ରେଗୋରି ପି. ଉଇଣ୍ଟର।“

ସକାଳେ ଖାଇଲେ ଖାଇବା ସୋଡ଼ା  କ’ଣ  ମିଳିବ ଉପକାର...

ସକାଳେ ଖାଇଲେ ଖାଇବା ସୋଡ଼ା କ’ଣ ମିଳିବ ଉପକାର...

ଶରୀରକୁ ସୁସ୍ଥ ରଖିବା ପାଇଁ ପାକସ୍ଥଳୀରେ ଥିବା ଏସିଡ୍‌ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ତେବେ ବେଳେବେଳେ କୌଣସି କାରଣରୁ ଏହା ସ୍ବାଭାବିକ ଭାବେ କାମ କରିନ ଥାଏ।

ଶୋଇବାର ୨ ଘଣ୍ଟା ପୂର୍ବରୁ କରନ୍ତୁ ଭୋଜନ...

ଶୋଇବାର ୨ ଘଣ୍ଟା ପୂର୍ବରୁ କରନ୍ତୁ ଭୋଜନ...

ଶୋଇବା ଏବଂ ଭୋଜନ ସମୟ ମଧ୍ୟରେ କିଛି ପାର୍ଥକ୍ୟ ରହିବାର ଆବଶ୍ୟକ। ସେନେଇ ଆୟୁର୍ବେଦରେ ପରାମର୍ଶ ଦିଆଯାଇଛି। ଏଥିରେ ଅନିୟମିତତା ହେଲେ ବ୍ରେଷ୍ଟ ଓ ପ୍ରୋଷ୍ଟେଟ୍‌ କ୍ୟାନସର ହେବାର ଆଶଙ୍କା ରହିଥାଏ। ପ୍ରାତଃଭୋଜନ, ମଧ୍ୟାହ୍ନ ଭୋଜନ ଓ ରାତ୍ର ଭୋଜନ ଗ୍ରହଣ ସମୟରେ ନିୟନ୍ତ୍ରଣ ଅଣାଗଲେ ଅନେକ ରୋଗରୁ ମିଳିଥାଏ ମୁକ୍ତି। ତେବେ ମଧ୍ୟାହ୍ନ ଓ ରାତ୍ର ଭୋଜନ ପରେ ସ୍ନାକ୍ସ ଖାଇବାକୁ ଆୟୁର୍ବେଦରେ ବାରଣ କରାଯାଇଛି। ଖାଦ୍ୟ ଖାଇବାର ୨ ଘଣ୍ଟା ପରେ ଶୋଇଲେ ଖାଦ୍ୟ ଅଧା ହଜମ ଅବସ୍ଥାକୁ ଆସିଯାଇଥାଏ। ଏହାପରେ ଶୋଇଲେ ସ୍ବାସ୍ଥ୍ୟ ପାଇଁ ଭଲ। ଏପରି କଲେ ମେଦବହୁଳତା ମିଳିଥାଏ ମୁକ୍ତି। ସେହିପରି ରକ୍ତଶର୍କରା ଓ କୋଲେଷ୍ଟରଲସ୍ତର ମଧ୍ୟ ସ୍ବାଭାବିକ ହୋଇଥାଏ ବୋଲି ଆୟୁର୍ବେଦରେ ଉଲ୍ଲେଖ ରହିଛି।

ନିରାମିଷ ମାଛ

ନିରାମିଷ ମାଛ

ଲଣ୍ଡନର ଏକ ରେଷ୍ଟୁରାଣ୍ଟରେ ନିରାମିଷ ମାଛ ମିଳୁଛି। ଯାହାର ସ୍ବାଦ ଚାଖିବା ପାଇଁ ଗ୍ରାହକଙ୍କ ଭିଡ଼ ଦେଖିବାକୁ ମିଳୁଛି। ଲଣ୍ଡନର ଡାନିଏଲ ସଟନ ନାମକ ଜଣେ ବ୍ୟକ୍ତି ଏହି ରେଷ୍ଟୁରାଣ୍ଟ ଆରମ୍ଭ କରିଥିଲେ। ନିରାମିଷ ଲୋକଙ୍କ ଚାହିଦା ପୂରଣ କରିବା ପାଇଁ ସେ ମାଛ କଦଳୀ ଫୁଲ ଓ ସାମୁଦ୍ରିକ ବୃକ୍ଷ ସୋଫାମାୟାର ବ୍ୟବହାର କରି ତିଆରି କରିଥିଲେ ଏହି ଖାଦ୍ୟ। ଏହାର ସ୍ବାଦ ମାଛ ଭଳି ଲାଗିଥାଏ। ରେଷ୍ଟୁରାଣ୍ଟ୍‌ରେ ପ୍ରସ୍ତୁତ ଏହି ଖାଦ୍ୟକୁ ନେଇ ଏବେ ସୋସିଆଲ୍‌ ମିଡ଼ଆରେ ଜାରି ରହିଛି ଚର୍ଚ୍ଚା।

କିଡ୍‌ନୀ ଷ୍ଟୋନ୍‌ରୁ  ଦୂରେଇ ରହିବା ଲାଗି ଆପଣାଇ ପାରିବେ ଏହି ଘରୋଇ ଉପାୟ...

କିଡ୍‌ନୀ ଷ୍ଟୋନ୍‌ରୁ ଦୂରେଇ ରହିବା ଲାଗି ଆପଣାଇ ପାରିବେ ଏହି ଘରୋଇ ଉପାୟ...

ପରିବର୍ତ୍ତିତ ଜୀବନ ଶୈଳୀ ତଥା ଖାଦ୍ୟ ଗ୍ରହଣରେ ଅନିୟମିତତା ଯୋଗୁ ଏବେ କେତେକଙ୍କଠାରେ  କିଡ୍‌ନୀ ଷ୍ଟୋନ୍‌ ହେଉଥିବାର ଦେଖିବାକୁ ମିଳୁଛି। ଏଥିରୁ ଦୂରେଇ ରହିବା ପାଇଁ ଆୟୁର୍ବେଦରେ ଅନେକ ପରାମର୍ଶ ଦିଆଯାଇଛି।