ରାଜ୍ୟ | ଉପକୂଳ ଓଡିଶା

ଦିନକର କାହାଣୀ:ମତ୍ସ୍ୟଜୀବୀ ଜି. ରାମବାବୁ

ଦିନକର କାହାଣୀ:ମତ୍ସ୍ୟଜୀବୀ ଜି. ରାମବାବୁ
ପାରାଦୀପ,୨୫।୪(ସ୍ବ.ପ୍ର.): ଜି. ରାମବାବୁ। ବୟସ ୬୦ ପାର ହୋଇଗଲାଣି। ପୈତୃକ ଘର ଆନ୍ଧ୍ର ପ୍ରଦେଶରେ। ୩୦ ବର୍ଷ ହେଲା ପାରାଦୀପ ନୂଆବଜାର ନୋଳିଆପଡ଼ାରେ ପରିବାର ସହ ରହି ପାରମ୍ପରିକ ମତ୍ସ୍ୟଜୀବୀ ଭାବେ ଜୀବିକା ନିର୍ବାହ କରୁଛନ୍ତି। ଖଣ୍ଡି ଓଡ଼ିଆରେ ସେ କଥା ହେଉଛନ୍ତି। ଏବେ ୨ ମାସ ସମୁଦ୍ରରେ ମାଛଧରା ବନ୍ଦ ଥିବାରୁ ଜାଲ ବୁଣିବାରେ ସେ ବ୍ୟସ୍ତ ଅଛନ୍ତି। ମଙ୍ଗଳବାର ଦି’ପହରେ ଏକ ବଡ଼ ଗଛ ମୂଳେ ବସି ସେ ଜାଲ ବୁଣୁଥିଲେ। ତାଙ୍କ ସହ ଆଉ ୭ଜଣ ମତ୍ସ୍ୟଜୀବୀ ଥିଲେ ମଧ୍ୟ ରାମବାବୁ ସମସ୍ତଙ୍କଠାରୁ ଅଧିକ ଚଳଚଞ୍ଚଳ ଲାଗୁଥିଲେ। ନିଜର ଦୈନିକ ଜୀବନଶୈଳୀ ସମ୍ପର୍କରେ ସେ କୁହନ୍ତି ଯେ, ସମୁଦ୍ର ହେଉଛି ତାଙ୍କ ଭାତ ହାଣ୍ଡି। ନିଜ ଯୌବନ ସେ ସମୁଦ୍ର ଭିତରେ କଟାଇ ଦେଇଛନ୍ତି। ଜାଲ, ଡଙ୍ଗା, ମାଛ ଓ ସମୁଦ୍ର ସହ ତାଙ୍କର ନିବିଡ଼ ସମ୍ପର୍କ। ସମୁଦ୍ରରୁ ମାଛଧରି ଆଣିଲେ ପରିବାର ପ୍ରତିପୋଷଣ ହୁଏ। ୩୦ ବର୍ଷ ତଳେ ତାଙ୍କ ସମ୍ପ୍ରଦାୟର ଜଣେ ଲୋକ ସହ ପାରାଦୀପ ଆସିଥିଲେ। ସମୁଦ୍ରରେ ଢ଼େଉ ପ୍ରତିରୋଧ କରି ଜାଲ ପକାଇବା ଓ ଉଠାଇବା ଆଦି କୌଶଳ ସେ ଅନ୍ୟର ଡଙ୍ଗାରେ କାମ କରି ଶିଖିଥିଲେ। ପାଣିର ଫେଣ ଓ ସ୍ରୋତ ଅନୁସାରେ ମାଛର ଗତିବିଧି ଅନୁଧ୍ୟାନ କରିବାକୁ ହୋଇଥାଏ। ସେତେବେଳେ ଏକ ନୋଳିଆ ଡଙ୍ଗାରେ ୨ରୁ ୪ ଘଣ୍ଟା ପରିଶ୍ରମ କଲେ ଡଙ୍ଗା ଭର୍ତ୍ତି ମାଛ ମିଳୁଥିଲା। କିନ୍ତୁ ୧୯୯୫ ପରଠାରୁ ଆଉ ଆଗଭଳି ମାଛ ମିଳୁନି। ଭୋର ୩ଟାରୁ ଉଠି ସେ ଜାଲ ଓ ଆନୁସଙ୍ଗିକ ସାମଗ୍ରୀ ଧରି ସମୁଦ୍ରକୁ ମାଛ ମାରିବାକୁ ଯାଆନ୍ତି। ଅପରାହ୍ନ ୩ଟା ସୁଦ୍ଧା ମାଛ ଧରି ଫେରିଆସନ୍ତି। ଗଦିରେ ମାଛ ବିକି ଟଙ୍କା ନେଇ ଘରକୁ ଫେରିବା ବେଳକୁ ରାତି ହୋଇଯାଏ। ବର୍ତ୍ତମାନ ଏପ୍ରିଲ ୧୫ରୁ ଜୁନ୍‌ ୧୫ ଦୁଇ ମାସ ମାଛଧରା ବନ୍ଦ ଥିବାରୁ ଡଙ୍ଗା ସଜାଡ଼ିବା ଓ ଜାଲ ବୁଣିବାରେ ତାଙ୍କର ସମୟ କଟୁଛି। ଏବେ ତାଙ୍କ ନିଜର ଡଙ୍ଗା ଅଛି। ମାଛ ମାରିବା ଓ ଜାଲ ବୁଣିବା ଆଦି କାର୍ଯ୍ୟରେ ତାଙ୍କ ଦୁଇ ପୁଅ ଜି. ଆପୋଲକନ୍ଦୁ ଓ ଜି.ରାମକନ୍ଦୁ ସହଯୋଗ କରୁଛନ୍ତି। ଘର ଆନ୍ଧ୍ର ପ୍ରଦେଶ ହୋଇଥିଲେ ମଧ୍ୟ ଓଡ଼ିଶାର ଖାଦ୍ୟପେୟ ସହ ସେ ନିଜକୁ ଚଳେଇ ନେଲେଣି। ଦୁଇ ପୁଅଙ୍କ ବିବାହ ହୋଇସାରିଛି। ସ୍ତ୍ରୀ ଏମ୍‌.ଲକ୍ଷ୍ମୀଙ୍କ ହାତରନ୍ଧା ସବୁ ପ୍ରକାର ଖାଦ୍ୟ ତାଙ୍କର ପସନ୍ଦ ବୋଲି କୁହନ୍ତି ରାମବାବୁ। ଯେ ପର୍ଯ୍ୟନ୍ତ ସମୁଦ୍ର ଅଛି, ସେ ପର୍ଯ୍ୟନ୍ତ ଆମେ କୌଳିକ ବୃତ୍ତିରେ ରହିବୁ ବୋଲି ସେ କହିଛନ୍ତି।
All Right Reserved By

ରାଜ୍ୟ | ଉପକୂଳ ଓଡିଶା

ପୂର୍ବତନ ବିଧାୟକ ପ୍ରାର୍ଥୀଙ୍କୁ ନିର୍ମମ ହତ୍ୟା: ଅଭିଯୁକ୍ତଙ୍କୁ ଗିରଫ ଦାବିରେ ରାସ୍ତାରୋକୋ

ପୂର୍ବତନ ବିଧାୟକ ପ୍ରାର୍ଥୀଙ୍କୁ ନିର୍ମମ ହତ୍ୟା: ଅଭିଯୁକ୍ତଙ୍କୁ ଗିରଫ ଦାବିରେ ରାସ୍ତାରୋକୋ

କୋଳିମାଟି(ଡି.ଏନ.ଏ)/ଆନନ୍ଦପୁର(ସ୍ବ.ପ୍ର.),୨୬ା୦୩: କେନ୍ଦୁଝର ଜିଲା ଆନନ୍ଦପୁର ବ୍ଲକ ଘସିପୁରା ଥାନା ଅଧିନରେ ଧକୋଠା ବଜାରରେ ଘଟିଛି ଏକ ଅଭାବନୀୟ ଘଟଣା।

ଯୁବ ଆଇନଜୀବୀଙ୍କୁ ଷ୍ଟାଇପେଣ୍ଡ ପ୍ରଦାନ ମାମଲା  ପଦକ୍ଷେପ ନେବାକୁ ସରକାରଙ୍କୁ ନିର୍ଦ୍ଦେଶ

ଯୁବ ଆଇନଜୀବୀଙ୍କୁ ଷ୍ଟାଇପେଣ୍ଡ ପ୍ରଦାନ ମାମଲା ପଦକ୍ଷେପ ନେବାକୁ ସରକାରଙ୍କୁ ନିର୍ଦ୍ଦେଶ

କଟକ ଅଫିସ, ୨୫ା୩- ଯୁବ ଆଇନଜୀବୀଙ୍କୁ ଷ୍ଟାଇପେଣ୍ଡ ପ୍ରଦାନ ଉପରେ ୪ ମାସ ମଧ୍ୟରେ ପଦକ୍ଷେପ ଗ୍ରହଣ କରିବାକୁ ରାଜ୍ୟ ସରକାରଙ୍କୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ମୁଖ୍ୟ ବିଚାରପତି ଜଷ୍ଟିସ କେ.ଏସ୍‌. ଝାବେରୀ ଓ ବିଚାରପତି ଜଷ୍ଟିସ କେ.ଆର୍‌. ମହାପାତ୍ରଙ୍କୁ ନେଇ ଗଠିତ ଖଣ୍ଡପୀଠ ଆବେଦନକାରୀଙ୍କ ରିପ୍ରେଜେଣ୍ଟେଶନ ଆଧାରରେ ପଦକ୍ଷେପ ଗ୍ରହଣ କରିବାକୁ ଆଦେଶରେ ସ୍ପଷ୍ଟ କରିଛନ୍ତି।

ବିଜେପୁର ପାଇଁ ସନତଙ୍କୁ ପ୍ରାର୍ଥୀ କଲା ଭାଜପା

ବିଜେପୁର ପାଇଁ ସନତଙ୍କୁ ପ୍ରାର୍ଥୀ କଲା ଭାଜପା

ଭୁବନେଶ୍ୱର ୨୬/୩(ବ୍ୟୁରୋ):  ଆଗାମୀ ବିଧାନସଭା ନିର୍ବାଚନ ଲାଗି ବହୁ ଚର୍ଚ୍ଚିତ ବିଜେପୁର ଆସନ ପାଇଁ  ଭାଜପା ସୋମବାର  ରାତିରେ ପ୍ରାର୍ଥୀ ଘୋଷଣା କରିଛି।  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିରୋଧରେ ନିର୍ବାଚନ ଲଢ଼ିବେ ସନତ ଗଡ଼ତିଆ।

ନାଟମଣ୍ଡପ ମରାମତି ମାମଲା  ଆମିକସ୍‌ କ୍ୟୁରୀ ଦେବେ ସତ୍ୟପାଠ

ନାଟମଣ୍ଡପ ମରାମତି ମାମଲା ଆମିକସ୍‌ କ୍ୟୁରୀ ଦେବେ ସତ୍ୟପାଠ

କଟକ ଅଫିସ, ୨୬ା୩- ପୁରୀ ଶ୍ରୀମନ୍ଦିର ନାଟମଣ୍ଡପ ମରାମତି ମାମଲାର ଶୁଣାଣି ସୋମବାର ହାଇକୋର୍ଟରେ ହୋଇଥିଲା। ନାଟମଣ୍ଡପ ମରାମତି ଉପରେ ଭାରତୀୟ ପ୍ରତ୍ନତତ୍ତ୍ୱ ସର୍ବେକ୍ଷଣ ସଂସ୍ଥା(ଏଏସ୍‌ଆଇ) ପକ୍ଷରୁ ହାଇକୋର୍ଟରେ ଏକ ସତ୍ୟପାଠ ଦାଖଲ କରାଯାଇଥିଲା।

କୋଣାର୍କ ସୂର୍ଯ୍ୟମନ୍ଦିର ଅସୁରକ୍ଷିତ ମାମଲା  ମରାମତି ଅଗ୍ରଗତି ଉପରେ ରିପୋର୍ଟ ମାଗିଲେ ହାଇକୋର୍ଟ

କୋଣାର୍କ ସୂର୍ଯ୍ୟମନ୍ଦିର ଅସୁରକ୍ଷିତ ମାମଲା ମରାମତି ଅଗ୍ରଗତି ଉପରେ ରିପୋର୍ଟ ମାଗିଲେ ହାଇକୋର୍ଟ

କଟକ ଅଫିସ, ୨୬ା୩- କୋଣାର୍କ ସୂର୍ଯ୍ୟମନ୍ଦିର ମରାମତି ପାଇଁ ଭାରତୀୟ ପ୍ରନତ୍ତତ୍ତ୍ବ ସର୍ବେକ୍ଷଣ ସଂସ୍ଥା (ଏଏସ୍‌ଆଇ) ହାଇକୋର୍ଟଙ୍କୁ ୬ ମାସ ସମୟ ମାଗିଥିଲା। ଏହି ୬ ମାସ ମଧ୍ୟରେ ଦୁଇଟି ପର୍ଯ୍ୟାୟରେ ସୂର୍ଯ୍ୟମନ୍ଦିରର ମରାମତି କାର୍ଯ୍ୟ କିପରି କରାଯିବ ତାହାର ସବିଶେଷ ତଥ୍ୟ ଏଏସ୍‌ଆଇ ପକ୍ଷରୁ ପୂର୍ବରୁ ସତ୍ୟପାଠ ଆକାରରେ ହାଇକୋର୍ଟରେ ଦାଖଲ କରାଯାଇଥିଲା।

ବଲାଙ୍ଗୀର ପାର୍ସଲ ବୋମା ବିସ୍ଫୋରଣ ମାମଲା  ପୁଞ୍ଜିଲାଲଙ୍କ ଜାମିନ ଆବେଦନ ଖାରଜ

ବଲାଙ୍ଗୀର ପାର୍ସଲ ବୋମା ବିସ୍ଫୋରଣ ମାମଲା ପୁଞ୍ଜିଲାଲଙ୍କ ଜାମିନ ଆବେଦନ ଖାରଜ

କଟକ ଅଫିସ, ୨୬ା୩- ବଲାଙ୍ଗୀର ପାର୍ସଲ ବୋମା ବିସ୍ଫୋରଣ ଘଟଣାର ମୁଖ୍ୟ ଅଭିଯୁକ୍ତ ପୁଞ୍ଜିଲାଲ ମେହେରଙ୍କ ଜାମିନ ଆବେଦନ ସୋମବାର ହାଇକୋର୍ଟରେ ଖାରଜ ହୋଇଛି। ଅଭିଯୁକ୍ତଙ୍କ ବିରୋଧରେ ଥିବା ପ୍ରାଥମିକ ପ୍ରମାଣ ଓ ମାମଲାର ସମ୍ବେଦନଶୀଳତାକୁ ଆଧାର କରି ହାଇକୋର୍ଟ ୧୯ ପୃଷ୍ଠା ସମ୍ବଳିତ ଏହି ରାୟ ଦେଇଛନ୍ତି। 

ମହାପ୍ରଭୁଙ୍କ ଆଶୀର୍ବାଦ ନେଲେ ସମ୍ବିତ୍‌ ଆରମ୍ଭ କଲେ ପ୍ରଚାର ଅଭିଯାନ

ପୁରୀ ଅଫିସ,୨୬ା୩: ପାଖେଇ ଆସୁଛି ସାଧାରଣ ନିର୍ବାଚନ। ବିଭିନ୍ନ ଦଳ ପକ୍ଷରୁ ରାଜନୀତି ମଇଦାନକୁ ଓହ୍ଲାଇଥିବା ପ୍ରାର୍ଥୀମାନେ ଆରମ୍ଭ କରିଦେଲେଣି ପ୍ରସ୍ତୁତି। କିପରି ଭୋଟରଙ୍କୁ ମନାଇବେ ତାହା ଉପରେ ରଖିଛନ୍ତି ଫୋକସ। 

ପେଣ୍ଟିଂ ନିଲାମ ରୋକିବାକୁ ନୋଟିସ ଦେଲେ ନୀରବ ମୋଦି

ପେଣ୍ଟିଂ ନିଲାମ ରୋକିବାକୁ ନୋଟିସ ଦେଲେ ନୀରବ ମୋଦି

ନୂଆଦିଲ୍ଲୀ,୨୬-୩: ମୁମ୍ବାଇର ସ୍ବତନ୍ତ୍ର ଅଦାଲତ ଆୟକର ବିଭାଗକୁ ନୀରବ ମୋଦି ଓ ତାଙ୍କ ଭୁତ କମ୍ପାନୀ କେମ୍‌ଲଟ ଏଣ୍ଟରପ୍ରାଇଜେସର ୬୮ ପେଣ୍ଟିଂ ନିଲାମ କରିବାକୁ ଅନୁମତି ଦେଇଛନ୍ତି। 

ଘରୋଇ ବିଦ୍ୟାଳୟ ମାନୁନାହାନ୍ତି ନିର୍ଦ୍ଦେଶାବଳୀ

ଘରୋଇ ବିଦ୍ୟାଳୟ ମାନୁନାହାନ୍ତି ନିର୍ଦ୍ଦେଶାବଳୀ

ଭୁବନେଶ୍ୱର,୨୬।୩(ବ୍ୟୁରୋ): ସମସ୍ତ ଘରୋଇ ଇଂଲିଶ ମିଡିୟମ ସ୍କୁଲରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଏନ୍‌ସିଇଆର୍‌ଟି ପୁସ୍ତକ ପ୍ରଚଳନ ଏବଂ ପ୍ରଥମ ଓ ଦ୍ୱିତୀୟ ଶ୍ରେଣୀ ପିଲାଙ୍କୁ କୌଣସି ହୋମ୍‌ଓ୍ବର୍କ ନ ଦେବାକୁ ନିୟମ ରହିଛି। 

  ୭୪ଜଣଙ୍କୁ ସ୍ବର୍ଣ୍ଣପଦକ ପ୍ରଦାନ:  ୩୨୯ଜଣଙ୍କୁ ପିଏଚ୍‌ଡି ଓ ଡିଲିଟ୍‌ ଉପାଧି

୭୪ଜଣଙ୍କୁ ସ୍ବର୍ଣ୍ଣପଦକ ପ୍ରଦାନ: ୩୨୯ଜଣଙ୍କୁ ପିଏଚ୍‌ଡି ଓ ଡିଲିଟ୍‌ ଉପାଧି

ଭୁବନେଶ୍ୱର,୨୬।୩(ବ୍ୟୁରୋ): ଉତ୍କଳ ବିଶ୍ୱବିଦ୍ୟାଳୟ ପକ୍ଷରୁ ସୋମବାର ଏକ ସ୍ବତନ୍ତ୍ର ଉପାଧି ପ୍ରଦାନ ଉତ୍ସବ ଅନୁଷ୍ଠିତ ହୋଇଯାଇଛି। ୨୦୧୬-୧୭ ଶିକ୍ଷାବର୍ଷରେ ବିଶ୍ୱବିଦ୍ୟାଳୟରୁ ପିଏଚ୍‌ଡି, ଡିଲିଟ୍‌, ଡିଏସ୍‌ସି ଉପାଧି ତଥା ବିଭିନ୍ନ ସ୍ନାତକ ଓ ସ୍ନାତକୋତ୍ତର ପରୀକ୍ଷାରେ ବିଭିନ୍ନ ବିଷୟରେ ପ୍ରଥମ ଶ୍ରେଣୀରେ ପ୍ରଥମ ହୋଇଥିବା ପିଲାଙ୍କୁ ସ୍ବର୍ଣ୍ଣପଦକ ପ୍ରଦାନ କରାଯାଇଥିଲା। 

ସି.ଭି. ରମଣ କଲେଜରେ ହୋଲି ପାଳିଲେ ବିଦେଶୀ ଛାତ୍ରୀଛାତ୍ର

ସି.ଭି. ରମଣ କଲେଜରେ ହୋଲି ପାଳିଲେ ବିଦେଶୀ ଛାତ୍ରୀଛାତ୍ର

ଭୁବନେଶ୍ୱର,୨୬।୩(ବ୍ୟୁରୋ): ସି.ଭି. ରମଣ କଲେଜ ପରିସରରେ ବିଦେଶୀ ଛାତ୍ରୀଛାତ୍ର ଓ ଅଧ୍ୟାପକ ହୋଲି ଉତ୍ସବକୁ ଆଡ଼ମ୍ବର ସହ ପାଳନ କରିଛନ୍ତି। ସୁଦୂର ସିରିଆ, ବାଂଲାଦେଶ ଓ ନେପାଳରୁ ଆସି ଏଠାରେ ପାଠ ପଢ଼ୁଥିବା ଛାତ୍ରୀଛାତ୍ରଙ୍କ ପାଇଁ ହୋଲି ଉତ୍ସବ ରଖାଯାଇଥିଲା। 

ପୂରଣ ହେଲାନି ବିଜେଡିର ୨୦୧୪ ନିର୍ବାଚନୀ ପ୍ରତିଶ୍ରୁତି:ସ୍ବପ୍ନରେ ରହିଗଲା ସବୁ ଗାଁକୁ ପକ୍କା ରାସ୍ତା

ପୂରଣ ହେଲାନି ବିଜେଡିର ୨୦୧୪ ନିର୍ବାଚନୀ ପ୍ରତିଶ୍ରୁତି:ସ୍ବପ୍ନରେ ରହିଗଲା ସବୁ ଗାଁକୁ ପକ୍କା ରାସ୍ତା

ଭୁବନେଶ୍ୱର,୨୬ା୩:ରାଜ୍ୟର ସବୁ ଗଁାକୁ ପକ୍କା ରାସ୍ତା ସଂଯୋଗ କରିବାକୁ ୨୦୧୪ ନିର୍ବାଚନୀ ଇସ୍ତାହାରରେ ବିଜୁ ଜନତା ଦଳ (ବିଜେଡି) ପ୍ରତିଶ୍ରୁତି ଦେଇଥିଲା। ଶାସନର ଚତୁର୍ଥ ପାଳି ଶେଷ ସୁଦ୍ଧା ଏହି ଲକ୍ଷ୍ୟ ପୂରଣ ହେବ ବୋଲି କୁହାଯାଇଥିଲେ ହେଁ ବାସ୍ତବ ଚିତ୍ର କିନ୍ତୁ ଭିନ୍ନ।


Model This Week

ରଶ୍ମି
Why Dharitri