ଜାତୀୟ |

କାଠଗଡ଼ାରେ ଭାଜପା ସରକାର

କାଠଗଡ଼ାରେ ଭାଜପା ସରକାର
ଜମ୍ମୁ/ଲକ୍ଷ୍ନୌ,୧୨।୪(ପି.ଟି.): ‘ବେଟି ବଚାଓ ବେଟି ପଢ଼ାଓ’ ସ୍ଲୋଗାନ ଦେଉଥିବା ଭାଜପା ଉତ୍ତରପ୍ରଦେଶ(ୟୁପି)ରେ ବିପୁଳ ବିଜୟ ହାସଲ କରି କ୍ଷମତାସୀନ ହୋଇଛି। ସେହିପରି ପିଡିପି ସହ ମେଣ୍ଟ କରି ଜମ୍ମୁ-କଶ୍ମୀରରେ ସରକାର ଗଢ଼ିଛି ଗୈରିକ ଦଳ। ଏହି ଦୁଇ ରାଜ୍ୟରେ ଘଟିଥିବା ଦୁଇଟି ବଳାତ୍କାର ଘଟଣାକୁ ନେଇ ଭାଜପାର ଅଭିମୁଖ୍ୟ ଜାତୀୟ ରାଜନୀତିକୁ ସରଗରମ କରିଛି। ୟୁପିର ଯୋଗୀ ଆଦିତ୍ୟନାଥ ସରକାର ଓ ଜମ୍ମୁ-କଶ୍ମୀରର ମେହବୁବା ମୁଫ୍‌ତି ସରକାର ଅଭିଯୁକ୍ତମାନଙ୍କୁ ଧରିବା ବଦଳରେ ସୁରକ୍ଷା ଦେଉଥିବା ଅଭିଯୋଗ ହେଉଛି। ଏହାକୁ ନେଇ କେବଳ ବିରୋଧୀ ପ୍ରଶ୍ନ ଉଠାଉଛନ୍ତି ତାହା ନୁହେଁ, ବରଂ ୟୁପି ଏବଂ କଶ୍ମୀର ସମେତ ସାରା ଦେଶରେ ଝଡ଼ ସୃଷ୍ଟି ହୋଇଛି। ଫଳରେ ପ୍ରଶ୍ନ ଓ ସନ୍ଦେହର କାଠଗଡ଼ାକୁ ସ୍ବତଃ ଟାଣି ହୋଇଯାଇଛି ଭାଜପା। ୟୁପିର ଉନ୍ନାଓ ଜିଲାରେ ଗତ ଜୁନ ୪ରେ ବଙ୍ଗାରମଉ ବିଧାୟକ କୁଲଦୀପ ଓ ତାଙ୍କ ଭାଇ ଜୟଦୀପ ସିଂ ଜଣେ ଯୁବତୀଙ୍କୁ ଗଣବଳାତ୍କାର କରିଥିଲେ। ଗତ ୫ ତାରିଖରେ ମାମଲା ପ୍ରତ୍ୟାହାର କରିବା ପାଇଁ ଚାପ ପକାଇବାକୁ ଯାଇ ପୀଡ଼ିତାଙ୍କ ବାପାଙ୍କୁ ବିଧାୟକଙ୍କ ଭାଇ ଓ ସହଯୋଗୀମାନେ ଆକ୍ରମଣ କରିଥିଲେ। ପୋଲିସ ଅଭିଯୁକ୍ତଙ୍କୁ ଛାଡ଼ିଦେଇ ପୀଡ଼ିତାଙ୍କ ବାପାଙ୍କୁ ଗିରଫ କରିଥିଲା। ପୀଡ଼ିତା ନ୍ୟାୟ ନ ପାଇବାରୁ ଗତ ରବିବାର ମୁଖ୍ୟମନ୍ତ୍ରୀଙ୍କ ବାସଭବନ ଆଗରେ ଆମତ୍ହତ୍ୟା ଉଦ୍ୟମ କରିଥିଲେ। ସେହି ରାତିରେ ପୀଡ଼ିତାଙ୍କ ବାପା ଉନ୍ନାଓ ଜିଲା ଜେଲ ହାଜତରେ ପ୍ରାଣ ହରାଇଥିଲେ। ଯୋଗୀ ସରକାର କାର୍ଯ୍ୟାନୁଷ୍ଠାନ ନ ନେଇ କେବଳ ଏସ୍‌ଆଇଟି ତଦନ୍ତ ନିର୍ଦ୍ଦେଶ ଦେଇ ଚୁପ୍‌ ବସିଯାଇଥିବା ପୀଡ଼ିତା ଅଭିଯୋଗ କରିଥିଲେ। ଚାରିଆଡୁ ସମାଲୋଚିତ ହେବା ପରେ ଯୋଗୀ ସରକାର ଅଭିଯୁକ୍ତ ବିଧାୟକ କୁଲଦୀପଙ୍କୁ ଗିରଫ ନ କରି ଶେଷରେ ସିବିଆଇକୁ ମାମଲା ହସ୍ତାନ୍ତର କରିବାକୁ ବାଧ୍ୟ ହୋଇଛନ୍ତି। ସେପଟେ ଆଇନଜୀବୀ ଗୋପାଳ ସ୍ବରୂପ ଚତୁର୍ବେଦୀଙ୍କ ଏକ ପତ୍ରକୁ ଆଲ୍ଲାହାବାଦ ହାଇକୋର୍ଟ ଗ୍ରହଣ କରି ନିଜ ଆଡ଼ୁ ମାମଲା ରୁଜୁ କରିଥିଲେ। ମୁଖ୍ୟ ବିଚାରପତି ଡି.ବି. ଭୋସ୍‌ଲେଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଗୁରୁବାର ଏହି ମାମଲାର ଶୁଣାଣି କରି ଶୁକ୍ରବାର ଯାଏ ରାୟ ସଂରକ୍ଷିତ ରଖିଛନ୍ତି। ଶୁଣାଣି ବେଳେ ଖଣ୍ଡପୀଠ ୟୁପି ସରକାରଙ୍କୁ ଭର୍ସର୍ନା କରିବା ସହ କୁଲଦୀପଙ୍କୁ ଏଯାଏ କାହିଁକି ଗିରଫ କରାଯାଇ ନାହିଁ ବୋଲି ପ୍ରଶ୍ନ କରିଛନ୍ତି। ଇତିମଧ୍ୟରେ ଉନ୍ନାଓ ପୋଲିସ କୁଲଦୀପଙ୍କ ବିରୋଧରେ ପୋକ୍‌ସୋ ଆଇନ ବଳରେ ଅପହରଣ ଓ ବଳାତ୍କାର ଅଭିଯୋଗରେ ମଖି ଥାନାରେ ମାମଲା ରୁଜୁ କରିଛି। ପୀଡ଼ିତା ନିଜ ଓ ପରିବାର ଲୋକଙ୍କ ଜୀବନ ପ୍ରତି ଭୟ ଆଶଙ୍କା କରି ଅଭିଯୁକ୍ତ ବିଧାୟକଙ୍କୁ ତୁରନ୍ତ ଗିରଫ କରାଯାଉ ବୋଲି ଦାବି କରିଛନ୍ତି। ସେହିପରି ଗତ ଜାନୁୟାରୀ ୧୦ରେ ଜମ୍ମୁର କଠୁଆ ଜିଲା ଅନ୍ତର୍ଗତ ବକେରଓ୍ବାଲ ଗ୍ରାମରେ ଜଣେ ୮ ବର୍ଷୀୟା ଝିଅଙ୍କୁ ଗଣବଳାତ୍କାର ପରେ ହତ୍ୟା କରାଯାଇଥିଲା। ଉକ୍ତ ନାବାଳିକାଙ୍କୁ ଅପହରଣ ପରେ ଛଅଜଣ ସପ୍ତାହେ ଧରି ବଳାତ୍କାର କରିଥିଲେ। ନିର୍ମମ ଭାବେ ପଥର ଛେଚି ତାଙ୍କୁ ହତ୍ୟା କରିବା ପୂର୍ବରୁ ତାଙ୍କୁ ପୁଣି ବଳାତ୍କାର କରାଯାଇଥିଲା ବୋଲି ୧୫ ପୃଷ୍ଠା ସମ୍ବଳିତ ଚାର୍ଜଶିଟ୍‌ରେ ଦର୍ଶାଯାଇଛି। ରାସନା ଗ୍ରାମସ୍ଥିତ ‘ଦେବୀସ୍ଥାନ’ ମନ୍ଦିରର ତତ୍ତ୍ୱାବଧାରକ ଏହି ଅପହରଣ, ବଳାତ୍କାର ଓ ହତ୍ୟା ଘଟଣାର ମୁଖ୍ୟ ଷଡ଼ଯନ୍ତ୍ରକାରୀ ବୋଲି କ୍ରାଇମ୍‌ ବ୍ରାଞ୍ଚ ପୋଲିସ ସ୍ପଷ୍ଟ କରିଛି। ସୋମବାର କଠୁଆର ଆଇନଜୀବୀମାନେ ଚାର୍ଜଶିଟ ଦାଖଲ କରିବାରେ ପୋଲିସକୁ ବାଧା ଦେଇଥିଲେ। ମାମଲାର ସିବିଆଇ ତଦନ୍ତ ଦାବିରେ ଜମ୍ମୁ ହାଇକୋର୍ଟ ବାର୍‌ ଆସୋସିଏଶନ (ଜେଏଚ୍‌ସିବିଏ) ପକ୍ଷରୁ ବୁଧବାର ବନ୍ଦ ପାଳନ କରାଯାଇଥିଲା। ନାବାଳିକା ଜଣକ ମୁସଲମାନ ସମ୍ପ୍ରଦାୟର ହୋଇଥିବାରୁ ଭାଜପା ଚାପରେ ଅଭିଯୁକ୍ତଙ୍କୁ ଗିରଫ କରାଯାଉନାହିଁ ବୋଲି ବିଭିନ୍ନ ମହଲରେ ନିନ୍ଦା କରାଯାଇଛି। ଫଳରେ ଏହି ପ୍ରସଙ୍ଗ ସାମ୍ପ୍ରଦାୟିକ ରୂପ ନେଇଛି। ନ୍ୟାଶନାଲ କନ୍‌ଫରେନ୍ସ କାର୍ଯ୍ୟକାରୀ ଅଧ୍ୟକ୍ଷ ଓମାର ଅବ୍‌ଦୁଲ୍ଲା ମୁଖ୍ୟମନ୍ତ୍ରୀଙ୍କ ଉପରେ ବର୍ଷିଛନ୍ତି। ଅଭିଯୁକ୍ତଙ୍କ ସପକ୍ଷରେ ଆୟୋଜିତ ଶୋଭାଯାତ୍ରରେ ସାମିଲ ହୋଇଥିବା ଭାଜପାର ଦୁଇମନ୍ତ୍ରୀଙ୍କୁ ଗିରଫ କରିବାକୁ ମେହବୁବା କାହିଁକି ପଛଘୁଞ୍ଚା ଦେଉଛନ୍ତି ବୋଲି ସେ ପ୍ରଶ୍ନ କରିଛନ୍ତି। ରାଜ୍ୟ ସରକାର ଆଇନରେ ବାଧାସୃଷ୍ଟି ହେଲେ ବରଦାସ୍ତ କରିବେ ନାହିଁ। ପୀଡ଼ିତାଙ୍କ ପରିବାରକୁ ନ୍ୟାୟ ମିଳିବ ବୋଲି ମେହବୁବା ସ୍ପଷ୍ଟ କରିଛନ୍ତି। ଇତିମଧ୍ୟରେ ପୀଡ଼ିତାଙ୍କ ପରିବାର ଭୟରେ ଗାଁ ଛାଡ଼ି ଅନ୍ୟତ୍ର ଚାଲିଯାଇଛନ୍ତି। ଗାଁ ଛାଡ଼ିବା ପୂର୍ବରୁ କାହାକୁ କିଛି ଜଣାଇ ନ ଥିବାରୁ ସେମାନଙ୍କ ଅବସ୍ଥିତି ନେଇ କିଛି ଜଣାପଡ଼ିନାହିଁ।
All Right Reserved By

ଜାତୀୟ |

ବୃଦ୍ଧି ପାଉଛି ଆସାମ ମଦ ମୃତ୍ୟୁ ସଂଖ୍ୟା

ବୃଦ୍ଧି ପାଉଛି ଆସାମ ମଦ ମୃତ୍ୟୁ ସଂଖ୍ୟା

ଗୋଲାଘାଟ,୨୩।୨: ଆସାମର ଗୋଲାଘାଟ ଓ ଜୋରହାଟ ଜିଲାରେ ବିଷାକ୍ତ ମଦପିଇ ମୃତ୍ୟୁ ହୋଇଥିବା ବ୍ୟକ୍ତିଙ୍କ ସଂଖ୍ୟା ୬୯ ଛୁଇଁଥିବା ଏକ୍ସାଇଜ୍‌ ଡିପାର୍ଟମେଣ୍ଟ ସୂଚନା ଦେଇଛି। 

କୁମ୍ଭମେଳାରେ ବୁଡିଯାଉଥିବା ତୀର୍ଥଯାତ୍ରୀଙ୍କୁ ଉଦ୍ଧାର କରିଥିବା କନଷ୍ଟେବଳଙ୍କ ପରଲୋକ

କୁମ୍ଭମେଳାରେ ବୁଡିଯାଉଥିବା ତୀର୍ଥଯାତ୍ରୀଙ୍କୁ ଉଦ୍ଧାର କରିଥିବା କନଷ୍ଟେବଳଙ୍କ ପରଲୋକ

ନୂଆଦିଲ୍ଲୀ,୨୩।୨: ନ୍ୟାଶନାଲ ଡିଜାଷ୍ଟର ରେଶପନ୍ସ ଫୋର୍ସ(ଏନ୍‌ଡିଆର୍‌ଏଫ୍‌)ରେ କନଷ୍ଟେବଳ ଥିବା ରାଜେନ୍ଦର ଗୌତମଙ୍କ ପରଲୋକ ହୋଇଥିବା ଜଣେ ଏନ୍‌ଡିଆର୍‌ଏଫ୍‌ ଅଧିକାରୀ ସୂଚନା ଦେଇଛନ୍ତି।

ଚୁଲବୁଲ ପାଣ୍ଡେ ଚରିତ୍ର ପାଇଁ ୫ଶହ ଶିଶୁଙ୍କ ଅଡିଶନ ନେଲେ ସଲମାନ

ଚୁଲବୁଲ ପାଣ୍ଡେ ଚରିତ୍ର ପାଇଁ ୫ଶହ ଶିଶୁଙ୍କ ଅଡିଶନ ନେଲେ ସଲମାନ

ମୁମ୍ବାଇ,୨୩।୨: ବଲିଉଡ ଭାଇଜାନ୍‌ ସଲମାନ ଖାଁ ଏବେ ‘ଭାରତ’ ଫିଲ୍ମର ଶୁଟିଂରେ ବ୍ୟସ୍ତ ଅଛନ୍ତି। ଏହା ପରେପରେ ସେ ‘ଦବଙ୍ଗ ୩’ର ଶୁଟିଂ ଖୁବ୍‌ଶୀଘ୍ର ଆରମ୍ଭ କରିବେ ବୋଲି ଶୁଣିବାକୁ ମିଳୁଛି। 

ବିଚ୍ଛିନ୍ନତାବାଦୀ ନେତା ୟାସିନ ମଲିକ ଗିରଫ

ବିଚ୍ଛିନ୍ନତାବାଦୀ ନେତା ୟାସିନ ମଲିକ ଗିରଫ

ଶ୍ରୀନଗର,୨୩।୨: କଶ୍ମୀରର ବିଚ୍ଛିନ୍ନତାବାଦୀ ନେତା ତଥା ଜମ୍ମୁ କଶ୍ମୀର ଲିବରେଶନ ଫ୍ରଣ୍ଟ(ଜେକେଏଲ୍‌ଏଫ୍‌) ମୁଖ୍ୟ ୟାସିନ ମଲିକଙ୍କୁ ଶୁକ୍ରବାର ବିଳମ୍ବିତ ରାତିରେ ପୋଲିସ ଗିରଫ କରିଛି।

ଶହୀଦ ହେବା ପୂର୍ବରୁ ପତ୍ନୀଙ୍କ ପାଖକୁ ପଠାଇଥିବା ଶେଷ ଭିଡିଓ ଏବେ ଭାଇରାଲ

ଶହୀଦ ହେବା ପୂର୍ବରୁ ପତ୍ନୀଙ୍କ ପାଖକୁ ପଠାଇଥିବା ଶେଷ ଭିଡିଓ ଏବେ ଭାଇରାଲ

ନୂଆଦିଲ୍ଲୀ,୨୩।୨: ଗତ ସପ୍ତାହରେ ପୁଲଓ୍ବାମା ଆତଙ୍କବାଦୀ ଆକ୍ରମଣ ପୂର୍ବର ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି। ମାତ୍ର ୧ମିନିଟ୍‌ ୬ ସେକେଣ୍ଡର ଏହି ଭିଡିଓ ସମସ୍ତଙ୍କୁ ଭାବୁକ କରିଦେଉଛି।

ମଞ୍ଚ ଉପରେ କାନ୍ଦିଲେ ମୁଖ୍ୟମନ୍ତ୍ରୀ

ମଞ୍ଚ ଉପରେ କାନ୍ଦିଲେ ମୁଖ୍ୟମନ୍ତ୍ରୀ

ଲକ୍ଷ୍ନୌ,୨୩।୨: ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶୁକ୍ରବାର ଲକ୍ଷ୍ନୌରେ ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ମଞ୍ଚ ଉପରେ କାନ୍ଦିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି। 

ପ୍ରଥମ ଟ୍ରେନ ଯୋଗୁ ପରବର୍ତ୍ତୀକୁ ଧରି ନ ପାରିଲେ; ଟିକେଟ ଅର୍ଥ ଫେରାଇବ ରେଲଓ୍ବେ

ପ୍ରଥମ ଟ୍ରେନ ଯୋଗୁ ପରବର୍ତ୍ତୀକୁ ଧରି ନ ପାରିଲେ; ଟିକେଟ ଅର୍ଥ ଫେରାଇବ ରେଲଓ୍ବେ

ନୂଆଦିଲ୍ଲୀ,୨୩-୨:  କୁହୁଡି ଅଥବା ଅନ୍ୟ କୌଣସି କାରଣରୁ ପ୍ରଥମ ଟ୍ରେନଟି ବିଳମ୍ବିତ ହେବା କାରଣରୁ ପରବର୍ତ୍ତୀ ଟ୍ରେନ ଧରି ନ ପାରିଲେ ଏଭଳି ସ୍ଥିତିରେ ଭାରତୀୟ ରେଲଓ୍ବେ ଯାତ୍ରୀଙ୍କୁ ଭଡ଼ା ଅର୍ଥ ଫେରାଇବ। ତେବେ ସର୍ତ୍ତ ହେଉଛି, ଦୁଇଟି ଟ୍ରେନର ଟିକେଟ କିଣିବା ବେଳେ ଏହାର ପିଏନ୍‌ଆରକୁ ଲିଙ୍କ୍‌ କରାଇ ନେବାକୁ ହେବ। 

ବିଦ୍ୟୁତ ସଂଯୋଗ ନ ଥାଇ ବିଲ୍‌ ପଇଠ କରିବାକୁ ବାଧ୍ୟ କରାଯାଉଛି

ବିଦ୍ୟୁତ ସଂଯୋଗ ନ ଥାଇ ବିଲ୍‌ ପଇଠ କରିବାକୁ ବାଧ୍ୟ କରାଯାଉଛି

ବଳରାମପୁର,୨୩।୨: ଛତିଶଗଡ଼ର ହରଗଓ୍ବା ପଞ୍ଚାୟତରେ ଥିବା ଝଲପାଇପରା ଗ୍ରାମବାସୀଙ୍କୁ ବିଦ୍ୟୁତ ଯୋଗାଣ ନ ଥାଇ ବିଲ୍‌ ପଇଠ କରିବାକୁ ବାଧ୍ୟ କରାଯାଉଛି। 

ଜମ୍ମୁ-କଶ୍ମୀର ଏନକାଉଣ୍ଟର

ଜମ୍ମୁ-କଶ୍ମୀର ଏନକାଉଣ୍ଟର

ଜମ୍ମୁ,୨୨।୨: ଜମ୍ମୁ-କଶ୍ମୀରର ସୋପରରେ ଶୁକ୍ରବାର ସୁରକ୍ଷାକର୍ମୀଙ୍କ ଦ୍ୱାରା ଆରମ୍ଭ ହୋଇଥିଲା ଏନକାଉଣ୍ଟ। ଏଥିରେ ୨ ଆତଙ୍କବାଦୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। 

ମାୟାବତୀ ନୁହେଁ ଅଖିଳେଶଙ୍କ ସହ ସିଧାସଳଖ ଲଢିପାରନ୍ତି ପ୍ରିୟଙ୍କା

ମାୟାବତୀ ନୁହେଁ ଅଖିଳେଶଙ୍କ ସହ ସିଧାସଳଖ ଲଢିପାରନ୍ତି ପ୍ରିୟଙ୍କା

ଲକ୍ଷ୍ନୌ,୨୨।୨: ଉତ୍ତର ପ୍ରଦେଶରେ ସମାଜବାଦୀ ପାର୍ଟି ଓ ବହୁଜନ ସମାଜ ପାର୍ଟି ମଧ୍ୟରେ ଆସନ ବୁଢାମଣା ସରିଛି। ମୋଟ ୮୦ଟି ଆସନ ମଧ୍ୟରୁ ୩୮ରେ ବହୁଜନ ସମାଜ ପାର୍ଟି ଓ ୩୭ରେ ସମାଜବାଦୀ ପାର୍ଟି ପ୍ରତିଦ୍ୱନ୍ଦିତା କରିବ। 

ମାତା ପିତାଙ୍କ ଅନ୍ତିମ ସଂସ୍କାର ପରେ ପୁଅ ସାଜିଲେ ବର

ମାତା ପିତାଙ୍କ ଅନ୍ତିମ ସଂସ୍କାର ପରେ ପୁଅ ସାଜିଲେ ବର

ରାୟବରେଲୀ,୨୨।୨:  ସକାଳେ ମାତା ପିତାଙ୍କ ଏକାସାଙ୍ଗରେ ଅନ୍ତିମ ସଂସ୍କାର କରିସାରିବା ପରେ ସଂଧ୍ୟାରେ ପୁଅ ସାଜିଲା ବର। ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଉତ୍ତରପ୍ରଦେଶ ରାୟବରେଲୀ ଜିଲାର ଡଲମଉ ଅଞ୍ଚଳରେ। 

ମୋଦି ‘ପ୍ରାଇମ୍‌ ଟାଇମ୍‌ ମିନିଷ୍ଟର’: ରାହୁଲ

ମୋଦି ‘ପ୍ରାଇମ୍‌ ଟାଇମ୍‌ ମିନିଷ୍ଟର’: ରାହୁଲ

ନୂଆଦିଲ୍ଲୀ,୨୨।୨: କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ପୁଣିଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛନ୍ତି। ରାହୁଲ କହିଛନ୍ତି ମୋଦି ପ୍ରାଇମ ମିନିଷ୍ଟର ନୁହେଁ ସେ ହେଉଛନ୍ତି, ‘ପ୍ରାଇମ୍‌ ଟାଇମ୍‌ ମିନିଷ୍ଟର’।