ସମ୍ବଲପୁର

ମୁଣ୍ଡରେ ଟ୍ୟୁମର, ପାକସ୍ଥଳୀରେ କ୍ୟାନ୍‌ସର: ସ୍ବାମୀଙ୍କ ଇଚ୍ଛାମୃତ୍ୟୁ ପାଇଁ ଆବେଦନ କଲେ ସ୍ତ୍ରୀ

ମୁଣ୍ଡରେ ଟ୍ୟୁମର, ପାକସ୍ଥଳୀରେ କ୍ୟାନ୍‌ସର: ସ୍ବାମୀଙ୍କ ଇଚ୍ଛାମୃତ୍ୟୁ ପାଇଁ ଆବେଦନ କଲେ ସ୍ତ୍ରୀ
ସମ୍ବଲପୁର,୧୧।୪(ବ୍ୟୁରୋ)- ମୁଣ୍ଡରେ ଟ୍ୟୁମର ଓ ପାକସ୍ଥଳୀରେ କ୍ୟାନସର। ଅସହ୍ୟ ହେଉଛି ଯନ୍ତ୍ରଣା। ଘରେ ଖାଇବାକୁ ନାହିଁ। ଔଷଧ ଖର୍ଚ୍ଚ ବହନ କରିବା ବି ଅସମ୍ଭବ। ଏହି ରୋଗରୁ ମୁକ୍ତି ମିଳିବାର କୌଣସି ଆଶା ଦିଶୁନାହିଁ। କେବଳ ସେ ବିଛଣାରେ ପଡ଼ି ଶେଷ ନିଃଶ୍ୱାସ ନେବାକୁ ସଂଗ୍ରାମ କରୁଛନ୍ତି। ଏପରି ଅବସ୍ଥାରେ ବଞ୍ଚିବା ଅପେକ୍ଷା ମୃତ୍ୟୁ ଭଲ ବୋଲି ସେ ଚିନ୍ତା କରିଛନ୍ତି। ସେଥିପାଇଁ ସେ ଇଚ୍ଛାମୃତ୍ୟୁ ଲାଗି ମଙ୍ଗଳବାର ସ୍ତ୍ରୀ ଭାମାଙ୍କ ମାଧ୍ୟମରେ ପ୍ରଶାସନ ନିକଟରେ ଆବେଦନ କରିଛନ୍ତି। ଇଚ୍ଛାମୃତ୍ୟୁ ପାଇଁ ଆବେଦନ କରିଥିବା ଏହି ବ୍ୟକ୍ତି ଜଣକ ହେଲେ ସମ୍ବଲପୁର ସହର ଜେଲ ଛକ ନିକଟରେ ରହୁଥିବା ହାଡୁ ପଟ୍ଟନାୟକ (୭୦)। ଏବେ କେବଳ ଝୁମ୍ପୁଡ଼ି ତଳେ ପଡ଼ି ମୃତ୍ୟୁକୁ ସେ ଅପେକ୍ଷା କରିଛନ୍ତି। ଅନ୍ୟପକ୍ଷରେ ହାଡ଼ୁଙ୍କ ଇଚ୍ଛାମୃତ୍ୟୁ ଆବେଦନ ପରେ ପ୍ରଶାସନ ତତ୍ପର ହୋଇଛି। ଏକ ଡାକ୍ତରୀ ଟିମ୍‌ ପଠାଯାଇ ତାଙ୍କ ଚିକିତ୍ସା କରାଯିବ। ସମସ୍ତ ଖର୍ଚ୍ଚ ପ୍ରଶାସନ ବହନ କରିବ ବୋଲି ଜିଲାପାଳ ଭାମାଙ୍କୁ ପ୍ରତିଶ୍ରୁତି ଦେଇଛନ୍ତି। ଏହା ସହ ରେଡ୍‌କ୍ରସ ପାଣ୍ଠିରୁ ତାଙ୍କୁ ୩୦ ହଜାର ଟଙ୍କାର ସହାୟତା ପ୍ରଦାନ କରାଯାଇଛି। ଗତ ମାର୍ଚ୍ଚରେ ସୁପ୍ରିମକୋର୍ଟ ଇଚ୍ଛାମୃତ୍ୟୁ ସପକ୍ଷରେ ରାୟ ଶୁଣାଇଥିଲେ। ଜଣେ ବ୍ୟକ୍ତି ଅସହ୍ୟ ଯନ୍ତ୍ରଣା ଓ ଆର୍ଥିକ ଅନଟନ ଯୋଗୁ ଚିକିତ୍ସା କରାଇ ପାରୁ ନ ଥିଲେ ଇଚ୍ଛାମୃତ୍ୟୁ ଲାଗି ଆବେଦନ କରିପାରିବ ବୋଲି ସୁପ୍ରିମକୋର୍ଟ କହିଥିଲେ। ହେଲେ ଏକ କମିଟି ଗଠନ କରି ତଦନ୍ତ ହେଲା ପରେ ଅନୁମତି ଦିଆଯାଇ ପାରେ ବୋଲି ସୁପ୍ରିମକୋର୍ଟ ରାୟରେ ଉଲ୍ଲେଖ କରିଥିଲେ। ହାଡୁଙ୍କ କ୍ଷେତ୍ରରେ ଏହି ସାମଞ୍ଜ୍ୟସ୍ୟ ରହୁଥିବାରୁ ଅନୁମତି ମିଳିଯିବ ବୋଲି ଭାମା ଆଶା ରଖିଛନ୍ତି। ଭାମା କହିଛନ୍ତି, ୩ ନାତୁଣୀନାତି ତାଙ୍କ ଉପରେ ନିର୍ଭରଶୀଳ। ଏଣୁ ରାତି ପାହିଲେ ୩ ପିଲାଙ୍କ ପେଟ କଥା ଚିନ୍ତା ପଡୁଛି। ସ୍ବାମୀଙ୍କ ଚିକିତ୍ସା କ’ଣ କରିବି। ତାଙ୍କ କଷ୍ଟ ଦେଖି ହେଉନାହିଁ। ଏଣୁ ଇଚ୍ଛାମୃତ୍ୟୁ ପାଇଁ ପ୍ରଶାସନ ଅନୁମତି ଦେଲେ ସ୍ବାମୀ କଷ୍ଟରୁ ମୁକ୍ତି ପାଇବେ। ହାଡୁଙ୍କ ପରିବାର ଜେଲ୍‌ ଛକ ନିକଟରେ ଏକ ଝୁମ୍ପୁଡ଼ି ଘରେ ରହୁଛନ୍ତି। ୩ ଝିଅଙ୍କୁ ବିବାହ ଦେଇ ସାରିଛନ୍ତି। ଗୋଟିଏ ପୁଅ ପିଲା ଛୁଆ ଧରି ଅଲଗା ଘର ସଂସାର କରୁଛନ୍ତି। ହାଡୁ ଓ ଭାମା ଗୋଟିଏ ପୁଅର ପିଲାଛୁଆଙ୍କୁ ନେଇ ରହୁଥିଲେ। ହେଲେ ୪ ବର୍ଷ ତଳେ ଜଣ୍ଡିସ ଯୋଗୁ ଆଶାବାଡ଼ି ପାଲଟିଥିବା ପୁଅ ରିଙ୍କୁ ଆରପାରିକୁ ଚାଲିଗଲେ। ପରେ ବୋହୂ ମଧ୍ୟ ନିଜ ୩ ପିଲା ସୋମ୍‌, ଓମ୍‌ ଓ ପ୍ରିୟାଙ୍କଠାରୁ ମୁହଁ ମୋଡ଼ି ଆଉ ଜଣକ ସହ ଘର ବସାଇବାକୁ ଚାଲିଗଲେ। ଏଣୁ ଜେଜେବାପା ଜେଜେ ମା’ଙ୍କ ଉପରେ ୩ ନାତୁଣୀନାତିଙ୍କ ଲାଳନପାଳନ ଦାୟିତ୍ୱ ପଡ଼ିଛି। ହାଡୁ ରିକ୍ସା ଟାଣି ଯାହା ରେଜଗାର କରନ୍ତି ସେଥିରୁ ଦୁଇପ୍ରାଣୀ ଓ ୩ ନାତୁଣୀନାତି ଚଳନ୍ତି। ହେଲେ ଭାଗ୍ୟ ସହିଲାନି। ପୁଅ ମୃତ୍ୟୁର କଷ୍ଟ ଭୁଲି ହେଉ ନ ଥିବାବେଳେ ଏବେ ୭ ମାସ ହେଲା ହାଡୁ ଗୁରୁତର ଅସୁସ୍ଥ। ଆଉ ରିକ୍ସା ଟାଣିବାକୁ ଯାଇପାରୁ ନାହାନ୍ତି। ଭାମା ବି ଅନ୍ୟ ଘରେ କାମ କରି ଦି ପଇସା ଆଣୁଥିଲେ। ଏବେ ସ୍ବାମୀଙ୍କୁ ଛାଡ଼ି ବାହାରକୁ ବାହାରି ହେଉନି। ଗୋଟିଏ ପଟେ ୩ ନାତୁଣୀନାତିଙ୍କ ଭବିଷ୍ୟତ ଅନ୍ୟପଟେ ସ୍ବାମୀଙ୍କ ଚିକିତ୍ସା ଚିନ୍ତା। ଫଳରେ ସେ ସ୍ବାମୀଙ୍କ ଇଚ୍ଛାକୁ ସମ୍ମାନ ଦେଇ ଛାତିକୁ ପଥର କରିଛନ୍ତି। ସ୍ବାମୀଙ୍କୁ ଇଚ୍ଛା ମୃତ୍ୟୁ ଲାଗି ଅନୁମତି ଦେବାକୁ ପ୍ରଶାସନ ପାଖେ ଆବେଦନ କରିଛନ୍ତି। ଅବଶ୍ୟ ଏପରି ବିପଦ ବେଳେ ପଡ଼ୋଶୀ ଧୀରେନ ମହନ୍ତ ଭାମାଙ୍କ ୩ ନାତୁଣୀନାତିଙ୍କ ମୁହଁରେ ଆହାର ଦେବାକୁ ହାତ ବଢ଼ାଇଛନ୍ତି। ସୂଚନାଯୋଗ୍ୟ, ୭ ମାସ ପୂର୍ବେ ହାଡୁଙ୍କ ସ୍ବାସ୍ଥ୍ୟ ଅବସ୍ଥା ଗୁରୁତର ହୋଇଥିଲା। ଖବର ପାଇ ହାଡୁଙ୍କ ଚିକିତ୍ସା ଲାଗି ହାତ ବଢ଼ାଇଥିଲେ ବିଜେଡି ଯୁବନେତା ସିଦ୍ଧାର୍ଥ ସାହା। ପ୍ରଥମେ ବୁର୍ଲା ଭିମସାର ମେଡିକାଲରେ ତାଙ୍କ ଚିକିତ୍ସା କରାଇଥିଲେ। ହେଲେ ହାଡୁଙ୍କ ମୁଣ୍ଡରେ ଟ୍ୟୁମର ଓ ପାକସ୍ଥଳୀରେ କ୍ୟାନସର ହୋଇଥିବା ସେତେବେଳେ ଜଣାପଡ଼ିଥିଲା।
All Right Reserved By

ସମ୍ବଲପୁର

ବଲାଙ୍ଗୀରରେ ହୋଲି ଉତ୍ସବ

ବଲାଙ୍ଗୀରରେ ହୋଲି ଉତ୍ସବ

ବଲାଙ୍ଗୀର ଅଫିସ,୨୨।୩: ଉତ୍ସାହ, ଉଦ୍ଦୀପନାର ସହ ବଲାଙ୍ଗୀର ସହରରେ ହୋଲି ଉତ୍ସବ ପାଳନ କରାଯାଇଛି। ସକାଳ ୮ଟାରୁ ବିଭିନ୍ନ ପଡ଼ାର ପିଲାଠୁ ବଡ଼ଯାଏ ପରସ୍ପର ଦେହରେ ରଙ୍ଗ ଲଗାଇ ହୋଲିର ଅଭିନନ୍ଦନ ଜଣାଇଥିଲେ।

ବୃଦ୍ଧଙ୍କୁ ନିର୍ମମ ହତ୍ୟା

ବୃଦ୍ଧଙ୍କୁ ନିର୍ମମ ହତ୍ୟା

ସରଣ୍ଡା,୨୨।୩(ଡି.ଏନ୍‌.ଏ): ବରଗଡ଼ ଜିଲା ଅତାବିରା ଥାନା ଅନ୍ତର୍ଗତ  ଚକୁଳିଫାର୍ମ ସତୀଯୋର ନିକଟରେ ଜନୈକ ବୃଦ୍ଧଙ୍କୁ ନିର୍ମମ ଭାବେ ହତ୍ୟା କରାଯାଇଛି। ମୃତ ବ୍ୟକ୍ତିଜଣକ ହେଲେ ଚକୁଳିଫାର୍ମ ନୂଆଁଖଇରପାଲିର ପି. ସତ୍ୟପ୍ରସାଦ ଚୌଧୁରୀ(୫୫) ବୋଲି ଜଣାପଡ଼ିଛି। 

ବିପୁଳ ପରିମାଣର କଫ୍‌ ସିରପ୍‌ ଜବତ, ୫ ଅଟକ

ବିପୁଳ ପରିମାଣର କଫ୍‌ ସିରପ୍‌ ଜବତ, ୫ ଅଟକ

ବଲାଙ୍ଗୀର ଅଫିସ,୨୧।୩ : ବଲାଙ୍ଗୀର ମାଲଗୋଦାମପଡ଼ାରୁ ଚାଲାଣ ହେଉଥିବା ବିପୁଳ ପରିମାଣର ବେଆଇନ କଫ୍‌ ସିରପ୍‌କୁ ଗୁରୁବାର ବଲାଙ୍ଗୀର ପୋଲିସ ଜବତ କରିବା ସହ ଏହି ମାମଲାରେ ୫ ଜଣଙ୍କୁ ଅଟକ ରଖି ପଚରାଉଚରା ଜାରିରଖିଛି।

ନାମାଙ୍କନ ଦାଖଲ କଲେ ମନ୍ତ୍ରୀ ସୁଶାନ୍ତ ସିଂ

ନାମାଙ୍କନ ଦାଖଲ କଲେ ମନ୍ତ୍ରୀ ସୁଶାନ୍ତ ସିଂ

ବରଗଡ଼, ଅଫିସ ୨୧ା୩ : ବରଗଡ଼ ଜିଲା ଭଟ୍‌ଲି ବିଧାନସଭା ଆସନ ପାଇଁ ଗୁରୁବାର ବିଜେଡି ପ୍ରାର୍ଥୀ ତଥା ଶ୍ରମ ଓ ଶକ୍ତିମନ୍ତ୍ରୀ ସୁଶାନ୍ତ ସିଂ ନାମାଙ୍କନପତ୍ର ଦାଖଲ କରିଛନ୍ତି।

ଆବାସ ଯୋଜନାରୁ ବଁଚିତ ଭିନ୍ନକ୍ଷମ ଧୁବା

ଆବାସ ଯୋଜନାରୁ ବଁଚିତ ଭିନ୍ନକ୍ଷମ ଧୁବା

ଲୋଇସିଂହା,୨୧।୩ (ଡି.ଏନ.ଏ)  ବଲାଙ୍ଗୀର ଜିଲା ଆଗଲପୁର ବ୍ଲକ ଖଲିଆପାଲି ଗାଁର ଧୁବା ଝାଙ୍କର(୬୫)। ମାଏକିନା ଆରପାରକେ ଚାଲିଯାଇଥିଲା ବେଲେ ଧୁବା ପୁଓ ବହ ପାସେ ରହୁଛନ୍‌। ପରିବାରଟା ନିହାତି ଗରିବ୍‌ ହେଇଥିଲା ବେଲେ ସରକାରୀ ଯୋଜ୍‌ନାରେ ଘରଖଁଡ଼େ ପାଏବାର ଲାଗି କେଭ୍‌ଠାନୁ ଚାହିଁ ରହିଛନ୍‌। 

୯ ମାସ ହେଲା ଅନ୍ଧାରରେ ପେଣ୍ଡ୍ରାବନ୍ଦବାସିନ୍ଦା:  ଜିଲାପାଳଙ୍କୁ ଫେରାଦ ହେଲେ;  ବିଜୁଳୀ ନ ହେଲେ ଭୋଟ ଦେବୁନାହିଁ

୯ ମାସ ହେଲା ଅନ୍ଧାରରେ ପେଣ୍ଡ୍ରାବନ୍ଦବାସିନ୍ଦା: ଜିଲାପାଳଙ୍କୁ ଫେରାଦ ହେଲେ; ବିଜୁଳୀ ନ ହେଲେ ଭୋଟ ଦେବୁନାହିଁ

ନୂଆପଡା ଅଫିସ,୨୧ା୩: ସରକାର ଲୋୟର ଇନ୍ଦ୍ର ଜଳ ସେଚନ ପ୍ରକଳ୍ପ ନିର୍ମାଣ କରି ଜିଲା ତଥା ପଡୋଶୀ ବଲାଙ୍ଗୀର ଜିଲାବାସୀଙ୍କୁ ଜଳ ସେଚନର ସୁବିଧା ଯୋଗାଇଦେବାକୁ ଯୋଜନା କଲେ। 

ପାନୀୟ ଜଳଯୋଗାଣ ଦାବିରେ ମହିଳା ଜିଲାପାଳଙ୍କ ଦ୍ୱାରସ୍ଥ

ପାନୀୟ ଜଳଯୋଗାଣ ଦାବିରେ ମହିଳା ଜିଲାପାଳଙ୍କ ଦ୍ୱାରସ୍ଥ

ଦେବଗଡ଼,୨୧।୩(ସ୍ବ.ପ୍ର.) -ବାରକୋଟ ବ୍ଲକ କାଉଁସିବାହାଳ ପଞ୍ଚାୟତ ମାଝିଚାକୁଣ୍ଡାପାଳ ଗ୍ରାମରେ ଗଭୀର ନଳକୂଅ ଖୋଳା ଯାଇଛି। ବର୍ଷେ ହେଲା ଏକ ପାଣି ଟାଙ୍କି ମଧ୍ୟ ନିର୍ମାଣ ସରିଛି। ହେଲେ ବିଭାଗୀୟ ଅବହେଳା ଯୋଗୁ ସମ୍ପୃକ୍ତ ଗ୍ରାମବାସୀ ପିଇବା ପାଣି ପାଇଁ ଡହଳବିକଳ ହେଉଥିବା ଜଣାପଡିଛି। 

ବିଶ୍ୱ ଘରଚଟିଆ ଦିବସ ପାଳିତ : ଛାତ୍ରୀ ଛାତ୍ରଙ୍କ ସଚେତନତା ଶୋଭାଯାତ୍ରା, ସଭା

ବିଶ୍ୱ ଘରଚଟିଆ ଦିବସ ପାଳିତ : ଛାତ୍ରୀ ଛାତ୍ରଙ୍କ ସଚେତନତା ଶୋଭାଯାତ୍ରା, ସଭା

ସୁନ୍ଦରଗଡ଼, ୨୧।୩ (ଡି.ଏନ୍‌.ଏ) -ସୁନ୍ଦରଗଡ଼ରେ ବିଶ୍ୱ ଘରଚଟିଆ ଦିବସ ପାଳିତ ହୋଇଯାଇଛି। ଏହି ଅବସରରେ ବୁଧବାର ସୁନ୍ଦରଗଡ ପବ୍ଲିକ ସ୍କୁଲ, ବନବିଭାଗ ଓ ଏନ୍‌ଟିପିସିର ମିଳିତ ଆନୁକୂଲ୍ୟରେ ସ୍କାଉଟ ତଥା ବିଭିନ୍ନ ଛାତ୍ରୀଛାତ୍ରଙ୍କୁ ନେଇ ଏକ ସଚେତନତା ଶୋଭାଯାତ୍ରା ସହର ପରିକ୍ରମା କରିଥିଲା। 

ପ୍ଲାଷ୍ଟିକ୍‌ ସାମାନ ଲାଗି ମାଡ଼ଖାଉଛେ ବେଉସା:  ଜୀବ୍‌କା ହରଉଛନ୍‌ ବାଉଁଶ କାରିଗର

ପ୍ଲାଷ୍ଟିକ୍‌ ସାମାନ ଲାଗି ମାଡ଼ଖାଉଛେ ବେଉସା: ଜୀବ୍‌କା ହରଉଛନ୍‌ ବାଉଁଶ କାରିଗର

ଲାଠୋର, ୨୧ା୩ (ଡି.ଏନ.ଏ): ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ କରୁଆଁଝର ପଁଚେତ୍‌ର ଝଲିଆଲିଟି ଗାଁରେ ୯ ଘର ବାଉଁଶ କାରିଗର ପରିବାର ରହୁଛନ୍‌। ସେମାନେ ବାଉଁଶରେ ଭୁଗା, ଟୁପା, ଟୁପଲି, ଚଂଘରା, ଡଲା, କୁଲା, ଘରି ତିଆରି ବିକାଭଂଗା କରବାର ସଂଗେ ନିଜର ଜୀବନ୍‌ ଜୀବ୍‌କା ଚଲଉଛନ୍‌। 

ବୌଦ୍ଧରେ କଂଗ୍ରେସ କର୍ମୀଙ୍କ ବିକ୍ଷୋଭ

ବୌଦ୍ଧରେ କଂଗ୍ରେସ କର୍ମୀଙ୍କ ବିକ୍ଷୋଭ

ବୌଦ୍ଧ,୨୦।୩(ସ୍ବ.ପ୍ର): ସାରା ରାଜ୍ୟରେ ଟିକେଟ ବଣ୍ଟନ ନେଇ କସରତ ଚାଲିଥିବା ବେଳେ ବୌଦ୍ଧରେ କଂଗ୍ରେସର ଟିକେଟ ବଣ୍ଟନ ନେଇ କର୍ମୀ ଓ ନେତାଙ୍କ ଅସନ୍ତେ।ଷ ବୃଦ୍ଧି ପାଇଛି । 

ବିଜେଡିରୁ ଇସ୍ତଫା, ହାତ ଧରିପାରନ୍ତି ପ୍ରଶାନ୍ତ

ବିଜେଡିରୁ ଇସ୍ତଫା, ହାତ ଧରିପାରନ୍ତି ପ୍ରଶାନ୍ତ

ରାଉରକେଲା ଅଫିସ,୨୦।୩: ରଘୁନାଥପାଲି ନିର୍ବାଚନ ମଣ୍ଡଳୀ ପାଇଁ ବିଜେଡି ଟିକେଟ ଆଶାୟୀ ଯୁବନେତା ପ୍ରଶାନ୍ତ ସେଠୀ ବୁଧବାର ଦଳରୁ ଇସ୍ତଫା ଦେଇଛନ୍ତି। 

କଳାପଥର ଡାକ ପିଅନଙ୍କୁ ହତ୍ୟା: ଜଙ୍ଗଲରୁ ମିଳିଲା ମୃତଦେହ

କଳାପଥର ଡାକ ପିଅନଙ୍କୁ ହତ୍ୟା: ଜଙ୍ଗଲରୁ ମିଳିଲା ମୃତଦେହ

ସୋନପୁର,୨୦।୩(ନି.ପ୍ର.): ସୋନପୁର ଥାନା ଏସ୍‌ କଳାପଥର ଡାକ ପିଅନ ଶତୃଘ୍ନ ଷାଣ୍ଢ(୫୫)ଙ୍କୁ ବୁଧବାର ଭୋର ସମୟରେ କେହି ନିର୍ମମ ଭାବେ ହତ୍ୟା କରିଛନ୍ତି ।   ନିକଟସ୍ଥ ଅର୍ଜୁନପୁର ଜଙ୍ଗଲରୁ ତାଙ୍କ କ୍ଷତବିକ୍ଷତ ମୃତଦେହ ଉଦ୍ଧାର ହୋଇଛି । 


Model This Week

ଚନ୍ଦନ, ସରିତା, ସୁଶିଲ, ସଙ୍ଘମିତ୍ରା