ସମ୍ବଲପୁର

ବୀମା ରାଶି ପ୍ରଦାନରେ ଅବହେଳା, ଚାଷୀ ଘେରିଲେ ବ୍ୟାଙ୍କ

ବୀମା ରାଶି ପ୍ରଦାନରେ ଅବହେଳା, ଚାଷୀ ଘେରିଲେ ବ୍ୟାଙ୍କ

ନୂଆପଡା ଅଫିସ,୧୦।୪: ପ୍ରାକୃତିକ ବିପର୍ଯ୍ୟୟଜନିତ ଫସଲ ହାନି, ଅର୍ଥ ପୀଡ଼ା ଭଳି ଅଭାବନୀୟ ପରିସ୍ଥିତିରେ ନଇଁ ପଡ଼ିଥିବା ଚାଷୀଙ୍କୁ ଆର୍ଥିକ ଦୃଷ୍ଟିକୋଣରୁ ସ୍ବାବଲମ୍ବୀ କରିବା ପାଇଁ ସରକାର କୃଷି ବୀମା ଯୋଜନା ପ୍ରଣୟନ କରିଛନ୍ତି। ଏହି ପରିପ୍ରେକ୍ଷୀରେ ୨୦୧୬ରେ ନୂଆପଡ଼ା ଜିଲାରେ ଅକାଳ ମରୁଡ଼ିର ପ୍ରକୋପ ଓ ତତ୍‌ଜନିତ କ୍ଷୟକ୍ଷତିକୁ ଦୃଷ୍ଟିରେ ରଖି ସରକାର ଚାଷୀମାନଙ୍କୁ କୃଷି ବୀମାଭୁକ୍ତ କରି ଆର୍ଥିକ ସହାୟତା ପ୍ରଦାନର ବ୍ୟବସ୍ଥା କଲେ। ଏଥିପାଇଁ ଗ୍ରାମ୍ୟ ବ୍ୟାଙ୍କକୁ ବୀମା ରାଶି ମଧ୍ୟ ଯୋଗାଇଦେଲେ। ବିଡ଼ମ୍ବନାର ବିଷୟ, ଇତିମଧ୍ୟରେ ୨୦୧୭ ଅତିକ୍ରାନ୍ତ ହୋଇସାରିଥିଲେ ହେଁ ଜିଲାର କୋମନା ବ୍ଲକ୍‌ର ୫ ଗ୍ରାମପଞ୍ଚାୟତର ଚାଷୀଙ୍କୁ ବୀମା ରାଶି ମିଳିପାରିନାହିଁ। ସେମାନଙ୍କ ନାମରେ ୨୬ ଲକ୍ଷ ଟଙ୍କା ବୀମା ରାଶି ଉତ୍କଳ ଗ୍ରାମ୍ୟ ବ୍ୟାଙ୍କକୁ ଆସିଛି। ଅଥଚ ଏହି ଟଙ୍କା ବ୍ୟାଙ୍କରେ ପଡ଼ି ରହିଛି। ବ୍ୟାଙ୍କ କର୍ତ୍ତୃପକ୍ଷ ଏ ବାବଦରେ ନାହିରେ ତେଲ ଦେଇ ନୀରବ ବସି ରହିଛନ୍ତି। ଏଭଳି ବ୍ୟତିକ୍ରମ ନେଇ ଦୀର୍ଘଦିନ ହେଲା ଅବହେଳିତ ହୋଇଆସୁଥିବା ଚାଷୀମାନେ ଶେଷରେ ତାତି ଉଠି ସମ୍ପୃକ୍ତ ବ୍ୟାଙ୍କକୁ ଘେରାଉ କରିଛନ୍ତି। ସୋମବାର କୋମନା ବ୍ଲକ ବୁଦ୍ଧିକୋମନା ପଞ୍ଚାୟତସ୍ଥିତ ଉତ୍କଳ ଗ୍ରାମ୍ୟ ବ୍ୟାଙ୍କ କାର୍ଯ୍ୟାଳୟଠାରେ ଶତାଧିକ ପ୍ରଭାବିତ ଚାଷୀ ଏକଜୁଟ ହୋଇ ବୀମା ଟଙ୍କା ପ୍ରଦାନରେ ଅବହେଳା ପ୍ରତିବାଦରେ ଚିତ୍କାର କରି ଜବାବ୍‌ ମାଗିଛନ୍ତି। ପୂର୍ବାହ୍ନ ୧୧ଟା ସମୟରେ ବୁଦ୍ଧିକୋମନା ସମେତ ନୂଆଗାଁ, କାଣ୍ଡେତରା, ଠିକପାଲି, ଗଣ୍ଡାମେର ପଞ୍ଚାୟତର ଶତାଧିକ ଚାଷୀଙ୍କ ଦୀର୍ଘଦିନର ପୁଞ୍ଜୀଭୂତ ଅସନ୍ତୋଷର ଏହି ଭୟାନକ ରୂପ ନାହିରେ ତେଲ ଦେଇ ବସି ରହିଥିବା ବ୍ୟାଙ୍କ କର୍ତ୍ତୃପକ୍ଷଙ୍କୁ ଦୋହଲାଇ ଦେଇଛି। ବ୍ୟାଙ୍କ କର୍ତ୍ତୃପକ୍ଷ ୭ ଦିନ ମଧ୍ୟରେ ବୀମା ରାଶି ଯୋଗାଇଦେବାକୁ ପ୍ରତିଶ୍ରୁତି ଦେଇଛନ୍ତି।
ଭାଜପାର କୃଷକ ମୋର୍ଚ୍ଚା ଜିଲା ସଭାପତି ସଞ୍ଜୟ କୁମାର ତିୱାରୀ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଯଦୁମଣି ପାଣିଗ୍ରାହୀଙ୍କ ନେତୃତ୍ୱରେ ବୀମାରାଶିରୁ ବଞ୍ଚତ୍ତ ଚାଷୀମାନେ ଏକଜୁଟ ହୋଇ ଏକ ଶୋଭାଯାତ୍ରାରେ ବ୍ୟାଙ୍କ କାର୍ଯ୍ୟାଳୟକୁ ଯାଇଥିଲେ। ସେଠାରେ ବେଶ୍‌ ସମୟ ଧରି ହୋ-ହାଲ୍ଲା କରିଥିଲେ। ସରକାର ବୀମା ଟଙ୍କା ୨୦୧୭ରେ ପ୍ରଦାନ କରିଥିବା ବେଳେ କାହିଁକି ଚାଷୀମାନଙ୍କୁ ତାହା ପ୍ରଦାନ କରାଯାଇନାହିଁ ଚାଷୀ ନେତାମାନେ ପ୍ରଶ୍ନବାଣରେ ବ୍ୟାଙ୍କ କର୍ତ୍ତୃପକ୍ଷଙ୍କୁ ଘାଇଲା କରିଥିଲେ। ବାରମ୍ବାର ବ୍ୟାଙ୍କ ଏବଂ ସରକାରୀ କାର୍ଯ୍ୟାଳୟକୁ ଦୌଡି ନୟାନ୍ତ ହେବାପରେ କୌଣସି ସରକାରୀ ସହାୟତା ନ ପାଇ ରାଜ୍ୟ ବାହାରକୁ ଚାଷୀମାନେ ଦାଦନ ଖଟିବାକୁ ଯାଇଛନ୍ତି। ଏଥିପାଇଁ ବ୍ୟାଙ୍କ ଏବଂ ବିଭାଗୀୟ ସରକାରୀ ଅଧିକାରୀ ଦାୟୀ ବୋଲି ଚାଷୀମାନେ ଅଭିଯୋଗ କରିଥିଲେ। ସୂଚନାଯୋଗ୍ୟ, ଉତ୍କଳ ଗ୍ରାମ୍ୟ ବ୍ୟାଙ୍କ ଅଧୀନ ୫ଟି ପଞ୍ଚାୟତର ଚାଷୀମାନଙ୍କ ବୀମା ବାବଦକୁ ୨୬ଲକ୍ଷରୁ ଊର୍ଦ୍ଧ୍ୱ ଟଙ୍କା ବ୍ୟାଙ୍କକୁ ଆସିଛି। ଏତେ ଟଙ୍କାକୁ ବ୍ୟାଙ୍କ କାହିଁକି ଚାଷୀମାନଙ୍କୁ ପ୍ରଦାନ କରିବାରେ ହେଳା କରିଛନ୍ତି, କେଉଁଠି ତ୍ରୁଟି ରହିଛି, କାହିଁକି ଚାଷୀଙ୍କୁ ଠିକ ସମୟରେ ଦିଆଗଲା ନାହିଁ ଆଦି ଉପରେ ନିରପେକ୍ଷ ତଦନ୍ତ କରାଯାଇ ଦୋଷୀ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ଦାବି ହୋଇଛି। ଅପରପକ୍ଷେ, ଏହି ବ୍ୟତିକ୍ରମ ନେଇ ବ୍ୟାଙ୍କ କର୍ତ୍ତୃପକ୍ଷ ବୀମା କମ୍ପାନୀକୁ ଦାୟୀ କରିଛନ୍ତି। ଚାଷୀଙ୍କୁ କେତେ ଲେଖାଏଁ ବୀମା ରାଶି ପ୍ରଦାନ କରାଯିବ ସେ ସମ୍ପର୍କିତ ଠିକ୍‌ ବିବରଣୀ ବୀମା କମ୍ପାନୀ ଦେଇନଥିବାରୁ ଆମେ ଟଙ୍କା ଠିକ୍‌ ସମୟରେ ଦେଇପାରିଲୁ ନାହିଁ ବୋଲି ବ୍ୟାଙ୍କ କର୍ତ୍ତୃପକ୍ଷ ସଫେଇ ଦେଇଛନ୍ତି। ଏ ସଂକ୍ରାନ୍ତରେ ଜିଲାପାଳ ଏକ ବୈଠକ ଡାକିଛନ୍ତି। ଆଗାମୀ ୭ଦିନ ଭିତରେ ବୀମା ରାଶି ପ୍ରଦାନ କରାଯିବାକୁ ବ୍ୟବସ୍ଥା କରାଯିବ ବୋଲି ଜଣାଇଛନ୍ତି।

All Right Reserved By

Model This Week

ସନ୍ତୋଷ

ସମ୍ବଲପୁର

ଟ୍ରକ୍‌- ବାଇକ୍‌ ମୁହାଁମୁହିଁ ଧକ୍କା: ଭଉଣୀ ଭାଇ ମୃତ, ଲୋକଙ୍କ ରାସ୍ତାରୋକୋ

ଟ୍ରକ୍‌- ବାଇକ୍‌ ମୁହାଁମୁହିଁ ଧକ୍କା: ଭଉଣୀ ଭାଇ ମୃତ, ଲୋକଙ୍କ ରାସ୍ତାରୋକୋ

ବାଲିଶଙ୍କରା, ୨୭।୫(ଡି.ଏନ.ଏ.)-ରବିବାର ସକାଳେ ସୁନ୍ଦରଗଡ଼ ଜିଲା ତଳସରା ଥାନା ବାଲିଶଙ୍କରା ବ୍ଲକ କାର୍ଯ୍ୟାଳୟ ନିକଟ ଡ଼ୁରୁଙ୍ଗା ନାଳ ପୋଲ ପାର୍ଶ୍ୱରେ ଟ୍ରକ୍‌ -ବାଇକ୍‌ ମୁହାଁମୁହିଁ ଧକ୍କା ହୋଇଛି। ଏଥିରେ ଭଉଣୀ ଭାଇଙ୍କ ମୃତ୍ୟୁ ଘଟିଛି।

ବିବାହିତ ପ୍ରେମିକଙ୍କ ଛୁରିମାଡରେ ବିବାହିତା ପ୍ରେମିକା ଗୁରୁତର

ରାଜଗାଙ୍ଗପୁର, ୨୭।୫ (ଡି.ଏନ.ଏ)- ସୁନ୍ଦରଗଡ ଜିଲା ରାଜଗାଙ୍ଗପୁର ଥାନା ଅଞ୍ଚଳରେ ଶନିବାର ଏକ ଅଭାବନୀୟ ଘଟଣା ଘଟିଛି। ବିବାହିତ ପ୍ରେମିକଙ୍କ ଛୁରି ମାଡ଼ରେ ବିବାହିତା ପ୍ରେମିକା ଗୁରୁତର ହୋଇଛନ୍ତି। ଏନେଇ ଥାନାରେ ମାମଲା ରୁଜୁ ହୋଇ ତଦନ୍ତ ଚାଲିଛି।

ମାଈ ହରିଣର ମୃତଦେହ ଉଦ୍ଧାର

ମାଈ ହରିଣର ମୃତଦେହ ଉଦ୍ଧାର

ଲହୁଣୀପଡା, ୨୭।୫ (ଡି.ଏନ.ଏ)- ସୁନ୍ଦରଗଡ ଜିଲା ଲହୁଣୀପଡା ବ୍ଲକ କୁଳିପୋଷ ରେଞ୍ଜ ଅଧୀନ କୁର୍ଡା ପଞ୍ଚାୟତ ନିଶ୍ଚିତପୁର ଗ୍ରାମର ଏକ ପରିବା ବଗିଚା ଭିତରୁ ଶନିବାର ପୂର୍ବାହ୍ନରେ ଏକ ମାଈହରିଣର ମୃତଦେହ ବନବିଭାଗ କର୍ମଚାରୀମାନେ ଉଦ୍ଧାର କରିଛନ୍ତି। ପ୍ରାଣୀ ଚିକିତ୍ସକଙ୍କ ଦ୍ୱାରା ବ୍ୟବଚ୍ଛେଦ କରାଇ ସମସ୍ତଙ୍କ ଉପସ୍ଥିତିରେ ପୋତି ଦିଆଯାଇଛି।

ପାଣି ପାଇଁ ଲୋକେ ଡହଳବିକଳ

ପାଣି ପାଇଁ ଲୋକେ ଡହଳବିକଳ

ଭବାନୀପାଟଣା,୨୭।୫(ଡି.ଏନ.ଏ.)- କଳାହାଣ୍ଡି ଜିଲାର ଭବାନୀପାଟଣା ସହରରେ ଦିନକୁ ଦିନ ଗ୍ରୀଷ୍ମ ତାତି ବୃଦ୍ଧି ପାଇବାରେ ଲାଗିଥିବା ବେଳେ ପାନୀୟ ଜଳ ପାଇଁ ଲୋକେ ଡହଳବିକଳ ହେଉଛନ୍ତି । ସହରରେ ୧ କୋଟି ୧୫ ଲକ୍ଷ ଲିଟର ପାନୀୟ ଜଳର ଆବଶ୍ୟକତା ଥିବାବେଳେ ଜଳ ଓ ପରିମଳ ବିଭାଗ ପକ୍ଷରୁ ମାତ୍ର ୭୫ ଲକ୍ଷ ଲିଟର ଜଳ ଯୋଗାଣ ହୋଇପାରୁଛି ।

ନାବାଳିକା  ଗର୍ଭବତୀ ହୋଇ ଯାଆଁଳା ଶିଶୁ ଜନ୍ମଦେବା ଘଟଣା: ୩ଲକ୍ଷ ଟଙ୍କାର ଆର୍ଥିକ  ସହାୟତା ପାଇଁ ନିର୍ଦ୍ଦେଶ

ନାବାଳିକା ଗର୍ଭବତୀ ହୋଇ ଯାଆଁଳା ଶିଶୁ ଜନ୍ମଦେବା ଘଟଣା: ୩ଲକ୍ଷ ଟଙ୍କାର ଆର୍ଥିକ ସହାୟତା ପାଇଁ ନିର୍ଦ୍ଦେଶ

ସୁନ୍ଦରଗଡ,୨୭।୫ (ଡି.ଏନ୍‌.ଏ)-ଜଣେ ୧୩ବର୍ଷ ନାବାଳିକା ଗତ ୧୭ ତାରିଖ ସକାଳେ ସ୍ଥାନୀୟ ଜିଲା ମୁଖ୍ୟ ଡାକ୍ତରଖାନାରେ ଯାଆଁଳା ଶିଶୁ ଜନ୍ମ ଦେବା ଘଟଣାରେ ଜିଲା ଆଇନ ସେବା ପ୍ରାଧିକରଣର ଅଧ୍ୟକ୍ଷ ତଥା ଜିଲା ଜଜ୍‌ ମାନସ ରଞ୍ଜନ ବାରିକ ସମ୍ପୃକ୍ତ ପୀଡିତା ନାବାଳିକାଙ୍କୁ ୩ଲକ୍ଷ ଟଙ୍କାର ଅନୁକମ୍ପାମୂଳକ ରାଶି ପ୍ରଦାନ ନିମନ୍ତେ ନିର୍ଦ୍ଦେଶ ଦେଇଛନ୍ତି।

ତାମିଲନାଡୁକୁ ଦାଦନ ଯାଇଥିବା ଯୁବତୀଙ୍କ ପତ୍ତା ମିଳୁନାହିଁ: ବାପା ଥାନାର ଦ୍ୱାରସ୍ଥ, ଦଲାଲଙ୍କ ଭୂମିକା ସନ୍ଦେହ ଜନକ

ତାମିଲନାଡୁକୁ ଦାଦନ ଯାଇଥିବା ଯୁବତୀଙ୍କ ପତ୍ତା ମିଳୁନାହିଁ: ବାପା ଥାନାର ଦ୍ୱାରସ୍ଥ, ଦଲାଲଙ୍କ ଭୂମିକା ସନ୍ଦେହ ଜନକ

କର୍ଲାମୁଣ୍ଡା/ମ.ରାମପୁର,୨୭।୫(ଡି.ଏନ.ଏ.)- କଳାହାଣ୍ଡି ଜିଲା ମ.ରାମପୁର ବ୍ଲକ ଅନ୍ତର୍ଗତ ଗୋଚ୍ଛାଡେଙ୍ଗେନ ପଞ୍ଚାୟତର ବାଞ୍ଜିପଦର ଗ୍ରାମର ଜଣେ ଗରିବ ଦଳିତ ପରିବାର ବ୍ୟକ୍ତି ଅଟନ୍ତି ଗୋପିନାଥ ସୁନା। ତାଙ୍କର ୧୯ ବର୍ଷିୟା ଝିଅ ରଶ୍ମିତା। ଆଜକୁ ପ୍ରାୟ ୭ ମାସ ହେବ ଗୋଚ୍ଛାଡେଙ୍ଗେନର ଦାଦନ ଦଲାଲ ଯୁଧିଷ୍ଠିର ବିଭାର ତାମିଲନାଡୁକୁ ଯାଇ କାମ କଲେ ଭଲ ଦି ପଇସା ରୋଜଗାର ହେବ ବୋଲି ପ୍ରଲୋଭନ ଦେଖାଇ ରଶ୍ମିତାଙ୍କ ସମେତ ଗୋଚ୍ଛାଡେଙ୍ଗେନ ଅଞ୍ଚଳର ୫ ଜଣ ଝିଅଙ୍କୁ ନେଇ ସେ ତାମିଲନାଡୁ ଯାଇଥିଲେ।

ଜିଲା ଅଣଗେଜେଟେଡ୍‌ ସମନ୍ବୟ ସମିତିର ବୈଠକ

ଜିଲା ଅଣଗେଜେଟେଡ୍‌ ସମନ୍ବୟ ସମିତିର ବୈଠକ

ଭବାନୀପାଟଣା,୨୭।୫(ଡି.ଏନ.ଏ.)- ସ୍ଥାନୀୟ ଅମଲା ଭବନ ପରିସରରେ କଳାହାଣ୍ଡି ଜିଲା ଅଣଗେଜେଟେଡ୍‌ କର୍ମଚାରୀ ସମନ୍ବୟ ସମିତି ଏକ ଜରୁରୀ ବୈଠକ ଶନିବାର ଅନୁଷ୍ଠିତ ହୋଇଯାଇଛି । ଅଭିମନ୍ୟୁ ମହାନନ୍ଦଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଜିଲା ପ୍ରଶାସନ ଆକ୍ରୋଶ ମୂଳକ ଭାବେ ସମିତିର କାର୍ଯ୍ୟାଳୟକୁ ଭାଙ୍ଗି ଦେଇଥିବାରୁ ସମସ୍ତ ସଭ୍ୟାସଭ୍ୟ କ୍ଷୋଭ ପ୍ରକାଶ କରିବା ସହିତ ପ୍ରଶାସନର ଏପରି କାର୍ଯ୍ୟକୁ ତୀବ୍ର ନିନ୍ଦା କରିଥିଲେ ।

ବାଲିଶଙ୍କରା ବ୍ଲକର ବିଭିନ୍ନ ସ୍ଥାନରେ ବର୍ଷା, ଝଡତୋଫାନ: ବ୍ୟାପକ କ୍ଷୟକ୍ଷତି

ବାଲିଶଙ୍କରା ବ୍ଲକର ବିଭିନ୍ନ ସ୍ଥାନରେ ବର୍ଷା, ଝଡତୋଫାନ: ବ୍ୟାପକ କ୍ଷୟକ୍ଷତି

ବାଲିଶଙ୍କରା, ୨୭।୫ (ଡି.ଏନ.ଏ)- ବାଲିଶଙ୍କରା ବ୍ଲକର ବିଭିନ୍ନ ସ୍ଥାନରେ ବର୍ଷା, ଝଡ଼ତୋଫାନରେ ବ୍ୟାପକ କ୍ଷୟକ୍ଷତି ହୋଇଛି। ବାଲିଶଙ୍କରା ଗ୍ରାମର ଭାଟିପଡାର ସଂମସାର ଖାନ ଓ କମଳ ସିଂଙ୍କ ଘର କ୍ଷତିଗ୍ରସ୍ତ ହୋଇଛି। ଝଡ ତୋଫାନ ଓ ବର୍ଷା ଦ୍ୱାରା ଗଛ ଘର ଉପରେ ପଡିଯାଇଛି।

ରାଉରକେଲା -ସମ୍ବଲପୁର ବିଜୁ ଏକ୍‌ସପ୍ରେସ ଓ୍ବେରେ ଟୋଲଟ୍ୟାକ୍ସ  ଉଚ୍ଛେଦ ଦାବି: ଓକିଲ ସଂଘର ଆନ୍ଦୋଳନ:  ସୁନ୍ଦରଗଡ ନାଗରିକ କମିଟିର ସମର୍ଥନ

ରାଉରକେଲା -ସମ୍ବଲପୁର ବିଜୁ ଏକ୍‌ସପ୍ରେସ ଓ୍ବେରେ ଟୋଲଟ୍ୟାକ୍ସ ଉଚ୍ଛେଦ ଦାବି: ଓକିଲ ସଂଘର ଆନ୍ଦୋଳନ: ସୁନ୍ଦରଗଡ ନାଗରିକ କମିଟିର ସମର୍ଥନ

ସୁନ୍ଦରଗଡ, ୨୭।୫ (ଡି.ଏନ୍‌.ଏ) -ରାଉରକେଲା ସମ୍ବଲପୁର ବିଜୁ ଏକ୍‌ସପ୍ରେସ ଓ୍ବେରେ ଟୋଲ ଟ୍ୟାକ୍ସ ଉଚ୍ଛେଦ ଦାବି କରାଯାଇଛି। ଏନେଇ ସୁନ୍ଦରଗଡ, ଝାରସୁଗୁଡା, ସମ୍ବଲପୁର, ରାଉରକେଲା ଓ ରାଜଗାଙ୍ଗପୁର ଓକିଲ ସଂଘ ପକ୍ଷରୁ ପୂର୍ବ ନିଷ୍ପତ୍ତି ଅନୁଯାୟୀ ଶନିବାର ଏହି ରାସ୍ତାର ମସ୍ନିକାନୀ, ରେଙ୍ଗାଲି, ରାଜଗାଙ୍ଗପୁର ଲାଇଙ୍ଗଠାରେ ଥିବା ଏଲଆଣ୍ଡଟି ଟୋଲପ୍ଲାଜା ନିକଟରେ ସକାଳ ୮ଟାରୁ ୧୨ଟା ପର୍ଯ୍ୟନ୍ତ ଟୋଲ ଆଦାୟକୁ ବିରୋଧ କରି ପିକେଟିଂ କରି ଶାନ୍ତିପୂର୍ଣ୍ଣ ଆନ୍ଦୋଳନ କରାଯାଇଥିଲା।

ବାଇକ ସହ ଗଞ୍ଜେଇ ଜବତ, ୨ଗିରଫ

ବାଇକ ସହ ଗଞ୍ଜେଇ ଜବତ, ୨ଗିରଫ

ଉଲୁଣ୍ଡା,୨୬ା୫(ଡି.ଏନ.ଏ.) ସୁବର୍ଣ୍ଣପୁର ଜିଲା ଉଲୁଣ୍ଡା ପୋଲିସ ଗଞ୍ଜେଇ ଚୋରାଚାଲାଣ କରୁଥିବା ଅଭିଯୋଗରେ ଶନିବାର ୨ଜଣଙ୍କୁ କୋର୍ଟଚାଲାଣ କରିଛି। ଅଭିଯୁକ୍ତମାନେ ହେଲେ ସମ୍ବଲପୁର ମାରୱାଡି ଦଲେଇପଡାର ଅଶୋକ ୟାଦବ ଏବଂ କାମଦେବ ସାହା(୨୧)।

ଶତ୍ସ୍ୟବୀମାରୁ ବାଦ୍‌, ଆର୍‌ଆଇ ଅଫିସ ସମ୍ମୁଖରେ ଧାରଣା

ଶତ୍ସ୍ୟବୀମାରୁ ବାଦ୍‌, ଆର୍‌ଆଇ ଅଫିସ ସମ୍ମୁଖରେ ଧାରଣା

ଅତାବିରା, ୨୬।୫ (ଡି.ଏନ.ଏ) ଗତ ଖରିଫ ଋତୁରେ କ୍ଷୟକ୍ଷତି ହୋଇଥିବା ଫସଲ ଉପରେ ଭେଡେନ ତହସିଲ ତଥା ବ୍ଲକର ସମସ୍ତ ପଞ୍ଚାୟତ ଫସଲ ବୀମା ଅନ୍ତର୍ଭୁକ୍ତ ହୋଇଥିବା ବେଳେ ଡାଳବ ପଞ୍ଚାୟତକୁ ଫସଲ ବୀମାରୁ ବଞ୍ଚତ୍ତ କରାଯାଇଛି ।

ବିଶ୍ୱନାଥପୁରରେ ପାଇକ ବିଦ୍ରୋହ ସ୍ମୃତିଚାରଣ ମହୋତ୍ସବ

ବିଶ୍ୱନାଥପୁରରେ ପାଇକ ବିଦ୍ରୋହ ସ୍ମୃତିଚାରଣ ମହୋତ୍ସବ

ଲାଞ୍ଜିଗଡ଼,୨୬।୫(ଡି.ଏନ.ଏ.)- ବୀର ରକ୍ତର ଶୋଧନରେ ଏ ମାଟି ପବିତ୍ର ହୋଇଉଠିଛି । ବୀର ପ୍ରସବିନୀ ଏହି ମାଟିର ଇତିହାସ ସୃଷ୍ଟି କରିବାରେ ଓଡ଼ିଆ ବୀର ପାଇକଙ୍କ ଅବଦାନ ଅତୁଳନୀୟ । ଏ ଜାତିର ତ୍ୟାଗ ଓ ବଳିଦାନ ଉପରେ ଆଜି ସୁରକ୍ଷିତ ଭାବେ ଦଣ୍ଡାୟମାନ ହୋଇଛି ଅନେକ ଐତିହ୍ୟ ଓ କୀର୍ତ୍ତିରାଜି। ଇତିହାସ ପ୍ରସିଦ୍ଧ କଳାହାଣ୍ଡିର ଗୌରବର ଗାଥା ପାଇକ ଜାତିର ରକ୍ତରେ ଲେଖାଯାଇଛି ବୋଲି ଶନିବାର କଳାହାଣ୍ଡି ଜିଲା ବିଶ୍ୱନାଥପୁରଠାରେ ଅନୁଷ୍ଠିତ ପାଇକ ବିଦ୍ରୋହ ସ୍ମୃତିଚାରଣ ମହୋତ୍ସବରେ ଅତିଥିମାନେ ମତ ପ୍ରକାଶ କରିଛନ୍ତି। ବିଶ୍ୱନାଥପୁରସ୍ଥିତ ମା’ ହୀରାନୀଳା ସାଂସ୍କୃତିକ ଅନୁଷ୍ଠାନ ଦ୍ୱାରା କଲେଜଛକ ନିକଟସ୍ଥ ଆମ୍ବତୋଟାଠାରେ ଆୟୋଜିତ ସମାରୋହରେ କଳାହାଣ୍ଡି, ରାୟଗଡ଼ା, ନୂଆପଡ଼ା, ବଲାଙ୍ଗୀର, ନବରଙ୍ଗପୁର, କନ୍ଧମାଳ ଜିଲାରୁ ଶତାଧିକ ଜନସାଧାରଣଙ୍କ ସମାଗମ ହୋଇଥିଲା ।