ରାଜ୍ୟ |

ଏସ୍‌ସିବି ରକ୍ତରୋଗ ବିଭାଗ ଅଚଳ: ୩ ମାସରେ ୪୩ ରୋଗୀଙ୍କ ମୃତ୍ୟୁ

ଏସ୍‌ସିବି ରକ୍ତରୋଗ ବିଭାଗ ଅଚଳ: ୩ ମାସରେ ୪୩ ରୋଗୀଙ୍କ ମୃତ୍ୟୁ
କଟକ ଅଫିସ, ୨୭।୩ (ନିର୍ମଳ ପଣ୍ଡା) - ଆମକୁ ୩ମାସରୁ ଅଧିକ ସମୟ ହେବ ଠିକ୍‌ଭାବେ ଚିକିତ୍ସା ମିଳୁନି। ତେଣୁ ସରକାର ଆମର ଦୁଃଖ ବୁଝି ତୁରନ୍ତ ଡାକ୍ତର ଯୋଗାଇ ଦିଅନ୍ତୁ। ମଙ୍ଗଳବାର ସକାଳେ ଏସ୍‌ସିବି ମେଡିକାଲର ରକ୍ତରୋଗ (ହେମାଟୋଲୋଜି) ବିଭାଗର ଆଉଟ୍‌ଡୋର ଆଗରେ ବହୁ ସଂଖ୍ୟକ ରୋଗୀ ବିପର୍ଯ୍ୟସ୍ତ ଚିକିତ୍ସାକୁ ନେଇ ପ୍ରତିବାଦ କରୁଥିବାବେଳେ ଏହି ଦାବି କରୁଥିଲେ। ଏହି ରୋଗୀଙ୍କ ମଧ୍ୟରେ କିଏ ରକ୍ତକର୍କଟରେ ତ ଆଉକିଏ ହିମୋଫିଲିଆ, ସିକିଲସେଲ୍‌, ଥାଲାସିମିଆ ଆଦି ରକ୍ତ ରୋଗରେ ପୀଡିତ ଅଛନ୍ତି। ଗତ ଡିସେମ୍ବର ମାସ ପୂର୍ବରୁ ଏସ୍‌ସିବି ରକ୍ତରୋଗ ବିଭାଗରେ ଏପରି ଅଚଳାବସ୍ଥା ଉପୁଜିଛି। ବିଦେଶୀ ଔଷଧ କମ୍ପାନୀ ସହିତ ଲିଙ୍କ ଓ ଓଡ଼ିଶା ରାଜ୍ୟ ଚିକିତ୍ସା ପାଣ୍ଠି(ଓଏସଟିଏଫ) ଅର୍ଥର ଅପବ୍ୟବହାର ଅଭିଯୋଗରେ ଡିସେମ୍ବର ୧୩ରେ ତତ୍କାଳୀନ ବିଭାଗୀୟ ମୁଖ୍ୟ ପ୍ରଫେସର ରବୀନ୍ଦ୍ର ଜେନା ଓ ୨୧ ତାରିଖରେ ସହକାରୀ ପ୍ରଫେସର ଡା. ସୁଧା ସେଠୀଙ୍କୁ ଭିଜିଲାନ୍ସ ଗିରଫ କରିଥିଲା। ଏହାପରେ ଉଭୟ ଡାକ୍ତରଙ୍କୁ ସରକାର ଚାକିରିରୁ ନିଲମ୍ବିତ କରିଛନ୍ତି। ଏବେ ଲିଭର ଓ ପିତ୍ତକୋଷ (ହେପାଟୋଲୋଜି) ବିଭାଗର ମୁଖ୍ୟଙ୍କ ତତ୍ତ୍ୱାବଧାନରେ ଜଣେ ଅବସରପ୍ରାପ୍ତ ଓ ଅନ୍ୟଜଣେ ଆଡହକ ଡାକ୍ତରଙ୍କ ଦ୍ୱାରା ଏହି ବିଭାଗ ପାଖାପାଖି ୩ମାସ ହେବ କାର୍ଯ୍ୟ କରୁଛି। ଫଳରେ ଚିକିତ୍ସା ସେବାରେ ଗୁରୁତର ବିଭ୍ରାଟ ଦେଖାଦେଇଛି। ପୂର୍ବରୁ ରୋଗୀମାନେ ଏକଜୁଟ ହୋଇ ମେଡିକାଲ ଅଧୀକ୍ଷକ ଓ ପ୍ରଶାସନିକ ଅଧିକାରୀଙ୍କ ପାଖକୁ ଅଭିଯୋଗ କରିବାକୁ ଯାଇ ନିରାଶ ହୋଇ ଫେରିଛନ୍ତି । ଏବେ କେତେଜଣ ରୋଗୀ ମେଡିକାଲ ଛାଡି ଘରକୁ ପଳାଇଥିବାବେଳେ ଆଉ କେତେଜଣ ଅସ୍ଥିମଜ୍ଜା ପ୍ରତିରୋପଣ(ବୋନ୍‌ମାରୋ ଟ୍ରାନ୍ସପ୍ଲାଣ୍ଟ) ପାଇଁ ଅପେକ୍ଷା କରି ରହିଛନ୍ତି। ଏ ପରିସ୍ଥିତିରେ ଗତ ୩ମାସ ମଧ୍ୟରେ ହେମାଟୋଲୋଜି ବିଭାଗରେ ୪୩ଜଣ ରୋଗୀଙ୍କ ମୃତ୍ୟୁ ଘଟିଥିବା ଜଣାପଡିଛି। ଅନ୍ୟପକ୍ଷରେ ବୋନମାରୋ ଟ୍ରାନ୍ସପ୍ଲାଣ୍ଟ ୟୁନିଟରେ ମଧ୍ୟ ଏକପ୍ରକାର ତାଲା ଝୁଲୁଥିବା ଦେଖିବାକୁ ମିଳୁଛି। ୧୯୭୨ରେ ଏସ୍‌ସିବିରେ ପ୍ରତିଷ୍ଠା କରାଯାଇଥିଲା ରକ୍ତରୋଗ ବିଭାଗ। ଆଜିପର୍ଯ୍ୟନ୍ତ ରାଜ୍ୟ ସରକାରଙ୍କ ଦ୍ୱାରା ପରିଚାଳିତ କୌଣସି ସରକାରୀ ଡାକ୍ତରଖାନାରେ ଏହି ବିଭାଗ ଖୋଲିନାହିଁ। ୨୦୧୪ ଏପ୍ରିଲରେ ଏହି ବିଭାଗରେ ଆରମ୍ଭ ହୋଇଥିଲା ଜଟିଳ ଅସ୍ଥିମଜ୍ଜା ପ୍ରତିରୋପଣ ବା ବୋନ୍‌ମାରୋ ଟ୍ରାନ୍ସପ୍ଲାଣ୍ଟ। ଏହି ବ୍ୟୟ ସାପେକ୍ଷ ଚିକିତ୍ସା ମାଗଣାରେ ଯୋଗାଇ ଦେବାରେ ଓଡ଼ିଶା ଦେଶରେ ପ୍ରଥମ ରାଜ୍ୟଭାବେ ସୁନାମ ଅର୍ଜନ କରିଥିଲା। ଘରୋଇ ଭାବେ ଏହି ଚିକିତ୍ସା କରାଇଲେ ଅତିକମ୍‌ରେ ୧୦ରୁ ୧୫ଲକ୍ଷ ଟଙ୍କା ଆବଶ୍ୟକ। ଅଦ୍ୟାବଧି ଏସ୍‌ସିବି ହେମାଟୋଲୋଜି ବିଭାଗରେ ୫୫ଜଣ ରୋଗୀଙ୍କ କ୍ଷେତ୍ରରେ ବୋନ୍‌ମାରୋ ଟ୍ରାନ୍ସପ୍ଲାଣ୍ଟ ସଫଳତାର ସହିତ କରାଯାଇଛି। ମାତ୍ର ଯେଉଁମାନଙ୍କର ବୋନମାରୋ ଟ୍ରାନ୍ସପ୍ଲାଣ୍ଟ କରାଯାଇଛି ସେମାନେ ଏବେ ଫଲୋଅପ୍‌ ଚିକିତ୍ସା ପାଇପାରୁନାହାନ୍ତି। କିନ୍ତୁ ଏବେ ପରିସ୍ଥିତି ଏପରି ହୋଇଛି, ଚିକିତ୍ସା ନ ପାଇ ରୋଗୀ ଘରକୁ ଫେରୁଛନ୍ତି। ବାସ୍ତବତା ବଖାଣିଲେ ରୋଗୀ ଅଭିଭାବକ: ଯାଜପୁର ଟାଉନ ଅଞ୍ଚଳରୁ ଝିଅଙ୍କୁ ଚିକିତ୍ସା ନିମନ୍ତେ ଆଣିଥିବା ସୁଧାଶ୍ରୀ ପରିଡା ନିରାଶ ହେବା ପରେ ଘରକୁ ଫେରିଛନ୍ତି। ତାଙ୍କ କହିବାନୁଯାୟୀ, ରକ୍ତରୋଗରେ ପୀଡିତ ଝିଅର ଚିକିତ୍ସା ପାଇଁ ଏସ୍‌ସିବି ଆସିଥିଲେ। ନିୟମିତ ଚିକିତ୍ସା ଆବଶ୍ୟକ ପଡୁଥିବାରୁ କଟକରେ ଘରଭଡା ନେଇ ରହୁଥିଲେ। ହେଲେ ଡିସେମ୍ବର ପରଠାରୁ ଝିଅର ଠିକ୍‌ଭାବେ ଚିକିତ୍ସା ନ ମିଳିବାରୁ ଗତମାସରୁ କଟକ ଛାଡିଛନ୍ତି। ସେହିଭଳି ଜନ୍ମରୁ ରକ୍ତରୋଗରେ ପୀଡିତ ଅଛନ୍ତି ଭୁବନେଶ୍ୱରର ୨୫ବର୍ଷିୟା ଯୁବତୀ ଝରଣା ମଲିକ। ଝରଣାଙ୍କ ବୋନ୍‌ମାରୋ କରାଯିବାକୁ ସ୍ଥିର ହୋଇଥିଲା। ହେଲେ ବିଭାଗରେ ଉପୁଜିଥିବା ଚିକିତ୍ସା ପରିସ୍ଥିତି ତାଙ୍କ ଆଶାକୁ ଭାଙ୍ଗିଦେଇଛି। ଜଗତ୍‌ସିଂହପୁର ଅଞ୍ଚଳର ପବିତ୍ର ଦାସ କୁହନ୍ତି, ତାଙ୍କର ୨୫ବର୍ଷର ଭାଇ ଅରୁଣଙ୍କ ଚିକିତ୍ସା ଚାଲିଛି ହେମାଟୋଲୋଜି ବିଭାଗରେ। ହେଲେ ୩ମାସ ହେବ କିଭଳି ଚିକିତ୍ସା ଚାଲିଛି ତାହା ଜାଣି ପାରୁନାହଁୁ ବୋଲି କହିଛନ୍ତି ସେ। ଚିକିତ୍ସା ସେବାକୁ ସରକାର ଅଣଦେଖା ନ କରନ୍ତୁ: ଯିଏ ଦୁର୍ନିତୀରେ ସମ୍ପୃକ୍ତ ସିଏ ଆଇନ ଅନୁଯାୟୀ ଦଣ୍ଡିତ ହେଉ। ହେଲେ ରୋଗୀ ସ୍ବାର୍ଥକୁ ଅଣଦେଖା କରାଯିବା ଅତ୍ୟନ୍ତ ଦୁର୍ଭାଗ୍ୟଜନକ। ସରକାର ଏହାର ବିକଳ୍ପ ବ୍ୟବସ୍ଥା କରିବା ଉଚିତ ବୋଲି କହିଛନ୍ତି ଓଡ଼ିଶା ହେମାଟୋଲୋଜି ସୋସାଇଟି ସଭାପତି ତଥା ଅବସରପ୍ରାପ୍ତ ବରିଷ୍ଠ ଚିକିତ୍ସିକ ପ୍ରଫେସର ନିରଞ୍ଜନ ତ୍ରିପାଠୀ। ଅସ୍ଥିମଜ୍ଜା ପ୍ରତିରୋପଣ ଭଳି ଅତ୍ୟନ୍ତ ବ୍ୟୟବହୁଳ ଚିକିତ୍ସା ଘରୋଇଭାବେ କରିବା ପାଇଁ ସମସ୍ତ ରୋଗୀଙ୍କ ଶକ୍ତି କିମ୍ବା ସାମର୍ଥ୍ୟ ନାହିଁ। ତେଣୁ ଅଭିଜ୍ଞ ଡାକ୍ତରଙ୍କୁ ନିୟୋଜିତ କରାଇ ସରକାର ତୁରନ୍ତ ଏହି ବିଭାଗକୁ କାର୍ଯ୍ୟକ୍ଷମ କରିବା ଉଚିତ ବୋଲି ଡାକ୍ତର ତ୍ରିପାଠୀ କହିଛନ୍ତି। ହୋମଟୋଲୋଜି ବିଭାଗର ଭାରାପ୍ରାପ୍ତ ପ୍ରଫେସର ଡା. ଉମେଶ ଚନ୍ଦ୍ର ପାତ୍ର କୁହନ୍ତି, ମୋତେ କେବଳ ଓଏସ୍‌ଟିଏଫ ମଞ୍ଜୁର କରିବାର ଦାୟିତ୍ୱ ମିଳିଛି। ତେଣୁ ଏହି ରୋଗୀଙ୍କ ଚିକିତ୍ସା କରିବା ମୋ ପକ୍ଷରେ ସମ୍ଭବ ନୁହେଁ। ଏସ୍‌ସିବି ଅଧୀକ୍ଷକ ପ୍ରଫେସର ଶ୍ୟାମା କାନୁନ୍‌ଗୋ କୁହନ୍ତି, ଭିଜିଲାନ୍ସ ଗିରଫ ପରେ ଯେଉଁ ଦୁଇଜଣ ଡାକ୍ତରଙ୍କୁ ଚାକିରିରୁ ନିଲମ୍ବିତ କରାଯାଇଥିଲା ସେମାନେ ଏବେ ବିନା ଡ୍ୟୁଟିରେ ନିଯୁକ୍ତି ପାଇଛନ୍ତି। ଡାକ୍ତର ଜେନା ଏସ୍‌ସିବି ପ୍ରିନ୍ସିପାଲ ଅଫିସ ଓ ଡାକ୍ତର ସେଠୀ ଡିଏମଇଟି ଅଫିସରେ କାର୍ଯ୍ୟ କରୁଛନ୍ତି। ସେମାନଙ୍କୁ ସେଠାରେ ବସାଇ ଦରମା ଦେବା ଅପେକ୍ଷା ବିଭାଗୀୟ କାର୍ଯ୍ୟ କରିବା ପାଇଁ ବ୍ୟବସ୍ଥା କରାଯାଉଛି ବୋଲି କହିଥିଲେ।
All Right Reserved By

ରାଜ୍ୟ |

ଶହୀଦ ପିଲାଙ୍କ ପଢା ଖର୍ଚ୍ଚ ବହନ କରିବେ ରାଜ୍ୟ ସରକାର

ଶହୀଦ ପିଲାଙ୍କ ପଢା ଖର୍ଚ୍ଚ ବହନ କରିବେ ରାଜ୍ୟ ସରକାର

ଭୁବନେଶ୍ୱର,୧୬।୨(ବ୍ୟୁରୋ)- ଜାମ୍ମୁ ଓ କଶ୍ମୀରର ଫୁଲୱାମା ଜିଲାରେ ଆତଙ୍କବାଦୀଙ୍କ ଆକ୍ରମଣରେ ପ୍ରାଣ ହରାଇଥିବା ଦୁଇ ଓଡ଼ିଶା ବୀର ସୈନିକଙ୍କ ମରଶରୀର ଓଡ଼ିଶାରେ ପହଞ୍ଚିଛି।

ଫୁଲନଖରାରେ ଶହୀଦ ମନୋଜଙ୍କୁ ଶ୍ରଦ୍ଧାଞ୍ଜଳି

ଫୁଲନଖରାରେ ଶହୀଦ ମନୋଜଙ୍କୁ ଶ୍ରଦ୍ଧାଞ୍ଜଳି

ଫୁଲନଖରା, ୧୬।୨(ଡି.ଏନ୍‌.ଏ.)-ଜମ୍ମୁ-କଶ୍ମୀରରେ ସିଆରପିଏଫ୍‌ ଯବାନଙ୍କ ଉପରେ ହୋଇଥିବା ଆତଙ୍କବାଦୀ ଆକ୍ରମଣରେ ଶହୀଦ ହୋଇଥିବା ୨ଓଡ଼ିଆ ଯବାନଙ୍କ ମଧ୍ୟରୁ କଟକ ଜିଲା ନିଆଳିର ଶହୀଦ ମନୋଜ ବେହେରାଙ୍କ ମରଶରୀରକୁ ଶନିବାର ଫୁଲନଖରା ଛକରେ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି।

୨ ଓଡ଼ିଆ ଶହୀଦଙ୍କ ପରିବାରବର୍ଗଙ୍କୁ ଭେଟି ସମବେଦନା ଜଣାଇଲେ ଏମ୍‌ପି, ବିଧାୟକ

୨ ଓଡ଼ିଆ ଶହୀଦଙ୍କ ପରିବାରବର୍ଗଙ୍କୁ ଭେଟି ସମବେଦନା ଜଣାଇଲେ ଏମ୍‌ପି, ବିଧାୟକ

କାକଟପୁର,୧୬।୨(ଡି.ଏନ୍‌.ଏ.): ଜମ୍ମୁ-କଶ୍ମୀର ପୁଲ୍‌ଓ୍ବାମାଠାରେ ଆତଙ୍କବାଦୀ  ଆକ୍ରମଣରେ ୨ ଓଡ଼ିଆ ଯବାନ ଶହୀଦ ହୋଇଥିଲେ। ଏ ନେଇ ଜଗତ୍‌ସିଂହପୁର ଏମ୍‌ପି  କୁଳମଣି ସାମଲ, କାକଟପୁର ବିଧାୟକ ସୁରେନ୍ଦ୍ର ସେଠୀ, ପୁରୀ ଜିଲା ପରିଷଦ ଅଧ୍ୟକ୍ଷ ଜ୍ୟୋତିର୍ମୟ ଦଳାଇ, କାକଟପୁର ବ୍ଲକ ଅଧ୍ୟକ୍ଷା ମନୋରମା ସ୍ବାଇଁ  ପ୍ରମୁଖ ଶନିବାର ଶହୀଦଙ୍କ ଜନ୍ମମାଟିକୁ ଯାଇଥିଲେ। 

୨ ଓଡ଼ିଆ  ଶହୀଦ ଯବାନଙ୍କ ପରିବାରକୁ ୨୫ ଲକ୍ଷ ଅନୁକମ୍ପା ରାଶି ଘୋଷଣାକଲେ ସରକାର

୨ ଓଡ଼ିଆ ଶହୀଦ ଯବାନଙ୍କ ପରିବାରକୁ ୨୫ ଲକ୍ଷ ଅନୁକମ୍ପା ରାଶି ଘୋଷଣାକଲେ ସରକାର

ଭୁବନେଶ୍ୱର,୧୬।୨(ବ୍ୟୁରୋ): ପୁଲ୍‌ଓ୍ବାମା ଆତଙ୍କବାଦୀ ଆକ୍ରମଣ ଘଟଣାରେ ଶହୀଦ ୨ ଓଡ଼ିଆ  ଯବାନଙ୍କ ପରିବାର ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁକମ୍ପା ରାଶି ୧୦ଲକ୍ଷରୁ ୨୫ ଲକ୍ଷ ଟଙ୍କାକୁ ଶନିବାର ବୃଦ୍ଧି କରିଛନ୍ତି।

ବିମାନ ବନ୍ଦରରେ ପହଞ୍ଚିଲା  ୨ ଓଡ଼ିଆ ଶହୀଦ ଯବାନଙ୍କ ପାର୍ଥିବ ଶରୀର

ବିମାନ ବନ୍ଦରରେ ପହଞ୍ଚିଲା ୨ ଓଡ଼ିଆ ଶହୀଦ ଯବାନଙ୍କ ପାର୍ଥିବ ଶରୀର

ଭୁବନେଶ୍ୱର,୧୬।୨(ବ୍ୟୁରୋ): ପୁଲ୍‌ଓ୍ବାମା ଆତଙ୍କବାଦୀ ଆକ୍ରମଣରେ ଶହୀଦ ୨ ଓଡ଼ିଆ  ବୀର ଯବାନଙ୍କ ପାର୍ଥିବ ଶରୀର ଦିଲ୍ଲୀରୁ ଏକ ସ୍ବତନ୍ତ୍ର ବିମାନ ଯୋଗେ ଭୁବନେଶ୍ୱର  ବିମାନବନ୍ଦରରେ  ଶନିବାର ପହଞ୍ଚିଛି।  

ଶିଳାନ୍ୟାସ ପୂର୍ବରୁ ଭାଙ୍ଗିଲା ଫଳକ: ହୋଇପାରିଲାନି ଶିଳାନ୍ୟାସ

ଶିଳାନ୍ୟାସ ପୂର୍ବରୁ ଭାଙ୍ଗିଲା ଫଳକ: ହୋଇପାରିଲାନି ଶିଳାନ୍ୟାସ

ତିହିଡ଼ି,୧୬।୨(ଡି.ଏନ୍‌.ଏ.): ଭଦ୍ରକ ଜିଲା ଚାନ୍ଦବାଲି ନିର୍ବାଚନମଣ୍ଡଳୀ ଅଧୀନ ଗୋବିନ୍ଦପୁର ପଞ୍ଚାୟତରେ ଶନିବାର ୩ ପ୍ରକଳ୍ପ ଉଦ୍‌ଘାଟନ ଓ ବିଭିନ୍ନ ଶିଳାନ୍ୟାସ ପାଇଁ ପ୍ରସ୍ତୁତି ଚୂଡାନ୍ତ ହୋଇଥିଲା।

ଗ୍ୟାସ୍‌ ଲିକ୍‌ରୁ ଅଗ୍ନିକାଣ୍ଡ: ୨ ବଖରା ଜଳିଗଲା, ୩ ଗୁରୁତର

ଗ୍ୟାସ୍‌ ଲିକ୍‌ରୁ ଅଗ୍ନିକାଣ୍ଡ: ୨ ବଖରା ଜଳିଗଲା, ୩ ଗୁରୁତର

ଛେଣ୍ଡିପଦା, ୧୬।୨(ସ୍ବ.ପ୍ର): ଅନୁଗୋଳ  ଜିଲା ଜରପଡ଼ା ଥାନା ଜେରେଙ୍ଗ ଦେହୁରୀ ସାହି ଗ୍ରାମ ପଞ୍ଚାୟତ ଅନ୍ତର୍ଗତ ଲକ୍ଷ୍ମୀଧରପୁର ବାହାଳସାହିରେ ଗ୍ୟାସ ଲିକ୍‌ ହୋଇଯିବାରୁ ଅଗ୍ନିକାଣ୍ଡ ଘଟିଛି। ଏଥିରେ ଦୁଇ ବଖରା ଚାଳଘର ପୋଡି ଜଳିଯାଇଥିବା ବେଳେ ୩ ଜଣ ଗୁରୁତର ହୋଇଛନ୍ତି। ଖବର ପାଇ ଦମକଳ ବାହିନୀ ସେଠାରେ ପହଞ୍ଚି ନିଆଁକୁ ଆୟତ୍ତ କରିଥିଲେ ହେଁ ଘର ସମ୍ପୂର୍ଣ୍ଣ ନଷ୍ଟ ହୋଇଯାଇଛି।

ଖଇରା ନାଳପୋଲ ନିକଟରେ ବସ୍‌ ଦୁର୍ଘଟଣା: ଶିଶୁ ମୃତ, ୫ ଗୁରୁତର

ଖଇରା ନାଳପୋଲ ନିକଟରେ ବସ୍‌ ଦୁର୍ଘଟଣା: ଶିଶୁ ମୃତ, ୫ ଗୁରୁତର

କଟକ ଅଫିସ,୧୬।୨: କଟକ ଜିଲା ଜଗତପୁର ଥାନା ଅନ୍ତର୍ଗତ ଖଇରା ନାଳପୋଲ ନିକଟରେ ଶନିବାର ଏକ ଯାତ୍ରୀବାହୀ ବସ୍‌ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ଜଣେ ଶିଶୁଙ୍କ ମୃତ୍ୟୁ ଘଟିଥିବା ବେଳେ ୫ ଜଣ ଗୁରୁତର ଆହତ ହୋଇଛନ୍ତି।

ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲା: ଅନଶନରେ ବସି ପୁଞ୍ଜିଲାଲ ଅସୁସ୍ଥ, ଡାକ୍ତରଖାନାରେ ଭର୍ତ୍ତି

ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲା: ଅନଶନରେ ବସି ପୁଞ୍ଜିଲାଲ ଅସୁସ୍ଥ, ଡାକ୍ତରଖାନାରେ ଭର୍ତ୍ତି

ବଲାଙ୍ଗୀର ଅଫିସ, ୧୬।୨- ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାର ଅଭିଯୁକ୍ତ ପୁଞ୍ଜିଲାଲ ମେହେରଙ୍କୁ ଶନିବାର ବଲାଙ୍ଗୀର ସରକାରୀ ମେଡିକାଲ କଲେଜରେ ଭର୍ତ୍ତି କରାଯାଇଛି। ଦୀର୍ଘ ୧୦ ଦିନ ହେଲା ଅନଶନ କରିବା ହେତୁ ଅସୁସ୍ଥ ହୋଇ ପଡିବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି । 

ହଠାତ୍‌ ବର୍ଷା ବଢ଼ାଇଦେଲା ନାଲି ଚା’ର ଚାହିଦା

ହଠାତ୍‌ ବର୍ଷା ବଢ଼ାଇଦେଲା ନାଲି ଚା’ର ଚାହିଦା

କେନ୍ଦୁଝର,୧୬।୨(ସ୍ବ.ପ୍ର.): ରାଜ୍ୟରେ ଶୀତ କମି ଆସୁଥିବା ଯୋଗୁ କିଛିଦିନ ଧରି ବିଭିନ୍ନ ସ୍ଥାନରେ ତାପମାତ୍ରା ବୃଦ୍ଧି ପାଉଥିଲା। ମାତ୍ର ଶନିବାର ପାଣିପାଗରେ ପରିବର୍ତ୍ତନ ଘଟି ହଠାତ୍‌ ବର୍ଷା ହୋଇଛି। ଏହି ଉପଲକ୍ଷେ  କେନ୍ଦୁଝର ସହରବାସୀ ନାଲି ଚା’ର ମଜା ଉଠାଇଛନ୍ତି।

 ମାଟ୍ରିକ ପରୀକ୍ଷା ନେଇ ପ୍ରଶାସନିକ ପ୍ରସ୍ତୁତି

ମାଟ୍ରିକ ପରୀକ୍ଷା ନେଇ ପ୍ରଶାସନିକ ପ୍ରସ୍ତୁତି

କେନ୍ଦୁଝର,୧୬।୨(ସ୍ବ.ପ୍ର.): ଆସନ୍ତା ୨୨ ତାରିଖରୁ  ହେବାକୁଥିବା ମାଟ୍ରିକ ପରୀକ୍ଷାରେ କେନ୍ଦୁଝର ଜିଲାର ୨୩,୨୩୩ ଜଣ ରେଗୁଲାର ଓ ୧,୨୨୧ ଜଣ ଏକ୍ସ-ରେଗୁଲାର ଛାତ୍ରୀଛାତ୍ର ପରୀକ୍ଷା ଦେବେ। ୧୨୩ କେନ୍ଦ୍ରରେ ପରୀକ୍ଷା ହେବାକୁ ଥିବା ବେଳେ ୩ଟି କେନ୍ଦ୍ରରେ ସିସିଟିଭି କ୍ୟାମେରା ଲାଗିବାକୁ ନିଷ୍ପତ୍ତି ନିଆଯାଇଛି।  

ଶହୀଦଙ୍କୁ ଶ୍ରଦ୍ଧାଞ୍ଜଳି: ରାଇକିଆରେ ୨ ମିନିଟ ନୀରବ ପ୍ରାର୍ଥନା

ଶହୀଦଙ୍କୁ ଶ୍ରଦ୍ଧାଞ୍ଜଳି: ରାଇକିଆରେ ୨ ମିନିଟ ନୀରବ ପ୍ରାର୍ଥନା

ରାଇକିଆ,୧୬।୨(ଡି.ଏନ୍‌ଏ.): ଜମ୍ମୁ-କଶ୍ମୀର ପୁଲଓ୍ବାମାଠାରେ ଆତଙ୍କବାଦୀ  ସଂଗଠନ ଦ୍ୱାରା ହୋଇଥିବା ଆକ୍ରମଣରେ ବୀର ଯବାନ ଶହୀଦ ହୋଇଥିଲେ। ଶହୀଦଙ୍କ ସ୍ମୃତି ଉଦ୍ଦେଶ୍ୟରେ କନ୍ଧମାଳ ଜିଲା ରାଇକିଆ ବିଜୟ ହାଇସ୍କୁଲଠାରେ ଶନିବାର ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଛି ।