ମେଟ୍ରୋ |

୧୯୦୫ରେ ଖୋଲିଥିଲା ଭିତର ରତ୍ନଭଣ୍ଡାର

୧୯୦୫ରେ ଖୋଲିଥିଲା ଭିତର ରତ୍ନଭଣ୍ଡାର
ପୁରୀ ଅଫିସ, ୨୬।୩: ଶ୍ରୀମନ୍ଦିର ରତ୍ନଭଣ୍ଡାର ଗୃହ ସ୍ଥିତି ଯାଞ୍ଚକୁ ନେଇ ଏବେ ରାଜ୍ୟବ୍ୟାପୀ ଚାଲିଛି ଚର୍ଚ୍ଚା ଓ ଆଲୋଚନା। ବିଭିନ୍ନ ସମୟରେ ରୋଚକ ତଥ୍ୟ ବି ପଦାକୁ ଆସୁଛି। ବେଳେବେଳେ ଏହାକୁ ନେଇ ଶ୍ରଦ୍ଧାଳୁ ଦ୍ୱନ୍ଦ୍ୱରେ ପଡୁଛନ୍ତି। ଏହି ଦ୍ୱନ୍ଦ୍ୱକୁ ଦୂର କରିବା ପାଇଁ ଶ୍ରୀମନ୍ଦିର ଲୋକସମ୍ପର୍କ ଅଧିକାରୀ ଲକ୍ଷ୍ମୀଧର ପୂଜାପଣ୍ଡା ଏକ ପ୍ରେସ୍‌ ବିଜ୍ଞପ୍ତିରେ ରତ୍ନଭଣ୍ଡାର ସମ୍ପର୍କରେ କିଛି ତଥ୍ୟ ପଦାକୁ ଆଣିଛନ୍ତି। ରତ୍ନଭଣ୍ଡାର ପ୍ରଥମଥର ଲାଗି ଖୋଲାଯାଉ ନାହିଁ। ୧୯୦୫ ମସିହାରେ ମ୍ୟାନେଜର ରାଜକିଶୋର ଦାସଙ୍କ ସମୟରେ ଭିତର ରତ୍ନଭଣ୍ଡାର ଖୋଲାଯାଇ ସେଠାରେ ଥିବା ଜିନିଷ ଗଣତି ହୋଇଥିଲା। ପଣ୍ଡିତ ସୂର୍ଯ୍ୟନାରାୟଣ ଦାସଙ୍କ ରଚିତ ଜଗନ୍ନାଥ ମନ୍ଦିର ଓ ଜଗନ୍ନାଥ ତତ୍ତ୍ବ ପୁସ୍ତକର ୨୦୦୨ ମସିହାରେ ପ୍ରକାଶିତ ପଞ୍ଚମ ସଂସ୍କରଣରେ ଏହା ଉଲ୍ଲେଖ ରହିଛି। ୧୯୨୬, ୧୯୭୮ରେ ହୋଇଥିଲା ତାଲିକା: ରତ୍ନଭଣ୍ଡାରରେ ଥିବା ସୁନା, ରୁପା, ମଣିମୁକ୍ତା ଖଚିତ ଅଳଙ୍କାର ଆଦିର ତାଲିକା ୧୯୨୬ରେ ପ୍ରସ୍ତୁତ କରାଯାଇ ତତ୍କାଳୀନ ଗଜପତି ରାଜା ସାହେବଙ୍କ ସ୍ବୀକୃତି ପାଇ ପୁରୀ ଜିଲାପାଳଙ୍କ ଅଫିସ ରେକର୍ଡ ରୁମ୍‌ରେ ଜଉମୁଦ ଦିଆଯାଇ ରଖାଯାଇଥିଲା। ରାଜ୍ୟ ସରକାର ଶ୍ରୀମନ୍ଦିର ପରିଚାଳନା ଦାୟିତ୍ୱ ନେବା ପରେ ସରକାରଙ୍କ ଦ୍ୱାରା ଗଠିତ ଶ୍ରୀମନ୍ଦିର ପ୍ରଶାସନ ଉନ୍ନୟନ କମିଟି ସୁପାରିସ କ୍ରମେ ଏବଂ ରାଜ୍ୟ ସରକାରଙ୍କ ନିର୍ଦ୍ଦେଶ ଅନୁଯାୟୀ ପରିଚାଳନା କମିଟି ଦ୍ୱାରା ତା୧୩।୫।୭୮ରୁ ୨୩।୭।୭୮ ମଧ୍ୟରେ ନିୟମାନୁଯାୟୀ ରତ୍ନଭଣ୍ଡାର(ଭିତର ଓ ବାହାର)ରେ ରଖାଯାଇଥିବା ସମସ୍ତ ସାମଗ୍ରୀର ପୂର୍ଣ୍ଣାଙ୍ଗ ତାଲିକା ପ୍ରସ୍ତୁତ କରାଯାଇଥିଲା। ୧୯୮୨, ୧୯୮୫ରେ ବି ଖୋଲାଯାଇଥିଲା: ୧୯୮୨ ଡିସେମ୍ବର ୨୬ରେ କଳାହାଟ ଦ୍ୱାର ରୁପା ଛାଉଣି ମରାମତି ନିମନ୍ତେ ଭିତର ରତ୍ନଭଣ୍ଡାର ଖୋଲାଯାଇ ଆବଶ୍ୟକ ରୁପା ବାହାର କରାଯାଇଥିଲା। ଶ୍ରୀବଳଭଦ୍ର ଦେବଙ୍କ ଚିତାରୁ ପଥର ଖସିପଡିବାରୁ ୧୯୮୫ ଜୁଲାଇ ୧୪ରେ ଭିତର ରତ୍ନଭଣ୍ଡାର ଖୋଲାଯାଇଥିଲା। ଏଠାରେ ଥିବା ୨ଟି ଚିତା ମଧ୍ୟରୁ ଗୋଟିଏ ବାହାର କରାଯାଇ ସେହିବର୍ଷ ଚିତାଲାଗି ଅମାବାସ୍ୟା ଦିନ ଅର୍ଥାତ୍‌ ଜୁଲାଇ ୧୮ରେ ଶ୍ରୀବଳଭଦ୍ରଙ୍କୁ ଲାଗି କରାଯାଇଥିଲା। ଶ୍ରୀମନ୍ଦିର ଆଇନରେ ରହିଛି ବ୍ୟବସ୍ଥା: ରତ୍ନଭଣ୍ଡାର ଖୋଲାଯିବା ସମ୍ପର୍କରେ ଶ୍ରୀମନ୍ଦିର ଆଇନରେ ମଧ୍ୟ ବ୍ୟବସ୍ଥା ରହିଛି। ଏହି ଆଇନର ଧାରା ୩୨ ଅନୁଯାୟୀ, ରାଜ୍ୟ ସରକାର ଶ୍ରୀଜଗନ୍ନାଥ ମନ୍ଦିର ନିୟମ-୧୯୬୦ର ୫ ଧାରାରେ ରତ୍ନଭଣ୍ଡାରରେ ଗଚ୍ଛିତ ଥିବା ସମସ୍ତ ଜିନିଷାତ୍‌ ଶ୍ରୀମନ୍ଦିର ପରିଚାଳନା କମିଟି କିପରି ଭାବେ ଅଧିଗ୍ରହଣ କରିବେ ତାହା ଉଲ୍ଲେଖ କରାଯାଇଛି। ଏହି ନିୟମର ୬ ଧାରାରେ ଉଲ୍ଲେଖ ଅଛି ଯେ, ଧାରା ୫ ଅନୁଯାୟୀ, ଅଧିଗ୍ରହଣ ହୋଇଥିବା ସମସ୍ତ ଜିନିଷାତ୍‌ ଯାହା ବ୍ୟବହାରରେ ଲାଗୁ ନାହିଁ ତାହା ଭିତର ଭଣ୍ଡାରରେ ଡବଲ ଲକ୍‌ରେ ରଖାଯାଇ ଏହାକୁ ସିଲ୍‌ କରାଯିବ। ପ୍ରଶାସକ ଉକ୍ତ ଚାବିକୁ ସରକାରୀ ଟ୍ରେଜେରିକୁ ହସ୍ତାନ୍ତର କରିବେ। କୌଣସି ସମୟରେ ଭିତର ରତ୍ନଭଣ୍ଡାର ଖୋଲିବା ପ୍ରୟୋଜନ ହେଲେ ରାଜ୍ୟ ସରକାରଙ୍କ ଅନୁମତିର ଆବଶ୍ୟକତା ରହିଛି। ରାଜ୍ୟ ସରକାର କିଛି ନିୟମ ଓ ସୀମା ଉଲ୍ଲେଖପୂର୍ବକ ସ୍ବତନ୍ତ୍ର ଅନୁମତିପତ୍ର ପ୍ରଦାନ କରିବେ। ତଦନୁସାରେ ରତ୍ନଭଣ୍ଡାର ଖୋଲାଯିବାର ବିଧି ବ୍ୟବସ୍ଥା ରହିଛି।
All Right Reserved By

ମେଟ୍ରୋ |

ରାସ୍ତା ମରାମତି ଦାବିରେ ରାସ୍ତା ଅବରୋଧ

ରାସ୍ତା ମରାମତି ଦାବିରେ ରାସ୍ତା ଅବରୋଧ

ବାଲିଅନ୍ତା, ୧୯।୨(ଡି.ଏନ୍‌.ଏ.): ହଂସପାଳ-ବନମାଳିପୁର ପୂର୍ତ୍ତ ବିଭାଗ ରାସ୍ତାର ବାଲିଅନ୍ତା ମହାତ୍ମା ସେତୁ ନିକଟରେ ଅଧାପନ୍ତରିଆ ଅବସ୍ଥାରେ ଥିବା ଆପ୍ରୋଚ୍‌ ରାସ୍ତାର ମରାମତି ଦାବିରେ ମଙ୍ଗଳବାର ସ୍ଥାନୀୟ ବାଲିଅନ୍ତା ୟୁଥ୍‌ କ୍ଲବ  ପକ୍ଷରୁ ରାସ୍ତା ଅବରୋଧ ସହ ଧାରଣା ଦିଆଯାଇଥିଲା। 

ରାଜଧାନୀରେ ବାଘ ଆତଙ୍କ: ବାଘ ଖୋଜା ଅଭିଯାନ ପାଇଁ  ରାସ୍ତା ସିଲ୍‌, ଲୋକେ  ହନ୍ତସନ୍ତ

ରାଜଧାନୀରେ ବାଘ ଆତଙ୍କ: ବାଘ ଖୋଜା ଅଭିଯାନ ପାଇଁ ରାସ୍ତା ସିଲ୍‌, ଲୋକେ ହନ୍ତସନ୍ତ

ଭୁବନେଶ୍ୱର, ୧୯।୨(ବ୍ୟୁରୋ): ଭୁବନେଶ୍ୱର ପଳାଶପଲ୍ଲୀ ଅଞ୍ଚଳରେ ଏକ କଲରାପତରିଆ ବାଘ ବୁଲୁଛି। ଏହାକୁ ନେଇ ସୋମବାର ରାତିରୁ ଆରମ୍ଭ ହୋଇଛି ଅପରେଶନ। ବନ ବିଭାଗ ସହିତ ସିଆଇଏସ୍‌ଏଫ୍‌ କର୍ମଚାରୀଙ୍କୁ ଏହି କାର୍ଯ୍ୟରେ ନିୟୋଜିତ କରାଯାଇଛି। 

ବଢ଼ିବ ତାତି

ବଢ଼ିବ ତାତି

ଭୁବନେଶ୍ୱର,୧୯।୨(ବ୍ୟୁରୋ):ବର୍ଷା ଯୋଗୁ ଗତ ଦୁଇଦିନ ହେବ ରାଜ୍ୟରେ ଥଣ୍ଡା ପାଗ ରହିଥିଲା ।

୨୦ରେ ଆସିବେ ଯୋଗୀ

୨୦ରେ ଆସିବେ ଯୋଗୀ

ଭୁବନେଶ୍ୱର, ୧୯।୨(ବ୍ୟୁରୋ):ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆସନ୍ତା ୨୦ରେ ଦିନିକିଆ ଓଡ଼ିଶା ଗସ୍ତରେ ଆସୁଛନ୍ତି। ବୁଧବାର ସକାଳ ୧୦ଟାରେ ଯୋଗୀ ରାୟପୁର ବିମାନବନ୍ଦରରେ ପହଞ୍ଚିବେ। 

କୋଣାର୍କ ସୂର୍ଯ୍ୟମନ୍ଦିର ଅସୁରକ୍ଷିତ:୬ ସ୍ଥାନରେ ମରାମତି ଆବଶ୍ୟକ

କୋଣାର୍କ ସୂର୍ଯ୍ୟମନ୍ଦିର ଅସୁରକ୍ଷିତ:୬ ସ୍ଥାନରେ ମରାମତି ଆବଶ୍ୟକ

କଟକ ଅଫିସ, ୧୯।୨:କୋଣାର୍କ ସୂର୍ଯ୍ୟମନ୍ଦିର ସୁରକ୍ଷିତ। ମନ୍ଦିର ପ୍ରତି ସେଭଳି କୌଣସି ବିପଦ ନାହିଁ। ଏହିଭଳି କଥା ଆରମ୍ଭରୁ କହି ଆସୁଥିବା ଭାରତୀୟ ପ୍ରନତ୍ତାତ୍ତି୍ବକ ସର୍ବେକ୍ଷଣ (ଏଏସ୍‌ଆଇ) ସଂସ୍ଥା ଶେଷରେ ମାନିଛି ଯେ ମନ୍ଦିର ପ୍ରତି ବିପଦ ରହିଛି। 

ଓକେସିଏଲ୍‌ ପକ୍ଷରୁ ବୁଟ୍‌ କ୍ୟାମ୍ପ

ଓକେସିଏଲ୍‌ ପକ୍ଷରୁ ବୁଟ୍‌ କ୍ୟାମ୍ପ

ଭୁବନେଶ୍ୱର,୧୯-୨: ଓଡ଼ିଶା ନଲେଜ କର୍ପୋରେଶନ ଲିମିଟେଡ (ଓକେସିଏଲ)ପକ୍ଷରୁ ବାର୍ଷିକ ବୁଟ୍‌ କ୍ୟାମ୍ପ-୨୦୧୯ ଅନୁଷ୍ଠିତ ହେଉଛି। 

୨୦ରେ ‘ମନ୍ତ୍ରମଗ୍ନା’ ଫେଷ୍ଟିଭାଲ:ଶାସ୍ତ୍ରୀୟ ନୃତ୍ୟର ଅନନ୍ୟ ମହୋତ୍ସବ

୨୦ରେ ‘ମନ୍ତ୍ରମଗ୍ନା’ ଫେଷ୍ଟିଭାଲ:ଶାସ୍ତ୍ରୀୟ ନୃତ୍ୟର ଅନନ୍ୟ ମହୋତ୍ସବ

ଭୁବନେଶ୍ୱର,୧୯।୨(ବ୍ୟୁରୋ)-ଦେଶର ଅଗ୍ରଣୀ ସାଂସ୍କୃତିକ ଅନୁଷ୍ଠାନ ‘ହଲ୍ଲୀଷକ’ ପକ୍ଷରୁ ଆସନ୍ତା ୨୦ ତାରିଖରେ ‘ମନ୍ତ୍ରମଗ୍ନା’ ଫେଷ୍ଟିଭାଲ ଓ ସମ୍ମାନ ପ୍ରଦାନ ଉତ୍ସବ ୨୦୧୯ ଅନୁଷ୍ଠିତ ହେବ। ରାଜ୍ୟ ଏବଂ ରାଜ୍ୟ ବାହାରର ନୃତ୍ୟଶିଳ୍ପୀମାନଙ୍କୁ ନେଇ ସ୍ଥାନୀୟ ଭଞ୍ଜ କଳାମଣ୍ଡପଠାରେ ଆୟୋଜନ ହେବାକୁ ଥିବା ଏହି ମହୋତ୍ସବ ଉଭୟ ଖ୍ୟାତନାମା କଳାକାର ଓ ଯୁବ କଳାକାରଙ୍କୁ ଏକ ଉତ୍କୃଷ୍ଟ ମଞ୍ଚ ପ୍ରଦାନ କରିବ। କାର୍ଯ୍ୟକ୍ରମ ଅବସରରେ ଦର୍ଶକ ଶାସ୍ତ୍ରୀୟ ନୃତ୍ୟ, ବିଶେଷକରି ଓଡ଼ିଶୀ ନୃତ୍ୟର ଶୁଦ୍ଧ ଓ ପାରମ୍ପରିକ ଶୈଳୀ ଦେଖିବାର ସୁଯୋଗ ପାଇବେ।

ଜୋନ୍‌ ସ୍ତରୀୟ ଖଦି ଓ ଗ୍ରାମୋଦ୍ୟୋଗ ପ୍ରଦର୍ଶନୀ ଉଦ୍‌ଘାଟିତ:୧୦୦ ଷ୍ଟଲ୍‌ରେ ରାଜ୍ୟ, ରାଜ୍ୟ ବାହାରର ଉଦ୍ୟୋଗୀ

ଜୋନ୍‌ ସ୍ତରୀୟ ଖଦି ଓ ଗ୍ରାମୋଦ୍ୟୋଗ ପ୍ରଦର୍ଶନୀ ଉଦ୍‌ଘାଟିତ:୧୦୦ ଷ୍ଟଲ୍‌ରେ ରାଜ୍ୟ, ରାଜ୍ୟ ବାହାରର ଉଦ୍ୟୋଗୀ

ଭୁବନେଶ୍ୱର,୧୯।୨(ବ୍ୟୁରୋ)-ମହୁଚାଷର ଉନ୍ନତି ଓ ଚାଷୀଙ୍କୁ ପ୍ରଶିକ୍ଷଣ ପାଇଁ ରାଜ୍ୟ ସରକାର ୩.୨୯ କୋଟି ଟଙ୍କା ଅନୁଦାନ ରାଶି ପ୍ରଦାନ କରିଛନ୍ତି। ଏହି ଅନୁଦାନ ଅର୍ଥରେ ଓଡ଼ିଶା ଖଦି ବୋର୍ଡ ୧୩ ଜିଲାର ୧୩୬୨ଜଣ ଚାଷୀଙ୍କୁ ମହୁଚାଷ ସମ୍ବନ୍ଧରେ ତାଲିମ ଦେଇ ସେମାନଙ୍କୁ ଆତ୍ମନିର୍ଭରଶୀଳ କରିପାରିଛି।

ପର୍ଯ୍ୟଟକଙ୍କ ଗାଇଡ୍‌ ହେବେ ‘ମୋ ବସ୍‌’ କର୍ମଚାରୀ

ପର୍ଯ୍ୟଟକଙ୍କ ଗାଇଡ୍‌ ହେବେ ‘ମୋ ବସ୍‌’ କର୍ମଚାରୀ

ଭୁବନେଶ୍ୱର,୧୯।୨(ବ୍ୟୁରୋ)-ଭୁବନେଶ୍ୱର ଓ ଏହାର ଆଖପାଖ ଅଞ୍ଚଳରେ ‘ମୋ ବସ୍‌’ରେ ଯାତ୍ରା କରୁଥିବା ଯାତ୍ରୀ ଏବଂ ପର୍ଯ୍ୟଟକ କିଭଳି ଉତ୍କୃଷ୍ଟ ସେବା ପାଇପାରିବେ, ସେ ଦିଗରେ ପଦକ୍ଷେପ ନେଇଛି କ୍ୟାପିଟାଲ ରିଜନ ଅର୍ବାନ ଟ୍ରାନ୍ସପୋର୍ଟ(କ୍ରୁଟ୍‌)।

ମାଟ୍ରିକ୍‌ ପରୀକ୍ଷା ପାଇଁ ବ୍ୟାପକ ପ୍ରଶାସନିକ ପ୍ରସ୍ତୁତି:ପରୀକ୍ଷାକୁ ଶୃଙ୍ଖଳିତ କରିବାକୁ ମୁଖ୍ୟ ଶାସନ ସଚିବଙ୍କ ନିର୍ଦ୍ଦେଶ

ମାଟ୍ରିକ୍‌ ପରୀକ୍ଷା ପାଇଁ ବ୍ୟାପକ ପ୍ରଶାସନିକ ପ୍ରସ୍ତୁତି:ପରୀକ୍ଷାକୁ ଶୃଙ୍ଖଳିତ କରିବାକୁ ମୁଖ୍ୟ ଶାସନ ସଚିବଙ୍କ ନିର୍ଦ୍ଦେଶ

ଭୁବନେଶ୍ୱର,୧୯।୨(ବ୍ୟୁରୋ)-ଆସନ୍ତା ୨୨ ତାରିଖରୁ ଆରମ୍ଭ ହେବ ମାଟ୍ରିକ୍‌ ପରୀକ୍ଷା। ଚଳିତବର୍ଷ ପ୍ରଶ୍ନପତ୍ର ପରୀକ୍ଷା ଦିନ ସକାଳ ୬ଟାରୁ ୮ଟା ୩୦ ମଧ୍ୟରେ ସମ୍ପୃକ୍ତ କେନ୍ଦ୍ରରେ କଡ଼ା ସୁରକ୍ଷା ବ୍ୟବସ୍ଥା ସହ ପହଞ୍ଚାଇ ଦିଆଯିବ। 

୧୯ରୁ ରାଜ୍ୟସ୍ତରୀୟ ଲୋକନୃତ୍ୟ ଓ ଲୋକସଙ୍ଗୀତ ମହୋତ୍ସବ: ଯୋଗଦେବେ ୩୦ ରାଜ୍ୟର ୩ ହଜାର କଳାକାର

୧୯ରୁ ରାଜ୍ୟସ୍ତରୀୟ ଲୋକନୃତ୍ୟ ଓ ଲୋକସଙ୍ଗୀତ ମହୋତ୍ସବ: ଯୋଗଦେବେ ୩୦ ରାଜ୍ୟର ୩ ହଜାର କଳାକାର

ଭୁବନେଶ୍ୱର,୧୯।୨(ବ୍ୟୁରୋ)-ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ୯ମ ରାଜ୍ୟସ୍ତରୀୟ ଲୋକନୃତ୍ୟ ଓ ଲୋକସଙ୍ଗୀତ ମହୋତ୍ସବ ଆସନ୍ତା ୧୯ରୁ ୨୧ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ।

ରାଜଧାନୀରେ ବାଘ ଆତଙ୍କ:  ସିସିଟିଭିରେ କଏଦ୍‌ ହେଲା ବାଘର ଗତିବିଧି

ରାଜଧାନୀରେ ବାଘ ଆତଙ୍କ: ସିସିଟିଭିରେ କଏଦ୍‌ ହେଲା ବାଘର ଗତିବିଧି

ଭୁବନେଶ୍ୱର,୧୯।୨(ବ୍ୟୁରୋ):ରାଜଧାନୀରେ ବାଘ ଆତଙ୍କ। ଭୁବନେଶ୍ୱର ପଳାଶପଲ୍ଲୀ ଅଞ୍ଚଳରେ ଏକ କଲରାପତରିଆ ବାଘ ବୁଲୁଥିବା ସୂଚନା ମିଳିଛି। ସିସିଟିଭି କ୍ୟାମେରାରେ ବାଘର ଗତିବିଧି କଏଦ୍‌ ହୋଇଛି।