ସମ୍ପାଦକୀୟ |

ରକ୍ଷାବନ୍ଧନର ମନସ୍ତତ୍ତ୍ୱ

ରକ୍ଷାବନ୍ଧନର ମନସ୍ତତ୍ତ୍ୱ

ଭାରରତୀୟ ସଂସ୍କୃତିରେ ପ୍ରଚଳିତ ପ୍ରତିଟି ପର୍ବପର୍ବାଣି ପଛରେ ରହିଥାଏ କିଛି ନା କିଛି ତର୍କସଙ୍ଗତ କାରଣ। ସମୟ ସୁଅରେ ମହତ୍ତ୍ୱ ଯଥେଷ୍ଟ ବଢି ଯାଇଥିବା ଭଳି ଅନେକ ସାମାଜିକ ପର୍ବମାନଙ୍କ ଭିତରୁ ଅନ୍ୟତମ ହେଉଛି ରକ୍ଷାବନ୍ଧନ। ଏହି ଦିନଟି ମଧ୍ୟ ହଳାୟୁଧ ପ୍ରଭୁ ବଳଦେବଙ୍କର ଜୟନ୍ତୀ। ରକ୍ଷାବନ୍ଧନର ସୂଚନା ରହିଛି ବେଦ ତଥା ପୁରାଣମାନଙ୍କରେ। ସର୍ବପୁରାତନ କିମ୍ବଦନ୍ତୀ ହେଉଛି ଇନ୍ଦ୍ର ଏବଂ ଇନ୍ଦ୍ରାଣୀଙ୍କୁ ନେଇ। ଭବିଷ୍ୟ ପୁରାଣରେ ଦେବରାଜ ଇନ୍ଦ୍ର ଏବଂ ଦାନବରାଜ ବୃତ୍ରାସୁର ମଧ୍ୟରେ ହୋଇଥିବା ଯୁଦ୍ଧ କଥା ଉଲ୍ଲେଖ ଅଛି। ଯେତେବେଳେ ବୃତ୍ରାସୁର ସହିତ ଯୁଦ୍ଧରେ ବାରମ୍ବାର ପରାସ୍ତ ହୋଇ ଇନ୍ଦ୍ର ବିତାଡିତ ହେଲେ ସେତେବେଳେ ଶ୍ରାବଣ ପୂର୍ଣ୍ଣିମା ଦିନ ଇନ୍ଦ୍ରାଣୀ ଇନ୍ଦ୍ରଙ୍କ ହାତରେ ଏକ ଅଭିମନ୍ତ୍ରିତ ରାଖୀ ବାନ୍ଧିଥିଲେ ଏବଂ ତାଙ୍କର ସୁରକ୍ଷା ତଥା ବିଜୟ କାମନା କରିଥିଲେ। ଫଳସ୍ବରୂପ ଇନ୍ଦ୍ର ଯୁଦ୍ଧରେ ଦାନବ ଶକ୍ତିକୁ ପରାଜିତ କରି ଇନ୍ଦ୍ରପୁରୀ ଫେରି ପାଇଲେ। ଏଠାରେ ଲକ୍ଷ୍ୟକରିବାର କଥା ଯେ, ରାଖୀ ବାନ୍ଧୁଥିବା ବ୍ୟକ୍ତି ଏଠାରେ ସୁରକ୍ଷାପ୍ରାର୍ଥୀ ନୁହନ୍ତି। ଏହା ଛଡା, ଜଣେ ନାରୀ ତାଙ୍କ ଭାଇଙ୍କ ହାତରେ ନୁହେଁ ବରଂ ସ୍ବାମୀଙ୍କ ହାତରେ ରକ୍ଷାବନ୍ଧନ କରିଥିଲେ। ସାମ୍ପ୍ରତିକ ସମାଜରେ ପ୍ରଚଳିତ ଧାରଣା ଅନୁସାେ ଜଣେ ନାରୀଙ୍କୁ ସବୁବେଳେ ଦୁର୍ବଳା ଭାବି ସୁରକ୍ଷାପ୍ରାର୍ଥୀ ବୋଲି ଚିନ୍ତା କରିବା ଉଚିତ ନୁହେଁ। ଦ୍ୱିତୀୟ କିମ୍ବଦନ୍ତୀଟି ମୃତ୍ୟୁର ଦେବତା ଯମ ତଥା ତାଙ୍କ ଭଉଣୀ ଯମୁନାଙ୍କୁ ନେଇ ଶୁଣିବାକୁ ମିଳେ। ଭଉଣୀ ଯମୁନା ପ୍ରତିବର୍ଷ ଶ୍ରାବଣ ପୂର୍ଣ୍ଣିମାରେ ନିଜ ଭାଇ ଯମଙ୍କ ହାତରେ ରକ୍ଷାବନ୍ଧନ କରୁଥିଲେ। ଭଉଣୀକୁ ସୁରକ୍ଷା ପ୍ରଦାନ କରିବାକୁ ଯାଇ ଯମ ତାଙ୍କୁ ଚିରସ୍ରୋତା ହେବାର ଆଶୀର୍ବାଦ ଦେଲେ। ସେହି ଦିନଠାରୁ ଭାଇ ଭଉଣୀ ଭିତରେ ପବିତ୍ର ସମ୍ପର୍କ ତଥା ସୁରକ୍ଷାର ନିଦର୍ଶନରେ ରକ୍ଷାବନ୍ଧନ ପର୍ବଟି ପାଳନ କରାଯାଇ ଆସୁଛି ବୋଲି ଶୁଣାଯାଏ। ଏଠାରେ ମଧ୍ୟ ପ୍ରଥମ କିମ୍ବଦନ୍ତୀଟିର ନିଷ୍କର୍ଷ ପ୍ରତିପାଦିତ ହେଉଛି। ଅର୍ଥାତ୍‌, ସ୍ତ୍ରୀ-ପୁରୁଷ ନିର୍ବିଶେଷରେ ଯିଏ ବି ଦୁର୍ବଳ ସିଏ ସୁରକ୍ଷା ପାଇବ ଏବଂ ଅପରପକ୍ଷ ତାକୁ ସୁରକ୍ଷା ପ୍ରଦାନ କରିବାର ସଙ୍କଳ୍ପ ନେବ।ତୃତୀୟ ଉଦ୍ଧୃତି ହେଉଛି ଦ୍ରୌପଦୀ ଏବଂ ଶ୍ରୀକୃଷ୍ଣଙ୍କ ବିଷୟରେ। କୌରବ ପକ୍ଷର ବଳିଷ୍ଠ ସେନା ତଥା କୌରବ ଶହେଭାଇଙ୍କ ଆକ୍ରମଣରୁ ପାଣ୍ଡବ ଭାଇମାନଙ୍କୁ ସୁରକ୍ଷା ପ୍ରଦାନ କରିବା ପାଇଁ ଦ୍ରୌପଦୀ ଭଗବାନ ଶ୍ରୀକୃଷ୍ଣଙ୍କ ହାତରେ ରାଖୀ ବାନ୍ଧିଥିଲେ ଏବଂ ପ୍ରଭୁ ତାଙ୍କର ସଙ୍କଳ୍ପ ରକ୍ଷା କରିଥିଲେ। ଏହି ଉଦାହରଣର ବିଶେଷତ୍ୱ ବିଷୟରେ ଚିନ୍ତା କଲେ ଜଣାପଡେ, ରାଖୀ ବାନ୍ଧୁଥିବା ବ୍ୟକ୍ତି ନିଜର ସୁରକ୍ଷା କିମ୍ବା ଯାହା ହାତରେ ରାଖୀ ବନ୍ଧା ଯାଏ ତା’ର ସୁରକ୍ଷା କାମନା କରିବ, ସେମିତି କିଛି ମାନେ ନାହିଁ। ଅର୍ଥାତ୍‌, ଅନ୍ୟର ମଙ୍ଗଳ କାମନା କରି ମଣିଷ ପରସ୍ପର ହାତରେ ରାଖୀ ବାନ୍ଧି ପାରିବ।  ଆଧୁନିକ ଯୁଗରେ ଜାତି, ଧର୍ମ ତଥା ପରିଚୟର ସୀମା ବାହାରେ ରକ୍ଷାବନ୍ଧନର ଅନେକ ନଜିର ଆମ ଆଗରେ ଅଛି। ଆଲେକ୍‌ଜାଣ୍ଡରଙ୍କ ସ୍ତ୍ରୀ ରୋକ୍ସାନା, ନିଜ ସ୍ବାମୀଙ୍କ ଜୀବନ ରକ୍ଷା କରିବାକୁ ରାଜା ପୁରୁଙ୍କ ହାତରେ ରାଖୀ ବାନ୍ଧିଥିଲେ ଏବଂ ରାଜା ପୁରୁ କ୍ଷତ୍ରିୟ ଧର୍ମ ପାଳନ କରି ନିଜେ ପରାଜୟ ସ୍ବୀକାର କଲେ ମଧ୍ୟ ଆଲେକ୍‌ଜାଣ୍ଡରଙ୍କୁ ଜୀବନରେ ମାରି ନ ଥିଲେ। ଆଉ ଏକ ବିବାଦୀୟ ଐତିହାସିକ କାହାଣୀ ଅନୁସାରେ, ଚିତୋରର ରାଣୀ କର୍ଣ୍ଣାବତୀ ବାହାଦୁର ଶାହ କବଳରୁ ରାଜ୍ୟ ତଥା ନିଜ ସମ୍ମାନ ରକ୍ଷା କରିବା ପାଇଁ ମୋଗଲ ବାଦଶାହ ହୁମାୟୁନଙ୍କ ପାଖକୁ ରାଖୀ ପଠାଇଥିଲେ। କିନ୍ତୁ ଦୁର୍ଭାଗ୍ୟବଶତଃ ହୁମାୟୁନ ବିଳମ୍ବରେ ପହଞ୍ଚତ୍ଲେ ଏବଂ ସେତେବେଳକୁ ରାଜପୁତ ନାରୀମାନେ ନିଜ ସମ୍ମାନ ରକ୍ଷା କରିବାକୁ ଯାଇ ଦେହତ୍ୟାଗ କରି ସାରିଥିଲେ। ତେବେ ଏ କଥା ଏଠାରେ ଉଦ୍ଧାର କରିବାର କାରଣ ହେଲା, ରାଖୀ ପରମ୍ପରାର ମନସ୍ତତ୍ୱ ଏତେ ବଳିଷ୍ଠ ଯେ ଜଣେ ଅପରିଚିତ ବ୍ୟକ୍ତି ଅନ୍ୟଜଣକୁ ସାହାଯ୍ୟ କରିବା ପାଇଁ ଅବିଳମ୍ବେ ପ୍ରସ୍ତୁତ ହୋଇଯାଏ। ସେହି ବଳିଷ୍ଠ ମନସ୍ତତ୍ତ୍ୱକୁ ସମାଜର ତଥା ବିଶ୍ୱର ମଙ୍ଗଳ କାମନାରେ ବ୍ୟବହାର କରିପାରିଲେ କେତେ ସୁନ୍ଦର ହୁଅନ୍ତା ସତେ! ଡ. ପଦାରବିନ୍ଦ ରଥମୋ- ୮୮୦୦୬୩୬୫୭୬, rath2005@gmail.com

ଭାରରତୀୟ ସଂସ୍କୃତିରେ ପ୍ରଚଳିତ ପ୍ରତିଟି ପର୍ବପର୍ବାଣି ପଛରେ ରହିଥାଏ କିଛି ନା କିଛି ତର୍କସଙ୍ଗତ କାରଣ। ସମୟ ସୁଅରେ ମହତ୍ତ୍ୱ ଯଥେଷ୍ଟ ବଢି ଯାଇଥିବା ଭଳି ଅନେକ ସାମାଜିକ ପର୍ବମାନଙ୍କ ଭିତରୁ ଅନ୍ୟତମ ହେଉଛି ରକ୍ଷାବନ୍ଧନ। ଏହି ଦିନଟି ମଧ୍ୟ ହଳାୟୁଧ ପ୍ରଭୁ ବଳଦେବଙ୍କର ଜୟନ୍ତୀ। 
ରକ୍ଷାବନ୍ଧନର ସୂଚନା ରହିଛି ବେଦ ତଥା ପୁରାଣମାନଙ୍କରେ। ସର୍ବପୁରାତନ କିମ୍ବଦନ୍ତୀ ହେଉଛି ଇନ୍ଦ୍ର ଏବଂ ଇନ୍ଦ୍ରାଣୀଙ୍କୁ ନେଇ। ଭବିଷ୍ୟ ପୁରାଣରେ ଦେବରାଜ ଇନ୍ଦ୍ର ଏବଂ ଦାନବରାଜ ବୃତ୍ରାସୁର ମଧ୍ୟରେ ହୋଇଥିବା ଯୁଦ୍ଧ କଥା ଉଲ୍ଲେଖ ଅଛି। ଯେତେବେଳେ ବୃତ୍ରାସୁର ସହିତ ଯୁଦ୍ଧରେ ବାରମ୍ବାର ପରାସ୍ତ ହୋଇ ଇନ୍ଦ୍ର ବିତାଡିତ ହେଲେ ସେତେବେଳେ ଶ୍ରାବଣ ପୂର୍ଣ୍ଣିମା ଦିନ ଇନ୍ଦ୍ରାଣୀ ଇନ୍ଦ୍ରଙ୍କ ହାତରେ ଏକ ଅଭିମନ୍ତ୍ରିତ ରାଖୀ ବାନ୍ଧିଥିଲେ ଏବଂ ତାଙ୍କର ସୁରକ୍ଷା ତଥା ବିଜୟ କାମନା କରିଥିଲେ। ଫଳସ୍ବରୂପ ଇନ୍ଦ୍ର ଯୁଦ୍ଧରେ ଦାନବ ଶକ୍ତିକୁ ପରାଜିତ କରି ଇନ୍ଦ୍ରପୁରୀ ଫେରି ପାଇଲେ। ଏଠାରେ ଲକ୍ଷ୍ୟକରିବାର କଥା ଯେ, ରାଖୀ ବାନ୍ଧୁଥିବା ବ୍ୟକ୍ତି ଏଠାରେ ସୁରକ୍ଷାପ୍ରାର୍ଥୀ ନୁହନ୍ତି। ଏହା ଛଡା, ଜଣେ ନାରୀ ତାଙ୍କ ଭାଇଙ୍କ ହାତରେ ନୁହେଁ ବରଂ ସ୍ବାମୀଙ୍କ ହାତରେ ରକ୍ଷାବନ୍ଧନ କରିଥିଲେ। ସାମ୍ପ୍ରତିକ ସମାଜରେ ପ୍ରଚଳିତ ଧାରଣା ଅନୁସାେ ଜଣେ ନାରୀଙ୍କୁ ସବୁବେଳେ ଦୁର୍ବଳା ଭାବି ସୁରକ୍ଷାପ୍ରାର୍ଥୀ ବୋଲି ଚିନ୍ତା କରିବା ଉଚିତ ନୁହେଁ। 

ଦ୍ୱିତୀୟ କିମ୍ବଦନ୍ତୀଟି ମୃତ୍ୟୁର ଦେବତା ଯମ ତଥା ତାଙ୍କ ଭଉଣୀ ଯମୁନାଙ୍କୁ ନେଇ ଶୁଣିବାକୁ ମିଳେ। ଭଉଣୀ ଯମୁନା ପ୍ରତିବର୍ଷ ଶ୍ରାବଣ ପୂର୍ଣ୍ଣିମାରେ ନିଜ ଭାଇ ଯମଙ୍କ ହାତରେ ରକ୍ଷାବନ୍ଧନ କରୁଥିଲେ। ଭଉଣୀକୁ ସୁରକ୍ଷା ପ୍ରଦାନ କରିବାକୁ ଯାଇ ଯମ ତାଙ୍କୁ ଚିରସ୍ରୋତା ହେବାର ଆଶୀର୍ବାଦ ଦେଲେ। ସେହି ଦିନଠାରୁ ଭାଇ ଭଉଣୀ ଭିତରେ ପବିତ୍ର ସମ୍ପର୍କ ତଥା ସୁରକ୍ଷାର ନିଦର୍ଶନରେ ରକ୍ଷାବନ୍ଧନ ପର୍ବଟି ପାଳନ କରାଯାଇ ଆସୁଛି ବୋଲି ଶୁଣାଯାଏ। ଏଠାରେ ମଧ୍ୟ ପ୍ରଥମ କିମ୍ବଦନ୍ତୀଟିର ନିଷ୍କର୍ଷ ପ୍ରତିପାଦିତ ହେଉଛି। ଅର୍ଥାତ୍‌, ସ୍ତ୍ରୀ-ପୁରୁଷ ନିର୍ବିଶେଷରେ ଯିଏ ବି ଦୁର୍ବଳ ସିଏ ସୁରକ୍ଷା ପାଇବ ଏବଂ ଅପରପକ୍ଷ ତାକୁ ସୁରକ୍ଷା ପ୍ରଦାନ କରିବାର ସଙ୍କଳ୍ପ ନେବ।

ତୃତୀୟ ଉଦ୍ଧୃତି ହେଉଛି ଦ୍ରୌପଦୀ ଏବଂ ଶ୍ରୀକୃଷ୍ଣଙ୍କ ବିଷୟରେ। କୌରବ ପକ୍ଷର ବଳିଷ୍ଠ ସେନା ତଥା କୌରବ ଶହେଭାଇଙ୍କ ଆକ୍ରମଣରୁ ପାଣ୍ଡବ ଭାଇମାନଙ୍କୁ ସୁରକ୍ଷା ପ୍ରଦାନ କରିବା ପାଇଁ ଦ୍ରୌପଦୀ ଭଗବାନ ଶ୍ରୀକୃଷ୍ଣଙ୍କ ହାତରେ ରାଖୀ ବାନ୍ଧିଥିଲେ ଏବଂ ପ୍ରଭୁ ତାଙ୍କର ସଙ୍କଳ୍ପ ରକ୍ଷା କରିଥିଲେ। ଏହି ଉଦାହରଣର ବିଶେଷତ୍ୱ ବିଷୟରେ ଚିନ୍ତା କଲେ ଜଣାପଡେ, ରାଖୀ ବାନ୍ଧୁଥିବା ବ୍ୟକ୍ତି ନିଜର ସୁରକ୍ଷା କିମ୍ବା ଯାହା ହାତରେ ରାଖୀ ବନ୍ଧା ଯାଏ ତା’ର ସୁରକ୍ଷା କାମନା କରିବ, ସେମିତି କିଛି ମାନେ ନାହିଁ। ଅର୍ଥାତ୍‌, ଅନ୍ୟର ମଙ୍ଗଳ କାମନା କରି ମଣିଷ ପରସ୍ପର ହାତରେ ରାଖୀ ବାନ୍ଧି ପାରିବ।  ଆଧୁନିକ ଯୁଗରେ ଜାତି, ଧର୍ମ ତଥା ପରିଚୟର ସୀମା ବାହାରେ ରକ୍ଷାବନ୍ଧନର ଅନେକ ନଜିର ଆମ ଆଗରେ ଅଛି। ଆଲେକ୍‌ଜାଣ୍ଡରଙ୍କ ସ୍ତ୍ରୀ ରୋକ୍ସାନା, ନିଜ ସ୍ବାମୀଙ୍କ ଜୀବନ ରକ୍ଷା କରିବାକୁ ରାଜା ପୁରୁଙ୍କ ହାତରେ ରାଖୀ ବାନ୍ଧିଥିଲେ ଏବଂ ରାଜା ପୁରୁ କ୍ଷତ୍ରିୟ ଧର୍ମ ପାଳନ କରି ନିଜେ ପରାଜୟ ସ୍ବୀକାର କଲେ ମଧ୍ୟ ଆଲେକ୍‌ଜାଣ୍ଡରଙ୍କୁ ଜୀବନରେ ମାରି ନ ଥିଲେ। ଆଉ ଏକ ବିବାଦୀୟ ଐତିହାସିକ କାହାଣୀ ଅନୁସାରେ, ଚିତୋରର ରାଣୀ କର୍ଣ୍ଣାବତୀ ବାହାଦୁର ଶାହ କବଳରୁ ରାଜ୍ୟ ତଥା ନିଜ ସମ୍ମାନ ରକ୍ଷା କରିବା ପାଇଁ ମୋଗଲ ବାଦଶାହ ହୁମାୟୁନଙ୍କ ପାଖକୁ ରାଖୀ ପଠାଇଥିଲେ। କିନ୍ତୁ ଦୁର୍ଭାଗ୍ୟବଶତଃ ହୁମାୟୁନ ବିଳମ୍ବରେ ପହଞ୍ଚତ୍ଲେ ଏବଂ ସେତେବେଳକୁ ରାଜପୁତ ନାରୀମାନେ ନିଜ ସମ୍ମାନ ରକ୍ଷା କରିବାକୁ ଯାଇ ଦେହତ୍ୟାଗ କରି ସାରିଥିଲେ। ତେବେ ଏ କଥା ଏଠାରେ ଉଦ୍ଧାର କରିବାର କାରଣ ହେଲା, ରାଖୀ ପରମ୍ପରାର ମନସ୍ତତ୍ୱ ଏତେ ବଳିଷ୍ଠ ଯେ ଜଣେ ଅପରିଚିତ ବ୍ୟକ୍ତି ଅନ୍ୟଜଣକୁ ସାହାଯ୍ୟ କରିବା ପାଇଁ ଅବିଳମ୍ବେ ପ୍ରସ୍ତୁତ ହୋଇଯାଏ। ସେହି ବଳିଷ୍ଠ ମନସ୍ତତ୍ତ୍ୱକୁ ସମାଜର ତଥା ବିଶ୍ୱର ମଙ୍ଗଳ କାମନାରେ ବ୍ୟବହାର କରିପାରିଲେ କେତେ ସୁନ୍ଦର 

ହୁଅନ୍ତା ସତେ!       

ଡ. ପଦାରବିନ୍ଦ ରଥ

ମୋ- ୮୮୦୦୬୩୬୫୭୬, rath2005@gmail.com

All Right Reserved By

ସମ୍ପାଦକୀୟ |

ସମ୍ପ୍ରସାରିତ ଅର୍ଥ ପ୍ୟାନେଲ

ସମ୍ପ୍ରସାରିତ ଅର୍ଥ ପ୍ୟାନେଲ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଡିଜିଟାଲ କାରବାର ବଢ଼ୁଥିବା ବେଳେ ବ୍ୟକ୍ତିଗତ ତଥ୍ୟର ସୁରକ୍ଷା ନେଇ ଚିନ୍ତା ବି ବଢ଼ିବାରେ ଲାଗିଛି। ଏ ପରିସ୍ଥିତିରେ ସରକାର ରାଜସ୍ବ ବିଭାଗ ଏବଂ ସୂଚନା ପ୍ରଯୁକ୍ତି ମନ୍ତ୍ରଣାଳୟର ସଚିବମାନଙ୍କୁ ଆର୍ଥିକ ସ୍ଥିରତା ଓ ଉନ୍ନୟନ ପରିଷଦ (ଏଫ୍‌ଏସ୍‌ଡିସି)ର ସଦସ୍ୟ କରିବା ମାଧ୍ୟମରେ ଏହାର ପୁନର୍ଗଠନ କରିଛନ୍ତି। କେନ୍ଦ୍ର ଅର୍ଥ ମନ୍ତ୍ରୀ ଏଫ୍‌ଏସ୍‌ଡିସିର ଅଧ୍ୟକ୍ଷ ଥିବାବେଳେ ଏଥିରେ ଅନ୍ୟମାନଙ୍କ ...

 ଅବାଟରେ ପଢୁଆ ଯୁବଗୋଷ୍ଠୀ

ଅବାଟରେ ପଢୁଆ ଯୁବଗୋଷ୍ଠୀ

ମନ-ମାନଚିତ୍ର/ ଡ. ନରହରି ବେହେରା ବିଦ୍ୟା ହେଉଛି ମୁକ୍ତିର ମାର୍ଗ। ଏହି ବିଦ୍ୟା ଅଧ୍ୟୟନ କରିଥିବା ବ୍ୟକ୍ତି ବିନୟୀ ହୋଇଥାନ୍ତି। ତେଣୁ କୁହାଯାଏ, ‘ବିଦ୍ୟା ଦଦାତି ବିନୟମ୍‌’। ବିନୟୀ ବ୍ୟକ୍ତି ହିଁ ଜଣେ ଉପଯୁକ୍ତ ମଣିଷ ଭାବରେ ପ୍ରତିଷ୍ଠା ଅର୍ଜନ କରିଥାନ୍ତି। ବିଦ୍ୟାର ପ୍ରୟୋଗାମତ୍କ ଦିଗଟିକୁ ବିଦ୍ୟାର୍ଥୀ ଭୁଲିଗଲେ ଶିକ୍ଷାର ସକଳ ଲକ୍ଷ୍ୟ ବ୍ୟର୍ଥ। ତେଣୁ ପଣ୍ଡିତମାନେ ବିଦ୍ୟାର ଏହି ଦୁଇଟି ରୂପକୁ ପୋଥି ବାଇଗଣ ଏବଂ ବାଡ଼ି ବାଇଗଣ ଭାବରେ ଚିତ୍ରଣ କରିଛନ୍ତି। ଏ ପରିପ୍ରେକ୍ଷୀରେ ଗୋଟିଏ ଲଘୁ କାହାଣୀର କିୟଦଂଶ ଅବତାରଣା କରାଯାଇପାରେ। ..

ଯୁଦ୍ଧ ଯଦି ଲକ୍ଷ୍ୟ ହୁଏ

ଯୁଦ୍ଧ ଯଦି ଲକ୍ଷ୍ୟ ହୁଏ

ରମେଶ ଚନ୍ଦ୍ର ସାମଲ ସମସ୍ତେ ଶାନ୍ତି ଶାନ୍ତି ଚିତ୍କାର କରୁଥିବାବେଳେ ପ୍ରକୃତରେ କେହି ଆନ୍ତରିକତାର ସହ ଏହା ଚାହାନ୍ତିନି। ଶାନ୍ତି ଅଶାନ୍ତି, ବିବାଦ ସମାଧାନର ଖେଳ ଏମିତି ପୃଥିବୀରେ ଅହରହ ଚାଲିଛି। କେତେବେଳେ ଶାନ୍ତି ତ କେତେବେଳେ ଅଶାନ୍ତି। ଅନ୍ତର୍ଜାତୀୟ ବିବାଦ ଥରେ ଦେଖାଦେଲେ ଏହା ଗୁରୁତର ଆକାର ଧାରଣ କରେ। ଏହାର ସମାଧାନ କଷ୍ଟସାଧ୍ୟ ଓ ସମୟସାପେକ୍ଷ। ଆଗ କାଳରେ ପୃଥିବୀରେ ବହୁ ଛୋଟ ଛୋଟ ରାଜ୍ୟ ଥିଲା। ଏସବୁ ରାଜ୍ୟ ଭିତରେ ବିଭିନ୍ନ କାରଣରୁ ବିଶେଷତଃ ଦେଶର ସୀମା ବୃଦ୍ଧି କରିବାକୁ ଯୁଦ୍ଧ ହେଉଥିଲା। ଯୁଦ୍ଧରେ ପରାଜିତ ଦେଶ ବିଜେତା ଦେଶ ସହିତ ମିଶିଯାଉଥିଲା। ଉଭୟ ଦେଶର ନାଗରିକମାନେ...

ଏଇ ଭାରତରେ

ଏଇ ଭାରତରେ

ପିଲାମାନେ ପରବାଡ଼ିରୁ ଆମ୍ବ ତୋଳିବାରେ ଏକ ନିଆରା ମଜା ପାଇଥାନ୍ତି। କିନ୍ତୁ ଏହି ମଜା ଯେ, ମୃତ୍ୟୁର କାରଣ ହେବ ଏ କଥା ଜଣେ ୧୦ବର୍ଷର ବାଳକ କିପରି ଜାଣିବ? ବିହାର ରାଜ୍ୟର ଖଗରିଆ ଜିଲାର ଘଟଣା। ଗୋଗାରି ପୋଲିସ ଷ୍ଟେଶନ୍‌ ଅନ୍ତର୍ଗତ ଶେରଗଡ଼ ଗାଆଁର ୧୦ବର୍ଷର ବାଳକ ଆମ୍ବ ଖାଇବା ପାଇଁ ଜଣଙ୍କ ବଗିଚାରେ ପଶିଥିଲା। ଗଛରେ ଚଢ଼ି କିଛି ଆମ୍ବ ତୋଳିଥିଲା। ଜଗୁଆଳ ରାମ ଯାଦବ ଏହା ଦେଖି ସହ୍ୟ କରିପାରି ନ ଥିଲେ। ସେ ବାଳକକୁ ଆମ୍ବ ତୋଳିବା ବନ୍ଦ କରି ତୁରନ୍ତ ବଗିଚା ଛାଡ଼ି ଚାଲିଯିବା ପାଇଁ ଧମକ ଦେଇଥିଲେ। କିନ୍ତୁ ଅବୋଧ ବାଳକ ଯାଦବର ଭିତିରି ରାକ୍ଷସକୁ ବୁଝି ନ ପାରି ଯିବାକୁ ଇଚ୍ଛା କରି ନ ଥିଲା। ଯାଦବ ଏଥିରେ ଭୀଷଣ କ୍ଷୁବ୍‌ଧ ହୋଇ ପାଖରେ ରଖିଥିବା ବନ୍ଧୁକରୁ ଅଚାନକ ଗୁଳି ଫୁଟାଇଥିଲା। ଗୁଳିଟି ସିଧା ଯାଇ ବାଳକର ମୁଣ୍ଡରେ ବାଜିଲା। ବାଳକର ଚିତ୍କାର ଶୁଣି ଯାଦବ ଘଟଣାସ୍ଥଳ ଛାଡ଼ି ପଳାଇଯାଇଥିଲା। ମୁହୂର୍ତ୍ତକ ମଧ୍ୟରେ ଗ୍ରାମବାସୀମାନେ ରୁଣ୍ଡ ହୋଇଯିବା ସହିତ ପୋଲିସକୁ ଏ ବିଷୟରେ ସୂଚନା ଦେଇଥିଲେ। ତେବେ ଘଟଣାସ୍ଥଳରେ ହିଁ ବାଳକର ମୃତ୍ୟୁ ଘଟିଥିଲା। ଅଭିଯୁକ୍ତକୁ ତୁରନ୍ତ ଗିରଫ କରିବାକୁ ଗ୍ରାମବାସୀମାନେ ଅଡି ବସିଥିଲେ। ପୋଲିସ ପ୍ରତିଶ୍ରୁତି ଦେବା ପରେ ଗ୍ରାମବାସୀମାନେ ଶାନ୍ତ ପଡ଼ିଥିଲେ। ଯାଦବକୁ ଖୋଜିବା ଲାଗି ପୋଲିସ ଅନୁସନ୍ଧାନ ଜାରି ରଖିଛି। ବାଳକର ମନ ଭିତରେ ଯାଦବ ନିଜକୁ ଦେଖିଥିଲେ ବେtାଧହୁଏ ଏହି ହତ୍ୟାକାଣ୍ଡ କରିବାକୁ ସାହସ କରି ନ ଥାନ୍ତା।

 ଆଜିର ଅର୍ଥନୀତି/ପଦକ୍ଷେପ ଯଥେଷ୍ଟ ନୁହେଁ

ଆଜିର ଅର୍ଥନୀତି/ପଦକ୍ଷେପ ଯଥେଷ୍ଟ ନୁହେଁ

ଆଇସିଆଇସିଆଇ ବ୍ୟାଙ୍କ କର୍ତ୍ତୃପକ୍ଷ ଏହାର ସିଇଓ ଏବଂ ଏମ୍‌ଡି (ମୁଖ୍ୟ କାର୍ଯ୍ୟନିର୍ବାହୀ ତଥା ପରିଚାଳନା ନିର୍ଦ୍ଦେଶକ) ଚନ୍ଦା କୋଛରଙ୍କ ବିରୋଧରେ ଶେଷରେ ଯେଉଁ ପଦକ୍ଷେପ ନେଲେ, ତାହା ସେ ବହୁ ଆଗରୁ ନେବାର ଥିଲା। ତାଙ୍କ ବିରୋଧରେ ଚାଲିଥିବା ତଦନ୍ତ ଶେଷହେବା ପୂର୍ବରୁ ତାଙ୍କୁ ବାଧ୍ୟତାମୂଳକ ଭାବେ ଛୁଟି ଦିଆଯାଇଛି। କୋଛର ହେଉଛନ୍ତି ଭାରତୀୟ ବ୍ୟାଙ୍କିଙ୍ଗ୍‌ ଶିଳ୍ପର ଜଣେ ପୁରୁଣା ଖେଳାଳି। କର୍ପୋରେଟ୍‌ ଗଭର୍ନାନ୍ସର ନିୟମ ଉଲ୍ଲଂଘନ କରି ଋଣ ପ୍ରଦାନରେ ଅନୁଚିତ ଅନୁକମ୍ପା ଦେଖାଇଥିବା ଅଭିଯୋଗ ତାଙ୍କ ବିରୋଧରେ ରହିଛି। କୋଛର ପ୍ରସଙ୍ଗକୁ ପରିଚାଳନା କରିବାରେ ଆଇସିଆଇସିଆଇ ବ୍ୟାଙ୍କ ବୋର୍ଡର ଭୂମିକା ...

ସେମାନେ ଦେଖିଥିବା ଭାରତ

ସେମାନେ ଦେଖିଥିବା ଭାରତ

ଡ. ବାଞ୍ଛାନିଧି ପଣ୍ଡା ନିଜ ଦେଶର ଅତୀତର ଏକ ଉଜ୍ଜ୍ୱଳ ଚିତ୍ରର କୌଣସି ବିବରଣୀ ଆମେ ଯେତେବେଳେ ପଢିବାକୁ ପାଉ ଦେଶ ବିଷୟରେ ଗର୍ବ ଓ ଗୌରବର ଭାବନା ଆମ ମନରେ ସ୍ବତଃ ସୃଷ୍ଟି ହୁଏ। ଚାରିଜଣ ପରିବ୍ରାଜକଙ୍କ ଲେଖାରୁ ଆମେ ଭାରତବର୍ଷର ଅତୀତର ଏପରି ଏକ ଚିତ୍ର ଦେଖିବାକୁ ପାଉ। ସେମାନେ ହେଲେ ମେଘାସ୍ଥିନିସ, ଫାହିୟାନ, ହୁଏନ୍‌ସାଂ ଓ ଆଲବାରୁଣି। ମେଘାସ୍ଥିନିସ ଓ ଆଲବାରୁଣି ଉଭୟେ ବିଦ୍ୱାନ ସଭାସଦ୍‌ ଥିଲେ। ତେଣୁ ସେମାନେ ତାଙ୍କ ରଚନାରେ ଭାରତର ସାମାଜିକ ଓ ଅର୍ଥନୈତିକ ବ୍ୟବସ୍ଥା ଉପରେ ଅଧିକ ଗୁରୁତ୍ୱାରୋପ କରିଛନ୍ତି। ମାତ୍ର ଫାହିୟାନ ଓ ହୁଏନ୍‌ସାଂ ସନ୍ନ୍ୟାସୀ ପରିବ୍ରାଜକ ହୋଇଥିବାରୁ ସେମାନେ ଧର୍ମ ବିଷୟକ ବିବରଣୀକୁ ...

ଷ୍ଟାର୍‌ ଷ୍ଟାଟସ୍‌

ଷ୍ଟାର୍‌ ଷ୍ଟାଟସ୍‌

ପ୍ରକାଶ କୁମାର ସିଂହ ଷ୍ଟାର୍‌ମାନେ ଖାଲି ଆକାଶରେ ରହନ୍ତିନି, ଏଇ ମାଟିରେ ବି ଲୀଳାଖେଳା କରନ୍ତି ଆଉ ଅନେକଙ୍କର ହୃଦୟ ଜିଣନ୍ତି ଆଜ୍ଞା। ଷ୍ଟାରମାନେ ହେଲେ ଆମର ଆଦର୍ଶ। କିଏ କ୍ରୀଡ଼ା ଜଗତର ଷ୍ଟାର୍‌, କିଏ ଫିଲ୍ମ ଜଗତର ଷ୍ଟାର୍‌, କିଏ ସଙ୍ଗୀତ ଜଗତର ତ କିଏ ବିଜ୍ଞାନ ଦୁନିଆର ଷ୍ଟାର୍‌। ଷ୍ଟାର୍‌- ଯାହାକୁ ଆମେ ତାରକା କହୁ। ସେମାନେ ଆମ ଭଳି ସାଧାରଣ ମଣିଷ କିନ୍ତୁ ଅସାଧାରଣ ସେମାନଙ୍କର ପ୍ରତିଭା, ସେବା ମନୋଭାବ, ଧୈର୍ଯ୍ୟ, ସାହସ ଅବା କୃତିତ୍ୱ। କେଉଁ ଫିଲ୍ମରେ ବସ୍ତିର ପିଲା ଭୂମିକା କରି କିଏ ଷ୍ଟାର୍‌ ଷ୍ଟାଟସ୍‌ ପାଇଛି ତ କିଏ ବାଳକ ବୁଦ୍ଧିଆ ପରି ମାରାଥନ ଦୌଡି ଷ୍ଟାର୍‌ ପାଲଟିଛି। ତିଆରି ହୋଇଛି ଫିଲ୍ମ ବୁଦ୍ଧିଆ ବର୍ନ ଟୁ ରନ୍‌...। କିଏ ଡକାୟତକୁ ଘର ...

ଏଇ ଭାରତରେ

ଏଇ ଭାରତରେ

ଖେଳ ଶାରୀରିକ ବ୍ୟାୟାମ ତଥା ମନୋରଞ୍ଜନର ଏକ ଉତ୍ସ। ଏହା ଶିଶୁ, କିଶୋର ଓ ଯୁବକମାନଙ୍କ ପାଇଁ ଅତ୍ୟନ୍ତ ଆବଶ୍ୟକ। କିନ୍ତୁ ଏଥିପାଇଁ ଖେଳୁଆଡ଼ ମନୋବୃତ୍ତି ରହିବା ଦରକାର। ତା’ ନ ହେଲେ ଖେଳରୁ ବିବାଦ ସୃଷ୍ଟି ହୋଇ ଗଣ୍ଡଗୋଳ, ମାଡ଼ପିଟ ଓ ବେଳେବେଳେ ମୃତ୍ୟୁର କାରଣ ହୋଇପାରେ। ଦୁଇପକ୍ଷ ମଧ୍ୟରେ ବିଭେଦ ସୃଷ୍ଟିହୋଇ ଗଣ୍ଡଗୋଳ ହୋଇଥାଏ। କ୍ରିକେଟ୍‌ ଖେଳକୁ ନେଇ ଖଣ୍ଡଯୁଦ୍ଧ। ଏଥିରେ ଜଣେ ୧୫ବର୍ଷର ବାଳକ ବଳିପଡିଛନ୍ତି। ଏପରି ଏକ ଘଟଣା ଘଟିଛି ଉତ୍ତରପ୍ରଦେଶର ବାଲିଆଠାରେ। ମାସକ ତଳେ ଏକ କ୍ରିକେଟ୍‌ ମ୍ୟାଚ୍‌କୁ କେନ୍ଦ୍ରକରି ଭିକପୁର ଏବଂ ଶ୍ରୀପୁର ଗଁାର ଯୁବକଙ୍କ ମଧ୍ୟରେ ମାଡପିଟ ହୋଇଥିଲା। ଦୁଇ ଗଁାର ଭଦ୍ରଲୋକ ମଧ୍ୟସ୍ଥ ସାଜି ଗଣ୍ଡଗୋଳର ସମାଧାନ କରିଥିଲେ। ପରିସ୍ଥିତି କିଛିଦିନ ପାଇଁ ଶାନ୍ତ ପଡ଼ିଯାଇଥିଲା। କିନ୍ତୁ ବୁଧବାର ...

ପ୍ରାଣୀଙ୍କ ଜୀବନ ସହ ଖେଳ

ପ୍ରାଣୀଙ୍କ ଜୀବନ ସହ ଖେଳ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପ୍ରତିବର୍ଷ ବିଜ୍ଞାନାଗାରରେ କୋଟି କୋଟି ପ୍ରାଣୀଙ୍କ ଅଙ୍ଗପ୍ରତ୍ୟଙ୍ଗ କଟାଯାଉଛି। ଯେଉଁମାନେ ସରକାରରେ ଅଛନ୍ତି, ସେମାନେ ଭାବୁଛନ୍ତି ମଣିଷଙ୍କ ହିତ ପାଇଁ ଏହା ନିହାତି ଦରକାର। ସେମାନଙ୍କ ଧାରଣା ଯେକୌଣସି ଜିନିଷ ମଣିଷ ପାଖରେ ପହଞ୍ଚିବା ପୂର୍ବରୁ ପ୍ରାଣୀଠାରେ ପରୀକ୍ଷା ହୋଇଥିବା ଜରୁରୀ। ତେବେ ପ୍ରଶ୍ନ ଉଠୁଛି, ଏହା କ’ଣ ସତରେ ମଣିଷକୁ ନିରାପଦ କରୁଛି? ଚିନ୍ତା କରନ୍ତୁ, ପକ୍ଷୀ ପାଇଁ ଉଦ୍ଭାବିତ କୌଣସି ନୂଆ ଔଷଧକୁ କେବଳ ପକ୍ଷୀଠାରେ ହିଁ ପରୀକ୍ଷା କରାଯାଉଛି। ଏହାକୁ କ’ଣ କୁକୁରଠାରେ ପରୀକ୍ଷା କରାଯାଇପାରିବ? ତେଣୁ କାହିଁକି ମୂଷାଠାରେ ପରୀକ୍ଷିତ ଔଷଧ ମଣିଷକୁ ଦିଆଯିବ? ...

 ପରୀକ୍ଷା କେନ୍ଦ୍ରରେ ସିସି ଟିଭି

ପରୀକ୍ଷା କେନ୍ଦ୍ରରେ ସିସି ଟିଭି

ଡ. ସୁବାସ ଚନ୍ଦ୍ର ପାତ୍ର ଏବେ ଯୁକ୍ତ ୨ ପରୀକ୍ଷା ପାଇଁ ଉଦ୍ଦିଷ୍ଟ ପରୀକ୍ଷା କେନ୍ଦ୍ରଗୁଡ଼ିକରେ ସିସି ଟିଭି ଲାଗିବ ବୋଲି ସରକାରୀ ସ୍ତରରେ ନିଷ୍ପତ୍ତି ହୋଇଛି। ପରବର୍ତ୍ତୀ ସମୟରେ ତାହା ମହାବିଦ୍ୟାଳୟ ବା ବିଶ୍ୱବିଦ୍ୟାଳୟ ସ୍ତରୀୟ ପରୀକ୍ଷା କେନ୍ଦ୍ରରେ ଲଗାଇବାକୁ ମନସ୍ଥ କରାଯାଇଛି। ତେବେ ଏହି ସିସି ଟିଭି ଲାଗିବା ନେଇ ମିଶ୍ର ପ୍ରତିକ୍ରିୟା ଶୁଣିବାକୁ ମିଳୁଛି। କେତେକେ କହୁଛନ୍ତି, କିଛି ନ ହେଲେ ବି ପରୀକ୍ଷାର୍ଥୀ, ପରୀକ୍ଷା ନିୟନ୍ତ୍ରକ, କେନ୍ଦ୍ର ଅଧୀକ୍ଷକ ଓ ଅଭିଭାବକମାନଙ୍କ ମନରେ ଭୟ ଟିକେ ରହିବ। ସେମାନେ ଅସତ୍‌ ଉପାୟ ଅବଲମ୍ବନ ବା ସେ ପାଇଁ ପୃଷ୍ଠପୋଷକତା କରିବା ପୂର୍ବରୁ ଦୁଇଥର ଭାବିବେ। ଅନ୍ୟ ଏକ ଗୋଷ୍ଠୀ ଏହାକୁ ପ୍ରଭାବୀ ବୋଲି ଭାବୁନାହାନ୍ତି। ...

ପ୍ରଜ୍ଞା, ମେଧା ଓ ଯୋଗ

ପ୍ରଜ୍ଞା, ମେଧା ଓ ଯୋଗ

ବ୍ରହ୍ମାନନ୍ଦ ପଣ୍ଡା ଶରୀର ଏକ ରଥ, ଯହିଁରେ ଜୀବ ହେଉଛି ରଥୀ ବା ଆରୋହୀ। ଏ ରଥରେ ବୁଦ୍ଧି ସାରଥି, ମନ ଲଗାମ, ଇନ୍ଦ୍ରିୟମାନେ ହେଉଛନ୍ତି ଅଶ୍ୱ ଏବଂ ବିଷୟ ହେଉଛି ଗନ୍ତବ୍ୟ ମାର୍ଗ। ବିକ୍ଷିପ୍ତ ଆଲୋକରଶ୍ମିକୁ ଯବ କାଚରେ କେନ୍ଦ୍ରୀଭୂତ କରି ଯେପରି ଅଗ୍ନି, ତାପ ଓ ଆଲୋକ ସୃଷ୍ଟି କରାଯାଇପାରେ ଠିକ୍‌ ସେପରି ଯୋଗସାଧନା ଦ୍ୱାରା ଶରୀର, ମନ, ବୁଦ୍ଧି ଓ ଇନ୍ଦ୍ରିୟମାନଙ୍କୁ ନିୟନ୍ତ୍ରିତ କରି ସୁସ୍ଥ, ସବଳ ଓ ଦୀର୍ଘାୟୁ ଜୀବନ ଲାଭ କରାଯାଇପାରେ। ଯୋଗସାଧନା ଦ୍ୱାରା ଅନ୍ତଃକରଣକୁ ଶୁଦ୍ଧ କରି ପ୍ରାରବ୍ଧ ବା ଭାଗ୍ୟଫଳର ସଦୁପଯୋଗ ...

ଏଇ ଭାରତରେ

ଏଇ ଭାରତରେ

ଲେସ୍‌ବିଆନ୍‌, ଗେ, ବାଇସେକ୍ସୁଆଲ ଆଣ୍ଡ୍‌ ଟ୍ରାନ୍ସଜେଣ୍ଡର (ଏଲ୍‌ଜିବିଟି) ବର୍ଗ ଜୁନ୍‌କୁ ‘ପ୍ରାଇଡ୍‌ ମନ୍‌ଥ’ ବା ଗର୍ବର ମାସ ଭାବେ ପାଳନ କରୁଥିବା ବେଳେ କଲିକତାରେ ଜଣେ କିନ୍ନର ଚାକିରି ପାଇଁ ସାକ୍ଷାତ୍‌କାର ଦେବା ବେଳେ ଅଶ୍ଳୀଳତାର ସମ୍ମୁଖୀନ ହୋଇଥିବା ବିଷୟ ପଦାକୁ ଆସିଛି। ଇଂଲିଶ ଓ ଭୂଗୋଳରେ ସ୍ନାତକୋତ୍ତର ଡିଗ୍ରୀ ଅର୍ଜନ କରିଥିବା ହରିନ୍ମୟୀ ଦେ ଯୌନ ଅସ୍ତ୍ରୋପଚାର ପରେ ସୁଚିତ୍ରା ଦେ ଭାବେ ପରିଚିତ ହୋଇଥିଲେ। ଘରେ ବୃଦ୍ଧା ମା’ ଥିବାରୁ ସଂସାର ଚଳାଇବା ପାଇଁ ତାଙ୍କୁ ଚାକିରି ଖୋଜିବାକୁ ପଡ଼ିଲା। ...

Model This Week

ପ୍ରଭାତ