ସମ୍ପାଦକୀୟ |

ଗଙ୍ଗାଧର: ନବଯୁଗର ବାର୍ତ୍ତାବହ

ଗଙ୍ଗାଧର: ନବଯୁଗର ବାର୍ତ୍ତାବହ

ଆଜି ସ୍ବଭାବକବି ଗଙ୍ଗାଧର ମେହେରଙ୍କ ପୁଣ୍ୟ ଜନ୍ମତିଥି। ସମ୍ବଲପୁର ଅଞ୍ଚଳର ପିଲାମାନେ ମେହେର କବିଙ୍କ ପ୍ରତି ଶ୍ରଦ୍ଧା ନିବେଦନ କରି ଏବେ ମଧ୍ୟ କହିଥାନ୍ତି- ‘ମେହେର ବାଗିର କବି ନୃସିଂହ ନାଥେର ଛବି’। ଏହାର ଉଦ୍ଦେଶ୍ୟ ହେଲା- ନୃସିଂହ ନାଥ ପରି ମନୋରମ ଦୃଶ୍ୟ ନାହିଁ କିମ୍ବା ମେହେରଙ୍କ ପରି କବି ନାହାନ୍ତି। ମେହେର କବିଙ୍କୁ ଜଣେ ପ୍ରକୃତି କବି ଭାବେ ମୁଖ୍ୟତଃ ଚିତ୍ରଣ କରାଯାଏ। କିନ୍ତୁ ସେ ଜଣେ ଜାତୀୟ କବି ଥିଲେ; ଏ ଦିଗରେ ବିଶେଷ ଆଲୋଚନା ବା ଚର୍ଚ୍ଚା ହୋଇନାହିଁ ବୋଲି କହିଲେ ଭୁଲ୍‌ ହେବନାହିଁ।  ଜାତୀୟ କବିର ଜୀବନଗାଥା କେବଳ ତା’ର ଜନ୍ମମୃତ୍ୟୁ ଓ କ୍ରିୟାକଳାପ ମଧ୍ୟରେ ସୀମାବଦ୍ଧ ନୁହେଁ; ଏହା ଜାତୀୟ ଇତିହାସର ଅଂଶବିଶେଷ। ସୁତରାଂ କବିକୁ ଜାଣିବା ପାଇଁ ହେଲେ ତା’ର କାବ୍ୟାନୁଶୀଳନ ଏକାନ୍ତ କାମ୍ୟ ନୁହେଁ- ସମକାଳୀନ ଯୁଗର ସ୍ପନ୍ଦନକୁ ଅନୁଭବ କରିବା ପାଇଁ କବିର ସୃଷ୍ଟି ସମ୍ପଦ ଅନୁଶୀଳନର ଆବଶ୍ୟକତା ଅଛି। ମନସ୍ବୀ କବି ଟି.ଏସ୍‌.ଏଲିୟଟ୍‌ ଏ କଥା କହିଛନ୍ତି - ”The Greatest Poet in writing himself, writes his own times.“ ସୁତରାଂ କବି ବା ସାହିତି୍ୟକ ଆତ୍ମପ୍ରକାଶ କରିବାକୁ ଯାଇ ତାଙ୍କ ନିଜ ସମୟର କଥାକୁ ହିଁ ନିଜ ସାହିତ୍ୟରେ ପ୍ରକାଶ କରନ୍ତି। ଏହାହିଁ ହେଉଛି କବି ଧର୍ମ। ଗଙ୍ଗାଧର ମେହେରଙ୍କ ପରିବେଶ ଓ ଜୀବନ ସମକାଳୀନ ଓଡ଼ିଶାର ରାଜନୈତିକ ରଙ୍ଗମଞ୍ଚରେ ବିଶିଷ୍ଟ ଭୂମିକା ନିଭାଇବାକୁ ତାଙ୍କୁ ସୁଯୋଗ ଦେଇ ନ ଥିଲା। ତେଣୁ ବିଭିନ୍ନ ସଭା ସମିତିରେ ସେ ଜଣେ ରାଜନେତା ଭାବେ ନିଜ ବକ୍ତବ୍ୟ ନ ରଖି ନିଜ ଅନ୍ତରର ବେଦନାକୁ ସାହିତ୍ୟ ମାଧ୍ୟମରେ କେଉଁଠି ପ୍ରତ୍ୟକ୍ଷ ଭାବରେ ବା ଅନ୍ୟ କେଉଁଠି ପରୋକ୍ଷ ଭାବରେ ପ୍ରକାଶ କରିଛନ୍ତି। ନଅଙ୍କ ଦୁର୍ଭିକ୍ଷ ବେଳକୁ ଗଙ୍ଗାଧରଙ୍କୁ ମାତ୍ର ୪ବର୍ଷ ବୟସ। ‘ଉତ୍କଳ ସଭା’ର ପ୍ରଥମ ଅଧିବେଶନ ବେଳକୁ ତାଙ୍କୁ ପ୍ରାୟ ୨୦ବର୍ଷ ହୋଇଥିଲା। ସମ୍ବଲପୁରରେ ଓଡ଼ିଆ ଭାଷା ପ୍ରତି ଉଡ୍‌ବର୍ଣ୍ଣ ସାହେବଙ୍କର ଅବିଚାର ତାଙ୍କୁ ମର୍ମାହତ କରିଥିଲା। ସେତେବେଳକୁ ସେ ବରପାଲି ଜମିଦାରଙ୍କ ଅଧୀନରେ ଜଣେ ସ୍ବଳ୍ପ ବେତନଭୋଗୀ କର୍ମଚାରୀ। ‘ଉତ୍କଳ ସମ୍ମିଳନୀର ଜନ୍ମବେଳକୁ ସେ ସମ୍ବଲପୁରର ଡେପୁଟି କମିଶନର ଅଦାଲତରେ ଜୁଡିସିଆଲ ମୋହରିର ଭାବେ ଅବସ୍ଥାପିତ। ସମ୍ବଲପୁରରେ ଚନ୍ଦ୍ରଶେଖର ବେହେରାଙ୍କ ନେତୃତ୍ୱରେ ଅସହଯୋଗ ଆନ୍ଦୋଳନ ଚାଲିଥିଲା ବେଳେ ଗଙ୍ଗାଧର ଚାକିରିରୁ ଅବସର ଗ୍ରହଣ କରିଥିଲେ। ତାଙ୍କ ତିରୋଧାନର ମାତ୍ର ତିନିବର୍ଷ ପୂର୍ବରୁ ସମ୍ବଲପୁରରେ ଜାତୀୟ ହାଇସ୍କୁଲ ପ୍ରତିଷ୍ଠା ହୋଇଥିଲା। ଅମିନ, ମାଲମୋହରିର ଏବଂ ଜୁଡିସିଆଲ ମୋହରିର ଗଙ୍ଗାଧରଙ୍କ ଭିତରେ ବଞ୍ଚି ରହିଥିଲା ଏକ ପ୍ରଚଣ୍ଡ ବ୍ୟକ୍ତିସତ୍ତା। ଗଙ୍ଗାଧରଙ୍କ ସମକାଳରେ କେବଳ ଓଡ଼ିଆ ସାହିତ୍ୟରେ ନୁହେଁ, ସମଗ୍ର ଭାରତୀୟ ସାହିତ୍ୟରେ ଏକ ନବଯୁଗର ଆବିର୍ଭାବ ହୋଇଥିଲା। ସେତେବେଳକୁ ଦେଶ ପରାଧୀନ। କବି ଗଙ୍ଗାଧର ତାଙ୍କ କୃତିରେ ସମକାଳୀନ ଅନ୍ୟାନ୍ୟ କବିଙ୍କ ପରି ପ୍ରଥମେ ଇଂରେଜ ସରକାରଙ୍କ ପ୍ରଶଂସା କରିଥିଲେ। କିନ୍ତୁ ଜୀବନର ସାୟାହ୍ନରେ ତାଙ୍କର ଦୃଷ୍ଟିଭଙ୍ଗୀ ପରିବର୍ତ୍ତିତ ହୋଇଛି। ସେତେବେଳକୁ ମହାତ୍ମା ଗାନ୍ଧୀ ଭାରତର ରାଜନୈତିକ ରଙ୍ଗମଞ୍ଚରେ ଅବତୀର୍ଣ୍ଣ। ଗଙ୍ଗାଧରଙ୍କ ଜନ୍ମଭୂମି ସମ୍ବଲପୁରରେ ମଧ୍ୟ ଐତିହାସିକ ଜନଜାଗରଣ ସୃଷ୍ଟି ହୋଇଥିଲା। ଯୁଗର ସେଇ ସ୍ପନ୍ଦନକୁ ନିଜ କୃତିରେ ସ୍ଥାନ ଦେବାର ଲକ୍ଷ୍ୟ ନେଇ ଗଙ୍ଗାଧର ରଚନା କରିଥିଲେ- ‘ଭାରତୀ ଭାବନା’। ଏହା ସ୍ବଦେଶପ୍ରୀତି ସମ୍ପନ୍ନ କବିଙ୍କର ପ୍ରାଣବୀଣାରେ ସମକାଳୀନ ନବଚେତନାର ଏକ ମଧୁର ଝଙ୍କାର କହିଲେ କିଛି ଭୁଲ୍‌ ହେବନାହିଁ। ପୂର୍ବରୁ ଆମେ ସୂଚାଇ ଦେଇଛୁ ଯେ ଗଙ୍ଗାଧର ରାଜନେତାଙ୍କ ପରି ସଭାସମିତିରେ ଯୋଗଦେଇ ଗଳାଫଟାଇ ଚିତ୍କାର କରିଥିବାର କୌଣସି ବିବରଣୀ ଆମ ନଜରକୁ ଆସିନାହିଁ। ‘ମେହେରଙ୍କ ସମ୍ବନ୍ଧରେ ଦୁଇପଦ’ ଶୀର୍ଷକ ଆଲୋଚନାରେ ଅଭିମନ୍ୟୁ ଦେବତା ଗଙ୍ଗାଧର ମେହେରଙ୍କ ମହାଭାରତୀୟ ଚିନ୍ତାଧାରା ବିଷୟରେ ସମ୍ୟକ୍‌ ସୂଚନା ପ୍ରଦାନ କରିଛନ୍ତି। ପୌରାଣିକ ଆଖ୍ୟାୟିକାର ନବୀକରଣରେ ମେହେର କବି ତପସ୍ୟାରତ ଥିବା ବେଳେ ‘ଉତ୍କଳ ଲକ୍ଷ୍ମୀ’ କାବ୍ୟ ରଚନା ନିଶ୍ଚିତ ଭାବେ ତାତ୍ପ୍ଯଯ୍ୟପୂର୍ଣ୍ଣ। ଏହାର ପ୍ରଥମ ସଂସ୍କରଣ ବେଳକୁ ସମ୍ବଲପୁର ଓଡ଼ିଶାରୁ ବିଚ୍ଛିନ୍ନ ହୋଇଥିଲା। ଦ୍ୱିତୀୟ ସଂସ୍କରଣ ପ୍ରଥମ ସଂସ୍କରଣର ପରିବର୍ଦ୍ଧିତ ଓ ପରିମାର୍ଜିତ ରୂପ। ଅପୂର୍ବ ଜାତୀୟ ପ୍ରୀତିରେ ଏଥିରେ ଉଦ୍‌ବୁଦ୍ଧ ହୋଇ ରାଧାନାଥ ଯେପରି କଟକ, ପୁରୀ, ବାଲେଶ୍ୱର, ମୟୂରଭଞ୍ଜ ପ୍ରଭୃତି ଉତ୍କଳର ପ୍ରାକୃତିକ ଦୃଶ୍ୟକୁ ନିଜ ସୃଷ୍ଟିରେ ମନୋଜ୍ଞ କରି ଯାଇଛନ୍ତି, କବି ଗଙ୍ଗାଧର ଅନୁରୂପ ଭାବେ ‘ଉତ୍କଳ ଲକ୍ଷ୍ମୀ’ରେ ପ୍ରାକୃତିକ ଉତ୍କଳର ସୁଷମ ରାଶି ବର୍ଣ୍ଣନା କରିବା ସଙ୍ଗେ ସଙ୍ଗେ ବିଦେଶ ଶାସକଙ୍କୁ କହିଗଲେ ଯେ, ତତ୍କାଳୀନ ଓଡ଼ିଶା ଡିଭିଜନ ପ୍ରାକୃତିକ ଉତ୍କଳର ଏକ ଅଂଶ ମାତ୍ର। କିନ୍ତୁ ‘ଉତ୍କଳ ଲକ୍ଷ୍ମୀ’ରେ ହିଁ ସେ ଉତ୍କଳର ଯଥାର୍ଥ ଚିତ୍ର ଆଙ୍କିଛନ୍ତି। କେବଳ ସମ୍ବଲପୁର ନୁହେଁ ସିଂହଭୂମ, ଗଞ୍ଜାମ ଏବଂ ଗଡ଼ଜାତ ଅଞ୍ଚଳ ଯେ ଉତ୍କଳର ଛିନ୍ନାଙ୍ଗ, ‘ଉତ୍କଳ ଲକ୍ଷ୍ମୀ’ କାବ୍ୟ ମାଧ୍ୟମରେ ଗଙ୍ଗାଧର ବିଦେଶୀ ଶାସକଙ୍କୁ ଚେତେଇ ଦେଇଛନ୍ତି। ତାଙ୍କ ରଚିତ ‘ଭାରତୀ ରୋଦନ’ ଓ ‘ଉତ୍କଳ ଭାରତୀ ନିବେଦନ’ ମାତୃଭାଷା ଓ ମାତୃଭୂମି ପ୍ରତି ତାଙ୍କ ସମର୍ପିତ ପ୍ରତିବଦ୍ଧତାର ପ୍ରମାଣ। କୁଳବୃଦ୍ଧ ମଧୁସୂଦନଙ୍କ ଭାଷାରେ ଉତ୍କଳ ସମ୍ମିଳନୀ ହେଉଛି ଜନନୀ ଜନ୍ମଭୂମିର ପୂଜାମଣ୍ଡପ। ଏହି ପୂଜାମଣ୍ଡପ ସହିତ ଗଙ୍ଗାଧରଙ୍କ ସମ୍ପର୍କ ମଧ୍ୟ ଅତି ନିବିଡ ଥିଲା। ତାଙ୍କ ଭାଷାରେ କହିବାକୁ ଗଲେ ‘ମାତୃଭୂମି ମାତୃଭାଷାରେ ମମତା ଯା’ ହୃଦେ ଜନମି ନାହିଁ, ତାକୁ ଯଦି ଜ୍ଞାନୀ ଗଣରେ ଗଣିବା ଅଜ୍ଞାନ ରହିବେ କାହିଁ।’ଆଜି ମେହେର କବିଙ୍କ ପୁଣ୍ୟ ଜନ୍ମତିଥି ଅବସରରେ ଏହି କବିଙ୍କୁ ଆମର ଅନ୍ତରର ଭକ୍ତି ଏବଂ ଶ୍ରଦ୍ଧା ନିବେଦନ କରୁଛୁ।ଡ. ସିଦ୍ଧାର୍ଥ କାନୁନ୍‌ଗୋଚୈତନ୍ୟ ଧାମ, ଶବର ସାହି, ପ୍ଲଟ ନଂ-୨୦୮୪, ଭୁବନେଶ୍ୱର, ମୋ: ୯୪୩୮୦୭୨୮୫୦

ଆଜି ସ୍ବଭାବକବି ଗଙ୍ଗାଧର ମେହେରଙ୍କ ପୁଣ୍ୟ ଜନ୍ମତିଥି। ସମ୍ବଲପୁର ଅଞ୍ଚଳର ପିଲାମାନେ ମେହେର କବିଙ୍କ ପ୍ରତି ଶ୍ରଦ୍ଧା ନିବେଦନ କରି ଏବେ ମଧ୍ୟ କହିଥାନ୍ତି- ‘ମେହେର ବାଗିର କବି ନୃସିଂହ ନାଥେର ଛବି’। ଏହାର ଉଦ୍ଦେଶ୍ୟ ହେଲା- ନୃସିଂହ ନାଥ ପରି ମନୋରମ ଦୃଶ୍ୟ ନାହିଁ କିମ୍ବା ମେହେରଙ୍କ ପରି କବି ନାହାନ୍ତି। ମେହେର କବିଙ୍କୁ ଜଣେ ପ୍ରକୃତି କବି ଭାବେ ମୁଖ୍ୟତଃ ଚିତ୍ରଣ କରାଯାଏ। କିନ୍ତୁ ସେ ଜଣେ ଜାତୀୟ କବି ଥିଲେ; ଏ ଦିଗରେ ବିଶେଷ ଆଲୋଚନା ବା ଚର୍ଚ୍ଚା ହୋଇନାହିଁ ବୋଲି କହିଲେ ଭୁଲ୍‌ ହେବନାହିଁ। 
 ଜାତୀୟ କବିର ଜୀବନଗାଥା କେବଳ ତା’ର ଜନ୍ମମୃତ୍ୟୁ ଓ କ୍ରିୟାକଳାପ ମଧ୍ୟରେ ସୀମାବଦ୍ଧ ନୁହେଁ; ଏହା ଜାତୀୟ ଇତିହାସର ଅଂଶବିଶେଷ। ସୁତରାଂ କବିକୁ ଜାଣିବା ପାଇଁ ହେଲେ ତା’ର କାବ୍ୟାନୁଶୀଳନ ଏକାନ୍ତ କାମ୍ୟ ନୁହେଁ- ସମକାଳୀନ ଯୁଗର ସ୍ପନ୍ଦନକୁ ଅନୁଭବ କରିବା ପାଇଁ କବିର ସୃଷ୍ଟି ସମ୍ପଦ ଅନୁଶୀଳନର ଆବଶ୍ୟକତା ଅଛି। ମନସ୍ବୀ କବି ଟି.ଏସ୍‌.ଏଲିୟଟ୍‌ ଏ କଥା କହିଛନ୍ତି - ”The Greatest Poet in 
writing himself, writes his own times.“ ସୁତରାଂ କବି ବା ସାହିତି୍ୟକ ଆତ୍ମପ୍ରକାଶ କରିବାକୁ ଯାଇ ତାଙ୍କ ନିଜ ସମୟର କଥାକୁ ହିଁ ନିଜ ସାହିତ୍ୟରେ ପ୍ରକାଶ କରନ୍ତି। ଏହାହିଁ ହେଉଛି କବି ଧର୍ମ। 
ଗଙ୍ଗାଧର ମେହେରଙ୍କ ପରିବେଶ ଓ ଜୀବନ ସମକାଳୀନ ଓଡ଼ିଶାର ରାଜନୈତିକ ରଙ୍ଗମଞ୍ଚରେ ବିଶିଷ୍ଟ ଭୂମିକା ନିଭାଇବାକୁ ତାଙ୍କୁ ସୁଯୋଗ ଦେଇ ନ ଥିଲା। ତେଣୁ ବିଭିନ୍ନ ସଭା ସମିତିରେ ସେ ଜଣେ ରାଜନେତା ଭାବେ ନିଜ ବକ୍ତବ୍ୟ ନ ରଖି ନିଜ ଅନ୍ତରର ବେଦନାକୁ ସାହିତ୍ୟ ମାଧ୍ୟମରେ କେଉଁଠି ପ୍ରତ୍ୟକ୍ଷ ଭାବରେ ବା ଅନ୍ୟ କେଉଁଠି ପରୋକ୍ଷ ଭାବରେ ପ୍ରକାଶ କରିଛନ୍ତି। ନଅଙ୍କ ଦୁର୍ଭିକ୍ଷ ବେଳକୁ ଗଙ୍ଗାଧରଙ୍କୁ ମାତ୍ର ୪ବର୍ଷ ବୟସ। ‘ଉତ୍କଳ ସଭା’ର ପ୍ରଥମ ଅଧିବେଶନ ବେଳକୁ ତାଙ୍କୁ ପ୍ରାୟ ୨୦ବର୍ଷ ହୋଇଥିଲା। ସମ୍ବଲପୁରରେ ଓଡ଼ିଆ ଭାଷା ପ୍ରତି ଉଡ୍‌ବର୍ଣ୍ଣ ସାହେବଙ୍କର ଅବିଚାର ତାଙ୍କୁ ମର୍ମାହତ କରିଥିଲା। ସେତେବେଳକୁ ସେ ବରପାଲି ଜମିଦାରଙ୍କ ଅଧୀନରେ ଜଣେ ସ୍ବଳ୍ପ ବେତନଭୋଗୀ କର୍ମଚାରୀ। ‘ଉତ୍କଳ ସମ୍ମିଳନୀର ଜନ୍ମବେଳକୁ ସେ ସମ୍ବଲପୁରର ଡେପୁଟି କମିଶନର ଅଦାଲତରେ ଜୁଡିସିଆଲ ମୋହରିର ଭାବେ ଅବସ୍ଥାପିତ। ସମ୍ବଲପୁରରେ ଚନ୍ଦ୍ରଶେଖର ବେହେରାଙ୍କ ନେତୃତ୍ୱରେ ଅସହଯୋଗ ଆନ୍ଦୋଳନ ଚାଲିଥିଲା ବେଳେ ଗଙ୍ଗାଧର ଚାକିରିରୁ ଅବସର ଗ୍ରହଣ କରିଥିଲେ। ତାଙ୍କ ତିରୋଧାନର ମାତ୍ର ତିନିବର୍ଷ ପୂର୍ବରୁ ସମ୍ବଲପୁରରେ ଜାତୀୟ ହାଇସ୍କୁଲ ପ୍ରତିଷ୍ଠା ହୋଇଥିଲା। ଅମିନ, ମାଲମୋହରିର ଏବଂ ଜୁଡିସିଆଲ ମୋହରିର ଗଙ୍ଗାଧରଙ୍କ ଭିତରେ ବଞ୍ଚି ରହିଥିଲା ଏକ ପ୍ରଚଣ୍ଡ ବ୍ୟକ୍ତିସତ୍ତା। 
ଗଙ୍ଗାଧରଙ୍କ ସମକାଳରେ କେବଳ ଓଡ଼ିଆ ସାହିତ୍ୟରେ ନୁହେଁ, ସମଗ୍ର ଭାରତୀୟ ସାହିତ୍ୟରେ ଏକ ନବଯୁଗର ଆବିର୍ଭାବ ହୋଇଥିଲା। ସେତେବେଳକୁ ଦେଶ ପରାଧୀନ। କବି ଗଙ୍ଗାଧର ତାଙ୍କ କୃତିରେ ସମକାଳୀନ ଅନ୍ୟାନ୍ୟ କବିଙ୍କ ପରି ପ୍ରଥମେ ଇଂରେଜ ସରକାରଙ୍କ ପ୍ରଶଂସା କରିଥିଲେ। କିନ୍ତୁ ଜୀବନର ସାୟାହ୍ନରେ ତାଙ୍କର ଦୃଷ୍ଟିଭଙ୍ଗୀ ପରିବର୍ତ୍ତିତ ହୋଇଛି। ସେତେବେଳକୁ ମହାତ୍ମା ଗାନ୍ଧୀ ଭାରତର ରାଜନୈତିକ ରଙ୍ଗମଞ୍ଚରେ ଅବତୀର୍ଣ୍ଣ। ଗଙ୍ଗାଧରଙ୍କ ଜନ୍ମଭୂମି ସମ୍ବଲପୁରରେ ମଧ୍ୟ ଐତିହାସିକ ଜନଜାଗରଣ ସୃଷ୍ଟି ହୋଇଥିଲା। ଯୁଗର ସେଇ ସ୍ପନ୍ଦନକୁ ନିଜ କୃତିରେ ସ୍ଥାନ ଦେବାର ଲକ୍ଷ୍ୟ ନେଇ ଗଙ୍ଗାଧର ରଚନା କରିଥିଲେ- ‘ଭାରତୀ ଭାବନା’। ଏହା ସ୍ବଦେଶପ୍ରୀତି ସମ୍ପନ୍ନ କବିଙ୍କର ପ୍ରାଣବୀଣାରେ ସମକାଳୀନ ନବଚେତନାର ଏକ ମଧୁର ଝଙ୍କାର କହିଲେ କିଛି ଭୁଲ୍‌ ହେବନାହିଁ। ପୂର୍ବରୁ ଆମେ ସୂଚାଇ ଦେଇଛୁ ଯେ ଗଙ୍ଗାଧର ରାଜନେତାଙ୍କ ପରି ସଭାସମିତିରେ ଯୋଗଦେଇ ଗଳାଫଟାଇ ଚିତ୍କାର କରିଥିବାର କୌଣସି ବିବରଣୀ ଆମ ନଜରକୁ ଆସିନାହିଁ। ‘ମେହେରଙ୍କ ସମ୍ବନ୍ଧରେ ଦୁଇପଦ’ ଶୀର୍ଷକ ଆଲୋଚନାରେ ଅଭିମନ୍ୟୁ ଦେବତା ଗଙ୍ଗାଧର ମେହେରଙ୍କ ମହାଭାରତୀୟ ଚିନ୍ତାଧାରା ବିଷୟରେ ସମ୍ୟକ୍‌ ସୂଚନା ପ୍ରଦାନ କରିଛନ୍ତି। 
ପୌରାଣିକ ଆଖ୍ୟାୟିକାର ନବୀକରଣରେ ମେହେର କବି ତପସ୍ୟାରତ ଥିବା ବେଳେ ‘ଉତ୍କଳ ଲକ୍ଷ୍ମୀ’ କାବ୍ୟ ରଚନା ନିଶ୍ଚିତ ଭାବେ ତାତ୍ପ୍ଯଯ୍ୟପୂର୍ଣ୍ଣ। ଏହାର ପ୍ରଥମ ସଂସ୍କରଣ ବେଳକୁ ସମ୍ବଲପୁର ଓଡ଼ିଶାରୁ ବିଚ୍ଛିନ୍ନ ହୋଇଥିଲା। ଦ୍ୱିତୀୟ ସଂସ୍କରଣ ପ୍ରଥମ ସଂସ୍କରଣର ପରିବର୍ଦ୍ଧିତ ଓ ପରିମାର୍ଜିତ ରୂପ। ଅପୂର୍ବ ଜାତୀୟ ପ୍ରୀତିରେ ଏଥିରେ ଉଦ୍‌ବୁଦ୍ଧ ହୋଇ ରାଧାନାଥ ଯେପରି କଟକ, ପୁରୀ, ବାଲେଶ୍ୱର, ମୟୂରଭଞ୍ଜ ପ୍ରଭୃତି ଉତ୍କଳର ପ୍ରାକୃତିକ ଦୃଶ୍ୟକୁ ନିଜ ସୃଷ୍ଟିରେ ମନୋଜ୍ଞ କରି ଯାଇଛନ୍ତି, କବି ଗଙ୍ଗାଧର ଅନୁରୂପ ଭାବେ ‘ଉତ୍କଳ ଲକ୍ଷ୍ମୀ’ରେ ପ୍ରାକୃତିକ ଉତ୍କଳର ସୁଷମ ରାଶି ବର୍ଣ୍ଣନା କରିବା ସଙ୍ଗେ ସଙ୍ଗେ ବିଦେଶ ଶାସକଙ୍କୁ କହିଗଲେ ଯେ, ତତ୍କାଳୀନ ଓଡ଼ିଶା ଡିଭିଜନ ପ୍ରାକୃତିକ ଉତ୍କଳର ଏକ ଅଂଶ ମାତ୍ର। କିନ୍ତୁ ‘ଉତ୍କଳ ଲକ୍ଷ୍ମୀ’ରେ ହିଁ ସେ ଉତ୍କଳର ଯଥାର୍ଥ ଚିତ୍ର ଆଙ୍କିଛନ୍ତି। କେବଳ ସମ୍ବଲପୁର ନୁହେଁ ସିଂହଭୂମ, ଗଞ୍ଜାମ ଏବଂ ଗଡ଼ଜାତ ଅଞ୍ଚଳ ଯେ ଉତ୍କଳର ଛିନ୍ନାଙ୍ଗ, ‘ଉତ୍କଳ ଲକ୍ଷ୍ମୀ’ କାବ୍ୟ ମାଧ୍ୟମରେ ଗଙ୍ଗାଧର ବିଦେଶୀ ଶାସକଙ୍କୁ ଚେତେଇ ଦେଇଛନ୍ତି। ତାଙ୍କ ରଚିତ ‘ଭାରତୀ ରୋଦନ’ ଓ ‘ଉତ୍କଳ ଭାରତୀ ନିବେଦନ’ ମାତୃଭାଷା ଓ ମାତୃଭୂମି ପ୍ରତି ତାଙ୍କ ସମର୍ପିତ ପ୍ରତିବଦ୍ଧତାର ପ୍ରମାଣ। 
କୁଳବୃଦ୍ଧ ମଧୁସୂଦନଙ୍କ ଭାଷାରେ ଉତ୍କଳ ସମ୍ମିଳନୀ ହେଉଛି ଜନନୀ ଜନ୍ମଭୂମିର ପୂଜାମଣ୍ଡପ। ଏହି ପୂଜାମଣ୍ଡପ ସହିତ ଗଙ୍ଗାଧରଙ୍କ ସମ୍ପର୍କ ମଧ୍ୟ ଅତି ନିବିଡ ଥିଲା। ତାଙ୍କ ଭାଷାରେ କହିବାକୁ ଗଲେ ‘ମାତୃଭୂମି ମାତୃଭାଷାରେ ମମତା ଯା’ ହୃଦେ ଜନମି ନାହିଁ, ତାକୁ ଯଦି ଜ୍ଞାନୀ ଗଣରେ ଗଣିବା ଅଜ୍ଞାନ ରହିବେ କାହିଁ।’ଆଜି ମେହେର କବିଙ୍କ ପୁଣ୍ୟ ଜନ୍ମତିଥି ଅବସରରେ ଏହି କବିଙ୍କୁ ଆମର ଅନ୍ତରର ଭକ୍ତି ଏବଂ ଶ୍ରଦ୍ଧା ନିବେଦନ କରୁଛୁ।
ଡ. ସିଦ୍ଧାର୍ଥ କାନୁନ୍‌ଗୋ
ଚୈତନ୍ୟ ଧାମ, ଶବର ସାହି, ପ୍ଲଟ ନଂ-୨୦୮୪, 
ଭୁବନେଶ୍ୱର, ମୋ: ୯୪୩୮୦୭୨୮୫୦

All Right Reserved By

Model This Week

ନିକିତା

ସମ୍ପାଦକୀୟ |

ଆଜିର ଅର୍ଥନୀତି/ଏଟିଏମ୍‌ ସଂକଟ

ଆଜିର ଅର୍ଥନୀତି/ଏଟିଏମ୍‌ ସଂକଟ

ଅଟୋମେଟଡ୍‌ ଟେଲର ମେଶିନ୍‌ (ଏଟିଏମ୍‌)ଗୁଡ଼ିକରେ ପୁଣି ଟଙ୍କାର ଅଭାବ ଦେଖାଦେଇଛି। ଟଙ୍କା ଉଠାଇବା ପାଇଁ ଏ ବୈଶାଖ ମାସର ମୁଣ୍ଡଫଟା ଖରାରେ ଲୋକମାନେ ଗୋଟିଏ ଏଟିଏମ୍‌ରୁ ଆଉ ଗୋଟିଏ ଏଟିଏମ୍‌କୁ ଦୌଡ଼ୁଥିବାର ଦେଖାଯାଉଛି। ଏହି ନଗଦ ଟଙ୍କାର ସଂକଟ ବୁଧବାର ପବିତ୍ର ଅକ୍ଷୟ ତୃତୀୟା ଅବସରରେ ସୁନା କିଣିବା ପାଇଁ ଚାହୁଁଥିବା ଲୋକଙ୍କ ଉତ୍ସାହରେ ପାଣି ପକେଇଦେଇଛି। ଛଅଟି ରାଜ୍ୟରେ ଏଭଳି ଅବସ୍ଥା ସୃଷ୍ଟି ହୋଇଥିବାର ରିପୋର୍ଟ ମିଳିଥିବା ବେଳେ ଏହି ସମସ୍ୟା ଅସ୍ଥାୟୀ ଓ ତିନିଦିନ ଭିତରେ ଦୂର ହୋଇଯିବ ବୋଲି ଲୋକଙ୍କୁ ବୁଝାଇବାକୁ ଯାଇ ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ନାକେଦମ୍‌ ହୋଇଯାଇଛନ୍ତି। ସେ ମଧ୍ୟ ଆଶ୍ୱାସନା ଦେଇ କହିଛନ୍ତି ଯେ, ନୋଟ୍‌ର ଅଭାବ ନାହିଁ ଏବଂ ବିମୁଦ୍ରୀକରଣ ପୂର୍ବରୁ ଯେତିକି ସଂଖ୍ୟକ ନୋଟ୍‌ ପ୍ରଚଳିତ ଥିଲା, ଏବେ ସେତିକି ପ୍ରଚଳିତ ଅଛି। ଯଦିଚ ଛଅଟି ରାଜ୍ୟରେ ଏଭଳି ସଂକଟ ଦେଖାଦେଇଥିବାର ରିପୋର୍ଟ ପ୍ରକାଶ ପାଇଛି, ସେ ସଂଖ୍ୟା ପ୍ରକୃତରେ ଆହୁରି ଅଧିକ ହୋଇପାରେ। ଓଡ଼ିଶାର ଅନେକ ଏଟିଏମ୍‌ରେ ଟଙ୍କା ନ ଥିବାର ଦେଖାଯାଉଛି ଏବଂ ଆଗରୁ ବି ଏପରି ସଂକଟ ଦେଖାଦେଇଥିବାର ରିପୋର୍ଟ ପ୍ରକାଶ ପାଇଛି। ...

ଘର ନୁହେଁ, ଭଲ ଜେଲ୍‌

ଘର ନୁହେଁ, ଭଲ ଜେଲ୍‌

ଡ. ନିଖିଳାନନ୍ଦ ପାଣିଗ୍ରାହୀ ଦେଖାଯାଏ ଯେ, ଜାପାନର ଜେଲରେ ବହୁସଂଖ୍ୟକ ବୁଢୀ ବନ୍ଦୀ ଭାବେ ଅଛନ୍ତି। ସେମାନଙ୍କ ସଂଖ୍ୟା ଜଣକୁ ନିଶ୍ଚୟ ବିସ୍ମିତ କରିବ, ଦୁଃଖିତ କରିବ ମଧ୍ୟ। କେତେକ ବିଜ୍ଞ ବ୍ୟକ୍ତି ଏହା ଏକ ସମସ୍ୟା ବୋଲି ସନ୍ଦେହ କରି ଏହାର କାରଣ ଜାଣିବାକୁ କୌତୂହଳୀ ହେଲେ। ଅନୁଧ୍ୟାନରୁ ସ୍ପଷ୍ଟ ହେଲା ଯେ, ସେମାନଙ୍କ ମଧ୍ୟରୁ ପ୍ରାୟତଃ ସମସ୍ତେ ଛୋଟ ଛୋଟ ଅପରାଧରେ ଜଡ଼ିତ। ପୁଣି ଜଣେ ଜଣେ ବନ୍ଦିନୀ ବହୁବାର ଏମିତି ଦୋଷ କରିଥିବାରୁ ଜେଲକୁ ଆସୁଛନ୍ତି। ଅଧିକାଂଶ ବୃଦ୍ଧା ଦୋକାନରୁ ଛୋଟ ଜିନିଷ ଚୋରି କରିବା ପରି ସାମାନ୍ୟ ଭୁଲ କାର୍ଯ୍ୟ କରିଥାନ୍ତି। ସେମାନଙ୍କ ମନକଥା ଜାଣିବାକୁ ଚେଷ୍ଟା କରାଯିବା ପରେ ଯାହା ପଦାକୁ ଆସିଲା ତାହା ଥିଲା ମର୍ମସ୍ପର୍ଶୀ। ସେମାନେ ଖୋଲାଖୋଲି ଭାବେ ସ୍ବୀକାର କଲେ ଯେ ସେମାନଙ୍କ ଘର ଦ୍ୱାର ଅଛି। ...

ଦିଶାହୀନ ଶିକ୍ଷା, ଦିଗହରା ଶିକ୍ଷକ

ଦିଶାହୀନ ଶିକ୍ଷା, ଦିଗହରା ଶିକ୍ଷକ

ଅଞ୍ଜନ ଚାନ୍ଦ ବିଦ୍ୟାଳୟ ଏକ କାର୍ଯ୍ୟାଳୟ ନୁହେଁ, ଏକ ମନ୍ଦିର। ଶିକ୍ଷାଦାନ କେବଳ ବୃତ୍ତି ନୁହେଁ, ଗୋଟିଏ ପୂଜା। ଶିକ୍ଷକ ବେତନଭୋଗୀ କର୍ମଚାରୀ ନୁହନ୍ତି, ଏକ ଆଦର୍ଶ। ଛାତ୍ରମାନେ ତାଙ୍କୁ ଅନୁସରଣ କରନ୍ତି। ତାଙ୍କ ପ୍ରଭାବରେ ପ୍ରଭାବିତ ହୁଅନ୍ତି। ଦେଶର ଭବିଷ୍ୟତ ନାଗରିକଙ୍କ ମୂଳଦୁଆ ଶିକ୍ଷକଙ୍କ ଦ୍ୱାରା ହିଁ ଗଠିତ ହୁଏ। ସୁତରାଂ ଶିକ୍ଷକମାନଙ୍କୁ ନିଜର କର୍ତ୍ତବ୍ୟ ଅତ୍ୟନ୍ତ ନିଷ୍ଠାର ସହିତ ପାଳନ କରିବାକୁ ହୁଏ। ସେଥିରେ ବ୍ୟତିକ୍ରମ ହେଲେ ଛାତ୍ରମାନେ କ୍ରମଶଃ ନଷ୍ଟପଥକୁ ଚାଲିଯାଆନ୍ତି। ଶିକ୍ଷାର ଗୁଣାତ୍ମକ ମାନ ହ୍ରାସ ପାଏ। ଛାତ୍ରମାନେ ଅଣାୟତ୍ତ ଓ ଦୁଷ୍ଟ ହୋଇଯାଆନ୍ତି। ସାମ୍ପ୍ରତିକ ସମୟରେ ଯାହା ଅଧିକରୁ ଅଧିକ ଦେଖାଯାଉଛି ଓ ବିଦ୍ୟାଳୟର ପବିତ୍ର ପରିବେଶ କ୍ରମଶଃ ନଷ୍ଟ ହେଉଛି। ...

ଏଇ ଭାରତରେ

ଏଇ ଭାରତରେ

ସାରା ଦେଶରେ ପୋଲିସ ଚରିତ୍ରକୁ ନେଇ ଏକ ଅପବାଦ ରହିଛି। କୁହାଯାଏ ଏମାନଙ୍କ ମଧ୍ୟରୁ ଅଧିକାଂଶ ଲାଞ୍ଚୁଆ। ଏହିଭଳି ଲାଞ୍ଚୁଆ ପୋଲିସ ଅଧିକାରୀ ଓ କର୍ମଚାରୀଙ୍କ ସକାଶେ ସାରା ବିଭାଗ ବଦ୍‌ନାମ। ସେମାନେ କେବଳ ଲାଞ୍ଚୁଆ ନୁହନ୍ତି, ଖାଦ୍ୟଲୋଭୀ ମଧ୍ୟ। ନିକଟରେ ଉତ୍ତରପ୍ରଦେଶର ଜଣେ ଦାରୋଗା ଏବଂ କନଷ୍ଟେବଳଙ୍କ ବିରୋଧରେ ଏ ପ୍ରକାର ଅଭିଯୋଗ ଆସିଛି। ଏତଲା କପି ଦେବା ସକାଶେ ସେମାନେ ଅଭିଯୋଗକାରୀଙ୍କୁ ଖାଦ୍ୟର ଲମ୍ବା ତାଲିକା ଧରାଇବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଘଟଣାଟି ଘଟିଛି ହସନଗଞ୍ଜ ଥାନାରେ। ଜଣେ ଯୁବକ ନିଜକୁ ଆଇପିଏସ୍‌ ଅଧିକାରୀଙ୍କ ପୁଅ ବୋଲି ପରିଚୟ ଦେଇ ସ୍ଥାନୀୟ ଏକ ରେଷ୍ଟୁରାଣ୍ଟର ମାଲିକ ରୋହିତ ବେରୀଙ୍କୁ ଠକିଥିଲେ। ଚଞ୍ଚକତା କରି ପ୍ରାୟ ୨୦ ହଜାର ଟଙ୍କାର ଖାଦ୍ୟ ବିଲ୍‌ ଦେଇ ନ ଥିଲେ। ଏ ସମ୍ପର୍କରେ ରୋହିତ ଏତଲା ପାଇଁ ପହଞ୍ଚିଲେ ହସନଗଞ୍ଜ ଥାନାରେ। ଥାନାବାବୁ କିନ୍ତୁ ଏତଲା ରଖିଲେ ନାହିଁ।...

ଲୋକଙ୍କ ଆଇନ ତିଆରି କ୍ଷମତା

ଲୋକଙ୍କ ଆଇନ ତିଆରି କ୍ଷମତା

ପରିବେଶ ପରିଚିନ୍ତା/ ମାନେକା ଗାନ୍ଧୀ କାଲିଫର୍ନିଆରେ ଅଛି ଏକ କୌତୂହଳପ୍ରଦ ରାଜନୈତିକ ବ୍ୟବସ୍ଥା। ଏହା ବ୍ୟକ୍ତିବିଶେଷ ତଥା ସଂଗଠନଗୁଡ଼ିକୁ ରାଜନେତାମାନଙ୍କୁ ବାଇପାସ୍‌ କରି ସାଧାରଣ ଲୋକଙ୍କ ଭୋଟ୍‌ ମାଧ୍ୟମରେ ସିଧାସଳଖ ଆଇନ ତିଆରି କରିବାକୁ ଅନୁମତି ଦେଇଛି। ତେବେ ଏଥିପାଇଁ ସେମାନଙ୍କୁ ସଂଖ୍ୟାଧିକ ଲୋକଙ୍କ ସ୍ବାକ୍ଷରସମ୍ବଳିତ ସମର୍ଥନ ହାସଲ କରିବାକୁ ପଡ଼ିଥାଏ। ମୋତେ ଏ ବ୍ୟବସ୍ଥା ଖୁବ୍‌ ଭଲ ଲାଗୁଛି। କାରଣ ଭାରତରେ ଆମକୁ ରାଜନେତାମାନଙ୍କ ଦୟା ଉପରେ ନିର୍ଭର କରିବାକୁ ପଡ଼ିଥାଏ, ଯେଉଁମାନେ ସାଧାରଣ ଲୋକଙ୍କ ସ୍ବାର୍ଥ ଲାଗି କ୍ୱଚିତ୍‌ କିଛି କରିଥାନ୍ତି। ସେମାନେ ମଧ୍ୟ ଜନସାଧାରଣଙ୍କୁ ପ୍ରତିକୂଳଭାବେ ପ୍ରଭାବିତ କରୁଥିବା ପ୍ରସଙ୍ଗଗୁଡ଼ିକ ଉପରେ ପ୍ରାୟତଃ ଚିନ୍ତା କରି ନ ଥାନ୍ତି କି ସେଗୁଡ଼ିକର ସଂଶୋଧନ କରି ନ ଥାନ୍ତି। ତା’ ବଦଳରେ ସେମାନେ ବଡ଼ ବଡ଼ ଯୋଜନା ପ୍ରଣୟନ କରିଥାନ୍ତି, ଯାହାକୁ ଠିକ୍‌ଭାବେ କାର୍ଯ୍ୟକାରୀ କରାଯାଏ ନାହିଁ। ଉଦାହରଣସ୍ବରୂପ- ନଦୀ ସଂଯୋଗୀକରଣ, ମନ୍‌ରେଗା, ଶିଶୁମାନଙ୍କୁ ଖାଦ୍ୟ ଯୋଗାଣ, ବିନା ଯାଞ୍ଚରେ ଆଦିବାସୀମାନଙ୍କୁ ଜଙ୍ଗଲ ଜମି ଯୋଗାଣ ଇତ୍ୟାଦି। ଖାଦ୍ୟ ଯୋଗାଣ ସତ୍ତ୍ୱେ ବହୁ ଶିଶୁ ଅପପୁଷ୍ଟିର ...

 ଜୀବନର ଅପଚୟ

ଜୀବନର ଅପଚୟ

ଡ. ସୁବାସ ଚନ୍ଦ୍ର ପାତ୍ର ଅପଚୟ ପ୍ରସଙ୍ଗ ପଡ଼ିଲେ ମନକୁ ଆସେ ଅର୍ଥ ଓ ସମୟର କଥା, ସତେ ଯେପରି ଏ ଦୁଇଟି କ୍ଷେତ୍ର ଛଡ଼ା ଆଉ କେଉଁଠି ଅପଚୟ ସେପରି କ୍ଷତିକାରକ ନୁହେଁ! ତେବେ ଅପଚୟ ଏକ ଆପେକ୍ଷିକ ମାନସିକତା। ଜଣଙ୍କ ପାଇଁ ଯାହା ସଞ୍ଚୟ, ଅନ୍ୟ ପାଇଁ ତାହା ଅପଚୟ; ଜଣଙ୍କ ପାଇଁ ଯାହା ମୂଲ୍ୟବାନ, ସଂରକ୍ଷଣ ଯୋଗ୍ୟ ଅନ୍ୟଜଣଙ୍କ ପାଇଁ ତାହା ଅଲୋଡ଼ା; ଜଣଙ୍କ ପାଇଁ ଯାହା ଅଧ୍ୟବସାୟର କଥା, ଏକ ମହତ୍‌ କାମ ଅନ୍ୟ ଜଣଙ୍କ ପାଇଁ ତାହା ‘ଅକାମ’, ଦୃଷ୍ଟିଯୋଗ୍ୟ ବି ନୁହେଁ। ବନ୍ଧୁତ୍ୱ ପାଇଁ କେତେ କଥା କୁହାଯାଏ, କେତେ କବିତା ଓ କଥା ସାହିତ୍ୟ ଲେଖାଯାଇଛି। ଇଂଲିଶ ଔପନ୍ୟାସିକ ଇ.ଏମ୍‌. ଫଷ୍ଟର ...

ନିଜକୁ ସୁଧାର

ନିଜକୁ ସୁଧାର

ସୌମ୍ୟା ପରିଡ଼ା ଅଧିକାଂଶ ଛୋଟବଡ଼ ସରକାରୀ ଓ ବେସରକାରୀ କାମ ପାଇଁ ପାସ୍‌ପୋର୍ଟ ଫଟୋ ଦରକାର ହୁଏ। ଆମ ଭିତରୁ ବହୁ ଲୋକ ଦରକାର ବେଳେ ହିଁ ଫଟୋ ଷ୍ଟୁଡିଓକୁ ଦଉଡ଼ନ୍ତି। ଆଉ ଷ୍ଟୁଡ଼ିଓବାଲା ବି ଆମଠୁ ଅଲଗା ଅଲଗା ଟଙ୍କା ନିଅନ୍ତି। ସାଙ୍ଗେସାଙ୍ଗେ ନେଲେ ଏତେ, ୪ ଘଣ୍ଟା ପରେ ନେଲେ ଏତେ, ଗୋଟାଏ ଦିନ ପରେ ନେଲେ ଏତେ। ଆଜିକାଲି ତ ଡିଜିଟାଲ୍‌ ପ୍ରିଣ୍ଟ୍‌, ସାଙ୍ଗେସାଙ୍ଗେ କାମ ହେବା କଥା। ହେଲେ ଆମ ଅସୁବିଧାର ସୁଯୋଗ ନିଅନ୍ତି ଫଟୋ ଷ୍ଟୁଡିଓବାଲା। ପୁଣି ଯଦି ଫଟୋର ସଫ୍‌ଟ କପି ମାଗିଲ, ତେବେ ତା’ ପାଇଁ ପୁଣି ଅଧିକ ଟଙ୍କା। କେବଳ ଫଟୋ ଷ୍ଟୁଡ଼ିଓବାଲା ନୁହେଁ ବରଂ ନିତିଦିନିଆ ଜୀବନରେ ଆପଣ ଏମିତି ଅନେକ କଥାର ସମ୍ମୁଖୀନ ହୁଅନ୍ତି। ଯେମିତି ପାଣି ବଟଲ୍‌ଟା ୧୨ରୁ ୨୦ ଟଙ୍କା ଭିତରେ ମିଳେ। ହେଲେ ସେହି ସମାନ ପାଣି ବଟଲ୍‌ଟା ବଡ଼ ହୋଟେଲରେ ଆଉ ଫିଲ୍ମ ହଲ୍‌ରେ ୭୦-୮୦ ଟଙ୍କା ଭିତରେ ମିଳେ। ୩୦ ଟଙ୍କିଆ ଜୁସ୍‌ଟା ଶହେ-ଦେଢ଼ଶହ ଟଙ୍କାରେ ମିଳେ, ଯେତେବେଳେ ଆପଣ ବିମାନଯାତ୍ରା କରନ୍ତି। ହେଲେ ଏସବୁର ଆମେ କେବେ ବିରୋଧ କରୁନା। ଏସବୁ ଆମ ନଜରରେ ଦୁର୍ନୀତି ନୁହେଁ। ଠିକ୍‌୍‌ ସେମିତି ସରକାରୀ, ବେସରକାରୀ କାମ ପାଇଁ ଅନେକ ଲୋକ ହାତଗୁଞ୍ଜା ଦିଅନ୍ତି। ଆଉ କିଛି ଲୋକ ସଚ୍ଚୋଟ ...

ଏଇ ଭାରତରେ

ଏଇ ଭାରତରେ

ମଣିଷ କିମ୍ବା ପଶୁଙ୍କୁ ରୋଗ ହେଲେ ତାହାର ଉପଶମ ପାଇଁ ସାଲାଇନ୍‌ ଏବଂ ଔଷଧ ଦିଆଯାଇଥାଏ। କିନ୍ତୁ ଗଛର ଡାଳ ସଂକ୍ରମିତ ହେଲେ ସେଥିରେ ସାଲାଇନ୍‌ ଲଗାଯିବା କଥା ଶୁଣିଲେ ଆଶ୍ଚର୍ଯ୍ୟ ଲାଗୁଥିବ, ଯାହା ତେଲେଙ୍ଗାନାର ମେହବୁବ୍‌ ନଗରଠାରେ ଦେଖିବାକୁ ମିଳିଛି। ମଣିଷ ଭଳି ଗଛର ସେବା କରାଯିବା ପରିବେଶ ପାଇଁ ନୂଆ ବାର୍ତ୍ତା ଦେଇଛି। ଏଠାକାର ଏକ ବରଗଛ ‘ପିଲାଲା ମାରି’ ନାମରେ ଜଣାଶୁଣା। ଏହା ୭୦୦ ବର୍ଷର ପୁରୁଣା ହୋଇଥିବା ବେଳେ ୩ ଏକର ଜମି ଉପରେ କାୟା ବିସ୍ତାର କରିଛି। ଏହାର ଗୋଟିଏ ଡାଳ ରୋଗପୋକ ଦ୍ୱାରା ସଂକ୍ରମିତ ହୋଇଥିଲା। ...

ସମ୍ପାଦକୀୟ/ ନିମ୍ନମୁଖୀ ମାନସିକତା

ସମ୍ପାଦକୀୟ/ ନିମ୍ନମୁଖୀ ମାନସିକତା

ଆଧାର କାର୍ଡ ପାଇଁ ବାୟୋମେଟ୍ରିକ ସଂଗ୍ରହ କରି ବ୍ୟକ୍ତିର ଅନ୍ତରଙ୍ଗ ଗୋପନୀୟତା (ପ୍ରିଭେସି) ସମ୍ପର୍କରେ କେନ୍ଦ୍ର ସରକାର ତଥ୍ୟ ହାସଲ କରୁଛନ୍ତି। ଏହିସବୁ ତଥ୍ୟ ଗୋପନ ରହିବ ବୋଲି ସରକାର ଏବଂ ଭାରତୀୟ ଏକକ ପରିଚୟପତ୍ର କର୍ତ୍ତୃପକ୍ଷ (ୟୁଆଇଡିଏଆଇ) ବାରମ୍ବାର କହୁଥିଲେ ମଧ୍ୟ ବିଭିନ୍ନ ମାର୍ଗରେ ଏହା ପ୍ରଘଟ ହୋଇ ଯାଉଥିବା ଦେଖିବାକୁ ମିଳୁଛି। ସାଧାରଣ ଭାରତୀୟ ନାଗରିକ ଅନ୍ତରଙ୍ଗ ତଥ୍ୟର ଆର୍ଥିକ ଗୁରୁତ୍ୱକୁ ବୁଝିପାରୁ ନ ଥିବାରୁ, ଏପର୍ଯ୍ୟନ୍ତ ସେହି ସମ୍ପର୍କରେ ଗୁରୁତ୍ୱପୂର୍ଣ୍ଣ ଆଲୋଚନା ଆରମ୍ଭ ହୋଇନାହିଁ। ଏଭଳି ପରିସ୍ଥିତିରେ ସରକାର ବ୍ୟକ୍ତିର ପସନ୍ଦ ଅପସନ୍ଦ ଜାଣିବା ସକାଶେ ଆଉ ଏକ ଚାଲାକି କରିବାକୁ ଯାଉଛନ୍ତି। ଘରର ଚାରିକାନ୍ଥ ଭିତରେ ବସି ବ୍ୟକ୍ତି ଟେଲିଭିଜନରେ କେଉଁ ଚାନେଲ ଉପଭୋଗ କରୁଛି ତା’ର ତଥ୍ୟ ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ସଂଗ୍ରହ କରିବ। ଏଥିପାଇଁ ଟେଲିଭିଜନ ସେଟ୍‌ଅପ୍‌ ବକ୍ସରେ ଚିପ୍‌ (ଏକ କ୍ଷୁଦ୍ର ଯନ୍ତ୍ର) ଖଞ୍ଜିବାକୁ ମନ୍ତ୍ରଣାଳୟ ପ୍ରସ୍ତୁତ ହେଉଛି।...

ଦଳିତ ରାଜନୀତି

ଦଳିତ ରାଜନୀତି

ଅରୁଣ କୁମାର ପଣ୍ଡା ଦଳିତ ଅତ୍ୟାଚାର ସମ୍ପର୍କିତ ଆଇନର ଦୁରୁପଯୋଗ ବିରୋଧରେ ଆଗତ ଏକ ପିଟିଶନର ବିଚାର କରି ସୁପ୍ରିମ୍‌କୋର୍ଟ କହିଛନ୍ତି ଯେ, ଜଣେ ଡିଏସ୍‌ପିସ୍ତରୀୟ ପୋଲିସ ତଦନ୍ତ କରି ଆଗତ ଅଭିଯୋଗର ସତ୍ୟାସତ୍ୟ ସମ୍ପର୍କରେ ତିନିଦିନ ଭିତରେ ରିପୋର୍ଟ ଦେବା ପରେ ହିଁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ। ଏଫ୍‌ଆଇଆର୍‌ ପଞ୍ଜୀକରଣରେ ଏବଂ ଗିରଫଦାରିରେ ବିଳମ୍ବ ହେଲେ ଏସ୍‌ସି/ଏସ୍‌ଟିଙ୍କ ସୁରକ୍ଷା ପାଇଁ ଅଭିପ୍ରେତ ଏହି ଆଇନର ଠିକ୍‌ କାର୍ଯ୍ୟକାରିତା ହେବନାହିଁ ବୋଲି କେନ୍ଦ୍ର ସରକାର ପୁନର୍ବିଚାର ଯାଚିକାରେ ଉଲ୍ଲେଖ କରଛନ୍ତି। ଏହି କାନୁନକୁ କୋହଳ କରାଗଲେ ଅନୁସୂଚିତ ଜାତି ଓ ଜନଜାତିଙ୍କ ଉପରେ ଅତ୍ୟାଚାର ବଢିବ ଏବଂ ଆଇନ ପ୍ରତି ଅପରାଧୀଙ୍କ ଭୟ ରହିବ ନାହିଁ ବୋଲି ଏଥିରେ ଯୁକ୍ତି କରାଯାଇଛି। କେନ୍ଦ୍ର ସରକାରଙ୍କ ଆଇନମନ୍ତ୍ରୀ ରବିଶଙ୍କର ପ୍ରସାଦ ଏବଂ ସାମାଜିକ ନ୍ୟାୟ ମନ୍ତ୍ରୀ ଥାଓ୍ବାର ଚାନ୍ଦ ଗେହଲଟଙ୍କ ସହ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ବିସ୍ତୃତ ଆଲୋଚନା ପରେ ସର୍ବୋଚ୍ଚ ନ୍ୟାୟାଳୟରେ ପୁନର୍ବିଚାର ଯାଚିକା ଦାଖଲ କରାଯାଇଥିବା କୁହାଯାଉଛି। ସୁପ୍ରିମ୍‌କୋର୍ଟ ମଧ୍ୟ ଏହି ଯାଚିକାକୁ ବିଚାର ପାଇଁ ଗ୍ରହଣ କରିଛନ୍ତି।...

ବିଶ୍ୱ ଐତିହ୍ୟ ସ୍ଥଳ

ବିଶ୍ୱ ଐତିହ୍ୟ ସ୍ଥଳ

ଇଂ. ମାୟାଧର ସ୍ବାଇଁ ବିଶ୍ୱର ପ୍ରାୟ ପ୍ରତ୍ୟେକ ଦେଶରେ ଅନେକ ପ୍ରାଚୀନ କୀର୍ତ୍ତି ଓ ସୌନ୍ଦର୍ଯ୍ୟଭରା ସ୍ଥଳ ଅଛି। ମିଳିତ ଜାତିସଂଘର ଶିକ୍ଷା, ବିଜ୍ଞାନ ଓ ସାଂସ୍କୃତିକ ସଂସ୍ଥା ୟୁନେସ୍କୋ ଏଗୁଡିକ ମଧ୍ୟରୁ ବାଛି ବାଛି ସାଂସ୍କୃତିକ ଓ ଗୁରୁତ୍ୱପୂର୍ଣ୍ଣ ଦୃଷ୍ଟିରୁ କେତୋଟିକୁ ବିଶ୍ୱ ଐତିହ୍ୟ ସ୍ଥଳର ମାନ୍ୟତା ଦେଇଛି ଏବଂ ଏଗୁଡିକର ସଂରକ୍ଷଣ ପାଇଁ ବିଭିନ୍ନ ପଦକ୍ଷେପ ନେଇଛି। ଏଗୁଡିକ ମଧ୍ୟରେ ଜଙ୍ଗଲ, ପର୍ବତ, ହ୍ରଦ, ଦ୍ୱୀପ, ମରୁଭୂମି, ପ୍ରାଚୀନ କୀର୍ତ୍ତି, କୋଠା ଏବଂ ସହର ଆଦି ଅଛି। ୟୁନେସ୍କୋର ସାଧାରଣ ପରିଷଦ ଦ୍ୱାରା ନିର୍ବାଚିତ ୨୧ ସଦସ୍ୟ ରାଷ୍ଟ୍ରକୁ ନେଇ ବିଶ୍ୱ ଐତିହ୍ୟ କମିଟି ଗଠନ କରାଯାଇଛି ଏବଂ ଏହି କମିଟି ପ୍ରତିବର୍ଷ ନୂଆ ନୂଆ ଐତିହ୍ୟ ସ୍ଥଳକୁ ତାଲିକାରେ ଯୋଗ କରୁଛି। ସାଧାରଣତଃ ପ୍ରାଚୀନ କୀର୍ତ୍ତିଗୁଡିକ ପୁରାତନ କାରିଗରି ବିଦ୍ୟା ଅନୁଯାୟୀ ନିର୍ମିତ ହୋଇଛି। ସମୟର ସ୍ରୋତ ସହିତ ଏଗୁଡିକ ମଧ୍ୟରୁ ଅନେକ ଭାଙ୍ଗିରୁଜି ଗଲାଣି। ଅନେକ ଦେଶ ପାଖରେ ଏହାର ରକ୍ଷଣାବେକ୍ଷଣ ଓ ସଂରକ୍ଷଣ ପାଇଁ କାରିଗରି ଜ୍ଞାନ କିମ୍ବା ଅର୍ଥ ନାହିଁ। ପୁନଶ୍ଚ ଅନେକ ଦେଶରେ ଏଥିପ୍ରତି ମନୋବୃତ୍ତିର ଅଭାବ ଅଛି। ଏଣୁ ଅବକ୍ଷୟିଷ୍ଣୁ ଏହି କୀର୍ତ୍ତିରାଜିର ରକ୍ଷଣାବେକ୍ଷଣ ନିହାତି ଆବଶ୍ୟକ। ଏଥିପାଇଁ ୟୁନେସ୍କୋ ଆଗେଇ ଆସିଛି। ଏହା କାରିଗରି ବିଦ୍ୟା ସାଙ୍ଗକୁ ଆବଶ୍ୟକ କ୍ଷେତ୍ରରେ ଅର୍ଥ ବ୍ୟବସ୍ଥା ମଧ୍ୟ କରୁଛି। କେବଳ କୀର୍ତ୍ତିରାଜି ନୁହେଁ, ସଭ୍ୟତାର ବିକାଶ ସହ ଅନେକ ପ୍ରାକୃତିକ ଐତିହ୍ୟ ସ୍ଥଳ ତାହାର ବିଶେଷତା ହରାଇଲାଣି। କଳକାରଖାନା, ଜଳବିଦ୍ୟୁତ୍‌ କେନ୍ଦ୍ର, ରାସ୍ତା ଆଦି ନିର୍ମାଣ ଯୋଗୁ ଜଙ୍ଗଲ ପରିବେଷ୍ଟିତ ସୌନ୍ଦର୍ଯ୍ୟଭରା ଅନେକ ପ୍ରାକୃତିକ ଐତିହ୍ୟ ସ୍ଥଳ ଏହାର ପୂର୍ବ ଶୋଭା ହରାଇବାକୁ ବସିଲାଣି। ...

ଏଇ ଭାରତରେ

ଏଇ ଭାରତରେ

ବିବାହ ବେଦିକୁ ଆସିବା ପୂର୍ବରୁ କନ୍ୟା ଫେରାର ହେବାର ନଜିର ଅନେକ ରହିଛି। ସେହିପରି ବର ଫେରିଯିବା କାରଣରୁ ମଙ୍ଗୁଳା କନ୍ୟା ବାହା ହୋଇ ନ ପାରି ରହିଯିବା ଭଳି ଘଟଣା ଘଟୁଛି। କିନ୍ତୁ ବାହାହୋଇ ନୂଆକରି ଘରକୁ ଆସୁଥିବା ବୋହୂ ୫ ଦିନ ନ ପୂରୁଣୁ ଲୁଟେରା ସାଜିବା ଭଳି ଘଟଣା ଘଟିଛି ଗୁଜରାଟ ରାଜ୍ୟର ଶାମିଲ ଜିଲା କୋତଓ୍ବାଲୀ ଅଞ୍ଚଳରେ। ନୂଆବୋହୂ ଜଣକ ପ୍ରାୟ ଅଢେଇ ଲକ୍ଷ ଟଙ୍କାର ସୁନା ଗହଣା ଓ ନଗଦ ୫୦ ହଜାର ଟଙ୍କା ଧରି ବିବାହର ମଧ୍ୟସ୍ଥ ଥିବା ବ୍ୟକ୍ତିଙ୍କ ସହ ଫେରାର ହୋଇଯାଇଛନ୍ତି। ଏହି ଅଞ୍ଚଳର ଆର୍ଯ୍ୟପୁରୀ ମୋହଲାରେ ରହୁଥିବା ରାକେଶ କୁମାର ଚଳିତ ମାସ ୧୦ ତାରିଖରେ ହରଦ୍ୱାରର ଜଣେ ଯୁବତୀଙ୍କୁ ବିବାହ କରିଥିଲେ। ରାକେଶଙ୍କର ଜଣେ ପରିଚିତ ବ୍ୟକ୍ତି ବିଶାଲ ଏହି ବିବାହର ମଧ୍ୟସ୍ଥ ଥିଲେ। ହିନ୍ଦୁ ରୀତିନୀତିରେ ବିବାହ ଖୁବ୍‌ ଧୁମ୍‌ଧାମ୍‌ରେ ହୋଇଥିଲା।...