ଜୀବନଚର୍ଯ୍ୟା |

ମୃତ୍ୟୁ ହାର ହ୍ରାସ କରାଏ କୋଲେଷ୍ଟରଲ୍‌ ଔଷଧ

ମୃତ୍ୟୁ ହାର ହ୍ରାସ କରାଏ କୋଲେଷ୍ଟରଲ୍‌ ଔଷଧ
ଓ୍ବାଶିଂଟନ୍‌:ଯେଉଁ ଲୋକଙ୍କର ଉଚ୍ଚମାତ୍ରାର କୋଲେଷ୍ଟରଲ୍‌ ଥିବା ସହିତ ହୃଦ୍‌ରୋଗ ନାହିଁ ସେମାନେ କୋଲେଷ୍ଟରଲ ହ୍ରାସ ଔଷଧ ସେବନ କଲେ ସେମାନଙ୍କ ମୃତ୍ୟୁହାର ୨୮% ହ୍ରାସ ପାଇଥାଏ ବୋଲି ନୂଆ ଗବେଷଣାରେ କୁହାଯାଇଛି। ଇମ୍ପେରିଆଲ୍‌ କଲେଜ୍‌ ଲଣ୍ଡନର ଗବେଷକମାନେ ଦୀର୍ଘ ୨୦ବର୍ଷ ଧରି ଏହା ଉପରେ ପରୀକ୍ଷା ନିରୀକ୍ଷା କରି ଜାଣିବାକୁ ପାଇଛନ୍ତି ଯେ, ଦୈନିକ ୪୦ମିଲିଗ୍ରାମ୍‌ ପରିମିତ ପ୍ରୋଭାଷ୍ଟାଟିନ୍‌ ସେବନ କରିବାରୁ ଏକ ତୃତୀୟାଂଶ ଅଂଶଗ୍ରହଣକାରୀଙ୍କଠାରେ ହୃଦରୋଗ ଜନିତ ମୃତ୍ୟୁଆଶଙ୍କା ହ୍ରାସ ପାଇଥିଲା। ୫,୫୨୯ ପୁରୁଷ ରୋଗୀଙ୍କର ଉଚ୍ଚମାତ୍ରାର କୋଲେଷ୍ଟରଲ୍‌ ଥିଲେ ହେଁ ସେମାନଙ୍କର ହୃଦ୍‌ରୋଗ ନ ଥିଲା। ଇମ୍ପେରିଆଲ୍‌ ସ୍କୁଲ୍‌ ଅଫ୍‌ ପବ୍ଲିକ୍‌ ହେଲ୍‌ଥର ବରିଷ୍ଠ ଲେଖକ କୌଶିକ୍‌ ରାୟ କହନ୍ତି, ପ୍ରଥମ ଥର ପାଇଁ ଆମେ ଦେଖିବାକୁ ପାଇଲୁ ଯେ, ଏହି ସ୍ବତନ୍ତ୍ର ଗୋଷ୍ଠୀର ଲୋକ ଷ୍ଟାଟିନ୍‌ ସେବନ କରିବାରୁ ସେମାନଙ୍କ ମୃତ୍ୟୁ ଆଶଙ୍କା ହ୍ରାସ ପାଇଥିଲା। ସେମାନଙ୍କଠାରେ ଉଚ୍ଚ ସ୍ତରର ଏଲ୍‌ଡିଏଲ୍‌(ଲୋ ଡେନ୍‌ସିଟି ଲିପୋପ୍ରୋଟିନ୍‌) କୋଲେଷ୍ଟରଲ୍‌ ଥିଲେ ହେଁ ସେମାନେ ସୁସ୍ଥ ଦେଖାଯାଉଥିଲେ। ତେଣୁ ଏଭଳି ଲୋକଙ୍କୁ ଷ୍ଟାଟିନ୍‌ ସେବନ କରାଇ ଚିକିତ୍ସା କରାଇବାକୁ ବର୍ତ୍ତମାନ ମାର୍ଗଦର୍ଶିକାରେ ପରାମର୍ଶ ଦିଆଯାଇଛି। ଗବେଷକମାନେ ଦେଖିବାକୁ ପାଇଛନ୍ତି ଯେ, ଉଚ୍ଚ ମାତ୍ରାର ଏଲ୍‌ଡିଏଲ୍‌ କୋଲେଷ୍ଟରଲ୍‌ ଥିବା ପୁରୁଷଙ୍କୁ ପ୍ରୋଭାଷ୍ଟାଟିନ୍‌ ସେବନ କରିବାକୁ ଦେଲେ ସାମଗ୍ରିକ ମୃତ୍ୟୁହାର ୧୮% ହ୍ରାସ ପାଇଥାଏ। ଷ୍ଟାଟିନ୍‌ ମଧ୍ୟ କରୋନାରି ହୃଦ୍‌ରୋଗଜନିତ ମୃତ୍ୟୁଆଶଙ୍କା ୨୮% ହ୍ରାସ କରିପାରୁଥିବା ବେଳେ ଅନ୍ୟ ହୃଦ୍‌ରୋଗଜନିତ ମୃତ୍ୟୁଆଶଙ୍କା ୨୫% ହ୍ରାସ କରିଥାଏ।
All Right Reserved By

ଜୀବନଚର୍ଯ୍ୟା |

ଘରୋଇ ଉପାୟରେ ଇନ୍‌ଷ୍ଟାଣ୍ଟ ଗ୍ଲୋ

ଘରୋଇ ଉପାୟରେ ଇନ୍‌ଷ୍ଟାଣ୍ଟ ଗ୍ଲୋ

ଏମିତି କେଉଁ ମହିଳା ହେଉ କି ଝିଅ କିଏବା ଚାହେଁନି  ସୁନ୍ଦର ଦେଖାଯିବାକୁ। ଖାସ୍‌କରି କୌଣସି ସ୍ପେସିଆଲ୍‌  ଅକେଜନ୍‌ରେ   ଝିଅମାନେ ପାର୍ଲର ଯାଇ ଫେସିଆଲ କରିଥାନ୍ତି । କିନ୍ତୁ କେତୋଟି ଘରୋଇ ଉପାୟ ଅବଲମ୍ବନ କରି ଆପଣଙ୍କ ମୁହଁରେ ଇନ୍‌ଷ୍ଟାଣ୍ଟ ଗ୍ଲୋ ଆଣିପାରିବେ।

ପ୍ରଜନନ  କ୍ଷମତା ଓ ଯକ୍ଷ୍ମା

ପ୍ରଜନନ କ୍ଷମତା ଓ ଯକ୍ଷ୍ମା

ମହିଳାଙ୍କ କ୍ଷେତ୍ରରେ ଟିବି ୟୁଟ୍ରସ୍‌ରେ ସଂକ୍ରମଣ କାରଣରୁ ଏଣ୍ଡୋମେଟ୍ରିଅମର ପତଳା କରିଥାଏ ତେଣୁ ଏହା ଭ୍ରୂଣର ଠିକ୍‌ ବିକାଶରେ ବାଧାସୃଷ୍ଟି କରିଥାଏ ା ଯେବେ କି ପୁରୁଷଙ୍କ କ୍ଷେତ୍ରରେ ଏହା ଏପିଡାଇଡେମୋ-ଅର୍କିଟସ ସୃଷ୍ଟି କରି ପ୍ୟାସେଜକୁ ବ୍ଲକ କରିଥାଏ, ଯାହାଦ୍ୱାରା ପୁରୁଷ ଆଜୋସ୍ପର୍ମିକ ହୋଇଥାଏ। ଯେଉଁଠାରେ ସ୍ପର୍ମ ସିମେନ ମଧ୍ୟକୁ ପ୍ରବେଶ କରିପାରେ ନାହଁି ା ଏହାର ଲକ୍ଷଣଗୁଡିକ ସହଜରେ ଜଣାଯାଇ ନ ଥାଏ ଏବଂ ସମୟାନୁକ୍ରମେ ଏହା ମନୁଷ୍ୟର ପ୍ରଜନନ କ୍ଷମତାରେ ପ୍ରଭାବ ପକାଇଥାଏ ା 

ବିନା ସୁଜି, ବେସନରେ ଢୋକଲା

ବିନା ସୁଜି, ବେସନରେ ଢୋକଲା

ଆବଶ୍ୟକ ସାମଗ୍ରୀ:ଏକ କପ ହରଡ ଡାଲି (୫ଘଣ୍ଟା ପର୍ଯ୍ୟନ୍ତ ବତୁରାଇ ଦିଅନ୍ତୁ), ଏକ କପ ଚଣା ଡାଲି (୫ଘଣ୍ଟା ପର୍ଯ୍ୟନ୍ତ ବତୁରାଇ ଦିଅନ୍ତୁ), ଦୁଇକପ ଅରୁଆ ଚାଉଳ (୫ଘଣ୍ଟା ପର୍ଯ୍ୟନ୍ତ ବତୁରାଇ ଦିଅନ୍ତୁ), ଏକ କପ ଦହି ଏବଂ ସ୍ବାଦ ଅନୁସାରେ ଲୁଣ। 

କମ୍‌ ହାଇଟ୍‌ରେ ବି  ଲାଗିବେ ଷ୍ଟାଇଲିଶ୍‌

କମ୍‌ ହାଇଟ୍‌ରେ ବି ଲାଗିବେ ଷ୍ଟାଇଲିଶ୍‌

କୌଣସି ପାର୍ଟି ହେଉ କିମ୍ବା ଫଙ୍କଶନ୍‌ ଆକର୍ଷକ ଦେଖିବାକୁ ସମସ୍ତେ ଚାହାନ୍ତି, କିନ୍ତୁ ଝିଅମାନେ ଅଧିକ ମିକ୍ସ ଡ୍ରେସ ଚୟନ କରୁଛନ୍ତି  କିନ୍ତୁ ଯେଉଁମାନଙ୍କର ହାଇଟ୍‌ କମ୍‌ ସେମାନଙ୍କୁ ସାଧାରଣଃ ମିକ୍ସ ଡ୍ରେସ ଏତେଟା ମାନି ନ ଥାଏ। କାହିଁକି ନା ଏହି କାରଣରୁ ତାଙ୍କ ହାଇଟ୍‌ କମ୍‌ ଲାଗିଥାଏ । କେତୋଟି ଫ୍ୟାଶନ୍‌ ଟ୍ରିକ୍‌କୁ ଆପଣେଇ ପାରିଲେ ଆପଣଙ୍କ ଲୁକ୍‌ ଆହୁରି ଆକର୍ଷଣୀୟ ହେବ...

ଖାଦ୍ୟ ଶେଷରେ ଗୁଡ଼, କ’ଣ ମିଳେ ଫାଇଦା...

ଖାଦ୍ୟ ଶେଷରେ ଗୁଡ଼, କ’ଣ ମିଳେ ଫାଇଦା...

ଗୁଡ଼ ଅନେକ ପୋଷକ ତତ୍ତ୍ୱରେ ଭରପୁର। ପ୍ରତିଦିନ ଖାଇସାରିବା ପରେ ଅଭ୍ୟାସ କରି ଫାଳେ ଗୁଡ଼ ଖାଇଲେ ମିଳିଥାଏ ଅନେକ ଫାଇଦା। 

ଓଜନ କମ କରିବ ଜିରା ପାଣି

ଓଜନ କମ କରିବ ଜିରା ପାଣି

ଜିରା ଯେପରି ଖାଦ୍ୟର ସ୍ବାଦ ବଢାଇଥାଏ ସେହିପରି ଦେହପାଇଁ ମଧ୍ୟ ଉପକାରୀ ହୋଇଥାଏ।   ଶରୀରର ଓଜନ କମାଇବାରେ ଜିରାର ଗୁରୁତ୍ୱପୂର୍ଣ୍ଣ ଭୂମିକା ରହିଛି। ସକାଳୁ ଖାଲିପେଟରେ ଜିରାପାଣି ପଇବା ଦ୍ୱାରା ଓଜନ କମ୍‌ହୋଇଥାଏ। ଆପଣ ଯଦି ଏହି ସମସ୍ୟାର ସମାଧାନ କରିବାକୁ ଚାହାନ୍ତି ତେବେ ଜିରାପାଣିକୁ ନିୟମିତ ସକାଳେ ପିଅନ୍ତୁୁ।

ସକାରାତ୍ମକ ଚିନ୍ତାଧାରା  ବଢ଼ାଏ ଭିଡିଓଗେମ୍‌

ସକାରାତ୍ମକ ଚିନ୍ତାଧାରା ବଢ଼ାଏ ଭିଡିଓଗେମ୍‌

ସାଧାରଣତଃ ଛୋଟ ପିଲାମାନେ ଭିଡିଓଗେମ୍‌ ଖେଳିବାକୁ ପସନ୍ଦ କରିଥାଆନ୍ତି। କେତେକଙ୍କର ଏହା ଏକ ଅଭ୍ୟାସରେ ପରିଣତ ହୋଇଯାଇଥାଏ। 

ସୁସ୍ଥ ରହିବ ହୃତ୍‌ପିଣ୍ଡ

ସୁସ୍ଥ ରହିବ ହୃତ୍‌ପିଣ୍ଡ

ଆଜିକାଲି ହୃଦ୍‌ରୋଗ ଏକ ସାଧାରଣ ସମସ୍ୟା ପାଲଟି ଗଲାଣି ବୋଲି କହିଲେ ଅତ୍ୟୁକ୍ତି ହେବ ନାହିଁ। ହୃତପିଣ୍ଡ (ହାର୍ଟ)କୁ ସୁସ୍ଥ ତଥା ନୀରୋଗ ରଖିବା ପାଇଁ ନିମ୍ନୋକ୍ତ  ଟିପ୍ସ ଆପଣେଇ ପାରନ୍ତି...

ବ୍ୟାକ୍ଟେରିଆକୁ  ପ୍ରତିରୋଧ କରିବ ଲାଳ

ବ୍ୟାକ୍ଟେରିଆକୁ ପ୍ରତିରୋଧ କରିବ ଲାଳ

ପାଟି ଭିତରେ ଥିବା ଲାଳ ଅନେକ ସମୟରେ ଆମ ଶରୀର ପାଇଁ ଉପକାରୀ ସାବ୍ୟସ୍ତ ହୋଇଥାଏ। ଏହି ତାଲିକାରେ ଆଉ ଏକ କଥାକୁ ସାମିଲ କରାଯାଇଛି। 

ଔଷଧ: କିଛି କଥା

ଔଷଧ: କିଛି କଥା

ଆମକୁ କୌଣସି ରୋଗ ହେଲେ ଆମେ ବିଳମ୍ବ ନ କରି ଡାକ୍ତରଙ୍କ ସହ ପରାମର୍ଶ କରି ଔଷଧ ଖାଇଥାଉ। ଆରୋଗ୍ୟ ଲାଭ କରିବା ପରେ କେତେକ ମନକୁ ମନ ଔଷଧ ଖାଇବା ବନ୍ଦ କରିଦିଅନ୍ତି।

ମାନସିକ ସ୍ବାସ୍ଥ୍ୟ ଓ ଯୁବପିଢ଼ି

ମାନସିକ ସ୍ବାସ୍ଥ୍ୟ ଓ ଯୁବପିଢ଼ି

”ପ୍ରତି ୪ ଜଣରେ ଜଣେ ମାନସିକସ୍ତରରେ କୌଣସି ପ୍ରକାରର ଅସୁସ୍ଥ ଥାଆନ୍ତି। ଆକଳନ ଅନୁଯାୟୀ, ସାରା ପୃଥିବୀରେ ୫୦କୋଟି ଲୋକ ମାନସିକ ରୋଗର ଶିକାର ହୋଇଥାଆନ୍ତି। ଏହାମଧ୍ୟରୁ ୧୫କୋଟି ଲୋକ ‘ମାନସିକ ବିଷାଦ’ ବା ଡିପ୍ରେସନ୍‌ ରୋଗରେ ପୀଡ଼ିତ ଓ ଏହି ୧୫ କୋଟି ଲୋକଙ୍କ ମଧ୍ୟରେ ଯୁବବର୍ଗଙ୍କ ସଂଖ୍ୟା ଅଧିକ। ଅନ୍ୟ ରୋଗଗୁଡ଼ିକର ଚିକିତ୍ସା ସୁବିଧା ପରି ‘ମାନସିକ ରୋଗର ଚିକିତ୍ସା’ ସବୁ ସ୍ଥାନରେ ଉପଲବ୍ଧ ନୁହେଁ।“

ବିବର୍ତ୍ତନର ଅନୁକରଣ

ବିବର୍ତ୍ତନର ଅନୁକରଣ

”ଗୋଟିଏ ଜୀବଜାତିଠାରେ ଜୈବିକ ପରିବର୍ତ୍ତନ ହେତୁ ନୂତନ ଜୀବଜାତିର ସୃଷ୍ଟି ସମ୍ଭବ ହୋଇଥାଏ। ଏହି ପରିବର୍ତ୍ତନ ମୁଖ୍ୟତଃ ଜିନୀୟ ଧ୍ରୁବୀକରଣ ଫଳରେ ଘଟୁଥିବାର ଏବେ ସଚରାଚର ବିଶ୍ୱାସ କରାଯାଉଛି। ତେବେ, ତାହା ଘଟୁଥିଲା ପ୍ରାକୃତିକ ରୂପେ। ଏହି ଚିନ୍ତାଧାରାକୁ ଆଧାରକରି ବିଜ୍ଞାନାଗାରରେ ତାହାର ଅନୁକରଣ କରିବା ଏବଂ ତାହାକୁ ମାନବ ଜାତିର କଲ୍ୟାଣରେ ଲଗାଇବାର ପଥ ଉନ୍ମୁକ୍ତକରିବା ହେତୁ ଚଳିତ ୨୦୧୮ ମସିହାରେ ରସାୟନ ବିଜ୍ଞାନରେ ନୋବେଲ ପୁରସ୍କାର ପାଇଛନ୍ତି ତିନିଜଣ କୃତବିଦ୍ୟ ରସାୟନ ବିଜ୍ଞାନୀ- ଆମେରିକାର ଫ୍ରାନ୍‌ସେସ୍‌ ଏଚ୍‌. ଆର୍‌ନୋଲ୍ଡ  ଓ  ଜର୍ଜ ପି. ସ୍ମିଥ୍‌ ଏବଂ ଇଂଲଣ୍ଡର ସାର୍‌ ଗ୍ରେଗୋରି ପି. ଉଇଣ୍ଟର।“