ଅନଗୁଳ-ଢେଙ୍କାନାଳ

ସାମାଜିକ ଦାୟିତ୍ୱବୋଧ ଯୋଜନା ସମୀକ୍ଷା ; ଅସମ୍ପୂର୍ଣ୍ଣ ପ୍ରକଳ୍ପ କାର୍ଯ୍ୟ ତୁରନ୍ତ ସାର

ସାମାଜିକ ଦାୟିତ୍ୱବୋଧ ଯୋଜନା ସମୀକ୍ଷା ; ଅସମ୍ପୂର୍ଣ୍ଣ ପ୍ରକଳ୍ପ କାର୍ଯ୍ୟ ତୁରନ୍ତ ସାର
ଅନୁଗୋଳ ଅଫିସ,୮।୩ - ସାମାଜିକ ଦାୟିତ୍ୱବୋଧ ଯୋଜନା (ସିଏସ୍‌ଆର୍‌)ରେ ମହାନଦୀ କୋଇଲା କ୍ଷେତ୍ରରେ ବ୍ୟୟ କରାଯାଇଥିବା ଅର୍ଥରାଶି ସମ୍ପର୍କିତ ଏକ ସମୀକ୍ଷା ବୈଠକ ଜିଲାପାଳ ଅନିଲ କୁମାର ସାମଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଅନୁମୋଦନ ପାଇଥିବା ବହୁ ପ୍ରକଳ୍ପ କାର୍ଯ୍ୟ ମଧ୍ୟରୁ ଅଳ୍ପ ସଂଖ୍ୟକ ସମ୍ପୂର୍ଣ୍ଣ ହୋଇଥିବା ବେଳେ ଅବଶିଷ୍ଟ ପ୍ରକଳ୍ପର ଅଗ୍ରଗତି ହେଉ ନ ଥିବାରୁ ଜିଲାପାଳ କ୍ଷୋଭ ପ୍ରକାଶ ସହ ତୁରନ୍ତ ତାହା ଶେଷ କରିବାକୁ ନିର୍ଦ୍ଦେଶ ଦେଇଥିଲେ। ସମୀକ୍ଷାରୁ ଜଣାପଡ଼ିଛି ଯେ, ୨୦୧୫-୧୬ ଆର୍ଥିକ ବର୍ଷରେ ମୋଟ୍‌ ୫୬ଟି ପ୍ରକଳ୍ପ ନିମନ୍ତେ ୧୧ କୋଟି ୨୨ ଲକ୍ଷ ୯୬ ହଜାର ଟଙ୍କା ମହାନଦୀ କୋଇଲା କ୍ଷେତ୍ର ଦ୍ୱାରା ଅନୁମୋଦନ କରାଯାଇ ୬ଜଣ ମହାପ୍ରବନ୍ଧକଙ୍କୁ କାର୍ଯ୍ୟ ସମ୍ପାଦନ କରିବା ପାଇଁ ନିର୍ଦ୍ଦେଶ ଦିଆଯାଇଥିଲା। ହେଲେ ସେଥିମଧ୍ୟରୁ ମାତ୍ର ୮ଟି ପ୍ରକଳ୍ପ କାର୍ଯ୍ୟ ଶେଷ ହୋଇଛି। ୨୦୧୬-୧୭ ବର୍ଷ ପାଇଁ ଅନୁମୋଦିତ ୧୦୧ଟି ପ୍ରକଳ୍ପରୁ ୧୮ଟିର କାର୍ଯ୍ୟ ଶେଷ ହୋଇଛି। ୨୦୧୭-୧୮ରେ ୧୩୭ଟି ପ୍ରକଳ୍ପରୁ ମାତ୍ର ୨ଟିର କାର୍ଯ୍ୟ ସମ୍ପନ୍ନ କରାଯାଇଛି। ବକେୟା ରହିଥିବା ପ୍ରକଳ୍ପ କାର୍ଯ୍ୟ ସମ୍ପର୍କରେ ପ୍ରତିମାସରେ ସମୀକ୍ଷା ସହ ତ୍ୱରାନ୍ବିତ କରିବାକୁ ଉପଜିଲାପାଳ ତାଳଚେର ଓ ଅନୁଗୋଳଙ୍କୁ ଜିଲାପାଳ ନିର୍ଦ୍ଦେଶ ଦେଇଥିଲେ। ଜିଲା ପ୍ରଶାସନ ତରଫରୁ ୨୦୧୬-୧୭ରେ ୪୨ଟି ପ୍ରକଳ୍ପ ପାଇଁ ୩୨୫ କୋଟି ୧୮ଲକ୍ଷ ଟଙ୍କାର ପ୍ରକଳ୍ପ ଅନୁମୋଦନ ପାଇଁ ଏମ୍‌ସିଏଲ ମୁଖ୍ୟାଳୟକୁ ପ୍ରେରଣ କରାଯାଇଥିଲା। ସେଥିରୁ ୨୩ଟି ପ୍ରକଳ୍ପ ବାବଦକୁ ୭୫ କୋଟି ୪୩ ଲକ୍ଷ ଅନୁମୋଦନ କରାଯାଇ ୧୮କୋଟି ୬୧ ଲକ୍ଷ ଟଙ୍କା ଦିଆଯାଇଥିଲା। ଉପରୋକ୍ତ ୨୩ଟି ପ୍ରକଳ୍ପ କାର୍ଯ୍ୟ ସମୀକ୍ଷାରୁ ଜଣାଗଲା ଯେ ଅଗ୍ରଗତି ସନ୍ତୋଷଜନକ ନୁହେଁ। ଅନୁମୋଦନ କରାଯାଇଥିବା ସମ୍ପୂର୍ଣ୍ଣ ଅର୍ଥରାଶି ଅଦ୍ୟାବଧି ମହାନଦୀ କୋଇଲା କ୍ଷେତ୍ର ପ୍ରଦାନ କରି ନ ଥିବାରୁ ପ୍ରକଳ୍ପ ଶେଷ କରିବା ସମ୍ଭବ ହୋଇପାରି ନାହିଁ ବୋଲି ବିଭାଗୀୟ ଅଧିକାରୀମାନେ ପ୍ରକାଶ କରିଥିଲେ। ସେହିପରି ୬ ଅକ୍ଟୋବର ୨୦୧୭ ସମୀକ୍ଷା ବୈଠକରେ ଛୋଟଛୋଟ ପ୍ରକଳ୍ପଗୁଡ଼ିକର ସମ୍ପୂର୍ଣ୍ଣ ମଞ୍ଜୁରୀପ୍ରାପ୍ତ ଅର୍ଥରାଶି ଏକକାଳୀନ ଜିଲା ପ୍ରଶାସନକୁ ପ୍ରଦାନ ପାଇଁ ନିଷ୍ପତ୍ତି ହୋଇଥିଲା। କିନ୍ତୁ ଏମ୍‌ସିଏଲ ଏଥିପ୍ରତି ଗୁରୁତ୍ୱ ଦେଇ ନ ଥିବା ଜଣାପଡ଼ିଲା। ଏଣୁ ଭବିଷ୍ୟତରେ ଏଥିପ୍ରତି ଗୁରୁତ୍ୱ ଦେବାକୁ ଉପସ୍ଥିତ ନିର୍ଦ୍ଦେଶକ, କର୍ମୀଙ୍କୁ ପରାମର୍ଶ ଦିଆଯାଇଥିଲା। ପୁନଶ୍ଚ ଅବଶିଷ୍ଟ ୧୯ଟି ପ୍ରକଳ୍ପ ଅନୁମୋଦନ କରାଯାଇ ଅର୍ଥରାଶି ଯଥାଶୀଘ୍ର ଜିଲା ପ୍ରଶାସନକୁ ପ୍ରଦାନ ପାଇଁ ବୈଠକରେ ନିଷ୍ପତ୍ତି ନିଆଯାଇଥିଲା। ଏହାଛଡ଼ା ରେଙ୍ଗାଳି ଦକ୍ଷିଣପାର୍ଶ୍ୱ କେନାଲର ଉଭୟ ପାର୍ଶ୍ୱ ସମ୍ପ୍ରସାରଣ ପାଇଁ ଜଳସମ୍ପଦ ବିଭାଗ ଅନୁମତି ପ୍ରଦାନ କରିଥିବାରୁ ଅର୍ଥରାଶିର ବ୍ୟବସ୍ଥା କରିବା ପାଇଁ ମହାନଦୀ କୋଇଲା କ୍ଷେତ୍ରକୁ ପରାମର୍ଶ ଦିଆଯାଇଥିଲା। ଜାତୀୟ ରାଜପଥର ବାଙ୍କଧରା ଛକରୁ ବହ୍ଲର ଛକ ପର୍ଯ୍ୟନ୍ତ ଉଭୟ ପାର୍ଶ୍ୱର ଦେଢ଼ମିଟର ସିମେଣ୍ଟ କଂକ୍ରିଟ ରାସ୍ତା ନିର୍ମାଣ ନିମନ୍ତେ ଅର୍ଥରାଶି ବ୍ୟବସ୍ଥା ପାଇଁ ଏମ୍‌ସିଏଲକୁ ପରାମର୍ଶ ଦିଆଯାଇଥିଲା। ତାଳଚେର ସ୍ବୟଂଶାସିତ କଲେଜ ଠାରୁ ଘରୋଇ ବସ୍‌ଷ୍ଟାଣ୍ଡ ପର୍ଯ୍ୟନ୍ତ ଏକ ବାଇପାସ୍‌ ନିର୍ମାଣ ନିମନ୍ତେ ପୂର୍ବ ସମୀକ୍ଷା ବୈଠକରେ ନିଷ୍ପତ୍ତି ହୋଇଥିଲେ ହେଁ ଉକ୍ତ କାର୍ଯ୍ୟ ଏଯାଏ ଆରମ୍ଭ ହୋଇନାହିଁ। ଏଣୁ ପୂର୍ତ୍ତ ବିଭାଗ ନିର୍ବାହୀଯନ୍ତ୍ରୀ ତାହାକୁ ଯଥାଶୀଘ୍ର ସାରିବାକୁ ଜିଲାପାଳ ବୈଠକରେ ନିର୍ଦ୍ଦେଶ ଦେଇଥିଲେ। ନିଜିଗଡ଼ ଟାଉନ ଚିହ୍ନଟ ସରକାରୀ ଜାଗାରେ ଟ୍ରକ୍‌ ଟର୍ମିନସ୍‌ ନିର୍ମାଣ ପାଇଁ ଏମ୍‌ସିଏଲ୍‌କୁ ଦାୟିତ୍ୱ ଦିଆଯାଇଥିଲେ ବି କାର୍ଯ୍ୟ ଅଗ୍ରଗତି ସନ୍ତୋଷଜନକ ହୋଇ ନ ଥିବାରୁ ତାହାକୁ ତ୍ୱରାନ୍ବିତ କରିବା ନିମନ୍ତେ ତାଳଚେର ଉପଜିଲାପାଳଙ୍କୁ ଦାୟିତ୍ୱ ଦିଆଯାଇଥିଲା। ଖର୍ଚ୍ଚ ଅର୍ଥରାଶିର ବିନିଯୋଗ ପ୍ରମାଣପତ୍ର ଆସନ୍ତା ୩୦ ତାରିଖ ସୁଦ୍ଧା ଦାଖଲ କରିବା ପାଇଁ ସମ୍ପୃକ୍ତ କାର୍ଯ୍ୟନିର୍ବାହୀ ଅଧିକାରୀମାନଙ୍କୁ ଜିଲାପାଳ ନିର୍ଦ୍ଦେଶ ଦେଇଥିଲେ। ବୈଠକରେ ପର୍ସନାଲ ଡାଇରେକ୍ଟର, ଡାଇରେକ୍ଟର, ଟେକ୍ନିକାଲ (ଓପି), ଜିଏମ୍‌, ସିଏସ୍‌ଆର, ଏମ୍‌ସିଏଲର ସମସ୍ତ ଜିଏମ୍‌, ଅନୁଗୋଳ-ତାଳଚେର ଉପଜିଲାପାଳ ଓ ବିଭାଗୀୟ ଅଧିକାରୀମାନେ ଉପସ୍ଥିତ ଥିଲେ।
All Right Reserved By

ଅନଗୁଳ-ଢେଙ୍କାନାଳ

କେନ୍ଦ୍ରୀୟ ବିଦ୍ୟାଳୟର ବାର୍ଷିକ ଉତ୍ସବ:   ଶିଖିଲେ, ଶିଖାଇଲ ଜ୍ଞାନ ବଢ଼େ

କେନ୍ଦ୍ରୀୟ ବିଦ୍ୟାଳୟର ବାର୍ଷିକ ଉତ୍ସବ: ଶିଖିଲେ, ଶିଖାଇଲ ଜ୍ଞାନ ବଢ଼େ

ଢେଙ୍କାନାଳ ଅଫିସ, ୧୩ା୧୨-ଢେଙ୍କାନାଳ ସହର ଉପକଣ୍ଠ ବନମାଳୀପ୍ରସାଦସ୍ଥିତ କେନ୍ଦ୍ରୀୟ ବିଦ୍ୟାଳୟର ୨୩ତମ ବାର୍ଷିକ ଉତ୍ସବ ଗୁରୁବାର ମହାସମାରୋହରେ ପାଳିତ ହୋଇଯାଇଛି ା ମୁଖ୍ୟଅତିଥି ଭାବେ ଜିଲାପାଳ ନିଖିଲ ପଓ୍ବନ କଲ୍ୟାଣ ଯୋଗଦେଇ କାର୍ଯ୍ୟକ୍ରମକୁ ଉଦ୍‌ଘାଟନ କରି କହିଲେ, ପିଲାଙ୍କ ମଧ୍ୟରେ ଆଗ୍ରହ ଶକ୍ତି ବଢ଼ାଇବା ଦରକାର। ଶିଖିବା ସହ ଅନ୍ୟକୁ ଶିଖାଇଲେ ଜ୍ଞାନ ବଢ଼େ। ଆଜିକାର ପିଲାମାନେ ମୋବାଇଲରେ ଅଧିକ ସମୟ ବିତାଉଛନ୍ତି। ଫଳରେ ସାମାଜିକସ୍ତରରେ ଭାବର ଆଦାନପ୍ରଦାନ କମିଗଲାଣି। 

ମଠକରଗୋଳାରେ ମଣ୍ଡି ଆରମ୍ଭ:  ପ୍ରଥମ ଦିନ ଧାନ ବିକିଲେ ୮ ଚାଷୀ

ମଠକରଗୋଳାରେ ମଣ୍ଡି ଆରମ୍ଭ: ପ୍ରଥମ ଦିନ ଧାନ ବିକିଲେ ୮ ଚାଷୀ

ଭୁବନ, ୧୩।୧୨(ଡି.ଏନ୍‌.ଏ.)-ଢେଙ୍କାନାଳ ଜିଲା ଭୁବନ ବ୍ଲକ ମଠକରଗୋଳା ସେବା ସମବାୟ ସମିତି ପକ୍ଷରୁ ଗୁରୁବାର ଧାନମଣ୍ଡି ଆରମ୍ଭ ହୋଇଛି। ଅନୁଗୋଳ କେନ୍ଦ୍ରୀୟ ସମବାୟ ବ୍ୟାଙ୍କ ନିର୍ଦ୍ଦେଶକ ଅଭିମନ୍ୟୁ ବେହେରା, ସେବା ସମବାୟ ସମିତି ସଭାପତି ନିରଞ୍ଜନ ବେହେରା ଅତିଥି ଭାବେ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ। ପ୍ରଥମ ପର୍ଯ୍ୟାୟରେ ୧୧,୦୦୦ କୁଇଣ୍ଟାଲ ଧାନ କିଣିବାକୁ ଅନୁମତି ମିଳିଛି। ପ୍ରଥମ ଦିନରେ ୮ଚାଷୀଙ୍କଠାରୁ ୨୨୦.୫୬ କୁଇଣ୍ଟାଲ ଧାନ କିଣାଯାଇଛି। ହେଲେ ଧାନକ୍ରୟ ଦାୟିତ୍ୱ ନେଇଥିବା ମା’ କାମାକ୍ଷୀ ଫୁଡ଼ ପ୍ରୋସେଶର ମିଲର କୁଇଣ୍ଟାଲ ପିଛା ୪କେଜି ଧାନ କାଟିବାକୁ ନେଇ ଅସନ୍ତୋଷ ଦେଖାଦେଇଥିଲା।

ପୁଣେରେ ଓଡ଼ିଆ ଯୁବକଙ୍କ ମୃତ୍ୟୁ

ପୁଣେରେ ଓଡ଼ିଆ ଯୁବକଙ୍କ ମୃତ୍ୟୁ

ପରଜଙ୍ଗ, ୧୩।୧୨(ଡି.ଏନ୍‌.ଏ.)-ଢେଙ୍କାନାଳ ଜିଲା ପରଜଙ୍ଗ ବ୍ଲକ ରୋଡ଼ ଗ୍ରାମର ପରମାନନ୍ଦ ନାୟକଙ୍କ ପୁଅ ଚନ୍ଦନ ନାୟକ(୧୯)ଙ୍କ ଗୁରୁବାର ପୁଣେରେ ମୃତ୍ୟୁ ଘଟିଛି। ଚନ୍ଦନ କିଛିଦିନ ହେଲା ମାନସିକ ଚାପରେ ଥିଲେ। ସେ ରଶି ଲଗାଇ ଆତ୍ମହତ୍ୟା କରିଥିବା ତାଙ୍କ ସାଙ୍ଗମାନେ କହିଛନ୍ତି। 

‘କ୍ରୀଡ଼ା ଶିକ୍ଷାର ଏକ ଅଙ୍ଗ’

‘କ୍ରୀଡ଼ା ଶିକ୍ଷାର ଏକ ଅଙ୍ଗ’

ପରଜଙ୍ଗ, ୧୩।୧୨(ଡି.ଏନ୍‌.ଏ.)-ପରଜଙ୍ଗ ମହାବିଦ୍ୟାଳୟ ପକ୍ଷରୁ ଭାରତୀ ଷ୍ଟାଡିୟମ୍‌ରେ ଦୁଇଦିନ ଧରି ଚାଲିଥିବା ୩୯ତମ ବାର୍ଷିକ କ୍ରୀଡ଼ା ଗୁରୁବାର ଉଦ୍‌ଯାପିତ ହୋଇଯାଇଛି। ଉଦ୍‌ଯାପନୀ ସମାରୋହରେ ମୁଖ୍ୟଅତିଥିଭାବେ ବାଣିଜ୍ୟ ଓ ପରିବହନ ମନ୍ତ୍ରୀ ଡା. ନୃସିଂହ ଚରଣ ସାହୁ ଯୋଗଦେଇ କହିଲେ, କ୍ରୀଡ଼ା ହେଉଛି ଶିକ୍ଷାର ଏକ ଅଙ୍ଗ। ଖେଳକୁ ନେଇ ଅନେକ ସମ୍ଭାବନା ସୃଷ୍ଟି ହୋଇଛି। ଆଜିର ସମୟରେ ଶିକ୍ଷା ସହ କ୍ରୀଡ଼ା ମଧ୍ୟ ସେତିକି ଜରୁରୀ।

ପିସିସି ସଭାପତିଙ୍କୁ  ସ୍ବାଗତ ସମ୍ବର୍ଦ୍ଧନା

ପିସିସି ସଭାପତିଙ୍କୁ ସ୍ବାଗତ ସମ୍ବର୍ଦ୍ଧନା

ବନ୍ତଳା,୧୩।୧୨(ଡି.ଏନ.ଏ.)- ପିସିସି(ପ୍ରଦେଶ କଂଗ୍ରେସ କମିଟି)ସଭାପତି ନିରଞ୍ଜନ ପଟ୍ଟନାୟକ ଗୁରୁବାର ଅନୁଗୋଳ ଜିଲା ଗସ୍ତ କରିଛନ୍ତି। 

ଶେଲଟର ହୋମ ଯୌନଶୋଷଣ ମାମଲା: ତଦନ୍ତ ପାଇଁ ଢେଙ୍କାନାଳରେ ପହଞ୍ଚିଲା ଏନ୍‌ସିପିସିଆର  ପ୍ରତିନିଧି ଦଳ

ଶେଲଟର ହୋମ ଯୌନଶୋଷଣ ମାମଲା: ତଦନ୍ତ ପାଇଁ ଢେଙ୍କାନାଳରେ ପହଞ୍ଚିଲା ଏନ୍‌ସିପିସିଆର ପ୍ରତିନିଧି ଦଳ

ଢେଙ୍କାନାଳ ଅଫିସ, ୧୩।୧୨- ଢେଙ୍କାନାଳ ସଦର ଥାନା ବେଲଟିକିରିସ୍ଥିତ ‘ଗୁଡ୍‌ ନ୍ୟୁଜ ଇଣ୍ଡିଆ ଡ୍ରିମ ସେଣ୍ଟର’ ଶେଲଟର ହୋମ ଯୌନଶୋଷଣ ଏବଂ ଶିଶୁ ନିର୍ଯାତନା ମାମଲାର ତଦନ୍ତ ପାଇଁ କେନ୍ଦ୍ର ଶିଶୁ  ଅଧିକାର ସୁରକ୍ଷା ଆୟୋଗର(ଏନ୍‌ସିପିସିଆର) ପ୍ରତିନିଧି ଦଳ ଗୁରୁବାର  ଢେଙ୍କାନାଳରେ ପହଞ୍ଚିଛନ୍ତି।  

ବାଇକରୁ ପଡି ୩ ଗୁରୁତର

ବାଇକରୁ ପଡି ୩ ଗୁରୁତର

ପରଜଙ୍ଗ, ୧୩।୧୨(ଡି.ଏନ.ଏ):ଢ଼େଙ୍କାନାଳ ଜିଲା ପରଜଙ୍ଗ ଥାନା ମହାବିରୋଡ଼ ଫାଣ୍ଡି ଅଧିନ ମହାବିରୋଡ଼ ଛକଠାରୁ ଅଳ୍ପ ଦୂରରେ ଗୁରୁବାର ସକାଳେ ଏକ ବାଇକ ଭାରସାମ୍ୟ ହରାଇ ଦୁର୍ଘଟଣା ଘଟିବାରୁ ସେଥିରେ ଯାଉଥିବା ମହାବିରୋଡ଼ ଗ୍ରାମର ନୀତିଆ ମୁଣ୍ଡା, ଶ୍ୟାମ ମୁଣ୍ଡା ଓ ଦଶୀପୁର ଗ୍ରାମର ପଦିଆ ମୁଣ୍ଡା ଗୁରୁତର ଆହତ ହୋଇଛନ୍ତି।

ଘର ଭାଙ୍ଗିଲା ଦନ୍ତା: ଅଳ୍ପକେ ବର୍ତ୍ତିଲେ ପରିବାର

ଘର ଭାଙ୍ଗିଲା ଦନ୍ତା: ଅଳ୍ପକେ ବର୍ତ୍ତିଲେ ପରିବାର

ପରଜଙ୍ଗ, ୧୩।୧୨(ଡି.ଏନ.ଏ): ଢ଼େଙ୍କାନାଳ ବନଖଣ୍ଡ ମହାବିରୋଡ଼ ରେଞ୍ଜ ଡିହଡୋଳ ଫରେଷ୍ଟ ସେକ୍ସନ ଅଧିନ ଲୋଧଣୀ ପଞ୍ଚାୟତ ଦଳିତ ବସ୍ତିରେ ବୁଧବାର ବିଳମ୍ବିତ ରାତିରେ ରବି ନାଏକ ଓ ବିରଞ୍ଚି ନାଏକଙ୍କ ଘର ଦନ୍ତା ଭାଙ୍ଗି ଦେଇଛି। ତେବେ ଦୁଇ ପରିବାର ଘରେ ଶୋଇଥିବା ବେଳେ ଅଳ୍ପକେ ବର୍ତ୍ତି ଯାଇଛନ୍ତି।

ବିଦ୍ୟୁତ ତାର ଲାଗି ଜଳିଗଲା ଧାନ ବୋଝେଇ ଟ୍ରାକ୍ଟର

ବିଦ୍ୟୁତ ତାର ଲାଗି ଜଳିଗଲା ଧାନ ବୋଝେଇ ଟ୍ରାକ୍ଟର

ଛେଣ୍ଡିପଦା,୧୩।୧୨(ଡି.ଏନ୍‌.ଏ./ସ୍ବ.ପ୍ର.): ଅନୁଗୋଳ ଜିଲା ଛେଣ୍ଡିପଦା ବ୍ଲକ ଅନ୍ତର୍ଗତ ବରପଦା ଗ୍ରାମରେ ଗୁରୁବାର ବିଦ୍ୟୁତ୍‌ ତାର ସସ୍ପର୍ଶରେ ଆସି ଏକ ଧାନ ବୋଝେଇ ଟ୍ରାକ୍ଟର ପୋଡ଼ି ଯାଇଛି। ଉକ୍ତ ଗ୍ରାମର ନେଙ୍କୁରୀ ସାହୁ ଟ୍ରାକ୍ଟର ଯୋଗେ ବିଲରୁ ଧାନ ଖଳାକୁ ଆଣୁଥିଲେ। ବରପଦା କେନ୍ଦୁପଶି ସାହି ନିକଟରେ ଗାଡ଼ିର ଡାଲାଟି ବିଦ୍ୟୁତ ତାରରେ ଲାଗି ଯାଇଥିଲା।

ମୂଲ୍ୟବୋଧଭିତ୍ତିକ ଆଧ୍ୟାତ୍ମିକ ସଶକ୍ତୀକରଣ କାର୍ଯ୍ୟକ୍ରମ: ‘ସକାରାତ୍ମକ ଭାବନା ସୁସ୍ଥ ସମାଜ ଗଢ଼ିବ’

ମୂଲ୍ୟବୋଧଭିତ୍ତିକ ଆଧ୍ୟାତ୍ମିକ ସଶକ୍ତୀକରଣ କାର୍ଯ୍ୟକ୍ରମ: ‘ସକାରାତ୍ମକ ଭାବନା ସୁସ୍ଥ ସମାଜ ଗଢ଼ିବ’

ଢେଙ୍କାନାଳ ଅଫିସ, ୧୩ା୧୨: ପିଲାଙ୍କୁ କେବଳ ପାଠକ୍ରମ ଅନୁଯାୟୀ ଶିକ୍ଷା ଦେଲେ ପରିବର୍ତ୍ତନ ଆସେନାହିଁ। ସେମାନଙ୍କୁ ଭଲ ମଣିଷ ଭାବେ ଗଢ଼ି ତୋଳିବାକୁ ହେଲେ ମୂଲ୍ୟବୋଧଭିତ୍ତିକ ଶିକ୍ଷା, ଚିନ୍ତାମୁକ୍ତ ଜୀବନ, ବ୍ୟକ୍ତିତ୍ୱ ବିକାଶ, ରାଜଯୋଗ ଅଭ୍ୟାସ, ନିଶାମୁକ୍ତ ସମାଜ ଗଠନ ସମ୍ପର୍କରେ ସଚେତନ କରାଯିବା ଜରୁରୀ। 

ଅଣ-ଅର୍ଦ୍ଧକୁଶଳୀକୁ ନେଇ କେଁ: ଅସନା ଦିଶିଲାଣି ଅନୁଗୋଳ ସହର

ଅଣ-ଅର୍ଦ୍ଧକୁଶଳୀକୁ ନେଇ କେଁ: ଅସନା ଦିଶିଲାଣି ଅନୁଗୋଳ ସହର

ଅନୁଗୋଳ ଅଫିସ, ୧୩।୧୨: ଅନୁଗୋଳ ସହରର ଅଳିଆ କେଉଁଠି ପଡ଼ିବ ତାହାକୁ ନେଇ ଦୀର୍ଘ ବର୍ଷ ହେଲା ବାଦ ବିବାଦ ଚାଲିଥିବା ବେଳେ ସଫେଇ କର୍ମଚାରୀଙ୍କ ଘନ ଘନ କାର୍ଯ୍ୟବନ୍ଦ ଆନ୍ଦୋଳନ ପୌର ପ୍ରଶାସନ ପାଇଁ ଏବେ ନୂଆ ଅଡ଼ୁଆ ସୃଷ୍ଟି କରିଛି। 

ଶେଲଟର ହୋମ୍‌ ଯୌନଶୋଷଣ ମାମଲା; ଫୟାଜ୍‌ଙ୍କ ଜାମିନ ଆବେଦନ ଖାରଜ

ଶେଲଟର ହୋମ୍‌ ଯୌନଶୋଷଣ ମାମଲା; ଫୟାଜ୍‌ଙ୍କ ଜାମିନ ଆବେଦନ ଖାରଜ

ଢେଙ୍କାନାଳ ଅଫିସ, ୧୨ା୧୨-ଢେଙ୍କାନାଳ ସଦର ଥାନା ବେଲଟିକିରିସ୍ଥିତ ‘ଗୁଡ୍‌ ନ୍ୟୁଜ୍‌ ଇଣ୍ଡିଆ ଡ୍ରିମ୍‌ ସେଣ୍ଟର’ ଶେଲ୍‌ଟର ହୋମ୍‌  ଯୌନଶୋଷଣ ଏବଂ ଶିଶୁ ନିର୍ଯାତନା ମାମଲାରେ ଗିରଫ ହୋଇଥିବା ଅନୁଷ୍ଠାନର ଚେୟାରମ୍ୟାନ ଫୟାଜ୍‌ ରେହମାନଙ୍କର ଜାମିନ ଆବେଦନ ଖାରଜ ହୋଇଯାଇଛି। ସ୍ବତନ୍ତ୍ର ପୋକ୍‌ସୋ ଅଦାଲତ ବିଚାରପତି ଦାୟିତ୍ୱରେ ଥିବା ଅତିରିକ୍ତ ଜିଲା ଦୌରାଜଜ୍‌ କ୍ଷୀରୋଦ କୁମାର ଦାସ ଜାମିନ ଆବେଦନକୁ ଖାରଜ କରିଦେଇଛନ୍ତି।