ଅନଗୁଳ-ଢେଙ୍କାନାଳ

ଗୁହାଳ ଘରେ ଚାଲିଛି ଅଙ୍ଗନଓ୍ବାଡ଼ି କେନ୍ଦ୍ର

    ଗୁହାଳ ଘରେ ଚାଲିଛି ଅଙ୍ଗନଓ୍ବାଡ଼ି କେନ୍ଦ୍ର
ବନ୍ତଳା,୮।୩(ଡି.ଏନ.ଏ.)- କୁନି କୁନି ପିଲାଙ୍କ ଜୀବନ ଗଢ଼ା ହେବ। ସେମାନଙ୍କ ଶାରୀରିକ, ମାନସିକ ଓ ସ୍ବାସ୍ଥ୍ୟର ବିକାଶକୁ ସୁରକ୍ଷିତ କରାଯିବ। ପ୍ରାଥମିକ ଶିକ୍ଷା ପ୍ରଦାନ ପୂର୍ବରୁ ଶିକ୍ଷାର ପରିବେଶ ସହ ପିଲାମାନଙ୍କୁ ପରିଚିତ କରାଯିବ। ଏଥିପାଇଁ ପ୍ରତି ଗଁା, ପଡ଼ା ଓ ସାହିରେ ଖୋଲାଯାଇଛି ଅଙ୍ଗନଓ୍ବାଡି କେନ୍ଦ୍ର। ହେଲେ ସରକାରଙ୍କ ଏହି ମହତ ଯୋଜନାର ପ୍ରକୃତ ଉଦ୍ଦେଶ୍ୟ ବୁଝିପାରୁ ନାହାନ୍ତି ଅନୁଗୋଳ ବ୍ଲକ ଛେଳିଆପଡ଼ା ଗ୍ରାମ ବୁଢ଼ାପଦା ସାହିବାସିନ୍ଦା ଓ ଦାୟିତ୍ୱରେ ଥିବା ଅଧିକାରୀମାନେ। କାରଣ ଦୀର୍ଘ ୧୧ ବର୍ଷ ଧରି ଏଠାରେ ଅଙ୍ଗନଓ୍ବାଡି କେନ୍ଦ୍ର କାର୍ଯ୍ୟକ୍ଷମ ଥିଲେ ବି ସାହି ବିବାଦ ଯୋଗୁ ନିଜସ୍ବ ଗୃହଟିଏ ନିର୍ମାଣ ହୋଇପାରୁ ନାହିଁ। ଜଣେ ବ୍ୟକ୍ତିଙ୍କ ଗୁହାଳ ଘରେ ଏହା ଚାଲୁଥିବା ବେଳେ କୁନି ବୟସରେ କଷ୍ଟ ସହୁଛନ୍ତି ପିଲା। ସାହିର ଅନେକ ଅଭିଭାବକଙ୍କ ଅଭିଯୋଗ ଅନୁଯାୟୀ, ବୁଢ଼ାପଦା ସାହିରେ ରହିଛି ଛେଳିଆପଡ଼ା ‘ଗ’ ଅଙ୍ଗନଓ୍ବାଡ଼ି କେନ୍ଦ୍ର। ତଳସାହି ଓ ଉପରସାହିର ପିଲାମାନଙ୍କ ପାଇଁ ୨୦୦୬ରେ ଏହା ସ୍ଥାପନ କରାଯାଇଥିଲା। ବର୍ତ୍ତମାନ କେନ୍ଦ୍ରର ପିଲା ସଂଖ୍ୟା ୨୩। କିନ୍ତୁ ନିଜସ୍ବ ସ୍ଥାୟୀ ଗୃହଟିଏ ଏଯାଏ ନିର୍ମାଣ ହୋଇପାରି ନାହିଁ। ଦୀର୍ଘ ବର୍ଷର ଦାବି ପରେ ୨୦୧୬ରେ ଘର ନିର୍ମାଣ ପାଇଁ ୫ଲକ୍ଷ ଟଙ୍କାର ଅନୁଦାନ ଆସିଥିଲା। କିନ୍ତୁ ସରକାରୀ ଜାଗା ନ ଥିବାରୁ ଘର ନିର୍ମାଣ ହୋଇପାରିଲା ନାହିଁ। ଫଳରେ ଟଙ୍କା ଫେରିଗଲା। ଯେଉଁ ସ୍ଥାନରେ ଜାଗା ମିଳିଥିଲା ସେଠାରେ ଗୃହ ନିର୍ମାଣ ପାଇଁ ଲୋକଙ୍କ ମଧ୍ୟରେ ସହମତି ହେଲା ନାହିଁ। ୨ସାହି ମଧ୍ୟରେ ଟଣାଓଟରା ଅନ୍ତରାୟ ସାଜିଲା। ଉକ୍ତ ସାହି ମଝି ଛକରେ କିଛି ସରକାରୀ ଜାଗା ଥିଲେ ବି ତାହାକୁ ଜବରଦଖଲ କରାଯାଇଛି। ଏ ଦିଗ ପ୍ରତି ବିଭାଗୀୟ ଅଧିକାରୀ ଉପଯୁକ୍ତ ଦୃଷ୍ଟି ଦେବା ବଦଳରେ ଜାଗା ଅଭାବକୁ ଆଳ କରି ସମୟ ଗଡ଼ାଇ ଚାଲିଛନ୍ତି। ଏପରି ପରିସ୍ଥିତିରେ ଗ୍ରାମର ଅଶୋକ ସାହୁଙ୍କ ଗୁହାଳ ଘରେ ଅଙ୍ଗନବାଡ଼ି କେନ୍ଦ୍ର ଚାଲିଛି। ପୂର୍ବରୁ ଚାଳ ଛପର ଥିବାବେଳେ ଏବେ ଆଜବେଷ୍ଟସ୍‌ ପକାଯାଇଛି। କିନ୍ତୁ ଅଧା ଥିବା ଇଟା କାନ୍ଥ ମଧ୍ୟରେ ପିଲାମାନେ ବର୍ଷସାରା ବହୁ କଷ୍ଟ ସ୍ବୀକାର କରୁଛନ୍ତି। ସେହିପରି ରୋଷେଇ ଘର ନ ଥିବାରୁ ବାହାରେ ପିଲାମାନଙ୍କ ପାଇଁ ଖାଦ୍ୟ ପ୍ରସ୍ତୁତ କରାଯାଉଛି। ଏ ସମ୍ପର୍କରେ ସାହିର ଯମୁନା ସାହୁ(୮୫) କୁହନ୍ତି, ଲୋକଙ୍କ ମଧ୍ୟରେ ବିବାଦ ଓ ରାଜନୀତି ଯୋଗୁ ଅଙ୍ଗନଓ୍ବାଡି କେନ୍ଦ୍ରର ଘର ନିର୍ମାଣ ହେଇପାରୁ ନାହିଁ। ନିରଞ୍ଜନ ସାହୁ(୫୧) କୁହନ୍ତି, ଯେଉଁଠି ସରକାରୀ ଜାଗା ଅଛି ସେଠାରେ ଘର ନିର୍ମାଣ ହୋଇପାରୁ ନାହିଁ। ଯଦି କେହି ଏଥିପାଇଁ ୧ ଗୁଣ୍ଠ ବେସରକାରୀ ଜାଗା ଦିଅନ୍ତି ବଦଳରେ ୫ ଗୁଣ୍ଠ ସରକାରୀ ଜାଗା ପାଇପାରନ୍ତେ। ଅଭିଭାବକ ମଞ୍ଜୁଲତା ପ୍ରଧାନ, ସୁଭଦ୍ରା ପ୍ରଧାନ, ପୁଷ୍ପଲତା ପ୍ରଧାନ, କାଞ୍ଚନ ପ୍ରଧାନ, ସୁବାସିନୀ ପ୍ରଧାନ, ପୁଷ୍ପଲତା ସାହୁ, କସ୍ତୁରୀ ପ୍ରଧାନ, ପୁନି ପ୍ରଧାନ, ଚତୁରି ପ୍ରଧାନ ପ୍ରମୁଖ କୁହନ୍ତି, ସରକାର ଚାହିଁଲେ ଆମ ପିଲାମାନେ ସୁରକ୍ଷିତ ଭାବେ ପଢ଼ି ପାରନ୍ତେ। ଦାୟିତ୍ୱରେ ଥିବା ଏଠାକାର ଅଧିକାରୀମାନେ ସେତକ କରିପାରୁ ନାହାନ୍ତି। ଅଙ୍ଗନଓ୍ବାଡ଼ି କର୍ମୀ କବିତା ସାହୁ କୁହନ୍ତି, ଘର ନ ଥିବାରୁ ବହୁ ସମସ୍ୟା ଦେଇ ଗତି କରୁଛୁ। ପ୍ରତିଷେଧକ ଟିକାଦାନ ବ୍ୟବସ୍ଥା ଆଶାକର୍ମୀ ଟୁନି ମହାଳିକ ତାଙ୍କ ଘରେ କରୁଛନ୍ତି। ସମନ୍ବିତ ଶିଶୁ ବିଭାଗ ଅଧିକାରୀ ରେଣୁବାଳା ପତି କହିଛନ୍ତି, ୨ଥର ଉକ୍ତ ସାହିକୁ ବିଡିଓ, ଆର୍‌ଆଇ ଯାଇ ବୈଠକ କରିବା ସହ ଗଁା ଲୋକଙ୍କୁ ଜାଗା ଦେବା ପାଇଁ କହିଥିଲେ। କିନ୍ତୁ ସାହି-ସାହି ମଧ୍ୟରେ ଟଣାଓଟରା ଯୋଗୁ ଘର ନିର୍ମାଣ ହୋଇପାରୁ ନାହିଁ। ଆସିଥିବା ଅନୁଦାନକୁ ସେହି ଗଁାର ‘ଏ’ କେନ୍ଦ୍ରକୁ ଦିଆଗଲା। ଏପରି କି ଗଁା ଲୋକ ସରକାରୀ ଜାଗାକୁ ମଧ୍ୟ ଛାଡ଼ୁନାହାନ୍ତି। ଜାଗା ଦେଲେ ତୁରନ୍ତ ଘର ନିର୍ମାଣ କରାଯିବ।
All Right Reserved By

ଅନଗୁଳ-ଢେଙ୍କାନାଳ

ହୋଲିରେ ମଦ ଦୋକାନ ବନ୍ଦ ନିର୍ଦ୍ଦେଶ

ହୋଲିରେ ମଦ ଦୋକାନ ବନ୍ଦ ନିର୍ଦ୍ଦେଶ

ଅନୁଗୋଳ ଅଫିସ, ୨୧।୩-ରଙ୍ଗର ପର୍ବ ହୋଲି। ଭାଇଚାରାର ଏହି ଉତ୍ସବରେ ଯେପରି କୌଣସି ଆଇନଶୃଙ୍ଖଳା ପରିସ୍ଥିତି ନ ଉପୁଜେ ସେଥିଲାଗି ତୀକ୍ଷ୍ଣ ନଜର ରଖିଛି ଅନୁଗୋଳ ଅବକାରୀ ବିଭାଗ। 

ଦୋଳଯାତ୍ରା ଲାଗି ପୋକତୁଙ୍ଗା ଉତ୍ସବମୁଖର

ଦୋଳଯାତ୍ରା ଲାଗି ପୋକତୁଙ୍ଗା ଉତ୍ସବମୁଖର

ବନ୍ତଳା, ୨୧।୩(ଡି.ଏନ୍‌.ଏ.)-ଦୋଳଯାତ୍ରା ଲାଗି ଉତ୍ସବମୁଖର ହୋଇଉଠିଛି ପୋକତୁଙ୍ଗା ଗ୍ରାମ। 

ବିଜେଡିର ବୈଠକ

ବିଜେଡିର ବୈଠକ

ବଇଣ୍ଡା, ୨୧।୩(ଡି.ଏନ୍‌.ଏ.)-କିଶୋରନଗର ବ୍ଲକ ଧଡ଼ରପାଳ ପଞ୍ଚାୟତ ନତଡ଼ାରେ ଗୁରୁବାର ବିଜେଡିର ବୈଠକ ଅନୁଷ୍ଠିତ ହୋଇଯାଇଛି। ପୂର୍ବତନ ସରପଞ୍ଚ କାଳିନ୍ଦୀଚରଣ ପ୍ରଧାନଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ ବିଜେଡିରେ ସାମିଲ ହୋଇଥିବା ପୂର୍ବତନ ପ୍ରଶାସନିକ ଅଧିକାରୀ ରମେଶ ଚନ୍ଦ୍ର ସାଏ ମୁଖ୍ୟଅତିଥି ଭାବେ ଯୋଗଦେଇ ଆଗାମୀ ନିର୍ବାଚନ ଲାଗି ତୃଣମୂଳସ୍ତରରୁ ପ୍ରସ୍ତୁତ ରହିବାକୁ ପରାମର୍ଶ ଦେଇଥିଲେ। ଏଥିଲାଗି ସମସ୍ତେ ଏକଜୁଟ୍‌ ହୋଇ କାମ କରିବାକୁ ସେ ଉପସ୍ଥିତ କର୍ମୀଙ୍କୁ ଆହ୍ବାନ କରିଥିଲେ।


ଗ୍ରାହକ ସେବାକେନ୍ଦ୍ର ଉଦ୍‌ଘାଟିତ

ଗ୍ରାହକ ସେବାକେନ୍ଦ୍ର ଉଦ୍‌ଘାଟିତ

ବଇଣ୍ଡା, ୨୧।୩(ଡି.ଏନ୍‌.ଏ.)-କିଶୋରନଗର ବ୍ଲକ ବଇଣ୍ଡା ଛକରେ ବ୍ୟାଙ୍କ ଅଫ୍‌ ବରୋଦା (ଜାମୁନାଳି ଶାଖା) ପକ୍ଷରୁ ଗୁରୁବାର ଗ୍ରାହକ ସେବା କେନ୍ଦ୍ର ଉଦ୍‌ଘାଟିତ ହୋଇଯାଇଛି। ଶାଖା ପରିଚାଳକ ବିଦେଶ ସାହୁ ମୁଖ୍ୟଅତିଥି ଭାବେ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ।

ବିଦ୍ୟୁତ୍‌ ଆଘାତରେ ବଳଦ ମୃତ, ଉତ୍ତେଜନା

ବିଦ୍ୟୁତ୍‌ ଆଘାତରେ ବଳଦ ମୃତ, ଉତ୍ତେଜନା

ବଇଣ୍ଡା, ୨୧।୩(ଡି.ଏନ୍‌.ଏ.)-ଆଠମଲ୍ଲିକ ବ୍ଲକ ପାଇକସାହି ପଞ୍ଚାୟତ ବାଲିସାହି ଗ୍ରାମରେ ଗୁରୁବାର ବିଦ୍ୟୁତ୍‌ ଆଘାତରେ ପୀତବାସ ଭୂତିଆଙ୍କ ଏକ ବଳଦର ମୃତ୍ୟୁ ଘଟିଛି। ବିଦ୍ୟୁତ୍‌ ବିଭାଗର ଖାମଖିଆଲ ମନୋଭାବ ଯୋଗୁ ଏପରି ଦୁର୍ଘଟଣା ଘଟିଥିବା ଗ୍ରାମବାସୀ ଅଭିଯୋଗ କରିଛନ୍ତି। ଘଟଣା ପରେ ଗ୍ରାମରେ ଚାପା ଉତ୍ତେଜନା ଦେଖାଦେଇଛି।

ଅବକାରୀ ଚଢ଼ାଉ, ୨ ଗିରଫ

ଅବକାରୀ ଚଢ଼ାଉ, ୨ ଗିରଫ

ବଇଣ୍ଡା, ୨୧।୩(ଡି.ଏନ୍‌.ଏ.)-ଆଠମଲ୍ଲିକ ଥାନା ଅଧୀନ ତେଣ୍ଠେଇପାଲ୍ଲି ଗ୍ରାମ  ମୁଣ୍ଡାସାହିରେ ଗୁରୁବାର ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ୨୦ ଲିଟର ଦେଶୀ ମହୁଲି ମଦ ଜବତ କରାଯାଇଛି।

ପରିବେଶ ସୁରକ୍ଷା ସମସ୍ତଙ୍କ ପାଇଁ ଆହ୍ବାନ

ପରିବେଶ ସୁରକ୍ଷା ସମସ୍ତଙ୍କ ପାଇଁ ଆହ୍ବାନ

ଢେଙ୍କାନାଳ ଅଫିସ, ୨୧ା୩-ପରିବେଶ ଉପରେ ମାତ୍ରାଧିକ ହସ୍ତକ୍ଷେପ ସବୁଜଗ୍ରହର ସ୍ବାସ୍ଥ୍ୟକୁ ବିଗାଡ଼ିଦେଲାଣି। ବର୍ଷକୁ ବର୍ଷ ତାପମାତ୍ରା ବଢ଼ିଚାଲିଛି। ଲକ୍ଷଲକ୍ଷ ବର୍ଷ ଧରି ଜମାଟ ବାନ୍ଧିଥିବା ହିମବାହ ତରଳିବା ଆରମ୍ଭ କଲାଣି। ପ୍ରତିକୂଳ ପରିବେଶ ଯୋଗୁ ଅନେକ ଜୀବଜନ୍ତୁ, ବୃକ୍ଷରାଜି ଲୋପ ପାଇଗଲେଣି। ଏପରି ଧାରା ଜାରି ରହିଲେ ସବୁଜ ଗ୍ରହ ସତ୍ତା ହରାଇବ।

ରାଜ୍ୟ ହକ୍‌ ମାଗିଲା ବିଜେଡି

ରାଜ୍ୟ ହକ୍‌ ମାଗିଲା ବିଜେଡି

ଢେଙ୍କାନାଳ ଅଫିସ, ୨୧ା୩-କେନ୍ଦ୍ରୀୟ ଅବହେଳାର ଶିକାର ହୋଇଛି ଓଡ଼ିଶା। ହକ୍‌ ଦାବିରୁ ରାଜ୍ୟବାସୀଙ୍କୁ ବଞ୍ଚତ୍ତ କରାଯାଉଛି। ମହାନଦୀ ଜଳ ବିବାଦ ହେଉ କି ସ୍ବତନ୍ତ୍ର ରାଜ୍ୟ ପାହ୍ୟା ମାନ୍ୟତା, ସବୁଥିରେ ବୈମାତୃକ ମନୋଭାବ ପୋଷଣ କରାଯାଉଛି। ଆଗାମୀ ଦିନରେ ଏହାକୁ ନେଇ ଜୋର୍‌ଦାର ପ୍ରତିବାଦ କରାଯିବ।

୬ବର୍ଷର ପୁଅ ଆଣିଲେ ଅଭିଯୋଗ:  ଧାର ଟଙ୍କା ମାଗିବାରୁ ମା’ଙ୍କୁ ଜବରଦସ୍ତ ବିଷ ପିଆଇଦେଲେ

୬ବର୍ଷର ପୁଅ ଆଣିଲେ ଅଭିଯୋଗ: ଧାର ଟଙ୍କା ମାଗିବାରୁ ମା’ଙ୍କୁ ଜବରଦସ୍ତ ବିଷ ପିଆଇଦେଲେ

ଅନୁଗୋଳ ଅଫିସ, ୨୧।୩-ଧାରରେ ଦେଇଥିଲେ ଟଙ୍କା। ଆଉ ସେହି ଟଙ୍କା ମାଗିବାକୁ ଯାଇଥିବାବେଳେ ଜବରଦସ୍ତ ମହିଳାଙ୍କୁ ବିଷ ପିଆଇଦେଲେ। ଏପରି ଅଭିଯୋଗ ଆଣିଛନ୍ତି ସମ୍ପୃକ୍ତ ମହିଳାଙ୍କ ୬ବର୍ଷର ପୁଅ। ଗୁରୁତର ଅବସ୍ଥାରେ ତାଙ୍କୁ ଚିକିତ୍ସାଳୟରେ ଭର୍ତ୍ତି କରାଯାଇଛି। ଏଭଳି ସମ୍ବେଦନଶୀଳ ଘଟଣା ଅନୁଗୋଳ ଜିଲାରେ ଚର୍ଚ୍ଚାର ବିଷୟ ପାଲଟିଛି।

ଛାତ୍ରୀଙ୍କୁ ଅପହରଣ ଅଭିଯୋଗ

ଛାତ୍ରୀଙ୍କୁ ଅପହରଣ ଅଭିଯୋଗ

ବଅଁରପାଳ,୨୧।୩(ଡି.ଏନ.ଏ): ଅନୁଗୋଳ ଜିଲା ବଅଁରପାଳ ବ୍ଲକ ଅଞ୍ଚଳର ଜଣେ ଛାତ୍ରୀ ନିଖୋଜ ହୋଇଥିବା ଜଣାପଡିଛି। 

ପୁରୁଣାଗଡ଼ ସ୍ବାସ୍ଥ୍ୟକେନ୍ଦ୍ରକୁ କାୟାକଳ୍ପ ପୁରସ୍କାର

ପୁରୁଣାଗଡ଼ ସ୍ବାସ୍ଥ୍ୟକେନ୍ଦ୍ରକୁ କାୟାକଳ୍ପ ପୁରସ୍କାର

ଅନୁଗୋଳ ଅଫିସ, ୨୧।୩ : ସ୍ବାସ୍ଥ୍ୟ ରକ୍ଷା, ସଂକ୍ରମଣ ନିୟନ୍ତ୍ରଣ ଓ ପରିମଳ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଅନୁଗୋଳ ଜିଲାର ପୁରୁଣାଗଡ଼ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରକୁ ୨୦୧୮-୧୯ ବର୍ଷ ପାଇଁ କାୟାକଳ୍ପ ପୁରସ୍କାର ପ୍ରଦାନ କରାଯାଇଛି। 

ପ୍ରଚାରରେ ସୀମିତ ବର୍ଜ୍ୟବସ୍ତୁ ପରିଚାଳନା: ରଖାଯାଉନି ନାଲି, କଳା ରଙ୍ଗର ଡଷ୍ଟବିନ୍‌

ପ୍ରଚାରରେ ସୀମିତ ବର୍ଜ୍ୟବସ୍ତୁ ପରିଚାଳନା: ରଖାଯାଉନି ନାଲି, କଳା ରଙ୍ଗର ଡଷ୍ଟବିନ୍‌

ଅନୁଗୋଳ ଅଫିସ, ୨୧।୩- ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟ କର୍ତ୍ତୃପକ୍ଷଙ୍କ ଦାୟିତ୍ୱହୀନତା ନେଇ ପୁଣି ଅଭିଯୋଗ ଆଣିଛନ୍ତି ରୋଗୀ ଓ ସେମାନଙ୍କ ସମ୍ପର୍କୀୟ। ବର୍ଜ୍ୟବସ୍ତୁ ପରିଚାଳନା ନିୟମ ଠିକ୍‌ ଭାବେ ପାଳନ କରାଯାଉ ନ ଥିବା ସେମାନେ ଅଭିଯୋଗ କରିଛନ୍ତି। 


Model This Week

ଚନ୍ଦନ, ସରିତା, ସୁଶିଲ, ସଙ୍ଘମିତ୍ରା