ଉପକୂଳ ଓଡିଶା

୩୫ ବର୍ଷରେ ବି ହୋଇପାରୁନି ମାଷ୍ଟର ପ୍ଲାନ୍‌

ଜଗତ୍‌ସିଂହପୁର ଅଫିସ,୮।୩-ଜିଲା ମୁଖ୍ୟାଳୟ ଜଗତ୍‌ସିଂହପୁରରେ ଜିଲାପାଳ, ଏସ୍‌ପିଙ୍କ କାର୍ଯ୍ୟାଳୟ ସମେତ ଏକାଧିକ ସରକାରୀ ଓ ବେସରକାରୀ କାର୍ଯ୍ୟାଳୟ ରହିଛି। ରାସ୍ତା ପାର୍ଶ୍ୱରେ ଶହସ୍ରାଧିକ ବ୍ୟବସାୟ ପ୍ରତିଷ୍ଠାନ ସମେତ ଶିକ୍ଷାନୁଷ୍ଠାନ ଆଦି ଅଛି। କିନ୍ତୁ ସବୁ ବେସଜଡା। ଦୁଃଖର କଥା ହେଲା ଏହି ସହରର ବିକାଶ ପାଇଁ ଦୀର୍ଘ ୩୫ ବର୍ଷ ଭିତରେ ହୋଇପାରନି ମାଷ୍ଟର ପ୍ଲାନ୍‌। ସହର ବିକାଶ ପାଇଁ ଜଗତ୍‌ସିଂହପୁର ଆଞ୍ଚଳିକ ଉନ୍ନୟନ ସଂସ୍ଥା (ଜେଆର୍‌ଆଇଟି) ଥିଲେ ସୁଦ୍ଧା ତାହା କୋମାରେ ରହିଛି। ଜଣେ ମାତ୍ର ବରିଷ୍ଠ କିରାଣିରେ ଚାଲିଛି ଉପରଠାଉରିଆ କାମ। ନୂଆ ମାଷ୍ଟର ପ୍ଲାନ୍‌ ପାଇଁ ବର୍ଷାଧିକ କାଳ ପୂର୍ବରୁ ଟେଣ୍ଡର ହୋଇଥିଲା। କିନ୍ତୁ ନାନା କାରଣ ଦର୍ଶାଯାଇ ତାହା ବାତିଲ କରିଦିଆଯାଇଛି। ଜଗତ୍‌ସିଂହପୁର ସହର ଦିନକୁ ଦିନ ସମ୍ପ୍ରସାରିତ ହେଉଛି। ଗାନ୍ଧୀ ଛକ ଛକ-ପୁରୋହିତପୁର, ଗାନ୍ଧୀ ଛକ-ନୂଆ ବସଷ୍ଟାଣ୍ଡ, ସାନବଜାର-ଅତାମଳା ଆଦି ରାସ୍ତା ପାର୍ଶ୍ୱ ଓ ଅନ୍ୟ ଅଞ୍ଚଳରେ ଜନବସତି, ଦୋକାନ, ବଜାର ବୃଦ୍ଧି ପାଇଛି। ପୁନଙ୍ଗ ନିକଟ ପୋଲିସ ରିଜର୍ଭ କାର୍ଯ୍ୟାଳୟ, ଆର୍‌ଡବ୍ଲ୍ୟୁଏସ୍‌ଏସ୍‌ ଆଦି ଏକାଧିକ ସରକାରୀ କାର୍ଯ୍ୟାଳୟ ହେଲାଣି। ଅନ୍ୟପଟେ ଜଗତ୍‌ସିଂହପୁର ସହରରୁ ୭ କିଲୋମିଟର ଦୂର ଡିଆର୍‌ଡିଏ କାର୍ଯ୍ୟାଳୟ, କାଳୀ ଛକ ନିକଟ ଆର୍‌ଟିଓ କାର୍ଯ୍ୟାଳୟ, ନୂଆ ବସଷ୍ଟାଣ୍ଡ ପାଖ ଜିଲା ଶିଳ୍ପ କେନ୍ଦ୍ର, ପିଏଚ୍‌ଡି ଆଦି ସରକାରୀ କାର୍ଯ୍ୟାଳୟ ଲୋକଙ୍କୁ ଅଡୁଆରେ ପକାଉଛି। କେଉଁ କାର୍ଯ୍ୟାଳୟ କେଉଁପଟେ ତାହା ଜାଣିବା ଏବଂ ପାଇବା ପାଇଁ ଲୋକେ ନାହିଁ ନ ଥିବା ସମସ୍ୟାର ସମ୍ମୁଖୀନ ହେଉଛନ୍ତି। ସହରର କଳେବର ବିନା ଯୋଜନାରେ ବୃଦ୍ଧି ହେଉଥିଲେ ସୁଦ୍ଧା ଏଥିପ୍ରତି ସରକାରୀସ୍ତରରେ ଧ୍ୟାନ ଦିଆଯାଉନାହିଁ। ରାସ୍ତା ଜବରଦଖଲ ସମସ୍ୟାର ସମାଧାନ ପାଇଁ ଜିଲା ପ୍ରଶାସନ ତରଫରୁ ଯଦିଓ କିଛିଟା ପଦକ୍ଷେପ ନିଆଯାଇଛି ତଥାପି ତାହା ଯଥେଷ୍ଟ ନୁହେଁ। କାରଣ ଉଠାଦୋକାନୀଙ୍କୁ ଉପଯୁକ୍ତ ସ୍ଥାନରେ ବ୍ୟବସାୟ ପାଇଁ ସୁଯୋଗ ଦେବାରେ କେତେକ ସମସ୍ୟା ଉପୁଜୁଛି। ଜଗତ୍‌ସିଂହପୁର ସହର ଭିତର ମୁଖ୍ୟ ରାସ୍ତା ଜାତୀୟ ରାଜପଥ କର୍ତ୍ତୃପକ୍ଷଙ୍କ ଅଧୀନକୁ ଯାଇଛି। ହେଲେ ଏହି ରାସ୍ତା କାମ ଠିକ ଭାବେ ହୋଇପାରୁନି। ପୂର୍ବବତ ରାସ୍ତା ସଙ୍କୁଚିତ ଥିବାରୁ ଲୋକେ ଯାତାୟାତରେ ଅସୁବିଧାର ସମ୍ମୁଖୀନ ହେଉଛନ୍ତି। ଜେଆର୍‌ଆଇଟି କାର୍ଯ୍ୟାଳୟଟି କେବଳ ପ୍ରଦର୍ଶନୀ ପରି ରହିଛି। ଏହି କାର୍ଯ୍ୟାଳୟ ଜିଲାପାଳଙ୍କ କାର୍ଯ୍ୟାଳୟ ପରିସର ରେଲ୍‌ଓ୍ବେ କାଉଁଣ୍ଟର ପାର୍ଶ୍ୱରେ ଯେଭଳି ଅବସ୍ଥାରେ ଅଛି ତାହା ଅଧିକାଂଶ ଲୋକେ ଜାଣନ୍ତି ନାହିଁ। ଏହାର ଦାୟିତ୍ୱରେ ଜଣେ ମାତ୍ର କିରାଣି ଅଛନ୍ତି। ସେ ଅଧିକାଂଶ ଦିନ ଅନୁପସ୍ଥିତ ରହୁଛନ୍ତି। ତେଣୁ ଜେଆର୍‌ଆଇଟି କାର୍ଯ୍ୟାଳୟ ଉନ୍ନତୀକରଣ ସହ ଜଣେ ଅଧିକାରୀ ଓ ଅନ୍ୟ ପଦବୀ ପୂରଣ ସହ ନୂଆ ପଦବୀ ସୃଷ୍ଟି କରାଯିବା ଦରକାର। ସୂଚନା ଅନୁଯାୟୀ, ଏଠାରେ ଅନୁମୋଦିତ ୩ ଜଣ କର୍ମଚାରୀଙ୍କ ମଧ୍ୟରେ ଜଣେ ବରିଷ୍ଠ କିରାଣି, ଜଣେ କନିଷ୍ଠ କିରାଣି ଏବଂ ଜଣେ ଚୌକିଦାର ପଦବୀ ରହିଛି। ଏଥିମଧ୍ୟରେ ଚୌକିଦାରଙ୍କ ମୃତ୍ୟୁ ହୋଇ ଯାଇଥିବା ବେଳେ କନିଷ୍ଠ କିରାଣି ବର୍ଷାଧିକ କାଳ ଛୁଟିରେ ଅଛନ୍ତି। କେବଳ ବରିଷ୍ଠ କିରାଣି କାର୍ଯ୍ୟାଳୟ ଚଳାଉଛନ୍ତି। ଏସବୁ ସମସ୍ୟାର ସମାଧାନ ପାଇଁ ରାଜନୈତିକ ଓ ପ୍ରଶାସନିକ ଇଛାଶକ୍ତିର ଅଭାବ ପରିଲକ୍ଷିତ ହେଉଛି। ୧୯୮୨ରେ ୧ମ ମାଷ୍ଟର ପ୍ଲାନ୍‌ ହୋଇଥିଲା। ସେତେବେଳେ ସ୍ପେଶାଲ ପ୍ଲାନିଂ ଅଥରିଟି ଥିଲା। ପରେ ପାରାଦୀପ-ଜଗତ୍‌ସିଂହପୁର ରିଜିଓନାଲ ଇମ୍ପ୍ରୁଭମେଣ୍ଟ ଟ୍ରଷ୍ଟ ଓ ତା’ପରେ ଜେଆର୍‌ଆଇଟି ହେଲା। ଜେଆର୍‌ଆଇଟି ପାଇଁ ୨୦୦୫ରେ ବିଜ୍ଞପ୍ତି ପ୍ରକାଶ ପାଇ ୨୦୦୬ରେ ଜିଲାପାଳଙ୍କ କାର୍ଯ୍ୟାଳୟ ପରିସର ରେଲୱେ ବୁକିଂ କାଉଣ୍ଟର ପାର୍ଶ୍ୱରେ କାର୍ଯ୍ୟକ୍ଷମ ହେଲା। ୨୮ା୨ା୨୦୦୬ରେ ତତ୍କାଳୀନ ନଗର ଉନ୍ନୟନ ଓ ସାଧାରଣ ଉଦ୍ୟୋଗ ମନ୍ତ୍ରୀ କନକବର୍ଦ୍ଧନ ସିଂହଦେଓ ଜେଆର୍‌ଆଇଟିକୁ ଆନୁଷ୍ଠାନିକ ଭାବେ ଉଦ୍‌ଘାଟନ କରିଥିଲେ। ଜେଆର୍‌ଆଇଟି ସହରର ନବୀକରଣରେ ସହାୟକ ହେବ ବୋଲି ସେତେବେଳେ ଆଶା କରାଯାଉଥିଲା। ବିଶେଷକରି ନୂଆ ମାଷ୍ଟର ପ୍ଲାନ୍‌ ପ୍ରସ୍ତୁତ କରି ଅସଜଡା ସହରକୁ ସଜାଡିବ। କିନ୍ତୁ ଯଥା ପୂର୍ବଂ ତଥା ପରଂ। ଏହି ସଂସ୍ଥା ମୁଖ୍ୟତଃ ନୂଆ ବିଲ୍ଡିଂ ଲାଇସେନ୍ସ ଦେଇ ଚାଲିଛି। ଆଉ କନଭର୍ସନ୍‌ ମାମଲାଗୁଡିକର ଫଏସଲା କରୁଛି। ଏହି କାମ ମଧ୍ୟ ଠିକ ଭାବେ ହୋଇପାରୁନି। ଲାଇସେନ୍ସ ଦେବାରେ ମଧ୍ୟ ଅହେତୁକ ବିଳମ୍ବ ଯୋଗୁ ଅସନ୍ତୋଷ ବୃଦ୍ଧି ପାଉଛି । ଏ ସମ୍ପର୍କରେ କେତେଜଣ ବ୍ୟକ୍ତି ସେମାନଙ୍କ ପ୍ରତିକ୍ରିୟାରେ କହିଛନ୍ତି, ଜେଆର୍‌ଆଇଟି ଅଛି ବୋଲି ସେମାନେ ଅନୁଭବ କରୁନାହାନ୍ତି। ସହର ନବୀକରଣ ଯୋଜନା ଫାଇଲ ତଳେ ଲୁଚି ରହିଛି।
All Right Reserved By

ଉପକୂଳ ଓଡିଶା

କଣିଆ-ଥାଇଳୋ ରାସ୍ତାରେ ଗୁଳିକାଣ୍ଡ : ଅଭିଯୁକ୍ତଙ୍କୁ ଗିରଫ ନ କଲେ ଥାନା ଘେରାଉ

କଣିଆ-ଥାଇଳୋ ରାସ୍ତାରେ ଗୁଳିକାଣ୍ଡ : ଅଭିଯୁକ୍ତଙ୍କୁ ଗିରଫ ନ କଲେ ଥାନା ଘେରାଉ

ବାଲିକୁଦା,୨୫ା୩(ସ୍ବ.ପ୍ର.): ବାଲିକୁଦା ଥାନା କଣିଆ-ଥାଇଳୋ ରାସ୍ତାରେ ୫ଦିନ ତଳେ ହୋଇଥିବା ଗୁଳିମାଡ଼ ଘଟଣାରେ ପୋଲିସ ଅଦ୍ୟାବଧି ଅଭିଯୁକ୍ତଙ୍କୁ ଗିରଫ କରିପାରିନାହିଁ। 

ପିଡିଏର ଜାଗା ବିକ୍ରିକୁ ନେଇ ତୀବ୍ର ଉତ୍ତେଜନା : ନିର୍ମାଣ ବନ୍ଦ କଲେ ତହସିଲଦାର

ପିଡିଏର ଜାଗା ବିକ୍ରିକୁ ନେଇ ତୀବ୍ର ଉତ୍ତେଜନା : ନିର୍ମାଣ ବନ୍ଦ କଲେ ତହସିଲଦାର

କୁଜଙ୍ଗ,୨୫ା୩(ସ୍ବ.ପ୍ର.): କୁଜଙ୍ଗ ତହସିଲ କାର୍ଯ୍ୟାଳୟ ସମ୍ମୁଖ ଏକ ସରକାରୀ ଜାଗାକୁ ପିଡିଏ(ପାରାଦୀପ ଡେଭଲପ୍‌ମେଣ୍ଟ ଅଥରିଟି) ପକ୍ଷରୁ ବେଆଇନ ଭାବରେ ଜଣେ ବ୍ୟବସାୟୀଙ୍କୁ ବିକ୍ରି କରାଯାଇଥିବା ଅଭିଯୋଗ ହୋଇଛି। 

ଠକାମୀ: ରେଲ୍‌ୱେ ଟିକେଟ୍‌ ଟଙ୍କା ଫେରସ୍ତ ଘଟଣା, ଜମାଖାତାରୁ ଲୁଟି ନେଲେ ୧ଲକ୍ଷ ୭ହଜାର ଟଙ୍କା

ଠକାମୀ: ରେଲ୍‌ୱେ ଟିକେଟ୍‌ ଟଙ୍କା ଫେରସ୍ତ ଘଟଣା, ଜମାଖାତାରୁ ଲୁଟି ନେଲେ ୧ଲକ୍ଷ ୭ହଜାର ଟଙ୍କା

ରଣପୁର,୨୪ା୩(ସ୍ବ.ପ୍ର.)-ଠକମାନେ ବିଭିନ୍ନ ଉପାୟରେ ବ୍ୟାଙ୍କ ଜମାଖାତାରୁ ଅନ୍ୟଜଣଙ୍କ ଟଙ୍କା ଉଠାଇ ଦେଇଥିବାବେଳେ ଏବେ ଏକ ଭିନ୍ନ ଉପାୟରେ ଠକାମୀର ଶିକାର ହୋଇଛନ୍ତି ଜଣେ ଜମାକାରୀ। ରେଲ୍‌ୱେ ଟିକେଟ୍‌ ଟଙ୍କା ତୁମ ଆକାଉଣ୍ଟରେ ଫେରସ୍ତ କରିବାକୁ କହି ନୟାଗଡ ଜିଲା ରଣପୁର ଥାନା ଲେଖନପୁର ଗ୍ରାମର ଜଣେ ବ୍ୟକ୍ତି ଓ ତାଙ୍କ ସ୍ତ୍ରୀଙ୍କ ବ୍ୟାଙ୍କ ଜମାଖାତାରୁ ଶନିବାର ୧ଲକ୍ଷ ୭ହଜାର ୮୧୭ଟଙ୍କା ଉଠାଇ ନେଇଥିବା ଅଭିଯୋଗ ହୋଇଛି। 

‘ଆତ୍ମଜୀବନୀ ସଂଘର୍ଷ, ସଂଗ୍ରାମ ପାଇଁ ଉତ୍ସାହ’

‘ଆତ୍ମଜୀବନୀ ସଂଘର୍ଷ, ସଂଗ୍ରାମ ପାଇଁ ଉତ୍ସାହ’

ଧର୍ମଶାଳା,୨୪।୩ (ଡି.ଏନ୍‌.ଏ.)-  ଧର୍ମଶାଳା ବ୍ଲକ ଅନ୍ତର୍ଗତ ଜାରକାସ୍ଥିତ କଳ୍ପତରୁ ଦାସ ଇଣ୍ଡୋର ଷ୍ଟାଡିୟମ ପରିସରରେ ରବିବାର କେନ୍ଦ୍ର ସାହିତ୍ୟ ଏକାଡେମୀ ଓ ଗୋକର୍ଣ୍ଣିକା ସାହିତ୍ୟ ସମାଜ ମିଳିତ ଆନୁକୂଲ୍ୟରେ ଏକ ଜାତୀୟ ଆଲୋଚନାଚକ୍ର ଓ ସାହିତ୍ୟ ଉତ୍ସବ ଅନୁଷ୍ଠିତ ହୋଇଯାଇଛି। ‘ଓଡ଼ିଆ ଜୀବନୀ ଓ ଆତ୍ମଜୀବନ ସାହିତ୍ୟ ଶୀର୍ଷକ’ ଆଲୋଚନା ସଭାକୁ ଉତ୍କଳ ବିଶ୍ୱବିଦ୍ୟାଳୟ ଇଂରାଜୀ ବିଭାଗ ଅବସରପ୍ରାପ୍ତ ପ୍ରଫେସର ଯତୀନ୍ଦ୍ର କୁମାର ନାୟକ ଉଦ୍‌ଘାଟନ କରିଥିଲେ। 

ନିଖୋଜ ବୃଦ୍ଧଙ୍କ ମୃତଦେହ ଉଦ୍ଧାର

ନିଖୋଜ ବୃଦ୍ଧଙ୍କ ମୃତଦେହ ଉଦ୍ଧାର

ବରୀ,୨୪ା୩(ସ୍ବ.ପ୍ର.)- ବରୀ ଥାନା ଅଧୀନ ମେଦୁଆକୂଳ ଗ୍ରାମର ଏକ ନାଳରୁ ରବିବାର ଜଣେ ନିଖୋଜ ବୃଦ୍ଧ ଉଦ୍ଧାର ହୋଇଛନ୍ତି। ସେ ହେଲେ ଉକ୍ତ ଗ୍ରାମର ଅଲେଖ ଚନ୍ଦ୍ର ଦାସ (୬୦)। ରବିବାର ସକାଳେ ଗ୍ରାମ ନିକଟ ଏକ ନାଳରେ ବୃଦ୍ଧା ଜଣକ ଭାସୁଥିବାର ଗ୍ରାମଲୋକେ ଦେଖିଥିଲେ। 

ଅଢଙ୍ଗଗଡ଼ ବରିଷ୍ଠ ନାଗରିକ ମଞ୍ଚ ଅଧିବେଶନ: ସାମାଜିକ ବିକାଶକୁ ଗୁରୁତ୍ୱ

ଅଢଙ୍ଗଗଡ଼ ବରିଷ୍ଠ ନାଗରିକ ମଞ୍ଚ ଅଧିବେଶନ: ସାମାଜିକ ବିକାଶକୁ ଗୁରୁତ୍ୱ

ବିରିଡି,୨୪।୩(ଡି.ଏନ.ଏ): ବିରିଡ଼ି ବ୍ଲକ ଅଢଙ୍ଗଗଡ଼ ବରିଷ୍ଠ ନାଗରିକ ମଞ୍ଚର ପ୍ରଥମ ବାର୍ଷିକ ସାଧାରଣ ଅଧିବେଶନ ମହାପୁରୁଷ ଯଶୋବନ୍ତ ଦାସଙ୍କ ଦର୍ଶନ ମଣ୍ଡପଠାରେ ରବିବାର ଅନୁଷ୍ଠିତ ହୋଇଛି। ମଞ୍ଚର ସଭାପତି ପଦ୍ମନାଭ ଭୋଇଙ୍କ ପୌରୋହିତ୍ୟରେ ଅନୁଷ୍ଠିତ ବୈଠକରେ ଜଗତସିଂହପୁର ଜିଲା ବରିଷ୍ଠ ନାଗରିକ ସଂଘ ସେଲର ଆଇନ ଉପଦେଷ୍ଟା ଧୀରେନ୍ଦ୍ର ନାଥ ଆଚାର୍ଯ୍ୟ ଯୋଗ ଦେଇଥିଲେ। 

ଶ୍ୟାମସୁନ୍ଦରପୁର ଦୋଳ ମେଳଣ

ଶ୍ୟାମସୁନ୍ଦରପୁର ଦୋଳ ମେଳଣ

କେନ୍ଦ୍ରାପଡା ଅଫିସ, ୨୪ା୩- କେନ୍ଦ୍ରାପଡା ବ୍ଲକ ଅନ୍ତର୍ଗତ ଶ୍ୟାମସୁନ୍ଦରପୁର ଗ୍ରାମର ପ୍ରସିଦ୍ଧ ମହାନ୍ତି ସାହି ମେଳଣ ଇତିମଧ୍ୟରେ ଅନୁଷ୍ଠିତ ହୋଇଯାଇଛି। ଏହି ଉପଲକ୍ଷେ ୯ଟି ସୁସଜ୍ଜିତ ବିମାନରେ ଶ୍ରୀଜୀଉମାନେ ପ୍ରତ୍ୟୁଷରେ ବାହାରି ବାଜା ଓ ରୋଷଣୀ ସହ ମେଳଣ ପଡିଆରେ ପହଞ୍ଚତ୍ଥିଲେ ।

ଚଉଦକୁଲାଟ ଛାମୁ ମେଳଣ ଶେଷ

ଚଉଦକୁଲାଟ ଛାମୁ ମେଳଣ ଶେଷ

କେନ୍ଦ୍ରାପଡା ଅଫିସ, ୨୪ା୩- କେନ୍ଦ୍ରାପଡାର ଚଉଦକୁଲାଟସ୍ଥିତ ଶ୍ରୀ ଦଧିବାମନଜୀଉଙ୍କ ମନ୍ଦିର ପ୍ରାଙ୍ଗଣରେ ରବିବାର ଛାମୁ ମେଳଣ ଶେଷ ହୋଇଛି ା ଏହି ମେଳଣରେ ଆଖପାଖ ଅଞ୍ଚଳର ୨୦ରୁ ଊର୍ଦ୍ଧ୍ୱ ଶ୍ରୀ ରାଧାକୃଷ୍ଣଙ୍କ ଯୁଗଳ ମୂର୍ତ୍ତି ସାମିଲ ହୋଇଥିଲେ ା 

ଶ୍ରୀଶ୍ରୀ ଗାଦିଶ୍ୱରଦେବଙ୍କ ଦଣ୍ଡ ଉତ୍ସବ: ବାହ୍ୟ ଭ୍ରମଣରେ ବାହାରିବେ ଠାକୁର

ଶ୍ରୀଶ୍ରୀ ଗାଦିଶ୍ୱରଦେବଙ୍କ ଦଣ୍ଡ ଉତ୍ସବ: ବାହ୍ୟ ଭ୍ରମଣରେ ବାହାରିବେ ଠାକୁର

କୃଷ୍ଣପ୍ରସାଦ,୨୪ା୩(ଡି.ଏନ.ଏ.)-ପୁରୀ ଜିଲା କୃଷ୍ଣପ୍ରସାଦ ବ୍ଲକର ଆରାଧ୍ୟ ଦେବତା ଦଳବେହେରା ସାହିସ୍ଥିତ ଶ୍ରୀଶ୍ରୀ ଗାଦିଶ୍ୱରଦେବଙ୍କ ଦଣ୍ଡଯାତ୍ରା ଉତ୍ସବ ରବିବାରଠାରୁ ଆରମ୍ଭ ହୋଇଯାଇଛି। ନିଶାର୍ଦ୍ଧରେ ଠାକୁରଙ୍କୁ କୋଠୀ ଭଗତାମାନଙ୍କ ଦ୍ୱାରା ଆବାହନ କରାଯାଇଥିଲା ।

୨ ଲୁଟେରାଙ୍କୁ  କୋର୍ଟ ଚାଲାଣ

୨ ଲୁଟେରାଙ୍କୁ କୋର୍ଟ ଚାଲାଣ

ଚଣ୍ଡିଖୋଲ,୨୪।୩ (ଡି.ଏନ୍‌.ଏ.)- ଯାଜପୁର ଜିଲା ବଡଚଣା ଥାନା ଅନ୍ତର୍ଗତ ଚଣ୍ଡିଖୋଲ ଫାଣ୍ଡି ପୋଲିସ ଶନିବାର ରାତିରେ ୨ ଲୁଟେରାଙ୍କୁ ଗିରଫ କରିଛି। ସେମାନେ ହେଲେ ଏହି ଥାନା ଅନ୍ତର୍ଗତ ସୁଙ୍ଗୁଡା ଗ୍ରାମର  ରଶ୍ମୀରଞ୍ଜନ ମହାଲା ଓ କୁନ୍ଦଳ ଗ୍ରାମର ଜୟ କିଷାନ ଜେନା। ରବିବାର ସେମାନଙ୍କୁ  କୋର୍ଟ ଚାଲାଣ କରାଯାଇଛି। ଉଭୟ ପୂର୍ବରୁ ଅନେକ  ଲୁଟ୍‌ ଘଟଣାରେ ସମ୍ପୃକ୍ତି ଥିବା ଜଣାପଡିଛି। ସେମାନଙ୍କ ନାମରେ ବିଭିନ୍ନ ଥାନାରେ ୧୦ରୁ ଊର୍ଦ୍ଧ୍ୱ ମାମଲା ରହିଥିବା ବେଳେ ଦୀର୍ଘ ଦିନ ହେବ ପୋଲିସକୁ ଚକମା ଦେଇ ବୁଲୁଥିଲେ। 

 ନୟାଗଡ଼ରୁ ନିର୍ବାଚନ ପ୍ରଚାର ଆରମ୍ଭ କଲେ  ମୁଖ୍ୟମନ୍ତ୍ରୀ: କହିଲେ ଆମ ରିମୋର୍ଟ  ସାଢ଼େ ୪ କୋଟି ଓଡ଼ିଆଙ୍କ ହାତରେ

ନୟାଗଡ଼ରୁ ନିର୍ବାଚନ ପ୍ରଚାର ଆରମ୍ଭ କଲେ ମୁଖ୍ୟମନ୍ତ୍ରୀ: କହିଲେ ଆମ ରିମୋର୍ଟ ସାଢ଼େ ୪ କୋଟି ଓଡ଼ିଆଙ୍କ ହାତରେ

ନୟାଗଡ଼ ଅଫିସ,୨୪।୩: ଆସନ୍ତା ସାଧାରଣ ନିର୍ବାଚନ ପଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରବିବାର ନୟାଗଡ଼ ଷ୍ଟାଡିୟମରୁ ନିର୍ବାଚନ ପ୍ରଚାର ଆରମ୍ଭ କରିଛନ୍ତି ।  ମଧ୍ୟାହ୍ନରେ ମୁଖମନ୍ତ୍ରୀ  ଷ୍ଟାଡିୟମଠାରେ ଆୟୋଜିତ  ଦଳୀୟ ସମାବେଶରେ ଯୋଗଦେଇ ଉଦ୍‌ବୋଧନ ଦେଇଛନ୍ତି।

ବାଇକ୍‌କୁ ଧକ୍କା ଦେଲା ହାଇଓ୍ବା: ୧ ମୃତ, ଡ୍ରାଇଭରଙ୍କୁ ଗିରଫ ଦାବିରେ କୁଆଖିଆ-ଯାଜପୁର ମୁଖ୍ୟ ରାସ୍ତା ଅବରୋଧ

ବାଇକ୍‌କୁ ଧକ୍କା ଦେଲା ହାଇଓ୍ବା: ୧ ମୃତ, ଡ୍ରାଇଭରଙ୍କୁ ଗିରଫ ଦାବିରେ କୁଆଖିଆ-ଯାଜପୁର ମୁଖ୍ୟ ରାସ୍ତା ଅବରୋଧ

ରସୁଲପୁର,୨୪।୩: ଯାଜପୁର ସଦର ଥାନା ଅନ୍ତର୍ଗତ ୨୦ନଂ. ଜାତୀୟ ରାଜପଥ ମହେଶ୍ୱରପୁର ପଞ୍ଚାୟତ ନିକଟରେ ରବିବାର ଦୁର୍ଘଟଣା ଘଟିଛି।  


Model This Week

ରଶ୍ମି
Why Dharitri