ରାଜ୍ୟ |

କେନ୍ଦୁପତ୍ର ମୂଲ୍ୟ ୨୫% ବୃଦ୍ଧି

କେନ୍ଦୁପତ୍ର ମୂଲ୍ୟ ୨୫% ବୃଦ୍ଧି

ଭୁବନେଶ୍ୱର,୮। ୩(ବ୍ୟୁରୋ): ଚଳିତ ବର୍ଷ ପାଇଁ ରାଜ୍ୟ ସରକାର କେନ୍ଦୁପତ୍ର ମୂଲ୍ୟ୨୫% ବୃଦ୍ଧି କରିଛନ୍ତି। କେରି (୨୦ଟି ପତ୍ର) ପିଛା ୨୦ ପଇସା ବୃଦ୍ଧି କରାଯାଇଛି। ପୂର୍ବରୁ କେରି ପିଛା ତୋଳାଳିମାନେ ୮୦ ପଇସା ପାଉଥିବା ବେଳେ ଏଣିକି ୧ ଟଙ୍କା ପାଇବେ। ସେହିପରି କୋରାପୁଟ ଓ ମାଲକାନଗିରି ଜିଲାର ଫାଲ ଅଞ୍ଚଳରେ ସିଧାସଳଖ ବିକ୍ର କରୁଥିବା ତୋଳାଳିମାନଙ୍କୁ ୪୦ଟି ପତ୍ର ଥିବା ବିଡା ପାଇଁ ୪୦ ପଇସା ବୃଦ୍ଧି କରାଯାଇଛି। ଏହି ବିଡାକୁ ୧ଟଙ୍କା ୬୦ ପଇସାରୁ ୨ଟଙ୍କାକୁ ବୃଦ୍ଧି କରାଯାଇଛି। ଗୁରୁବାର ସଚିବାଳୟଠାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦୁପତ୍ର ଉନ୍ନୟନ ପରିଷଦ ବୈଠକରେ ଏହି ନିଷ୍ପତ୍ତି ନିଆଯାଇଛି। ଏଥିସହିତ ତୋଳାଳିମାନଙ୍କୁ ଗତ ବର୍ଷ ବିକ୍ରି ମୂଲ୍ୟ ଉପରେ ୧୦୦ ପ୍ରତିଶତ ବୋନସ ପ୍ରଦାନ କରାଯିବ। ଲାଭାଂଶରୁ ଏହି ବୋନସ ଦିଆଯିବ। ଉକ୍ତ ବର୍ଷ ପାଇଁ ସାମୟିକ ବନ୍ଧାଳି ଓ କର୍ମଚାରୀମାନଙ୍କ ମଜୁରିରେ ମଧ୍ୟ ୨୦ ପ୍ରତିଶତ ହିସାବରେ ପ୍ରୋତ୍ସାହନ ରାଶି ବୃଦ୍ଧି କରାଯାଇଛି। ମୁଖ୍ୟମନ୍ତ୍ରୀ କହିଛନ୍ତି ଯେ ରାଜ୍ୟରେ ପ୍ରାୟ ୭.୫ ଲକ୍ଷ କେନ୍ଦୁପତ୍ର ତୋଳାଳି ଓ ୨୬ ହଜାର ବନ୍ଧାଳି ଅଛନ୍ତି। କେନ୍ଦୁପତ୍ରରୁ ଆଦାୟ ହେଉଥିବା ସମସ୍ତ ଲାଭ ସେମାନଙ୍କ ଉନ୍ନତି ପାଇଁ ବିନିଯୋଗ କରାଯାଉଛି। ଏ ବାବଦରେ ୨୦୧୬-୧୭ରେ ୧୮୫ କୋଟି ଟଙ୍କା ପ୍ରଦାନ କରାଯାଇଥିଲା।
୨୦୧୭-୧୮ ଆର୍ଥିକବର୍ଷରେ ବୋର୍ଡ ପକ୍ଷରୁ କେନ୍ଦୁପତ୍ର ତୋଳାଳି, ବନ୍ଧାଳି ଓ କର୍ମଚାରୀଙ୍କ ବିଭିନ୍ନ କଲ୍ୟାଣ ପାଇଁ ବୋର୍ଡ ପକ୍ଷରୁ ୪୦ କୋଟି ଟଙ୍କା ଖର୍ଚ୍ଚ କରାଯାଇଛି।
ଏଠାରେ ସୂଚନା ଯୋଗ୍ୟ ଯେ କେନ୍ଦୁପତ୍ର ତୋଳାଳି ଓ ବନ୍ଧାଳିଙ୍କ ପାଇଁ ଆମ୍‌ ଆଦମୀ ବୀମା ଯୋଜନା କାର୍ଯ୍ୟକାରୀ କରାଯାଉଥିବା ବେଳେ ସେମାନଙ୍କୁ ମଶାରି, କମ୍ବଳ, ଲଣ୍ଠନ ପ୍ରଦାନ କରାଯାଉଛି। ଏଥିସହିତ ବନ୍ଧଳିମାନଙ୍କୁ ପ୍ରତି ୩ ବର୍ଷରେ ଥରେ ଲଣ୍ଠନ ପାଇଁ ଆର୍ଥିକ ସହାୟତା ପ୍ରଦାନ କରାଯାଉଛି। ସେହିପରି ପ୍ରତିବର୍ଷ ଚପଲ ପାଇଁ ଆର୍ଥିକ ସହାୟତା ଯୋଗାଇ ଦିଆଯାଉଛି। ତୃଣମୂଳ ସ୍ତରରେ ତୋଳାଳି ଓ ବନ୍ଧାଳିଙ୍କୁ ସଂଗଠିତ କରିବା ପାଇଁ ଏକ ଟ୍ରଷ୍ଟ କାର୍ଯ୍ୟ କରୁଛି। ଏହାଛଡା ନିୟମିତ ଭାବେ ଶ୍ରମିକମାନଙ୍କ ସ୍ବାସ୍ଥ୍ୟ ପରୀକ୍ଷା କରାଯିବା ସହ ଆଭ୍ୟନ୍ତରୀଣ ଅଞ୍ଚଳରେ ପାନୀୟ ଜଳ ଯୋଗାଇବା ପାଇଁ ନଳକୂପ ଖନନ କାର୍ଯ୍ୟ ଟ୍ରଷ୍ଟ ଦ୍ୱାରା କରାଯାଉଛି।
ଏହି ବୈଠକରେ ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ, ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ, ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ, ଜଙ୍ଗଲ ଓ ପରିବେଶ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର, ପିସିଏଫ(ଫରେଷ୍ଟ), କେନ୍ଦୁପତ୍ର ଉନ୍ନୟନ ପରିଷଦ ସଭାପତି ଓ ବିଭିନ୍ନ ପଞ୍ଚାୟତ ପ୍ରତିନିଧିମାନେ ଯୋଗ ଦେଇଥିଲେ।

All Right Reserved By

ରାଜ୍ୟ |

କିଛି ଫରକ ପଡ଼ିବ ନାହିଁ: ଦେବାଶିଷ ସାମନ୍ତରାୟ

କିଛି ଫରକ ପଡ଼ିବ ନାହିଁ: ଦେବାଶିଷ ସାମନ୍ତରାୟ

ଭୁବନେଶ୍ୱର,୨୪।୬(ବ୍ୟୁରୋ): ବିଜେଡି ଛାଡ଼ି ନିକଟରେ ଏମ୍‌ପି ପଦରୁ ଇସ୍ତଫା ଦେଇଥିବା ବୈଜୟନ୍ତ ପଣ୍ଡା ଭାଜପା ନେତା ସମୀର ଦେ’ଙ୍କ ଘରକୁ ଯିବା ନେଇ ରାଜନୀତି ଜୋର୍‌ ଧରିଛି। ଏ ସମ୍ପର୍କରେ ବାରବାଟୀ-କଟକ ବିଧାୟକ ଦେବାଶିଷ ସାମନ୍ତରାୟ କହିଛନ୍ତି ଯେ, ଏହି ଘଟଣା ବିଜେଡି ଉପରେ କୌଣସି ପ୍ରଭାବ ପକାଇବ ନାହିଁ।

ଗୋଷ୍ଠୀ ସଂଘର୍ଷ ଘଟଣାରେ ୨ ମାମଲା ରୁଜୁ, ୩ ଅଟକ

ଚାନ୍ଦବାଲି,୨୪।୬(ଡି.ଏନ୍‌.ଏ.): ଭଦ୍ରକ ଜିଲା ଚାନ୍ଦବାଲି ଥାନା ନାଲଗଣ୍ଡା ପଞ୍ଚାୟତ ପ୍ରତାପପୁର ଗ୍ରାମରେ ଶନିବାର ରାତିରେ ହୋଇଥିବା ଗୋଷ୍ଠୀ ସଂଘର୍ଷ ଘଟଣାରେ ୨ଟି ମାମଲା ରୁଜୁ ହୋଇଛି। ଏଥିରେ ୧୩ ଜଣଙ୍କୁ ପକ୍ଷଭୁକ୍ତ କରାଯାଇଥିବାବେଳେ ଆହତ ହୋଇ ଚିକିତ୍ସିତ ହେଉଥିବା ଲୋକଙ୍କ ମଧ୍ୟରୁ ରବିବାର ୩ଜଣଙ୍କୁ ଥାନାକୁ ଆଣି ପୋଲିସ ପଚରାଉଚରା କରୁଛି।

୫୭ ହୋଟେଲକୁ ନୋଟିସ୍‌ ପ୍ରସଙ୍ଗ: ଜିଲାପାଳଙ୍କୁ ଭେଟିବ ହୋଟେଲ ମାଲିକ ସଂଘ

୫୭ ହୋଟେଲକୁ ନୋଟିସ୍‌ ପ୍ରସଙ୍ଗ: ଜିଲାପାଳଙ୍କୁ ଭେଟିବ ହୋଟେଲ ମାଲିକ ସଂଘ

ପୁରୀ ଅଫିସ,୨୪।୬: ପୁରୀ ସମୁଦ୍ରକୂଳଠାରୁ ୩ଶହ ମିଟର ଦୂରରେ ରହିଥିବା ୫୭ଟି ହୋଟେଲକୁ ଜିଲା ପ୍ରଶାସନ ପକ୍ଷରୁ ନୋଟିସ୍‌ ଜାରି କରାଯାଇଥିଲା। ବେନିୟମ ଭାବେ ଭୂତଳ ଜଳ ଉତ୍ତୋଳନ କରୁଥିବାରୁ ହୋଟେଲରେ ଥିବା ବୋରଓ୍ବେଲଗୁଡ଼ିକ ୭ ଦିନ ମଧ୍ୟରେ ସିଲ୍‌ କରିବାପାଇଁ ନୋଟିସ୍‌ କରାଯାଇଥିଲା। ଏହି ପରିପ୍ରେକ୍ଷୀରେ ରବିବାର ପୁରୀ ହୋଟେଲ ମାଲିକ ସଂଘର ଜରୁରୀ ବୈଠକ ଅନୁଷ୍ଠିତ ହୋଇଥିଲା। ବୈଠକରେ ସଂଘର ସମ୍ପାଦକ ରାଜ କିଶୋର ପାତ୍ରଙ୍କ ନେତୃତ୍ୱରେ ଏକ ୧୧ ଜଣିଆ କମିଟି ଗଠନ କରାଯାଇଛି।

‘ଆମ ଗାଁ ଆମ ବିକାଶ’ ଲାଗି ପ୍ରସ୍ତୁତି ବୈଠକ

‘ଆମ ଗାଁ ଆମ ବିକାଶ’ ଲାଗି ପ୍ରସ୍ତୁତି ବୈଠକ

ବାସୁଦେବପୁର,୨୪।୬(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବପୁର ବ୍ଲକ କନ୍‌ଫରେନ୍ସ ହଲ୍‌ ପରିସରରେ ରବିବାର ‘ଆମ ଗାଁ ଆମ ବିକାଶ’ କାର୍ଯ୍ୟକ୍ରମ ଲାଗି ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ବିଡିଓ ବୀରକିଶୋର ପାଣିଗ୍ରାହୀ ସଭାପତିତ୍ୱ କରିଥିଲେ।

କାର୍‌ ଦୁର୍ଘଟଣାଗ୍ରସ୍ତ: ଜଣେ ମୃତ

କାର୍‌ ଦୁର୍ଘଟଣାଗ୍ରସ୍ତ: ଜଣେ ମୃତ

ଯାଜପୁର ଅଫିସ,୨୪।୬: ଯାଜପୁର ଜିଲା ଦେଇ ଯାଇଥିବା ୨୦ ନମ୍ବର ଜାତୀୟ ରାଜପଥର ତେନ୍ତୁଳିଡିହ ଗ୍ରାମରେ ରବିବାର ଭୋର ସମୟରେ ଏକ କାର୍‌ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ମଙ୍ଗଳପୁର ଗ୍ରାମର ଅବସରପ୍ରାପ୍ତ ଶିକ୍ଷକ ରମେଶଚନ୍ଦ୍ର ଜେନାଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି।

ଶ୍ରୀଜଗନ୍ନାଥଙ୍କ ସେନାପଟ ଓ ବାହୁଟ ସେବା : ଶ୍ରୀକ୍ଷେତ୍ରରେ ପହଞ୍ଚିଲା ବଉଳକାଠ

ଶ୍ରୀଜଗନ୍ନାଥଙ୍କ ସେନାପଟ ଓ ବାହୁଟ ସେବା : ଶ୍ରୀକ୍ଷେତ୍ରରେ ପହଞ୍ଚିଲା ବଉଳକାଠ

ସାକ୍ଷୀଗୋପାଳ, ୨୪।୬(ଡି.ଏନ୍‌.ଏ.): ରଥଯାତ୍ରାରେ ମହାପ୍ରଭୁ ଶ୍ରୀଜଗନ୍ନାଥ ଓ ବଡ ଠାକୁରଙ୍କ ସେନାପଟ ଓ ବାହୁଟ ସେବା ହୋଇଥାଏ। ଶ୍ରୀମନ୍ଦିରର ଗୁପ୍ତ ସେବା ମଧ୍ୟରେ ଏହିସେବା ଅନ୍ତର୍ଭୁକ୍ତ। ଏହି ସେବା ପାଇଁ ଦରକାର ପଡ଼ୁଥିବା ବଉଳକାଠ ଶନିବାର ରାତିରେ ପୁରୀ ଶ୍ରୀକ୍ଷେତ୍ରରେ ପହଞ୍ଚିଛି।

ବଳାତ୍କାର ଉଦ୍ୟମ ବିରୋଧ କରିବାରୁ ପିଲା ଚୋର କହି ମହିଳାଙ୍କୁ ମାଡ଼ ଘଟଣା: ୩ ଗିରଫ

ରାଉରକେଲା ଅଫିସ, ୨୪।୬-ରାଉରକେଲା ଇନ୍ଦିରାନଗରରେ ଜନୈକା ମହିଳାଙ୍କୁ ପିଲା ଚୋର କହି ପିଟିବା ଘଟଣା ନୂଆମୋଡ଼ ନେଇଛି। ରବିବାର ଘଟଣାର ସତ୍ୟତା ଜଣାପଡ଼ିଛି। ପୋଲିସ ଏହି ଘଟଣାରେ ୩ଜଣଙ୍କୁ ଗିରଫ କରିଛି। ଗତ ୧୭ ତାରିଖ ରାତିର ଘଟଣା।

ଭାଜପାର ବୁଦ୍ଧିଜୀବୀ ସମ୍ମିଳନୀ

ଭାଜପାର ବୁଦ୍ଧିଜୀବୀ ସମ୍ମିଳନୀ

ଠାକୁରମୁଣ୍ଡା,୨୪।୬(ଡି.ଏନ୍‌.ଏ.): ମୟୂରଭଞ୍ଜ ଜିଲା କରଞ୍ଜିଆସ୍ଥିତ ରାଣୀଶକ୍ତି ମନ୍ଦିର ସଭାଗୃହରେ ଶନିବାର ସନ୍ଧ୍ୟାରେ ଭାଜପା ପକ୍ଷରୁ ଏକ ବୁଦ୍ଧିଜୀବୀ ସମ୍ମିଳନୀ ଅନୁଷ୍ଠିତ ହୋଇଯାଇଛି। ମୋଦି ସରକାରଙ୍କ ୪୮ମାସ ପୂର୍ତ୍ତି ଅବସରରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ କୃପାସିନ୍ଧୁ ମହାନ୍ତଙ୍କ ଆବାହକତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପ୍ରଦେଶ ଭାଜପା ଉପସଭାପତି ରାଜକିଶୋର ଦାସ, ସାଧାରଣ ସମ୍ପାଦକ ଅନନ୍ତ କୁମାର ନାୟକ, ଜିଲା ସଭାପତି ନବୀନ ରାମ ପ୍ରମୁଖ ଉପସ୍ଥିତ ଥିଲେ।

ବାଣିଜ୍ୟକର କାର୍ଯ୍ୟାଳୟ ସ୍ଥାନାନ୍ତରକୁ ବିରୋଧ କରି ଧାରଣା

ବାଣିଜ୍ୟକର କାର୍ଯ୍ୟାଳୟ ସ୍ଥାନାନ୍ତରକୁ ବିରୋଧ କରି ଧାରଣା

ତାଳଚେର,୨୪।୬(ନି.ପ୍ର.): ଅନୁଗୋଳ ଜିଲା ତାଳଚେର ବାଇପାସଠାରେ ଥିବା ରାଜ୍ୟ ସରକାରଙ୍କ ବାଣିଜ୍ୟକର ଅଧିକାରୀଙ୍କ କାର୍ଯ୍ୟାଳୟକୁ ଅତି ତରବରିଆ ଭାବେ ଅନୁଗୋଳକୁ ସ୍ଥାନାନ୍ତର କରାଯିବା ନେଇ ବିଭିନ୍ନ ମହଳରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଅନୁଗୋଳ ଜିଲା ବଣିକ ସଂଘର ସଦସ୍ୟ, ଯୁବସମାଜସେବୀ ସଙ୍ଗଠନ ଏବଂ ଭାଜପା ପକ୍ଷରୁ ଏହାର ବିରୋଧ କରାଯାଇ ରବିବାର କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦିଆଯାଇଛି।

ବାପାଙ୍କ ଅସ୍ଥି ବିସର୍ଜନ କରିବାକୁ ଯାଇଥିଲେ,  ଶବ ହୋଇ ଫେରିଲେ

ବାପାଙ୍କ ଅସ୍ଥି ବିସର୍ଜନ କରିବାକୁ ଯାଇଥିଲେ, ଶବ ହୋଇ ଫେରିଲେ

ରିଷିଡ଼ା,୨୪।୬(ଡି.ଏନ.ଏ.) ପୁଅ ସାନ ହୋଇଥିବାବେଳେ ବାପା ମୃତ୍ୟୁବରଣ କରିଥିଲେ। ତେଣୁ ପିଲା ଦିନରୁ ସ୍ବପ୍ନ ଥିଲା ଯେ, ବାପାଙ୍କ ଅସ୍ଥିକୁ ପ୍ରୟାଗଠାରେ ବିସର୍ଜନ କରିବେ। ହେଲେ ପୁଅ ବଡ଼ ହେଲା ପରେ ବାପାଙ୍କ ଅସ୍ଥି ପ୍ରୟାଗରେ ବିସର୍ଜନ କରିବାକୁ ଆହ୍ଲାବାଦ ଯାଇଥିଲେ। କିନ୍ତ ଶବ ହୋଇ ଫେରିଲେ। ଭାଗ୍ୟର ବିଡମ୍ବନା, ଘରକୁ ଫେରୁଥିବାବେଳେ ଷ୍ଟେଶନରେ ଘଟିଲା ଅଘଟଣ। ଟ୍ରେନ ଚଢୁଥିବା ବେଳେ ଖସିପଡି ଜୀବନ ହାରିଲେ। ସେ ହେଉଛନ୍ତି, ସୀତାରାମ ବାରିକ(୩୨)। ତାଙ୍କ ଘର କଳାହାଣ୍ଡି ଜିଲା କର୍ଲାମୁଣ୍ଡା ବ୍ଳକ ସଦର ପଞ୍ଚାୟତ ଅନ୍ତର୍ଗତ ଝାରମୁଣ୍ଡା ଗ୍ରାମରେ।

କେଶଲଗା ହତ୍ୟାକାଣ୍ଡର ୬ବର୍ଷ ପରେ ରାୟ: ଅଭିଯୁକ୍ତଙ୍କୁ ୭ବର୍ଷ ଜେଲ

କେଶଲଗା ହତ୍ୟାକାଣ୍ଡର ୬ବର୍ଷ ପରେ ରାୟ: ଅଭିଯୁକ୍ତଙ୍କୁ ୭ବର୍ଷ ଜେଲ

ବୀରମହାରାଜପୁର, ୨୪।୬(ଡି.ଏନ.ଏ.) ସୁବର୍ଣ୍ଣପୁର ଜିଲା ବୀରମହାରାଜପୁର ଥାନା ଅନ୍ତର୍ଗତ କେଶଲଗା ଗ୍ରାମରେ ୬ବର୍ଷ ତଳେ ସଂଘଟିତ ଏକ ହତ୍ୟା ମାମଲାର ରାୟ ପ୍ରକାଶ ପାଇଛି। ସୋନପୁର ଜିଲା ଅତିରିକ୍ତ ଦୌରାଜଜ୍‌ ଉକ୍ତ ମାମଲାରେ ଅଭିଯୁକ୍ତ ସୁରେଶ ଠେଲା(୩୬)ଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ଏଥିରେ ପୋଲିସ ପକ୍ଷରୁ ୩୦୨ ଦଫା ଆଇପିସିରେ ଚାର୍ଜଶିଟ୍‌ ଦାଖଲ କରିଥିଲେ ହେଁ ବିଚାର ପ୍ରକ୍ରିୟା ଶେଷରେ ଦୋଷୀ ସାବ୍ୟସ୍ତ ସୁରେଶଙ୍କୁ ୩୦୪ (୨) ଦଫାରେ ୭ବର୍ଷ ସଶ୍ରମ କାରଦଣ୍ଡ ଶୁଣାଇଛନ୍ତି ।

ସମବାୟ ପରିଚାଳନା ପ୍ରତିଷ୍ଠାନ ପରିଦର୍ଶନ କଲେ ମନ୍ତ୍ରୀ

ସମବାୟ ପରିଚାଳନା ପ୍ରତିଷ୍ଠାନ ପରିଦର୍ଶନ କଲେ ମନ୍ତ୍ରୀ

ବ୍ରହ୍ମପୁର ଅଫିସ,୨୪ା୬- ଗୋପାଳପୁର ସମବାୟ ପରିଚାଳନା ପ୍ରତିଷ୍ଠାନକୁ ଖାଦ୍ୟଯୋଗାଣ ଓ ଖାଉଟି କଲ୍ୟାଣ ସମବାୟ ବିଭାଗ ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ର, ବ୍ରହ୍ମପୁର ଏମ୍‌ପି ସିଦ୍ଧାନ୍ତ ମହାପାତ୍ର ଶୁକ୍ରବାର ପରିଦର୍ଶନ କରିଛନ୍ତି।

Model This Week

ଆହାନା