ମନୋରଞ୍ଜନ |

ଫିଲ୍ମ ଫ୍ରାଇଡେ’: ରିଲିଜ୍‌ ହେବ ‘ହେଟ୍‌ ଷ୍ଟୋରି-୪’

ଫିଲ୍ମ ଫ୍ରାଇଡେ’: ରିଲିଜ୍‌ ହେବ ‘ହେଟ୍‌ ଷ୍ଟୋରି-୪’
ଭୁବନେଶ୍ୱର,୮।୩(ବ୍ୟୁରୋ)-ଫିଲ୍ମ ଫ୍ରାଇଡେ’ରେ ଏଥର ରିଲିଜ୍‌ ହେବ ତିନି ତିନୋଟି ହିନ୍ଦୀ ଫିଲ୍ମ। ଗତଥର ରିଲିଜ୍‌ ହୋଇଥିବା ଅନୁଷ୍କା ଶର୍ମାଙ୍କ ‘ପରୀ’ ବକ୍ସ ଅଫିସରେ ସେତେଟା ଭଲ ପ୍ରଦର୍ଶନ କରି ନ ଥିବା ବେଳେ ଏଥର ଓ୍ବିକେଣ୍ଡ କିନ୍ତୁ ୩ଟି ଭିନ୍ନ ସ୍ବାଦର ଫିଲ୍ମ ଦେଖିବାକୁ ଯାଉଛି। ବହୁ ପ୍ରତୀକ୍ଷିତ ଏରୋଟିକ୍‌ ଥ୍ରୀଲର ଫିଲ୍ମ ‘ହେଟ୍‌ ଷ୍ଟୋରି’ ସିରିଜ୍‌ର ୪ର୍ଥ ଫିଲ୍ମ ‘ହେଟ୍‌ ଷ୍ଟୋରି-୪’ ସହ ଆଉ ଦୁଇଟି ଫିଲ୍ମ ‘ଦିଲ୍‌ ଜଙ୍ଗ୍‌ଲୀ’ ଓ ‘ଥ୍ରୀ ଷ୍ଟୋରେଜ୍‌’ ଚଳିତ ଶୁକ୍ରବାର ମୁକ୍ତିଲାଭ କରିବ। ଏହାସହ ଆମେରିକାନ୍‌ ଆକ୍ସନ ଓ ଆଡ୍‌ଭେଞ୍ଚର ଫିଲ୍ମ ‘ଟମ୍‌ ରେଡର’ ମଧ୍ୟ ଏଥର ଫିଲ୍ମ ଫ୍ରାଇଡେ’ରେ ରିଲିଜ୍‌ ହେବାକୁ ଯାଉଛି। ବିଶାଲ ପାଣ୍ଡ୍ୟାଙ୍କ ନିର୍ଦ୍ଦେଶିତ ‘ହେଟ୍‌ ଷ୍ଟୋରି-୪’ର ଲିଡ୍‌ରୋଲରେ ରହିଛନ୍ତି ଉର୍ବଶୀ ରଟେଲା ଓ କରନ ଓ୍ବାହି। ଫିଲ୍ମରେ ଉର୍ବଶୀ ଓ କରନଙ୍କ ହଟ୍‌ କେମେଷ୍ଟ୍ରି ବିଶେଷ ଆକର୍ଷଣ ହୋଇଥିବା ବେଳେ ପ୍ରତିଥର ଭଳି ଏଥର ମଧ୍ୟ ସମୀର ଆରୋରାଙ୍କ କାହାଣୀ ଦର୍ଶକଙ୍କୁ ଆକୃଷ୍ଟ କରିବ। ସବୁଠାରୁ ବଡ଼କଥା ହେଲା, ହେଟ୍‌ ଷ୍ଟୋରିର ଏହି ସିକ୍ୟୁଏଲ୍‌ ଏକ ସତ କାହାଣୀକୁ ନେଇ ପ୍ରସ୍ତୁତ ହୋଇଛି। ସେହିଭଳି ରିଲିଜ୍‌ ପୂର୍ବରୁ ଫିଲ୍ମର ଟ୍ରେଲର ଏବଂ ପ୍ରତ୍ୟେକ ଗୀତ ସୁପରହିଟ୍‌ ହୋଇଥିବାରୁ ଫିଲ୍ମ ମଧ୍ୟ ବକ୍ସ ଅଫିସରେ ଭଲ ପ୍ରଦର୍ଶନ କରିବ ବୋଲି ଆଶା କରାଯାଉଛି। ପ୍ରେମ, ପ୍ରତାରଣା ଓ ପ୍ରତିଶୋଧର କାହାଣୀକୁ ନେଇ ପ୍ରସ୍ତୁତ ‘ହେଟ୍‌ ଷ୍ଟୋରି-୪’ର ଅନ୍ୟାନ୍ୟ ଭୂମିକାରେ ଭିଭାନ ଭାଟେନା, ଇହାନା ଧିଲନ୍‌, ଗୁଲଶନ ଗ୍ରୋଭର ଏବଂ ରିତା ସିଡ୍ଡିକିଙ୍କୁ ଦେଖିବାକୁ ମିଳିବ। ସେହିଭଳି ଅର୍ଜୁନ ମୁଖାର୍ଜୀଙ୍କ ନିର୍ଦ୍ଦେଶିତ ‘ଥ୍ରୀ ଷ୍ଟୋରେଜ୍‌’ରେ ଗୋଟିଏ ନୁହେଁ କି ଦୁଇଟି ନୁହେଁ, ୩ଟି ଭିନ୍ନ ଭିନ୍ନ କାହାଣୀକୁ ଦେଖିବାକୁ ମିଳିବ। ରିତେଶ ସିଧଓ୍ବାନୀ, ଫରାନ ଅଖତର ଏବଂ ପ୍ରିୟା ଶ୍ରୀଧରନ୍‌ଙ୍କ ପ୍ରଯୋଜିତ ଏହି ଥ୍ରୀଲର ଡ୍ରାମାର ଲିଡ୍‌ରୋଲରେ ରିଚା ଚଢା, ପୁଲକିତ୍‌ ସମ୍ରାଟ ଓ ସରମନ ଯୋଶୀ ରହିଥିବା ବେଳେ ଅନ୍ୟାନ୍ୟ ଚରିତ୍ରରେ ଶନ୍ନି ସିଂ, ରେଣୁକା ସାହାଣେ, ଆୟେଶା ଅହମ୍ମଦ ଓ ଅଙ୍କିତ ରାଠିଙ୍କୁ ଦେଖିବାକୁ ମିଳିବ। ସେହିଭଳି ଫିଲ୍ମରେ ରେଣୁକା ସାହାଣେଙ୍କୁ ସମ୍ପୂର୍ଣ୍ଣ ନୂଆ ଅବତାରରେ ଦେଖିବାକୁ ପାଇବେ ଦର୍ଶକ। ଚଳଚ୍ଚିତ୍ରର ଶୁଟିଂ ବସ୍ତି ଅଞ୍ଚଳରେ ହୋଇଥିବା ବେଳେ ଏକ ନିର୍ଦ୍ଦିଷ୍ଟ ଗୋଷ୍ଠୀର କାହାଣୀକୁ ଏହା ପ୍ରତିଫଳନ କରିବ। ଅନ୍ୟପକ୍ଷରେ ରିଲିଜ୍‌ ହେବାକୁ ଥିବା ରୋମାଣ୍ଟିକ୍‌ କମେଡି ଫିଲ୍ମ ‘ଦିଲ୍‌ ଜଙ୍ଗ୍‌ଲୀ’ ଭିନ୍ନ ସ୍ବାଦର ଫିଲ୍ମ। ଫିଲ୍ମର କାହାଣୀ ସହ ନିର୍ଦ୍ଦେଶନା ଆଲେୟା ସେନ୍‌ ଦେଇଥିବା ବେଳେ ଏଥିରେ ତାପସୀ ପନ୍ନୁ, ସକିବ୍‌ ସଲିମ, ଅଭିଳାସ, ନିଧି ସିଂ ଓ ଆୟଶା କଦୁସକର ନଜର ଆସିବେ। ପ୍ରେମ ଓ ବନ୍ଧୁତାର ସମ୍ପର୍କ ଉପରେ ଫିଲ୍ମର କାହାଣୀ ପର୍ଯ୍ୟବସିତ ହୋଇଥିବା ବେଳେ ଏଥିରେ ଜବରଦସ୍ତ କମେଡିର ମଜା ନେଇପାରିବେ ଦର୍ଶକ।
All Right Reserved By

ମନୋରଞ୍ଜନ |

ମଲାଇକାଙ୍କ ପିଠିରେ ଲଭ୍‌ ବାଇଟ୍‌: ଭିଡିଓ ଭାଇରାଲ

ମଲାଇକାଙ୍କ ପିଠିରେ ଲଭ୍‌ ବାଇଟ୍‌: ଭିଡିଓ ଭାଇରାଲ

ମୁମ୍ବାଇ: ବଲିଉଡ୍‌ର ସେକ୍ସି କୁଇନ୍‌ ମଲାଇକା ଆରୋରା ଏବେ କୁଆଡେ ପ୍ରେମରେ ପଡିଛନ୍ତି ବୋଲି ଆଲୋଚନା ହେଉଛି। ପତି ଅରବାଜଙ୍କଠାରୁ ଅଲଗା ହେବା ପରେ ଏବେ ସେ ବଲିଉଡ୍‌ର ହ୍ୟାଣ୍ଡସମ୍‌ ହିରୋ ଅର୍ଜୁନ କପୁରଙ୍କ ପ୍ରେମରେ ପଡିଛନ୍ତି। 

ଦିନ ଗଣୁଛନ୍ତି ରିୟାନା

ଦିନ ଗଣୁଛନ୍ତି ରିୟାନା

ନବାଗତା ରିୟାନା ଶୁକ୍ଳା ପ୍ରଥମ ଥର ପାଇଁ ଓଡ଼ିଆ ସିନେମାରେ ପାଦ ଥାପିଛନ୍ତି। ତାଙ୍କ ଅଭିନୀତ ‘ଏ ଦିଲ ତତେ ଦେଲି’ର ରିଲିଜ ଦିନ ଯେତିକି ପାଖେଇ ଆସୁଛି ତାଙ୍କର ଉତ୍କଣ୍ଠା ସେତିକି ବଢ଼ି ଚାଲିଛି। 

ଟେନ୍‌ସନ୍‌ ଫ୍ରି ରଣବୀର

ଟେନ୍‌ସନ୍‌ ଫ୍ରି ରଣବୀର

ରଣବୀର ସିଂ ଏବେ ଟେନ୍‌ସନ ଫ୍ରି। କାରଣ ପ୍ରାୟ ଅନେକେ ଜାଣନ୍ତି, ବିବାହ ଆଉ ତିନି ତିନିଟା ରିସେପ୍ସନ ସାରିବା ପରେ ଏବେ ସେ ଶୁଟିଂକୁ ଫେରିଛନ୍ତି। ଏ ସମ୍ପର୍କରେ ରଣବୀର କହନ୍ତି, ”ବର୍ତ୍ତମାନ ପୂରାଦମ୍‌ରେ ଶୁଟିଂ ପାଇଁ ଟାଇମ୍‌ ଦେବାର ଅଛି।

ମଡେପଡନ୍ତି ସଲିମ

ମଡେପଡନ୍ତି ସଲିମ

ବଲିଉଡ୍‌ର ବିଶିଷ୍ଟ ସଂଳାପକାର ତଥା ଚିତ୍ରନାଟ୍ୟ ରଚୟିତା ସଲିମ ଖଁା। ଦୀର୍ଘ ପାଞ୍ଚ ଦଶନ୍ଧିରୁ ଊର୍ଦ୍ଧ୍ୱ ହେବ ସେ ହିନ୍ଦୀ ସିନେମାରେ ନିଜର ଆଧିପତ୍ୟ ବଜାୟ ରଖିଛନ୍ତି। ତାଙ୍କର ଆଉ ଏକ ପରିଚୟ ହେଲା ସେ ହେଲେ ବର୍ତ୍ତମାନର ଅନ୍ୟତମ ଲୋକପ୍ରିୟ ଅଭିନେତା ସଲମାନ ଖଁାଙ୍କ ପିତା। 

ଅଭିନୟ କରିବାକୁ ଇଚ୍ଛା

ଅଭିନୟ କରିବାକୁ ଇଚ୍ଛା

ଓଡ଼ିଆ ଯାତ୍ରାଜଗତର ଅନ୍ୟତମ ଗାୟିକା ତଥା ଉପସ୍ଥାପିକା କ୍ରିଷ୍ଣା ଏବେ ଆଉ ଗୋଟେ ପାଦ ଆଗକୁ ଯିବାର ଯୋଜନା ରଖିଛନ୍ତି। ତାହା ହେଉଛି ଅଭିନୟ। ସେ କହନ୍ତି , ”ମୋର ଅଭିନୟ କରିବାକୁ ଭାରି ଇଚ୍ଛା ଅଛି।

ଟ୍ରାଜେଡି ଷ୍ଟାରଙ୍କ ଯାତ୍ରା

ଟ୍ରାଜେଡି ଷ୍ଟାରଙ୍କ ଯାତ୍ରା

ସତ୍ୟ କଳ୍ପନାଠାରୁ ବି ଭୟଙ୍କର! ଜଲିଉଡ୍‌ର ଟ୍ରାଜେଡି ଷ୍ଟାର ସୁବାସ ବେହେରାଙ୍କ କାହାଣୀ ଶୁଣିବା ପରେ ଠିକ୍‌ ଏମିତି ମନେହୁଏ। ବାପା ମାଟି ଖୋଳିଲେ ତାଙ୍କ ଘରେ ଚୁଲି ଜଳେ। ପାଠ ପାଇଁ ପଇସା ନ ଥିଲା। ତଥାପି ସେ ମାଟ୍ରିକ୍‌ ପାସ୍‌ କଲେ। ଭାବିଥିଲେ, ବାପାଙ୍କଠୁ କିଛି ଟଙ୍କା ନେଇ ଗ୍ୟାରେଜଟେ କରିବେ। ମାତ୍ର ବାପା କୋଉଠୁ ଆଣିବେ ଟଙ୍କା? ଅଭିମାନରେ ଘର ଛାଡ଼ିଦେଲେ। 

ଉର୍ଦ୍ଦୁ ଶିଖୁଛନ୍ତି ଜାହ୍ନବୀ

ଉର୍ଦ୍ଦୁ ଶିଖୁଛନ୍ତି ଜାହ୍ନବୀ

ଜାହ୍ନବୀ କପୁର ଏବେ ଉର୍ଦ୍ଦୁ ଶିଖୁଛନ୍ତି। ହେଲେ କ’ଣ ପାଇଁ ? ହଠାତ୍‌ ଏମିତି ଉର୍ଦ୍ଦୁ ଶିଖିବା ପଛରେ ସେପରି କିଛି କାରଣ ଅଛି କି ? କଥା କ’ଣ କି, କରନ୍‌ ଜୋହରଙ୍କ ଆଗାମୀ ଫିଲ୍ମ ‘ତଖ୍‌ତ’ରେ ସେ ଅଭିନୟ କରିବାକୁ ଯାଉଛନ୍ତି। 

ପରିଣିତିଙ୍କ ବେଡ ରେଷ୍ଟ

ପରିଣିତିଙ୍କ ବେଡ ରେଷ୍ଟ

ପରିଣିତି ଚୋପ୍ରା ଏବେ ବେଡ୍‌ ରେଷ୍ଟ ନେଉଛନ୍ତି। ପ୍ରିୟଙ୍କା ଚୋପ୍ରାଙ୍କ ବାହାଘରକୁ ନେଇ ସେ  ବ୍ୟସ୍ତ ଥିଲେ। ଏହାପରେ ସେ ଏତେ ଟାୟାର୍ଡ ଯେ କିଛିଦିନ ରେଷ୍ଟ ନେବେ। ହେଲେ ଏହାପଛରେ ଆଉ ଏକ କାରଣ ମଧ୍ୟ ରହିଛି।

୮୩ ବର୍ଷରେ ପାଦ ଦେଲେ ଧର୍ମେନ୍ଦ୍ର

୮୩ ବର୍ଷରେ ପାଦ ଦେଲେ ଧର୍ମେନ୍ଦ୍ର

ମୁମ୍ବାଇ: ବଲିଉଡ୍‌ର ବିଶିଷ୍ଟ ତଥା ବରିଷ୍ଠ ଅଭିନେତା ଧର୍ମେନ୍ଦ୍ର ୮୩ବର୍ଷରେ ପଦାର୍ପଣ କରିଛନ୍ତି। ତାଙ୍କ ପତ୍ନୀ ତଥା ଚିରସବୁଜ ଅଭିନେତ୍ରୀ ହେମାମାଳିନୀ ତାଙ୍କୁ ‘ଦୀର୍ଘସ୍ଥାୟୀ ପ୍ରେମିକ’ ବୋଲି ଶୁଭେଚ୍ଛା ଜଣାଇଛନ୍ତି। 

ହୀରା ବ୍ୟବସାୟୀ ମର୍ଡର ମାମଲା: ଫସିଲେ ଗୋପୀ ବୋହୂ ଫେମ୍‌ ଦେବଲିନା

ହୀରା ବ୍ୟବସାୟୀ ମର୍ଡର ମାମଲା: ଫସିଲେ ଗୋପୀ ବୋହୂ ଫେମ୍‌ ଦେବଲିନା

ମୁମ୍ବାଇ, ୯।୧୨: ହୀରା ବ୍ୟବସାୟୀ ରାଜେଶ୍ୱର କିଶୋରୀଲାଲ୍‌ ଉଡ଼ାନୀଙ୍କ ଅପହରଣ ଓ ମର୍ଡର ମାମଲାରେ ମୁମ୍ବାଇ ପୋଲିସ ଟିଭି ଅଭିନେତ୍ରୀ ଗୋପୀ ବୋହୂ ଫେମ୍‌ ଦେବଲିନା ଭଟ୍ଟାଚାର୍ଯ୍ୟଙ୍କୁ ଆରମ୍ଭ କରିଛି ପଚରାଉଚରା। 

ଇମ୍ରାନ୍‌ଙ୍କ ସହ ଚୁମ୍ବନ ଦୃଶ୍ୟରେ ନିୟନ୍ତ୍ରଣ ହରାଇଥିଲେ ଦିୟା...

ଇମ୍ରାନ୍‌ଙ୍କ ସହ ଚୁମ୍ବନ ଦୃଶ୍ୟରେ ନିୟନ୍ତ୍ରଣ ହରାଇଥିଲେ ଦିୟା...

ମୁମ୍ବାଇ,୯।୧୨: ବଲିଉଡ୍‌ର ଚୁଲ୍‌ବୁଲି ଅଭିନେତ୍ରୀ ଦିୟା ମିର୍ଜା ରବିବାର ୩୭ ବର୍ଷରେ ପଦାର୍ପଣ କରିଛନ୍ତି। ୧୯୮୧ ଡିସେମ୍ବର ୯ରେ ସେ ଜନ୍ମଗ୍ରହଣ କରିଥିଲେ। 

ଶାହିଦ୍‌ କପୁରଙ୍କୁ କ୍ୟାନସର୍‌!

ଶାହିଦ୍‌ କପୁରଙ୍କୁ କ୍ୟାନସର୍‌!

ମୁମ୍ବାଇ, ୮।୧୨: ବଲିଉଡ ଅଭିନେତା ଇରଫାନ ଖାନ୍‌ ଓ ଅଭିନେତ୍ରୀ ସୋନାଲୀ ବେନ୍ଦ୍ରେଙ୍କ ପରେ ଇଣ୍ଡଷ୍ଟ୍ରିର ଆଉ ଜଣେ ଅଭିନେତାଙ୍କୁ କ୍ୟାନସର୍‌ ବୋଲି ସୋସିଆଲ ମିଡିଆରେ ଭାଇରାଲ୍‌ ହୋଇଛି।