ସମ୍ପାଦକୀୟ |

ସରକାରୀ ସମ୍ବଳର ଧାର୍ମିକ ଉପଯୋଗ

ସରକାରୀ ସମ୍ବଳର ଧାର୍ମିକ ଉପଯୋଗ

ସରଳ କୁମାର ଦାସ/
ହଜ୍‌ ଯାତ୍ରା ପାଇଁ ଦିଆଯାଉଥିବା ସବ୍‌ସିଡିକୁ ୨୦୧୮ରୁ ସମ୍ପୂର୍ଣ୍ଣ ଉଚ୍ଛେଦ କରାଯିବ ବୋଲି କେନ୍ଦ୍ର ସରକାରଙ୍କ ଘୋଷଣା ପରେ ଏ ନେଇ ବିତର୍କ ସୃଷ୍ଟି ହୋଇଛି। ମୁସଲିମ୍‌ ସଂଗଠନ ଓ ନେତାମାନେ ଯୁକ୍ତି ଦର୍ଶାଇଛନ୍ତି ଯେ ହଜ୍‌ ଯାତ୍ରା ପାଇଁ କେବେ ବି ଲୋକଙ୍କୁ ସବ୍‌ସିଡି ମିଳିନାହିଁ ବରଂ ସବ୍‌ସିଡିର ପ୍ରକୃତ ଲାଭ ପାଇଛି ଏୟାର ଇଣ୍ଡିଆ। ସେମାନଙ୍କ ମତରେ ସରକାର ବିମାନଯାତ୍ରା ଖର୍ଚ୍ଚର କିଛି ଅଂଶ ସବ୍‌ସିଡି ଆକାରରେ ଦିଅନ୍ତି ଓ ହଜ୍‌ ଯାତ୍ରୀଙ୍କ ପରିବହନରେ ଏକଚାଟିଆ ଅଧିକାର ଥିବା ଏୟାର ଇଣ୍ଡିଆ ବିମାନ ଟିକେଟର ମୂଲ୍ୟକୁ ହଜ୍‌ ସମୟରେ ବଢାଇ ଦେଉଥିବାରୁ ଯାତ୍ରୀଙ୍କ ପାଇଁ ସବ୍‌ସିଡିର କିଛି ମାନେ ହୁଏ ନାହିଁ। ସରକାରଙ୍କର ଏହି ପଦକ୍ଷେପରେ ତୁଷ୍ଟୀକରଣ ରାଜନୀତିର ଗନ୍ଧ ପାଇ କିଛି ନେତା ପ୍ରଶ୍ନ ଉଠାଇଛନ୍ତି ମାନସରୋବର ଯାତ୍ରା ଓ କୁମ୍ଭମେଳା ଭଳି ଧର୍ମୀୟ କାର୍ଯ୍ୟ ପାଇଁ ଦିଆଯାଉଥିବା ଅନୁଦାନ ବନ୍ଦ ହେବ କି? ତେଣୁ ଆଗାମୀ ଦିନରେ ହଜ୍‌ ସବ୍‌ସିଡି ପ୍ରତ୍ୟାହାର ନିଷ୍ପତ୍ତିର ଅନ୍ୟ ଧାର୍ମିକ ଗତିବିଧିରେ ହେଉଥିବା ସରକାରୀ ଅର୍ଥ ଓ ସମ୍ବଳର ବିନିଯୋଗ ଉପରେ କି ପ୍ରଭାବ ପଡିପାରେ ତାହା ବିତର୍କର ଅପେକ୍ଷା ରଖେ।
ଇସଲାମ୍‌ର ପ୍ରମୁଖ ୫ଟି ସ୍ତମ୍ଭ ହେଉଛି ସାହାଦା, ସାଲତ, ଜକାତ, ସମ୍‌ ଓ ହଜ। ଇସଲାମ ବିଶ୍ୱାସ ଅନୁଯାୟୀ ଶାରୀରିକ ଓ ଆର୍ଥିକ ଦୃଷ୍ଟିରୁ ସକ୍ଷମ ପ୍ରତ୍ୟେକ ମୁସଲମାନଙ୍କ ପାଇଁ ଜୀବନରେ ଅନ୍ତତଃ ଥରେ ସୌଦି ଆରବର ପବିତ୍ର ମକ୍କା ସହରକୁ ହଜ୍‌ କରିବାକୁ ଯିବା ଏକ ଅବଧାରିତ ଧାର୍ମିକ କର୍ତ୍ତବ୍ୟ। ପ୍ରତି ଦେଶର ମୁସଲମାନ ଜନସଂଖ୍ୟା ଆଧାରରେ ସେହି ଦେଶରୁ କେତେ ଜଣଙ୍କୁ ହଜ୍‌ ଯାତ୍ରା ପାଇଁ ସୁଯୋଗ ମିଳିବ, ତାହା ସୌଦି ଆରବ ସ୍ଥିର କରିଥାଏ। ସେହି ସୂତ୍ରରେ ଭାରତରୁ ପ୍ରତିବର୍ଷ ଲକ୍ଷାଧିକ ମୁସଲମାନ ହଜ୍‌ ଯାତ୍ରାରେ ଯାଇଥାନ୍ତି। ଆର୍ଥିକ ଦୃଷ୍ଟିରୁ ଅକ୍ଷମଙ୍କ ପାଇଁ ଏହି ଯାତ୍ରା ବାଧ୍ୟତାମୂଳକ ନ ହେଲେ ମଧ୍ୟ ହଜ୍‌ ଯାତ୍ରା ସବୁ ମୁସଲମାନଙ୍କ ପାଇଁ ବହୁ ଆକାଂକ୍ଷିତ ହୋଇଥିବାରୁ ସେମାନଙ୍କୁ ଏହି ଧାର୍ମିକ କାର୍ଯ୍ୟରେ ସହାୟତା କରିବା ଲାଗି ସରକାର ସବ୍‌ସିଡି ଦେଇ ଆସୁଥିଲେ।
ଦୀର୍ଘ ଦିନ ଧରି ହଜ୍‌ ସବ୍‌ସିଡି ଏକ ବିତର୍କର ବିଷୟ ହୋଇ ରହିଆସିଛି। ୨୦୧୨ ମସିହା ପର୍ଯ୍ୟନ୍ତ ପ୍ରତିବର୍ଷ ସରକାର ହାରାହାରି ୬୫୦ କୋଟି ଟଙ୍କା ହଜ୍‌ ସବ୍‌ସିଡି ଆକାରରେ ପ୍ରଦାନ କରୁଥିଲେ। ସେହି ବର୍ଷ ସୁପ୍ରିମ୍‌କୋର୍ଟ ଏକ ମାମଲାରେ କହିଥିଲେ- ”ଏକ ଧର୍ମନିରପେକ୍ଷ ରାଷ୍ଟ୍ର ନାଗରିକଙ୍କ ଧର୍ମୀୟ କାର୍ଯ୍ୟରେ ଅଂଶଗ୍ରହଣ କରିପାରିବ କି ଓ ଏହି ଧରଣର ଧର୍ମୀୟ କାର୍ଯ୍ୟ ପାଇଁ ପ୍ରତ୍ୟକ୍ଷ ବା ପରୋକ୍ଷ ଭାବେ ଆର୍ଥିକ ସହାୟତା ପ୍ରଦାନ କରିପାରିବ କି?“ ତେଣୁ ଧୀରେ ଧୀରେ ହଜ୍‌ ସବ୍‌ସିଡିକୁ କମାଇ ଆଗାମୀ ୧୦ ବର୍ଷ ମଧ୍ୟରେ ସମ୍ପୂର୍ଣ୍ଣ ଉଚ୍ଛେଦ କରିବା ସଙ୍ଗେ ସଙ୍ଗେ ସେହି ଅର୍ଥକୁ ସଂଖ୍ୟାଲଘୁ ସମ୍ପ୍ରଦାୟର ଶିକ୍ଷା ଓ ଅନ୍ୟ ସାମାଜିକ ବିକାଶ କାର୍ଯ୍ୟରେ ବିନିଯୋଗ କରିବାକୁ ଆଦେଶ ଦେଇଥିଲେ। ସେହି ଅନୁସାରେ ଗତ ୫ ବର୍ଷ ଧରି ପ୍ରତି ବର୍ଷ ହଜ୍‌ ସବ୍‌ସିଡିର ପରିମାଣ କମ୍‌ ହେଉଥିଲା, ଯାହା ଏ ବର୍ଷ ସମ୍ପୂର୍ଣ୍ଣ ଉଚ୍ଛେଦ କରାଗଲା। ତେଣୁ ଏହି ନିଷ୍ପତ୍ତି ସୁପ୍ରିମ୍‌କୋର୍ଟଙ୍କର, ତାକୁ ସରକାର କାର୍ଯ୍ୟକାରୀ କରିଛନ୍ତି ଯାହା।
ସମିଧାନର ଧାରା ୨୭ ଅନୁଯାୟୀ, କୌଣସି ନିର୍ଦ୍ଦିଷ୍ଟ ଧର୍ମ ବା ଧର୍ମୀୟ ଅନୁଷ୍ଠାନର ପ୍ରସାର ଓ ରକ୍ଷଣାବେକ୍ଷଣ ଉଦ୍ଦେଶ୍ୟରେ ଖର୍ଚ୍ଚ ପାଇଁ କୌଣସି ବ୍ୟକ୍ତିଙ୍କୁ ଟିକସ ଦେବାକୁ ବାଧ୍ୟ କରାଯାଇପାରିବ ନାହିଁ। ଅର୍ଥାତ୍‌, ଟିକସଦାତାଙ୍କଠାରୁ ସଂଗୃହୀତ ଟିକସ ରାଶିକୁ ଧାର୍ମିକ ଗତିବିଧି ଓ ମନ୍ଦିର, ମଠ, ଆଶ୍ରମ, ମସ୍‌ଜିଦ, ଦରଘା, ଚର୍ଚ୍ଚ, ଗୁରୁଦ୍ୱାର ଆଦି ଧର୍ମୀୟ ଅନୁଷ୍ଠାନର ନିର୍ମାଣ ଏବଂ ରକ୍ଷଣାବେକ୍ଷଣ ପାଇଁ ବ୍ୟୟ କରିହେବ ନାହିଁ। ତେବେ ଅନେକ ନିରୁତା ଧାର୍ମିକ ଗତିବିଧିରେ ପ୍ରତ୍ୟକ୍ଷ ବା ପରୋକ୍ଷ ଭାବେ ସରକାରୀ ଅର୍ଥ ଓ ସମ୍ବଳ ବିନିଯୋଗ ହେଉଥିବା କଥାକୁ ଅଣଦେଖା କରିହେବ ନାହିଁ। ଆଶ୍ଚର୍ଯ୍ୟର ବିଷୟ, ହଜ୍‌ ବ୍ୟତୀତ ଅନ୍ୟ ତୀର୍ଥଯାତ୍ରା ପାଇଁ ହେଉଥିବା ଖର୍ଚ୍ଚ ଉପରେ ମିତବ୍ୟୟିତା ଏବଂ ଧର୍ମନିରପେକ୍ଷତା ଆଧାରରେ କେବେ କୌଣସି ଉଦ୍‌ବେଗ ପ୍ରକାଶ ପାଏନାହିଁ। ଉଦାହରଣ ସରୂପ, କୈଳାସ ମାନସରୋବର ଯାତ୍ରା ପାଇଁ ଉତ୍ତରପ୍ରଦେଶ, ପଞ୍ଜାବ, ରାଜସ୍ଥାନ ସରକାର ୧ ଲକ୍ଷ ଟଙ୍କା ଲେଖାଏଁ ଅନୁଦାନ ଦେଉଥିବା ବେଳେ, ତାମିଲନାଡୁ, କର୍ନାଟକ, ହରିୟାଣା, ଗୁଜରାଟ, ଦିଲ୍ଲୀ ଓ ଅନ୍ୟ ସରକାରମାନେ ମଧ୍ୟ ଅନୁଦାନ ଦେଇଥାନ୍ତି। ଏତଦ୍‌ଭିନ୍ନ ମଧ୍ୟପ୍ରଦେଶ, ତାମିଲନାଡୁ, କର୍ନାଟକ, ଉତ୍ତରପ୍ରଦେଶ, ଉତ୍ତରାଖଣ୍ଡ, ରାଜସ୍ଥାନ, ହିମାଚଳ ପ୍ରଦେଶ, ଗୁଜରାଟ, ଆସାମ ଆଦି ସରକାର ତୀର୍ଥ ଦର୍ଶନ ଯୋଜନା ଜରିଆରେ ତୀର୍ଥଯାତ୍ରା ପାଇଁ ସହାୟତା ପ୍ରଦାନ କରୁଛନ୍ତି। ଏପରି କି ଖ୍ରୀଷ୍ଟିଆନମାନଙ୍କୁ ଜେରୁଜେଲମ୍‌ ଯାତ୍ରା ପାଇଁ ତାମିଲନାଡୁ ସରକାର ସହାୟତା ପ୍ରଦାନ କରୁଛନ୍ତି। କୁମ୍ଭମେଳା ଓ ଅନ୍ୟାନ୍ୟ ମେଳା ପାଇଁ ମଧ୍ୟ ଶହ ଶହ କୋଟି ଟଙ୍କାର ଅନୁଦାନ ଦିଆଯାଉଛି। ଓଡିଶା ସରକାରଙ୍କ ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନାରେ ପ୍ରତିବର୍ଷ ୩ ହଜାର ବରିଷ୍ଠ ନାଗରିକଙ୍କୁ ତୀର୍ଥଯାତ୍ରାରେ ବୁଲାଇ ନେବା, ପୁରୀରେ ହବିଷିଆଳିଙ୍କ ପାଇଁ ପ୍ରସାଦ ଓ ଅନ୍ୟାନ୍ୟ ବନ୍ଦୋବସ୍ତ କରିବା, ଭାଗବତ ଟୁଙ୍ଗିର ପୁନରୁଦ୍ଧାର ଆଦିରେ ରାଜକୋଷରୁ ଅର୍ଥ ବ୍ୟୟ ହେଉଛି। ବିଭିନ୍ନ ସ୍ଥାନରେ ଏମ୍‌ପି, ବିଧାୟକଙ୍କ ଆଞ୍ଚଳିକ ଉନ୍ନୟନ ପାଣ୍ଠିରୁ ଧର୍ମୀୟ ଅନୁଷ୍ଠାନମାନଙ୍କରେ ଟଙ୍କା ଖର୍ଚ୍ଚ ହେଉଛି। ଏ ସମସ୍ତ ଯୋଜନା ଓ କାର୍ଯ୍ୟକ୍ରମ ସମ୍ବିଧାନ ଓ ସୁପ୍ରିମ୍‌କୋର୍ଟଙ୍କ ରାୟର ବିରୁଦ୍ଧାଚରଣ କରୁନାହିଁ କି? ଅବଶ୍ୟ ତୀର୍ଥସ୍ଥଳୀମାନଙ୍କରେ ପ୍ରବଳ ଜନସମାଗମ ହେଉଥିବାରୁ ତୀର୍ଥଯାତ୍ରୀଙ୍କ ପାଇଁ ଆଇନଶୃଙ୍ଖଳା ବ୍ୟବସ୍ଥା, ସ୍ବାସ୍ଥ୍ୟସେବା, ପାନୀୟଜଳ, ଗମନାଗମନ ଆଦିର ସୁବନ୍ଦୋବସ୍ତ କରିବା ସରକାରଙ୍କ ଦାୟିତ୍ୱ।
ଶ୍ରୀଜଗନ୍ନାଥ ମନ୍ଦିରର ପରିଚାଳନା ସରକାରୀ ନିୟନ୍ତ୍ରଣାଧୀନ ହୋଇଥିବାରୁ ସରକାର ମନ୍ଦିର ପାଇଁ ପ୍ରତି ବର୍ଷ ବଜେଟରେ ଅର୍ଥ ବରାଦ କରିଥାନ୍ତି। ଶ୍ରୀଜଗନ୍ନାଥ ମନ୍ଦିର ପରିଚାଳନା ବାବଦକୁ ୨୦୧୭-୧୮ରେ ୨୯୦ କୋଟି ଟଙ୍କାର ବଜେଟ ପ୍ରସ୍ତୁତ ହୋଇଛି ଓ ତନ୍ମଧ୍ୟରୁ ରାଜ୍ୟ ସରକାର ୯୩ କୋଟି ଟଙ୍କା ଅନୁଦାନ ଆକାରରେ ଦେଉଛନ୍ତି। ଏତଦ୍‌ଭିନ୍ନ କମିଶନର ସ୍ତରର ଜଣେ ବରିଷ୍ଠ ଆଇଏଏସ୍‌ ଅଫିସର ମନ୍ଦିରର ପ୍ରଶାସକ ଭାବେ ଅବସ୍ଥାପିତ ଥିବାବେଳେ ଅନେକ ସରକାରୀ କର୍ମଚାରୀ ମନ୍ଦିର ପ୍ରଶାସନରେ କାର୍ଯ୍ୟରତ। ଅର୍ଥାତ୍‌ ଶ୍ରୀଜଗନ୍ନାଥ ମନ୍ଦିର ପରିଚାଳନାରେ ଉଭୟ ସରକାରୀ ଅର୍ଥ ଓ ମାନବ ସମ୍ବଳ ନିୟୋଜିତ ହେଉଥିବାରୁ ଭବିଷ୍ୟତରେ ଏହା ଉପରେ ମଧ୍ୟ ପ୍ରଶ୍ନ ଉଠିପାରେ। ଅନ୍ୟପକ୍ଷରେ ତିରୁପତି ମନ୍ଦିରର ପରିଚାଳନା ଭାର ସରକାରୀ ନିୟନ୍ତ୍ରଣ ବାହାରେ ଏକ ଟ୍ରଷ୍ଟ ହାତରେ ନ୍ୟସ୍ତ। ବାର୍ଷିକ ପ୍ରାୟ ୨୯୦୦ କୋଟି ଟଙ୍କାର ମନ୍ଦିର ବଜେଟରେ ସରକାର କୌଣସି ଅନୁଦାନ ଦେବା ତ ଦୂରର କଥା, ବରଂ ମନ୍ଦିର ତରଫରୁ ଆନ୍ଧ୍ର ପ୍ରଦେଶ ସରକାରଙ୍କ ସାଧାରଣ ହିତ ପାଣ୍ଠିକୁ କୋଟି କୋଟି ଟଙ୍କା ରାଜସ୍ବ ଆସିଥାଏ। ତେଣୁ ଜଗନ୍ନାଥ ମନ୍ଦିରର ପେସାଦାର ପରିଚାଳନା ଉପରେ ମଧ୍ୟ ବିଚାର ବିମର୍ଶ ହେବା ଉଚିତ।
୨୦୧୭ର ଅନ୍ୟ ଏକ ମାମଲାରେ ସୁପ୍ରିମ୍‌କୋର୍ଟ ଗୁଜରାଟ ଦଙ୍ଗାରେ କ୍ଷତିଗ୍ରସ୍ତ ମସ୍‌ଜିଦ, ଦରଘାଗୁଡିକର ପୁନରୁଦ୍ଧାର ଉଦ୍ଦେଶ୍ୟରେ ସରକାରଙ୍କୁ ସମ୍ପୂର୍ଣ୍ଣ ଆର୍ଥିକ କ୍ଷତିପୂରଣ ଦେବା ପାଇଁ ଗୁଜରାଟ ହାଇକୋର୍ଟ ଦେଇଥିବା ଆଦେଶକୁ ଖାରଜ କରି ସବୁ କ୍ଷତିଗ୍ରସ୍ତ ଧର୍ମାନୁଷ୍ଠାନକୁ କ୍ଷତିଗ୍ରସ୍ତ ସାଧାରଣ ଘରକୁ ଦିଆଯାଉଥିବା କ୍ଷତିପୂରଣ ଭଳି ସମାନ ପରିମାଣର ଅର୍ଥରାଶି ଦେବାକୁ ଆଦେଶ ଦେଇଛନ୍ତି। ସମ୍ବିଧାନର ଧାରା ୨୭ ଅନୁଯାୟୀ ଟିକସଦାତାଙ୍କ ଅର୍ଥର ବହୁଳ ଭାଗକୁ ଧର୍ମାନୁଷ୍ଠାନଗୁଡିକର ମରାମତିରେ ବିନିଯୋଗ କରାଯାଇପାରିବ ନାହିଁ। ଏହି ଧରଣର ବିଭିନ୍ନ ମାମଲାରେ ସୁପ୍ରିମ୍‌କୋର୍ଟଙ୍କ କ୍ରମାଗତ ରାୟକୁ ଅନୁଧ୍ୟାନ କଲେ ଗୋଟିଏ କଥା ସ୍ପଷ୍ଟ ଯେ ବିଭିନ୍ନ ଧାର୍ମିକ ଗତିବିଧି ପାଇଁ ସରକାରୀ ସମ୍ବଳର ବିନିଯୋଗ ସମ୍ବିଧାନସମ୍ମତ ନୁହେଁ ଓ ଏହାକୁ କୋର୍ଟ ଅନୁମୋଦନ କରୁନାହାନ୍ତି।
ଭାରତ ଏକ ଧର୍ମନିରପେକ୍ଷ ରାଷ୍ଟ୍ର ହୋଇଥିବାରୁ ସରକାର କୌଣସି ଧର୍ମ ବା ଧର୍ମୀୟ ଅନୁଷ୍ଠାନର କାର୍ଯ୍ୟ ସହ ପ୍ରତ୍ୟକ୍ଷ ଭାବେ ସଂଶ୍ଳିଷ୍ଟ ହେବାରୁ ବିରତ ରହିବା ସହିତ ରାଷ୍ଟ୍ରର ଅର୍ଥ ଓ ସମ୍ବଳ ଯେପରି ଧାର୍ମିକ ଗତିବିଧିରେ ବିନିଯୋଗ ନ ହୁଏ, ତାହା ସୁନିଶ୍ଚିତ କରିବା ଆବଶ୍ୟକ। ଧାର୍ମିକ ଗତିବିଧି ପାଇଁ ଦିଆଯାଉଥିବା ସବ୍‌ସିଡି, ଅନୁଦାନ ପ୍ରତ୍ୟାହାର ହେବା ବାଞ୍ଛନୀୟ। ଯଦି ଦୀର୍ଘଦିନରୁ ଚାଲି ଆସିଥିବା ହଜ୍‌ ସବ୍‌ସିଡି ଉପରେ ପ୍ରଶ୍ନ ଉଠି ସୁପ୍ରିମ୍‌କୋର୍ଟଙ୍କ ଆଦେଶ ପରେ ତାହା ପ୍ରତ୍ୟାହାର କରିବାକୁ ହେଲା, ତେବେ ଆଗାମୀ ଦିନରେ ଅନ୍ୟ ଧାର୍ମିକ ଗତିବିଧିରେ ସରକାରଙ୍କ ପ୍ରତ୍ୟକ୍ଷ ଅଂଶଗ୍ରହଣ ଉପରେ ପ୍ରଶ୍ନ ଉଠିଲେ କୋର୍ଟ ହସ୍ତକ୍ଷେପ କରି ସରକାରଙ୍କୁ ସେଥିରୁ ବିରତ ରହିବା ପାଇଁ ଆଦେଶ ନ ଦେବେ ବା କାହିଁକି?
(୪୮୬, ନୀଳକଣ୍ଠ ନଗର, ନୂଆପଲ୍ଲୀ, ଭୁବନେଶ୍ୱର,
ମୋ-୯୪୩୭୦୩୮୦୧୫)

All Right Reserved By

ସମ୍ପାଦକୀୟ |

 ଆଜିର ଅର୍ଥନୀତି/ପଦକ୍ଷେପ ଯଥେଷ୍ଟ ନୁହେଁ

ଆଜିର ଅର୍ଥନୀତି/ପଦକ୍ଷେପ ଯଥେଷ୍ଟ ନୁହେଁ

ଆଇସିଆଇସିଆଇ ବ୍ୟାଙ୍କ କର୍ତ୍ତୃପକ୍ଷ ଏହାର ସିଇଓ ଏବଂ ଏମ୍‌ଡି (ମୁଖ୍ୟ କାର୍ଯ୍ୟନିର୍ବାହୀ ତଥା ପରିଚାଳନା ନିର୍ଦ୍ଦେଶକ) ଚନ୍ଦା କୋଛରଙ୍କ ବିରୋଧରେ ଶେଷରେ ଯେଉଁ ପଦକ୍ଷେପ ନେଲେ, ତାହା ସେ ବହୁ ଆଗରୁ ନେବାର ଥିଲା। ତାଙ୍କ ବିରୋଧରେ ଚାଲିଥିବା ତଦନ୍ତ ଶେଷହେବା ପୂର୍ବରୁ ତାଙ୍କୁ ବାଧ୍ୟତାମୂଳକ ଭାବେ ଛୁଟି ଦିଆଯାଇଛି। କୋଛର ହେଉଛନ୍ତି ଭାରତୀୟ ବ୍ୟାଙ୍କିଙ୍ଗ୍‌ ଶିଳ୍ପର ଜଣେ ପୁରୁଣା ଖେଳାଳି। କର୍ପୋରେଟ୍‌ ଗଭର୍ନାନ୍ସର ନିୟମ ଉଲ୍ଲଂଘନ କରି ଋଣ ପ୍ରଦାନରେ ଅନୁଚିତ ଅନୁକମ୍ପା ଦେଖାଇଥିବା ଅଭିଯୋଗ ତାଙ୍କ ବିରୋଧରେ ରହିଛି। କୋଛର ପ୍ରସଙ୍ଗକୁ ପରିଚାଳନା କରିବାରେ ଆଇସିଆଇସିଆଇ ବ୍ୟାଙ୍କ ବୋର୍ଡର ଭୂମିକା ...

ସେମାନେ ଦେଖିଥିବା ଭାରତ

ସେମାନେ ଦେଖିଥିବା ଭାରତ

ଡ. ବାଞ୍ଛାନିଧି ପଣ୍ଡା ନିଜ ଦେଶର ଅତୀତର ଏକ ଉଜ୍ଜ୍ୱଳ ଚିତ୍ରର କୌଣସି ବିବରଣୀ ଆମେ ଯେତେବେଳେ ପଢିବାକୁ ପାଉ ଦେଶ ବିଷୟରେ ଗର୍ବ ଓ ଗୌରବର ଭାବନା ଆମ ମନରେ ସ୍ବତଃ ସୃଷ୍ଟି ହୁଏ। ଚାରିଜଣ ପରିବ୍ରାଜକଙ୍କ ଲେଖାରୁ ଆମେ ଭାରତବର୍ଷର ଅତୀତର ଏପରି ଏକ ଚିତ୍ର ଦେଖିବାକୁ ପାଉ। ସେମାନେ ହେଲେ ମେଘାସ୍ଥିନିସ, ଫାହିୟାନ, ହୁଏନ୍‌ସାଂ ଓ ଆଲବାରୁଣି। ମେଘାସ୍ଥିନିସ ଓ ଆଲବାରୁଣି ଉଭୟେ ବିଦ୍ୱାନ ସଭାସଦ୍‌ ଥିଲେ। ତେଣୁ ସେମାନେ ତାଙ୍କ ରଚନାରେ ଭାରତର ସାମାଜିକ ଓ ଅର୍ଥନୈତିକ ବ୍ୟବସ୍ଥା ଉପରେ ଅଧିକ ଗୁରୁତ୍ୱାରୋପ କରିଛନ୍ତି। ମାତ୍ର ଫାହିୟାନ ଓ ହୁଏନ୍‌ସାଂ ସନ୍ନ୍ୟାସୀ ପରିବ୍ରାଜକ ହୋଇଥିବାରୁ ସେମାନେ ଧର୍ମ ବିଷୟକ ବିବରଣୀକୁ ...

ଷ୍ଟାର୍‌ ଷ୍ଟାଟସ୍‌

ଷ୍ଟାର୍‌ ଷ୍ଟାଟସ୍‌

ପ୍ରକାଶ କୁମାର ସିଂହ ଷ୍ଟାର୍‌ମାନେ ଖାଲି ଆକାଶରେ ରହନ୍ତିନି, ଏଇ ମାଟିରେ ବି ଲୀଳାଖେଳା କରନ୍ତି ଆଉ ଅନେକଙ୍କର ହୃଦୟ ଜିଣନ୍ତି ଆଜ୍ଞା। ଷ୍ଟାରମାନେ ହେଲେ ଆମର ଆଦର୍ଶ। କିଏ କ୍ରୀଡ଼ା ଜଗତର ଷ୍ଟାର୍‌, କିଏ ଫିଲ୍ମ ଜଗତର ଷ୍ଟାର୍‌, କିଏ ସଙ୍ଗୀତ ଜଗତର ତ କିଏ ବିଜ୍ଞାନ ଦୁନିଆର ଷ୍ଟାର୍‌। ଷ୍ଟାର୍‌- ଯାହାକୁ ଆମେ ତାରକା କହୁ। ସେମାନେ ଆମ ଭଳି ସାଧାରଣ ମଣିଷ କିନ୍ତୁ ଅସାଧାରଣ ସେମାନଙ୍କର ପ୍ରତିଭା, ସେବା ମନୋଭାବ, ଧୈର୍ଯ୍ୟ, ସାହସ ଅବା କୃତିତ୍ୱ। କେଉଁ ଫିଲ୍ମରେ ବସ୍ତିର ପିଲା ଭୂମିକା କରି କିଏ ଷ୍ଟାର୍‌ ଷ୍ଟାଟସ୍‌ ପାଇଛି ତ କିଏ ବାଳକ ବୁଦ୍ଧିଆ ପରି ମାରାଥନ ଦୌଡି ଷ୍ଟାର୍‌ ପାଲଟିଛି। ତିଆରି ହୋଇଛି ଫିଲ୍ମ ବୁଦ୍ଧିଆ ବର୍ନ ଟୁ ରନ୍‌...। କିଏ ଡକାୟତକୁ ଘର ...

ଏଇ ଭାରତରେ

ଏଇ ଭାରତରେ

ଖେଳ ଶାରୀରିକ ବ୍ୟାୟାମ ତଥା ମନୋରଞ୍ଜନର ଏକ ଉତ୍ସ। ଏହା ଶିଶୁ, କିଶୋର ଓ ଯୁବକମାନଙ୍କ ପାଇଁ ଅତ୍ୟନ୍ତ ଆବଶ୍ୟକ। କିନ୍ତୁ ଏଥିପାଇଁ ଖେଳୁଆଡ଼ ମନୋବୃତ୍ତି ରହିବା ଦରକାର। ତା’ ନ ହେଲେ ଖେଳରୁ ବିବାଦ ସୃଷ୍ଟି ହୋଇ ଗଣ୍ଡଗୋଳ, ମାଡ଼ପିଟ ଓ ବେଳେବେଳେ ମୃତ୍ୟୁର କାରଣ ହୋଇପାରେ। ଦୁଇପକ୍ଷ ମଧ୍ୟରେ ବିଭେଦ ସୃଷ୍ଟିହୋଇ ଗଣ୍ଡଗୋଳ ହୋଇଥାଏ। କ୍ରିକେଟ୍‌ ଖେଳକୁ ନେଇ ଖଣ୍ଡଯୁଦ୍ଧ। ଏଥିରେ ଜଣେ ୧୫ବର୍ଷର ବାଳକ ବଳିପଡିଛନ୍ତି। ଏପରି ଏକ ଘଟଣା ଘଟିଛି ଉତ୍ତରପ୍ରଦେଶର ବାଲିଆଠାରେ। ମାସକ ତଳେ ଏକ କ୍ରିକେଟ୍‌ ମ୍ୟାଚ୍‌କୁ କେନ୍ଦ୍ରକରି ଭିକପୁର ଏବଂ ଶ୍ରୀପୁର ଗଁାର ଯୁବକଙ୍କ ମଧ୍ୟରେ ମାଡପିଟ ହୋଇଥିଲା। ଦୁଇ ଗଁାର ଭଦ୍ରଲୋକ ମଧ୍ୟସ୍ଥ ସାଜି ଗଣ୍ଡଗୋଳର ସମାଧାନ କରିଥିଲେ। ପରିସ୍ଥିତି କିଛିଦିନ ପାଇଁ ଶାନ୍ତ ପଡ଼ିଯାଇଥିଲା। କିନ୍ତୁ ବୁଧବାର ...

ପ୍ରାଣୀଙ୍କ ଜୀବନ ସହ ଖେଳ

ପ୍ରାଣୀଙ୍କ ଜୀବନ ସହ ଖେଳ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପ୍ରତିବର୍ଷ ବିଜ୍ଞାନାଗାରରେ କୋଟି କୋଟି ପ୍ରାଣୀଙ୍କ ଅଙ୍ଗପ୍ରତ୍ୟଙ୍ଗ କଟାଯାଉଛି। ଯେଉଁମାନେ ସରକାରରେ ଅଛନ୍ତି, ସେମାନେ ଭାବୁଛନ୍ତି ମଣିଷଙ୍କ ହିତ ପାଇଁ ଏହା ନିହାତି ଦରକାର। ସେମାନଙ୍କ ଧାରଣା ଯେକୌଣସି ଜିନିଷ ମଣିଷ ପାଖରେ ପହଞ୍ଚିବା ପୂର୍ବରୁ ପ୍ରାଣୀଠାରେ ପରୀକ୍ଷା ହୋଇଥିବା ଜରୁରୀ। ତେବେ ପ୍ରଶ୍ନ ଉଠୁଛି, ଏହା କ’ଣ ସତରେ ମଣିଷକୁ ନିରାପଦ କରୁଛି? ଚିନ୍ତା କରନ୍ତୁ, ପକ୍ଷୀ ପାଇଁ ଉଦ୍ଭାବିତ କୌଣସି ନୂଆ ଔଷଧକୁ କେବଳ ପକ୍ଷୀଠାରେ ହିଁ ପରୀକ୍ଷା କରାଯାଉଛି। ଏହାକୁ କ’ଣ କୁକୁରଠାରେ ପରୀକ୍ଷା କରାଯାଇପାରିବ? ତେଣୁ କାହିଁକି ମୂଷାଠାରେ ପରୀକ୍ଷିତ ଔଷଧ ମଣିଷକୁ ଦିଆଯିବ? ...

 ପରୀକ୍ଷା କେନ୍ଦ୍ରରେ ସିସି ଟିଭି

ପରୀକ୍ଷା କେନ୍ଦ୍ରରେ ସିସି ଟିଭି

ଡ. ସୁବାସ ଚନ୍ଦ୍ର ପାତ୍ର ଏବେ ଯୁକ୍ତ ୨ ପରୀକ୍ଷା ପାଇଁ ଉଦ୍ଦିଷ୍ଟ ପରୀକ୍ଷା କେନ୍ଦ୍ରଗୁଡ଼ିକରେ ସିସି ଟିଭି ଲାଗିବ ବୋଲି ସରକାରୀ ସ୍ତରରେ ନିଷ୍ପତ୍ତି ହୋଇଛି। ପରବର୍ତ୍ତୀ ସମୟରେ ତାହା ମହାବିଦ୍ୟାଳୟ ବା ବିଶ୍ୱବିଦ୍ୟାଳୟ ସ୍ତରୀୟ ପରୀକ୍ଷା କେନ୍ଦ୍ରରେ ଲଗାଇବାକୁ ମନସ୍ଥ କରାଯାଇଛି। ତେବେ ଏହି ସିସି ଟିଭି ଲାଗିବା ନେଇ ମିଶ୍ର ପ୍ରତିକ୍ରିୟା ଶୁଣିବାକୁ ମିଳୁଛି। କେତେକେ କହୁଛନ୍ତି, କିଛି ନ ହେଲେ ବି ପରୀକ୍ଷାର୍ଥୀ, ପରୀକ୍ଷା ନିୟନ୍ତ୍ରକ, କେନ୍ଦ୍ର ଅଧୀକ୍ଷକ ଓ ଅଭିଭାବକମାନଙ୍କ ମନରେ ଭୟ ଟିକେ ରହିବ। ସେମାନେ ଅସତ୍‌ ଉପାୟ ଅବଲମ୍ବନ ବା ସେ ପାଇଁ ପୃଷ୍ଠପୋଷକତା କରିବା ପୂର୍ବରୁ ଦୁଇଥର ଭାବିବେ। ଅନ୍ୟ ଏକ ଗୋଷ୍ଠୀ ଏହାକୁ ପ୍ରଭାବୀ ବୋଲି ଭାବୁନାହାନ୍ତି। ...

ପ୍ରଜ୍ଞା, ମେଧା ଓ ଯୋଗ

ପ୍ରଜ୍ଞା, ମେଧା ଓ ଯୋଗ

ବ୍ରହ୍ମାନନ୍ଦ ପଣ୍ଡା ଶରୀର ଏକ ରଥ, ଯହିଁରେ ଜୀବ ହେଉଛି ରଥୀ ବା ଆରୋହୀ। ଏ ରଥରେ ବୁଦ୍ଧି ସାରଥି, ମନ ଲଗାମ, ଇନ୍ଦ୍ରିୟମାନେ ହେଉଛନ୍ତି ଅଶ୍ୱ ଏବଂ ବିଷୟ ହେଉଛି ଗନ୍ତବ୍ୟ ମାର୍ଗ। ବିକ୍ଷିପ୍ତ ଆଲୋକରଶ୍ମିକୁ ଯବ କାଚରେ କେନ୍ଦ୍ରୀଭୂତ କରି ଯେପରି ଅଗ୍ନି, ତାପ ଓ ଆଲୋକ ସୃଷ୍ଟି କରାଯାଇପାରେ ଠିକ୍‌ ସେପରି ଯୋଗସାଧନା ଦ୍ୱାରା ଶରୀର, ମନ, ବୁଦ୍ଧି ଓ ଇନ୍ଦ୍ରିୟମାନଙ୍କୁ ନିୟନ୍ତ୍ରିତ କରି ସୁସ୍ଥ, ସବଳ ଓ ଦୀର୍ଘାୟୁ ଜୀବନ ଲାଭ କରାଯାଇପାରେ। ଯୋଗସାଧନା ଦ୍ୱାରା ଅନ୍ତଃକରଣକୁ ଶୁଦ୍ଧ କରି ପ୍ରାରବ୍ଧ ବା ଭାଗ୍ୟଫଳର ସଦୁପଯୋଗ ...

ଏଇ ଭାରତରେ

ଏଇ ଭାରତରେ

ଲେସ୍‌ବିଆନ୍‌, ଗେ, ବାଇସେକ୍ସୁଆଲ ଆଣ୍ଡ୍‌ ଟ୍ରାନ୍ସଜେଣ୍ଡର (ଏଲ୍‌ଜିବିଟି) ବର୍ଗ ଜୁନ୍‌କୁ ‘ପ୍ରାଇଡ୍‌ ମନ୍‌ଥ’ ବା ଗର୍ବର ମାସ ଭାବେ ପାଳନ କରୁଥିବା ବେଳେ କଲିକତାରେ ଜଣେ କିନ୍ନର ଚାକିରି ପାଇଁ ସାକ୍ଷାତ୍‌କାର ଦେବା ବେଳେ ଅଶ୍ଳୀଳତାର ସମ୍ମୁଖୀନ ହୋଇଥିବା ବିଷୟ ପଦାକୁ ଆସିଛି। ଇଂଲିଶ ଓ ଭୂଗୋଳରେ ସ୍ନାତକୋତ୍ତର ଡିଗ୍ରୀ ଅର୍ଜନ କରିଥିବା ହରିନ୍ମୟୀ ଦେ ଯୌନ ଅସ୍ତ୍ରୋପଚାର ପରେ ସୁଚିତ୍ରା ଦେ ଭାବେ ପରିଚିତ ହୋଇଥିଲେ। ଘରେ ବୃଦ୍ଧା ମା’ ଥିବାରୁ ସଂସାର ଚଳାଇବା ପାଇଁ ତାଙ୍କୁ ଚାକିରି ଖୋଜିବାକୁ ପଡ଼ିଲା। ...

ସମ୍ପାଦକୀୟ/ ସମୟ ଆଜି

ସମ୍ପାଦକୀୟ/ ସମୟ ଆଜି

୧୭ ଜୁନ୍‌, ୨୦୧୮ରେ ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ନରେନ୍ଦ୍ର ଦାମୋଦରଦାସ ମୋଦିଙ୍କ ଅଧ୍ୟକ୍ଷତାରେ ନୀତି ଆୟୋଗର ୪ର୍ଥ ଗଭର୍ନିଂ କାଉନ୍‌ସିଲ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇ ନ ଥିବାରୁ କେନ୍ଦ୍ରରୁ ରାଜ୍ୟଯାଏ ରାଜନୈତିକ ବାତାବରଣ ସରଗରମ ରହିଛି। ଏହି ବୈଠକରେ କେନ୍ଦ୍ର ସରକାରଙ୍କ ଆକାଂକ୍ଷିତ ଜାତୀୟ ସ୍ବାସ୍ଥ୍ୟ ସୁରକ୍ଷା ଯୋଜନା (ଏନ୍‌ଏଚ୍‌ପିଏସ୍‌) ବା ‘ଆୟୁଷ୍ମାନ୍‌ ଭାରତ’ ଏକ ପ୍ରମୁଖ ପ୍ରସଙ୍ଗ ପାଲଟିଥିଲା। ସମ୍ଭବତଃ ଏହି ଯୋଜନାରେ ଓଡ଼ିଶା ସାମିଲ ହେବ ନାହିଁ ବୋଲି ପୂର୍ବରୁ କହି ଦେଇଥିବାରୁ ମୁଖ୍ୟମନ୍ତ୍ରୀ ବୈଠକରେ ଯୋଗ ଦେଲେ ନାହିଁ ବୋଲି ଆଲୋଚନା ହେଉଛି। ତେବେ ବୈଠକର ଦିନକ ପୂର୍ବରୁ ପ୍ରଧାନମନ୍ତ୍ରୀଙ୍କୁ ମୁଖ୍ୟମନ୍ତ୍ରୀ ଦେଇଥିବା ଚିଠିକୁ ତର୍ଜମା କଲେ ବିଭିନ୍ନ ପ୍ରସଙ୍ଗ ନେଇ ରାଜ୍ୟ ସରକାରଙ୍କ ଅସନ୍ତୋଷ ଜଣାପଡ଼ିଯାଉଛି। ସଂଘୀୟ ବ୍ୟବସ୍ଥାରେ ରାଜ୍ୟ ବ୍ୟାପାରରେ କେନ୍ଦ୍ରର ଅତ୍ୟଧିକ ହସ୍ତକ୍ଷେପ ମୁଖ୍ୟମନ୍ତ୍ରୀଙ୍କୁ ବୈଠକରୁ ଦୂରେଇ ରଖିଥିବା ବୁଝାପଡ଼ୁଛି। କେବଳ ଓଡ଼ିଶା ନୁହେଁ। ଦିଲ୍ଲୀରେ ମଧ୍ୟ ସଂଘୀୟ ବ୍ୟବସ୍ଥାର ଯେଉଁଭଳି ଉଲ୍ଲଂଘନ କରାଯାଉଛି ତାହା ସମସ୍ତଙ୍କୁ ଚିନ୍ତାରେ ପକାଇଛି। ସେହିଭଳି ପଶ୍ଚିମବଙ୍ଗ, ପଞ୍ଜାବ ଭଳି କେତେକ ରାଜ୍ୟ କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ସହ ଏକମତ ହୋଇପାରି ନ ଥିବା ଦେଖିବାକୁ ମିଳିଛି। ...

 ପାଠକ ଶୂନ, ଲେଖକ ବେଶି

ପାଠକ ଶୂନ, ଲେଖକ ବେଶି

ଡ. ଶରତ ଚନ୍ଦ୍ର ରଥ ତାହା ସାହିତ୍ୟ ପଦବାଚ୍ୟ, ଯାହା ପାଠକ ମନକୁ ସୁନାସୂତାରେ ବାନ୍ଧିରଖେ। ତାହା ସଫଳ ଗଳ୍ପ, ଯାହା ପାଠକ ମନକୁ ଚହଲାଇଦିଏ, କିଛି କିଛି ଭଲ ବାଟ ବତାଏ, ଦରକାର ପଡିଲେ ଚାଲି ଶିଖାଏ। ତାହା ସଫଳ କବିତା, ଯାହା ପାଠକ ମନରେ ଭାବାନ୍ତର ସୃଷ୍ଟି କରେ, ବାସ୍ତବତା ସହିତ କଳ୍ପନାର ସମନ୍ବୟ କରିପାରେ। କବିତା କମ୍‌ ଶବ୍ଦରେ ଅଧିକ କଥା କହେ। ଗଳ୍ପ ସରିଗଲେ ନ ସରିଲା ପରି ଲାଗେ, କବିତା ସରିଗଲେ ଆଉ କିଛି କଥା ବୁଝିବା ପାଇଁ ବାକି ରହିଗଲା ପରି ଲାଗେ। ତାହା ସଫଳ ଉପନ୍ୟାସ, ଯାହା ଆଉ ଏକ ଦୁନିଆକୁ ନେଇଯାଏ, ଯେଉଁଠି ସ୍ନାୟୁରେ ଶିରାରେ ସଞ୍ଚରିତ ହୋଇଯାଏ ଅନେକ ହସଲୁହ, ସୁଖଦୁଃଖ, ଶାନ୍ତି ...

ରାମରାଜ୍ୟ ଓ ଗଣତନ୍ତ୍ର

ରାମରାଜ୍ୟ ଓ ଗଣତନ୍ତ୍ର

ଅରୁଣ ଦାସ ବାଲ୍ମିକୀଙ୍କ ରାମାୟଣ ପଢିଲା ପରେ ସମସ୍ତେ ରାମରାଜ୍ୟ କ’ଣ ଜାଣିଲେ। ମର୍ଯ୍ୟାଦାପୁରୁଷ ରାମ ଜଣେ ପ୍ରଜାବତ୍ସଳ ଓ ଆଦର୍ଶ ରାଜା ଥିଲେ। ଏପରି କି ପ୍ରଜାମାନଙ୍କ ମତକୁ ସମ୍ମାନ ଦେଇ ସେ ନିଜ ପ୍ରିୟତମା ପତ୍ନୀଙ୍କୁ ମଧ୍ୟ ବିତାଡ଼ିତ କରିଥିଲେ। ଏଥିରୁ ସ୍ପଷ୍ଟ ଅନୁମେୟ ଯେ ରାଜତନ୍ତ୍ରରେ ମଧ୍ୟ ଜନତାଙ୍କ କଥାକୁ ସମ୍ମାନ ଦେବାକୁ ଯାଇ ସ୍ବୟଂ ରାଜା ନିଜ ବ୍ୟକ୍ତିଗତ ଜୀବନରେ କଠୋର ନିଷ୍ପତ୍ତି ନେଇପାରନ୍ତି। ସେହିପରି ଖ୍ରୀଷ୍ଟପୂର୍ବ ୩୮୦ରେ ଗ୍ରୀସ୍‌ ଦାର୍ଶନିକ ପ୍ଲାଟୋ ଯେଉଁ ଦି ରିପବ୍ଲିକ ରଚନା କରିଥିଲେ, ସେଥିରେ ମଧ୍ୟ ଆଇଡ଼ିଆଲ ଷ୍ଟେଟ, ବା ଆଦର୍ଶ ରାଜ୍ୟ ଓ ଫିଲୋସଫର କିଙ୍ଗ୍‌ ବା ଦାର୍ଶନିକ ରାଜାର କଥା ଉପସ୍ଥାପନ କରିଛନ୍ତି। ପ୍ରାଚୀନ ...

ଏଇ ଭାରତରେ

ଏଇ ଭାରତରେ

ସମାଜରେ କୁସଂସ୍କାର ଏବଂ ଅନ୍ଧବିଶ୍ୱାସ ଯେ ମଣିଷକୁ କେତେ ତଳକୁ ନେଇଯାଏ, ତା’ର ସଦ୍ୟତମ ଉଦାହରଣ ଦେଖିବାକୁ ମିଳିଛି ବିହାର ରାଜ୍ୟର ପୁର୍ନିଆ ଜିଲା ଅନ୍ତର୍ଗତ ଆମନା ବଂଶ ବିଟା ଗାଆଁରେ। ୪୦ବର୍ଷ ବୟସ୍କା ଜନୈକା ମହିଳାଙ୍କୁ ଗୁଣିଗାରେଡି ସନ୍ଦେହରେ ତାଙ୍କ ପରିବାର ସଦସ୍ୟମାନେ ପିଟିପିଟି ମାରିଦେଇଛନ୍ତି। ମୃତ ମହିଳା ଜଣକ ହେଉଛନ୍ତି ପାର୍ବତୀ ମୁର୍ମୁ। ମୃତ ମହିଳାଙ୍କ ଝିଅର ବୟାନ ଅନୁଯାୟୀ, ତାଙ୍କର ଦାଦା ଦୀର୍ଘ ଦେଢ଼ବର୍ଷ ହେଲା ରୋଗରେ ପଡ଼ିଥିଲେ। ଯେତେ ଚିକିତ୍ସା କରାଗଲେ ମଧ୍ୟ ସେ ଭଲ ନ ହେବାରୁ ସୋମବାର ମୃତ୍ୟୁବରଣ କଲେ। ଦାଦାଙ୍କ ପରିବାର ସଦସ୍ୟଙ୍କ ଅଭିଯୋଗ ଅନୁଯାୟୀ, ...

Model This Week

ପ୍ରଭାତ